حالة فصام: الشيوعي والعلماني في الغرب : راجع السودان نهائي عشان بنتي كبرت

03:23 PM February, 22 2017

سودانيز اون لاين
Frankly-ارض الله ومعمورته
مكتبتى
رابط مختصر

يحاربون الإسلام والمسلمين ولما بنته تصل 15 عايز يرجع السودان عشان يحافظ على بنته في بئية مسلمة

الغريبة لن تسمع "عايز أرجع عشان ولدي كبر"

طيب كونو الواحد عايز يربي بنته في بيئة كويسة محمدة والا مسبة؟

طيب كونو الواحد عايز يربي بنته في بيئة كويسة محمدة والا مسبة؟
-----------------------------------
ده إعتراف منك يا دكتور إنه بئة الغرب العلماني مش كويسة.. الكويسة بيئة السودان بلد الشريعة.. طيب الناس ديل فالقين راسنا فوق كم؟!!

يا محمد بشير عبادي والاسم سالم
انا سؤالي لفرانكلي وليك
هل كون الانسان عايز يربي بنته في بيئة كويسة
محمدة والا مسبة؟

يا محمد بشير عبادي والاسم سالم انا سؤالي لفرانكلي وليك هل كون الانسان عايز يربي بنته في بيئة كويسة محمدة والا مسبة؟
-------------------
الاجابة ما واضحة؟؟
زول ماشي السودان بيرى انه افضل بيئة لتربية بنته.. طيب ليه مجننا انه الغرب العلماني أفضل ما كان يخلوا عيالهم هناك طول العمر جايبنهم بلد الشريعة الشينة دي لييييه؟؟
.

سؤالي واضح
هل السلوك ده محمدة والا مذمة؟

لو أنك "إستنتجت" من فعلة هذا الشيوعي العلماني
أنهم (الشيوعيين والعلمانيين) هم في آخر الأمر مسلمين
لكان هذا في ميزان حسناتك

ولو أنك حمدت لهذا الشيوعي العلماني
(أوبته) لبلاد المسلمين عشان يربي بته
(وفرحت لتوبته)
لكان هذا في ميزان حسناتك

لكن أن تري في فعلته هذه فصام
ويبقي الموضوع شماتة
فدي تحسب عليك

زي الزول باليشوف ليه مرتكب معاصي
حاي يصلي في المسجد يقوم يقول ليه
(الحابك هنا شنو يا فاجر يا عاصي)
كأنه حينافسهم في دخول الجنة

لو أنك "إستنتجت" من فعلة هذا الشيوعي العلماني أنهم (الشيوعيين والعلمانيين) هم في آخر الأمر مسلمين لكان هذا في ميزان حسناتك
------------------------
الحمدلله إنه الأوبة من الشيوعية محمدة في نظركم يا نصر ويا د. محمد.. كده ما اختلفنا
طيب اللفة دي كلها لي شنو؟ معناها الشيوعية العلمانية دي نظريات فاشلة لا تصلح للممارسة الإنسانية السوية
الدين والخلق القويم هما أس الحياة الفاضلة

يا محمد
سؤالي واضح
عن السلوك التربوي للرجل ده
هل هو محمد والا مسبة
وما تقولني كلام ما قلته

هل هو محمد والا مسبة
----------------------
كونه يرجع بناته السودان يتربن في بلدهن دي محمدة طبعاً مافي شك.. لكن البحير انه هنا يوجد تناقض يا دكتور محمد زول شيوعي ويرجع بناته للسودان بسبب الشيوعية أو العلمانية الببشر بيها فافتكر دي قمة التناقض
طيب مالا ترضاه لبناتك لماذا ترضاه لبنات غيرك؟؟.. أنا قصدي انه الشيوعي البرجع بناته السودان خوفا عليهن من الدولة العلمانية الأولى أن يتوب من إعتناق هذه الأفكار الهدامة اللي هو خايف على بناته منها

طالما محمدة
ليه هنا موضوعة محل استهزاء ومسبة

انما بعثت لاتمم مكارم الاخلاق
وبعدين الشيعية دي اعتناق ايديولوجي يعني فكر
ما معناه انو كافر
طيب ما هو احمد سليمان شيوعي ومحتفى به وسط الاسلاميين
سبدرات وهو شيوعي
اسماعيل الحاج موسى يساري
وكلهم حلوين مع الاسلاميين
لا تؤخذ الامور هكذا يا مسلم
المسلم دايما حسن الظن

طالما محمدة ليه هنا موضوعة محل استهزاء ومسبة
----------------------------
مافي استهزاء ولا حاجة .. فرانكلي أبرز التناقض فقط.. زول شابكنا علماني لما العلمانية تهبشوا في عرضو بيلفظها .. دي ذكرتني قصة واحد أخونا دايما يدافع عن البروتاريا والطبقة الكادحة .. يوم نشلوه في البص ماهيته كلها .. جا ينقنق نشلوني نشلوني قالوا ليه طيب ما شابكنا بروتاريا ومطحونين اهو دخلت في نصهم نشلوك.. قال والله تاني الواحد يعاين للبروتاريا ديل من بعيد ما يخش في نصهم ههههههههههه اهي دي زي قصة أصحابكم العلمانيين ديل
بعدين يا دكتور محمد.. أحمد سليمان وسبدرات ديل تابوا من شيوعتهم واعلونها عديل ما دسوها واحمد سليمان عليه الرحمة لحدي ما مات ما سلم من ألسن الشيوعيين

محمدة
من غير لت وعجن وكلام كتير
تحسب ليه
اما كونك عايز تتكلم عن الشيوعية افتح ليها بوست براها
بس ما تهزا من رجل عايز يربي بنته في بيئة كويسة
مالكم كيف تحكمون
يعني لو باسلوبكم ده زمان صاحب الرسالة صلى الله عليه وسلم لما جاه ابي سفيان
كان يقول ليه
ما قلتو نوبة!!

لكنه صلى الله عليه وسلم اكرم وفادته
ولكم في رسول الله اسوة

انتو دينكم ده جبتو من وين؟

يعني لو باسلوبكم ده زمان صاحب الرسالة صلى الله عليه وسلم لما جاه ابي سفيان كان يقول ليه ما قلتو نوبة!!
------------------------------------
بس أبو سفيان جاء مسلماً .. أي آيباً من الكفر.. مش عشان بناته خايف عليهن يوئدن في الجاهلية مثلاً
أبو سفيان آب بالكامل وأسلم والإسلام يجب ما قبله
كونه الشيوعي العلماني يؤوب مافي زول بيقول ليه ما قلتوا نوبة !! لكن كونه يظل على علمانيته ويبشر بها ثم يبعث ببناته الى السودان خوفا عليهن مما يبشر ده التناقض بل الإنتهازية بعينها

راجع اسلام ابي سفيان

قال محمد بشير
"لو أنك "إستنتجت" من فعلة هذا الشيوعي العلماني أنهم (الشيوعيين والعلمانيين) هم في آخر الأمر مسلمين لكان هذا في ميزان حسناتك ------------------------ الحمدلله إنه الأوبة من الشيوعية محمدة في نظركم يا نصر ويا د. محمد.. كده ما اختلفنا طيب اللفة دي كلها لي شنو؟ معناها الشيوعية العلمانية دي نظريات فاشلة لا تصلح للممارسة الإنسانية السوية الدين والخلق القويم هما أس الحياة الفاضلة"

طبعا فهمتني غلط وعن قصد
(ونسيت ولا إتناسين ....لو أنك...)
ما علينا

البعرفوا /في شيوعيين مسلمين وفي علمانيين مسلمين
وبيصلوا وبيصوموا ويكثرون من عمل الخير
لكن عندهم رأي في الدولة الدينية
يعني عاوزين فصل بين الدولة والدين
(والكلام دا حتي الإسلاميين بقو بقولوهو)
بل وفي إسلاميين كتيرين عندهم تصور للدولة الدينية
ومع ذلك هم ضد الدولة الإسلامية في السودان
وبيقولوا أن الدولة الإسلامية في السودان ديكتاتورية عسكرية
شوهت الإسلام

والحق يقال
تحربة الدولة الإسلامية في السودان خير دليل علي فشل الدولة الدينية

في فرق بين الدولة والمجتمع
بين الطغاة بإسم الإسلام والمسلين العاديين
منذ أن أستولي بنو أمية علي السلطة غصبا
بقي دين الحكام دين ودين الشعب دين تاني
(ومنذ ذلك التاريخ ما رأي المسلمون حاكما مسلما عادلا سوي عمر بن عبد العزيز)

عشان كدي البودي أولادوا السودان مش عشان خاطر الحكومة الإسلامية
لكن عشان المجتمع السوداني
والذي لم تستطع الحكومة الفاسدة إفساده
فقد حافظ الناس في السودان
علي نقاءهم رغم الأوبئة والمجاعات وجور الحكام
(كما كان الطيب صالح يقول)
فقد فشل المشروع الحضاري وبقي الإنسان السوداني
طيبا وكريما وأصيلا إلا قلة
(ديل باروا جداد الديكتاتورية وودام الكوشة)

سؤال لراعي البوست
رأيك شنو في إسلاميين كتيرين وكتيرين جدا في بلاد العلمانية دي
ومربين أولادهم فيها ، العملها الشيوعي العلماني دا، ما سووها
ما ودوا بناتهم لمن كبروا عشان يتربوا في السودان
خلوهم ربوا هنا في الغرب العلماني (الفاسد كما يقول الإسلاميون)

وقد رأيت من أخذ أبناءه للسودان
ثم عاد بهم بعد أن أقل عام
قائلا:
فساد امريكا أخير لي من فساد السودان !!!!!!!

Quote: زي الزول باليشوف ليه مرتكب معاصي حاي يصلي في المسجد يقوم يقول ليه (الحابك هنا شنو يا فاجر يا عاصي) كأنه حينافسهم في دخول الجنة

ههههههه
سلام يانصر وصاحب البوست وضيفه
اتذكرت قصة الامام لما قال للمصلين استووا رصوا الصفوف وسدوا الفرج
فإن الشيطان يدخل بينها ,, واحد قال ليهو: يامولانا هو وكت الله هداه ودخل الجامع ماتخلوه يمكن يتوب.
*****
كل أمر يُمكن النظر اليه من زاوية مختلفة ,, وأظن الأخ فرانكلى قصد يقول ان من ذكرهم فى البوست متناقضون مع ما يدعون اليه
من حرية بلاحدود ,, وهم يحسبون انهم يعيشون تلك الحرية فى المهاجر
ولا يرون لها عيوباً أو مخاطر بينما يرون فى اسلوب حياة البلاد التى ينتمون اليها اسلوباً يحجر على الحرية الشخصية ولا يرون فى القيود التى يضعها مجتمعهم شيئاً جميلاً ولا يدركون جمال هذه الأعراف والتقاليد الا عندما تمسَهم حرية المهاجر فى اللحم الحى ,, فكأن فرانكلى يريد ان يقول انهم غير منصفين فى نقدهم لمجتعاتهم واسلوب حياتها
وذلك مثل حكيم الصحة (باش تمرجى) فى الريف المصرى الذى يحاول ان يقنع المواطنين بعدم اخذ اطفالهم الى الطبيب فى البندر لانه لن يقدِّم
لهم علاجاً أكثر مما يقدمه هو لهم ,, وكل ذلك لكى لا يفقد الأجر الذى يعطونه له ولكى لا يفوته ربح الاتجار فى الدواء الحكومى ,,
فيحاول بشتى الطرق أن يقنعهم انه يفهم اكثر من الطبيب وعندما يمرض أحد اطفاله ينتظر حتى يحل الظلام ويأخذ ابنه خِلسة
ليعرضه على طبيب البندر لانه يعلم فى قرارة نفسه انه مجرد مكابر وان مصلحة ابنه الا يعالجه بنفسه لانه يعلم حدود خبرته.

هسع يا خوانا انتوا هبيتو فى فرانكلى ده هبة رجل واحد فيكن وول سعلو من المصدر؟

قلة قليلة هي من ترجع من الهجرة سواء كانوا علمانيين او خلافهم ، لكن من يرجع ليس هدفه تربية بنته في بيئة مسلمة ، وانما في بيئة يسمح قانونها بأن يقوِم الأب سلوك ابنائه بالطريقة التي يراها مناسبة ، في الغرب الضرب والاعتداء اللفظي ممنوع بالقانون ، كما ان الشباب يمكنهم ممارسة الجنس بكل حرية مع من يرغبون بدون تدخل الاب لأن هذا قانونهم ، عاجبك اوكي ، ماعاجبك تمشي محل ما تمشي ..
الموضوع مش موضوع بيئة مسلمة ، الانحلال موجود في السودان بالكوم .. يعني تغيير البيئة القانونية وليس الدينية .

الموضوع مش موضوع بيئة مسلمة ، الانحلال موجود في السودان بالكوم .. يعني تغيير البيئة القانونية وليس الدينية .

شكرا ابو ادريس مع تحياتى

السلام عليكم,,

Quote: جايبنهم بلد الشريعة الشينة دي لييييه؟؟

وين بلد الشريعة دى؟؟؟؟

إنت جادى في كلامك دا أخي عبادى؟؟؟

بلد الشريعة!!!!!!!!!!!!!!
يا راجل قول كلام تاني!!!!!

فرانكلي ...فتح الله عليك
** الموضوع مازال قائما ..... بغض النظر عن (حكومة الكيزان) ... بس بنظرة الي عادات وتقاليد السودانيين - المستقاة أصلا من الاسلام - حيث البيئة الخصبة للتربية والتنشئة القويمة ....
سؤال أخونا فرانكلي واضح وضوح الشمس ... لما الجماعة (ديل) ...شغالين في (نتف ريش المسلمين) بي مناسبة ومن غير مناسبة .... ليه حصلت ((التوبة والأوبة) -- لما بقت في ((تولا))..
طيب خلونا نستفيد من الموقف دا -- ونجي الي كلمة سواء
*** (( وهي أن مباديء الاٍسلام .. والفضائل التي يدعوا لها ... أفضل وأحسن من - حرية الفجور التي يدعوا اليها الغرب ))
يعني بدون قصة ((حكومة - وكيزان - وسياسة ))
الاسلام = الفضيلة
غير كدة = !!!!!!!!!

كدي جاوبوا لينا علي السؤال دا:
إذا كان في شخص عمره كلو يدعو
الإسلام هو الحل
شريعة شريعة أو نموت
ويجاهد من أجل الحكومة الإسلامية
وطوال هذا الوقت جالس في هذا الغرب العلماني الحر والمنحل
وتقوم كدا وتجي الحكومة الإسلامية
حلم حياته الاول والاخير
ثم يواصل جلوسه في الغرب العلماني الحر والمنحل
يتربي هو فيه
ويربي أولاده
.
.
ثم لا يجد في نفسه حرجا أن يسخر من من يأخذون بناتهم لتربيتهم في السودان
ويري في ذلك كل التناقض وكل الإنفصام !!!!!

الغرب دا فيه مسلمين اتولدوا هنا وعاشوا وخلفوا اجيال ومحافظين علي دينهم وقيمهم واخلاقهم ...بعدين السودان دا بوضعه الحالي دا كيف يمكن لي ان ارجع اولادي واكون بعيد منهم واضمن ان يعيشوا في امن وسلام..شئ مخدرات وشئ اغتصابات وامراض وجوع وفقر واطلاق رصاص علي المتظاهرين وخطف ومعتقلات وتعليم متدني وووووو....الغريبة كتير من المتاسلمين اولادهم موجوديين في الغرب ويدرسون في المدارس والجامعات وتزاوجوا هنا اشكال والوان وماعندهم رغبة يرجعوا البلد الطاردة دي...الكلام دا فيه اساءة لكتير من السودانيين الموجوديين مع اطفالهم في الغرب وانا واحدمنهم...لا انا لا اولادي سنرجع نعيش في السودان بوضعه الحالي دا لانه غيرامن...واولادنا ربيناهم احسن تربية ولاخوف عليهم...السبب الخلي ملايين السودانيين يهربوا من بلدهم الي كل بقاع الدنيا دا ماسبب هين عشان يخليهم يفكروا يرجعوا تاني بسهولة...طبعا تقدير الرجوع دا تقدير ذاتي متروك لكل شخص ولكل حالة...الشيوعيين والعلمانيين ديل بقيتوا تحشروهم في كل شئ سبب وبدون سبب..

التنربية الاسرية هي المقياس الحقيقي للابناء سواء في الشرق الاوسط او الغرب
لا يهم المكان بقدر ما يهم السيطرة على الابناء ومصاحبتهم والاحسان في ترتبيتهم ومنحهم الجرعة الكافية من الدين و الاخلاق والقيم
في الشرق الاوسط ان لم يجد الابن تربية اسرية متميزة سينحرف انحراف اكثر من انحراف الغربيين

Quote: لتنربية الاسرية هي المقياس الحقيقي للابناء سواء في الشرق الاوسط او الغرب لا يهم المكان بقدر ما يهم السيطرة على الابناء ومصاحبتهم والاحسان في ترتبيتهم ومنحهم الجرعة الكافية من الدين و الاخلاق والقيم في الشرق الاوسط ان لم يجد الابن تربية اسرية متميزة سينحرف انحراف اكثر من انحراف الغربيين

أحسنت أخي البرنس كلامك صحيح وواقعي.

Quote: الموضوع مش موضوع بيئة مسلمة ، الانحلال موجود في السودان بالكوم .. يعني تغيير البيئة القانونية وليس الدينية . المصدر

آخر الكلام....

البوست بقا زى حكاية البيضة من الجدادة ولا الجدادة من البيضة

واحد برر تصرف العلمانيين والشويعيين بأنهم يرغبون في ضرب أبنائهم ومنعهم من ممارسة الرذيلة ويتمنى أن يجد في قانون الأحوال الشخصية السودانية معين له في كبت حريات ابنائه حسب فكره ومبادئه لكن في نفس الوقت هو متمسك بمحاربة الإسلام ويصف قوانين الشريعة بأنها غير صالحة

هذا هو الفصام

وعشان القصة تسبك جعل للبئة مسميين


بالمناسبة البوست فقط عن الذين يعادون الإسلام والمسلمين من الملاحدة والشيعويين والعلمانيين

أما الماخد الحكاية مظاهر وحركات مراهقة فهذا يحتاج للأخذ بيده وجعله يعتز بدين من يصلي له ويصوم