Post: #2
Title: Re: جو سخينة ... صور !!!!
Author: مني عمسيب
Date: 02-11-2017, 02:41 PM
Parent: #1
حليلك آآآلربيع مبتسمة لينا زهووورك
حاسين بالحنان يا العالي ديمة شعورك
فاقدينك كتيييييييير واحشنا جد بندورك
راجنك دوام نغرق نمووت في بحورك
|
Post: #3
Title: Re: جو سخينة ... صور !!!!
Author: مني عمسيب
Date: 02-11-2017, 02:48 PM
Parent: #2
مسدار الشتاء قادم .
|
Post: #4
Title: Re: جو سخينة ... صور !!!!
Author: sadig mirghani
Date: 02-11-2017, 03:23 PM
Parent: #1
والله حالتكم صعبة
اخير سخانتنا
|
Post: #5
Title: Re: جو سخينة ... صور !!!!
Author: مني عمسيب
Date: 02-11-2017, 03:42 PM
Parent: #4
ود ميرغني سلام يغشاك يا خيي .
والله حالتكم صعبة اخير سخانتنا المصدر :37.
السخانة برضو ما بندار يا ود ميرغني السودان
في الشتاء درجة الحرارة 35 شفت جنس الحالة
دي ؟ عمومآ التطرف في اي شئ ما حبابو ولو
كان في الاجواء . وسبحان مغير الاجواء .
ومشكور علي صحن السخينة والله لما حسيت
بتذوقها ..
وبنهدي ليك من موسم الربيع .
|
Post: #6
Title: Re: جو سخينة ... صور !!!!
Author: Nasser Amin
Date: 02-11-2017, 03:50 PM
Parent: #5
مسدار عن البرد (من نواحي الفيس بوك):-
دا بردآ زاتو من ما قمنا ما سمعنابو
يخلي الزول من المغرب يفوت أصحابو
بقت الغرفه أبرد من حليب ناس كابو
والحمام كرهنا وما عملنا حسابو
مشي الشغل الصباح بقى لينا زاتو معسر
وفوق حظي التعيس باص (الوالي) م أتيسر
وقفت حافله خرده وكل قزازه مكسر
أخترت البرد من تتملي وأتحسر
والناس تتركض والحافله زاد إسراعه
ماف زولآ نضم حرم قريب الساعه
ما الفول و(السخينة) والبوش هرانا جماعه
أكتر شعب في العالم م عندو مناعه
وما تحتجو ساي والناس تجي تحاصرنا
ماليانا العيوب وربي الكريم ساترنا
أكان ما مرضه ساي والجوع أخوي عاصرنا
!؟ درجه كم وعشرين بس تجيب آخرنا
|
Post: #7
Title: Re: جو سخينة ... صور !!!!
Author: nour tawir
Date: 02-11-2017, 09:22 PM
Parent: #6
يا منى...
أنا جيت هولندا قبل كدا ألا ما و دونا محل الزهور السمحة دى..
عشان كدا شهر 4 لما أنتهى من زيارتى فى بريطانيا..
حا أجى أزورك يومين تلاتة..
وتودينى محل الزهور دى..
|
Post: #8
Title: Re: جو سخينة ... صور !!!!
Author: عباس محمد عبد العزيز
Date: 02-12-2017, 09:00 AM
Parent: #7
التحية والتقدير
وسلامى وتحياتى
من الدوحة وحتى مدينة انسخيدى مرور بالملو ) (almleo- enschede)
عام 1990
علقنا فى محطة قطار انسخيدى نسبة لتغير الجدول خلال عطلة نهائة الاسبوع وكان ذلك مساء السبت اي حوالى منتصف الليل
انا شخصيا ماعندى مشكلة مع البرد ولكن ذلك اليوم
وضعت اطراف اصابعى على الدفاية مباشرة دون جدوى
ليكم الله
جبتها ليك ببيضة خاتيه سواد قمر سبعتيين تبر الضحى الوجاج
قطن الجروف الزي ضروس اب عاج
البيت دا ذى الجليد " الثلج عندكم "
تتدثرى كويس
|
Post: #9
Title: Re: جو سخينة ... صور !!!!
Author: Basamat Alsheikh
Date: 02-12-2017, 04:07 PM
Parent: #8
بت عمسيب
كنت متخيلة تقولي جو فول ...من فول عطبرة..
والايام دي الجو في نيويورك معكر وجليد وبرد
والجو ما جو سخينة لكن جو فتة بموية فول وزيت
سمسم وطعمية....وده كله عندنا موجود...
بس زهور يانعة زي دي ما عندنا...
ودمتي بالف خير وصحة وعافية
|
Post: #10
Title: Re: جو سخينة ... صور !!!!
Author: مني عمسيب
Date: 02-15-2017, 02:43 PM
Parent: #9
الاحبة .. ناصر امين .. وبت تاور . وعباس . وبسوبسة .
لكم وافر التحايا والشكر ,,
لي عودة بالتفصل ..
ويابت تاور جيبي اضانك ( وشوشة ) .
ولا اقول ليك حا اجي ارد عليك وحا اتصل بيك
اتكلم معاك بخصوص الشرف العظيم والبركة
البتنزل علينا بزيارتك ..
ويا بت تاور والله معذرة علي تاخير الرد لكن دي
ياها حالتي لما اجي من السودان بكون لمدة شهر
ما طبيعية ما حالة جنون لكن من مشتقات الحالات
النفسية ! واضيفي لي كدا عندي مشكلة في عيني
اليمين واسه زادت وارحج ذلك للغبار الوافر من
ركوب الرقشات للتهوية والمتعة وسهولة المواصلات
وما يفوتك ما زلت تحت العلاج المكثف ودسيت كل
دا من الدكتورة عشان ما تشاكلني ههههههههههههه
عيونا فداك يا وطن من جوووة قلبي .
ولي عودة يا احلي ناس ..
|
|
