الكديسة ولدت في غرفة العمليات في مستشفي بحري

09:11 AM February, 05 2017 سودانيز اون لاين
Osman Musa-
مكتبتى
رابط مختصر مافي حد احسن من حد . الكديسة أصرت تلد في دولاب غرفة العمليات . ما هو المستشفي مستشفي تعليمي وكده .

الحمد لله على نجاح العملية ومبروك المولود للكديسة ..
بس ولدوها قيصرية ولا ولادة عادية
أرجو الإفادة ؟؟

يا الهادي ياخ كمية من الكد ا يس تمردت و احتلت المستشفيات في البلاد و حيرت العباد

بعد ولادة الكديسة في دولاب العدة بتاعت الجراحة بي شوية . تمت عملية قلب مفتوح
لي انسان . والحمد لله ربك ستر .

لكن مش بالغتوا حبتين
قلب مفتوح وكديسه

يا رانيه الحمد لله عملية القلب المفتوح تمت في نفس غرفة العمليات الولد ت في
الدولاب حقها الكديسة . و مريض القلب المفتوح طلع سالم . تخيلي لو كان الكديسة
لقت أي فرصة تختف قلب الراجل المبنج من بين أصابع الجراح .

والله انا بعتبر اخير تلد في غرفة العمليات من قصتي أدناه ..


ولدت كديستنا الفاضلة في أوائل الألفينات في بيتنا داخل ( شوال السكر ) ..
و الأيام ديك السكر كان معدوم و سعرو كان ضارب السما ..
و المصيبة ناس البيت بقيادة الوالدة رفضوا تنظيف السكر و استخدام ما تبقى ..
إلا العبد لله ، استخدمتو براي سنة كاملة ، لمن بقيت (أنونو) بدل الشخير ..


تحياتي يا عثمان موسى و للمتداخلين .

عارف يا سامر . قالوا الشيخ فرح قال في آخر الزمن لما يظهر في جزر الهند الغربية وزير صحة ما بعرف الفرق بين الأسبرين و الحر جل أهو ده الزمن البتولد فيه الكديسة فوق المشار و المناظير في الدولاب .

الكديسة الذكية استقلت انشغال الدكاترة بي الحديث عن تأخير المرتبات والعيادات
الخاصة و امتحانات الزمالة والهجرة . والممرضات بي الوتسب . ودخلت عملت ديك
العملية العجيبة .

أخونا سامر دوشه :

ذكرتني واحد صاحبنا شغال في الفرن الآلي به عجانة آلية تسع 30 شوال المهم أثناء تفريغهم الدقيق داخل العجانة طلع جقر (فأر) من داخل الكيس المخروم وزاغ وسط العجين بينما العجانة شغالة فأوقف العمال العجانة وذهبوا لمكتب مالك الفرن الآلي وأخبروه بالحاصل وأنه لابد من القاء كامل العجين في الزبالة .. فقال لهم صاحب الفرن انتو عايزين تخربوا بيتي يعني أرمي 30 كيس دقيق في الكوشه .. اخبزوا ما عليكم وزي ما أنا متفق معكم بديكم 10 عيشات مجاني اليوم طبعاً ما حتشيلوا عشان الفار لكن بكره كل واحد يشيل لعياله 20 عيشه .. يلا كل واحد يشوف شغله .
المهم تم العجن وتفرق دم الفار بين الخبز وأكله الناس هنيئاَ مريئا .

غايتو الناس في السودان ربنا بيحفظهم .. فالله خير حافظا وهو أرحم الراحمين

في بلد العجايب والمفارقات يا موسى

الكديسة تلد في المستشفى

والمرة تلد في ركشة

رأيك شنو يا اخ الهادي في كلام الشيخ فرح عن وزير الصحة في
آخر الزمن في جزر الهند الغربية ؟

مافي أهم في الدنيا من نظافة المستشفيات .

أخونا أستاذ الدر د يري
سلامات
حكيت القصة لي اخ من عيال ر با ط . قال لي و الحالة دي كد ا يس الخرطوم بحري
لو كانت من كد ا يس بورتسودان كان مشت بالت في مستشفي مايو كلنك .

جم ست الشاي تحت الشجرة الخارج مستشفي بحري شلة من ألممارضين و لفيف من كد ا يس حارة المستشفي . في اللحظة ديك و الناس تشارك حسرتي تذكرت الحبيبة امريكا و تذكرت حوريات التمريض في مستشفي Alexandra في ولاية فرجينيا و تذكرت سماحة الجو النظيف وصحة الناس .
وتذكرت اهتمام الممرضة caty بالعمل العمل العمل . وتذكرت وزير صحة جزر
الهند الغربية الوزير الشاهد الذي ما عارف ولا حاجة .

الممرضة الجميلة caty لو سمعت بي حادثة ولادة الكديسة في مستشفي بحري التعليمي
كان صرخت بي دأك الصوت العذب واو ماي قوواط .

كتب الهادي الشغيل :-
--------------------------------------------
أخونا سامر دوشه :

ذكرتني واحد صاحبنا شغال في الفرن الآلي به عجانة آلية تسع 30 شوال المهم أثناء تفريغهم الدقيق داخل العجانة طلع جقر (فأر) من داخل الكيس المخروم وزاغ وسط العجين بينما العجانة شغالة فأوقف العمال العجانة وذهبوا لمكتب مالك الفرن الآلي وأخبروه بالحاصل وأنه لابد من القاء كامل العجين في الزبالة .. فقال لهم صاحب الفرن انتو عايزين تخربوا بيتي يعني أرمي 30 كيس دقيق في الكوشه .. اخبزوا ما عليكم وزي ما أنا متفق معكم بديكم 10 عيشات مجاني اليوم طبعاً ما حتشيلوا عشان الفار لكن بكره كل واحد يشيل لعياله 20 عيشه .. يلا كل واحد يشوف شغله .
المهم تم العجن وتفرق دم الفار بين الخبز وأكله الناس هنيئاَ مريئا .

غايتو الناس في السودان ربنا بيحفظهم .. فالله خير حافظا وهو أرحم الراحمين

----------------------------------------------

الهادي سلامات ..

الغريبة في السودان في حاجات كتيرة جنس قصتي و قصتك أعلاه ..
و مع ذلك الأمور طيبة ، و ماشة بالبركة ..
يعني مثلا ، أنا ما اتضررت في صحتي بعد إنتهاء شوال السكر ..
مجرد (نونوة) مؤقته ، و انتهت ..
و أحد أخواني قال لي مازحاً آنذاك ، بعد أن ضربت رجله و هو جالس من غير تعمد ..
( مالك ياخوي بقيت تتحكحك في كرعينا كتير كدا .. الشوال ما كمل ولا شنو ؟ ) ..
و من ناحية الجقر يا الشغيل الاتعجن مع العيش ..
يمكن أن أؤكد و أجزم بأن من تناولوه لم يصيبهم شراً قط ..
دا إذا ما بقت ليهم مناعة كمان !!!
الله يحفظ السودان و يحفظ عموم أهله ..
هسي نحنا في الغربة ، إذا بتاع الشاورما كتر ليك من المايونيز ساي ..
بيجيك طه القرشي و تسمم و حاجات تانية غريبة كدا ..

ليك و لصاحب البوست و المتداخلين التحية .
و البوست دا كان ناقصو صورة للمشهد أو مصدر صحفي و كدا ..
لتتوسع بقعة الإبتسامة في وجوهنا ..

سلام

سلامات اخ سامر
لو جيت مستشفي بحري ح تسمع قصص ولا في الأفلام عن عصابة كدايس مستشفي
بحري . انا لما سألت الممرضة عن حادثة الولادة . قالت من الصعب جدا اقدر امنع أي
كدايس من الدخول . الكديسة عادي ممكن تحدر ليك .

شديده منك دى ههههههههههههههههههههههههههههههههههههههههههههه

بتنا رانيه سلامات
في سنة 1970 يا رانيه وزير صحة السودان كان دكتور موريس سدرة . من أولاد مدينة
مدني وكان شغال استشاري في لندن . النميري جا بو لتحقيق حلم الأمة . وكان قدر .
الموقع . رحل موريس سدرة عليه الرحمة. الرب أعطي والرب أخذ .

تحياتي يا عثمان

معناتا تمت عملية الحمل في شوارع وممرات المستشفي المخضرم مع سماع وااااااو وييييي واااااا وسكسيك شديد

الأخ الطيب سلامات
ياخ مستشفيات السودان أصبحت من المنتجعات السياحية المشهورة بالنسبة لقضاء شهر
العسل للكدايس . وكمان كدايس بورتسودان أصبحت تقضي شهر العسل في دواليب
مستشفيات الخرطوم وكدايس الخرطوم تمشي بورتسودان . وده ما تحدي للوزارة .
لكن قول قوة عين في آخر الزمن العجيب .

قول الحمد لله ،
طلعت كديسة مش تور ،
،،،،




عزالدين عباس الفحل
ابوظبي

الأخ عزالدين سلامات
وينك يا زول ؟ يازول حال المستشفيات أصبح يبكي