البوست السنوي!

Post: #1
Title: البوست السنوي!
Author: الامين موسى البشاري
Date: 02-14-2017, 07:06 PM
Parent: #0

06:06 PM February, 14 2017
سودانيز اون لاين
الامين موسى البشاري- المملكة العربية السعودية
مكتبتى
رابط مختصر
هابي فالنتاين دي

كيتاً في انصار السنة ()

Post: #2
Title: Re: البوست السنوي!
Author: الامين موسى البشاري
Date: 02-14-2017, 07:13 PM
Parent: #1

خرجت صباحاً وهي تتوشح بالطرحة الحمراء وﻻ تدري ان هذا اليوم يصادف يوم عيد الحب.

ﻻحقتها النظرات من هنا وهناك حتي وصلت اسوار الجامعة وﻻحظت ان اغلب الطﻻب يرتدون اللون اﻻحمر .

سألت صديقاتها عن السبب .

فاخبروها بان اليوم هو يوم عيد الحب فتمنت حينها ان تجد القلب الذي تحبه .

وادركت تماما انها ستجد اليوم القلب المنتظر .

عادت مسرعة للمنزل فتوشحت بالكامل باللون الأحمر .

وعندما صعدت للحافلة عائدة للجامعة جلس بجانبها شاب وسيم جميل الطلّة فادركت حينها انها وجدت القلب المنتظر ﻻ محالة .

اقترب الشاب منها اكثر فاكثر وسألها (كورة المريخ الساعة كم !!! ()

مساكم زين وام تي ان

ومساكم حب وتسامح في يوم عيد الحب

Post: #3
Title: Re: البوست السنوي!
Author: الامين موسى البشاري
Date: 02-14-2017, 07:26 PM
Parent: #2

حاولت التقرب منه بعدة طرق

اما هو فكان يراها مجرد فتاة جميلة تلاحقه

اخيراً قررت أن تعترف له بحبها

قالت له : صحيح اهلي فقراء وما عندهم حاجة

زي صاحبتي علياء ...

ولكنني أحبك

...

..

أطرق قيللا وتأمل كلماتها فتذكر حاجته للمال والسند والدعم

وقال لها : لو بتحبيني بجد !

تعرفيني على صاحبتك علياء دي ()

الباقي تموه خيال :)

Post: #4
Title: Re: البوست السنوي!
Author: فيصل محمد خليل
Date: 02-14-2017, 08:22 PM
Parent: #3

صديقي الامين موسى البشاري
قوم بول .

لايك للفيديو
و لايك لقصتك التميناها خيال

Post: #5
Title: Re: البوست السنوي!
Author: حيدر حسن ميرغني
Date: 02-14-2017, 08:26 PM

اللمين
كل سنة وانت طيب
يتبارك علينا وعليك
السنة الجاية عريس :))

Post: #7
Title: Re: البوست السنوي!
Author: الامين موسى البشاري
Date: 02-14-2017, 08:57 PM
Parent: #5

حبيبنا حيدر ...

وانت بخير يا حبيب

Quote:
السنة الجاية عريس :))

آآآآآمين ياخ

وشكراً على الدعوات (الصادغة)

Post: #6
Title: Re: البوست السنوي!
Author: الامين موسى البشاري
Date: 02-14-2017, 08:49 PM

حبيبنا (فيسل)

عام وانت الحب ياخ!

Quote:
صديقي الامين موسى البشاري قوم بول .

يا فيسل أكيد قصدك ابو روضة مش أنا

Post: #8
Title: Re: البوست السنوي!
Author: الامين موسى البشاري
Date: 02-14-2017, 09:40 PM
Parent: #6

انتظرته 5 سنوات ليعود من اغترابه

وحينما عاد قال لها والدموع تملأ مقلتيها ..

هو: امي حلفت علي الا اتزوج بت اختها .. ومن شدة خجله واضطرابه سقط منديله

هي: قالت له والدموع تنمهر من عينيها : طيب وأنا؟

انحنى لالتقاط منديله من الارض ..

أما هي فقد انتظرت لحظة مرور المنديل ليمسح به دموعها

ولكنه !

التقط المنديل ومسح جزمته ..... وشتت :)

Post: #9
Title: Re: البوست السنوي!
Author: osama elkhawad
Date: 02-15-2017, 07:08 AM
Parent: #8

وفي رواية أخرى:

"التقط المنديل ومسح "دموع التماسيح"..وشتّت".....

مبروك عيد الحب ،أستاذ الأمين.....

وشكراً جزيلاً على الأغنية .......

Post: #10
Title: Re: البوست السنوي!
Author: الامين موسى البشاري
Date: 02-15-2017, 09:09 AM
Parent: #9

Quote:
مبروك عيد الحب ،أستاذ الأمين..... وشكراً جزيلاً على الأغنية .......

حبيبنا اسامة الخواض

حباك وحباب العيد الجابك ...

يا عملات المصريين

ضرب .. ضرب .. مافيش شتيمة

اها خلينا نروح ونطلع من جو سودانيز المعكر بالمشاكل دا

وكل سنة وانت طيب وقلوبنا عامرة بالحب

Post: #11
Title: Re: البوست السنوي!
Author: فرح الطاهر ابو روضة
Date: 02-15-2017, 05:07 PM
Parent: #10

Post: #12
Title: Re: البوست السنوي!
Author: علي عبدالوهاب عثمان
Date: 02-15-2017, 05:43 PM
Parent: #11

حبيبنا البشاري .. مودتي ..
أثرت لدينا الذكريات الجميلة .. أيامنا مع الجيش الامريكي في حفر الباطن عام 1982م
يا سلام يا البشاري .. ليت الشباب يعود يوماً .. ما كنت سمعت من قبل بعيد الحب ( فالنتاين ) أبداً
مع أنني كنت معلم في ضواحي الدنيا من السبعينات ..
أول عيد أشوفوا كان في القاعدة العسكرية يحفر الباطن وكان سلاح المهندسين الامريكي مسئول عن بناء المدينة
أيام جميلة القاعدة ممنوع منها كل العرب ماعدا السودانيين المترجمين خاصة .. ( شوف اليوم بقينا كيف )
جاء إعلان في المكتب قبل يوم أن الغداء في ( المسبح ) وليس في Dinng hall او في PX
تعرف المسبح كمان صف طويل وحريم ورجال بالشورت ماعدا أنا فقط بالبنطلون ( إتفرج ويا سلام )
الدنيا كلها لون أحمر والجماعة ضاربين المويات كنت تجيهم بالكونتينرات ..
كان عندك صديق ودائماً كنا نصادق إخواننا من أصل أفريقي .. غايتو شويه كده في علبة الببسي لأنو كان ممنوع إعطاء الاخرين ( مسلم أو غير مسلم )
إلا تكون من السلاح مش شركة أو مقاول ..
الجماعة كل يومهم عناق ولعب وضحك بالمايوهات والشورتات ..
أنا لازم أمشي مع كل وجبة لأن ليس هناك مطاعم تجارية إلا هذا المطعم الرئيسي والأكل مجان
المهم اليوم ده كان خاص بالنسبة ليهم يهتموا بيه أكثر من كريسماس أو حتى يوم إستقلال أمريكا
على ما أعتقد كانوا عندهم حوالي 11 أو عشرة أيام إجازات في السنة ..
شكراً البشاري .. يا أخي ذكرتنا الايام الجميلة .. شباب وحيوية ..
بعد العز ده كلو بقينا إرهاربيين وممنوعين .. أمرنا لله ..

آسف للاطالة ولكن رغم زحمة العمل إستحضرنا أيام العز ..
مودتي حبيبنا البشاري ..

Post: #14
Title: Re: البوست السنوي!
Author: الامين موسى البشاري
Date: 02-17-2017, 06:18 PM
Parent: #12

حبيبنا علي عبد الوهاب

كل سنة وانت طيب ..

Quote:
حبيبنا البشاري .. مودتي .. أثرت لدينا الذكريات الجميلة .. أيامنا مع الجيش الامريكي في حفر الباطن عام 1982م يا سلام يا البشاري ..
ليت الشباب يعود يوماً .. ما كنت سمعت من قبل بعيد الحب ( فالنتاين ) أبداً مع أنني كنت معلم في ضواحي الدنيا من السبعينات ..

الذكريات صادقة وجميلة ياخ

شكرا لمشاركتنا هذه الذكريات ...

ما عارف قصة الحنين الى الماضي حكايتها معانا شنو

شرفنا مرورك وزاد احتفالنا بهجة

كن بخير

Post: #13
Title: Re: البوست السنوي!
Author: الامين موسى البشاري
Date: 02-15-2017, 07:39 PM
Parent: #11

هلا يا وهييييييط

الجابك بجاي شنو :)

في حسن علوب عندكم عيدين بس

العيد الصغير والعيد الكبير ()

(طبعن)

مع التحيييييييييييييييييية