العضوية مفتوحة لكل المعجبين من العطالة و اللافّين صينية 😂
Post: #2 Title: Re: رابطة معجبي شيخ محمد مصطفي عبد القادر ... و� Author: امير بوب Date: 02-08-2017, 10:20 PM Parent: #1
انتو فاهمين كلامي !
Post: #3 Title: Re: رابطة معجبي شيخ محمد مصطفي عبد القادر ... و� Author: امير بوب Date: 02-08-2017, 10:25 PM Parent: #2
من اهداف الرابطة حفظ الحقوق الأدبية للشيخ 😂 برنس عطبرة ... انت فاهم كلامي ؟
Post: #4 Title: Re: رابطة معجبي شيخ محمد مصطفي عبد القادر ... و� Author: امير بوب Date: 02-08-2017, 10:29 PM Parent: #3
أي زول عندو اعتراض يرفع إيدو 😂 يا سلفي يا حرامي ، تقدر ترفع إيدك ؟ والله العيّنك ما يرفع إيدو 😂
Post: #5 Title: Re: رابطة معجبي شيخ محمد مصطفي عبد القادر ... و� Author: امير بوب Date: 02-08-2017, 10:38 PM Parent: #4
البورد دا أنا فارقتو من مدة ... و احتمال أغيب عنو تاني بس كمان الشيخ دا ما بنرضي فيه حاجة ! أي مركبة من أي عاطل الشباب و المعجبين موجودين .. والله صحي😂 هسّع انا شايل لي شيء في جيبي دا .. و ناس دكتور سيف النصر برضو مستعدين 😂 ...
Post: #6 Title: Re: رابطة معجبي شيخ محمد مصطفي عبد القادر ... و� Author: امير بوب Date: 02-08-2017, 10:51 PM Parent: #5
بعيداً عن فكر الشيخ الظلامي و ما يحمله من افكار بالية 😂 لاكنه راجل لذيذ جداً ، سريع البديهة و خفيف الظل ... والله صحي! غايتو لو كان واصل في قرايتو للدراما ، كان استفدنا منو و متعنا أكتر ! ورغم تركه لعالم الدراما و التمثيل ، يظل افضل استاند أب كوميديان موجود في الساحة ! له قدرة فائقة علي توصيل فكرته مهما كانت متهافتة وذلك من خلال اسلوبه السهل الممتنع انت فاهم كلامي ؟ يجيد توظيف النكته في خطابه واستخدام لغة الجسد و التلاعب بنبرات صوته بعفوية حسب المعني المراد توصيله و له امكانيات خطابية جيدة يستخدمها لخدمة المنهج الخطآ !! و فوق كل ذلك يعرف من أين تؤكل الكتف !!
Post: #8 Title: Re: رابطة معجبي شيخ محمد مصطفي عبد القادر ... و� Author: امير بوب Date: 02-08-2017, 11:01 PM Parent: #6
و فوق كل هذا و ذاك .. فهو راجل تفتيحة .. شِفِت و مقرّم و لا يخلو من صعلكة 😂 ... في الفترة الاخيرة بقي يمثّل عقدة و محطة لايمكن تجاوزها عند معظم السلفيين ! و بقي كل سلفي حاير و لافي صينية عايز يرّكب مكنة شيخ محمد مصطفي عبد القادر و يحاكيه في الاسلوب بإدعاء الشفتنة و حتي إجترار الكلام و العبارات التي اصبحت محفوظة للجميع ... ... البرنس ود عطبرة ، قوم علي حيلك قوم ! و ما اظنّك بقائم 😂
Post: #7 Title: Re: رابطة معجبي شيخ محمد مصطفي عبد القادر ... و� Author: سيف النصر محي الدين Date: 02-08-2017, 10:55 PM Parent: #5
الرابطة دي مفتوحة عشان تكسب زمنك و ماف عاطل يقول ليك عندنا اجتماع و للا كدي تعال بجاي.. و الله صحي .. و نحن في اخر المطاف ما دايرين منك حاجة.. انا قلت ليك داير منك حاجة؟ قوم على حيلك و ما ظنك تقوم.
Post: #9 Title: Re: رابطة معجبي شيخ محمد مصطفي عبد القادر ... و� Author: امير بوب Date: 02-08-2017, 11:09 PM Parent: #7
دكتور سيف النصر كيفك
يا زول ها 😂 اجتماع شنو ؟ دي حركات بتاعت عطالة ساكت زي ما انت قلت ، نحن ما دايرين من الناس حاجة ، لاعندنا عصيدة لا شاي بي لبن .. والله صحي😂 الرابطة و البوست مفتوحين ، كل زول يدخل علي مسئوليته ، يقرا و يكتب زي ما عاوز و يتخارج 😂 مافي لا تنظيم لا اجتماعات لا كِسرة ! ألما عاجبو الكلام دا يرفع إيدو !!
Post: #10 Title: Re: رابطة معجبي شيخ محمد مصطفي عبد القادر ... و� Author: امير بوب Date: 02-08-2017, 11:15 PM Parent: #9
اَي سلفي عاطل لافي صينية وعاوز يعمل شوشرة ، اخونا دكتور سيف النصر دا عندو توكيل يقبضو يجيبو هنا 😂
Post: #11 Title: Re: رابطة معجبي شيخ محمد مصطفي عبد القادر ... و� Author: معاوية المدير Date: 02-08-2017, 11:27 PM Parent: #10
يا أمير ايوب إنت والعجوز سيف النصر اللِتنين بجي أركبكُن باسطونة. والله صحي...
Post: #12 Title: Re: رابطة معجبي شيخ محمد مصطفي عبد القادر ... و� Author: امير بوب Date: 02-08-2017, 11:50 PM Parent: #11
هههههه ود المدير حبابك الف سمعنا تحت تحت قالوا انت المقرر العام بتاع الرابطة دي .. والله صحي 😂 بس الظاهر انت ما فاضي لأعمال الرابطة دي ! معديها حوامة و لافّي صينية مابين كندا و اريزونا 😂
لو عندك اعتراض علي الكلام دا ارفع إيدك ... تقدر ترفعا ؟ مااااا بتقدر 😂 علي كل حال ، اخونا سيف النصر يشوف الموضوع دا انتو فاهمين كلامي؟ أي زول ما راكب عدلو ، يتركب بسطونة طوالي ... والله صحي 😂
Post: #13 Title: Re: رابطة معجبي شيخ محمد مصطفي عبد القادر ... و� Author: امير بوب Date: 02-09-2017, 00:02 AM Parent: #12
الزول دا ما عندو كبير نهائي و مافيش معاه يُمة ارحميني ، تلحق تتشبك معاه بتروح في الكازوزة ... والله صحي ! لخ من طرف لمّن يكيفك ، يعني تمشي تتناقش معاه او تغالطو وانت مردّف 😂 ...
Post: #14 Title: Re: رابطة معجبي شيخ محمد مصطفي عبد القادر ... و� Author: امير بوب Date: 02-09-2017, 01:45 AM Parent: #13
دخول بوستات ود المدير لا يجوز ! انت فاهم كلامي وإذا كان لابد ، فليكن الدخول للبوست مرة كل اسبوعين عشان يقفل البوست بتاعو و يمشي يشوف ليه شغله يقضاها يبيع ليه طماطم ولّا بصل ... والله صحي 😂
Post: #15 Title: Re: رابطة معجبي شيخ محمد مصطفي عبد القادر ... و� Author: امير بوب Date: 02-09-2017, 11:32 PM Parent: #14
بعض الحركات في المنبر دا ياها البتعكّر أمزجتنا ... والله صحي !
Post: #16 Title: Re: رابطة معجبي شيخ محمد مصطفي عبد القادر ... و� Author: عثمان حسن المتعارض Date: 02-10-2017, 11:44 AM Parent: #15
هههههههههه الزول دا مسبة وفضيحة للمشائخ زي ماقلت لو كان درامي أو كوميدي كان أفادنا أكترمن البيعمل فيهو دا من الجهل المركب والتهريج والله صحي ،،،،،،،،،،،،،،،،،،،،،
Post: #17 Title: Re: رابطة معجبي شيخ محمد مصطفي عبد القادر ... و� Author: امير بوب Date: 02-10-2017, 12:35 PM Parent: #16
الاخ عثمان حسن المتعارض .. والله صحي 😂 كلامك صحيح ، الراجل دا لذيذ جداً و أسلوبه متفرّد بس ضلّ الطريق لجماعة انصار السنة ديل ... طبعاً هسي لو سمعك بتقول كلامك دا ح يقول ليك : ياخ امرق برّه انت ما فاهم حاجة 😂 .... تحياتي يا حبيب
Post: #18 Title: Re: رابطة معجبي شيخ محمد مصطفي عبد القادر ... و� Author: عثمان حسن المتعارض Date: 02-10-2017, 01:59 PM Parent: #17
هو مشكلتو شنو مع ناس مزمل فقيري وآداب زي مابيقول العصبجي والماعندو آداب مش كلهم سلفيين كما يدعون شيء مامفهوم
Post: #19 Title: Re: رابطة معجبي شيخ محمد مصطفي عبد القادر ... و� Author: امير بوب Date: 02-10-2017, 05:34 PM Parent: #18
يا زول ديل كلهم مواهيم رايح ليهم الدرب في الموية ! انت فاهم كلامي 😜 ... حكاية سلفية و تصوف دي يا ها المعكّرة أمزجتنا !! الاتنين وجهين لعملة واحدة ... و كل واحد أسوأ من التاني ! و في الاخر كلهم لافين صينية ... والله صحي 😂😂
Post: #20 Title: Re: رابطة معجبي شيخ محمد مصطفي عبد القادر ... و� Author: البرنس ود عطبرة Date: 02-11-2017, 07:45 AM Parent: #1
تبا لكم حيثما حللتكم ؛ هذا حجز حتى العودة واي عاطل عاوز نقاش يجي يقيف في الصف نحن جاهزين ليه :)
Post: #21 Title: Re: رابطة معجبي شيخ محمد مصطفي عبد القادر ... و� Author: امير بوب Date: 02-11-2017, 10:20 AM Parent: #20
أهو دا واحد من المواهيم الربنا إبتلانا بيهم ... والله صحي 😂 قال برنس عطبرة قال انا ما عارفو برنس في شنو ؟! قد يكون برنس في الويكة و لّا الكمونية 🙄
علي كل حال ، برضو بنجّمًو ليك ... والله صحي ! ...
Post: #22 Title: Re: رابطة معجبي شيخ محمد مصطفي عبد القادر ... و� Author: عثمان حسن المتعارض Date: 02-13-2017, 11:16 AM Parent: #21
نقاش في شنو ياود عطبره شوف فيديوهات زولك المعتوه دا علي اليوتيوبواحكم عليه بعقلك بدون تعصب جلست قبل يومين مع بعض الشباب المتدينين ومنهم سلفيين ومنهم من يحمل شهادات في الشريعة وعرضت عليهم علي شاشة تلفاز كبيرة أغلب فيديوهات ذلك المعتوه والله كانت فضيحة كبري عندما بدأ هؤلاء الشباب يعلقون علي الفديوهات المشلكة كان أغلب الحضور من الشباب غير سودانيين وكانت أسئلتهم هل يوجد في هذا الزمن من يتكلم عن الدين الحنيف بهذه العقلية المتخلفة وبهذه الهمجية والوضاعة في الاسلوب وعدم احترام الدين الاسلامي الحنيف ولماذا لايوجد بالسودان من يتصدي لهذا المتخلف ويوقفه عند حدهو ...... و...... و ......
Post: #23 Title: Re: رابطة معجبي شيخ محمد مصطفي عبد القادر ... و� Author: امير بوب Date: 07-09-2017, 05:27 PM Parent: #22
Post: #24 Title: Re: رابطة معجبي شيخ محمد مصطفي عبد القادر ... و� Author: امير بوب Date: 07-09-2017, 05:32 PM Parent: #23
😂😂
Post: #25 Title: Re: رابطة معجبي شيخ محمد مصطفي عبد القادر ... و� Author: قصي محمد عبدالله Date: 07-09-2017, 06:16 PM Parent: #24
تحياتي صاحب المنشور، الزول ده راجل رجالة جد، والله صحي. بختها على بلاطة وبرش ليك أي وهم ويطقطق ليك أي زول زي السلام عليكم. والله صحي. وأي واحد عامل فيها حريف عادي ممكن يكتشف انو الدش ميت في يدو! والله صحي. ... .. الزول ده صعلكتو ذاتا بفهم، وده المزعل الصعاليك الوهم. والله صحي.
Post: #26 Title: Re: رابطة معجبي شيخ محمد مصطفي عبد القادر ... و� Author: امير بوب Date: 07-09-2017, 07:14 PM Parent: #25
الراجل دا يا قُصي فعلاً زي ما قالوا كوميديان ضل طريقه لأنصار السنة ... والله صحي ! ... محمد مصطفي عبد القادر راجل شِفت و تفتيحة لمّن بهناك !! ... بعدين يا شيخ قُصي ، بطّل لولوة و قوم علي حيلك ! انت فاهم كلامي ؟!😂
تحياتي
Post: #27 Title: Re: رابطة معجبي شيخ محمد مصطفي عبد القادر ... و� Author: عبدالعظيم عثمان Date: 07-09-2017, 08:15 PM Parent: #26
سلامات يا بوب
غايتـــو زولك دا ركاني بس يعني بيهرجل وبقول كلام فارغ ساكت وبفك أي حاجة . وعنده تكنيك خطابة بعرفه براه وعنده لزمات " والله صحـــي"
تحياتي
Post: #28 Title: Re: رابطة معجبي شيخ محمد مصطفي عبد القادر ... و� Author: علي دفع الله Date: 07-09-2017, 08:27 PM Parent: #27
محمد مصطفى عبد القادر لو درس موسيقى كان قطع ليكم الكاونتر(بوينت وملودي) في راسكم انت وحاتم وشلبي زاتو😂😂
Post: #29 Title: Re: رابطة معجبي شيخ محمد مصطفي عبد القادر ... و� Author: علي محمد الفكي Date: 07-09-2017, 08:30 PM Parent: #27
امير بوب عشان تاني يشبكونا ام درمان دا ود الخرطوم المقرن تفتيحه وشايل مفاتيحه شارب شفتنة الفراعه وناس فنون لكن في زول وصف ليهو غلط دقس لقى نفسو في شروني والله صحي
Post: #30 Title: Re: رابطة معجبي شيخ محمد مصطفي عبد القادر ... و� Author: قصي محمد عبدالله Date: 07-09-2017, 08:32 PM Parent: #26
ومن الذي ادخله في جماعة انصار السنة؟ ومن الذي يحدد انه لا ينتمي لانصار السنة؟ وهل لنصرة السنة نحن في حوجة للتسجيل والانضمام؟ وهل الذين يكرهون انصار السنة يرضوا بأن يوصفوا بأنهم لا يحبون السنة؟ وحتى الكوميديان عندما يضحك الناس بشئ ديني لابد وان يكون من اي باب غير الاستهزاء بالدين.. ... بعد الالفاظ العابرة المحشوة تلقائيا تكون اخطر من الجدار الخارجي للموضوع الاساسي ... .... الراجل ده فعلا فكاهي في الاسلوب،لكنه لايمثل ولا يستهزأ بالدين.... .... حفظه الله اينما وقف ونطق، وتحرك وسكن. والله صحي.
Post: #31 Title: Re: رابطة معجبي شيخ محمد مصطفي عبد القادر ... و� Author: Deng Date: 07-09-2017, 08:48 PM Parent: #30
يا بوب.
سلامات.
وفقا لأبناء المقرن.
محمد مصطفى عبد القادر كان زعيم عصابة معروف، وأشتغل كمساري في بصات أبورجيلة.
Post: #32 Title: Re: رابطة معجبي شيخ محمد مصطفي عبد القادر ... و� Author: امير بوب Date: 07-09-2017, 09:10 PM Parent: #31
سلام يا عبد العظيم
Quote: سلامات يا بوب
غايتـــو زولك دا ركاني بس يعني بيهرجل وبقول كلام فارغ ساكت وبفك أي حاجة . وعنده تكنيك خطابة بعرفه براه وعنده لزمات " والله صحـــي" تحياتي
يا عظمة الراجل دا مش ركّاني ساي ، داير كادر مهاترات ! والله دا مافي كادر خطابي يقيف قدّامو. ... شوف الشغل دا بالله
😂😂
Post: #34 Title: Re: رابطة معجبي شيخ محمد مصطفي عبد القادر ... و� Author: امير بوب Date: 07-09-2017, 09:15 PM Parent: #32
يا علي دفع الله غايتو الشّفت دا خريج دراما و مسرح بس ما تستبعد يكون ناقش حكاية الكاونتربوينت دي دا كان إتقرن معانا والله تلقاه ما ساعل في مستر استرين ذاتو ! اقل شيء حيقول ليك ياخ دا عاطل لافّي صينية ساي ، جيب العيّنو !!
Post: #33 Title: Re: رابطة معجبي شيخ محمد مصطفي عبد القادر ... و� Author: علي محمد الفكي Date: 07-09-2017, 09:12 PM Parent: #31
العزيز دينق بالتدريج يا دينق تبداء من فتوة مدرسة الخرطوم ق الثانوية ما ممكن تتخطى المراحل وترمي النووي من تيت يا امير دينق دا طلعو من هنا ما عندو دبلماسية وضربو ما قانوني والله صحي
Post: #35 Title: Re: رابطة معجبي شيخ محمد مصطفي عبد القادر ... و� Author: امير بوب Date: 07-09-2017, 09:24 PM Parent: #33
ههههه والله يا دينق الراجل دا فعلاً شِفت و مقرّم و شكلو كدا كان كاتل الجدادة و خامّي البيض ! غايتو هو قال عن نفسو انو وُد المقرن و لفّ الخرطوم و قدّدا ! اسمع دي 😂😂
Post: #36 Title: Re: رابطة معجبي شيخ محمد مصطفي عبد القادر ... و� Author: امير بوب Date: 07-09-2017, 09:34 PM Parent: #35
اخونا علي محمد الفكي هههههه ياخ زولنا دا لو سمع كلام دينق دا اول حاجة حيقول ( أها دي عينة الكلام البتعكّر أمزجتنا ) !! ... وُد المقرن دا لسانو فلقة و ما عندو قشّة مرّة بركب ليك أي زول من طرف و ما عندو كبير ... والله صحي ! ..، يمين بالله بقدّم أحسن استاند أب كوميدي شفتها في حياتي ! ... رايك شنو في دا :
ردم زي الردم !
Post: #37 Title: Re: رابطة معجبي شيخ محمد مصطفي عبد القادر ... و� Author: قصي محمد عبدالله Date: 07-09-2017, 09:44 PM
الزول ده كان لقى ليهو عضوية هنا ينجم لينا الصعاليك ديل تنجم شديد، والله صحي. انت فاهم كلامي ده؟
Post: #38 Title: Re: رابطة معجبي شيخ محمد مصطفي عبد القادر ... و� Author: عثمان الأمام Date: 07-10-2017, 05:57 AM Parent: #37
جبتو لي روحكم الرش براكم المحاضرة الجاية حتكون عن عواطلية النت وسودانيز اونلاين :) :) واحد عاطل كبير في امريكا عامل ليهو موقع لامي العطالة وبتكلمو عن السلفية والله صحي ياخ قومو شوفو ليكم شغلة اقضوها بلا نت بلا فارغة معاكم :)
الراجل كوميديان جدا" ويحب المناظرات والمغالطات جدا" زمان عندو سوزوكي لافي بيهو من جامع لي جامع يغالط بس
Post: #39 Title: Re: رابطة معجبي شيخ محمد مصطفي عبد القادر ... و� Author: البرنس ود عطبرة Date: 07-10-2017, 06:12 AM Parent: #1
(-) الشيخ الفاضل والمناضل في السلف مربي الراشدين في مركز الرشاد حفظه الله وأطال الله بقاءه (-) داحض المبتدعه وراجم المُخترعه وقائل الحق ولا غير الحق ليهدي به الي سُبل الرشاد شيخنا جليل وامام عالم (-) صاحب البوست أظنه من أشد المُعجبين به وان غير هذا فاليقوم حيلوا وما اظنه سيقوم
Post: #40 Title: Re: رابطة معجبي شيخ محمد مصطفي عبد القادر ... و� Author: البرنس ود عطبرة Date: 07-10-2017, 06:14 AM Parent: #1
(-) المُحيرني ابرويسا النصراني دا يتكلم في شيخ محمد المُصطفي وهو عاوز اول حاجة (طهارة) و(شهادة) عشان يتكلم عن امثال الشيخ الفاضل (-) أتلم لماك قطر يجيب خبرك وخبر معلوماتك المُلفقة يا عاطل قوم وما اظنك ان تقوم
Post: #41 Title: Re: رابطة معجبي شيخ محمد مصطفي عبد القادر ... و� Author: سامر دوشه Date: 07-10-2017, 08:00 AM Parent: #1
و تعرى لهاااااااااااا بحضرة أبيها .. ( أها في صعلقة اكتر من كدا؟ ) و قال لها هل يكفيكي هذا ؟ عشان نشوف طريقة لو طويل نقصرو او لو قصير نشوف طريقة نطولو ______________
غايتو الجملة أعلاه .. مهما تقراها ممكن ما تضحك إلا بصوت الشيخ الغالاط محمد المصطفى .. تسجيل وتوقيع للإلتحاق بنادي المعجبين مع بعض التحفظات ..
تحياتي امير بوب ولضيوفك
Post: #42 Title: Re: رابطة معجبي شيخ محمد مصطفي عبد القادر ... و� Author: Deng Date: 07-10-2017, 08:26 AM Parent: #41
Quote: (-) المُحيرني ابرويسا النصراني دا يتكلم في شيخ محمد المُصطفي وهو عاوز اول حاجة (طهارة) و(شهادة) عشان يتكلم عن امثال الشيخ الفاضل (-) أتلم لماك قطر يجيب خبرك وخبر معلوماتك المُلفقة يا عاطل قوم وما اظنك ان تقوم
البرنس ود عطبرة.
كما قال الشيخ محمد مصطفى عبد القادر:
تــــــــــــــــف عليك
Post: #43 Title: Re: رابطة معجبي شيخ محمد مصطفي عبد القادر ... و� Author: البرنس ود عطبرة Date: 07-10-2017, 08:39 AM Parent: #1
(-) ديك المُسلمية العاطل أبرويس قال الشاعر (-) و إذا أتتك تفلت من ناقص......فهي الشهادة لي بأنـي كامل (-) أنت لا تستحق (تفلي) فلعابي اسماء من ان يُِتفل به امثالك فعليك بمشروب البقر الطازج (-) قوم لف يا عاطل ودا مصيبة النت تجمع الاقوام بالاقزام
Post: #44 Title: Re: رابطة معجبي شيخ محمد مصطفي عبد القادر ... و� Author: Deng Date: 07-10-2017, 08:41 AM Parent: #43
تــــــــــــف عليك
Post: #45 Title: Re: رابطة معجبي شيخ محمد مصطفي عبد القادر ... و� Author: البرنس ود عطبرة Date: 07-10-2017, 08:42 AM Parent: #1
(-) عليك بمشروب البقر الطازج الانقطاع منو بعمل تشنجات في الجسم وزغللة في العينين وثقالة دم وظرافة هبلاء
Post: #46 Title: Re: رابطة معجبي شيخ محمد مصطفي عبد القادر ... و� Author: امير بوب Date: 07-10-2017, 09:27 AM Parent: #45
Quote: جبتو لي روحكم الرش براكم المحاضرة الجاية حتكون عن عواطلية النت وسودانيز اونلاين :) :) واحد عاطل كبير في امريكا عامل ليهو موقع لامي العطالة وبتكلمو عن السلفية والله صحي ياخ قومو شوفو ليكم شغلة اقضوها بلا نت بلا فارغة معاكم :)
هههههه يا اخونا الامام اهم حاجة عبارة ( أهو دا بوست فارغ جداً ، والله صحي! انا بنصح الناس ما تتداخل فيه كلو كلو ، و ﺍﺫﺍً كان لابد ، فممكن مداخلة كل أسبوعين عشان سيدو يقفّل يمشي يبيع ليه بصل او أيّ حاجة !!) ... ياخ دا راجل أنتيكة !
Post: #47 Title: Re: رابطة معجبي شيخ محمد مصطفي عبد القادر ... و� Author: امير بوب Date: 07-10-2017, 09:42 AM Parent: #46
يا سامر دوشة والله الراجل يحكي في القصّة زي التقول كان قاعد معاهم لحظة الشيخ تعرّي لها !! ... اهم شيء طبعاً نبرة الصوت و تغيير الطبقات وفقاً للجزئية المعيّنة !😂
... تحياتي ... و ما تنسي تقوم علي حيلك ... و ما أظنّك تقوم !
Post: #48 Title: Re: رابطة معجبي شيخ محمد مصطفي عبد القادر ... و� Author: امير بوب Date: 07-10-2017, 09:55 AM Parent: #47
😂😂
Post: #49 Title: Re: رابطة معجبي شيخ محمد مصطفي عبد القادر ... و� Author: امير بوب Date: 07-10-2017, 09:56 AM Parent: #48
برنس عطبرة
اطلع برّه ياخ انت ما فاهم حاجة !
Post: #50 Title: Re: رابطة معجبي شيخ محمد مصطفي عبد القادر ... و� Author: محمد نور عودو Date: 07-10-2017, 11:27 AM Parent: #49
سلامات أمير بوب البيعجبني في عمك دا انو شفت وبكرب شغلوا ذي اخونا حاتم ابراهيم يا ريد بكري يديه عضوية معنا في المنبر هنا تحياتي
Post: #51 Title: Re: رابطة معجبي شيخ محمد مصطفي عبد القادر ... و� Author: امير بوب Date: 07-10-2017, 12:05 PM Parent: #50
والله يا عودو زولنا دا يدوه عضوية هنا ما يخلِّي بوستات العطالة ديل حايمة عادي تفتح ليك بوست تلقاه طار ليك بعبارة ( دا ياهو البعكّر أمزجتنا ) و يختما ليك ب ( تباً لكم أينما حللتم ) ...
تخيَّلوا كدا انشبك ليه في بوست مع هشام آدم !! 😂😂
Post: #52 Title: Re: رابطة معجبي شيخ محمد مصطفي عبد القادر ... و� Author: امير بوب Date: 07-10-2017, 12:08 PM Parent: #51
أها رشّ ليك بابكر صديق زي الترتيب 😂
Post: #53 Title: Re: رابطة معجبي شيخ محمد مصطفي عبد القادر ... و� Author: محمد نور عودو Date: 07-10-2017, 12:16 PM Parent: #52
(تخيلوا كدا انشبك في بوست مع هشام ادم) يا أخي غايتو دي بالغت فيها يا أمير تحياتي
Post: #57 Title: Re: رابطة معجبي شيخ محمد مصطفي عبد القادر ... و� Author: Nasser Amin Date: 07-10-2017, 01:10 PM Parent: #53
غايتو يا امير ابقي جاهز للحلقة الجايه , عمك بخصص ليك حلقة انتا فاهم كلامي؟ انتا قايلو ساهل , في الفيديو بتكلم عن الحان و حقوق المؤلف في "سمسم القضارف" و "جنة العشاق" و الله صحي قووووم علي حيلك
Post: #54 Title: Re: رابطة معجبي شيخ محمد مصطفي عبد القادر ... و� Author: قصي محمد عبدالله Date: 07-10-2017, 12:53 PM Parent: #49
سيناريو للشيخ محمد مصطفى
المشهد الأول : (المكان ساحة وسط سوق خضار): (يعدل الشيخ المكرفون والحامل ، يلبس النظارة ، يعاين في ورقة يحملها في يده اليسرى،يرفع رأسه للحضور)، ثم يبدا في الحديث:
في واحد ماعارف اسمو أمير بوب ولا شنو كده ماعارف اليومين دي فاتح ليهو موضوع في النت في موقع ما عارف اسمو سودانيين على الهواء ولا شنو كده ما عارف قال داير يعمل ليهو رابطة بأسمي! (يقوم يطلع النظارة)أول شئ كدي تعال يا بوب انت وورينا منو الامّرك وعلى منو ؟! و بعدين محمد مصطفى ماداير ليهو رابطة ، يربطوك من ....... ، والله صحي. وكان ماعارف كيف تعال أوريك شغل الربّاطة الجد جد.(يقوم يلبس النظارة ، يعاين في الورقة، وتاني يطلعها، ويرفع رأسه للحضور): وكمان قال معجبي !العجب التشوفو في نفسك يا سفيه يا بتاع الأسافير والكييوبوردات ولا شنو كده ماعاراف. وتعالو شوفوه كمان قال داير يلم لي العطالة واللافين صينية؟! هو بالله عليك الله في عاطل أكثر منك يابتاع الطقطقة والكيبورت؟! كدي بالله خلي مديرك ده يعمل لي حساب معاكم عشان أطقطقكم الإتنين في موضوع واحد، إنت فاهم كلامي ده؟! والله صحي.
--------- نواصل المشهد الثاني إن لزم الأمر.
Post: #55 Title: Re: رابطة معجبي شيخ محمد مصطفي عبد القادر ... و� Author: Deng Date: 07-10-2017, 01:00 PM Parent: #54
الأعزاء عمر بوب وعلي محمد الفكي.
مافي زمن ياخ، وقراء البورد ديل لازم نديهم المعلومة كاملة وعلى بلاطة، حتى لو كان لها مفعول الصدمة.
لكن كده بيني وبينك، شوفو خفافيش الظلام زي بتاع المنصب نفسه برنس من عطبرة ده والهابي الاخر قصي. ديل جو مارقين من جحورهم بمفعول الصدمة. أراهنكم بأنهم لا علم لهم بأن شيخهم كان زعيم عصابة!
Post: #59 Title: Re: رابطة معجبي شيخ محمد مصطفي عبد القادر ... و� Author: قصي محمد عبدالله Date: 07-10-2017, 01:33 PM Parent: #55
"كان" دي ما عارفها، بس الحمد لله إنو بقى، وهذا ما أعرفه أنه شيخ فاهم ، و خبير. الله يغفر لنا وله، وينفعنا بعلمه.
https://www.0zz0.com
وبعدين كلنا في ضلال وظلام إلا أن يخرجنا الله إلى نور منه... ------ يافار والله الزول ده يلم فيك تعرف فعلا إن جقر عفن..
Post: #58 Title: Re: رابطة معجبي شيخ محمد مصطفي عبد القادر ... و� Author: محمد حمزة الحسين Date: 07-10-2017, 01:16 PM Parent: #49
Post: #56 Title: Re: رابطة معجبي شيخ محمد مصطفي عبد القادر ... و� Author: البرنس ود عطبرة Date: 07-10-2017, 01:03 PM Parent: #1
(-) كان زعيم عصابة مصدقنك تب ما كذاب (-) لكن تاب واجتهد واصبح داعية وامام وخطيب وله مركز ديني يسمى الرشاد (-) كدا كويس معاك ولا نزيدك من الشفاته عصابة
Post: #60 Title: Re: رابطة معجبي شيخ محمد مصطفي عبد القادر ... و� Author: أبوبكر عباس Date: 07-10-2017, 01:35 PM Parent: #56
لكن الزول دا ممكن بسهولة يترك الاسلام هو عندو مقدرة خارقة في تتبع معيار واحد
نقول: اللهم أعز عدم الاسلام بأحد المصطفيين: م المصطفى عبد القادر أو أ المصطفى دالي
Post: #61 Title: Re: رابطة معجبي شيخ محمد مصطفي عبد القادر ... و� Author: أبوبكر عباس Date: 07-10-2017, 01:57 PM Parent: #60
نفترض ربنا استجاب لينا وادانا المصطفى عبد القادر وجبناها اديناهو الحوار الأمريكي ورجع السودان الحلقة في ميدان الأمم المتحدة عن أولياء الله: بعد يشلت الجماعة كلهم يقبل على ناسو القدام: بالله شوف شيوخ العطالة ديل، قالوا أبوبكر هو الولي الأوحد، قالوا ليهو صاحبك قال طلع السما والتقى بالله هي السما دي وين يا عطالة يا بلدا ناس قاقرين وارمسترونج طلعوا هناك قالوا لا شافوا سما لا سبعة طلاقا، امشوا دجالين جهلة سما في عينكم يا عطالة وبعدين التقى الرسل وكل دقيقة يقولوا ليهو ارجع لربك ينقص ليك الصلاة هو شنو يا عطالة؟ الله دا فاتح ليهو دكان؟! نقص لي!! امشوا شوفوا ليكم شغلة بلا دجل وشعوذة ازرعوا بدل كل يوم تشحدونا في العيش وبعد دا تسبونا وتقولوا لينا بنطهركم في زول اشتكى ليكم من مكناتنا ما لكم ومال طهورنا؟! عاجبانا كدا
Post: #62 Title: Re: رابطة معجبي شيخ محمد مصطفي عبد القادر ... و� Author: امير بوب Date: 07-10-2017, 02:25 PM Parent: #61
سلام يا ناصر
Quote: غايتو يا امير ابقي جاهز للحلقة الجايه , عمك بخصص ليك حلقة انتا فاهم كلامي؟
الراجل دا ياخ انا اكبر fan بالنسبة ليه .. والله صحي ! انتو التعملو حسابكم ما يضمّكم للعصبجية السفهاء ! عمّك دا لو ختّ زول في راسو بتعّبو 😂
Post: #63 Title: Re: رابطة معجبي شيخ محمد مصطفي عبد القادر ... و� Author: امير بوب Date: 07-10-2017, 02:30 PM Parent: #62
يا شيخ قُصي سلام
Quote: ي واحد ماعارف اسمو أمير بوب ولا شنو كده ماعارف اليومين دي فاتح ليهو موضوع في النت في موقع ما عارف
اهم شيء حكاية انو الموقع دا لامّي العطالة و الشّفّاتة .. و كلهم لافّين صينية انت فاهم كلامي؟!
Post: #64 Title: Re: رابطة معجبي شيخ محمد مصطفي عبد القادر ... و� Author: امير بوب Date: 07-10-2017, 02:34 PM Parent: #63
Quote: لكن الزول دا ممكن بسهولة يترك الاسلام هو عندو مقدرة خارقة في تتبع معيار واحد
نقول: اللهم أعز عدم الاسلام بأحد المصطفيين: م المصطفى عبد القادر أو أ المصطفى دالي
أهو زي دا واحد موهوم عامل فيها مستنير انا ما عارفو دكتور في شنو ! قد يكون دكتور في حبال العناقريب او دكتور بتاع سواسيو 😂 ما فاهم أي حاجة و لافّي صينية ساي ياخ دي عينة ربنا إبتلانا بيهم 😂 قوم علي حيلك بلا مستنير معاك ... و ما أظنّك تقوم !
Post: #65 Title: Re: رابطة معجبي شيخ محمد مصطفي عبد القادر ... و� Author: امير بوب Date: 07-10-2017, 02:38 PM Parent: #64
صاحبنا رشّ ليك صلاح ابن البادية زي الما حصل شيء !!
Post: #66 Title: Re: رابطة معجبي شيخ محمد مصطفي عبد القادر ... و� Author: امير بوب Date: 07-10-2017, 02:48 PM Parent: #65
ازرق طيبة و لّا بعاتي امبدة 😂😂
Post: #67 Title: Re: رابطة معجبي شيخ محمد مصطفي عبد القادر ... و� Author: امير بوب Date: 07-11-2017, 04:45 AM Parent: #66
من اجمل جدعات الشيخ !
😂😂
Post: #68 Title: Re: رابطة معجبي شيخ محمد مصطفي عبد القادر ... و� Author: البرنس ود عطبرة Date: 07-11-2017, 06:18 AM Parent: #1
(-) بحمد الله تعالى وفضله أن جعل منهج السلف الصالح منهجا واضحا لا لبس فيه ولا يتأثر هذا المنهج بوجود شخص او مغادرته (-) وهذا الفضل والتوفيق يأتي بتمسك كل القائمين عليه والمنتمين له لكتاب الله تعالى وسنة رسوله محمد صلى الله عليه وسلم والاثر الوارد من صحابته والتابعين وتابعيهم (-) ليس للمنهج الشلفي اي قدسية افراد او جماعات بل كل المنتمين له على حد سواء يفصل بينهم الكتاب والسنة واجماع السلف الصالح والقياس (-) لا يهم ان ذهب محمد المصطفى ام بقي فبحمد الله كل جماعة السلف خطيب بليغ يعرف مواضع الكلم الطيب والسيء (-) وهؤلاء هم تلاميذ الشيخ محمد المصطفي على الاسواق وفي المساجد في الجامعات في الشوارع والحواري والازقة ينادون ويعظون الناس باتباع المنهج السلفي (-) كابوبكر اداب ومزمل فقيري ومازن وشهاب وود البدوي وود النائر وووو الكثير منهم الآن داعيه الي توحيد الله عز وجل (-) نسأل الله ان يوفقهم لسبيل الرشاد وان يمكنهم من أكمال برنامج سودان بلا شرك ولا معصية
Post: #69 Title: Re: رابطة معجبي شيخ محمد مصطفي عبد القادر ... و� Author: عثمان الأمام Date: 07-11-2017, 06:59 AM Parent: #68
المستنير أعمل حسابك
قبل كده رشا ليك بروف محمد عبدالله الريح رش تقيل في موضوع الدكتوراة بتاعت الحيوانات دي :)
Post: #70 Title: Re: رابطة معجبي شيخ محمد مصطفي عبد القادر ... و� Author: عبدالعظيم عثمان Date: 07-11-2017, 07:13 AM Parent: #69
يا أميــر بوب ياخي دا بوست جميل جدا انا ضحكت كما لم أضحك من زمان الشيــخ دا مبالغه جد في أخر فيديو " أبو طيرة ركبوا ليك بسطونه ورماه في البوكسي زي خروف الضحية"
ياخي دا مبالغه ... نكتو من يون يا شقي الحال
Post: #71 Title: Re: رابطة معجبي شيخ محمد مصطفي عبد القادر ... و� Author: امير بوب Date: 07-11-2017, 07:58 AM Parent: #70
يا عبد العظيم سلام ... الظاهر البوست دا ح يلم لينا العطالة ! مافي حل غير نقفّلو عشان كل عاطل يمشي يشوف ليه شغلة نبيع بطاطس او بصل 😂
يا زول والله عمّك دا متعة للطيش ! عمرك كلو سمعتا بي دكتوراة في السواسيو ؟!! بجيبا ليك 😂😂
Post: #72 Title: Re: رابطة معجبي شيخ محمد مصطفي عبد القادر ... و� Author: امير بوب Date: 07-11-2017, 11:16 PM Parent: #71
😂😂
Post: #73 Title: Re: رابطة معجبي شيخ محمد مصطفي عبد القادر ... و� Author: امير بوب Date: 08-19-2017, 07:25 AM Parent: #72
فوق
رغم أنف العطالة !! والله صحي 😜
و المعترض علي الكلام دا يرفع إيدو !
Post: #74 Title: Re: رابطة معجبي شيخ محمد مصطفي عبد القادر ... و� Author: امير بوب Date: 08-19-2017, 07:39 AM Parent: #73
عمّك قال كدي نقرا الكلام دا في الاول و بعدين نشلّت الناس ديل !! 😂😂
