Post: #1
Title: فطرت فول من حوض السليم الليلة دي !!!
Author: يحي قباني
Date: 02-18-2017, 06:55 AM
Parent: #0
05:55 AM February, 18 2017 سودانيز اون لاين
يحي قباني-فى الدنيا العجيبة
مكتبتى
رابط مختصر اموت في شدر السلم و السليمات ...
و اموت في مقاصر و دنقلا ...
و اموت في النيل و أي طلمبة سقت الحوض ...
و احب سينما قرشي ... و عمك قرشي ... و ماتسكو ذات نفسها ...
و اموت في الشمالية كلها ...
ياخي ده فول و لا موت عديل كده !!!!
ادفع الباقي من عمري ... و اسعي لي بويت سغيروني في طرف الحلة ...
و افطر فول ...
و اتغدا فول ...
و لامن يجي وكت العشاء ... اصلح لي فول زي الما حاصل شي ...
اصلح شنو .؟ هو داير تصليح ...! الشي زبدة معطونة في سمن ...
بس تشد و تاكل ... :)
على قولة صديقي كبر ... فول ليجندري ....
صاحبي قاعدين في مكتبه ...
قال لي فطرته .؟
قلت ليه و الله ابدا لو داير امشاكا نفطر ...
قال انا فطرت و الله ... لكن عندي فول من حوض السليم جبتو معاي بسخن ليك منو ...!!!
اجيب ليك معاهو رغيف ؟
رغيف شنو .... بالله بالملعقة ... و يا صحن جاك راجل ...
يذوب ذوباً ... كما تذوب الحبيبة في أحضان حبيبها ...
___________________________________
سامحونا ان تغزلنا في صحن فول ...
فمن يكتوي بنار المهاجر و مساخة لقمتها ... يقدر شعورنا ده ...
|
Post: #2
Title: Re: فطرت فول من حوض السليم الليلة دي !!!
Author: درديري كباشي
Date: 02-18-2017, 07:11 AM
Parent: #1
صدقت يا هندسة
أنا أعتقد وأوقن وأؤمن أنه ربنا ما خص طعام بصفات فريدة ومحيرة مثل الفول
هذا بصورة عامة وخلاف فولك الذي تتغزل فيه
ياخ ربنا جمع فيه خصائص اللحوم والأجبان
والفول زي العربية المارسيدس يستجيب لأي تغيير حتى لو غسلتها في الطرمبة ممكن سعرها يزيد .
كذلك الفول نص ليمونة ممكن تجعله مختلفا
وعلى ذلك فقس كتحة شمار نص فص توم وملعقة زيت سمسم
وتحس كمان أنه باقي المأكولات تتملقه وتتقرب له حتى تصبح ضمن خلطته
سلطة الأسود
الطعمية والجبنة و السلطة الخضراء
كلهم من حاشية الفول التي تتوسل وده
وطعام لايمل
تجد الموظفين والطلبة كل يوم يفطروا فول
لكن من ثاني يوم في عيد الأضحى يملون اللحم ويبحثون عن الفول وأنا أولهم
|
Post: #3
Title: Re: فطرت فول من حوض السليم الليلة دي !!!
Author: عوض جاه الرسول
Date: 02-18-2017, 07:47 AM
UP
عشان دنقلا
عشان حوض السليم.
حياك أستاذ. قباني
ودرديري
|
Post: #4
Title: Re: فطرت فول من حوض السليم الليلة دي !!!
Author: Haytham Ghaly
Date: 02-18-2017, 07:54 AM
يا فوال انا جيت انا جيت
جيب الملاحة وزيد الزيت
اذكر هذا المنلوج الذي تغنى به احد الزملاء في المرحلة الوسطى ذات ليلةٍ ادبية
كانت في شتاء قارص والجوع يفعل فينا افعاله
هل تصدق يا يحي بعد ما زميلنا خلص المنلوج ما قعدنا ولا دقيقة جري على المطعم
اذا عايز تاكل فول وتستمتع بالذ فول في هذه الفانية فعليك باللتي
اهم شي تشد الفول في بيتك
بعد الفول ينجض تشيل بالكمشة وتكبو في الصحن وتكون الموية اكتر من حبات الفول لازم
تديهو شوية ملح وشوية شمار وكب زيت السمسم فقط لاغير اي زيادات تبوظو
تجيب رغيفك وقرون شطتك الخدرة الحارة وبالهنا😂😋
والله جوعتونا😂😂😂
كدي حاول احضر دا👇🏿 واذا ارفقتو تكون ما قصرتا
https://youtu.be/s6C33EOie-Ehttps://youtu.be/s6C33EOie-E
تحياتي
|
Post: #13
Title: Re: فطرت فول من حوض السليم الليلة دي !!!
Author: يحي قباني
Date: 02-19-2017, 06:23 AM
Parent: #4
Quote: يا فوال انا جيت انا جيت
جيب الملاحة وزيد الزيت
اذكر هذا المنلوج الذي تغنى به احد الزملاء في المرحلة الوسطى ذات ليلةٍ ادبية
كانت في شتاء قارص والجوع يفعل فينا افعاله
هل تصدق يا يحي بعد ما زميلنا خلص المنلوج ما قعدنا ولا دقيقة جري على المطعم
اذا عايز تاكل فول وتستمتع بالذ فول في هذه الفانية فعليك باللتي
اهم شي تشد الفول في بيتك
بعد الفول ينجض تشيل بالكمشة وتكبو في الصحن وتكون الموية اكتر من حبات الفول لازم
تديهو شوية ملح وشوية شمار وكب زيت السمسم فقط لاغير اي زيادات تبوظو
تجيب رغيفك وقرون شطتك الخدرة الحارة وبالهنا
😂😋 |
تخيل يا هيثم ... زيت سمسمنا قاعد ينباع في بقالة تبعد 5 دقايق بالكرعين من بيتي ...
باغة بلاستيك شينة كده ... شايلة جواها كلام عجيب ...
عمك سيد البقالة عراقي ... كل مرة يسألني زيت السمسم ده بتعمل بيهو شنو ؟
لو الدنيا برد أقول ليهو بنشربو يدفينا ...
و لو الدنيا حر أقول ليهو بنتمسح بيهو عشان اشعة الشمس ...
العراقيين ملوا البلد ... لو اكتشفوا حكاية الفول بي زيت السمسم ... تاني الا ناكله كيري ...
|
Post: #6
Title: Re: فطرت فول من حوض السليم الليلة دي !!!
Author: يحي قباني
Date: 02-18-2017, 04:44 PM
Quote: صدقت يا هندسة
أنا أعتقد وأوقن وأؤمن أنه ربنا ما خص طعام بصفات فريدة ومحيرة مثل الفول
هذا بصورة عامة وخلاف فولك الذي تتغزل فيه
ياخ ربنا جمع فيه خصائص اللحوم والأجبان
والفول زي العربية المارسيدس يستجيب لأي تغيير حتى لو غسلتها في الطرمبة ممكن سعرها يزيد .
كذلك الفول نص ليمونة ممكن تجعله مختلفا
وعلى ذلك فقس كتحة شمار نص فص توم وملعقة زيت سمسم
وتحس كمان أنه باقي المأكولات تتملقه وتتقرب له حتى تصبح ضمن خلطته
سلطة الأسود
الطعمية والجبنة و السلطة الخضراء
كلهم من حاشية الفول التي تتوسل وده
وطعام لايمل
تجد الموظفين والطلبة كل يوم يفطروا فول
لكن من ثاني يوم في عيد الأضحى يملون اللحم ويبحثون عن الفول وأنا أولهم |
درديري يا زول يا جميل ...
اخوك غايته لامن الحبة تكون سمحة ...
بخليو طبيعي خلقة ربي ... لا بودرة لا أحمر ...
بس شوية ملح و شمار و اخف زيت عشان طعم الفول يكون هو سيد الموقف ...
و اكل و ما تدي الجنبك هههه...
|
Post: #26
Title: Re: ؟؟؟؟ ؟؟؟؟ ؟؟؟؟؟؟؟؟ ؟؟؟ ؟؟؟؟؟؟ ؟؟ ؟؟؟؟ (؟؟؟
Author: Hani Arabi Mohamed
Date: 02-20-2017, 07:56 AM
جوعتونا معاكم
:)
|
Post: #5
Title: Re: فطرت فول من حوض السليم الليلة دي !!!
Author: sadig mirghani
Date: 02-18-2017, 08:17 AM
Parent: #1
علي اليمين انت زولي
عندي يمني صاحبنا عزمتو غدا
الحاجة زبطتا ليهو فول السليم السيوبر ياعمك
والذي لا الهة الا هو قال دي لحمة
وانا احلف ليهو دا فول
احمرررررر حبة كبيرة زي الفستق
بي عدس
بي كبده
بي سجك
بي اي نصيبة زمان
الفول فولي
|
Post: #7
Title: Re: فطرت فول من حوض السليم الليلة دي !!!
Author: يحي قباني
Date: 02-18-2017, 04:50 PM
Parent: #5
Quote: عشان دنقلا
عشان حوض السليم.
حياك أستاذ. قباني
ودرديري |
حياك و ابقاك حبيبنا ود جاه الرسول ...
ياخي موسوعة جينيس ممكن تحتار في حبة الفول و الطينة الحضنتها دي ...
|
Post: #8
Title: Re: فطرت فول من حوض السليم الليلة دي !!!
Author: منتصر صلاح
Date: 02-18-2017, 05:05 PM
Parent: #7
فول السليم دة يا حبيبنا قباني .. لمن مشيت طلبت ايد المرا ( المرا نصها سليماوية ) .. شرطي الاول شهريا قيراطين ( 2 قيراط )
يجيني ..فـ شنو .. اموت انا في حوض السليم .
صحبك المقاصراوي دة - مقاصر - من ساب ولا جلابكي ( شمال وجنوب ) ؟؟ تحياتنا ليهو .
ولك كمية من التحايا بطعم الفول
|
Post: #9
Title: Re: فطرت فول من حوض السليم الليلة دي !!!
Author: Nasser Amin
Date: 02-18-2017, 06:10 PM
Parent: #8
يا سلاااام يا اسناذ قباني..
ياخ الفول و يكون من السليم دي متعة مافي بعدها...بس عايز شمار و زيت سمسم و بدون تكسير.
شايفك جبت سيرة سينما قرشي ...انت من دنقلا يا باشمهندس؟
|
Post: #10
Title: Re: فطرت فول من حوض السليم الليلة دي !!!
Author: muntasir
Date: 02-18-2017, 06:38 PM
Parent: #9
قال تذوب فول شنو الداير ليه غسل جنابة ده
|
Post: #11
Title: Re: فطرت فول من حوض السليم الليلة دي !!!
Author: يحي قباني
Date: 02-18-2017, 06:47 PM
Parent: #10
| Quote: قال تذوب فول شنو الداير ليه غسل جنابة ده |
يا منتصر خليتني افط الناس ... لكن مداخلتك ( أثارتني ) ... :)
و الله لو ما معانا اسمو شنو هنا ...
كان قلت ليك الفول الاكلته امس ده مش غسل و بس ... ده داير ليهو قضاء و كفارة عديل ...
* افط دي ذكرتني ناس الشربة زمان ههههه
|
Post: #12
Title: Re: فطرت فول من حوض السليم الليلة دي !!!
Author: محمد على طه الملك
Date: 02-18-2017, 07:25 PM
Parent: #9
سلامات يا ود قباني يا جميل ..
ماتنسى سنما عمر ياخي ..
أول سينما في دنقلا ..
على أيامنا كانت حصة المذاكرة إلزامية في المرحلة الوسطى ..
ناظرنا ربنا يرحمه كان الأمدرماني الجميل والرياضي المطبوع كامل محجوب ..
بعد ذلك أصبح أحد القياديين في الاتحاد الاشتراكي زمن نميري ..
حصة المذاكرة مخسوس كانوا بجروها لينا لحد ما تبدأ المناظر ..
مع الجرس ولا بننتظر الخروج بالبوابة بالسور وجرى على السنما ..
نقعد نتلايق ؤ نحنس بتاع التذاكر مرة يحن ومرات يعصلج ..
لحد اليوم لما أسمع ابن البادية بتذكر سينما عمر ..
الظاهر كان فنان عمنا عمر المفضل لإنو ما كان بذيع غير أغانيه ..
رحمه الله ..
على ذكر الفول ..
الويك اند الفات كانوا معانا زوار ..
أختك أم مهند ختت لينا صحن فول بالجبنة معاهو سرويس رز عليه ضلعة ..
لاحظ دي لحمة ضان هولندي مش أي كلام ..
الباقي سلطات ؤ شطة خضرا مسحونة ومخلوطة بالدكوة ..
أنقر ما رجع سرويس الضلعة صاغ سليم !
حاجة تانية أوصيك عليها ( الويكة ) البلدية شرط تجيك من اندينا..
ويكة السوق دي بامية مطحونة ..
تحياتي لود مقاصر المعاك.
|
Post: #20
Title: Re: فطرت فول من حوض السليم الليلة دي !!!
Author: يحي قباني
Date: 02-19-2017, 04:13 PM
Parent: #12
Quote: سلامات يا ود قباني يا جميل ..
ماتنسى سنما عمر ياخي ..
أول سينما في دنقلا ..
على أيامنا كانت حصة المذاكرة إلزامية في المرحلة الوسطى ..
ناظرنا ربنا يرحمه كان الأمدرماني الجميل والرياضي المطبوع كامل محجوب ..
بعد ذلك أصبح أحد القياديين في الاتحاد الاشتراكي زمن نميري ..
حصة المذاكرة مخسوس كانوا بجروها لينا لحد ما تبدأ المناظر ..
مع الجرس ولا بننتظر الخروج بالبوابة بالسور وجرى على السنما ..
نقعد نتلايق ؤ نحنس بتاع التذاكر مرة يحن ومرات يعصلج ..
لحد اليوم لما أسمع ابن البادية بتذكر سينما عمر ..
الظاهر كان فنان عمنا عمر المفضل لإنو ما كان بذيع غير أغانيه ..
رحمه الله ..
على ذكر الفول ..
الويك اند الفات كانوا معانا زوار ..
أختك أم مهند ختت لينا صحن فول بالجبنة معاهو سرويس رز عليه ضلعة ..
لاحظ دي لحمة ضان هولندي مش أي كلام ..
الباقي سلطات ؤ شطة خضرا مسحونة ومخلوطة بالدكوة ..
أنقر ما رجع سرويس الضلعة صاغ سليم !
حاجة تانية أوصيك عليها ( الويكة ) البلدية شرط تجيك من اندينا..
ويكة السوق دي بامية مطحونة ..
تحياتي لود مقاصر المعاك |
تحياتي يا ملك ...
و التحية لكل أهلنا الفوق ...
و الضلع مش يرجع خائباً ... بل يتوارى خجلاً ...
اما الويكة و الله عارفها ... انحنا عندنا عقاب كده فوق ليكم بي شويتين ...
ما قصروا معانا ابداً زمان ...
غايتو شنطة التموين البتجي من السودان اليومين ديل ما بقت زي زمان ...
شبكونا قونقليز يشبه قشاط الطاولة ... و عرديب مغلف !!!
غايتوا الله يرحم كبارنا بس ...
|
Post: #18
Title: Re: فطرت فول من حوض السليم الليلة دي !!!
Author: يحي قباني
Date: 02-19-2017, 03:52 PM
Parent: #9
Quote: يا سلاااام يا اسناذ قباني..
ياخ الفول و يكون من السليم دي متعة مافي بعدها...بس عايز شمار و زيت سمسم و بدون تكسير.
شايفك جبت سيرة سينما قرشي ...انت من دنقلا يا باشمهندس؟ |
تحياتي حبيبنا ناصر ...
لا و الله ما من دنقلا ...
لكن يا ناصر كان صحباني اتنين في الخرطوم القديمة ...
عمر احمد مختار جيرة من مراوارتي
و محمد جعفر قريش من بارا
ما في علاقة ... صاح ؟ ده شمالا و ده جنوب غربا من مكان شكلتنا هههه
الكن لاتنين كل يوم متشاكلين ... جنة الله في الأرض ياتا فيهم؟
نكون قاعدين في بيت عمر و الحاجة تجيب لينا الصينية الما خمج و فول السليم في سنتر الصينية ...
و الظاهر عمنا احمد كان عنده زراعة هناك ...
لأنه لغاية ما فارقت السودان ... البلح ما انقطع من عندنا ... عمك احمد كان يرسل عمر بي كوتتنا قبال ما تمُرُهم ينزل عندهم
آها بعد الكلام ده نقول بس دنقلا و ما جاورها ... بلا بارا بلا حكي ... :)
يجيك محمد جعفر يحكي ليك بي شغف عن بارا و جمال بارا ... ( او باريس ) كما كنا نسميها
لامن قلت انا كان ما زرت المحلتين ديل حاموت ناقص عمر ...
فسمعت كل القصص عن عمك قرشي و طلمبات الليستر و السنما ...
و جمال بارا و جو بارا ... و لبن بارا ...
* الحاجة الوحيدة الاختلفنا فوقها ... ( التركين ) ...هههههه
ود بارا غلبوا ... و اخوك مع ناس عمر كتفا بي كتف ...
طبعا الكلام ده احنا طلبة ثانوي ...
التركين كان عرض علي الان ... الا اتشهد بالأول ...
|
Post: #17
Title: Re: فطرت فول من حوض السليم الليلة دي !!!
Author: يحي قباني
Date: 02-19-2017, 03:38 PM
Parent: #8
Quote: فول السليم دة يا حبيبنا قباني .. لمن مشيت طلبت ايد المرا ( المرا نصها سليماوية ) .. شرطي الاول شهريا قيراطين ( 2 قيراط )
يجيني ..فـ شنو .. اموت انا في حوض السليم .
|
عفيت منك ...
يعني نصها ( الحلو ) ما انت الان هههه
|
Post: #14
Title: Re: فطرت فول من حوض السليم الليلة دي !!!
Author: يحي قباني
Date: 02-19-2017, 06:26 AM
Parent: #5
Quote: علي اليمين انت زولي
عندي يمني صاحبنا عزمتو غدا
الحاجة زبطتا ليهو فول السليم السيوبر ياعمك
والذي لا الهة الا هو قال دي لحمة
وانا احلف ليهو دا فول
|
الفول لحمة الغلابا ... الله ده ما كريم علينا يا صادق ...
الفول لحمة الغلابه و الطعمية كباب الشعب
|
Post: #15
Title: Re: فطرت فول من حوض السليم الليلة دي !!!
Author: نادر
Date: 02-19-2017, 06:59 AM
Parent: #14
الجميل يحيى قباني وزواره الميامين
جابنا الشديد القوي
دنقلا وما أدراك ما دنقلا
مراتع الصبا، وشوارع الحبان
نبدأ من مراغة إلى أقجة تحت وأقجة فوق نسلم على عملك عبدالله الزبير، ثم نديها لفة على (البان جديد) ليكون اليوم سعيد ):
لندخل الحلة الجديد، حي الموظفين ندلف يساراً للغندقلية والجعافرة، ثم نعرج إلى حيث منزل عمنا عثمان شيخ
نسلم على أولاده فرداً فرد
من لدن فؤاد وبرعي إلى عثمان وكمال وعبدالمنعم وقدروه كلهم مايستريوهات في الكورة، زاملتهم في نادي الرابطة، وعلى ذكر نادي الرابطة نقول الاتحاد والهلال والأهلي والشرطة والأمل والمريخ دنقلا
نطلع بحي النزهية للسوق نمر على (سلطان الكيف) ومنه للبنطون نعدي نشوف فولك (السيوبر) في السِليِم
أماكن لها في القلب منازل يا يحىى، وسلام عليك في العالمين
|
Post: #22
Title: Re: فطرت فول من حوض السليم الليلة دي !!!
Author: يحي قباني
Date: 02-19-2017, 04:21 PM
Parent: #15
Quote: الجميل يحيى قباني وزواره الميامين
جابنا الشديد القوي
دنقلا وما أدراك ما دنقلا
مراتع الصبا، وشوارع الحبان
نبدأ من مراغة إلى أقجة تحت وأقجة فوق نسلم على عملك عبدالله الزبير، ثم نديها لفة على (البان جديد) ليكون اليوم سعيد ):
لندخل الحلة الجديد، حي الموظفين ندلف يساراً للغندقلية والجعافرة، ثم نعرج إلى حيث منزل عمنا عثمان شيخ
نسلم على أولاده فرداً فرد
من لدن فؤاد وبرعي إلى عثمان وكمال وعبدالمنعم وقدروه كلهم مايستريوهات في الكورة، زاملتهم في نادي الرابطة، وعلى ذكر نادي الرابطة نقول الاتحاد والهلال والأهلي والشرطة والأمل والمريخ دنقلا
نطلع بحي النزهية للسوق نمر على (سلطان الكيف) ومنه للبنطون نعدي نشوف فولك (السيوبر) في السِليِم
أماكن لها في القلب منازل يا يحىى، وسلام عليك في العالمين |
طولت الغياب يا أبا محمود ...
مشتاقين يا جميل ... الحكاية ؟
و الله الذكريات البتوجع القلب يا نادر بالكوم ...
و البعد خلاها حكاية بطالة ...
لكن زي ما بقولوا أبناء النيل ( شنو الرماك على المر ... قال الأمرّ منه ) ...
تحياتي ياخ لك و لأم محمود ... و قول ليها كما غنى كابلي :
يا ستي أمرك لي مطاع من غيري كل العاصي طاع
إعلانها باقي على انقطاع نرجوك عدم الانقطاع
|
Post: #16
Title: Re: فطرت فول من حوض السليم الليلة دي !!!
Author: sadig mirghani
Date: 02-19-2017, 09:22 AM
Parent: #1
غايتو الفول في امدرمان
في الجان
الله يرحم خواجة
|
Post: #19
Title: Re: فطرت فول من حوض السليم الليلة دي !!!
Author: Nasser Amin
Date: 02-19-2017, 04:04 PM
Parent: #16
برضو يا الصادق في خرطوم3 (فول عبد الوهاب)
سوق السجانة (حامد) عليه رحمة الله
وفي بحري (فريد)
|
Post: #21
Title: Re: فطرت فول من حوض السليم الليلة دي !!!
Author: علي عبدالوهاب عثمان
Date: 02-19-2017, 04:20 PM
Parent: #16
منزل عمنا عثمان شيخ نسلم على أولاده فرداً فرد من لدن فؤاد وبرعي إلى عثمان وكمال وعبدالمنعم وقدروه كلهم مايستريوهات في الكورة،
زاملتهم في نادي الرابطة، وعلى ذكر نادي الرابطة نقول الاتحاد والهلال والأهلي والشرطة والأمل والمريخ دنقلا
نطلع بحي النزهية للسوق نمر على (سلطان الكيف) ومنه للبنطون نعدي نشوف فولك (السيوبر) في السِليِم
============================================
مع التحية للحبيب يحيى قباني .. مودتي ..
فول السليم نعم من أجود أنواع الفول .. والفول ذو القيمة المتميزة طعماً وشكلاً هو فول الجزر
أو الفول الذي يزرع بعد الفيضان مباشرة مع أول شتاء عندما تجف الارض وتنحسر المياه
تكون هناك كميات كبيرة جداً من الطمي وهذا الفول يستوي بأربعة سقيات من المياه والأجمل عندما
تشوي الفول في النار مباشرة ( تدخل سلك من خلال الفول - زي السبحة ) ثم الشواء ..
وفول سليم مصطلح لنوع فول الجروف والجزر .. وهناك فول الخلا أو الاراضي البعيدة عن النيل ..
وهذا النوع من الفول تجده صغير الحجم وفيه صلابة ولا يستوي بسرعة على النار ..
ولكن فول السليم ( الجروف ) عندما يستوي يكون لون ( بني فاتح ) وعندما تضغط تجد القشرة هشة جداً
ولزحة على عكس فول الخلا .. وأطيب أنواع الفول ويتداوله الناس في بنيهم هناك ومن النادر تصديره هو فول ( الجزر)
وهذا هو ما يطلق عليه فول السليم لأن السليم أشهر منطقة لزراعة الفول .. وهم اصحاب خبرة تجارية وزراع ماهرين جداً
ورغم البعد من النيل ولكن حوض السليم كان يمر من هناك أيام الفبضان ويجلب الطمي ليحسن الأرض ..
ونبات الفول ( عايز دلع ورعاية خاصة ) لأن أقل مشكلة تدمر المحصول .. وزمان فول الجزر كان أهلنا يرسلوه في شنط صفيح
لأقربائهم في الخرطوم ومدن الاخرى .. هدية خاصة أو نصيب الفرد من أرضية الساقية
اليوم هذا النوع من الفول الشوال الواحد أكثر من مليون ونصف أيام المحصول .. ومليونان وأكثر بعد الموسم
=====================================
حبيبنا نادر موديت يا جميل ..
يا سلام عمنا محمد عثمان الشيخ .. والد ناظرنا زمان فؤاد محمد عثمان الشيخ في البرقيق الاميرية الوسطى ..
كان طويل القامة ووسيم .. زمن النظار ..
وأما برعي فكان لاعب الرابطة دفعتنا في دنقلا الثانوية في ذلك الزمن الجميل وزروق صحبي كان إحتياطي .. وكان نادي الاتحاد سيد الموقف زمان
واحد إسمو إبراهيم كان في قسم الاشغال كان خطير.. ثم الرابطة ( الهلال كان متأخر شوية ) دنقلا الجمال والمحبة من بار إسحاق إلى المستشفى ..
بوست جميل يا يحيى .. والفول السنة دي ناجح جداً أنا كنت في البلد قبل شهرين لكن المشكلة أن البشر عددهم زاد ..
والفول هو المحصول النقدي الرئيسي لأهلنا معاه الشمار والحلبة ..
آسف للاطالة .. شكراً يحيى شكراً نادر ..
|
Post: #23
Title: Re: فطرت فول من حوض السليم الليلة دي !!!
Author: عبدالله عثمان
Date: 02-20-2017, 05:54 AM
Parent: #21
الحبيب يحيي وضيوفه الكرام
هنئيا مريئا غير داء مخامر لـ "كندا" من "أفوالنا" ما أستحلت
مــــــــــــــــــــــــــــــــــــــــــــــــــــــدوا ايديكم
|
Post: #24
Title: Re: فطرت فول من حوض السليم الليلة دي !!!
Author: يحي قباني
Date: 02-20-2017, 06:01 AM
Parent: #16
Quote: غايتو الفول في امدرمان
في الجان
الله يرحم خواجة |
الفول كان عند عمك احمد سعد في ودنوباوي ...
قعده في عناقريبه ديك في الليل ... و القدور مشدودة ...
و عمك احمد فارش الفول من الشوال ينضف فوقه لي شدة الليل عشان فول الصباح ...
|
Post: #25
Title: Re: فطرت فول من حوض السليم الليلة دي !!!
Author: MOHAMMED ELSHEIKH
Date: 02-20-2017, 07:36 AM
Parent: #24
السلام جاكو ايها الفوالة
غايتو انا احلى من فول حبوبة غفيرة بت جرماك الكانت بتبيعو لينا في الاولية ماضقت
ياخي انا مرة اتمليت فول في بحري و بطني اتكربت واتضايقت (طبعا الفول بيزيد مع السخانة بنسبة 5.16% لكل درجة فهرنهيت)
اهاااا قمت جبت المصحف وحلفت تاني ما آكل فول.........
وان اكلتو ما اتقل فيهو...................................................
وان تقلت فيهو , الا اشرب لي جردقة
|
|