يا هندسة بالله عايز اعرف شاعر القصبدة الغنائية دي منو متين غنوها دخلت في تحدي مع جمعية التراث الغنائي السوداني في القاهرة
ما أقول امتى....... المزار........إلا تجرى دموعي..... الغزار زارني ناسم شاقني المزار.......لو يزورني الطيف يبقى كيف ياخصيب السوح امتى اطوفك........وأستريح الروح من قطوفك ياحبيبى إن شاء الله أشوفك.........في نعيمك...... وظلك وريف أشهى.... والآمال يفرحوني.......مالي إلا سجعي.......ولحونى صرت ابغض من ينصحوني........هل تجامل وترسل لي طيف امتداحك بقى لي قراية............لي تملى القرطاس مراية الوحايح فصمت عراى.........ها جزا من يعشق ظريف شعرك اسود زى حظ حسدوك......نور تضاحك بدرك فصودك كم غضنفر.... فاتكابو سودك.......والمها تهواك .....يا خشيف عفوك اسمح لأجلك ثناى..............لا امل من قبلك ....عناى عندى مرك حلو يا مناى............والذي يرضيك هو اللطيف يا ما عاشق وما هو وافى.........ويا ما شاعر يقصد عوافى مثلهم من يعشق ..قوافي........ومثلنا من يعشق....... عفيف يامحجب صاين... جمالك...........يا مهفهف بعضك امالك دام زهاك ..ودايم... كمالك.........يا وحيد القدر.... المنيف يا رشيقا حسنك..... نمالك.......قل لطيفك هاجرنى... مالك دمعي كف وكفى انهمالك...........إن بعد الصيف الخريف يا لهيبي.... الزاد اشتعالا............لي جمر الغضى انتعالا يا نسيم المحبوب تعالا............من لريحك ارحم ..بهيف يا امانى .....من كلواقب........ماله طيفك لي ما هو راغب هل في طرق الأحلام مراقب......أم يحاذر امرا...... مخيف إن أقول الثنا ياجحاجح..........فهو منه واليه ........راجح إن تزنبو ترى وزنهراجح........خلى معنى و الروح خفيف السلام ما ابتسمت زهورك........ما تلألأ رف نور نهورك ما جلت بسماتك ...شهورك...........يبقى لي متكأك.....قطيف
Post: #2 Title: Re: يا هندسة يا ود قباني ألحقني بمعلومة عليك ا Author: زهير عثمان حمد Date: 02-20-2017, 00:37 AM Parent: #1
الشباب هنا قالو غنا سيد خليفة والشاعر الجاغريو أنا بقول هي قديمة وحقيبه لعبدالرحمن الريح لكين ما وجدته في كتبة أذاعة أمدرمان ؟
Post: #3 Title: Re: يا هندسة يا ود قباني ألحقني بمعلومة عليك ا Author: يحي قباني Date: 02-20-2017, 03:07 AM Parent: #2
لا هذا و لا ذاك يا أبو الزهراء ...
القصيدة متى مزاري لمحمد ود الرضي ...
و أضاف الى ابياتها إبراهيم العبادي ...
لحنها و غناها الحاج محمد احمد سرور ... ثم غناها إبراهيم عبد الجليل ...
و فيما بعد غناها سيد خليفة ... و غيره ...
Post: #4 Title: Re: يا هندسة يا ود قباني ألحقني بمعلومة عليك ا Author: زهير عثمان حمد Date: 02-20-2017, 03:18 AM Parent: #3
أخي يحي قباني تحياتي لك كل الامتنان يا صديقي لهذه الافادة وبالله بلغ صديقي أسامة أحر التعازي مني لوفاة العم مجذوب مدثر ولك كل الود
Post: #5 Title: Re: يا هندسة يا ود قباني ألحقني بمعلومة عليك ا Author: يحي قباني Date: 02-20-2017, 03:21 AM Parent: #4
يوصل يا أبو الزوز ان شاء الله ... ____________________________
متى مزاري غناها عبد الله الماحي أيضا قبل إضافات العبادي ...
Post: #6 Title: Re: يا هندسة يا ود قباني ألحقني بمعلومة عليك ا Author: خالد العبيد Date: 02-20-2017, 04:29 AM Parent: #5
أضاف الى ابياتها إبراهيم العبادي ...
لحنها و غناها الحاج محمد احمد سرور ... ثم غناها إبراهيم عبد الجليل ...
و فيما بعد غناها سيد خليفة ... و غيره ... ---------------------------- سلام يحي وعبرك لصديقنا ابوالزوز اعتقد ان العبادي هو من قام بتشطير النص ولم يضف لها أي بيت وتغنى بها أولا عبدالله الماحي وسجلها في أسطوانة كما سجلها مبارك حسن بركات للإذاعة السودانية ثم غناها الحاج سرور بعد التشطير ثم بادي محمد الطيب الذي تغنى بها كاملة لكم المحبة
Post: #7 Title: Re: يا هندسة يا ود قباني ألحقني بمعلومة عليك ا Author: خالد العبيد Date: 02-20-2017, 04:32 AM Parent: #6
بصوت عبدالله الماحي
Post: #8 Title: Re: يا هندسة يا ود قباني ألحقني بمعلومة عليك ا Author: خالد العبيد Date: 02-20-2017, 04:33 AM
بصوت مبارك حسن بركات
Post: #9 Title: Re: يا هندسة يا ود قباني ألحقني بمعلومة عليك ا Author: خالد العبيد Date: 02-20-2017, 04:35 AM Parent: #8
أيضا تسجيل قديم بصوت مبارك حسن بركات
Post: #10 Title: Re: يا هندسة يا ود قباني ألحقني بمعلومة عليك ا Author: خالد العبيد Date: 02-20-2017, 04:36 AM Parent: #9
أخيرا تغنى بها سيد خليفة وابدع في الأداء
Post: #11 Title: Re: يا هندسة يا ود قباني ألحقني بمعلومة عليك ا Author: يحي قباني Date: 02-20-2017, 04:44 AM Parent: #10
تمام يا ود العبيد ...
اخوك ما قاعد يركز كتير في المناسبات ...
بالنسبة للحقيبة بالذات ...حب الكلمات و معانيها و من هو كاتب الكلمات هو مزاجي الأول ...
اتقالت في منو و متين و الغناها اول منو ... الكلام ده ليهو ناسو ...
ناس عوض بابكر ما قصرو الله يديو العافية ...
و كذلك الجقر ( رغم لخبته الكتيرة ) ههه
Post: #12 Title: Re: يا هندسة يا ود قباني ألحقني بمعلومة عليك ا Author: ياسر السر Date: 02-20-2017, 07:16 AM Parent: #11
اعتقد ان هناك قصيده مشابهة لمحمد ود الرضي وهي :
متى مزاري واوفي نزاري واجفو هذا الوطن المصيف
على ما اعتقد انه كتبها حينما كان يعمل في مشروع خزان مكوار ( سنار) حيث كان يشتكي من الشوق لاهله وللعاصمة .. ملحوظة : الفيديوهات لا تعمل
تحياتي : ياسر العيلفون .....
Post: #13 Title: Re: يا هندسة يا ود قباني ألحقني بمعلومة عليك ا Author: خالد العبيد Date: 02-20-2017, 08:20 AM Parent: #12
سلام ياسر هي نفس القصيدة التي كتبها الشاعر وهو في سنار تحياتي