Post: #1 Title: و الله يا جماعة الله يديني خيري بس .. لقيت ( بطاقة ) عجيبة في سحارتي الليلة !!! Author: يحي قباني Date: 02-11-2017, 05:45 AM Parent: #0
04:45 AM February, 11 2017 سودانيز اون لاين يحي قباني-فى الدنيا العجيبة مكتبتى رابط مختصر
" الله يديني خيري " مستلفة من قاموس صديق العمر الجميل معتصم حسن حمد ...
اما سحارتي فتذكرني بسحارات حبوباتي ... كل ما يهبشوا فوقها يمرقوا شي عجيب ...
الليلة بفتش لي في وريقات من زمن قديم ... لقيت شنطة قديمة فيها بلاوي ...
شيء ايصالات من السفارة السودانية في الرياض سنة 89
و شيء عقد بيع عربية كريسيدا سنة 88 ...
و دفتر مسجلة فيهو خواطر ... و فيهو لستة لشراء اسبيرات لعربيتي العيانة ...
المهم عيني وقعت فجأة على البطاقة دي ...
بطاقة فيها ادانة كاملة و ادلة دامغة لبلوغنا من العمر عتيا
و في ذلك ما يؤهلني تماما للدخول الى تلك القائمة الشهيرة ...
Post: #2 Title: Re: و الله يا جماعة الله يديني خيري بس .. لقيت � Author: يحي قباني Date: 02-11-2017, 05:48 AM
ليت الشباب يعود يوما ...
و بمناسبة الله يديني خيري ...
أقوم اهدي رقبتي رائعة عبد العزيز جمال الدين و عبد الكريم الكابلي ( لو تصدق )
Post: #3 Title: Re: و الله يا جماعة الله يديني خيري بس .. لقيت � Author: يحي قباني Date: 02-11-2017, 05:54 AM Parent: #2
كان وقتها رئيس الاتحاد العام سعادة العميد عبد المنعم النذير ..
و السكرتير العام المرحوم فيصل محمود مرسي ...
و كان مدير مكاتب الاتحاد العم نوري ...
بدأت العلاقة ببناء بعض المنشئات داخل مباني الاتحاد العام ... و بعدها ترميمات في أستاذ الخرطوم ...
ثم أتت دورة سيكافا ...
و حيث انني كنت ولد فرفارة متحدث للغة الإنجليزية ... تم ضمي للجنة استقبال الوفود الخارجية و استقبال الفرق ...
تلك الدورة التي فار بها فريق البيرة الكيني بعد ان هزم المريخ في المباراة النهائية ...
ما زلت احتفظ بكرة قدم برتقالية اللون بها امضاءات كل أعضاء الفريق الكيني ... وهي نفي الكرة التي صممت لكاس العالم في المكسيك ( آزتكا ) ...
أيام ليتها تعود ...
Post: #4 Title: Re: و الله يا جماعة الله يديني خيري بس .. لقيت � Author: يحي قباني Date: 02-11-2017, 06:02 AM Parent: #3
كيف يلح الشوق و يسأل ...
كتبتها احد * المستمعات لأغنية كابلي أعلاه في قناتي باليوتيوب ...
لم تغادرني تلك الجملة من وقتها ...
اشتاق لكل نسام دغش في حوشنا المضفور طوب ...
و أسال هل من عودة ؟
أشتاق الى جلساتي مع ابن خالتي البديع باهي الدين رحمه الله ... في استادات الخرطوم و المريخ و الهلال ...
و أسأل ... هل من لقاء معه يوما ما ؟
أشتاق لجلسة مع الحبان في طرف دكان الحلة ...
و اسأل ... هل من عشوة معهم يوما ما بي طحنية و موية جبنة ؟
كيف يلح الشوق و يسأل ... ؟
* التعديل لتغيير كلمة ( أحي ) الى أحد ... رغم جوازها في حالتي هذه ...
Post: #6 Title: Re: و الله يا جماعة الله يديني خيري بس .. لقيت � Author: يحي قباني Date: 02-11-2017, 06:15 AM Parent: #4
كان يرأس لجنة استقبال الوفود ...( نعم رئيس و عضو ) كنا اثنين فقط ههه
الأخ الأكبر أبرسي ... من كبار اسرة الكوارتة و أبرسي في ام در ...
اذكر اول مشوار لنا الى مطار الخرطوم ... كان ينتظرني بسيارته المرسيدس لبنية اللون ...
و كنت وقتها ( انتعل ) كريسيدا موديل 82 ... بها كاربريتور معدل من ماكينة تاونس عدلها ازهري المكانيكي في ابروف ...
و كانت سيارة ابرسي المارسيدس موديل السنة القادمة ... و كان بها مكيفا لم أرى مثله حتى تاريخه ...
و اعرف ان جو السودان هو الذي اظهر ابداع ذلك المكيف ...
لن انسي عند دخولي لسيارته كنت اهم بالاعتذار لتأخري في احد المواقع ...
و لكن سكت لساني حينما دخلت الى السيارة ( المثلجة )
و انا أرى ابرسي ندي الوجه مبتسماً ... و هادئا تماما ...
فتذكرت وقتها نكتة ( قريب الله ) ... و شرعت في حديث غير ذي صلة ...
Post: #5 Title: Re: و الله يا جماعة الله يديني خيري بس .. لقيت ( Author: sadig mirghani Date: 02-11-2017, 06:11 AM
كان ماختيت الكضب الصورة كارلوس بس
Post: #7 Title: Re: و الله يا جماعة الله يديني خيري بس .. لقيت ( Author: أيمن محمود Date: 02-11-2017, 06:40 AM Parent: #5
الله يطول ليك في عمرك
Post: #11 Title: Re: و الله يا جماعة الله يديني خيري بس .. لقيت ( Author: يحي قباني Date: 02-11-2017, 03:35 PM Parent: #7
Quote: الله يطول ليك في عمرك
شكرا يا ولدنا ...
الاعمار بيد من خلقها ...
Post: #8 Title: Re: و الله يا جماعة الله يديني خيري بس .. لقيت ( Author: يحي قباني Date: 02-11-2017, 08:06 AM Parent: #5
Quote: : sadig mirghani كان ماختيت الكضب الصورة كارلوس بس
تصدق قابلت كارلوس ده مرتين في العمارات شارع ١١ في محل (الاناتيك )
و وقتها ما كنا بنعرف ده منو طبعا !!
Post: #9 Title: Re: و الله يا جماعة الله يديني خيري بس .. لقيت ( Author: محمد حيدر المشرف Date: 02-11-2017, 08:44 AM
كيف يلح الشوق ويسال ؟!!
الاسبوع الفات ده قابلي وألح وسال .. لا لشيء يا يحى سوى مباغة عاطفية إثر أغنية في البال القديم .. حتى أني فكرت أمشي اكتب ذلك الدفق العاطفي المباغت على حائطي في الفيسبوك تحت عنوان "ببسمه بتطول عمر" ...
.. الحمدلله تداركت نفسي ولم اكتب شيئا.
Post: #10 Title: Re: و الله يا جماعة الله يديني خيري بس .. لقيت ( Author: حمد عبد الغفار عمر Date: 02-11-2017, 11:07 AM Parent: #9
سلام يا يحيى
الشوق بلح ياخ لدرجة مرات يجيك احساس إنك عشت عصر ما قبل الانفجار العظيم وبعده اصبح زي المفروض عليك انك تنسي ذكرياتك الجميلة ولا سبيل لربطها بما يحدث حاليا وطبعا أخطر أنواع الشوق هو البقودك إلى شخص تتمنى أن تحادثه لتعيد ذكريات جميلة وتكتشف أنه زاهد في ذلك.
Post: #12 Title: Re: و الله يا جماعة الله يديني خيري بس .. لقيت ( Author: يحي قباني Date: 02-11-2017, 03:42 PM Parent: #9
Quote: كيف يلح الشوق ويسال ؟!!
الاسبوع الفات ده قابلي وألح وسال .. لا لشيء يا يحى سوى مباغة عاطفية إثر أغنية في البال القديم .. حتى أني فكرت أمشي اكتب ذلك الدفق العاطفي المباغت على حائطي في الفيسبوك تحت عنوان "ببسمه بتطول عمر" ...
.. الحمدلله تداركت نفسي ولم اكتب شيئا.
وهل تفيد الكتابة في شيء يا صديقي ...
أعصر دموع و موت كمد بسسسس ....
رحم الله عثمان خالد الشاعر المرهف حد الجنون يا دكتور ...
Post: #13 Title: Re: و الله يا جماعة الله يديني خيري بس .. لقيت ( Author: يحي قباني Date: 02-11-2017, 03:46 PM Parent: #12
Quote: سلام يا يحيى
الشوق بلح ياخ لدرجة مرات يجيك احساس إنك عشت عصر ما قبل الانفجار العظيم وبعده اصبح زي المفروض عليك انك تنسي ذكرياتك الجميلة ولا سبيل لربطها بما يحدث حاليا وطبعا أخطر أنواع الشوق هو البقودك إلى شخص تتمنى أن تحادثه لتعيد ذكريات جميلة وتكتشف أنه زاهد في ذلك.
من عاشوا معك نفس الاحاسيس يا حمد ليسوا بزُهّاد لو لم تجدهم مرة ثانية يا صديقي ...
و لكنه جبروت المجتمعات ...
ملعون أبو الشوق ياخ ...
Post: #14 Title: Re: و الله يا جماعة الله يديني خيري بس .. لقيت ( Author: Nasser Amin Date: 02-11-2017, 04:40 PM Parent: #13
سلام استاذ يحي... قبل سنوات فقدت شنطة فيها كل زكرياتي ايام الدراسة...صور,مزكرات,خطابات , الخ...و انا من النوع البحتفظ بأي ورقة ... لحدي هسي عندي أمل في الحرامي... غايتو نبهتك :)
Post: #15 Title: Re: و الله يا جماعة الله يديني خيري بس .. لقيت ( Author: يحي قباني Date: 02-11-2017, 11:34 PM Parent: #14
Quote: سلام استاذ يحي... قبل سنوات فقدت شنطة فيها كل زكرياتي ايام الدراسة...صور,مزكرات,خطابات , الخ...و انا من النوع البحتفظ بأي ورقة ... لحدي هسي عندي أمل في الحرامي... غايتو نبهتك :)
سلام حبيبنا ناصر ...
انا غايته حاجاتي دي قطعت معاي المحيط 3 مرات ..
شي بي طيارة و شي بي كونتينرات في البحر ... و ما راحت
