Post: #1 Title: في مستشفي مكة بالخرطوم بيقددوا ليك عيونك ساكت Author: Osman Musa Date: 02-24-2017, 06:45 AM Parent: #0
05:45 AM February, 24 2017 سودانيز اون لاين Osman Musa- مكتبتى رابط مختصر مستشفي مكة أصبحت حديث الناس في الأفراح والاتراح و في المواصلات العامة . الناس كلها تتكلم عن المتورطين وعن حقنة الفاستين الضارب . الذ شي واحد قال معقول ادفع دم قلبي في الفستكييين الضارب ؟. ادخل مفتح اطلع عميان .؟
Post: #2 Title: Re: في مستشفي مكة بالخرطوم بيقددوا ليك عيونك Author: Osman Musa Date: 02-24-2017, 07:10 AM Parent: #1
34 عملية عيون فاشلة في أقل من شهر ؟ دي ما حصلت في أي مكان في العالم . وين المؤسسات الرقابية ؟ يا جماعة دي عيون ما لحام ستلين .
Post: #3 Title: Re: في مستشفي مكة بالخرطوم بيقددوا ليك عيونك Author: Osman Musa Date: 02-24-2017, 08:20 AM Parent: #2
سواد عين الضحية بعد العملية قال ا تحول لي أحمر زي إشارة المرور . جد حاجة تخوف . تدخل بي طشاش تمرق دراكولااااا
Post: #4 Title: Re: في مستشفي مكة بالخرطوم بيقددوا ليك عيونك Author: Osman Musa Date: 02-24-2017, 03:29 PM Parent: #3
يجب سرعة المحاسبة
Post: #5 Title: Re: في مستشفي مكة بالخرطوم بيقددوا ليك عيونك Author: ملهم كردفان Date: 02-25-2017, 06:07 AM Parent: #4
بوست موجع جدا جدا ياعثمان
Post: #6 Title: Re: في مستشفي مكة بالخرطوم بيقددوا ليك عيونك Author: عبدالمنعم الطيب حسن Date: 02-25-2017, 06:54 AM Parent: #5
قريبتي مشت تراجع في المستشفى دا ذاتو قالوا ليها عملية طوالي بالشئ الفلاني ومستعجلة ولو ما عملتيها حا تعمي في ظرف شهر ولأنها (مفتحة) رفضت بإصرار وهبطت مصرا سريعا وانتهت رحلة علاجا بزيارة واحدة للطبيب وبقطرة تستخدما كل يوم ........................ سلام يا صديقي والبوست دا فوق فرسالته سامية.. شكرًا عثمانا
Post: #9 Title: Re: في مستشفي مكة بالخرطوم بيقددوا ليك عيونك Author: Osman Musa Date: 02-25-2017, 08:02 AM Parent: #6
الأخ عبدالمنعم سلامات المستشفي كان عندها سمعة طيبة . لكن الآن انكشفت للناس . طلعت مستشفي ماسورة مصدية . ربك يلطف بالعباد
Post: #7 Title: Re: في مستشفي مكة بالخرطوم بيقددوا ليك عيونك Author: Osman Musa Date: 02-25-2017, 07:13 AM Parent: #5
الأخ ملهم سلام . وربك يكون في عون اهلنا المساكين من جزأرين العيون . قابلت يا ملهم حاجة في حالة لا توصف بعد الخروج من الجزارة . نزيف حاد في العيون وأورام فوق و تحت الجفون . والله يا ملهم الحاجة دي لو قابلت الملاكم مايك تايسون في نزال لمدة 15 جولة . ما كان حصل ليها الحصل ده .
Post: #8 Title: Re: في مستشفي مكة بالخرطوم بيقددوا ليك عيونك Author: عبد العزيز محمد عمر Date: 02-25-2017, 07:25 AM Parent: #7
مؤسف جداً ما يحدث ...
المحاسبة ... والعصا الغليطة ...
Post: #10 Title: Re: في مستشفي مكة بالخرطوم بيقددوا ليك عيونك Author: Osman Musa Date: 02-25-2017, 08:34 AM Parent: #8
الأخ عبدالعزيز سلامات نعم . الأسف يتربع . في السنوات ال 20 الفاتت طب العيون اكتر فرع طب أتقدم في العالم حسب ما موضح في النشرات و المجلات الطبية . لكن عندنا هنا يحصل العكس . هنا تموت لا عينك لا كرا عك ..
Post: #11 Title: Re: في مستشفي مكة بالخرطوم بيقددوا ليك عيونك Author: معاوية الزبير Date: 02-25-2017, 08:54 AM
صديقي ماهر حسن كتب المعلومة التالية على صفحته بالفيسبوك
( 34 شخصا أصيبوا بالعمى في مستشفى مكة للعيون بعد حقنهم بمادة الافاستين وهى حقنة تعطى لمرضي التهاب شبكية العين لتساعد في تخفيف النزف وتوسيع بؤرة العين وخاصة للاشخاص المصابين بمرض السكري ولديهم مشاكل في العيون تبلغ قيمة الحقنة ..في مستشفي مكة اكثر من 1000 جنيه للعين الواحدة في مستشفي كوش للعيون 1000 جنيه في السلاح الطبي 750 جنيه وهذه الحقنة تعطى شهريا لهؤلاء المرضي بالتركيز اكتر علي العين المصابة وفي بعض الحالات تعطى في العينين.. بعد ان تم حقن هؤلاء المرضي .حدثت لهم التهابات حادة وغثيان بعدها فقدوا بصرهم.. وما زال السبب مجهولا..فهل كان السبب في الحقنة ام في المادة زاتها..)
Post: #12 Title: Re: في مستشفي مكة بالخرطوم بيقددوا ليك عيونك Author: Ahmed Elsadig Date: 02-25-2017, 09:41 AM Parent: #11
المقصود هو مستشفى مكه بامدرمان وليس الخرطوم
Post: #13 Title: Re: في مستشفي مكة بالخرطوم بيقددوا ليك عيونك Author: Osman Musa Date: 02-25-2017, 09:53 AM Parent: #12
الأخ أحمد سلامات الخرطوم هي الأم ولديها فروع في العاصمة المثلثة . المطلوب الآن سرعة التحقيق الجاد لتلافي الخطر الكبير و المخيف .
Post: #14 Title: Re: في مستشفي مكة بالخرطوم بيقددوا ليك عيونك Author: Osman Musa Date: 02-28-2017, 07:56 AM Parent: #13
مستشفي مكة تاني إلا يفتح حلاق
Post: #15 Title: Re: في مستشفي مكة بالخرطوم بيقددوا ليك عيونك Author: Osman Musa Date: 03-03-2017, 03:54 PM Parent: #14
شوفوا اعتذار واحد من المتحدثين بي اسم المستشفي المدلل عن اكبر ذنب حدث في عموم مستشفيات أفريقيا في التاريخ . المتحدث أظن أسمو حامد . حامد يتكلم عن الحادثة زي البيتكلم عن موت كدايس . قال يا جماعة نحن السبب زحمة الناس و قلة كادرنا . و بعدين دكتور واحد عمل 42 عملية في اليوم . المتحدث قال كلام كل لايو دي لا يجيب
Post: #16 Title: Re: في مستشفي مكة بالخرطوم بيقددوا ليك عيونك Author: سيف اليزل برعي البدوي Date: 03-04-2017, 02:45 PM Parent: #15
Post: #17 Title: Re: في مستشفي مكة بالخرطوم بيقددوا ليك عيونك Author: سيف اليزل برعي البدوي Date: 03-04-2017, 02:47 PM Parent: #16