أمس شايف الوزير فكي اسحق في زيارة تفقدية للرعية بسودانيز

08:29 AM February, 09 2017

سودانيز اون لاين
فرح الطاهر ابو روضة-...................
مكتبتى
رابط مختصر

طبعا فكي اسحق دي
ماركة مسجلة لخالد العبيد
فعذرا خالد واسمح
لي بالاستلاف
عشان ما اتحول لحرامي نت
وآلله يحجب عن الأعضاء الشرفاء
مثل هكذا انتهاكات
نقطة سطر جديد

وانا والله استبشرت خيرا باطلالة
وزير من عضوية سودانيز اون لاين
تعلم من هنا حتى الاعتداء على حقوق الغير الفكرية
وأصبح بفضل هذا المنبر كوز صاحب مقام رفيع
في كل السلوك الكيزاني الانتهازي الكريه
مع ده والله استبشرت خيرا فالرجل
أصبح وزير وفي فهمي لكل مقام مقال
تمنيت أن المح أو أتصفح بوستات تليق بمقام وزير لجمهورية السودان
حتى لو كانت وزارة ولاية
والولاية بالسودان تمثل دولة بحالها لمن يفهمون السودان الوطن والانتماء
توقعت اتحافنا
مستوى الأداء بعد تشريفه للوزارة
انجازات وزارته
ما أحدثه من بصمة بعد تقلده لمنصب رفيع
كنت والله حاكون سعيد حتى لو قال بأنه اخفق
وسبارك له التجربة رغم علاتها
لكن للأسف فكي اسحق كان نفسه ياهو القديم

يظل دوما رهاننا على هؤلاء
في إمكانية تطوير ذاتهم رهان خاسر
فتنظيم جماعة الإخوان لا يجيد الا تدريب كوادره
على الخمول الفكري وبالتالي نقص حاد في المعرفة والتحليل
لذا نجدهم ليس لهم من ناصية للارتقاء إلا عبر سلوك الحث الأمني
والأكاذيب والفبركات واذا لزم الأمر الحزام الناسف والتفجيرات
من هنا
يا فكي اسحق قدم ما يصلح للموقع الذي وجدت نفسك فيه
في غفلة هذا الزمن الاشتر
فمثل هذا الاهتراء لا يليق بمقام وزير
فاتركه لمن لا يزال يبحث عن القبول والرضى
فأنت الآن قد وصلت مثلك ومثل الكثيرين من من
اختصروا طريق الوصول
والكرة الآن في ملعبك لتقدم ما يليق
فترفع يا رجل فما تظنه بفهمك وتحليلك
العقيم المتواضع بأنه قد يهد عدؤ لك لربما
يكون مصدر قوة ومكان فخر واعتزاز
اشفق على نفسك أولا وأخيرا
وانا والله كلي شفقة أن يكتب التاريخ
بأنني كنت رفيق قلم لكوز متواضع
الفكرة والرأي
من هنا التحية لأعضاء سودانيز اون لاين
الشرفاء منهم فقط وليس سواهم

يافرح ياخي البلد كلها مُتكلة على الوزير بدر ده يطلَع لينا تيم رياضيين من دارفور
يقنع ناس الحركات المسلحة يختوا السلاح واطة ويلعبوا كورة وجري مسافات طويلة
ماتشغله بمهام اسفيرية اخرى تعطله عن شغله هناك
الظاهر جا الجرتوم يشيل عدة شغل جديدة بعد نجاح مهامه هناك
سير سير يابدر :))

توقعت اتحافنا مستوى الأداء بعد تشريفه للوزارة انجازات وزارته ما أحدثه من بصمة بعد تقلده لمنصب رفيع
---------------------------------
صورة البروفايل إتغيرت و الشنطة بقت شحماااااانه
إنت كمان ما تخليك متفائل ، عاوز تغيير أفضل من كده ؟
أعملو حسابكم ما يجر ليكم سبحة هه

والله يا كمال
برضه ملاحظة
شنطة شحمانة
بالله الكرشة كيف

وعلى قول أهلنا
الضؤ ما بقولولو سو
ماني متفائل والله بس قلت
ممكن فكي اسحق أمكن تكون فيه
شوية نباهة
وبرضه الحق على انا
مافي نبيه أو منتبه
ممكن يرضى يبقى كوز

حيدر حسن ميرغني
حليل زمن الوزراء والحكام الإقليميين
بجو الخرطوم
ومعاهم طموحات وطن
وخطط تنفيذ
الآن شكلهم ناس فكي اسحق بجو بسلموا مالية
الجبايات وبستلموا المقابل
ووحاتك ماني شاغلو
هو الشاغل نفسه بعرابين ولاء ساذجة ورخيصة
كسرة
بيني ما بينك عقل بسرق حتى المداخلات كيف
نتوقع منه خطط ونقاش حول برامجه الوزارية
حاجات زي دي عايزه حضور ولياقة ذهنية
وفكي إسحق
طول النخلة وعقل السخلة

أولاً سلام الأخ ابو روضه

سودانيز أون لاين طريق ما بيوصل لجنان وزرات الولايات ويقيف... ده طريق طويل ووريف يمر بالمركز وفي رواية طريقاً يتاوق حتى الجنان العدنيه... ربنا يوعدنا ويوعدكم
وكمان أهو الوزراء بقوا يهتموا بالرَعية ويشاركوهم الرِعيه

ابوروضة

شايف اليومين ديل بطبطتك كترت

كدي يا بق بق
خليها بطبطتي
أمس اتت حسبت فكي اسحق انه وزير
ولا مجرد صبي يبحث عن رضاء سيده
غايتو لو ما رسلت ليه رسالة داخلية
تنبه بالمستوى الهذيل الفضيحة الذي
لا يليق بمقام الوزراء وتحسين الأداء
تكون الزول ده انت دافن ليه وناوي
تشب في وزارتو
والحق يقال على اليمين انت بي هبالتك
دي فأيت فكي إسحق مسافة
اتجاوزك ليه ما عارف

ابو روضة .. سلام
شفناهو شفناهو .. وكشفناهو !
لاطخ ليهو اربعة او خمسة بوستات ماجابت مريسة تام زينو وضحكو عليهو كالعادة
وبمناسبة هذه الزيارة التاريخية نعيد الى حضراتكم وخاصة الاعضاء الجدد لمحة صغيرة ونموذج من سرقات حرامي النت الفكي اسحق .
قام برصده زميلنا عصام جبرالله .

على سريع كده نماذج بسيطه

النص الأصلى :

- يرى حزبنا أنه لابد من الإعتراف صراحة بوجود أزمة عميقة يمر بها المجتمع المصرى ومركبة أيضا وحادة


سرقة و تزوير بدرالدين:

- تقوم رؤية شباب المؤتمر الوطنى على أنه لابد من الإعتراف صراحة بوجود أزمةعميقة يمر بها المجتمع السودانى ومركبة أيضا وحادة .

-----------------------------
النص الأصلى :

- ويؤكد حزب شباب مصر على أن أزمة المجتمع المصرى تتكون من عدة أزمات فرعية :

تزوير بدرالدين:

- ونؤكـد ان غالب الرؤية فى شباب المؤتمر الوطنى على أن أزمة المجتمع السودانى تتكون من عدة أزمات فرعية
-------------------------
النص الأصلى :

- ويرى حزب شباب مصر أن هناك نوعين من المعوقات التي تحول دون مشاركة المصريين فى العملية السياسية وفى المقدمة منهم الشباب وهى معوقات عامة وأخرى خاصة .

تزوير بدرالدين:

- ونرى فى شباب المؤتمر الوطنى أن هناك نوعين من المعوقات التي تحول
دون مشاركة السودانيين فى العملية السياسية وفى المقدمة منهم الشباب وهى معوقات عامة وأخرى خاصة .
--------------------
النص الأصلى :
ـ عدم قدرة الأسرة المصرية على التوجيه السليم لتشكيل التكوين القيمى والأخلاقى

تزوير بدرالدين:

ـ عدم قدرة الأسرة السودانية على التوجيه السليم لتشكيل التكوين القيمى والأخلاقى
-------------------------


ده بيسرق من اولاد بمبة
واخد بالك حضرتك !!!!

يا شباب رفقاً بالوزازير
أو الوزيزير
دا واحد كوز معتت
...................

كنت في القضارف الثانوية الجديدة مدرساً
في 1996-1998م
و كان وزير التربية حينها بالولاية اسمه تورين
تأخرت الرواتب فذهبت ضمن وفد لرفع مذكرة لسعادة الوزير
تطالب بدفع المرتبات و المتأخرات و غيره
أخطرنا الوزير بموعد مجيئنا
فما كان منه إلا أن غادر المكتب
سأل زميلنا الأستاذ ص ش ط
السكرتيرة و هي من بنات القضارف عن الأستاذ تورين
فقالت "تورين" مافي
فرد الأستاذ قائلاً و لا حتي تور واحد

فبدر الدين حاله حال تورين مجرد وزيزير ولائي

و حرامي نت معروف
ربنا يمسك يده من أمرال الشعب

يا طه يعني نقدر نقول التور الولائي

خالد العبيد ازيك
ياخ انت وين من زمان
فكيت الزول ده لامن قام
ليه ريش
وعمل فخيم بلا فخامة
ياخ الكوز الآن عندك شي
من قديم مفيد
والنسى قديمو تاه والفكي ما ناقص
توهان
وكويس أنكم شفتوهو شفتوهو
أهل العقول ما يرحو يدفنو الكوز بي عقاب روحو
الإنجازات حتى الآن
بوستات بلا متصفحين
وسرقات أسفيرية خالدة

والله يا حبوب
سودانيز في عهد الإنقاذ يوصل
والواتساب يوصل
ولو بقيت
شكارة ودلالكة
ياكا الوصلت بدون تذكية حتى
ده عهد العجايب
والحال الخايب

...... حضور و......




رد العبيد ازيك ياااااخ
والباقين كلكم ازيكم
بس ياكم ما تطورتو

سلاح يا كلوس ..

اها بتقدرو علي استفزاز الوزير دا ؟
ههههههههههههه اول مرة اشوف وزير
خالي وزارتو وبزازي بالنت !!!!!!!!!
لكن كلهم كدا شغالين سلفي ووتسبة في
الاجتماعات والما بعمل كدا نائم !!!

رد العبيد ازيك ياااااخ
والباقين كلكم ازيكم بس ياكم
ما تطورتو المصدر :

الكنداكة منى عمسيب
حزني
على دار فور الجريحة
وعلى شباب دار فور
وشباب دار فور
وميادين دار فور
وتهجير وهجرة شباب دار فور

يا فكي اسحق مبروك عليك حضور
في الأساس
بشبهك

مرحب بالجميع. ويا عزيزنا ابوروضة اهو بدر الدين جاك بنفسو. مرحبا به ونسمع منو.

الليلة اتذكرت الصحفي ابراهيم بقال لانو لقيت ليهو موضوع حايم الواتس

تحياتي محمد الشيخ
ونتمنى نشوف غير شارات الفيس
والواتساب
ناس ود المنافي لمجرد اجتماع وركوب طيارة
ومؤتمر صحفي
جو هنا ملو المنبر تصريحات وبوستات وتوضيحات
فكي اسحق لسه في محطة اللفح

انت عارف ليه اخونا دينق بقول للفكي اختشي؟!
حقيقة هو لا يختشي ابدا ...
مرة من المرات كتب اعتذار لشخصي في هذا المنبر.
اتضح انو الاعتذار في ذات نفسو ملطوش !!