Post: #1
Title: كيف أعثر على مشاركاتي بالمنير؟
Author: عبدالحفيظ حسن
Date: 02-19-2017, 09:37 AM
..
ليست لدي مكتبة خاصة في المنبر........
كيف اعثر على كل مشاركاتي فيه منذ التحاقي بعضويته؟
أفيدوني ....... أفادكم الله..
.
|
Post: #2
Title: المنبر العام؟
Author: عبدالحفيظ حسن
Date: 02-19-2017, 09:39 AM
Parent: #1
.
اعني بوستاتي ......
.
|
Post: #3
Title: المنبر العام؟
Author: عبدالحفيظ حسن
Date: 02-19-2017, 01:17 PM
Parent: #2
.
يعني ولا زول يقول لي عينك في راسك ....مافي؟
.
|
Post: #5
Title: Re: المنبر العام؟
Author: حامد بدري
Date: 02-19-2017, 03:48 PM
Parent: #4
مسا الخير
غايتو لحدت يجوك الخبرا الروس تفتح موضوع جديد في الصندوق السحري محل بتكتب العنوان لو عملت كليك بظهر ليك عناوين البوستات القديمة
|
Post: #6
Title: Re: المنبر العام؟
Author: يحي قباني
Date: 02-19-2017, 04:07 PM
Parent: #5
كدي اول شي بدل لينا صورة البروفايل بي ده ...
عشان نشوف كويس انحنا بنتكلم مع منو :)
( لفة العمة دي تشهينا الرجوع و الله يا صاحب ... ما شاء الله )
|
Post: #7
Title: Re: المنبر العام؟
Author: أحمد محمد عمر
Date: 02-19-2017, 04:31 PM
Parent: #6
تحت العناوين المعلقة فوق ديك بتلقى مجموعة روابط اضغط فيهن (ابحث)
محل user nikename: اكتب اسم عضويتك
محل بحث المنتديات boards اختار (كل المنابر والمكتبات)
مرات بتعضي شوية كدة بتضطر تختار المنبر العام وبعد داك ترجع تختار الربع القبليهو وهكذا
|
Post: #8
Title: Re: المنبر العام؟
Author: قسم الفضيل مضوي محمد
Date: 02-19-2017, 04:46 PM
Parent: #7
عبد الحفيظ ابو سن من الاقلام التي تستحق مكتبة كاملة الدسم ...
ما تكون يا حفيظ ناوي تفرز عيشتك وتفارق !!!
|
Post: #9
Title: Re: المنبر العام؟
Author: جلالدونا
Date: 02-19-2017, 04:48 PM
Parent: #7
طريقة منتصر تمام بالنسبة للبوستات الحالية لكن
طريقة احمد عمر فيها حاجة ما ياها
لمّا اعفص رابط ابحث بيظهر صندوق لادحال الكى ويرد
و صندوق تانى لليوزر نيم
و تالت وده جاهز و زكتوب فيهو مدخل ارشيف 2015
و دى النتيجة
| Quote: مدخل أرشيف للعام 2015م No Matches in مدخل أرشيف للعام 2015م |
|
Post: #10
Title: Re: المنبر العام؟
Author: محمد البشرى الخضر
Date: 02-19-2017, 06:32 PM
Parent: #9
شنو يا شباب مهوّدين كدا :)
تحيّاتي عبد الحفيظ حسن
|
Post: #11
Title: Re: المنبر العام؟
Author: عبدالحفيظ ابوسن
Date: 02-19-2017, 06:40 PM
Parent: #10
تحياتي سمي (عبدالحفيظ )
وحبابك
وحباب ضيوفك
وتحية قسم الفضيل ل طيب قولك
والله فعلا مشكلة
لا استعين بي قوقل واتشيطن في كتابة كلمات مفاتيح البحث بكون نسيت العنوان
|
Post: #12
Title: المنبر العام؟
Author: عبدالحفيظ حسن
Date: 02-20-2017, 11:27 AM
Parent: #11
.
الشكر الجزيل لكل الإخوة المتداخلين ....
* فيصل محمد خليل:
اشكرك .... بس الرابط ده جاب فقط موضوع واحد من مواضيعي.
* حامد بدري:
جاني عنوان آخر موضوع اللي هو بنكتب فيهو الآن.
* يحي قباني:
تشكر على تفتيح البشرة وإظهار الملامح ....
بالمناسبة أنا مشترك معاك في مكتبة الأغنية السودانية.
*أحمدمحمد عمر:
عملت باقتراحك .... وبديت بأرشيف أول سنة نلت فيها
عضوية المنبر الى تاريخ اليوم ..... لكن كانت النتيجة
كما ذكر الأخ جلالدونا .... سلبية.
*قسم الفضيل:
ولا يهمك ...... كلانا عبدالحفيظ.
*محمد البشرى:
تشكر على التصحيح.
* عبدالحفيظ أبوسن:
تشكر سمي ....
وبالمناسبة أنا من مواليد كوستي ووالدي عمل بها معلما
في المدارس الوسطى .... ومن تلامذته المرحوم الفريق
إبراهيم أحمد عبدالكريم ... وقد ذكره في بعض كتاباته.
.
|
Post: #13
Title: Re: المنبر العام؟
Author: محمد البشرى الخضر
Date: 02-20-2017, 01:30 PM
Parent: #12
تحياتي عبد الحفيظ Quote: عملت باقتراحك ....
وبديت بأرشيف أول سنة نلت فيها عضوية المنبر الى تاريخ اليوم .....
لكن كانت النتيجة كما ذكر الأخ جلالدونا .... سلبية |
عشان تحصل على نتيجة الأفضل نسخ ولصق الإسم.
و أيضا إختيار كل ربع على حدة لأن البحث في "كل المنابر و المكتبات" غالبا بطش
خذ مثال الرابط دا لأحد مواضيعك ظهر بعد البحث بإسمك (نسخ ولصق) عن مشاركاتك في الربع الثالث من عام 2009
لماذا لا يتم اختيار وزير الداخلية من بين ضباط الشرطة؟؟؟؟
|
Post: #14
Title: المنبر العام؟
Author: عبدالحفيظ حسن
Date: 02-21-2017, 07:21 AM
Parent: #13
.
الف شكر أخي محمد البشرى
بس ما عرفت المقصود من نسخ ولصق الاسم ....
يعني أنسخو من وين وانسخو وين؟
أنا عندي بوست اسمو ( الخال الذي ضيع في الأوهام عمره)
كدي ساعدني في العثور عليه ووريني الخطوات بالتفصيل.
معذرة .... ولكن الجهل مصيبة .....مش؟
.
|
Post: #16
Title: المنبر العام؟
Author: عبدالحفيظ حسن
Date: 02-21-2017, 10:27 AM
Parent: #15
.
الأخ العزيز حامد
عاجز عن الشكر والله
صحيح والله دي فاتت علي ..... فعلا اسمي في 2008 كان بالإنجليزي
وفقدت الباسوورد ..... قام أخونا بكري عمل لي عضوية جديدة في
2009 والاسم بقى بالعربي....
ياخي كتر خيرك.
.
|
Post: #17
Title: Re: المنبر العام؟
Author: محمد البشرى الخضر
Date: 02-21-2017, 10:42 AM
Parent: #15
تحياتي عبد الحفيظ
قصدت بالنسخ و اللصق انه في مربع البحث البتصله بالضغط على احد الوصلات المكتوب عليها "ابحث" كما في الصور التالية :
من الأعلى, أو :
من الأسفل. و ح توديك لصفحة فيها الخانات التي تكتب فيها متغيرات البحث زي الإسم أو الكلمة المفتاحية في البوست و المنبر أو المكتبة المراد فيها البحث كما في الصورة دي:
في الخانة المشار ليها بالسهم تكتب الإسم وهنا قصدت ليك إنّك تستخدم خاصية النسخ و اللصق copy and paste بدل تكتب الإسم كتابة لتجنّب الأخطاء حيث المسافة بتفرق
أخيرا تحدّد المنبر أو المكتبة العايز تبحث فيها, المنابر مؤرشفة حسب الفترة الزمنية, الصورة دي مثلا فيها اختيار منبر إرشيف الربع الرابع من 2009 :
ح تجيك نتيجة لكل المداخلات التي كتبها صاحب الإسم في مربع البحث و مؤرشفة في تلك الفترة, مداخلاتك في بوستات الآخرين دايما بتبدأ بـ :Re و بوستاتك بتلقى المداخلة الأولى بدون البتاعة دي
ح تجيك نتيجة زي دي:
ممكن تضيّق البحث بوضع كلمة مفتاحية على خانة الـ keyword أو تخليها فاضية
كدي جرّب يا سعادتك
|
Post: #18
Title: المنبر العام؟
Author: عبدالحفيظ حسن
Date: 02-22-2017, 12:18 PM
Parent: #17
.
الشكر آلآف ليك أخي محمد البشرى .....
جربتها ونجحت تماما .....
تحياتي ومودتي.
.
|
|