حول من حرق نفسه

03:01 PM February, 12 2017

سودانيز اون لاين
عبدالحفيظ ابوسن-no where
مكتبتى
رابط مختصر

تقبله الله
وصبر اسرته عليه

وتقبل الله كل شهداء الوطن
وغفر لهم

هذا الوطن الذي ظل ابناؤه يموتون وهم في ريعان الصبا
يقتلون ولم تنبت لحيتهم
وتموت بناته ولم تتفجر انوثتهن

الواحد قدر ما يقول يصم خشمو
يغلب الطبع التطبع
الموضوع في غاية الحساسية
الحساسية من تولد الهتافية

الاخ والاستاذ عبد الحفيظ ابوسن
دايما مواضيعك حساسة وفيها جانب من الانسانية .
ف الحقيقة تألمت جدا عندما قرأت الخبر ومحور شعوري بالألم نابع من الاحساس بان اي شئ او اي حركة سلمية مناهضة لنظام البطش الان ف السودان لن تجدي نفعا.
خسرنا هذا الشاب الحساس ( طبعا ح يجو مـــعـــرصين الحكومة يقولو مجنون) وخسرنا رؤيته للبلد رغم انه يقلد نموذجا عربيا (تلك حسرة اخرى) لكنه لم يوفق - له الرحمة-.
السودان خلاص موضوع سلمية دة ومظاهرات وعصيان وحتى لو حرق الشباب كلهم انفسهم لن يؤتي اكله . هي ليست نظرة كئيبة ومحبطة ولكنها في رأيي حقيقة ففي بلد يسمسر فيه رئيسها ويتقاضى العمولات
من الصعب تحكيم المنطق و العقلانية . لأن الغريزة التي يتشارك فيها مطبلاتية ومنظري النظام على م اعتقد هي الجشع والانانية تفشي هذه الغريزة يؤدي الي عدم الاحساس بالمسئولية وضيق الافق.
لا زلت مقتنعا ببحث قرأته قبل عدة اعوام بان الحال ف السودان سيؤدي لا محالة لحرب ضروس تقضي ع الاخضر واليابس .
له الرحمة وربنا يصبر اهله و يصبرنا وكل زائل لا محالة.

امس يا اسامة في كوستي واحد اختطف طفلة عمرها تلاتة سنوات راقده مع امها .. امها مرقت تشرب او تمشي الحمام . اغتصبها حتي سمعت صراخها احد النساء فهربوغير امس تم قتل النساء والاطفال في دارفور وكردفان والمناصير والشرق والمتظاهرين في الخرطوم والطلاب في الجامعات ووهذه السلطة كذئب يمسك بفريسته !!الوطن فريسة بين انيابهم بلاشك ان موته مأساوي وحزين كموت الآلافكما اغتصاب الاطفالالحل

رغما عن نصاعة القول ادناه ودقته .. بل واحساسنا بتكراره
إلا اننا نحتاج لتفكره وهو
ان الفقر لايصنع ثورة
ونقرأه معدلا
ان الاضطهاد لا يخلق ثورة بل وعي المضطهد من يخلق الثورة . سيقوم مضطهدك بقهرك ويقوم المثقفين حوله بتسويغ اضطهاده لك
تارة بغضب من السماء
واخري من البديل
واخريات خوفا من حربا اهلية
اثق دوما بطريق ثالث
طريقا ثالثا ييتدعه الشعب
الاعتصام مثالا

لا تقوم الثورات بالرغبات الذاتية
ولا الاحلام
فالثورة والتغيير عمل مضن ودؤوب
حفر علي الصخر
من يظن ان يديه تقرحت وتقلعت اظافره ان ذلك كاف فهو واهم
متيقن من صبر حتي تنبت له اظافر وتبرأ جروحه ليبدأ الحفر هو من يقوم بالثورة
لا تقوم الثورة لاجل ثمن جراحنا
بل تقوم لأننا نعمل علي ذلك بوعي
وعي بطبيعة السلطة
ووعي بقدرات الجماهير

اقتباس
- امس يا اسامة في كوستي واحد اختطف طفلة عمرها تلاتة سنوات راقده مع امها .. امها مرقت تشرب او تمشي الحمام . اغتصبها حتي سمعت صراخها احد النساء
فهربوغير امس تم قتل النساء والاطفال في دارفور وكردفان والمناصير والشرق والمتظاهرين في الخرطوم والطلاب في الجامعات ووهذه السلطة كذئب يمسك بفريسته !!
الوطن فريسة بين انيابهم بلاشك ان موته مأساوي وحزين كموت الآلافكما اغتصاب الاطفالالحل- انتهى الاقتباس
عزيزي ابوسن
حكى لي احد الاصدقاء ان طليقته- وهي انجليزية - رفضت رفض قاطع ان يسافر الاب مع ابنائه ( بنتين وولد-) ف الاجازة الى السودان بسبب موضوع الاغتصاب حيث ان - سودانية الله يسامحها -
حكت لطليقته عن اغتصاب الاطفال وارشدتها الي موقع الراكوبة وترجمت لها عدد من المقالات عن الاغتصاب الجماعي ف السودان واغتصاب وقتل الاطفال وخصوصا تلكم الطفلة التي تم
رميها في بئر بالواضح كدة عملت ملف وقالت ليهو تاني السودان ماف ولو فتحت خشمك نمش المحكمة وح اقدم الفايل دة للقاضي ونشوفه بحكم بي شنو.
الحال بالطبع غريب بس مسكنة السودانيين دي والرضا بالحقارة ( المصرييين بحقرو والعرب بحقرو وحتى الناس المضيفينهم سواء سوريين ولا الوسخ التانيين الفلسطنين برضو)
اذا كان الاستيريو تايب ( التنميط) للسوداني علي اساس انو طيب ( اهبل ) وم بتاع مشاكل ماشي علينا من زمن حفرو البحر فتاكد انو المسائل ح تصبح اسوأ من الآن.
ربنا يديك العافية ويحفظك والاسرة ويحفظنا

غلبنا النقوله والله! هذا بعد ان عجزنا عن الفعل من قبل
النمش غايتو ندين ونستنكر ونشجب و نهتف هتافين تلاتة ثم نرجع نواصل ما كنّا فيه !

اها النزيدك رغما عن سد مروي و ام دباكر وبري وسنار وو
كهربتنا اول امس قطعت عشرة صباح جات تمنية مسا
امبارح قطعت عشرة بالليل ولي هسة قاطعة .. الازمة في طريقة الحكم فوق ومؤسساته
الاغتصاب بحصل في اي مكان .. وممكن اكون هتافي واقول ليك هو دخيل علينا وجانا من ثقافة الغرب والنت الفاتح مشرع دة
لكن دة ما الموضوع
الموضوع الافلات من العقاب
هناك بحصل لم سيجد المسئ عقابا رادعا . مش للاغتصاب بل لمجرد التحرش وهنا ما داير احكي ليك . فتر اللسان من الشكية
لا تقوم الثورات كرد فعل ابدا
بل تقوم بها الجماهير واعية بمطالبها

ل
حين
ميسرة

لم نعجز يا ودالبشرى
لا الآن
ولا سابقا
لم يستكن هذا الشعب للظلم ابدا
عبر عن سخطه بشكل جماهيري
وبشكل فردي
فقط ان الشكل الفردي لا يضيف للحركة الثورية شيئا .. فالتغيير لا يقوم به الافراد . ولا يقوم به الافراد إلا ملتحمين مع الجموع
العمل المؤسس المدروس
وليس السخط والضجر الشخصي
هذايتآكلك من الداخل
يصيبك بالاحباط
والاحباط عدو النجاح وان توفرت اسباب النجاح
ندين ونستنكر ولكننا لن نجعل ذلك خاتمة المطاف
سنرص بنياننا من جديد

هل تهتم السلطة .. اقصد هذه السلطة

شكرا ود اب سن,

قريبنا (ود الـ ..........) زول مزاجي وفادح

دائما يحاول التميز بالشـذوذ عن القاعدة

مرة احتار فيه ابن اختـه وواجهـه بالقول : يا خال كلامك دا أعــوج ومايــل

فاعترف غير مبال .... : أنا طوالي بركب في العدلــة المايلــة

العدلة المايلة واضحة من لفظها العامي واذا احتاج البعض إلى شرح ... شرحناهــا

خلاصـة القول : حكومتنا دائما راكبــة في العدلــة في المايلــة ............

أحمد الشايقي

اريتو كان عوج ولا ميلا ساكت يا الشايقي
ديل ما شايفين الا مصلحتهم ولو علي جثة الوطن