ياخواننا دي خالتو تراجي الأنا بعرفا وللا واحدي تاني؟ (صورة)

08:24 AM February, 09 2017

سودانيز اون لاين
محمد جلال عبدالله-فوق الأرض وتحت السماء
مكتبتى
رابط مختصر

http://up.top4top.net/

السلام عليكم

أثناء تصفحي لأحد المواضيع القديمة التي يعرضها المنبر وجدت هذه المشاركة للخالة تراجي في بوست للزميل هشام هباني .. فقلت: سبحان مغير الأحوال من حال إلى حال! الموضوع بقى في الأرشيف وأحمد هارون ما مشى لاهاي وبشة قاعد زي ما هو ولكن أين الخالة تراجي؟ عشان كده قلت ليكم مافي شي على الله بعيد! كانوا زمان الصحابة يقولوا: لو أسلم حـمـار عمر لما أسلم عمر، ولكن كان النبي صلى الله عليه وسلم يدعو أن: اللهم أعز الإسلام بأحد العمرين عمر بن الخطاب أو عمرو بن هشام (أبو جهل) عشان كده قلت ليكم أنا أصلو ما يائس من أخونا عمر دفع الله ودايما بدعو الله أن يهديه للصراط المستقيم والسلفية الحقة وأن يكون من المدافعين عن الإسلام بريشته، وبرضو ما تفهموا كلامي غلط إنو الانضمام للكيزان هداية، أبدا بكون الواحد طلع حفرة ووقع في خور، لكن قصدي في تبدل المواقف من العداء الشديد والانتقال للمعسكر الآخر، بوريك إنو مافي شي بعيد، عشان هيك شاحد الله وأصلو ما يائس عمر دفع الله يبقى سلفي وعبد الله عثمان يبقى أنصار سنة وطه جعفر يبقى بلاغاتي ومنى عمسيب تتنقب، وشايف اليومين دي في عشاق شيخ محمد مصطفى عبد القادر في المنبر، وقالوا قديما: بين الإعجاب والمتابعة خيط رفيع، اللهم اهديهم يا رب، عشان منبر بكري ده نقفلو ونعرضو في الدلالة بلاش كلام فارغ! بعد ما سيد الحوش ذاتو يبقى من المهتدين.
طبعا الموضوع ده القصد منه الفكاهة ولو في زول عندو حساب مع خالتو تراجي يجر شخيت ويصفيهو بعيد، والله صحي!

ملحوظة: تم تعديل وإخفاء صورة الأخت تراجي خوف الفتنة! هذا ما لزم التنويه إليه!

نرحب بمشاركات الفيسبوك

يا زول والله كمان كان حفرتة لسة يا ما تلقي مواقف تحيرك للطيش

زي عينة ناس تراجي ديل كان عندهم كلام في الكيزان والله يحير الواحد ..ماعارف هسة كيف قلبوا ومشوا الضفة الاخري ؟؟؟
ياربي تغير مواقف ...ولا تغير مصالح !!!!
تغير قناعات ..ولا لبس قناعات جديدة !!!
تغير افكار ...ولا تغير شخصيات لزوم قتل الملل !!!
غايتو الاجيال الجاية عندها فرصة كبيرة لعمل دراسات نفسية وتحليلية لعينة ناس تراجي دي ...واهو كلو محفوظ في الاسافير ولا مجال للانكار
زمان في الستينات والسبيعنات كانت المواقف منقولة شفاهة غالبا ...لكن هسة اهو كلو مسجل ومافي طريقة للفرفرة

ود جلال يجازي محنك ... وصباح الشوووق يا مسنوووح .

اسمعني جاي زي مابقول النشمي ود البوش .

ومنى عمسيب تتنقب
كاااااااااااادي ! هههههههههههههههههههه
كدي خليني من متغيرات تراجي وخلونا في
متغيراتكم الخلتكم توافقوا علي سحب تهديدكم
لامريكا الدني عذابها .. وكمان مغازلة اسرائيل !
واحتمال كبيير القاك بكرة من حراس السفارة
الاسرائيلة بالسودان . وبعد دا ما تنسوا انكم من
الارهابيين في العالم ههههههههههه .

ومشكور يافردة .

ونشوووووف :

والتحية للمرور الكريم ..