Post: #1 Title: وداعا أصدقائي Author: زهير عثمان حمد Date: 02-24-2017, 01:31 PM Parent: #0
12:31 PM February, 24 2017 سودانيز اون لاين زهير عثمان حمد-السودان الخرطوم مكتبتى رابط مختصر كنت الي الامس القريب علي يقين أن هذا المكان يضم مجموعة مبجلة من الاخوة والاصدقاء الذين جمعتنا بهم الاسافير من أبناء وبنات السودان لكي نتواصل ويكون بيبننا لحمة الاخوة وكل ماهو خير نتعامل بكل أحترام للرأي والرأي الاخر قد نختلف ولكن لا يصل الامر الي التسفيه والاهانة وهذا لايليق بي وبكل المخلصين لذلك فضلت الابتعاد عن السجال والسقوط في الانا والابتذال ومساجلة السفهاء وها أنا أغادركم وبكل هدوء وأسال الله لكل التوفيق ولقد كنت بالفعل مع أهل وأصدقائي ولكم كل الود أيها البورداب والقراء والعابرين
*مبسوط كدا يا ود المدير
*أنا موجود في صحفات أخري ومواقع سودانية حتي أحر العمر
Post: #2 Title: Re: وداعا أصدقائي Author: عبد الصمد محمد Date: 02-24-2017, 01:46 PM Parent: #1
لا يا أبوالزوز ما تزعل يا أخوي أي زول في وسط إجتماعي قد يتعرض للظلم أو فاحش القول لكنك صنعت مكاناً متميزاً لك في خارطة سودانيزأونلاين وثغرتك لا يسدها أحد أرجوك أبقى معنا ولنا
الكلام دا عيب منك يا زهير وخسارة أن تغادر المنبر بهذه الكلمات التي لا تليق بك قبل أن تكون غير لائقة بحق زميل لنا يحظى بتقدير الناس هنا أرجو أن تعتذر عن ما كتبته وتسحب البوست
كما أرجو من صاحب المنبر أن يقوم بسحب البوست في حال لم يقم صاحبه بذلك
Post: #4 Title: Re: وداعا أصدقائي Author: محمد عبد الله الحسين Date: 02-24-2017, 02:00 PM Parent: #3
الأخ زهير رغم عدم معرفتي بما حدث و من تقصد من الزملاء الذي جعلك تتخذ هذا القرار المتعجل و لا أعرف ماذا قال و لكني أقول: أنت من أكثر الأقلام التي لمسنا منها أدب جم و احترام للجميع. و كذلك قلمك من أكثر الأقلام التبي نقلت المفيد و ليس الغث و لا الخارج من القول. لذلك خروجك سيكون خسارة كبيرة و هذا الوقت نحن أكثر ما نكون للأقلام المفيدة و المحترمة و المهذبة. لذلك نطلب منك بكل صدق أن تسحب فكرة ابتعادك عن المنبر و أن تعلو على جراحك فوق جهل الجاهلينا و أن لا تلتفت للأقلام الهادمة. أرجو ذلك و في انتظار مراجعتك العاجلة لها القرار الذي لا يشبهك أنت كذلك فأنت أكبر من تهتز لبعض عبارات أو كلمات.
ياخي أنت من الأقلام التي تحظى بحب عدد كبير من الزملاء هنا أنا واحد منهم.
حبنا لك لا يمنعنا أن نخالفك و هو ما يدفعنا في أحيان كثيرة لكتابة رأينا المخالف لك.
ما كتبته في هذا البوست محسوب عليك و عيب كبير منك أتمنى أن تراجع نفسك فيه و تقوم بمسحه و الإعتذار عنه.
Post: #8 Title: Re: وداعا أصدقائي Author: حمد إبراهيم محمد Date: 02-24-2017, 02:34 PM Parent: #3
السلام عليكم أخوي زهير ...
تعرف يا ابو الزهور ، اكثر من مرة حاولت ارسل مثل رسالتك هذه واغادر الى مرافئ اخرى
لكن تحداني اصرارك على بث ما يبقى في الارض وينفع الناس.
فقلت في نفسي يعني ابو الزهور يتحداني ويبحر فاردا شراعيه رغم الظلمة والظلم وهوج الرياح المتوحشة - وكور الحداد -
عندها قبلت تحديك واستمريت اتاتي في جهد المقل عسى ان اتمسح في اكمام قفطانك الذهبي ويلفحني انهمال نبعك الفياض معرفة
تضيء عتمة الطريق.
معرفتي بك من خلال كتاباتك عندها كنت المتلقي فقط ... المرة الوحيدة لي كانت مداخلة عن خطأ وقع بشان كلام المولى عز وجل - القران الكريم ظننت ان كاتبها ذاك الاشتر، لكنك تداركت الخطأ وكان التصحيح باضافة (لو) التي سقطت وغيرت معنى الفقرة تماما .
عندها زاد يقيني انك ناصع السريرة.
فلا تحرمنا من جهودك في بذل المعرفة التي تجمع شتاتنا في المنبر العام.
Post: #11 Title: Re: وداعا أصدقائي Author: زهير عثمان حمد Date: 02-24-2017, 03:08 PM Parent: #10
أشكر الجميع علي هذه المشاعر ولكم مني كل الامتنان
وأظن أكثر من عشرة سنوات بالمنبر كفاية الفرصة الان للشباب علهم يقدمون الانفع أحمد الله علي الهزيمة ومن منكم منتصر حتي علي أبسط طبائعه وسلوك اليومي جلال تمت ما وددت ولن أعود يا صديقي دنيانا صغيرة سوف نلتقي لو أمد الله في الاجل مع تحياتي للكل
مسألة المطالبة بمصدر الخبر يا زهير مرتبطة بمدى مصداقية هذا الخبر يعني مثلاً بوستات سقوط الدولار امام الجنيه السوداني هل تتمتع بأي مصداقية سواء من الواقع او من سمعة كاتبها القاريء يضع نسبة المصداقية لأي خبر حسب المصدر والكاتب وصدقه فيما يكتب وانت لا يخفى عليك كل هذا خبرك الجبتو مهم وكلام مترابط ومتوقع حدوثه وانا برضو هناك طالبتك بالمصدر لا لشيء غير التيقن من صحة الخبر ولا اجد داعياً للغضب او الزعل ومغادرة المنبر الذي يتابعك فيه الكثيرن وانت تعلم ذلك مخاشنة العضو المعني لك في ذلك البوست مدانة من جانبي ولكن ما خطه قلمك في هذا البوست والبوست المعني في حق ذلك الزميل مدان بكل ما تحمله الكلمة من معنى ويستوجب الاعتذار عنه فما هكذا الاختلاف يا زهير
ارجو ان تلبي رغبتي وجميع الاعضاء العلقو قبلي بعدم المغادرة
شكراًيا زهير اخوى على التعديل و ياها المحرية فيك الآن اسحب ادانتى و اتراجع عن المطالبة بسحب البوست و تظل امنبتى فى عدم مغادرة المنبر كما هى و ح نتلاقى ان شاء الله و قريب جدّاً كان ربنا مد فى الآجال
زهير ازييك والله لو شفت بوستات تم زعمطة ريشي فيها لهانت لك قضيتك ولاعتبرتني ولي من اولياء الله الصالحين برغم أنني كنت محقا وصادقا الان انا صديق حميم لكل من أعمل يده في زعمطة ريشي لانني اكتشفت ان قلوبهم صافية وهي خلافات تلعب فيها العوطف الصادقة دورا سلبيا لك المحبة زابق معنا
يبدو لي فاتني شي ارجو من الصديق زهير ان يقر في مكانه ويعتذر لمن اساء له فظني فيه طيبة القلب اعتذر يا صاحب لن يزيدك الاعتذار إلا طولا ان سمعت رجاءات الاصدقاء او ركبت راسك ولا اظنك تخيب ظن الاخوان فيك
Post: #21 Title: Re: وداعا أصدقائي Author: محمد على طه الملك Date: 02-24-2017, 07:40 PM
معقول يا زهير أنت حساس للدرجة دي ؟ كان قاصد بوست ود المدير بتاع الاسهال ياخي الراجل بحتج على كثرة البوستات ما بنتقدك في شخصك .. خلي بالك سلبه يا الحبيب .
ابو الزوز يا زول يا جميل وين فايت مروح خليك موجود وصامد وهل لازم نرضي الجميع اكيد صعب وبوستاتك ليها رواده وقراءها وانت صحفي والصحفي ما برمي سلاحو ويهرب من الميدان وانت سلاحك قلمك وحرفك فعشان خاطرنا خليك موجود وكون الصمود ما تكون الزيف تحياتى
تحياتك لك ايها الطيب الجميل زهير اينما حللت وهطلت الحقيقة وحدها تشهد خلافا بيني وبينك في الكثير من الافكار والافعال غير اني احببتك بصدق عبر هذا الاثير .. وتمنيت ان أقرأ لك بدون توقف بل وأن أكون في معية صدقك واحاسيك النبيلة اينما وكيفما كنت .. وان استبدل كل خلافي معك حبا وقربى
أخونا زهير .. ماتبقى زول حساس زيادة عن اللزوم .. وتتسرع في حكمكـ وفي قراراتكـ .. وتفتكر انه النقد لما تكتب موجه لك شخصياً .. أو به ما يمس شخصك من احترام وتقدير بنفوسنا .. وأعتقد الاخوان الانتقدوا الخبر الخالي من المصدر .. وانا منهم قطعاً لمن ننتقص من احترامكـ .. أو تقديرك الشخصي بدواخلنا.. وحتى إن كنت زعلان من كلام اخونا المدير عن كثرة مشاركاتكـ .. فده نقدر نعتبره مزاح بين الاخوان .. ولا أعتقد معاوية المدير يقلل من شخصكـ أو يستهين بكـ .. فدي حاجة . ودي حاجة تانية خالص .. فلا يختلط عليك الامر .. والله انت زول حبيبنا وتقديرك واحترامك محفوظ بيننا ..
وتمنياتي بأن تبقى .. لأن الناس هنا كلهم أخوان وأحبه .. فحتى إن تازعلنا واحتدينا قليلاً .. حتماً ستجدنا باقين على المحبة والأخوه .. فلتبقى يأخ .. تقديري ...
الواحد يغيب من المنبر دا كم ساعة.. يجى يلقى العجاجة للسما.. هسى يا زهير دا و كتو ؟! و لا أت فاكر الحكاية سااااهلة كدا.. تخش و تطلع على كيفك.. حق القراء عليك حتعمل فوقه شنو ؟ و بعدين أت ما قريت الحصل لينا فى المنبر دا ؟ و لا فى الصفحة المجاورة ؟ صعاليك وصعلوقات ما أنزل الله بهم من سلطان.. شى جداد الكترونى وشى معارضة.. و أهو لسة قاعدين.. عشان القعاد ما بى كيفنا.. فى قضية بلد.. وفى دين فى رقبتك للربوك عشان تقوم بدورك فى الحياة.. فشنو ؟ بالله يا اخ بطل البتعمل فوقه دا و نور الصفحة مرة تانية...
فعلاً الزول مابيكَرِّموه فى البلد دى الا بعد يموت. يعنى هسع زهير ده يكتب ليهو عشرة سنوات زى ماقال مافى زول قاعد يكتب فى بوستاتو اول ما قال ماشى جيتوا تكتبوا؟ عشان كدى يا ابوالزوز ماتمشى .
هههههههههههههههههه، طبعاً لا يا ابو الزوز. يأخي يشهد الله العظيم يا دابي دخلت البوست دا ؤ مدآخلتك المحزوفة وحات الله ما شُفتها، لكن بأمِن علي كل حرف كتبتو فيها وأقولك يا زول لآفقة 100% والكلآم القلتو فيها كُلو صُح، يأخي رُشني رشّة الضب في الحيطة. يا زهير يأخي نحن هنا قاعدين عشان نكسب أصدقاء مُش عشان نكسب عداوات وانا زاتي ما صدقت أكون صاحبك يا حبيب، جاي تقول لي خُوّة فرتِك ! تلقاها عند الغافل وألعب غيرا يا رفيق. يعني نتوقع بوست من ياسر الشريف والآخرين واللآ الأخرون ألحقني يا ود البشرى قبل يجي المستنير يصلحني بأقي اليومين ديل عامل فيها فراج الطيّب. يا زهير يأخي إتخيلني قاعد معاك بنشرب في جبنة ؤ قُتلك كلآمي دا وِإندمِس قبلك بلآ ماشي معاك، لكن أكان إتلآيقت وأصريت تمشي أها النبي فوقك المستنير دا تحقبو في أباطك ؤ بالباب الكبير. يا زهير أنا أكان زعلتك إنقصّ، ؤ بوستي وحات الله ما بخليهو دحين أعفى لي ؤ خليك فرايحي يأخ. أها هسّع حا يجو يقولُوّلك الراجل إعتذر ؤ ما بعرفوا شِنو وشنو ؤ يعملوا فيها ظريفين ؤ حيدر حسن ميرغني والملك ؤ هيثم غالي ؤ هلُمّ جرآء، أها دي بيكتبوها كيفِن كمان ؟، شكيتك علي الله يا الصادق المهدي. اللجاويد اللجاويد، أخوكُم مزنوووووووووووق.
الحاصل شنو ؟ يازهير فى سودانيز اول شئ نبدأ ببوستاتك .. لو كل شخص ولمجرد بعض المخاشنات ترك الموقع بكرة مش ح نلقى ولا واحد ..
بالجد ذهابك خسارة كبيرة .. الرجاء وكما طالبك الاصدقاء من قبلى عليك مراجعة الامر وخذ راحة وتعال
Post: #35 Title: Re: وداعا أصدقائي Author: محمد حيدر المشرف Date: 02-25-2017, 00:26 AM Parent: #1
يا زهير انت بمثل ركن ركين من اركان المنبر ... واحتمال كبير ركنين والله صحي !!
Post: #36 Title: Re: وداعا أصدقائي Author: زهير عثمان حمد Date: 02-25-2017, 02:06 AM Parent: #35
كل الاصدقاء والبورداب والقراء والعابرين
في اللحظة سألت دموع حري ولم أكون أعرف حقيقة نفسي بين هذا الرهط من الاخيارنفرمن الأصدقاء وكم هائل الأحباب وبضع صديقات لهن في قلبي مقام ومن كل بقاع الدنيا شخوص لا أعرفها الامن خلال الاطلالة هنا بجهد متواضع تزاحمت في مخيلتي العبارات وتسابقت إلى ذهني الكلمات فاحترت أيها أختار صعب أن تختار من تحب ومن الاعقد صعوبة أن تنسي أهانة من تحب أو ذوي القربي ومن يشكك في قدرتك كأنسان لا تملك أنت غير أنسانيتك الجريحة لذلك كنت وسوف أظل أقول أننا هنا قدوة لصغار من أبناء السودان علينا أن نتفهم هذا ونتعامل بهذا المفهوم وأن أصبح المنبر مجال سباب ولغو وطرح مريض علي العقلاء تصحيح مساره وأن كنت طرف في خصومة هوائية الاجدار بك الرحيل لذلك قررت عدم المشاركة حتي وأنت كنت سوف أسلوك طبائع ضعاف النفوس لا أحسب عليكم عضو ا من قبيلة الاخيار منكم أخواتي وسوف يظل الود بيننا والعلائق الانسانية وما أرحب الواقع من الاسافير أشكركم كل الكلمات الرائعة والتقريظ في حقي فأنا من تراب لا أستحق كل هذا الاهتمام كلكم كنتم أحب الاهل والاصدقاء بل القبيلة التي أفخر أنني منها وقدمتم لي الخير في كثير من المواقف وأشهد الله أن صاحب هذا المنبر الذي ضمني بحنان قدمني للناس بكل تواضع وأدب وجنيت من هذا المنبر أطيب ثماره هو الحضور في كل الدنيا وارتويت من ينابيعيه الصافية علما ومعرفة بأهلي كيف لي أن أذهب وأترك مكاني بينكم وأتنسي كل المكابدة وكل الشجار وعنف الكلمة وكذلك معتة الانتصار ومساعدة الضعفاء من أهلى من خلال كوكبة منكم لا تمل العطاء ولازالت تعطي بالرغم من ضنك الحياة فلقد عشت أحلى لحظات عمري بينكم بدأت أجول بخاطري في أركان المنبر علها تخفف حرقة الحزن في جوفي فاستوقفني أصوات كثيرة تريد مني البقاء ولكن أقول الاصوات الذين أحببتهم من كل قلبي أنا شاكر ومقدر لكم وكلي أمتنان
ولو دار بخاطري مرة أخرى أدخل لكم فهذا ملجيء الدافئ لن أنساها أبدا فشكرا لكن جزيل الشكر أخواتي سامحنني إن أخطأت يوما عليكم فأنا من البشر ومن منا لا يخطيء لكن لنلتمس الأعذار لبعضنا البعض وتظل العلائق قائمة علي الخير لا التخوين ولا للانتقاص من الاخر إنه المنبر المنيرالذي من نوره أبناء بنات السودان أستنارة وعلم وثقافة ومن خيره نهلت وهذه حقيقة وسوف يجمعنا الزمن في مكان في وقت ما لكي نؤكد أننا سودانيين وأنسانيون وبلا خلاف شخصي يكدر أحدنا لكم مني كل الاجلال
أخي ود المدير لك مني كل الود وخالص الاعتذار والذي بيننا هو الخير بالحق أقولها لك أخي لا تتحرج وأنا عافي ليك لله والرسول أنشالله وسوف نلتقي قريبا أنشالله وأنت أخ العزيز سلام
يا جماعة المقصود ود الزبير ما ود المدير تَرِكْ عيشتو حبيبنا زهير كانت مداخلتو الأصلية كعبه في حق زميلنا عشان كدا كتبت ليهو
Quote: الكلام دا عيب منك يا زهير وخسارة أن تغادر المنبر بهذه الكلمات التي لا تليق بك قبل أن تكون غير لائقة بحق زميل لنا يحظى بتقدير الناس هنا أرجو أن تعتذر عن ما كتبته وتسحب البوست
كما أرجو من صاحب المنبر أن يقوم بسحب البوست في حال لم يقم صاحبه بذلك
فقام بتعديل المداخلة سؤال زهير موجه لشخصي وهذا واضح من سياق المداخلات وإذا أنا غلطان في التفسير دا زهير قول لينا
ايوة يا ود الزبير انا ذاتى عرفتو قاصدك لكن شكلو قطع وش راس وخلط بينك و بين ود المدير لكن طال ما الرشّة طالت ود المدير قلت خليها تعدّى ما دام بقى صاحب الحنبرّة اها سؤال بى مناسبة هذا البوست بقيت على شنو ... وضاحة ولّ ابويكر أى اجابة دبلوماسية ما معانا
Post: #42 Title: Re: وداعا أصدقائي Author: خالد العبيد Date: 02-25-2017, 03:27 AM Parent: #41
سلام حبيبنا زهير والله انت من القلائل الذين تمنيت بل اشتهيت ان القاه وجها لوجه خليك هنا وبلاش تفارق ارجو موبايلك في الخاص مع الشكر لك
الأستاذ الكريم والأخ الحبيب زهير .. قد وقع علىّ هذا الخبر كوقوع الصاعقة .. لماذا يا أخى .. لماذا تحرمنا من كتاباتك الهادفة دائماً .. مرة أخرى كتاباتك الهادفة دائماً .. يا أخى المسألة مسألة مبدأ .. وكل إنسان حر فى إبداء رأيه .. إلا أنه فى بعض الأحايين وللأسف الشديد يشت بعض المتداخلين .. ويتلفظون بعبارات لا تليق .. فإننى أنصحكم .. وكما نحن نقول بالبلدى كده .. اضرب طناش عن هؤلاء .. وصدقنى يا أخى .. أنا .. فى يوم من الأيام .. وقبل سنوات عديدة .. تركت هذا المنبر .. لنفس هذه الأسباب .. ولكننى عندما فكرت .. وقلت فى نفسى .. أننى سأعود .. وأضرب طناش عن أى كلمات جارحة تصدر من بعض الإخوة المتداخلين .. والحمد لله ربنا خلق لنا أذنين .. فالكلام الذى لا يعجبنا .. يدخل من الأذن اليمنى وفوراً يخرج من الأذن اليسرى ..
فأرجوك يا أخى .. أرجوك .. أرجوك .. ألا تغادر هذه الساحة .. لأن فراقكم مؤلم جداً .. فوجودكم هام جداً .. لإبداء آراءكم الواضحة الشجاعة .. وكتاباتكم الثرية .. التى تتبنى الفكر الواضح الصادق .. أرجوكم مرة أخرى العدول عن هذا القرار .. الذى سيؤثر علينا كثيراً .. ولهذا .. أننى أتوسل إليكم .. بسحب هذا القرار .. وأخيراً أرجو أن أسمع منكم .. بأنكم قد عدلتم عن رأيكم هذا وفضلتم البقاء .. والرب يبارك فى حياتكم .. أخوكم وعمكم العجوز .. ارنست +++
Post: #45 Title: Re: وداعا أصدقائي Author: علي الكرار هاشم Date: 02-25-2017, 08:22 AM Parent: #44
أخونا زهير خلينا نقول العريس زهير لانو بوستاتك دايما فيها نكهه وجرتق بصراحه يشهد الله انا ادخل البوست لابحث غالبا عن كتاباتك لانك بتجيب من وين ماعارف
مكانك شاغر فلا تغادر
Post: #46 Title: Re: وداعا أصدقائي Author: حمد عبد الغفار عمر Date: 02-25-2017, 08:37 AM Parent: #45
يا زهير تاني اخبار السودان الطازة نلقاها وين واصل وبدون فواصل كمان وانما الاسفيريون أخوة.
غايتو يا ود المدير وود الزبير عملتوها واضحة
Post: #47 Title: Re: وداعا أصدقائي Author: MOHAMMED ELSHEIKH Date: 02-25-2017, 09:10 AM Parent: #46
يا ابو الزوز سيب دلالك دا وهاك جلي اهدينا ليك وردة
سلام يا أحباب علي الايمان عندما قرأت مداخلة ود المدير لمن دموعي جرت.. وبعدها جاءت مداخلة زهير التي لم أكمل قراءتها حتى هذا الحين.
شكرا ليك يا ود المدير..
وشكرا يا زهير. يا خي الله يعرس ليك.. قالوا العرس دا طروهوا للفار ضحك (يعني انبسط)
Post: #49 Title: Re: وداعا أصدقائي Author: محمد الكامل عبد الحليم Date: 02-25-2017, 09:25 AM Parent: #47
تحية
واضح ارتفاع مؤشر المطالبة بعودتك......وواضح حرصك علي التواصل وحساسيتك ....النقد يجئ من زواية مهنية بحتة من حيث مصدر الخبر ... لكن حروفكم مرغوبة ومطلوبة...
ما عارفة أصل المشكلة و لكن أقول ليك أنسى .. و خليك هنا
خلافات المنبر مثل الألتهابات الفيروسية بتجي براها و بتنتهي براها و ما في زول محصن منها .
خالص التقدير و الاحترام .
Post: #51 Title: Re: وداعا أصدقائي Author: محمد عبد الله الحسين Date: 02-25-2017, 09:50 AM Parent: #50
الأخ زهير حاولت التواصل معك برقمك المكتوب في البروفايل فكانت الإجابة إنه الرقم غير موضوع في الخدمة. و رقم تاني مالقيته ليك و لا واتس اب و لا غيره. أرجو التواصل على رقمي الفي بروفايل.
اوعاك تفوت يا زول لسى الزمن بدري عاوزين نفرح معاك بالعرس القريب ونشعشع بالفرحة يوم زفافك ونبتهج يوم جية الفارس أو الفارسة ونعيش معاك فأنت اخونا الذي نود ان نلتقيه الْيَوْمَ وكل يوم خليك معانا ياحبيب الكل.....