Post: #16 Title: Re: الغناء الكردفانى هو الاكثر رقة تجاه الانث Author: عباس محمود Date: 02-14-2017, 09:28 AM Parent: #15
السلام عليكم بدر الدين الأميرلم أسمع أجمل من صوت أبراهيم موسي ابا عليه الرحمة .عيني عليك باردة يا السمحة يا الواردةيافقرا ردولي رويحتي الهناك شاردة.مر علي بوست من قبل عن هذا المطرب الجميل للزميل أبو ذر بابكركمان لو مر بي جاي الصديق أحمد التيجاني ماهل يكون تماملك التحية تاني.
Post: #26 Title: Re: الغناء الكردفانى هو الاكثر رقة تجاه الانث Author: بدر الدين الأمير Date: 02-15-2017, 11:16 AM Parent: #16
عباس محمود كيف انك الفنان الصديقى مصطفى سيد احمد حكى لى ان اصعب واميز مزيكة سودانية هى مزيكة ابراهيم موسى ابا وقد اكد على ذلك عازف الايقاع المتميز جدا الصديق عبدالمنعم الفكى الذى كنا نسكن معا برفقة مصطفى في الدوحة
Post: #17 Title: Re: الغناء الكردفانى هو الاكثر رقة تجاه الانث Author: عبدالعظيم عثمان Date: 02-14-2017, 09:37 AM Parent: #15
سلامات يا بدر
عيني عليك باردة " إبراهيم موسي أبا"
Post: #18 Title: Re: الغناء الكردفانى هو الاكثر رقة تجاه الانث Author: MOHAMMED ELSHEIKH Date: 02-14-2017, 09:50 AM Parent: #17
مرحب ابن الأمير اين عازف الاكورديون الظلامي ؟
Post: #19 Title: Re: الغناء الكردفانى هو الاكثر رقة تجاه الانث Author: بدر الدين الأمير Date: 02-15-2017, 08:02 AM Parent: #18
Post: #20 Title: Re: الغناء الكردفانى هو الاكثر رقة تجاه الانث Author: أيمن الطيب Date: 02-15-2017, 08:56 AM Parent: #19
سلام يا أمير,,,
رحت خليتنا...و تانى ما جيتنا كان مكضبنا ..مامصدقنا... اسأل العنبه الراميه فوق بيتنا...
شكلك كتلت غرب يا اربجى,,
غنا كردفان دا يا بدر لو شفت كردفان ما بتكتمل الصورة
تحياتى
Post: #21 Title: Re: الغناء الكردفانى هو الاكثر رقة تجاه الانث Author: علي عبدالوهاب عثمان Date: 02-15-2017, 10:38 AM Parent: #20
حبيبنا الامير بدرالدين .. مشتاقين يا جميل .. نحن ناس ضواحي الدنيا .. أغاني وردي بالنوبية فيها رقة لا تقارن ( المرجعية عند أخونا عزام للترجمة ) بصراحة الاغنية الكردفانية لا نظير لها .. ونحن ناس ضواحي الدنيا كنا وما مازلنا نتغنى بها ولكن بعض المفردات صعبة علينا الامير بالله أشرح لي معنى ( قدريشنا حلاتا قدريشنا ) شقيق عرفنا معناها .. ولكن المشكلة في عبارة ( قدريشنا )
شكراً حبيبنا .. الامير ..
Post: #23 Title: Re: الغناء الكردفانى هو الاكثر رقة تجاه الانث Author: عبدالحفيظ ابوسن Date: 02-15-2017, 10:48 AM Parent: #21
اظنها جدي الريل ابوكزيمة قدريشنا صغيرة يعني هي كلها قدر شنو يا امير غناء الشوايقة لا خلاف حوله كردفان تغنت للحبيبة والشوايقية تغني للمرأة بنت ام اخت حبيبة طفلة غنا الشوايقية حميم جدا لا مثيل له سوي غنا دارفور انسان دارفور كلامو وسلامو حنين
Post: #31 Title: Re: الغناء الكردفانى هو الاكثر رقة تجاه الانث Author: بدر الدين الأمير Date: 02-15-2017, 11:39 AM Parent: #23
ود اب سن وعلى قول المغاربة مستوحشنك تسلم على التصويب ونحتاجك هنا وانت ابن كوستى الجارة لكردفان
Post: #30 Title: Re: الغناء الكردفانى هو الاكثر رقة تجاه الانث Author: بدر الدين الأمير Date: 02-15-2017, 11:34 AM Parent: #21
الحبيب على عبدالووهاب الناطقين بغيرها وصلو وبستفسرو
تنهدات: دناقلا يارسوال اللله
Post: #22 Title: Re: الغناء الكردفانى هو الاكثر رقة تجاه الانث Author: محجوب البيلي Date: 02-15-2017, 10:48 AM Parent: #20
طمبور حمري
Post: #24 Title: Re: الغناء الكردفانى هو الاكثر رقة تجاه الانث Author: علي عبدالوهاب عثمان Date: 02-15-2017, 11:01 AM Parent: #22
حبيبنا أبوسن .. قدريشنا صغيرة يعني هي كلها قدر شنو ================= شكراً أبوسن .. رغم أني معجب بهذه الاغنية من السبعينات يا دوب الواحد عرف المعني ..
يا سلام نتغيم وإدغام مموسق وجميل زي أهلنا الشايقية ..
شكراً كثير
Post: #32 Title: Re: الغناء الكردفانى هو الاكثر رقة تجاه الانث Author: بدر الدين الأمير Date: 02-15-2017, 11:46 AM Parent: #22
محجوب البيلى ياخى كتر خيرك وفضلت خيرك
Post: #29 Title: Re: الغناء الكردفانى هو الاكثر رقة تجاه الانث Author: بدر الدين الأمير Date: 02-15-2017, 11:30 AM Parent: #20
ايمن ياصديقى اول مرة اعرف ان اغنية رحت خليتنا هى اغنية كردفانية
Post: #28 Title: Re: الغناء الكردفانى هو الاكثر رقة تجاه الانث Author: بدر الدين الأمير Date: 02-15-2017, 11:26 AM Parent: #18
محمد تانى سيرة البحر والظلامى معتز القريش ابشرك جانا ملحق ثقافى جديد بسفارتنا بالدوحة ماعارفو جاى من ياتو كوكب من كواكب الموتمر الوطنى منع المزيكا والغناء والتمثيل بالمركز الثقافى السودانى وكل من له علاقة بالفونون بالمركز الثقافى السودانى قدم استقالته ودا موضوع سوف افرز له نافذة اخرى
Post: #27 Title: Re: الغناء الكردفانى هو الاكثر رقة تجاه الانث Author: بدر الدين الأمير Date: 02-15-2017, 11:18 AM Parent: #17
عبدالعظيم عثمان ماقصرت تب
تنهدات: تبا لبشاشة
Post: #25 Title: Re: الغناء الكردفانى هو الاكثر رقة تجاه الانث Author: بدر الدين الأمير Date: 02-15-2017, 11:09 AM Parent: #15
محمد موسى الامين ياخى تسلم كتير وبجيك راجع الاصحابى من ابناء الحمر وخصوصا الكوارث منهم زى الشاعر الصادق الرضى والصحفى محمد الاسباط والصحفى عباس الذى اكنيه بالحرب الكونية
Post: #33 Title: Re: الغناء الكردفانى هو الاكثر رقة تجاه الانث Author: بدر الدين الأمير Date: 02-15-2017, 12:38 PM Parent: #25
هل بالامكان اعتبار غناء البنات في وسط السودان هو امتداد لغناء الحكامات في غرب السودان والملاحظ ان التاليف والتغنى للنساء وفي كل الحالتين المعنى هو الرجل قدح اومدح او تغزل ......
Post: #34 Title: Re: الغناء الكردفانى هو الاكثر رقة تجاه الانث Author: عبدالحفيظ ابوسن Date: 02-15-2017, 01:09 PM Parent: #33
لا استوحش الله لك غاليا اسمع صديق عباس ياااااه ياخ دة يؤنث مشاعرك ويجعلك رقيقا كالنسيم عبر الاثير دي ترجعك لعوالم سحيقة من الذكري
Post: #35 Title: Re: الغناء الكردفانى هو الاكثر رقة تجاه الانث Author: جمال ود القوز Date: 02-15-2017, 01:50 PM Parent: #34
Post: #36 Title: Re: الغناء الكردفانى هو الاكثر رقة تجاه الانث Author: جمال ود القوز Date: 02-15-2017, 01:52 PM Parent: #35
هاك المطيرق ده ..
Post: #37 Title: Re: الغناء الكردفانى هو الاكثر رقة تجاه الانث Author: حسن محمد عمر Date: 02-15-2017, 02:55 PM Parent: #36
سلام يابلدنا النضيرة شتول النيمة الغزيرة بشوف بالصيد عامرة ديرة حليل عقلات الضفيرة الرااااااااااايقة واحدة من إبداعات بلوم الغرب الذى لايجود الزمان بمثله الأستاذ / عبدالرحمن عبدالله أطال الله فى عمره ياأخوانا الزول دا جميل شديد الله يمتعه بالصحة والعافية مع تقديرى وإعتزازى ببقية المبدعين من أبناء غربنا الحبيب الأستاذ الراحل / إبراهيم موسى أبا أعجبنى فى رائغته / (عينى عليك باردة ياالسمحة يالواردة أكثر ما أعجبنى فيها التوزيع الموسيقى مع إنى (لست خبيراً) لكن أحسست أن موسيقاها روعة ومترعة بالجمال كذلك الدكتور عبدالقادر سالم ورائعته ( مكتول هواك) بالتوزيع القديم حاجة كدة ( فاطنة لستك) ههههه كما يقول أدروب ويعنى (فانتاستك ) الأستاذ الراحل / صديق عباس ومطر الرشاش الأستاذ / محمود تاور (طال هجرى ياأمدر ) لكنى أرجع وأقول نهواك ياصاحب الهاوى يامجافى يطول عمرك مع العافى ورمياتك العجيبة دى براها عايزة بوست كامل ويديك العافية عن أشعار وغناء أخوانا الشايقية المليان حنين وعاطفة ويقيف الكلام ويكفى أن رميات الأستاذ / عبدالرحمن عبدالله يدهشك بالرميات المستعارة من أشعار الشوايقة السمحين ودا ما إنحياز لكنها حقيقة وأعتقد رمية / ساعة ساعة بتاوقن ولحظة مابقدر أفارقن ( التومات) أكبر دليل على روعة الشوايقة وروعة المؤدى زاتو الجننها جن ولكم التقدير
Post: #38 Title: Re: الغناء الكردفانى هو الاكثر رقة تجاه الانث Author: Osman Musa Date: 02-15-2017, 03:58 PM Parent: #37
الأخ أستاذ بدرالدين سلامات . عارف يا بدر الإخوان والأخوات الفنانين الجو من مناطق كردفان ما نقلوا ولا ربع من التراث المتنوع و الضخم في كردفان و ما حولها . البلاد ديك فيها فن مدهش وعجيب
Post: #39 Title: Re: الغناء الكردفانى هو الاكثر رقة تجاه الانث Author: Ahmed Yassin Date: 02-15-2017, 06:11 PM Parent: #38
طير بينا يا ابورنة .. دار الاهل جنة وقالوا (ابورنة) دا لوري التيمس الشاقي تلك الكثبان الرملية العالية على تقاسيم السباعي ..ضربة المردوم نتاج الانصهار مع قبائل جبال النوبا استوطن هذا الايقاع العجيب تلك المناطق لنا عودة مع عبدالقادر سالم على ذات الايقاع وذات التقاسيم البديعة حبيبي سيد الناس يبقى لي وناس
Post: #40 Title: Re: الغناء الكردفانى هو الاكثر رقة تجاه الانث Author: حيدر حسن ميرغني Date: 02-15-2017, 07:16 PM Parent: #39
توقعتك يا احمد يس تدخل البوست ده بإفاداتك الرصينة كذلك اتمنى دخول اخونا العزيز كبر المتبحر في الغناء والتراث الكردفاني فضلا عن كونه واحد من اميز الاعضاء في عمل المقاربات بين افضل منطقتين في السودان في مجال الغناء بشكل عام دون تحيز لجهة عن غيرها دي الحتة اللي بحب فيها كبر اكثر له مني كل التقدير والاحترام
Post: #41 Title: Re: الغناء الكردفانى هو الاكثر رقة تجاه الانث Author: Ahmed Yassin Date: 02-15-2017, 11:49 PM Parent: #40
حبيبنا حيدر حسن ميرغني ايقاع المردوم بشبه في سرعته الفلامنغو الاسباني والسرعة دي بتحاكي سير (الابقار) واستوطن تلك الديار الغنية في كل شىء من الانسان والتراث والارض والفن والعادات والادب عموما وجاء الايقاع دا من هجرات للسودان من شمال اقريقيا مثال بسيط للسراعة دي اغنية (اللوري حلّ بي ، دلاني في الوِدَيْ) بنجد في المقابل ليهو ايقاع (الجراري) ودا بتميزوا بيهو قبائل (الكواهلة) وهو ايقاع بطىء بحاكي سير (الابل) وكمثال ليهو اغنية (الليلة ...والليلة....... نار ام بادر يا .... حليلة) واذا جاء (كبر) حندخل معاهو في تفاصيل كتيرة جدا ومعرفة بعض الالات زي غنا (الهداي) وآلة (ام كيكي) ودي فيها وتر واحد بس وبعض الالات الخماسية الاوتار المعروفة في دارفور زي الكُربي و الباكربو
Post: #44 Title: Re: الغناء الكردفانى هو الاكثر رقة تجاه الانث Author: بدر الدين الأمير Date: 02-16-2017, 06:57 AM Parent: #38
ود موسى المدهش في غربنا الحميم تنوع الايقاعات فيه بل بعض الايقاعات الفى غرب السودان لم نكتشها بعد حتى على مسوى المارشات العسكرية
Post: #45 Title: Re: الغناء الكردفانى هو الاكثر رقة تجاه الانث Author: بدر الدين الأمير Date: 02-16-2017, 06:58 AM Parent: #38
ود موسى المدهش في غربنا الحميم تنوع الايقاعات فيه بل بعض الايقاعات الفى غرب السودان لم نكتشها بعد حتى على مسوى المارشات العسكرية
Post: #43 Title: Re: الغناء الكردفانى هو الاكثر رقة تجاه الانث Author: بدر الدين الأمير Date: 02-16-2017, 06:51 AM Parent: #37
حسن ياود محمد عمر يطول عرك مع العافية ودى من الامانى المستحيلة بس الشوايقة البكاين ديل ماتجيب لى طاريهم ....
Post: #42 Title: Re: الغناء الكردفانى هو الاكثر رقة تجاه الانث Author: بدر الدين الأمير Date: 02-16-2017, 06:28 AM Parent: #35
جمال ياود القوز دا الغناء ودا الرقيص تقول لى شنو كدا وصقيرا حام وباقى التخلف هههههه
Post: #46 Title: Re: الغناء الكردفانى هو الاكثر رقة تجاه الانث Author: Kabar Date: 02-16-2017, 10:36 AM Parent: #42
الأصدقاء هنا..حبابكم جميعا كتر خيرك صديقي حيدر على الثقة ، وربنا يقدرنا نكون عند حسن الظن دوما تحية لصديقنا احمد ياسين..اقتراحاتك سمحة لكنها دايرة ليها فرقة وخيط منفصل ، لأن صديقنا بدر الدين حصر الموضوع هنا في حكاية الرقة الموجهة للزولة.. الغريبة في ناس كردفان ، خصوصا الناس على طبيعتها وتلقائيتها ، بتلقى كل الناس بتغني واصواتها جميلة ، وهناك نماذج سوف نضيفها هنا لتوضيح هذا الزعم..
فكرة (جدي الريل ابو كزيمة) ، فكرة غريبة ومدهشة للغاية ، فعادة الشعر والغناء لا يهتم كثيرا بوصف الأنف..ومثل هذا الأهتمام موجود فقط في كردفان..!!
وكزيمة..هي تصغير كزمة..
هنا نموذج من دار حمر ، التسجيل تلقائي ، ولكن الصوت والملامح واضحة..
ناس المزيكا عندهم مصطلحات (القرار والجواب) ، والحكاية دي ظاهرة هنا.. الفوكال النسائي الجماعي يبدأ هكذا:
من دغيش ، طيري يا حمامة جيبي لي سلام الزول ،
ثم يدخل الفوكال الرجالي (هنا مغني واحد ، وهو الزول الشغال كرير) والليرك يجري هكذا:
قسم ، قسم ، يا ام كزمة ، كانو قدلنا يا ام كزمة ، اهو نزلنا يا ام كزمة ، الساعة كم يا ام كزمة ، معليش يا ام كزمة ، *** الزول خطير يا ام كزمة ، الريق عصير يا ام كزمة ، سكر تقيل يا ام كزمة ، دفاعي بس يا ام كزمة ، جنابو جي يا ام كزمة ، التحية لي يا ام كزمة ، ابو دوال يا ام كزمة ، جدي الغزال يا ام كزمة ، جري الدلال يا ام كزمة ، الحاجب هلال يا ام كزمة ، جري الشبال يا ام كزمة ،
طبعا لو حذفت (ام كزمة) الشغل ما بيمشي نوهائي..!! يلا وين الكزمة هنا؟.. في زولتين لابسات تياب لبنية (واحدة لابسة توب* اسود والتانية لابسة توب احمر) اها الإتنين حكاية الكزمة ظاهرة فيهن شديد..خصوصا اللابسة توب اسود (عندها خاتم وبتغني ، وبرضك بترقص)..اما التانية برضك الكزمة ظاهرة فيها شديد..التقول تومات..ربنا يغطي عليهن..!!
ونشوفكم في نقة تانية كبر
* top
Post: #47 Title: Re: الغناء الكردفانى هو الاكثر رقة تجاه الانث Author: علي عبدالوهاب عثمان Date: 02-16-2017, 10:42 AM Parent: #46
حبيبنا كبر .. إنت زول رائع ... وأصيل .. والأجمل من كل ذلك حروفك ..
شكراً الأمير بدرالدين على البوست .
Post: #48 Title: Re: الغناء الكردفانى هو الاكثر رقة تجاه الانث Author: حسن محمد عمر Date: 02-16-2017, 12:58 PM Parent: #47
ياشباب هى أبوكزيمة ولا أبوقديمة بتاعت الراحل وردى البقول فيها القديمة قديمة الحمام / أنا لى زمن بفتكرها أبوقديمة تصغير للقدم خاصة الأستاذ عندو أغنية تانية بقول فيها ( مشية أمير قدم الحمامة شايلة الشباب فى نهيدا ياما ) ست الفريق الفرتقت الكوم كلو قصدى الغنا كلو يابدر الشوايقة رغم البقولو فيهم من نكات ناس ظراف شديد وغناهم أظرف صحى بكايين كردفان رمز الجمال والكرم والخير لا تحصروها فى فن الغناء فقط اليجينا زول ملم بكل تفاصيل الإبداع فى هذه المدينة الساحرة والتى أتمنى زيارتها فى أقرب فرصة ولى فيها أصدقاء وزملاء دراسة أسأل الله لهم السعادة والعافية ويطول عمرك مع العافى ياسيد بدر
Post: #49 Title: Re: الغناء الكردفانى هو الاكثر رقة تجاه الانث Author: عبدالحفيظ ابوسن Date: 02-16-2017, 01:12 PM Parent: #48
مرحب حسن وردي بقول القديما ( القديمها ) من القدم القديما قديم الحمام قديم الحمام خطو الحمام واظنها كذلك الكزيمة وضحها كبر
Post: #50 Title: Re: الغناء الكردفانى هو الاكثر رقة تجاه الانث Author: حسن محمد عمر Date: 02-16-2017, 02:29 PM Parent: #49
تمام ياودأبوسن ولك التحية على التوضيح
Post: #51 Title: Re: الغناء الكردفانى هو الاكثر رقة تجاه الانث Author: حسن محمد عمر Date: 02-16-2017, 02:38 PM Parent: #50
واحدة من إبداعات الأستاذ / عبدالرحمن مقطع من أغنية تقول (سطرتو ليك بيانى الإنتظار أعيانى - يابنية ماعارفانى ) أو شىء من هذا القبيل لهذه الأغنية رمية عايزين واحد يتكرم علينا بالكلمات وتبدأ ب(ياحمام البان ورينى الحكاية ...إلخ )
Post: #52 Title: Re: الغناء الكردفانى هو الاكثر رقة تجاه الانث Author: Ahmed Yassin Date: 02-16-2017, 03:25 PM Parent: #51
من اوصاف عديدة ظهرت لي قوافي
عبدالقادر سالم بكل الرقة في بنات كردفان يغني :
قدريشنا حلاتا قدر يشينا **** السنون نوار أبيض في خشيما فاقعنا خدارو يوت رويان نداهو بالنا
Post: #54 Title: Re: الغناء الكردفانى هو الاكثر رقة تجاه الانث Author: Ahmed Yassin Date: 02-16-2017, 03:32 PM Parent: #52
نقلب الاية وبنلقى برضو في الغناء الكردفاني او الغزل العفيف فيهو وصف عكسي بمعنى الانثى تصف وتتغزل في الرجل مثال في الاغنية المشهورة للشاعرة حميدة عبدالله وهي بتتغزل في (كاتب المحكمة) و بتقول الغالي تمر السوق ****ولو قسموه ما بحوق الزول السنونو بروق ****في محكمة زانوق زانوق دا هو ناظر عموم دار حامد
Post: #55 Title: Re: الغناء الكردفانى هو الاكثر رقة تجاه الانث Author: يحي قباني Date: 02-16-2017, 03:41 PM Parent: #54
Quote: نقلب الاية وبنلقى برضو في الغناء الكردفاني او الغزل العفيف فيهو وصف عكسي بمعنى الانثى تصف وتتغزل في الرجل مثال في الاغنية المشهورة للشاعرة حميدة عبدالله وهي بتتغزل في (كاتب المحكمة) و بتقول الغالي تمر السوق ****ولو قسموه ما بحوق الزول السنونو بروق ****في محكمة زانوق زانوق دا هو ناظر عموم دار حامد
تحياتي احمد يس يا فنان ...
عمك زنّوق هو محمد تمساح ناظر عموم دار حامد كما تفضلت ...
الاغنية بصوت عمنا عثمان حميدة تور الجر ...
سمعتها اول مرة منه في جلسة بحضور عمنا عثمان عوض الله ( على العود ) في منزل أصدقائي آل حمدتو في ام درمان ...
Post: #53 Title: Re: الغناء الكردفانى هو الاكثر رقة تجاه الانث Author: يحي قباني Date: 02-16-2017, 03:27 PM Parent: #51
Quote: ايمن ياصديقى اول مرة اعرف ان اغنية رحت خليتنا هى اغنية كردفانية
تحياتي بدر الدين و اخونا ايمن ...
( خاينة يا دنيا او العنبة الرامية ) كتبها الحلنقي و غناها التاج مكي في زمن قديم ...
مالها علاقة بكردفان ... بل هي شرقاوية كسلاوية بحتة ...
Post: #56 Title: Re: الغناء الكردفانى هو الاكثر رقة تجاه الانث Author: Ahmed Yassin Date: 02-16-2017, 03:44 PM Parent: #53
نجي لى عبدالرحمن عبدالله وبغني الاغنية دي بى صورة حنشرحها بعدين اتمعنوا في الكلام دا ياجماعة
خليني احلم مرة يوم انا عشت في الدنيا وحلاتا وشفت من تحت الزمان اجمل فصول الرقة ذاتا شوفوها وكتين انبرت حورية في ذوقا وصفاتا شالت الباب العقول وكتين بقت وسط السباتة والليلة يا بخت السباتة الاينعت من طول سباتا الليلة يا بخت السباتة الحققت كل امنياتا راقصت نهد الحرير شالو الضجر لسنين تلاتة لامست حافي القديم واتفرجت في القمرا ذاتا
كفاكم كدة ولا ازيدكم؟)
Post: #57 Title: Re: الغناء الكردفانى هو الاكثر رقة تجاه الانث Author: Ahmed Yassin Date: 02-16-2017, 03:48 PM Parent: #56
يا سلام يا يحي يا قباني يا فنان الله على الاسناد والباصات المستقيمة ياخي انت تقول بتقرأ الافكار .. انت بالمناسبة زول جميل والله فعلا غناها الفنان الممثل الراحل عثمان حميدة تورالجر
Post: #58 Title: Re: الغناء الكردفانى هو الاكثر رقة تجاه الانث Author: Ahmed Yassin Date: 02-16-2017, 03:58 PM Parent: #57
قبل ما نسترسل في رقائق القول في الغناء الكردفاني نرجع شوية لافوق عند حميدة عبدالله وبنلقى انها لمحت لاسم (كاتب المحكمة) الوسيم الجميل السنونو بيضاء زي البروق ان لاحن ودا فيهو نوع من العفاف الفطري .. قالت اسمك تقيل يا فلان زي حنضل القيزان اما بالنسبة لنا ولكم كان اسمه : سيداحمد قريش
Post: #59 Title: Re: الغناء الكردفانى هو الاكثر رقة تجاه الانث Author: Kabar Date: 02-17-2017, 12:00 PM Parent: #58
اخونا حسن محمد عمر..حبابك
يا صديقي التريقة لزومها شنو يا عمك؟..
عبد الرحمن عبدالله (قبال يكون شايقي ولا فنان ) هو قدوة لناس كتيرة وبتسمعوا وبتحفظ غناهو.. لأنو عندها مش مجرد فنان وانما وجدان وذاكرة..!!
الرمية التي تتحدث عنها ، هي كلام شاعر دوبيت وقالو في السجن (صداهو اللاحق قصيدة الشاعر الكردفاني محمد حامد ادم الموسومة ضابط السجن ، والتي غناها استاذنا ود بارا) ، والشغلانة (الرمية) وثق ليها اخونا خالد الشيخ حاج محمود حينما كتب عن الشاعر الأستاذ كرار ابراهيم فرح ، وصدر الرمية يجري هكذا: يا حمام الباك ، وريني الحكاية ، الفي الضلام جالباك ، مكميك مكمكك ، بالإنتكاية تكاك ، ضاق بيك الصبر ، ولا الصباني صباك..!
و(مكميك) المعني هو المفتش الإنجليزي ماكمايكل في كردفان ، اول مفتش بعد واقعة كرري وانهيار دولة المهدية في امسودان ، وكان شاب مغرور بالسلطة ، فقام شيخ العرب ، شيخ الكواهلة ابونا عبد الله ود جاد الله كسر ليهو قلمو ، فكانت المأثورة (كسار قلم مكميك) ، ووثقتها الحكامة مدحا وتمجيدا لأبونا عبد الله (عليه السلام) وقالت:
شدّولو وركب على أم ما ربيكْ يا جرو الأسود أب قرناً يخرخر زيتْ يا يوم العيد البفتحولو البيت عبد الله ود جاد الله كسار قلم مكميك يا شيخ العرب شدولو وركب على أُمات رشامتن بوق ما ازحزح دَني وما هاود اللايوق يا السيف البكسر الفقرة مع الطايوق رايو مكيفو
او نحو ذلك..!! اما ألأغنية التي تبحث عنها ، اسمها (انتظار) ، وهناك تسجيل قديم جدا فيهواستاذنا ود بارا بيعزف عود مع الأوركسترا ، والأغنية ، وبنفس الإسم ، وثقها صديقي يحي قباني المشرف على موقع (مكتبة الأغنية السودانية) ، والتسجيل الذي نضيفه هنا واضح للغاية ويمكنك ان تنسخ منه الكلمات..!! هنا اغنية انتظار للفنان عبد الرحمن عبدالله..
في صفوتي ونسياني ، في جوهري وكياني ، سطرتو ليكي بياني ، الإنتظار اعياني ، *** يا مصدري وانساني ، روح القليب ، لساني ، ليكي الزمان قاساني ، في صبري ما واساني..
الخ..
كبر
Post: #60 Title: Re: الغناء الكردفانى هو الاكثر رقة تجاه الانث Author: Kabar Date: 02-17-2017, 01:21 PM Parent: #59
ول ابا علي عبد الوهاب..حبابك يا صديقي كتر خيرك يا على ياااااااااااخ وعلى حاجات كتيرة.. شكرا للمطايبة ،
ونحن يابا حقنا دايما ضايع في امسودان ، تجيب الفكرة والناس تعير بيها ، وصدقني نفرح كتير لأنو الفكرة يجب ان تكون..غض النظر منو البيعير بيها ويتباهي كاختراع خاص..!! نهايتو يبقى امسودان الإنسان والجمال..!!
فكرة الغناء الكردفاني بتجهجنا كتير يا صديقي ، لأنو بنفتش المعيار شنو (على قول صديقنا محمد اٍي سليمان) ، فهل المعيار انو الزول/ة البيغني الغنا ده من جغرافية كردفان ، ام هي المفردة ، ام هو اللحن والتقاسيم العجيبة المدهشة ، ام هو الريتم (الإيقاع) ام هو الحنين؟.. هي حاجة غامضة وما بتنكتب تب.. انما بتحسها جوه في اخر كورنر في الإحساس..!!
من مشاهداتي الخاصة ، الغنا الكردفاني ممكن أي زول/ة يغنيهو وبرضك بتحس فيهو الحاجة الغامضة الما بنقدر نسميها ديك..سمعتو في بيرو (امريكا اللاتينية) ، سمعت صداهو في اشغال من ايرلندا ، سمعتو في ايطاليا ، وسمعتو في امسودان في تقاسيم بنات واولاد.. في كل الأداءات المتنوعة دي برضك مسكون بالحاجة الغامضة ديك..!!
اسمع الغنية دي يا علي عبدالوهاب ، من اداء الفنانة الشابة (الباشا) انتصار فتحي عبد العزيز.. والغنية اصلا غنتها الليجند زينب خليفة (فردة ثنائي النغم) ..وهي غنية مافي زول بيقدر يغنيها غير زينب ، ثنائي النغم ، امبلينا السنوسي ، ثم انصاف فتحي (الزولة تحت تحت كردفانية)..!!
وبتذكر في سنة 2013 ، فتح صديقنا تمبس بوست في سودانيز اونلاين ، وكلام عن انصاف فتحي ، وقتها تداخل صاحبنا قرجة وجاب معيار عجيب ومدهش ، وقال لتمبس (انا التيروميتر بتاعي ناس الكمنجات ، ولمن اشوف محمدية بيتبسم بعرف انو في شغل نضيف)..او نحو ذلك..
اها نحن بنعتمد نفس المعيار ، والناس البتشوف التسجيل ده بتلاحظ انو في عازف كمنجة (اشيب) قاعد يبتسم كتير ، وبعد شوية حتى الشابات عازفات الكمنجات بتشوف فيها ابتسامات عجيبة (واحدة عندها ابتسامة الموناليزا..والله صحي) ، ناهيك عن اخونا بتاع الجيتار..!!
اها فرحة ورضا الناس البتعزف بتديك احساس انو ده شغل جميل ونادر كمان..!!
كلمات الغنية ، حنينة شديد يا علي ، تبدا بصيغة تعجب واندهاش ، وتجري هكذا: يمه الله من الريد ، يا يمه الله من الريد، *** مشيت نباري الصيد ، كن نروى من الريد ، يومي النشوف تومي ، يومي النشوف تومي ، داك بيبقى يوم العيد ، يمه الله من الريد *** فات الفريق صباح ، لوين نقول روّح عيني المجافية النوم ، عيني المفارقة النوم ، وقلبي ليك بيشرح يمه الله من الريد ، *** كن درتا ليك نصــّاح ، في خدي الدموع تفضح ، لي حالي مغلوبة ، ويارب عليّ تفتح ، يمه الله من الريد ، *** سوادي بتوشح ، يا ليل بتين تصبح ، كن الحنون لي عاد ، يا صيد معاك بســّرّح يمه الله من الريد ، *** حبل الفريع بـّربح ، نوارا شال كشــّح ، مسكين قليب الريد ، طول ليلا ما قال شــــّح، يمه الله من الريد..!!
(فات الفريق صباح) طبعا ناس البندر يا علي ح يفمهموها وكت الصباح ، أي سافر فجرا ، ولكن الموضوع تاني خالص ، والمقصود مكان بتشرحو عبارتها اللاحقة (لوين نقول روّح).. والصباح او دار صباح ياها الخرتوم الواحدة دي..!!!
ولمن تقول (مسكين قليب الريد ، طول ليلا ما قال شــح)..ليلا يعني ليلو..ريد يوقف النبض يااااااااااااااااااخ...!!!!!
في الفيرشن ده انصاف ادت الغنية ابعادها الحقيقية ، بالرغم من انو الموضع في حفل مفتوح (يعني هندسة الصوت فيها اٍن واخواتها)..!!
و يا احمد ياسين ، سمعت انصاف في تسجيلات تانية بتاعة استديو والصوت مضبوط شوية لكني كنت بتمنى تكون دخلة الشغل ده جيتارات ، وفي الحفلة الشباب بدوا بالجيتارات لكن بداية خجولة شوية..!! ولغاية الليلة عندي قناعة ، انو اشغال ناس كردفان مفروض يكون فيها براح للجيتارات..لأنها من نفس المردوم والجراري والكرنق ..والله صحي..!!!
عبركم التحية للشابة انصاف فتحي ، وهي شغالة رسالة الماجستير في هندسة المياه ، وشغل الموية ده يا انصاف فيهو حنين شديد يعني نظام (يمه الله من الريد)..!
ومنتظرك يا باشا في شغلك الكردفاني الجديد (قولوا خير) ويا ريت تعقبو اشغال تانية وكردفان عجيبة يا انصاف ، ولو لقينا فرقة نرمي ليك البياض وانتي واصلي الخيرة ياااااااااخ..!
عجب عجايب ياااااااااااااخ..يمه الله من الريد يا يمه..!!!!! ودي ما بشكة يا خلق هوي..والله صحي..!!!!!!
كبر
Post: #61 Title: Re: الغناء الكردفانى هو الاكثر رقة تجاه الانث Author: Kabar Date: 02-17-2017, 01:27 PM Parent: #60
اووووووووووووووبس..!!
الكلام عن ناس الفرقة المصاحبة لإنصاف فتحي ، ظاهر في التسجيل التالي ، وهو التسجيل الناقص فيهو مقطع (فات الفريق صباح ، لي وين نقول روح..الخ)..
كبر
Post: #62 Title: Re: الغناء الكردفانى هو الاكثر رقة تجاه الانث Author: Kabar Date: 02-17-2017, 01:36 PM Parent: #61
صديقي يحي قباني.. العنبة كردفانية...ان شاء الله حمرة عين ساكت..! عارف يا صديقي ، ناس بشوف فيهم روح وحنين كردفان: التاج مكي والنور الجيلاني ، ولمن انصاف فتحي غنية شغل النور (جمر الغرام) اتأكدت تماما انو ابونا النور الجيلاني كردفاني روحا والق..! ولكن..! زي ما قلت فوق ، الجمال في اشغال ناس كردفان انو أي زول يشتغلها بيحس فيها روحو وبيضيف عليها الق..!
عاين صديقنا هاني عابدين عمل شنو هنا..
والغنية سمعتها لمجموعة كلية المزيكا في جمهورية بيرو (والله صحي) وسبحان الله نفس نفس هاني هنا..حاجة عجيبة مش؟!!!! وبالطبع ، ندعو الجميع تأمل شغل المبدع عوض احمودي (عود)..!! ياخي عوض ده لو لقى ليهو عود كهربا (زي بتاع الشاب اليهودي الإشتغل مقدمة غنية القمر بيضوي) يحير العالم كلو (بما فيهو نصير شمة)..!!!!!
بالطبع ، شغل الباركشن ، قريب من النهاية ، نظام محاكاة المردوم كما هو..!!
كبر
Post: #63 Title: Re: الغناء الكردفانى هو الاكثر رقة تجاه الانث Author: Kabar Date: 02-17-2017, 01:50 PM Parent: #62
صديقي احمد ياسين..حبابك..
النقة شكلها خلاص قربت تخلص ، ويمكن يكون ده اخر عهدي بهذا الخيط..
اهديك شغل لأستاذنا عبد القادر سالم ، واشتغلتو الفنانة الشابة اميرة خير..!!
طبعا الغالبية محصورة في (نجوم الغد) و(اغاني واغاني) مع احترامي للإبتكار في البرنامجين ..لكن في ناس بره السودان قطعت شوط بعيد خلاص..وساقت الغنا السوداني للعالمية بهدوء وصبر..!!
خلي بالك من تطويع الحاجات (باص واكوستيك جيتار) ، والمساحة الكبيرة المفتوح للطبول والباركشن (شغل المردوم) ، بالرغم من الصوت تعبان شوية ، لكن الفكرة مبهرة للغاية ، وبرضو الكلام عن سحر الغناء الكردفاني ، و(كلم قمارينا) من كلمات استاذنا فضيلي جماع..
تحياتي للجميع..وياها المرقة..!!
كبر
Post: #65 Title: Re: الغناء الكردفانى هو الاكثر رقة تجاه الانث Author: خالد أحمد شطة Date: 02-17-2017, 02:23 PM Parent: #63
ههههههههههههههههههههه هووووووووووووووووووووي كترتوها حات جدي شته كان سمعتكم لباده وعجيله وجرارينا كتير بجيبوا شنيكيبه وامير الجراري خلونا كرادفه هوووووووووووووووووووووووي ي كبر انته عارفني قوازي كم حرم الفن الكردفاني من الرواج الوطني مع احترامي لكل المتداخلين في جعبتي الكثير مودتي وتقديري لكم شــــــــــــــــــطة
Post: #64 Title: Re: الغناء الكردفانى هو الاكثر رقة تجاه الانث Author: Ahmed Yassin Date: 02-17-2017, 02:18 PM Parent: #62
كبر وما ادراك ما كبر نحنا ناس عاديين ! بنتونس و نسمر و نسهر لمن ديكنا يصيح و فوق رؤسنا يتحكر كلام لى نقد وفي رحلة كبر للمناطق دي نقول ونعيد ... نعيد ونقووووول العمُر زادت غلاوتو معاك و صالحنى الزمان ! يا احن الناس حنانحال بقى ياهو حال العرضحال في الجراري وفي منطقة وسطى بين المشكار والجواب بنرد مع كبر دا .. (اع هم) هيييي .... هيييييي (القمر طلع، البرق شلع، السمحة لي) بالنسبة لى شغل انصاف والجيتارات اذا دخلت مجموعة الجيتارات (بيز .. باص .. ليد جيتار) مع الوتريات الاخري حيدي العمل سماعي مختلف وبعد ثالث جميل ...
Post: #66 Title: Re: الغناء الكردفانى هو الاكثر رقة تجاه الانث Author: خالد أحمد شطة Date: 02-17-2017, 02:35 PM Parent: #64
Post: #67 Title: Re: الغناء الكردفانى هو الاكثر رقة تجاه الانث Author: Osman Musa Date: 02-17-2017, 07:20 PM Parent: #66
الأخ أستاذ كبر سلامات ياخ بفتش من زمن لي اغنية من أغاني التراث أذكر حدثنا عنها الراحل الطيب محمد الطيب . كلمات الأغنية بتقول . يا صابون القصة .. زولي الراقد حسة .. و ر قد هم بالمغسه . قالوا الأغنية دي ماتوا فيها 14 رجل من شدة الحماسة
Post: #68 Title: Re: الغناء الكردفانى هو الاكثر رقة تجاه الانث Author: حسن محمد عمر Date: 02-19-2017, 07:37 AM Parent: #67
ياسلام عليك أخونا الجميل / كبر ماقصرت يديك العافية بعدين وين التريقة ؟ أستاذنا / عبدالرحمن عيدالله ليهو مكانة خاصة بسمع ليهو من زمن شقيش قولى لى يامروح والمعلمة جميلة خصالا وشوف جمال بت بلدى وحلاتا أجمل البنوت فى السباتا فهو بحق عكس جمال المنطقة بل السودان كلو الله يديهو العافية أرجع وأقول (كردفان أم غر خيرها جو وبرا) وخير كردفان بعرفه كل أبناء السودان أشكرك أخى كبر
Post: #69 Title: Re: الغناء الكردفانى هو الاكثر رقة تجاه الانث Author: بدر الدين الأمير Date: 02-19-2017, 07:51 AM Parent: #68
الحبنا ن المرو من هنا صباحكم مطر كردفانى شغلتنى الشواغل بجيكم راجع
Post: #70 Title: Re: الغناء الكردفانى هو الاكثر رقة تجاه الانث Author: بدر الدين الأمير Date: 03-25-2017, 12:24 PM Parent: #69
طمبور حمرى
محمد الامين موسى بجيك لقصة صديقى الباحث وعالم الانثربلوجيا دكتور اسماعيل الفحيل مع الحمرية انا لا امل من تردادها
Post: #71 Title: Re: الغناء الكردفانى هو الاكثر رقة تجاه الانث Author: بدر الدين الأمير Date: 03-25-2017, 04:41 PM Parent: #70
تقديرى الكبير لكل المتحاورين هنا واسف لانقطاعى عن النافذة شغلتنى الشواغل ارسلت لى صديقة كردفانية اغنية كردفانية جميل وقد يكون اجمل فيديو الاغنية سودانية والغناء كردفانى والرقيص كردفانى هى عبارة عن سهرة بثها تلفزيون السودان لااعرف المغنى لوطول انقطاعى من السودان لكن بعثتها لجميع اصدقائى من كل الاعراق والاجناس اسم الاغنية (يجدى الحورى ياجدى الحورى كان انت مروق انا ماضرورى ) ياريت احدكم يمدنا بها هنا
Post: #72 Title: Re: الغناء الكردفانى هو الاكثر رقة تجاه الانث Author: Osama Mohammed Date: 03-25-2017, 04:46 PM Parent: #70
النحية للاستاذ بدر الدين والاخوة المشاركين ف البوست كتب كبر عبد الرحمن عبدالله (قبال يكون شايقي ولا فنان ) --------------------------------------------------------- انتهى الاقتباس تحية للاخ كبر واعتقد انو ناقل الكلام الفوق ان شاء الله بس ما طلعتو عبد الرحمن شايقي؟ كتار بخلطو ف نشاة واصل الاستاذ عبد الرحمن عبد الله بعضهم بقول شايقي وبعضهم بقول بقاري - حمري ... الخ وليس طعنا في اهلنا من جميع القبائل او تقليلا من شانهم ولكن الاستاذ عبد الرحمن ليس شايقي ولا بقاري ولا حمري وارجو ان الناس تعاين للفن البقدمو بس بغض النظر عن انتمائه القبلي .
Post: #73 Title: Re: الغناء الكردفانى هو الاكثر رقة تجاه الانث Author: Osama Mohammed Date: 03-26-2017, 01:08 AM Parent: #72
الرمية دي في زول طلبها فوق والاخ كبر مشكور نزلها وانا طلبت من شباب مجموعة محبي الفنان ( بلوم الغرب) انو يمدونا بيها ورسلوها وانا ح انزلها عشان ما يزعلو يا كبر