Post: #1
Title: زول
Author: أبوبكر عباس
Date: 02-22-2017, 06:46 PM
Parent: #0
05:46 PM February, 22 2017 سودانيز اون لاين
أبوبكر عباس-الإمارات
مكتبتى
رابط مختصر سوّا حادث؛
بعيد عنّكم
إنشّل
جوا الزولات يباركولو
قلّهم (قال لهم):
أنا خائف من الفرحة أقوم أمشي
إنتهت النكتة
|
Post: #2
Title: Re: زول
Author: عبدالعزيز الفاضلابى
Date: 02-23-2017, 00:25 AM
Parent: #1
زول واقف فى المتبَخ قال لي زولتو يازولة وين السكَّر؟
زولتو قالت ليه يازول انت عميان؟ أصِلْكن يالرجال مابتشوفوا ,,
تلقاه فى رف الأدوية فى علبة الكاكاو المكتوب عليها ملح.
زولنا قال:
وبشِّر الصابرين.
|
Post: #4
Title: Re: زول
Author: Hani Arabi Mohamed
Date: 02-23-2017, 01:48 AM
Parent: #2
|
Post: #5
Title: Re: زول
Author: معاوية المدير
Date: 02-23-2017, 03:27 AM
Parent: #4
بكور مشى لعمك بيبيع روسين نيفة.
سألوا، يا عمو رأس النيفة الحي بكم ؟.
عمك قالوا، والله يا ولدي من يومك القعدتا قدامي
ؤ ركبيك فاتن اضنيك عرفتك ما فيك فايدة.
|
Post: #6
Title: Re: زول
Author: أحمد محمد عمر
Date: 02-23-2017, 03:30 AM
Parent: #4
قبل كم يوم واحد يذم في موقف الحكومة تجاه مجاعة الجنوب وقال ما معناهو الناس ديل استقدموا 100 ألف سوري هسة مالم عملو نايمين من الجنوب
لحدي هسة مستغرب الدخل السوريين في الموضوع شنو ! علماً بإنه عدد الجنوبيين الفي مايو بس بفوت المية ألف !
السوري لو قح في تويتر ساي تلقى العالمين شايلة اسكرين شوتاتو ومكسية بيه العرايا والسبب إنه العرب بكرهونا وبحتقرونا
كدي جرب اتكلم عن جمبات الديم أو قول الكلام الشايفو كل من له عينان عن انتشار الدعارة بواسطة الحبش .. علي الحلال يحفروا ليك اخدود في نص المنبر دة ويرجموك حجار وكل ما تدور ترفع راسك يسألوك عن الاثباتات - الما محتاجة غير عبور الشارع بس - سؤال الملكين .. السبب إنه الحبش بريدونا وبحتفوا بينا
ما قادر أحدد هل الموضوع مجرد عدم ثقة في النفس وخلاص ولا شعلقة يائسة في حبال العروبة!
غايتو أنا لو صحفي خليجي جديد في الشغلانة بكتب لي مقال أشكر فيه السودانيين .. في يومين بس ببقى تريند ومقالاتي بتنتشر وسط الملايين
زي واحد من الصحفيين ما متذكرو كتب عن إنه تلقى آلاف الإيميلات من السودانيين بشكروهو على الصدع بالحق عشان شكر السودانيين!
هل نحن ما واثقين في امكانياتنا وراجين العرب يدونا الثقة ويقولوا لينا فالحييييين خلاص انتو ناس كويسين ؟
قبل فترة في فيديو فيه تجميعة لمقاطع شيوخ عرب بشكروا في السودان كان بجيني في الواتساب بمعدل 5 مرات في اليوم لمن بقيت امسح الفيديوهات من طرف .. افتح اليوتيوب القاهو وش لمن اضطريت عملت عليه not interest الناس كانت فرحانة فرح جنوني بالمدح دة
بنفس القدر نكتة عن الزول محكية بواسطة عربي ممكن ترفع ضغطهم وتخليهم يضاربوا من طرف
لو رأي الناس فيك بشكل حياتك معناها انت ما واثق من نفسك ومنتظر الناس موش يقيموك بل يعملوك ويشكلوك
ولو شوفك للحقائق بعتمد على حبك أو كراهيتك للآخر معناها عمرك ما حتشوف حقيقة .. حتشوف أمنيات فقط
|
Post: #7
Title: Re: زول
Author: أحمد محمد عمر
Date: 02-23-2017, 03:38 AM
Parent: #6
الداير اقوله مشكلتنا ليست رأي الأعراب فينا
بل انشغالنا سلباً أو ايجاباً بهذا الرأي
__________
ما متابع المنبر كتير في الفترة الأخيرة وما بعيد البوست يكون منبثق عن بوست تاني ولا ناتج عن شكلة ولا مكاواة من بكري ساي
لأنه شايف في ناس بتلعب دافوري 
المهم ما ضر ناس الدافوري لو ختيت لي تربيزة بنق جنبهم !
|
Post: #8
Title: Re: زول
Author: أبوبكر عباس
Date: 02-23-2017, 07:44 AM
سلام فاضلابي، هاني وأحمد عمر،
تضحكني النكات البايخة جدا وأهتم بها
الاماراتين تربية مجالس
تقريبا شبابم بتشابهو في الثقافة شبه شديد
يرددون نفس النكات علينا وعلى الآخرون
إذا كنت في احتكاك معهم، تسمع نفس النكتة عشرات المرات منهم
يصبحون في الونسة مملين بالنسبة لك لتكرار الحكي
النصيحة كدا، فيهم واحدين شواطين ومبدعين في الونسة، لكن الغالبية مملة لتكرارهم نفس الونسة
النكتة الفوق دي سمعتها عشرات المرات منهم،
بالأمس حكاها لي أحدهم في موقف غريب:
|
Post: #9
Title: Re: زول
Author: أبوبكر عباس
Date: 02-23-2017, 07:46 AM
Parent: #8
الصحيح:
على الآخرين وليس الآخرون
طيب واحد ح يقول لي:
ليش الاماراتيين وليس الاماراتيون؟
|
Post: #10
Title: Re: زول
Author: Nasser Amin
Date: 02-23-2017, 09:43 AM
Parent: #9
الرفاهية بتخليك تضحك بسبب و بدون سبب وبتكون طيب و برئ...شفتهم طيبين كيف
نحنا بقينا ما بنضحك الا يكلكلونا ولمن نضحك بنستغفر
* عايش معاك في البلد زاتا
|
Post: #11
Title: Re: زول
Author: محمد على طه الملك
Date: 02-23-2017, 09:07 PM
Parent: #10
سمعت شيخ خليجي بحكي لربعه :
الزول دا لا نادينالو ولا قلنالو أفزعنا ..
سمع بشكلتنا جاء طابق فاسو ؤعكازو ؤ مكفف ايدو و اتصدر الشكله ..
باقي ليك هسه الشيخ دا شكر الزول لربعه ولّ قال ليهم الزول دا حشري؟
الغريبة الزول كان مبسوط ؤ بضحك!!!
افتينا بحكم معرفتك بالأزوال ديل.
|
Post: #12
Title: Re: زول
Author: أبوبكر عباس
Date: 02-24-2017, 02:05 AM
Parent: #11
شكرو شكر شديد
موش الكلام دا بس
طريقة الجلسة جنبو ولمس اليد فيهو تقدير كبير
القصة دي تقوم تنعكس تاني يوم على التعامل.اليومي مع الزولات
تفتح فرص العمل وتسهل استخراج اذونات العمل.
فشنو
الفقر بخليك تتنازل وتستفيد من المواقف.
حضرت بالامارات ركوب الاطفال للهجن في السباقات والتدريب
كان السوداني بجيب ليهو مثلا اربعة من أهلو ويكونو شغالين في عزبة (مزرعة) واحدة
أول السنة بجي العزبة، بعد يتقهو بطبق راتب سنة كاملة بتاع الأطفال ديل
|
Post: #13
Title: Re: زول
Author: mustafa mudathir
Date: 02-24-2017, 06:11 AM
Parent: #12
أحي منك انت يا بكري الأماراتيون يا خ مبتدأ
وبعدين النكت بايخة خصوصاً التانية حقت برطمان الكاكاو.
|
Post: #14
Title: Re: زول
Author: جلالدونا
Date: 02-25-2017, 08:43 PM
Parent: #13
عملن لى الله
فوق و فوق جدّاً
|
Post: #15
Title: Re: زول
Author: sadig mirghani
Date: 02-26-2017, 05:52 AM
Parent: #1
غلطة الشاطر
|
Post: #16
Title: Re: زول
Author: الطيب رحمه قريمان
Date: 02-26-2017, 06:12 AM
Parent: #15
الاستاذ الفاضل ابو بكر عباس ..
تحياتى لك و لضيوفك ..
متابعة و عودة للتهليق على البوست ..
|
Post: #17
Title: Re: زول
Author: MOHAMMED ELSHEIKH
Date: 02-26-2017, 06:24 AM
Parent: #16
اها
انا راجي باقي النكات
|
|