وطن واطي، يا بوعزيزي

02:45 PM February, 12 2017

سودانيز اون لاين
ناصر حسين محمد-
مكتبتى
رابط مختصر

ربما ظننت أن تضحيتك وهتافك ( القليل ) القائل ( أنا سوداني والبشير دكتاتور)
قد تيقظ القطيع ليرى بأم عينيه الاهوال ..!!

وتالله لو قطيع ( نعاج) لكان أستيقظ ونظر حوله ( على الأقل)

ولكن في الوطن الواطي

كان رد فعل القطيع في الواتساب والفيس بوك كالاتي :
عااااجل شاب يحرق نفسه

وتكررت الرسالة والصورة التي تعبر عن ازمة وطن واطي ..!!

تناقلوها بكثافة دون ان يفتح الله على احدهم بكلمة (بغم) تضامنا مع محنتك النابعة من محن الغالب من هذا الشعب


تناقلو الرسالة
وتعشو

وضاجع البعض بعض الحريم ( ربما حلال وغالبا محض زنا) ولكن لايهم

من يهتم بالزنا
طالما الارواح احترقت في قلب الخرطوم من الضيم والاسى ..!!

كلامك حاااار

صديق
مساء الخير

والله الحار الصمت المطبق ده


انت عارف انا بفكر
حتى سلوك القطيع بتاع الحيوانات ماعندنا ..!!!


اي زول يعيش مشكلتو


كنت شاهد على مظاهرات لمرضى الكلى لانعدم ادوية الغسيل قبل فترة

اها المظاهرات دي قفلت الشارع المفترض تمشي بيهو الحافلات وحصلت الزحمة وسط السخانة ديك

والناس عرفت انو ديل مرضى الكلى ماعندهم ادوية غسيل (بقروشهم ما لاقين علاج)
يعني واقفين على حافة القبر طلعو لانقاذ ما يمكن انقاذه
المهم اتخيل تذمر ركاب المواصلات منهم ومن الزحمة السببوها
مافي أدني تضامن
ناهيك عن انو ديل ابناء وطن واحد
وذات المصير ده يمكن يحصل لاي من المتذمرين
لكن مافي زول دعمهم بل تذمرو منهم

ساعتها حسيت انو الوطن واطي

وجات الحوادث
اعتصام المناصير عدة شهور مافي زول قال معاهم بغم
قتلى دارفور الفاشر تحديدا
وووو


لكن تصل لمرحلة انو شاب طالع من مستشفى يحرق نفسو..!!


ومافي زول يقول شي


وطن واطي ووطن داعر

المؤسف انو الشاب المرحوم
طالع من مستشفى
حتى الفراشة مازالت في أيدو ..!!

في الوطن الواطي ده طوالي بفترض
انو تم طردو
او طالبوه بعلاجات لايملك ثمنها
او جدعوه في عنبر وما في زول اشتغل بيهو

الحكومات التافهة جدا في الحالات دي ممكن تطلع بيان تدغمس فيهو الحقيقة

لكن حكومتنا لانها تدرك مدى انحطاط هذا الوطن ما اشتغلت شغلة بالحادثة


والناس مرت فيها مرور الكرام

نافذة فيس بوك:

ما دي نتيجة السبعة وعشرين سنة
قمع وقتل وتخويف
انتجت جيل مشوه وانصرافي
والجيل الفات كبر وما عاد عندو فعالية
والله حاجة مخجلة خالص ودا الواقع
كل زول بقا قافل بابو عليهو ماهمو بي جاروا
نصيح ولا عيان شبعان ولا جعان
ميت ولا حي
الوجعة كبيره

نعم ياصديق دي النتيجة


اذكر انه بعد مظاهرات مرضى الكلى بفترة قصيرة تابعت خبر انتحار اتنين من المصابين بالمرض ..!!

وايضا عبرت القصة دون ( بغم)
اها المؤسف في الموضوع ده كمان والبحطم الآمال لا حكومة قالت لا تنظيمات معارضة سعت لمعرفة الحقيقة وتبني موقف واضح تجاه هذه الحادثة

بس فلاحتهم في اصطياد مظاهرات المواطنين المتفرقة والنفخ فيها

علها تاتي بما يشتهون وان عبرت عادو الى ( الورجغة) والفارغة والمقدودة



اتوقع من المؤتمر السوداني بالحس السياسي المتقدم الذي يمتلكه تدويل هذه الحادثة والبحث فيها ومقابلة ذوي المرحوم لمعرفة الملابسات ربما هي جنائية بفعل مستشفى

الاخ ناصر تحية واحترامادناه مشاركة ف بوست الاستاذ عبد الحفيظ ابو سن --------------------------------------------------------------------------------------------------------------------الاخ والاستاذ عبد الحفيظ ابوسن دايما مواضيعك حساسة وفيها جانب من الانسانية . ف الحقيقة تألمت جدا عندما قرأت الخبر ومحور شعوري بالألم نابع من الاحساس بان
اي شئ او اي حركة سلمية مناهضة لنظام البطش الان ف السودان لن تجدي نفعا. خسرنا هذا الشاب الحساس ( طبعا ح يجو مـــعـــرصين الحكومة يقولو مجنون) وخسرنا رؤيته للبلد
رغم انه يقلد نموذجا عربيا (تلك حسرة اخرى) لكنه لم يوفق - له الرحمة-. السودان خلاص موضوع سلمية دة ومظاهرات وعصيان وحتى لو حرق الشباب كلهم انفسهم لن يؤتي اكله .
هي ليست نظرة كئيبة ومحبطة ولكنها في رأيي حقيقة ففي بلد يسمسر فيه رئيسها ويتقاضى العمولات من الصعب تحكيم المنطق و العقلانية .
لأن الغريزة التي يتشارك فيها مطبلاتية ومنظري النظام على م اعتقد هي الجشع والانانية تفشي هذه الغريزة يؤدي الي عدم الاحساس بالمسئولية وضيق الافق.
لا زلت مقتنعا ببحث قرأته قبل عدة اعوام بان الحال ف السودان سيؤدي لا محالة لحرب ضروس تقضي ع الاخضر واليابس .
له الرحمة وربنا يصبر اهله و يصبرنا وكل زائل لا محالة.
المصدر : http://sudaneseonline.com/board/490/msg/%d8%ad%d9%88%d9%84-%d9%85%d9%86-%d8%ad%d8%b1%d9%82-%d9%86%d9%81%d8%b3%d9%87-1486911696.html_______________________

Quote: الاخ ناصر تحية واحترام ادناه مشاركة ف بوست الاستاذ عبد الحفيظ ابو سن ------------------------------------------------------------------------------------------------------------------------------------------------------------------ الاخ والاستاذ عبد الحفيظ ابوسن دايما مواضيعك حساسة وفيها جانب من الانسانية . ف الحقيقة تألمت جدا عندما قرأت الخبر ومحور شعوري بالألم نابع من الاحساس بان اي شئ او اي حركة سلمية مناهضة لنظام البطش الان ف السودان لن تجدي نفعا. خسرنا هذا الشاب الحساس ( طبعا ح يجو مـــعـــرصين الحكومة يقولو مجنون) وخسرنا رؤيته للبلد رغم انه يقلد نموذجا عربيا (تلك حسرة اخرى) لكنه لم يوفق - له الرحمة-. السودان خلاص موضوع سلمية دة ومظاهرات وعصيان وحتى لو حرق الشباب كلهم انفسهم لن يؤتي اكله . هي ليست نظرة كئيبة ومحبطة ولكنها في رأيي حقيقة ففي بلد يسمسر فيه رئيسها ويتقاضى العمولات من الصعب تحكيم المنطق و العقلانية . لأن الغريزة التي يتشارك فيها مطبلاتية ومنظري النظام على م اعتقد هي الجشع والانانية تفشي هذه الغريزة يؤدي الي عدم الاحساس بالمسئولية وضيق الافق. لا زلت مقتنعا ببحث قرأته قبل عدة اعوام بان الحال ف السودان سيؤدي لا محالة لحرب ضروس تقضي ع الاخضر واليابس . له الرحمة وربنا يصبر اهله و يصبرنا وكل زائل لا محالة. المصدر : http://sudaneseonline.com/board/490/msg/%d8%ad%d9%88%d9%84-%d9%85%d9%86-%d8%ad%d8%b1%d9%82-%d9%86%d9%81%d8%b3%d9%87-1486911696.html ___________________________ المصدر : http://sudaneseonline.com/board/490/msg/%d9%88%d8%b7%d9%86-%d9%88%d8%a7%d8%b7%d9%8a%d8%8c-%d9%8a%d8%a7-%d8%a8%d9%88%d8%b9%d8%b2%d9%8a%d8%b2%...9%8a-1486910700.html

الاخ أسامة

تحياتي
نعم وتالله تالمت لموت الشاب
وكنت حريص على تتبع اخباره بعد ورود خبر اشعاله النار في جسده
وعندما قرأت انه توفى حزنت للغاية

ولكن
وتالله كان حزني الاكبر من الصمت الجبان
والتوارى الوسخ من قضية تهم كل الشعب
وكما اسلفت ممكن اي واحد يكون في مكانو في يوم من الايام

الالم راسخ من المواقف المخزية للبشر السوداني تجاه ابسط حقوقه


ويجوك ناس يشبكوك اعتصام وعصيان وهلمجراء


الدم بالدم ..!!

Quote: ياخي أي حرف ونقرة في مكانها كلامك سليم ، أكبر دليل بوست واحد فقط عن الحادث لو كنت مكان بكري لسودت المنبر

الاخ عبد العظيم تحياتي لك

انا شخصيا غائب عن المنبر
توقعت عند الدخول ان اجد البوستات تتحدث عن الحادثة

ولكن وجدتها بوستات زعيط ومعيط
وطق الحنك



واجب على بكري ان يسود المنبر
لو كان السواد يجدي في شعب قتلو منو 200 نهارا جهارا في قلب عاصمته

عزيزي ناصر تحياتي. نحن المسئولون عن انهيار البلد و ليست الانقاذ. نحن نرى الخطر يسير بيننا و لا نفعل شيئا للجمه. نرى المصيبة امامنا و ندعها تفعل ما تشاء. نرى الخطر يتهددنا و لانحتاط للدفاع. نرى السودان يتشظى امام اعيننا و لا نبالي. نرى مصائب الانقاذ تنهال علينا من كل كل الاتجاهات و نحن قعود. الانقاذ الفيها انعرفت و لا رجاء و لا امل فيها. المهم ما نفعله نحن. تحياتي مجددا.

Quote: عزيزي ناصر تحياتي. نحن المسئولون عن انهيار البلد و ليست الانقاذ. نحن نرى الخطر يسير بيننا و لا نفعل شيئا للجمه. نرى المصيبة امامنا و ندعها تفعل ما تشاء. نرى الخطر يتهددنا و لانحتاط للدفاع. نرى السودان يتشظى امام اعيننا و لا نبالي. نرى مصائب الانقاذ تنهال علينا من كل كل الاتجاهات و نحن قعود. الانقاذ الفيها انعرفت و لا رجاء و لا امل فيها. المهم ما نفعله نحن. تحياتي مجددا.

الاخ عبد الله تحياتي
لاشك اننا المسئولون من ما يجري في الوطن
الخطر احاط بنا من كل الجوانب
تقلصت امانينا في نجد العلاج ( بقروشنا)
تنازلنا عن
الامن وعن ارض الوطن
وتنازلنا عن حقنا في الخبز
والماء النقي
(كلو بقروشنا ومافي )
تنازلتنا تلك مؤشر على اننا شعب ( واطي)
لا يضير ان يموت كيفما كان
برصاصة منسوبي النظام
حرقا
بالمرض ( الحكومة الماعايزة تشوفو سببو شنو)


دعني اهديك هذا النص من صفاء المومس

Quote: هؤلاء لن يبكوك ،، هؤلاء لن يحزنوا عليك ، ليس لانهم بلا قلب ،،، ولا احسبه من الايمان لن يبكوك ، او يحزنوا عليك لان هذه حياتهم ،، اعتادوا على ان يحرموا من اعز ما يملكون ، بهم بلاهه من اعتاد البلاهه بهم يقين وليس (ايمان ) بهم يقين بانهم خلقوا لكي يتعذبوا ،، وان الله خلقهم ليعذبهم (استغفر الله ) هذه هي قناعتهم ، ،، حتى اذا اتتهم الظروف بشي جميل احسب انهم لن ياخذوه ) لعلمهم سلفا بانه ليس لهم ،،ليس لهم جميل في الدنيا دنياههم ،،،، شوك (يزرعه غيرهم ) دنياههم ،،، خوف (تغرسه ) تقلبات الحياه والكلاب ،، واسياد الكلاب (بذقونهم المدببه التي بها شعيرات ) والتي نسميها (ذمرا ) او من اجل (ابنائي )هكذا دنياهم ،،

ما هو ذنب الوطن حتى يكون واطي؟

ما قلت الا الحق يا ناصــر ..

نحن قطيع فعلا .. بل أضل

Quote: ما قلت الا الحق يا ناصــر .. نحن قطيع فعلا .. بل أضل

تحياتي دكتور

والحق كالحنظل ..!!
مر

Quote: ما هو ذنب الوطن حتى يكون واطي؟

تحياني عثمان

كدي سيبك من ذنب الوطن

قولك شنو في المات
عشان شوية نتشكك انو الوطن ما واطي

الأخ ناصر, الوطن ما كان عمره واطي, الواطي في من يتسبب في موت وقتل الأبرياء الذين لا ذنب لهم.

الاخ ناصر
انحنا فى جبال النوبة ندمانين رفعنا البندقية من اجل السودان ...... شعب ما يستاهل النضال من أجله.

تحياتي يا ناصر
لا يوجد شيء قائم بذاته اسمه وطن
الوطن هو مجموع الناس العايشين في رقعة جغرافية معينة
هل أنت تقصد بالواطي الناس أم الرقعة الجغرافية؟

يا شباب م تحكوها مع ناصر
الراجل زعلان ومهما عمل م ح يقدر يسئ لي بلدو
وزعلة وبتروح والافكار بتصفى.

ناصر سلامات

بالتأكيد الحادثة مأساوية ومحزنة لابعد درجة

اقدر جداً غضبك وانفعالك

لكن انت الان تسئ للوطن كله ارضاً وشعباً والتعميم اكيد فيه مثير من الظلم والاجحاف

ومن نافذة الفيسبوك اتاك التحليل الذي يصب الزيت في النار

بمحاولة تصوير عدم استجابة ناس الخرطوم التي حدثت فيها الحادثة

كان مرده القبلية وذلك لان من حرق نفسه ليس من ابناء الشمال ومحاولة ربطها تاريخياً

بالبطل القومي علي عبداللطيف بالله عليك هل هكذا هو الاحتجاج وهكذا تكون الوقفة مع الحق

ان تأتي اكلها جراء الغضب معكوساً تماماً

عنوانك يا ناصر صادم جداً عمرو السودان ما كان واطي ولا الشعب السوداني واطي

ولن يكونو في يوم من الايام من الواطين

مفروض الناس تفرق بين الوطن وبين النظام الاتسبب في الظروف الحاصلة على الوطن والناس

تحياتي

Quote: الأخ ناصر, الوطن ما كان عمره واطي, الواطي في من يتسبب في موت وقتل الأبرياء الذين لا ذنب لهم.

الاخ عثمان صباح الخير

الواطي مركوب ..!!!!

غالبا مبرر ركوب الصغار على الحيطة انها واطية ..!!
عمرو البركب ما واطي

الا الواطي البركبو فوقو
من تسبب في قتل الابرياء راكب

Quote: الاخ ناصر انحنا فى جبال النوبة ندمانين رفعنا البندقية من اجل السودان ...... شعب ما يستاهل النضال من أجله.

الاخ أيمن صباح الخير
ولك حق الندم ياغالي
وطن لا يستحق ان ترفع سروالك لاجله
دعك من بندقية ..!!

Quote: تحياتي يا ناصر لا يوجد شيء قائم بذاته اسمه وطن الوطن هو مجموع الناس العايشين في رقعة جغرافية معينة هل أنت تقصد بالواطي الناس أم الرقعة الجغرافية؟

الاخ معاوية
صباح الخير

اختر ماشئت منهم
فعندي الوطن واطي
ومفهومي له قد يكون كل ماقلت او بعض ما قلت

Quote: مفروض الناس تفرق بين الوطن وبين النظام الاتسبب في الظروف الحاصلة على الوطن والناس تحياتي

هيثم
صباح الخير وتحيات عطرات


يا هيثم يا اخوي والله مابلوم النظام ولاعندي معاهو شغلة
واطي ولا عالي
واطي ولا محترم
دي ما قضيتي
قضيتي الناس الشايفة بأم عينيها ما يجري وساكتة
اقدر اتخيل مقدار الضيم والقهر والاسى الامتلك الشاب ده قبل يعمل عمليتو دي
وبعدها شوف هل حتلوم النظام ..!! ولا الناس الراضخة تحت النظام..!!

النظام ده شغلو والايديولجية بتاعتو
وعقيدتو الامن بيها وماتو عشانها في الجنوب ودارفور
وتحدو بيها العالم
عقيدة عديل كده .!!!
اها انا انتظر يبدل عقيدتو ولا الراي شنو..!!

Quote: يا شباب م تحكوها مع ناصر الراجل زعلان ومهما عمل م ح يقدر يسئ لي بلدو وزعلة وبتروح والافكار بتصفى.

الاخ اسامة تحياتي

ياليتهم أدركو انها ليست اسءاة في الاساس

لماذا ياخذون المعنى القريب ..!!
واطي ربما قصير ..!!

لكن بتلك الردود والانصراف عن عضم الموضوع احسب انها واطي بالمعنى القريب المتداول في زقاقات سوق الزلابية في مدني

Quote: Who cares؟ وذلك لأن (عثمان رمضان) ليس من أبناء شمال السودان (أولاد البلد) بل هو في مقام (علي عبد اللطيف) في ثورته المسلحة الدموية ضد ظلم الانجليز.. فلم يهتم (أولاد البلد) آنذاك كما لم يهتموا اليوم بحريق عثمان في قلب النفاق.. فمن هو عثمان رمضان ومن هو علي عبد اللطيف .. من هما حتى يثورا في وجه الظلم الترابي الانجليزي البشيري الامريكي الكافر المنافق؟ من هما ومن أي قبيلة يتحدرا حتى يقودا ثورة في قلب الخرطوم ضد عبيد الأمريكان أبناء عبيد البريطان؟ من هما وهناك أبناء الترابي وأبناء المهدي وأبناء الميرغني وأبناء البشير وأبناء ال وال وال .. لم يثوروا ضد الظلم وهم السادة وأغلبية السودانيين عبيد؟ فلماذا يثور (عثمان رمضان) ولماذا ثار (علي عبد اللطيف)وهما لا يمثلان (أولاد البلد) ولا قبائل الشمال عبد الامريك بن عبد الانجلز؟

صدق انت دلالة على ان الوطن واطي ..!!

كلام انشاء محفوظ وتردد كالببغاء دون تفكير
ياخ لو اديت مخك ( الحتة) دفرة بسيطة بتعرف انو في ناس ماتت في قلب الخرطوم ومن قلب مناطق الجلابة البتقولها انت ده

وبرضو مافي زول قال بغم ..!!!

اها عينتك دي حرم تضر بنا اكثر من ضرر النظام



لكن
اقول ليك
شوت شوتك ساي وانبهل ضفاري
لا يضير الشاه سلخها بعد ذبحها

اصلا هي جيفة ..!!

The Mask of Zorro

انتجه الغرب
فلم زورو .!!
متعة الافلام الامريكية،
فكرة زورو هذا تتلخص في انه راى الظلم والصمت من قبل المظلومين

وعليه قرر قتل من يظلم احد


لو جزار في جزارة كروبي نقص ربع الكيلو لحمة بلقى زورو ده قدامو ..!!!

القصة من أساسها التزام اخلاقي
وهذا الالتزام الاخلاقي هو انعكاس لانسانية وبشرية الشعوب
دون هذا الالتزام الاخلاقي تجاه الاخرين تصير الشعوب ( واطية)
الغرب يلتزم اخلاقيا تجاه اللاجئين والمظلومين
والتخلي عن هذا الالتزام يجعل انسانيتهم مشكوك فيها
عندما اندلعت تظاهرات المطارات الامريكية ضد قرار ترامب وتدافع المحامون للدفاع عن حقوق مواطني سبعة دول لا يعرفون في الغالب اين تقع
تدافعهم هذا ليس ل( عدم موضوع) او لملء فراغ
بل لانهم التزام اخلاقي يعزز قيمهم لانفسهم يخدمون انفسهم بخدمة الاخرين بالوصول الى مرحلة الرضاء والسكينة البشرية
كانما هم يقراءون القران ..!!

تملصهم عن هذا الالتزام يعني تحولهم الى خانة الدواب والتخلي عن الانسانية .!!

اجزم لو سمع البعض في احدى الدول الغير واطية بالقصة ربما ( وقفوا وتظاهرو لاجل من مات في ابوجنزير في قلب السودان)
مثلما وقف البعض في عواصم اوربا وامريكا عندما احرق بوعزيزي تونس نفسه ..!!


عندما اقول واطي فانا اطلب المقاربة ما بين سلوك القطيع وسلوكنا كشعب فيما يجري
وكما اسلفت فان القطيع اجزم ان ردة فعله قد تكون اقوى من ردة فعلة شعب السودان ( المنبطح)

Quote: تحياتي ناصر لو قطيع جاموس هاجمت الذائاب أحد افراده لعاد ومات فى الدفاع عنه . شعب غريب وعجيب فعلا .

تحياتي بدر الدين



شاهدت مقاطع كتيرة لقطيع
مرة
جاموس
مرة غزلان
مره بقر


كلهم بتخذو موقف من مصيبة تقع على الفرد منهم

إنت الواطي

رمتني بدائها وانسلت

ايمن الفاضل انت لسه مباري حركاتك دي
ماقادر تستوعب انو السياسة لا تستوجب ما قبل
ياخ ناس اتكاتلو عديل كده سيبك من شوية النبذ ده
ناس ضربت الوطن دامان ورصاص زي ما حصل في كسلا وفي الحزيرة ابا وفي دارفور والنيل الازرق
رجعت واتصالحت
مستكثر علي درب الحق

بالمناسبة انا ما النوع البجيبوه بطريقتك دي
لحمي مر

يا ناصر الموضوع لو سياسة ما عندي مشكلة
لكن إنت كوز مستهبل وأصلاً ما كنت معارض
وإسائتك للوطن ما بتشبه إلا الكيزان

Quote: وإسائتك للوطن ما بتشبه إلا الكيزان

ولله في الكيزان يا أبو اليمن في كتيرين ما وصلوا لمرجلة هذا الشخس أبداً وبعضهم نفض يده عنها واستبرأ من ذنبه ولكن لا مباديء ولا مواثيق تلزم الإنتهازي