الاغنية بحثت عنها ووجدت انها ل عركي لم اسمعها سابقا رغم ان عركي من الذين اعتبرهم آخر قلاع الغناء الملتزم الجيد لم استسغ ذلك لعل في ذلك عيبا في تقيمي لعلي جندريا لكن حكاية الكلمات دي ومضامينها ما نظرت ليها الا كغنا مفروض تغنيهو امرأة في اغاني كتيرة علي لسان امرأة كما تبدو غض النظر عن جنس الشاعر لكن دي ابت لي كلو كلو
طقوس شرب الشاي ز شاي المغربية ،كباية صيني لا تتغيروكلما كانت اقدم طعم الشاي اجمل الزجاجية لشاي العصر ، مستكانة (استكانة ) او عثمان حسين او السمينة وقصيرة شاي بعد فطور المكتب أهم حاجة يكون في زول بيشرب معاك في زيارات البكيات أهم شئ عدد ملاعق السكر ، كلما قلت احسن للبرستيج بتاع ناس المكاتب شاي ناس الغرب عندو طقوس براها عشان كده بنحب ستات الشاي
لا ادري لماذا لم تلتقط ( اللحظة ) يا حفيظ امكن لو سمعتها بصوت عركي كان لقطتها اللحظة والرسالة تتدكر يا حفيظ قدموا لكم شنو لما مشيت ههههههه لو سعيد ح تفرح اما الاخري ف ح تلعن تلك اللحظة
حباب بت المشرف حبابك يا خية عركي آخر المغنين الذين احبهم جدا الغنية بفتكرها حقت بنات . تغنيها بت وبمشاعر بت دي الفكرة ههههه اول مرة بتذكرها جدا وبوجد وحنين المدام ما زولة سودانيز كتبت فيها هنا سابقا وهي لا تعلم ذلك ولم تقرأه إلي زوجتي مع أكيد الأحترامإلي زوجتي مع أكيد الأحترام
هههه صاح يا قباني الاغنية دي مع كلمات هلاوي تحتاج صوت نسائي بمقاييس خاصة قعدت اتخيل منو ال ممكن تغنيها فكرت في سميرة دنيا لقيتها ما لافقة وما لقيت الا بنات عجاج تحتاج صوت مثقف وشاب وعلاقة غير تقليدية مع الام ( حتي البنات ما صريحات احيانآ ) واظن دي الرسالة في الاغنية الصراحة وان يكون الاهل في الصورة ابوعركي هنا زي خالد ابو الروس لما مثل عجوبه في مسرحية خراب سوبا
عبحفيظ كنت متابعة البوست ال سوقتو بهدوء ومرقت به من الدقداق يا ريت هي تتاوق لسودانيز وما متاكدة من رغبتها في المشاركة بس متاكدة من قدراتها علي احداث فرق في اي مكان
الغنية دي غير ابوعركي الا بنات عجاج عركي صوت مميز و اضح الحروف ومثقف يعني ما في اي احتمال خطأ وبعدين كثر من كبار فنانينا غنو اغاني قعدات بناتية ما في زول قال شئ ابان شنب ما بقبونا واقول ل عركي زي ما قال الجعلي ل مصطفي ابشر ابشر. ااازول في شان شنبك ده
Post: #14 Title: Re: غناء البنات Author: محمد أبوالعزائم أبوالريش Date: 09-07-2017, 06:19 AM Parent: #13
أغنية عركي (حبيبي الليلة جانا وشرب الشاي معانا) أغنية قديمة جداً غناها عركي في السبعينات (بالعود فقط). ما حسيت لما غناها إنو تقمص شخصية أنثى بدلالها وكل التفاصيل الأنثوية .. لكن عكس فيها صورة لحدث مجتمعي.
كلامي الفوق ده يمكن يكون تبرير من منطلق إنحيازي للمبدع عركي .. لكن الأكيد أن الأغنية لم تؤثر على صورته.
أريت لو عارفة إنك ناوي علينا جية كان ضويتو دارنا ليك يا نور عينيّ وكنت فرشت رمشي عشان من فوقو تمشي واقول للدنيا جانا وشرب الشاي معانا. ______
لما قريت عنوان البوست، إفتكرتك يا حفيظ بتقصد أغاني الدلوكة أو أغاني السباتة. إتذكرت سهرة في تلفزيون أمدرمان (ما بتاع حسين خوجلي) أيام الديمقراطية الأخيرة. السهرة تحمل نفس إسم البوست، كان ضيوفها حنان النيل وآمال النور وعلى ما أظن كان في زميلة المنبر تماضر شيخ الدين. ناقشت الحلقة بجانب أغاني السباتة الهبوط في مستوى غناء البنات، وأذكر أن رأي أمال النور الذي أعجبني كثيراً، أننا يجب أن لا نلوم هؤلاء المغنيات لأنهن يعكسن حال الشارع، وبدلاً عن الترفع وجلوس المثقفين فنياً في برج عاجي، عليهم الإنخراط في هذه القاعدة وتقبل الأمر الواقع والعمل على تثقيف الجمهور ... في النهاية سنرتقي بمستوى الذوق العام.
Quote: أغنية عركي (حبيبي الليلة جانا وشرب الشاي معانا) أغنية قديمة جداً غناها عركي في السبعينات (بالعود فقط). ما حسيت لما غناها إنو تقمص شخصية أنثى بدلالها وكل التفاصيل الأنثوية .. لكن عكس فيها صورة لحدث مجتمعي.
و الله الواحد يحسدكم على زمنكم الجميل داك يا أستاذ ...
Post: #16 Title: Re: غناء البنات Author: محمد أبوالعزائم أبوالريش Date: 09-07-2017, 07:00 AM Parent: #15
Quote: و الله الواحد يحسدكم على زمنكم الجميل داك يا أستاذ ...
أسكت ............ أنا طبعاً حكو لي الناس الحضروا الزمن داك !!!!
اها يا ابوالريش جبت الكلام لي نفسك الزمن داك انا المدرسة ما دخلتها طيب وقت سمعتها عمرك كم وثقافتك قدر شنو علاء ولدي عمرو تلاتة سنة بغني مع اختو لامن كنت صغيرة بلعب بالتراب انا رأي زي رأي قباني .. الاغنية مشاعر انثي
امال النور ايييييييوه يا رب تعجبها وتتحفنا بها صدقوني ابوعركي قدم رسالة وصلت كوني صديقة لوالدتك كوني صديقة لبنتك شكرآ تاني يا ابسن
Post: #19 Title: Re: غناء البنات Author: عمر أبوعاقلة Date: 09-07-2017, 07:48 AM Parent: #18
سلام لي حفيظ والمتداخلين
انت عارف يا حفيظ مشكلتك انك سمعتها في ركشة وناس الركشات خلونا نسقط عليهم تنميط الهيافة وتقرأ الخيابة من حيث الذوق في سماع الغناء
لكن تخيل لو في عصرية كدا وسمعتها من سيدها بالعود المهم: شكرن كتيرن أول مرة أسمعها .. حسيت فيها إلفة الزولة البتونس فيك وبتحكي ليك في قصة .. إنه فلان خطبها كيف
الاغنية رائعة جدا لو نسمعها من ابو عركي البخيت ...لكن لو سمعناهاضمن اغاني الدلوكة حنسمعها كانها اغنية هابطة....يا ريت كمان لو غناها الفنان القامة حمد الريح، الصوته بيخش القلب بدون استئذان.
..وبعدين يا يحى ود قباني النكتة البتقول:انا بابا لو مسافر عااادي ماما ممكن تجي معايالمدرسة لو طلبوا ولي الامر::النكتة دي فعلا نكتة وخاصة هنا في امريكا لان الامهات هنا هن البمشن المدرسة مع اولادهن لو طلبوا ولي الامر لاي مشكلة ونادر ما تلقى ابو الولدبمشي المدرسة لانه دائما مشغول...وتكون هنا النكتة مقلوبة وبتقول:انا ماما لو مشغولة عاااادي بابا يمشي معاي المدرسة لو طلبوا ولي الامر...وانا بعرف اسرة هنا الام بتضرب ليتلفون مرات وتقول لي:با بسمات عليك الله لو فاضية بكرة الصباح تعالي بيتي معانا وامشيمع الولد المدرسة عشان الguidance councelor عاوزنا نتناقش معاه في امور..( ما عارفة الكلمة دي بالعربي شنو )واناعندي مواعيد مع الدكتور....وفي الحالة دي ابدا ما بسال ابوهو وينو...عشان عارفة ابوهو. ماا فاضي ،،،الامهات هنا يا ود قباني بمثلن دور الاب والام وكل شئ ومش زي المعقد بتاعاوروبا البقول النسوان في اوروبا فاسدات وكلام فارغ وعشان حادثة فردية حصلت ليهوشخصيا يعمم على الكل...ودمت بالف خير وصحة وعافية
اعمامنا الاعزاء ود قباني وود ابو العزائم وود ابو سن اطمانوا تمام انتو في عز الشباب....عجايز وكهول امريكا وعمرهم بين المائة والمائة وعشرة سنة بيتفسحوا في السنترال بارك...ومعاهم حبيباتهم وماسكين ايدين بعض واخر ونسة وضحك من الاعماق وبيلعبو بلي....بس البلية الواحدة في حجم بيض النعام... يعني انتو بالمقارنة مع كهول نيويورك اطفال صغار....انسوا الهموم وكونوا ريلاكس Relax حتشعروا بسعادة الحياة.....وتنسوا حكاية العهد الزمان.....وتنسوا نهائيا انتو فتو الخمسين.... ودمتم بالف خير وصحة وعافية
التحية للجميع هنا.. كل سنة وانتو طيبين.. غايتو عيال ابا عبد الحفيظ ويحي قبانا..بالغوا جنس بوليغ..!
المفارقة يا عبد الحفيظ انو بتاع ركشة..لأنو ديل البيحفظوا الوجدان الحقيقي..فالغناء الرسمي في امسودان بقى مخلجن جنس خلجنة واحدة..تغريب وتسويف وتشويه شديد خلاص..!
عمي واحد مريخابي متعصب وبيحب يسمع عبد العزيز محمد داوود..ايام فيصل العجب طالع في الكفر..عمنا داخل: العجب حبيبي ، مارق العجب حبيبي..!