Post: #1
Title: د. حسام ابوعبيدة محمد على ..المهنية العاليةوالتعامل الطيب
Author: محمد عوض احمد
Date: 02-24-2017, 02:30 PM
01:30 PM February, 24 2017 سودانيز اون لاين
محمد عوض احمد-
مكتبتى
رابط مختصرد. حسام ابوعبيدة شاب لطيف فى مقتبل العمر , ومع ذلك ماشاء الله , إستشاري فى أمراض المخ والاعصاب لم اكن اشتكى من اى عِلَّة والحمدلله , مجرد مرافق, لمريضة كانت فى حال يائس,ولكن لـ د. حسام اسلوب ساحر, فى التعامل وفى شرح المرض بلا اى تعقيدات لغوية, ويكتب ببساطة روشتة العلاج, مريضتنا لم تشعر بعدها ابداً بان هناك مجهولاً فى انتظارها, تحسنت حالتها المعنوية اولاً بشكل ممتاز, وبعد شهر واحد, تخلصت من الكرسى المتحرك,ولم تعد تحتاج لمساعدة من احد, واليوم تتمتع بصحة جيدة جداً ولله الحمد,د. حسام يمتلك وحدة فى مستشفى امدرمان التعليمى, قسم المخ والاعصاب, ويشعر افراد الوحدة نحوه بالفخر والاعتزاز ويعملون فى فى ظل ظروف صعبة, ولكنهم يعاملون مرضاهم, باجمل ما يكون, كل طبيب فيهم مشروع إنسان قادم, بقوة لخدمةالوطن,
|
Post: #2
Title: Re: د. حسام ابوعبيدة محمد على ..المهنية العالي�
Author: Ahmed Elsadig
Date: 02-25-2017, 09:57 AM
Parent: #1
حمدا لله على سلامة مريضتكم
ووفق الله د. حسام وغيره من اطباء بلادي الى مافيه الخير
|
Post: #3
Title: Re: د. حسام ابوعبيدة محمد على ..المهنية العالي�
Author: عبد العزيز محمد عمر
Date: 02-25-2017, 10:03 AM
Parent: #2
محمد عوض أحمد
غاب ... وجاب
التحية لكل الأطباء في سودان الدهشة ...
ود الصادق ... أوع تكون محتاج لدكتور حساااام ..
ههه
|
Post: #4
Title: Re: د. حسام ابوعبيدة محمد على ..المهنية العالي�
Author: Ahmed Elsadig
Date: 02-25-2017, 10:38 AM
Parent: #3
Quote: ود الصادق ... أوع تكون محتاج لدكتور حساااام ..
|
ههههههههه
الظروف مامعروفه يا باك احسن من بدري بدري نعرف أسماء الدكاترة النجاض ديل
|
Post: #7
Title: Re: د. حسام ابوعبيدة محمد على ..المهنية العالي�
Author: محمد عوض احمد
Date: 02-25-2017, 05:58 PM
Parent: #3
عبدالعزيز كيفك يا زميل تعرف على سيرة الاطباء..نفسى بس الصحافة فى بلدناتخصص ليها محرر مختص بالشؤون الطبية ..لا يعقل مثلا ان تنشر اخبار الاخطاء الطبية رفقة اخبار الجرائم والقتل..فى السودان ينتظر الناس من كل طبيب ان يكون المسيح..ويفعل المعجزات ..مستشفى امدرمان مثلا ليس كما يشاع عنه..ومستوى الخدمة معقول جدا..بالرغم من ضغط الحالات التى تأتى من اقصى الاماكن..شاهدت اطباء امتياز يجمعون حتى مبالغ للمرضى فى العنابر ك مساعدة لهم...
|
Post: #6
Title: Re: د. حسام ابوعبيدة محمد على ..المهنية العالي�
Author: محمد عوض احمد
Date: 02-25-2017, 05:45 PM
Parent: #2
اخونا احمد الصادق
حبابك الف
احنا واطبائنا بخير والله..رغم كل الصعاب
يعمل الاطباء فى السودان فى بيئة عمل متردية .ولكن من بقى منهم داخل البلاد..يفعلون المستحيل..ويستحقون منا الشكر
|
Post: #5
Title: Re: د. حسام ابوعبيدة محمد على ..المهنية العالي�
Author: محمد عوض احمد
Date: 02-25-2017, 05:38 PM
Parent: #1
لا انسى ايضا عضو الوحدة حينها د. امنية المشلى
تتحرك من العنابر الى الحوداث..بجهد مضاعف..مع كل حالة.. لها التحية
|
Post: #8
Title: Re: د. حسام ابوعبيدة محمد على ..المهنية العالي�
Author: محمد عوض احمد
Date: 02-27-2017, 10:51 AM
Parent: #5
فى ايامنا بالمستشفى كان هناك اضراب معلن للاطباء. ومع مشروعية المطالب كانت د. امنية المشلى متواجدة..تطل فى كل صباح ومساء بابتسامة مشرقة. ويشعر الكل مرضى ومرافقين بالعافية الكاملة.. تخفف وتوجه بعض من البسطاء الذين يصيبيهم الارتباك عند محاولة اجراء ابسط معاملة داخل ردهات المستشفى الكبير .. غايتو اظن انو المغنين الزمان ليهم الحق فى التغنى لقبيلة الاطباء ولى يوم الزيارة ولشارع الاسبتالية
|
Post: #9
Title: Re: د. حسام ابوعبيدة محمد على ..المهنية العالي�
Author: عبد العزيز محمد عمر
Date: 03-01-2017, 06:18 AM
Parent: #8
Quote: غايتو اظن انو المغنين الزمان ليهم الحق فى التغنى لقبيلة الاطباء ولى يوم الزيارة ولشارع الاسبتالية
|
ناسنا الزمان ديل أخدوا 50 % من البكاء والجرسة وخلوا لينا الباقي ..
عمك عتيق دا ما خلى حاجة ( للزولة ) البيوصف فيها ...
انا كنت بسمي الأغنية حقتو دي ( الحب في زمن السلفة )... أظنك يا منقة ما حضرت زمن حبة ( السلفة)
سلفة .... ما سيلفي ...
هاك ليها
مريض سيادتك طايع أرادتك وقاصد عيادتك
من نظره خاطفه . وأقل عاطفه آلامه تشفى وحرارته تطفى
** ** **
مرضان سيادتك لازم عيادتك
أصبح أسيرك وصار مستجيرك . وماليه غيرك . وماذا يضيرك
بى روح وإلفه . لى روحه تلفى . بس حبه ( سًلْفه )
ولو فيها كُلفه
** ** **
فيك المحاسن سطعت شموسه أجمل رشاقه والطف أنوثه
وإذا سَفَرت وفي الروض خَطَرَت
ليك الأزاهر
تعزف مزاهر
والناس تظاهِر في كُل غرفه وكل شُرفه
** ** **
أياك طبيبي وأنت المداوي
وأياك حبيبي الخليتني راوي
لى فكرِي توحي . أدبي وطموحي وبالله روحي
أطلق صراحا
وأضمُد جراحا
وأدِّيها راحا
وقول فيها (وصفه) مع إبتسامتك دنياها تصفى
صباحك ورد
الشغيل
|
Post: #10
Title: Re: د. حسام ابوعبيدة محمد على ..المهنية العالي�
Author: محمد عوض احمد
Date: 03-02-2017, 09:20 PM
Parent: #9
حباب الشغيل
طبعا فى ارشيفى على قولك كلام كتير جدا عن الاطباء وح اعيدو قريب من تانى هنا...واحنا من دون من كل العالم عندنا تقدير خاص لكل من يدواى ...حكما وفقرا وكلو..
عمك عتيق وصحبو الله يرحمهم ما قصرو
بس الزول القال ارجوك يا صاحب السيادة قليل من مراهم من العيادة..هو برضو؟
|
|