Post: #2
Title: Re: ألحس المكواة
Author: عبدالحفيظ ابوسن
Date: 02-05-2017, 06:14 AM
Parent: #1
يقول ليك
فلان دة كان بريدو ألحس المكواة
|
Post: #3
Title: Re: ألحس المكواة
Author: عبدالحفيظ ابوسن
Date: 02-05-2017, 06:18 AM
Parent: #2
والما بدورك في الضلام يحدر ليك
وهو مثل بليغ
وتوضيح لاواعي انو صرة الوش تخصنا ولا تخص المغضوب عليه . فهي تفريغ لشحنات الكره داخلنا
او شكل مشاعرنا لمجرد معرفتنا ان من نكره بقربنا
|
Post: #4
Title: Re: ألحس المكواة
Author: عبدالحفيظ ابوسن
Date: 02-05-2017, 06:22 AM
Parent: #3
أها ظاهريا كدة
المحبة مافي الليد
ولا نملك لها دفعا
وكما اقول
المحبة مقلوب الكره
يعني يمكن ان يتبادلوا الاماكن
|
Post: #5
Title: Re: ألحس المكواة
Author: عبدالحفيظ ابوسن
Date: 02-05-2017, 06:23 AM
Parent: #4
مقلوب دي زي بروفايل الصديق قباني
يعني قباني مقلوب المعرفة
|
Post: #6
Title: Re: ألحس المكواة
Author: عبدالحفيظ ابوسن
Date: 02-05-2017, 06:43 AM
Parent: #5
الصباح سمعت سيف الجامعة بغني عند الجيران
خرب مزاجي دون اشعر
لا احبه ابدا وان غني للعميري
انا مجتهد افصل صوتو من شعر العميري
المهم خرب مزاج كباية الشاي
جيرانا زاتهم جنهم يشغلوا غنا مع الصباح وبالنهار وبالليل
شربت كبايتي ساهما صامتا وسط صخب اطفالي
صامت ظاهريا
لكن تعتمل في ذهني شتي الافكار
مرقت من الغنية وطلعت في الكره
ومرقت منهن وطلعت في حتات تانية
وألح علي سؤال
لماذا أكره سيف الجامعة
لااعرفه شخصيا
و
|
Post: #7
Title: Re: ألحس المكواة
Author: عبدالحفيظ ابوسن
Date: 02-05-2017, 06:58 AM
Parent: #6
ههههه طشيت طشة وانا بفكر لامن شربت الشاي دون ان اتذوق طعمه
بلعتو بليع
ليه بكره سيف
وفي غيري بحبو
ولا يجيك صحبي عزيز يطلعو لي مايسترو اكاديميا
المشكلة وين
من اين نبعت تلك الكراهية
وخليتو هو زاتو وبديت افكر تفكير ملتوي وبعيد عن الغنا زاتو
بحاول اخليكم تفكرو لي
مخي شاطب
|
Post: #8
Title: Re: ألحس المكواة
Author: عبدالحفيظ ابوسن
Date: 02-05-2017, 07:06 AM
Parent: #7
نحن بنتحايل كتير جدا
نضفي علي مشاعرنا البدائية اسباب موضوعية لنحس بالاتساق
فقط لأننا نجهل موضوعية مشاعرنا تلك
|
Post: #9
Title: Re: ألحس المكواة
Author: سيف الدين محجوب
Date: 02-05-2017, 07:14 AM
ود أبوسن
عنوانك دا ،، عندنا في الخليج ،،، كلام شين خلاااااس
لكن نحنا عارفين وواثقين من نيتك الصافية
وصبحك الله بالصحة والعافية
|
Post: #10
Title: Re: ألحس المكواة
Author: عبدالحفيظ ابوسن
Date: 02-05-2017, 07:17 AM
Parent: #9
مرحب سيف
وحبابك
ههههه
انتبهت بي كلامك دة يادوووب
لكن هو مثل شبابي سوداني
ان شاء الله الخلايجة يقروهو عشان يعرفونا مؤدبين كيف هههه
|
Post: #11
Title: Re: ألحس المكواة
Author: عبدالحفيظ ابوسن
Date: 02-05-2017, 07:36 AM
Parent: #10
ناس النقد الادبي قالوا
من طلب عيبا وجده
بتلقاهو متسقا مع طريقة تفكيرك الممكن تكون منحرفة او عديلة
|
Post: #12
Title: Re: ألحس المكواة
Author: جلالدونا
Date: 02-05-2017, 07:41 AM
Parent: #10
هى ما كره يا ود اب سن هى عدم استيساغ
اخونا الكبير هاشم ... متّعه الله بالصحة و العافية .. عندو حاجة غريبة
ما بياكل الزيادة
يختّو الاكل يضرب تمام . يجيبو الزيادة من نفس الاكل
ما ياكلا ليك لو طلعت السما بى كرعيك
تسألو عشان يبرر ليك الشغلة دى
يقول ليك : هى حاجة كده لله فى الله
ثم اولا متين نحنا قاعدين نقول مكواه
هى مكوة كان فحم كان كهربا
حالياً بفكر فى مكوة غاز .. خدمة للانسانية و البيئة و اللحس
|
Post: #13
Title: Re: ألحس المكواة
Author: محمد البشرى الخضر
Date: 02-05-2017, 07:52 AM
Parent: #12
قدر ما قلّبتها يمين شمال ما (استسغتها)
نطقها اشتر اشتر كدا وبضرس
|
Post: #14
Title: Re: ألحس المكواة
Author: عبدالحفيظ ابوسن
Date: 02-05-2017, 08:16 AM
Parent: #13
اها شفت يا جلالدونا دة البقولو ليك
تحايل لفظي منبهل ساي
ياخ اخوك دة احتمال لو عمل فحص آلي شامل يلقا انو اللبن ومشتقاته ما بنهضمن ليهو
في انزيم بساعد علي هضم اللبن . في ناس خلقة وفي ناس مع الكبر يفقدوهو
ولا مر بتجربة قديمة خزنت الذكرة ملفها بشكل ماكر .. اخفت الحادثة واحتفظت بمرارة التجربة وارتباطها باللبن . وين الصديق سيف النصر
مش قلت ليكم مشيت ابعد من سيف زاتو
|
Post: #15
Title: Re: ألحس المكواة
Author: نعمات عماد
Date: 02-05-2017, 08:29 AM
Parent: #1
صباح الفل و الياسمين عبد الحفيظ و الحضور الأنيق
اوعي يكون شعورك بالضيق من اغاني المبدع سيف الجامعة سببه كلمات
اغنية تحكي عن الفراق مثلا...
زي اغنية وصتني وصيتا. مثلا و هي من اروع اغاني سيف الجامعة
الله عليك يا عاطف خيري و عليك ياسيف الجامعة
اظن يا عبد الحفيظ انك فقط لا تبالي باغاني سيف الجامعة و
لكن لا تكرهه فعلا .
تحياتي للأسرة الكريمة ولفنانك المفضل.
|
Post: #16
Title: Re: ألحس المكواة
Author: عبدالحفيظ ابوسن
Date: 02-05-2017, 08:35 AM
Parent: #15
ودالبشرى شفت الألف المقصور دة كيف
ياخ انا غايتو بقيت ألاوز منك .. بالذات في العنوان
استيسياغ دي زاتها إلا تصرج ليها
|
Post: #17
Title: Re: ألحس المكواة
Author: محمد البشرى الخضر
Date: 02-05-2017, 09:01 AM
Parent: #16
لا تمام مافي كلام هههه
ما تلاوز ياخ القصة بس بنطق وأنا أقرأ فا بنضرس وكدا
|
Post: #18
Title: Re: ألحس المكواة
Author: طلحة عبدالله
Date: 02-05-2017, 09:30 AM
Parent: #17
سيف الجامعة خرب مزاجك ؟؟
اتا جااااادي يا أخي الكريم ؟؟؟؟؟؟؟؟؟؟؟
|
Post: #19
Title: Re: ألحس المكواة
Author: عبدالحفيظ ابوسن
Date: 02-05-2017, 09:37 AM
Parent: #18
يا نعومة تعرفي لقيت اني بعاين لسيف الجامعة كسياسي
بسمع مواقفو بدل صوتو
ياخ عندو لو كان عندو غنية العميري بس كفاية
زي ما قلت ليك خرب مزاجي والمزاج لا يناقش
لكن فكرت ووصلت للفوق دة
|
Post: #20
Title: Re: ألحس المكواة
Author: عبدالحفيظ ابوسن
Date: 02-05-2017, 09:54 AM
Parent: #19
مرحبا طلحة
وحبابك
تصدق !
|
Post: #21
Title: Re: ألحس المكواة
Author: عبدالحفيظ ابوسن
Date: 02-05-2017, 09:58 AM
Parent: #20
اها نحن بنسقط تقيماتنا الذاتية المربوطة بطبيعتنا الشخصية وندخلها قسرا في الموضوعية والمنطقية
الامر دة بخص كل شئ من الدين للايدلوجية للفن لي كلو
يعني ندخلها في برواز الموضوعية رجالة كدة وهي بالجد رجالة
|
Post: #22
Title: Re: ألحس المكواة
Author: عمر السلمة
Date: 02-05-2017, 10:07 AM
Parent: #1
حبيبنا عبدالحفيظ
اريتك طيب وعيالك طيبيييين ..
انت عارف مرات بكون السبب خفي في العقل الباطن
فتنرة من الفترات كنت بكجججن سيف الجامعة دي بسبب زول انا مكججنو هههههه
لكن تاني بقيت اسمع يا نديدي ..
جلال قاصد ليك الزيادة في الاكل .. مش الزبادي هههههههههه
وزي ما الكوهلة ما بأكلوا الصدف .. اخو جلال ما بيأكل الزيادة
تحياتي
|
Post: #23
Title: Re: ألحس المكواة
Author: عبدالحفيظ ابوسن
Date: 02-05-2017, 10:20 AM
Parent: #22
اوووو عمر
تسلم ياخ
بسمع يا نديدي وانا كاره له محبا في العميري
هههه
شوف القراية الاختيارية دي سيلكتيف ريدنق
قريت سياسية بسمارك الداخلية
آي ما بياكلو الصدف بفتح جميع الحروف بعتبروها دناوة وعندي اخوي لو قاعد ومشي يغسل يدو واكلت ليك جريرة ما بدخل يدو معاك
عذرا جلالدونا شكلي سايق ومركز علي الهدف وما شايف شارات المرور
|
Post: #24
Title: Re: ألحس المكواة
Author: عبدالحفيظ ابوسن
Date: 02-05-2017, 11:19 AM
Parent: #23
من الامثال السودانية الجميلة
المابتريدو خاف الله فيهو
فلاترميه بكل باطل لكراهيتك له . كن نبيلا في كراهيتك
ولا ابحث عميقا داخل نفسك
فقد يكون اسقاط ذاتك عليه لعلك تري نفسك فيها
لكن لاتلبس كراهيتك له ثوب الموضوعية لتبرر ذلك
|
Post: #25
Title: Re: ألحس المكواة
Author: محمد البشرى الخضر
Date: 02-06-2017, 05:09 AM
Parent: #24
البوست دا يا ود اب سن شكله أعمق ممّا يبدو عليه للوهلة الأولى :)
|
Post: #26
Title: Re: ألحس المكواة
Author: علي دفع الله
Date: 02-06-2017, 05:37 AM
Parent: #25
تسكب لبن ابيض ..لون الضمير والحق ..الريقو كان ناشف في اللحظة ديك دفق ..
هههههه كان عندنا صاحبنا اسمو الرشيد جنو يردد الاغنية دي اها قام قال لو جاب ولد بسميه الريقو كان ناشف ههههههه
سيف الجامعة اخد ليه انبهالة كاسيتية في اواسط التسعينات.. وانتشر انتشار واسع ..لكن بيني وبينك يا صديقي لك مطلق الحرية ما تحب اغانيه لكن حتة الكراهية دي واسعة شوية ..
مودتي وتحياتي لي علاء العسل ربنا يحفظو ..
|
Post: #27
Title: Re: ألحس المكواة
Author: عبدالحفيظ ابوسن
Date: 02-06-2017, 05:51 AM
Parent: #26
مرحبا ود البشرى
البوست اصلا ما عن سيف تصدق
ولكنه من اثار في بعض الملاحظات عني وعن البورد وعن مجمل قضية السودان
هل ممكن نقيف لحظة ونتأمل مواقفنا . وهل هي مبدئية ولا انفعالية ولا زي لعب الكورة يا منتصر ولا التحكيم فاشل
هل مواقفنا مبنية علي اساس متين من القيم الانسانية المتماسكة وراسخة
من غير وقفة صارمة مع النفس .. والصدق في مواجهتها والشجاعة في اتخاذ الموقف السليم ولو كان ضد ما نقوله . حنكون متناقضين جدا ولايمكن قراءة مواقفنا بشكل استباقي
نحن للاسف والاسف الشديد
بعضنا يقنع نفسه انه ينطلق من مواقف دينية ولا وطنية ولا انسانية ولكنه لا ينطلق إلا من داخل نفسه ومصالحه ليس بالضرورة المادية فرغبة المجد والتفرد والبطولة ووو كلها رغبات مصلحة شخصية
دي الفكرة التي لم تغب عنك
|
Post: #28
Title: Re: ألحس المكواة
Author: يحي قباني
Date: 02-06-2017, 05:57 AM
Parent: #27
ود ابسن ...
حسب نصيحة الام لي بتها الما عرفت قعدة رومانسية يعني شنو ...
انا لو من بكري ( إحتياطياً ) كده يطبل البوست ده ... :)
|
Post: #29
Title: Re: ألحس المكواة
Author: عبدالحفيظ ابوسن
Date: 02-06-2017, 06:20 AM
Parent: #28
حبابك ود دفع الله
انا ولا محجوب شريف
واعاف الصديق الما بهم بيك
اها
|
Post: #30
Title: Re: ألحس المكواة
Author: عبدالحفيظ ابوسن
Date: 02-06-2017, 06:23 AM
Parent: #29
يعني يا قباني داير تبقيني متعهد البورد
لكن لقيتك متابع النكات التي
ياخ هنا بقفلوها ليك طرشا
هيي قفلت
|
Post: #31
Title: Re: ألحس المكواة
Author: محمد محمد قاضي
Date: 02-06-2017, 06:43 AM
Parent: #1
(اها قام قال لو جاب ولد بسميه الريقو كان ناشف ههههههه)
شاهدت أمس مباراة مانشيستر يونايتد مع ليستر سيتي
كلامك يا عمر دفع الله ذكرني لاعب وسط ليستر سيتي
إسمو DRINK WATER ههههه
سلام ود أبو سن والضيوف
|
Post: #32
Title: Re: ألحس المكواة
Author: محمد البشرى الخضر
Date: 02-06-2017, 07:40 AM
Parent: #31
Quote: مرحبا ود البشرى
البوست اصلا ما عن سيف تصدق
ولكنه من اثار في بعض الملاحظات عني وعن البورد وعن مجمل قضية السودان
هل ممكن نقيف لحظة ونتأمل مواقفنا . وهل هي مبدئية ولا انفعالية ولا زي لعب الكورة يا منتصر ولا التحكيم فاشل
هل مواقفنا مبنية علي اساس متين من القيم الانسانية المتماسكة وراسخة
من غير وقفة صارمة مع النفس .. والصدق في مواجهتها والشجاعة في اتخاذ الموقف السليم ولو كان ضد ما نقوله . حنكون متناقضين جدا ولايمكن قراءة مواقفنا بشكل استباقي
نحن للاسف والاسف الشديد
بعضنا يقنع نفسه انه ينطلق من مواقف دينية ولا وطنية ولا انسانية ولكنه لا ينطلق إلا من داخل نفسه ومصالحه ليس بالضرورة المادية فرغبة المجد والتفرد والبطولة ووو كلها رغبات مصلحة شخصية
دي الفكرة التي لم تغب عنك |
بالتأكيد يا قريبك لم تغب عني الفكرة من مقولتك الأولى "بعيدا عن مثل الفاضلابي"
يلّا خلّيني استعير أدوات كيكي التفكيكي و أشتغلها ليك :)
المسألة بها تعقيد نوعا ما, و تختلف الرؤية حسب الزاوية التي تنظر منها
نحن بشر نعترف بنقصنا في سعينا نحو الكمال الذي لن نصله ولن نتوقف عن السعي, وحظ النفس أحد مظاهر هذا النقص البشري, و التخلّص منه يحتاج مقدرة عظيمة
المهم.. التعقيد وين يلّا, هو في التردد أو الإمتناع من اخذ موقف صحيح خوفا من الوقوع تحت شهوة حظ النفس
و الأعقد كمان حين يتردّد الآخرين أو يمتنعوا على أخذ نفس الموقف بناء على قراءتهم الإنطباعية أو التفسيرية أو قراءة النوايا لموقف طرف أو اطراف بأنها محكومة بحظ النفس
لذا في هذه الحالات الأسلم في رأيي تجريد الأشياء و المواقف من الأسماء و التواريخ و غيرها و الحكم و أتخاذ الجانب السليم - كما يراه الشخص - بناء على المعطيات الموضوعية أمامه فقط دون النظر لمواقف سابقة - إو افتراض مواقف لاحقة
مثال لما اعنيه قد يقرّب فكرتي أكثر, أبان أزمة ما كتبه عثمان عن الرسول عليه السلام كانت ترتفع اصوات تطالب رافضي ما جرى أن يدينوا آخرين أساؤوا ويسيؤون للدين المسيحي أو لمحمود محمد طه وغيرها كما رفضوا اساءة الرسول.
تعليقي كان بدلا عن الإفتراضات و وضع الكلمات على الألسن لنرى كيف يحكم قاضي أمامه قضية معينه هل سيستدعي تاريخ وموقف الشاكي مثلا في قضايا مشابهة وكيف كان رد فعله أم سيحكم بالمعطيات المتوفرة أمامه فقط.
فا شنو يا ود ابسن و عودة لمثال الفاضلابي: غض النظر عن محبتك لبخيت أو عدمها للـ "ما بخيت", السؤال هو: ماذا فعل - او لم يفعل - بخيت؟ وهل هذا الفعل - أو عدمه - يستحق عليه البخاتة أم الـ "لا بخاتة"
هكذا برأيي تكون المواقف السليمة, زي تصحيح الشهادة زمان برقم الجلوس و الإسم مغطّى
أتمنّى أكون وصّلت الفكرة من الدش الكتير البلا لازمة دا :)
|
Post: #33
Title: Re: ألحس المكواة
Author: عبدالحفيظ ابوسن
Date: 02-06-2017, 10:29 AM
Parent: #32
ل
حين
ميسرة
|
Post: #34
Title: Re: ألحس المكواة
Author: عبدالحفيظ ابوسن
Date: 02-06-2017, 01:33 PM
Parent: #33
مرحب محمد محمد
في اسماء حقيقة غريبة
ودة موضوع داير ليهو روقة
نفضا من شغلة يدنا دي
|
Post: #35
Title: Re: ألحس المكواة
Author: زهير عثمان حمد
Date: 02-06-2017, 01:50 PM
Parent: #34
ود القبايل
تحياتي
|
Post: #36
Title: Re: ألحس المكواة
Author: محمد حيدر المشرف
Date: 02-06-2017, 03:24 PM
Parent: #1
غايتو لي فتره دي فقدت ايقاعي في هذا المنبر ..
قلت امكن الموضوع شخصي وعندو علاقة بي كتابتي والمزاج الذي يكتبها من بعد بوست السوريين وبوست ابوبكر ولكن .. الامر ليس كذلك تماما..
هناك تغيير في التركيبة البشرية بتاعت المنبر ده .. والله صحي !!
احتمال يكونوا الناس هم ذاتم لكن ما ياهم..
االمهم لا علاقة لهذا الكلام بسيف الجامعة ..
ولا تفكيك ودالبشري ..
ولا بوست حفيظ ..
اهو الاتنين ديل يا هم ذاتم مثلا.
|
Post: #37
Title: Re: ألحس المكواة
Author: عبدالحفيظ ابوسن
Date: 02-06-2017, 05:22 PM
Parent: #36
ايوووااا يا ود البشرى أياهو كدة
النظرة الموضوعية للأمر
هل القول دة مستقيم ومتناسق .. ولا لا
هل هو صحيح
مقنع
يتماشي مع معارفي
غض النظر عن بخيت
|
Post: #38
Title: Re: ألحس المكواة
Author: عبدالحفيظ ابوسن
Date: 02-06-2017, 05:25 PM
Parent: #37
اوووو زهير صحبي
ليك وحشة حرم
قبيل داير اخش في بوست الدخان وانشغلت
من الذين احبهم انت
|
Post: #39
Title: Re: ألحس المكواة
Author: عبدالحفيظ ابوسن
Date: 02-06-2017, 05:30 PM
Parent: #38
صدقت ود المشرف
وصدق ياقوت الفيتوري
القصة بقت جايطها
عجبت لمن يحكم علي الآخرين بموقف واحد . ولو توقف وسأل نفسه
لماذا أري الموقف لايشبه مواقفه الاخري
لعلمت انني لم اسبر غوره
ف شنو يا صاحبي
أكتب
وسأكتب
وسيكتبون
وأكيد ستصل هذه الكتابة لاحدهم اتفق او اختلف معاهم . ستشغل ذهنه
وهذا هو الهدف
ان نفكر
|
Post: #40
Title: Re: ألحس المكواة
Author: أحمد محمد عمر
Date: 02-06-2017, 07:46 PM
Parent: #39
كريستيانو رونالدو ولو تعلق بأستار الكعبة .. وما عارف ليه .. لكن خليت تشجيع ريال مدريد كلو كلو بعد سجلو
في البداية كنت بحاجج في اصحابي بمبررات أنا ذاتي ما مقتنع بيها من نوع جراي ساي وشوات من بعيد لكن ما عندو مهارات مراوغة .. لعبه ناعم زي مهند الطاهر .. ما عندو أخلاق رياضية وزول متكبر وعواليق ساي .. وحاجات كتيييرة كدة بحاول الصقها فيه بالرجالة لكن كل ما احضره بلقاهو فعلاً يستحق جائزة احسن لاعب .. وبررررررضو لا ردتو لا بقدر
المهم التبرير بتاع لله في لله دة حاجة مريحة خلاص .. تسند قصور تفكيرك على الأقدار وتنوم مرتاح
المصيبة إنك مرات بتتصرف بناء على الكراهية الانطباعية دي تصرفات قطع شك حتندم عليها
|
Post: #41
Title: Re: ألحس المكواة
Author: عبدالحفيظ ابوسن
Date: 02-07-2017, 07:07 AM
Parent: #40
اوووو معلم
تعرف يا احمد الاشكالية وين
الاشكالية هي استجابتنا لمشاعرنا البدائية غير المهذبة .. اقصد التهذيب بمعناهو اللغوي
مش نستجيب بس وبل في عقلية انتهازية فكرية نبرر له بتبريرات موضوعية فجة
انا علي قناعة انو المشاعر زاتها عندها مبرراتها العقلانية وان خفيت عني
يعني انا مثلا سيف الجامعة ما حبيت غناهو عشان مواقفو . مابين موقفه وهو في القاهرة وموقفه هنا
آي قعدت مع نفسي لعقلنة مشاعري
ياخ حتي الطاقية بتاعتو بتستفزني ولا تستفزني طاقية النور الجيلاني
شوف الزول الكبير دة لابس طواقي المراهقين مع انو النور أسن منو
ف شنو
لازم اقيف شوية واعترف بشجاعة اني بنقد في سيف في مجال مختلف عن موضوع نقدو
بنقد فيهو فنيا بموقف سياسي
هو فنان وليس سياسي
اقلاها ياخ احترم انسانيتي في قيم العدل والاتساق
ما أظلمو فنيا
واعترف دون خجل انو مقياسي لنقدو مختل
انا كمستمع
مش أي مشاعر اطلق ليها العنان
|
Post: #42
Title: Re: ألحس المكواة
Author: عبدالحفيظ ابوسن
Date: 02-07-2017, 12:34 PM
Parent: #41
اتو الناس دي ما متحملا بعض ليه
تعفصو يضاربك
يعفصك يضاربك
ما تعفصو يضاربك يقول ليك كنت داير تعفصني
|
Post: #43
Title: Re: ألحس المكواة
Author: sadig mirghani
Date: 02-07-2017, 05:31 PM
Parent: #1
بعيدا عن البوست
ألحس المكوة في نمرة تلاتة
وما اشوف الزول دا في التلفزيون
والاحسن ما الاقيهو فيس توفيس
|
Post: #44
Title: Re: ألحس المكواة
Author: يحي قباني
Date: 02-08-2017, 00:00 AM
Parent: #43
Quote: اتو الناس دي ما متحملا بعض ليه
تعفصو يضاربك
يعفصك يضاربك
ما تعفصو يضاربك يقول ليك كنت داير تعفصني
|
صاحبنا زمان مشى المانيا و رجع ...
عنده زول كده ما بريده جا سلم عليهو ... و قال
و الله يا فلان كان كلمتني ماش المانيا كان وصيتك لي حاجة محتاجلها من هناك ...
صاحبنا رد قال ... و الله لو كلمتني ما كنت حأجيبها ليك ...
|
Post: #45
Title: Re: ألحس المكواة
Author: عبدالحفيظ ابوسن
Date: 02-08-2017, 05:32 AM
Parent: #44
مرحبا صادق مرغني
وحبابك
التطرف والمغالاة تسدل علي العقل حجابا كثيفا وحائط يغلق ابواب التفكر والتدبر
الحدة
فلا نر إلا طرفي الطريق ونسخر من الالوان الاخري بيد ان مابين نقطة البداية ونقطة النهاية ملايين النقاط
|
Post: #46
Title: Re: ألحس المكواة
Author: عبدالحفيظ ابوسن
Date: 02-08-2017, 10:09 AM
Parent: #45
غايتو يا قباني زولك صعب
يقاتل اي فرصة للتقارب
كما قال الاعرابي الجلف
انما تبكي علي الحب النساء
وفي ذلك مغالطة تاريخية وتاريخ العرب يحفل بالبكاء والنحيب
|
|