يا مستنير يا مستنير

04:47 AM February, 05 2017

سودانيز اون لاين
محمد البشرى الخضر-العين-الإمارات
مكتبتى
رابط مختصر

طبعا الكذّاب مسح الإستفسار دا من بوست الإبتزاز الجديد, لذا كان لابد من استفسر في بوست لحاله والله المستعان
كتب الكذّاب في البوست التالي هذا الـتوضيح هام

Quote: عزيزى القارى والمشاهد ..اتصل بى عدد من الاصدقاء ومنهم معاوية الزبير وابوبكر صالح وعباس الدسيس ..بخصوص الكوز السرى السابق بابكتتتتتر عباس الشهير ب بابكر بانت وابوبكر عباس ..واحتراما لهولاء قمت بشطب ومسح بوستات متعلقة بهذا الكويز ..مشروع الجمهورى الفاشل ومشروع المستنيتتتر البيض ..بس الخلا عادتو قلت سعاتو ..ورجع هذا المازوم لعادته ..المهم النوريك حد الملاحقات دى شنوعليه لن اقبل اى نقاش حول فضح هذا الانتهازى المراهق . .ونتابع الجديد.عذرا ..اوع ى تجرى انتهى ...................................................................................................................................................................................... كتب بابكر بانت يا عطبرة، الصائم ليس شيوعي حقيقي، هو أقرب للصوفية الشيوعية دي بتكون وقعت في دربو ساكت بصداقات أيام الشباب وكدا لو متابع لكتاباتو بتلقاهو فكريا أقرب للكيزان ...................................................................................................................................................................................... تانى برجع بيك لوراء ي بابكر بانت انت لامن تمشى امريكا بتنزل وين وليــــــــــه؟ انا لو فى محلك ما بكتب فى الاسافير ولا بظهر ..وانت عارف كدا والشهود احياء ...

كان استفساري المأستك:

النبي يا مستنير تورّينا لامن تمش أمريكا بتنزل وين وليه
قصّة بانت خلّيها أسّي شكله السيناريو لسّة ما زبط :)

طبعا يا عزيز بشاشا القارئ لم يخف عليك الأسلوب القذر الواطي في الإبتزاز و التلميحات المقصود منّها اثارة كلام واطي و ينتهي الموضوع بإتصّال من اصدقاء و ياخ ما في داع و شغل علاقات عامة و اخ اخوان وبتاع
يمسح البوست دون ذكر او معلومة او التدليل عليها \الفكرة أساسا في كسر العين بتلميحات قذرة و نظام أنا بعرفك وبعرف تاريخك ومش عارف ايه
هذا الأسلوب بتاع تالتة ورابعة ابتدائي لازال يمارس في الألفية الثالثة و بعد مرور عقد ونصف على ميلاد المنبر!!
معقولة بس !!

Quote: انا لو فى محلك ما بكتب فى الاسافير ولا بظهر ..وانت عارف كدا والشهود احياء ...

طبعا لا في سبب يمنع من الكتابة في الأسافير ولافي شهود ولا أحياء ولا أموات ولا في موضوع أساسا
كل ما في الأمر هو المكتوب بالأحمر, لا تكتب ولا تظهر, أو لو كتبت ابعد عن طريقي ولا تتعرض لي
تخيّل مستوى السذاجة, هل يوجد في عام 2017 وفي عهد السايبر و العالم صار في جيبك من يمكن ان يرضخ لهذا الأسلوب yet
بل أساسا هل لازال هناك من يستخدمه! في اي كهف كنت وكم لبثت؟

.

صراعات بكور الجانبية ... أفقدته خاصية التركيز ورفد المنبر بدسم الكلام وحلوه ...


سلام يا هندسة ...

وعليكم السلام عزيز
لمسالة ما متعلقة بأبّكر تحديدا, الفكرة في الأسلوب و المنهج
أنت نفسك رغم شغل العلاقات العامة عطبرة و بتاع لو اشتبكت مع الكذّاب إن شا الله في هلال مرّيخ ما تستبع يطلع ليك بمصيبة زمان من أيّام المدرسة
عادي! طالما بعض الأصدقاء ح يتصلوا و يباركوها :)

سلام يا باشمهندس ود البـُشــرى،

معاك حق والله، في تثبيت الحقوق وإحقاق الثوابت؛ مع إنّو واجب ثقيل الوطأة، ولا يخلو من مساخة

وإنها لطريقة بئيسة، هذه التي تستهجنها بوضوح وببوست جديد حديد؛ ولا تصدُر إلّا عن عقول يستهويها المُكاء والتصدية ..!

وإنها لعقول بتفتكر أنّو القطَر ما فيهو مُفتِّشين

ولله تعالى الحمد، فالنِّتْ ده، ما فيهو شيتاً بــ ِ ينستر ساي كدا ..! ولا فيهو "لوجة" أو "لهوجة" ممكن تمُر ببساطة.


أعانك الله
وهدّأ سِــرّ الخطّائين ..

والتحايا للمُستنير، ولكّانه القائل:

ولقد دخلتُ على الفتاة الخِدرَ في اليوم المطيرِ
الكاعب الحسناء ترفُل في الدّمقسِ وفي الحرير
فدفعتّها .. فتدافعتْ مشيُ القطاة إلى الغديــــرِ
ولثمتُها .. فتنفّسَــتْ .. كــ تَــنَــفُّس الظبي الغرير ..

ما إنْ شَفّ حُبٌّ لها من .. راحَتَيْ سواخناً حتى دهتني: ده شنو دا يا مُســتنير*

مع وافر تحاياي لك عزيزي أباحُميد



ــــــــــــــــــــــــــــ
* أخشى أن يحاول المُستنير مُجاراة المُنخَّل، فلا يجد قافية إلّا في ال "بشاكير" و النّوق العصافير

(*)

دويتو جديد في البورد :
ودالبشرى - أبوجودة

الواحد محتاج يذاكر شويتين اليومين ديل , الله يستر ما أكتشف إنو طلحة بقى مفكر تقدمي .

الناس خلت الطرح الواعي
وبقت تقابض في بعض
بقينا عاوزين اجاويد في المنبر مهمتهم فك الاشتباكات
وفتوات عشان يدقوا المتنمرين من المنبريين
سودانيز اونلاين انعكاس للواقع السوداني

اقلب القدر على فمها تطلع البنت لى امها
آمنت بالكتابة ذات الاوتاد
انتو قايلين الاستيساغ ده شنو ؟
طرح مبدئى كبّتو محاسن
ثم حرجلتو
و الله صحى
ثم ثمّة شئ آخر
خخخخخخ مطلحطة

وعليكم السلام ابوجودة
هي يا عزيزي ليست مسيخة أو ثقيلة كدا على إطلاقها لكن حينما يكون المعني أو المعنيين إمّا بتعرفهم أو تخاف منهم حينها فعلا تبقى ثقيلة و الناس إمّا تتجنّب الدخول أو تدخل وتهرّج كدا كما كمال الزين وجلادونا :)
أو تدور حول الحمى من بعيد لبعيد وتقعد تعمّم و الناس وما الناس ولا تطعن في قلب الفيل وتسمّي الأشياء بأسمائها زي صاحبنا الصادق
ويا شباب اي نعم ادري صعوبة التعليق الواضح و الإدانة البائنة العديلة غير ذات العوج, فا الكلام دا مو جديد ومدوّر في المستنير وغير المستنير من زمن والناس - وألوم نفسي كذلك - تجي ماشة بنمرة خمسة و غيرها في هذه التلميحات القذرة الواطية ولا يهم ما ينال الناس من الأذى طالما كما قال جحا أن المش عارف إيه بعيد عن المسائل فلايهمني!
فا شنو لا تزعجوا نفسكم بالتعليقات النيّة أو التهريج يا كمال و جلّي و يمكنكم مواصلة المسير بنمرة خمسة عادي, لكن اعمل حسابك لا تتخذ موقف أو تقول برأي مخالف للكذّاب حول أي موضوع, فحينها عندما ينالك ما ينالك لا تبتئس إن هرّج الناس أو مشوا بنمرة خمسة في ما يؤذيك.

مافي نمرة خمسة ولا نمرة ستة .. يا ود البشرى ..
ده أسلوب غير مقبول وأدينه شخصياً ..
وعيب كبير إنه شخص ناضج وعاقل ..
يلجأ لأسلوب الشتم والسب والتلميحات الغير مقبولة ..
إن اختلف معه أحد ما أو حتى إن كانت للآخر رؤية سياسية مخالفة ..
لأنه ده أسلوب عاجز وعقيم وأخير منه الصمت والتجاهل .
فكامل إدانتي لهذا المسلكـ الغير مقبول أخلاقياً ..
غض النظر عمن هو المقصود ..
لأنتا حنكون كلنا مقصودين إن وافقنا على هذا الأمر ..
نحن هنا أخوان يجمعنا هم الوطن فحتى ان اختلفنا ..
فلتبقى المودة وليبقى الاحترام بين الناس ..
دمت يأخ ..

كيفك يا باش ...
ههههه (كما قال جحا أن المش عارف إيه بعيد عن المسائل فلايهمني!)
علي الطلاق جحا ما قال كدي ... جيت ماشي في كلام جحا بي نمرة خمسه وما سميت حاجات جحا بي أسمائها ... شفتا كلام جحا ونمره خمسه وتسمية الاشياء ... واضيف ليها التماهي الايدولوجي الاعمي حتي في الكضب والتماهي الشللي (ضم الشين) حتي في قلة الادب ... ياها دي الأسباب التي تمنع 99% من مرتادي المنتدي من البوح بالحقيقه خاصة" في وجه نجم البورد الاوحد والمناضل النحرير ....
# محاسن ادينا فندكم ...#

ود البشرى لك التحيات والاحترامات

ما اظني قريت البوست المعني
لكن حسب المقتبس اعلاه فعلاً دا كلام شين جداً
وابتزاز رخيص بطريقة ناس الابتدائية القديمة ديك
هذا الاسلوب غير مقبول
ويا معاوية رجاءً ابعد عن هذه الاساليب لانها غير انها
ستُحسب عليك لن تحقق بها اي انتصار في هذا المكان
والناس تحاول تراعي لقراء المنبر وبالتأكيد لكل منا اهل واقارب
واكيد جزء منهم قاعد يقرأ ويشوف في العمايل دي
فرجاءً يجب ان نترفع عن مثل هذه الاساليب


تحياتي

...

Quote: ما تخلونا نزعا ونقول ليكم نبيل مستنير ونبي

ههههه
حالتك دي ما زعلان يعني .. ؟ ومال لو زعلان كنت ح تقول أنا ربكم الأعلي؟
يا مستجير انت زول كويس من وجهة نظري لكن عليك الطلاق
ما نبيل ولا شفت النبل بعينك .. نبيل يسخر من مهن الناس القسما ليهم
ربهم .. ويتباهي ويتفاخر بانو ساعد علان وعاون فرتكان .. دا إلا
يكون نبي في دين جديد تم أكتشافه للتو ..
بعدين مستنير دي سألناك منها مرارا وتكرارا قلنا ليك كيف يعني ؟
مركب نور في جبهتك تشوف بيهو الطريق وانت رايح جائي من
وإلى مكان ما ؟ واللا بتتقلب بالليل شمعة ؟ واللا كيف بالضبط ؟

كلامك صاح يا صحفي الليق، لا يجوز هذا الحديث بالرغم من انني لم اذكر اسماء واتصلت علي هؤلاء الاصدقاء بخصوص هذه المداخلة،لكن زي اسلوب ود الصائم دا يجب قهره، فهو يحاول يثير غبارا وينقل المعاركلماذا اتحمل معاناة نفسية لنفسي ولمعارفي تجنبا للمواجهة مع كاذب ساذج بسيط؟السخرية من مهنتك هزار ثقيللو زعلت أنا كعبغصبا عنك وعن الليقنبيل، مستنير، نبي وبيطري

عموديتك ما خابرا ..
إلا كونك شيخ عرب مستنير وفنجري ؤ جعلى هراش وجدك العباس بمشيها ..
كنت عايز أضيف ( شريف ) ؤ خفت من هرشت صاحبك أبو علوة ..
دا ما بمنعني أقول ود العبيد غلطااااان..
تحياتي ود البشرى وزواره الأكارم ..

..

..

هظار تقيل كم طن يعني ؟
ثم قلت ليك مرتين أو يزيد بطلنا الشغلانية وإتجهنا للجبال ..

عايز تبقيني صحافي ليق ب ( القصب ) ؟؟
صلح قصبا عنك دي قبل ما أجي أديك بالفرار الشايلو دا .

يا ود البشرى ما تخمّنا ياااخ
البوست بى اسم زول .. و اصر ألحاحاً على كلمة زول دى ..
مع ايقونة ضاحكة تفيد فبما تفيد الونسة و بس
بعدين ياخى الادانة و الشجب لو فيهم فايدة كان حرّروا فلسطين
اها زولك جا و كتب و مسح ثم اظنّه كسح
اها ده يقولو عليهو شنو
عشان اخش بى نمرة واحد و معاها ترس تقيل و صاجات كمان
اعلن ادانتى الكاملة لما ورد من معاوية فى حق الزول زميل البورد
و لكن لا اتضامن معة البتة
... البتّة دى بى مناسبة ... yet ... لاقتنى مكتوبة فى حتّة و عجبتنى و كده

هلا بالشباب هلا و الله
ود القوز, ود الزبير, هيثمنا, بكّور, تنظير و مولانا الملك
شاكر المرور و التعليق
ويا مستنير لحقنا غايتو قرينا المداخلة الفقعت بيها مرارة تنظير:) و كويس انّك مسحتها
معقول انت جاد عايز تجاوب وين بتنزل في أمريكا؟ ياخ دا كلام عيال ساي
المهم...
يا جلّي ياخوي ما في زول جابرك ولا طالبك بي حاجة ولا إدانه ولا غيره
زي ما قلت ليك انت حر تهرجل تضحك تنطط على كيفك لا أحد يملي على الناس ماذا يفعلون, يمكنك تقول رأيك أو لا تفعل أنت حر في النهاية

طبعا الكذّاب شاف بكّور مسح مداخلاته فا حسب سذاجته افتكره لاوز أو خاف وكدا فراح رافع البوست عايز يواصل في التلميحات وكدا
وكمان جاب سيرة فضيحته الموثقة التي اعترف بكذبه فيها بيده بلا خجلة
فا عشان لو كنت ناسي اذكّرك هاك الرابط دا
Re: اعتذار Re: اعتذار

قاعد في المكتبة مخصوص عشان كان نسيت لا سمح الله :)

(*)

انتا يا ودالبشرى حديث الافك بتاعك ده لسا ماكل معاك جنبة ؟
الراجل إعتذر و قال لا أساس له من الصحة و إنتا مصر تقبقبوا ما تبقى له من عمر

بعدين أنا مافاهم أصلاٍ بالمناسبة الحديث الذي أوردته هنا لمن و عن من ..

لفت نظري فقط أن أباجودة صار من أنصار الحق
فأبت نفسي إلا أن أدلو دلوي

يا كمال يا زين جمبة شنو الله يهديك
هو أيّامه اللسة كان بكابر ويجي يتدبّى زي الحرامي يكتب مداخلة ويجري رافض يعترف بكذبه ما كان الموضوع في حد ذاته بعني لي شي, يعني أنا مستني شهادة براءة من ملجة سودانيز دي!! كم أون ياخ إنت أظنّك اوعى من كدا
القصّة وما فيها تنفيس هنابيك و هدم أصنام عجوة صنعها المناتلين ليأكلوها حين جوعة, بالنسبة لواحد مريض بالعلاقات الإجتماعية و المظهر في البورد و كيف يبدو مناضلا صادقا وطوربيدا صاحب مصادر و بتاع كان لابد من كسر أنفه وتمريغها في التراب و إجباره على الإعتراف بكذبه بيده أمام الملأ عشان تنتهي الوهمة دي مرّة وللأبد وهذا ما تم بحمد الله توفيقه
و أيضا كان - ولا زال - من المهم مواجهة هذا الأسلوب الوضيع الذي لا يشبه العصر ولا المرحلة العمرية ولا الوعي المفترض الفيه الناس
اسلوب بعرفك وتاريخك واكسر عينك على طريقة تالتة ورابعة ابتدائي, وزي ما قلت فوق قد ينجح الاسلوب دا مع ناس اولاد ناس ما عايزين مشاكل و يفضّلوا يعملوا رايحين أو مهرّجين - زيّك كدا :)
لكن وين؟ في ناس واثقة من روحها وما بهمّها الكذب عليها في لا الأسافير التخيّلية ولا في الواقع نفسه و العبد لله ولا فخر واحد من هؤلاء
لذا ما بعمل رايح و بحب أنفّس الهنبوكة بالطعن في ود عينها ولا أتضارى وراء فلان أو شغل العلاقات العامة
اتمنّى تكون وقعت ليك الصورة وزي ما قلت لجلّي أعلاه ما تتحسّس لا احد يجبرك على اخذ الموقف السليم سوى ضميرك :)

(*)

يا أبا حتوت

الموقف إتخذناه زمان و موجود في لنكك الحايم بيهو بتاع الإعتذار ده ..
المهم أقبل الإعتذار و خلي روحك رياضية ..
بخصوص أي إفك جديد , حسابو براهو ..

Quote: بحب أنفّس الهنبوكة بالطعن في ود عينها

الطعن في ود عين الهنبوكة يطرشقها لا ينفسها فحسب
ضرستونا ياخ بأهمالكم دا .

أزيك يا كمال الزين العريس السابق .. شوق عظيم يا رجل .

سلام يا باشمهندس، ود البُشرى..
شنو ياخ ..؟ هسّة كلام كمال ده:

Quote: لفت نظري فقط أن أباجودة صار من أنصار الحق فأبت نفسي إلا أن أدلو دلوي

ألا يستاهل منك أن تطعنو ليهو في ودعينو، ومن جــوّة ..؟

مع أنيّ لم أُفلِتْ تَشــَّتكَ له تشــّاً في هنبوكة منتفخة كالتي يحملها عزيزنا ال(صعلو-حنكوشي) كمال، في رأسِه، حيثُ كتبتَ:
((( وزي ما قلت فوق قد ينجح الاسلوب دا مع ناس اولاد ناس ما عايزين مشاكل و يفضّلوا يعملوا رايحين أو مهرّجين - زيّك كدا )))
واللذيذة شنو! يا عَملات الحاج مِتذكِّر (جمال عبدالرحمن) و صاحبو المهرج (الفنان عوض شكسبير): أنّو ما جاب خبرا ،وأعني التَّشّة في الصنقور ال(صعلوشي) وكدا

والتحايا للجميع،
وعلى رأسهم العزيزين طلحة وكمال؛
وإن كان من استثناء في بذل تحايانا (وقليلاً ما تحوووق!) فإني أستثني المستنير، على ما فيه من نُبلٍ، فأهل النبالات ال زيّو، متحسِّسين بطبعهم من تكرار التحيات الطيّبات الزّاكيات ..!
أو ماااالهم ــش فيها نصيب

يا كمال يا زين اللنك ما حمت بيه عبثا أو تحسيسا
زيما قلت ليك الواطي دا عايز يطاعن بسيرة حسن شحاتة فا رديت ليه التحية بأفضل منها كما اعتدت دائما
ثم كما قلت انا لم اطلب اعتذار ولا يعنيني يكفيني انكشاف الكذبة وانهيار الصنم وعموما دا ما موضوعنا هنا
الموضوع هنا عن نفس الأسلوب و المنهج القذر من اكاذيب وتلميحات جبانة مثله يستخدمها في محاولة اسكات الناس, ودا الموقف المفترض الأشرت ليه


يا تنظير ما تملانا فقر, تنفيس الهنبوكة و طرشقتها واحد - تقريبا :)

يا أباجودة ما تحكها معاي ياخ ههههه
كان قاليك بتنزل وين وليه وزمان في المدرسة كنت تتي أو ماشابه كان قرون استشعاري التقطت, حسّاسيتي زائدة نحو الحاجات الزي دي
بعدين سمح الغنا في خشم سيدو ونحنا نشجّع اللعبة الحلوة

Quote: كان قاليك بتنزل وين وليه وزمان في المدرسة كنت تتي أو ماشابه كان قرون استشعاري التقطت, حسّاسيتي زائدة نحو الحاجات الزي دي بعدين سمح الغنا في خشم سيدو ونحنا نشجّع اللعبة الحلوة

لا لا لا يا باشمهندس، معقولا ..؟ ياخ هو أرفَــع من كدا، يعني more smarter than that يا خ دا كمال الزين وَ ليس معاوية عبيد ..؟!
ما تقولللي تشابه عليك البطَر ..؟! أو تساوَى عندك الضـَّجَــر أو تكون افتكرتَ كلّو مِحَصِّل بعضو




ــــــــــــــــــــــــــــــــــــ
والله آ بوحميد، مبسوط منّك كيف؟ بنسبة 99.98% ممكن تقول؛ أما ال 0.02% لسبب أنو المستنير (أحياناً) يســتاهل..!

جرجير انا كلمتك بدل المرة ألف
قلتا ليك أذا اتا أصلا ملان فقر ما تسويها فيني
حاول اتعايش مع الفقر الفيك دا واللا شوف ليك
طريقة اتخلص منو بعيدا مني ..
القال ليك منو التنفيس زي الطرشقة .. أها دي برضو
عايز تنظر وتتفلسف فيها ؟؟
التنفيس هواء بطلع بانسيابية شششششش كدا
والطرشقة هواء بطلع باندفاع مرة واحدة طراااااااااخ كدا .
قوم لف اتا وفقرك بلا الله أداني .
....
سلام وتقدير كبير لمروض اللغة جودة .

ههههها
عليك النبى يا طلحة هو ساوى بيت تشششش و طاخ طراخ
فى تنفيس النفيسة الهمبوكة
وكمان فيها تنظير !! .. يا عيب الشووووم
يا عيب الشوم شنو كمان .. يا دى الوكسة !!!!
_____
واقعية طلحة مع خيالية ود الخدر تستحق نوط اللفة قوم لف

ههههههههههههاي ياخي مبالغه .... جضيم صاح قال إيه ...
(اعتذار) .... كمان خاتيها في الركن
(كل عام والناس بخير لود البشرى واصحاب ود البشرى وزملاء المنبر والقارى الكريم)
قااااام تكلو علي الحيطه وقال ليهو ....
إعتذار عن شنو يا معاوية ؟؟ أنا ما قلت عايز اعتذار, هي حاجة من إتنين إمّا تثبت إدعاءك بحقي أو تقر بكذبك .... ذاتس إت ..)
قام الزبون استسلم وشلح واعترف ......
(كل عام وكافة المتداخلين بخير سورى للتاخير لانو عندى مداخلة واحدة اكرر اعتذارى واسفى للاخ ود البشرى وان ما كتبته بشانه هنا فى المنبر لا اساس له من الصحة وله اعتذار بلا حدود حتى يرضى’’ شكرى لكل المتداخلين)
ياخي دا بوست ما حصل ... إتا بجح ... المفروض تختفي بعد البوست دا وتقطع وشك نوهايء من هنا ...
لكن دودة نقزو ما بتخليك ....
غايتو علي وزن أسلوب تالته ابتدائي البيعمل فيهو كان تخليهو يتف في الواطه ويلحس تفافو والواطه ... لكن ليك علي لو ما عملتا اسوء من لحس الواطه بس بعيد عن إذاعة أو تلفزة سودانيز لأنو موضوعي خارج اختساس سودانيز.
ود البشري ورهطه ... سلام.
سترك يا رب علي بوست اخونا ود البشري.

Quote: مافي نمرة خمسة ولا نمرة ستة .. يا ود البشرى .. ده أسلوب غير مقبول وأدينه شخصياً .. وعيب كبير إنه شخص ناضج وعاقل .. يلجأ لأسلوب الشتم والسب والتلميحات الغير مقبولة .. إن اختلف معه أحد ما أو حتى إن كانت للآخر رؤية سياسية مخالفة .. لأنه ده أسلوب عاجز وعقيم وأخير منه الصمت والتجاهل . فكامل إدانتي لهذا المسلكـ الغير مقبول أخلاقياً .. غض النظر عمن هو المقصود .. لأنتا حنكون كلنا مقصودين إن وافقنا على هذا الأمر .. نحن هنا أخوان يجمعنا هم الوطن فحتى ان اختلفنا .. فلتبقى المودة وليبقى الاحترام بين الناس .. دمت يأخ ..

سلام يا جمال

المواجهة دوما تحسم مثل هذه الأمور

هروب بكور عن الرد على ما يقوله معاوية عبيد يجعله أقرب للتصديق والصحة

وهي نفس مسلسل ود الباوقة مع معاوية ...

طبعا حكاية حسن شحاته ماكلة جانب مع ود البشرى ()

وعشان كدا كل مرة بحتفي ببوست اعتذار معاوية .. زي حكاية ابيات الزير سالم :)

عيب معاوية بقول أي حاجة حتى لو لم يكن له دليل على صحة كلامه :)

على بكور انو يركز وينفي أو يؤكد كلام معاوية

وعلى معاوية تقديم دليل على قوله ... والا التوقف عن ملاحقة ابو بكر عباس

(هروب بكور عن الرد على ما يقوله معاوية عبيد يجعله أقرب للتصديق والصحة)
ههههههه بالغتا فوكا يا شيخ ... لاعب استوبر عديييل ... الجابرك ومصحيك اربعة صباحا" (توقيت الرياض علي ما اظن) طبعا" بكون الشديد القوي .... يالا يا أبوبكر يا هارب تعال قول للبشاري زماااااان ايام بانت كتا تتي (بي لغة ود البشري) وهسع ساعة امشي امريكا بي عيالي بنزل عند عبدو الT ولا آدم سفير ... دا بالظبط الفهم من كلام صاحبك يا البشاري يلا قول لينا نحنا هنا في سودانيز نستفيد شنو من خولنة ابوبكر ولا رجالة صاحبك دا اولا" ... وثانيا" منو المطالب بالاثبات هل هو المتهم أو المدعي ... علي ما اظن صاحبك المفروض يفرش ادلته علي الإتهامات الخايسه دي هنا ولا تتطالبو بي بوست (اعتذار) تاني إذا ما عندو ادله ... امنتو بالله.

Quote: سلام يا جمال المواجهة دوما تحسم مثل هذه الأمور هروب بكور عن الرد على ما يقوله معاوية عبيد يجعله أقرب للتصديق والصحة وهي نفس مسلسل ود الباوقة مع معاوية ... طبعا حكاية حسن شحاته ماكلة جانب مع ود البشرى وعشان كدا كل مرة بحتفي ببوست اعتذار معاوية .. زي حكاية ابيات الزير سالم :) عيب معاوية بقول أي حاجة حتى لو لم يكن له دليل على صحة كلامه :) على بكور انو يركز وينفي أو يؤكد كلام معاوية وعلى معاوية تقديم دليل على قوله ... والا التوقف عن ملاحقة ابو بكر عباس

مرحبتين يا بشاري ..
وجمعة مباركة عليكـ ..

انت عارف أنا ختيت حتة ..

Quote: غض النظر عمن هو المقصود ..

ليه ؟ ..
مخصوص عشان ما نكون قاعدين نفصل قاعدة لمواقف بعينها ..
او لشخوص بعينهم لأنهم مش الأساس ..
الأساس نحن عايزين ننشر فهم وقاعدة عامة يتوافق عليها الناس ..
وتبقى زي ميثاق شرف للكل عشان ما يحصل مايعكر صفو المكان ده ..
ونرجع تاني نعاني من مواقف مش ولابد واتهامات مطلوقة في السهلة بلا أي دليل ..
بعدين الناس لازم وحتماً تتخاصم بشرف وتبعد من حتة كسر العين والنبز ..
والتلميحات التي لها اكثر تأويل لأنه الحاجات دي تبعاتها ومآلاتها ..
بتصل الأسر والبيوت وحيعانوا منها ناس ما عندهم ذنب ولا اعضاء في المنبر ..
ثم الناس البيمارسوا الحركات الزي دي كاداة من ادوات النضال ..
المفروض يرتقوا شوية ويفهموا إنه ده شيء غير لائق وغير أخلاقي ..
ورد الفعل منطقياً لازم يكون مساوي للفعل مايكون بهذا القدر من الفجور في الخصومة ..
لان المنتصر حيكون هو الخاسر الأكبر في نهاية المطاف ..

وزي ما قال ليك قريبي صلاح زبير انت المصحيك زي الوكت داك شنو ؟ .. ههههه ..
ثم بطّل لعب الباكات الخشن ده يابشاري ( ) ..

لقد تعبت من شعبطة جريوات سودانيز أون لاين بكندا, السعودية وأمريكا
ان اردتموني فارسا مقاتلا في هذا الفضاء، فإنني أقول لكم قول الجسور عمر بن هشام:
آتوني بأندادي

واحد من ود الطيور جاء الخرطوم نزل مع ودعم عمدتم في السجانة
ركب تاكسي ماشي ام درمان، جنب الهيلتون، قال لبتاع التاكسي:
العمارة دي تكون كلفت ١٠٠ جنية؟
بتاع التاكسي طوالي وقف ونزلو من التاكسي وقال:
دا لو وصلتو ام درمان ح يديني كم؟!

و لا يزال يمارس ضلاله القديم
وى كأنه لم يأته نبأ قارون
و ذلك الذى جاء بأهل السحر و قال انى ربكم الاعلى
و من جلس القرفصاء و قال آتونى بالحنشرة الفنشرة
ثم فقه القوم
و ضحكوا .. وى كأنهم يقولون
المستنير ده عوير وللا شنو
قال كبير القوم
شنو

ويحك.. أتستشهد بقول عدو الله ورسوله!!

عملت تصنيف لعضوية سودانيز وفق مقياس من صفر لعشرين درجة.
مثلا مثلا:
شاهين ومحمد طه الملك درجتم حداشر
ود البشرى سبعة
أي زول درجتو أقل من خمسة؛ خالص ما برد عليهو مباشرة

الدرجتم أقل من تلاتة؛ ما بقرأ مشاركاتم
وديل السواد الأعظم

ثم تبسّم يا ابن الزبير
و ألتفت الى الياروان و قال: اين هامان
قيل : انه فى البحيرة يصطا سمكا
قال : و يحكم من اين اتى بالسنّارة
قالوا : قد استعان بالاستنارة
قال : حتماً قد استعان بى صارقيلا
قيل : و كيف تحتم
قال : و كمان درجة رابعة مما يعد المستنير
فضحك القوم و قالوا
المستنير ده عوير وللا شنو
قال كبير القوم
شنو

حبابك (عشرة) بلا كشرة يا معاوية

Quote: ليه ؟ .. مخصوص عشان ما نكون قاعدين نفصل قاعدة لمواقف بعينها .. او لشخوص بعينهم لأنهم مش الأساس .. الأساس نحن عايزين ننشر فهم وقاعدة عامة يتوافق عليها الناس .. وتبقى زي ميثاق شرف للكل عشان ما يحصل مايعكر صفو المكان ده .. ونرجع تاني نعاني من مواقف مش ولابد واتهامات مطلوقة في السهلة بلا أي دليل .. بعدين الناس لازم وحتماً تتخاصم بشرف وتبعد من حتة كسر العين والنبز .. والتلميحات التي لها اكثر تأويل لأنه الحاجات دي تبعاتها ومآلاتها .. بتصل الأسر والبيوت وحيعانوا منها ناس ما عندهم ذنب ولا اعضاء في المنبر .. ثم الناس البيمارسوا الحركات الزي دي كاداة من ادوات النضال .. المفروض يرتقوا شوية ويفهموا إنه ده شيء غير لائق وغير أخلاقي .. ورد الفعل منطقياً لازم يكون مساوي للفعل مايكون بهذا القدر من الفجور في الخصومة .. لان المنتصر حيكون هو الخاسر الأكبر في نهاية المطاف ..

سلام يا جمال ..

وجمعتك مباركة ..
يا جمال الصراعات هنا نوعان سياسية فكرية والتانية شخصية

ومع الاسف لا يوجد سقف في استخدام الادوات في هذه الصراعات

والمؤسف أكتر هو عدم وجود ضوابط وقوانين صارمة لضبط مثل هذه السلوكيات

وبعدين شنو حكاية كسر العين :)

من يعتد بنفسه ويحترم نفسه لا يمكنك كسر عينه

مصطلح كسر العين دا ما محلو ابدا ...

وبعدين ياخ السياسة دي لعبة قذرة .. واظنك تابعته حملة هيلاري وترامب شكلها كان كيف

يا جمال الحوار هنا زي حوار الاخوين برشم ... قدم الكورة والحقها ولو الخصم شالها منك شلتو :)

هذا الاسلوب على فكرة ما مقصور على المناضلين فقط

الكيزان .. والردماديين والمحزبين وناس قريعتي راحت كلهم يستخدمونه

شكرا لتفضلك بالرد ....

صلاح الزبير

جمعة مباركة ياخ!

ثم خش الضل عليك الله واقطع ليك كوز موية سااااقط :)

Quote: ههههههه بالغتا فوكا يا شيخ ... لاعب استوبر عديييل ...

يا صلاح ما تبقى زي اخونا الدخل كورة هلال مريخ واتفرجخ في مدرجات استاد الهلال

وبقى يشجع وهو لا عارف هلال ولا مريخ

اقجي يستلم الكورة يشجع " يلا يا اقجي متعنا ياخ .. ان شاء الله بالارضي "

المريخ يستلم الكورة " يلا يا زيكو شوت"

في النهاية الجماهير احتارت في امره فقاموا سألوه

يا زول انت هلالابي ؟
صاحبنا : لا
طيب انت مريخابي ؟
صاحبنا : لا
طيب انت شنو؟
صاحبنا : أنا فلاتي ()

فانأ لا استوبر ولا سيرد باك .. قلت رأي فقط في الموضوع


نرجع للموضوع

يا صلاح الطبيعي لما زول يتهمك بحاجة بتجي تنفيها على اقل تقدير
وتحاول تثبت انو الزول دا كذاب وكلامه غير صحيح
ودي حاجة طبيعية ...

اوقعها ليك لأنو شكلها الحبوب ما بتنفع معاك .. ولازم نديك ليها ك "درب بالوريد"

ناخد مثال ود البشرى دا :)

لما معاوية قال كلامه فيهو اجتهد وثابر وقبقب معاوية لغاية ما اعتذر

وياهو زي ما انت شايف لي يوم الليلي دي قاعد يبشر ببوست معاوية ... والله صحي :)

ما قاله معاوية كثير في حق بكور صاحبي برضو واديك امثلة

كوز ... واسمه بابكر ما ابو ابو بكر .. وانو جرى وترك الملاية .... وداخلية القرشي وشنو شو كدا ما عارف ... المهم الخ الخ

فانت ليه مركز في حتة عبدو T وادم سفير ؟

عبدو وادم ماتوا من زمان وما أظن المستنير يكون لحق عهدهم

Quote: عيب معاوية بقول أي حاجة حتى لو لم يكن له دليل على صحة كلامه :) على بكور انو يركز وينفي أو يؤكد كلام معاوية وعلى معاوية تقديم دليل على قوله ... والا التوقف عن ملاحقة ابو بكر عباس

صلاح الزبير في ذمتك قريت المقتبس الفوق دا ؟

انا مش قلته ليك خش الضل؟

الحكاية صراح سياسي وما اظنك عارف ليه معاوية ساكي المستنير

وفي السياسة وفي سودانيز الناس بتستخدم اي حاجة مع الاسف لتحقيق الانتصارات

وهو اسلوب مدان مني ولا أؤيده ...

Quote: ثانيا" منو المطالب بالاثبات هل هو المتهم أو المدعي ... علي ما اظن صاحبك المفروض يفرش ادلته علي الإتهامات الخايسه دي هنا ولا تتطالبو بي بوست (اعتذار) تاني إذا ما عندو ادله

معاوية مطالب بتقديم أدلته او اعتذار

وفي اللحظة بكور مطالب بالدفاع عن نفسه واثبات عكس كلام معاوية

وعشان كدا قلنا ليك هروب بكور يجعل من كلام معاوية اقرب للصحة والتصديق


واخيرا وبالنسبة للمقتبس أدناه لا يسعني الا أن اقول لك

Quote: الجابرك ومصحيك اربعة صباحا" (توقيت الرياض علي ما اظن) طبعا" بكون الشديد القوي

مش شغلك :)

أي بوست لي، يحمل اسمي أو اتداخل فوقو؛ كليكاتو تصل السما!
أقترح على العضوية الجديدة بدء الدخول للمتبر ببوست بعنوان:
سلام يا مستنير

خلال تلاتة سنوات فتحت ١٢٢ بوست باسمي من طالبي المعرفة، الصداقة والشهرة

للحق، البوست دا، غير

حبيبنا البشاري ... جعل الله جمعتك مباركه وطيبه بذكر الله ...
غايتو كلامك الفوق دا يؤكد بعضه بعضا وينفي بعضه بعضا ... كدي اقراهو بعد ما تشيل منو حكاية الضل وشراب المويه البارد ومشجع ريال مدريد الدخل كورة هلال مريخ وبرضو شيل لي بره حكاية الدربات ألفي الوريد دي ومعاها شماعة السياسه والنضال الفشنك ... بتبقي الزبده التي تتمثل في دفاعك عن واحد صايع بيتهم زول محترم بي كلام بتاع شوارع ممكن يقولو اي ص ع ل و ك في اي صدام حتي مع زول ما بعرفو ... عشان كدا بكور ما مطالب ينفي وإذا صاحبك عندو ذرة مصداقيه يجي يكب دليلو هنا ويسكتنا يا تفتح ليهو بوست اعتذار وتتكلو في الحيطه عشان يقول انا كضاب ... يا البشاري البوست دا مفتوح عشان يا تتي ودلالة آدم سفير وعبدو T الاصلا" ما شافو بوركينا فاسو مش امريكا والما حضر بكون سمع ... أما بخصوص الاتي :-


واخيرا وبالنسبة للمقتبس أدناه لا يسعني الا أن اقول لك Quote: الجابرك ومصحيك اربعة صباحا" (توقيت الرياض علي ما اظن) طبعا" بكون الشديد القوي
مش شغلك :)

ما عايز اقول ليك الزول البكون صاحي ومفتح بكتب كلام متماسك غير الزول البكون مصحنو ويقوم يكتب اي كلام ... لكن عجبتني ابتسامتك بعد الحقنه الشرقيه (شرق الجسم ممكن يكون محل الكلوه اليمني) ..... (مش شغلك :) ) ...
تحياتي

Quote: لكن عجبتني ابتسامتك بعد الحقنه الشرقيه (شرق الجسم ممكن يكون محل الكلوه اليمني)

صلاح حبابك

يلا بعد مقتبسك دا انت بتكون نسفت الفكرة التي تدافع عنها تماما

ولحقته ناس عبدو T وشلته ..

اجد نفسي اسفا للحوار معك واعتقد انها المرة الأولى

وستكون الاخيرة باذن الله

قلته لي جنب الكلوة اليمنى؟

ابقى شمس ما تغيب ...

أووووو جابت الخبير كمان دا خريف ابو السعن خلّي بالك
معناها الوضع متأزّم بالجد, و مناداة صديق الموج ما نفعت و لا الدعم الفني بتاع آخرين فا الموضوع احتاج خبير التدليس وشهادة الزور هيمسلف
لحدي ما أجيك برواقة يا خبير اهدي الرابط دا للأخوان الما كانوا متابعين أيّامها البوست الشهير سبب اطلاق تسمية الخبير

ما يختص ب(الدرويشة بت ضياء) .. وعشان الحاجات تبقي كويسه!

مرحب بيك يا خبير و طوّل بالك معانا بالله :)

Quote: مرحب بيك يا خبير و طوّل بالك معانا بالله :)

آسف لأنك زول ساقط في نظري وسليط اللسان ولا تتورع عن السب والشتم بأقذع الالفاظ

ومن زمان تركت التحاور معك ... الاخلاق لا تتجزأ يا حبيب

انا رديت على جمال القوز وفي جزئية معينة .. وتداخل صلاح الزبير ولما طلع من المسار

عملته quit من البوست

فشنو اكسب زمنك باللاي :)

Quote: باللاي

أكتبها بالله دا اسم الجلالة
عموما هروبك المتوقّع لا يمنع الاستفادة من الفرصة في تشريح خبرتك في التدليس و الفهم الأعوج و شهادة الزور التي تتبرع بها و عكسها للاعضاء الجدد الماكانوا حاضرين ايّامها ليروك على حقيقتك
مابقول ليك تابع لأنّك ح تتابع مجبور على القل تشوف الدمج اللحق بالصورة الوردية المثالية البتحاول ترسمها قدر شنو

يا شيخ البشاري ..... الكابشر كدا ....
لكن عجبتني ابتسامتك بعد الحقنه الشرقيه (شرق الجسم ممكن يكون محل الكلوه اليمني) ..... (مش شغلك :) )
شوية تفتيحه كنتا اكتشفتا انو الحقنة حقنتك وانتا الضربتني بيها ... :) دي مش الابتسامه ... ودي الحقنه (مش شغلك) .... لأنو مستحيل اقول ليك كدا مع أول تداخل معاك ... مؤكد قرارك بعدم التداخل معي صحيح 100% خاستا" بعد شفتا التناقض الواضح والصريح بين ما كتبته في هذا البوست ومقارنتها بما خطته يداك في الدرويشه بت ضياء ......

عندما تكون سمعة الناس وأعراضهم على المحك ... وبذات المنهج الذي انتهجه ابو حسين في الأدلة المادية سأسير .. الحقائق يجب أن تكون يقينية وثابته لا يرقى اليها الشك .. ولا يتأتيها الباطل لا من فوقها ولا من تحتها ولا عن يمينها ولا شمالها.. كل ظن مردود ما لم يثبت بالدليل القاطع.... حبيت أكد على النقطة دي قبل البداية الفعلية لدراما البوست.

Contender
المنافسة
واحد من الأفلام الخالدة في ذاكرتي، رددت فكرتو كثيرا في مداخلاتي
يحكي عن ترشيح سناتورة امريكية من قبل الرئيس لمنصب نائب الرئيس الذي خلى بموت مفاجيء لنائب الرئيس.
أثناء الفحص وقبل عرضها على المحلس، قام بعض من الاعضاء مع الصحافة الوسخة في تتبع ماضيها الجنسي
لفقت حول انصاف حقائق تهم وضيعة لها
دخلت في صراع:
هل تدافع عن نفسها بنفي هذه التهم؟ وهي قادرة
أم تمشي مع قيمها وترفض أن تسمح لأحد أن يتحدث عن خصوصياتها؟ حتى لو تضيّع المنصب
انحازت للخيار الثاني
وكانت بالفعل ملحمة بين المبادي والوساخة
ألقى فيها الرئيس خطبة عثماء تحت قبة العم سام
شاهد الفيديو:

يا بشرى، يا أخي، عبد الوهاب علي الحاج ومحمد الصائم دا في البوست دا اتقطعوا عديل
شكرا على هذا الرابط الغني الدي لم يترك شاردة ولا واردة إلا أحصاها في فحصٍ مبين
كنت ناوي أكب لي لمبتين تلاتة بتاعات استنارة لهذا الخبير،
،لكن الموضوع دا هوب ليس كيس

الشكر لبكري الوداه مكتبة بوستات توثيقية متميزة - تخيّل !!
يعني زي بعد مية ميتين سنة كدا أحفاد احفادنا يكونوا عايزين يتعرفوا على تاريخ السودان يقوموا يبحثوا في أكبر موقع سوداني على الشبكة عن نقاشات و حوارات أجدادهم يقوموا يشوفوا المنقة الفوق دي و حسابات الكابيتال و الاسمول الكان الخبير يتنقل بينها الليل كله هههههههههههههه
تخيّل ح تكون ردّة فعلهم شنو:)

حبيبنا ابو جودة الله يديم البسطة ويكمّلها المية في المية إن شاء الله:)
وبالطبع فرق السما من الواطة بين كمال يا زين و كذّاب البورد , ما فاتت علي دي !

Quote: القال ليك منو التنفيس زي الطرشقة .. أها دي برضو عايز تنظر وتتفلسف فيها ؟؟ التنفيس هواء بطلع بانسيابية شششششش كدا والطرشقة هواء بطلع باندفاع مرة واحدة طراااااااااخ كدا

بالله دي حالة دي!!
قوم لف يا زول بالجد كدا

Quote: قام الزبون استسلم وشلح واعترف ......

ههههههه متعة يا ود الزبير قاليك
طبعا دا الخلاصة, لكن في كمية روابط منها الموجود ومنها الإتلحس و عربي اتصرف و اصطفاف غريب وتبريرات عجيبة تحيّرك, و الأغرب ان كثيرين كانوا مراهنين عليه و شايفين الموضوع استهداف و شغل امن وكيزان عشان نضاله المزعوم, تخيّل !!
الخلااااص عصر على رقبته داك يقول ليك هو غلطان ما كان يجيب الخاص وما كل ما يعرف يقال ومش عارف إيه
مجرد اعترافه بكذبه صبّت مطرة السنين على رؤوس الكثيرين و بان للعديد مدى تواضع معاييرهم و تدني السقف الأخلاقي لديهم وأن ما يفرق العديد من مدّعي معارضة الكيزان عن الكيزان هو لحية لا أكثر

بكّور ياخي السبعة دي شوية كان سالتني :)

الخبير البشاري أفضل من يزوّر و يدلّس و يحب شهادة الزور زي عيونه, الكوت التالي مأخوذ من الرابط اعلاه بتاع البوست الذي نال لقب الخبير بسببه - من مداخلة بروف أمين رد الله غربته في رأيي تلخّص الموضوع في جملتين معبّرات جدا

Quote: اتو يا اخوانا الأمين البشاري ده حصل ليه شنو ؟!! قبل الفلم ده بكم يوم قريت ليه مداخلة قال فيها انو الناس البتشتم دي و حدد معاوية عبيد و هشام هباني ليه ما بشتمو ناس محترمين !!! و هسي جيت قريت البوست ده، مداخلاتو حيرتني حتى كل متني !!! لكن المحير أكتر اني متعاطف مع معاوية الصائم : ياخي ده بلغ مرحلة من الانحطاط، اصحابو ما لقو ليهم ليه مبرر غير إنو أجهل من إنو يعمل إقتباس، و إنو وقت ما الدرويشة كانت بتتداخل هو بكون نايم سكران!!!

لحدّي ما أجي لمواصلة التفكيك برواقة ههه

طبعا دا غبن شخصي
و محاولة لتصفية حسابات
معاوية اعتذر يعني مفروض يكسر رقبتو و لا يعمل شنو
و يا و د البشرى انت لست بلا خطيئة عشان تتبنى ليك كلام زي دا
و تحاول تفرض فهمك بالقوة

Quote: الشكر لبكري الوداه مكتبة بوستات توثيقية متميزة - تخيّل !! يعني زي بعد مية ميتين سنة كدا أحفاد احفادنا يكونوا عايزين يتعرفوا على تاريخ السودان يقوموا يبحثوا في أكبر موقع سوداني على الشبكة عن نقاشات و حوارات أجدادهم يقوموا يشوفوا المنقة الفوق دي و حسابات الكابيتال و الاسمول الكان الخبير يتنقل بينها الليل كله هههههههههههههه تخيّل ح تكون ردّة فعلهم شنو:)

موبااااالغة طبعا يا ود البشرى

أكيد ما يصح يقروا كلام زي دا ... والله صحي :)

اها اتخيل برضو لما اولادك واحفادك يجوا ويلقوا ابوهم كاتب كلام زي التحت دا








طبعا انا قلت ليك مستوسخ الفاظك وكلامك المؤدب الفوق دا :)

والذي لا ترى فيه عيبا او منقصة وتتشرف بأن يراه ابناءك واحفادك

كل اجتهادك وبمساعدة شلة الانس كان لاثبات ان معاوية كذاب

وطالما انت تسعى لاثبات كذب معاوية .. ما الذي يجعل الناس تصدق اعتذاره المبذول لك

والذي تحتفي به في السنة زي 5 مرات ...

البقرأ كلامك يقول ليك عليك نبي اخلاق تمشي على قدمين

دا مستواك الحقيقي وعشان كدا قلته ليك اني زاهد في نقاشك

بالرغم من تصنيفي ليك ماينس تلاتة،
لكن كدي يا خبرة قول لي: شنو هي التهمة المفروض أنا أنفيها أو أقر بيها؟
قد تكونوا اتفقتوا عليها بالتلفون، لكن لسع ما انطرحت هنا!!
التهمة شنو الأنا هربت منها؟

شوف يا خبرة،
الصائم دا موش بخطط يأذيني زورا، بعد دا كلو ما عندي احساس انو انسانيا ضعيف
عرفتك اسفيريا من زمن بعيد، أنت الناحية الانسانية فيك منتهية
انت الوحيد في الاسافير دي، القلت ليهو عديل وباحساس صادق، انو لا اطيقك

يقول الجميعابي

Quote: طبعا دا غبن شخصي و محاولة لتصفية حسابات معاوية اعتذر يعني مفروض يكسر رقبتو و لا يعمل شنو و يا و د البشرى انت لست بلا خطيئة عشان تتبنى ليك كلام زي دا و تحاول تفرض فهمك بالقوة

الجميعابي الذي تداخل في البوست الذي حاول فيه الكذّاب ابتزاز المستنير و المنقولة المداخلة الأولى منه أعلى متسائلا عن ماذا يقصد معاوية حتى لا يفهم الناس حاجة غلط !!
يعني في رايك دي هي المشكلة انو الكذّاب ما وضّح قصده وخايف الناس تفهم حاجة غلط! يعني من حقه اساسا سؤال شخص لا يعرفه ولا يجمعه به سوى الكتابة في منتدى اسفيري عن اين ينزل عندما يسافر امريكا
واهو اسّي مسح مداخلتك ومداخلته هو نفسه وغيّر عنوان البوست ومتنه, لو ضغطت على الرابط اعلاه ح يوديك لبوست ذوعنوان و متن مختلف
اعتدنا طبعا على الحاجات من النوع دا, لملمة و دامج كنترول وتداخلات من ناس السعودية تحديدا لفك الزنقة, شكله الخطوة الأولى كانت نصيحة بتغيير البوست و حذف الكلام السافل
ودي حاجة كويسة في النهاية ممكن اعتبرها تراجع عن الابتزاز و قلة الأدب التي لا تليق برجل يحترم نفسه وسنه ولا بمناضل مفترض هدفه استعادة الحقوق و المنافحة ضد الظلم!!
طيب يا جميعابي
لنقل جدلا انه دا غبن شخصي هل دا يعني انه صاحبك على حق و مافيها حاجة كونه يبتز الآخرين بطريقة الابتدائي الواطية دي؟
أمّا عن الحسابات فليس لي حسابات اصفيها معه او مع من هو في مستواه ولا اسمح لنفسي ان اعطي شرف الخصومة الشخصية مع هذا المستوى, الأمر في مبتدئه ومنتهاه متعلق بهذا الأسلوب الذي ارفضه و احتقره كما احتقر من يتغاضى عنه بحجج الصداقة أو الإصطفاف أو غيره
و اعتذار صاحبك قلت من قبل لا حاجة لي به ولم ولن يعنيني, موضوعي كان واضح اعترافه بأنه كذب أولا ثم ان يترك هذا الأسلوب ثانيا. واحتفاظي ببوست الأعتراف لايام زي دي كل ما ينكر و ينسى أو يرجع يطاعن - ويا للعجب - بما اعترف و اقر بكذبه فيه اطلعه ليه علّه يرعوي
وشكله فعلا جاب أثر وحقق المطلوب من الجقلبة الحاصلة و مسح البوستات و تداخلات الدعم الفني :)
ونعم انا لست بلا خطيئة و اشكر من يهديها إلي حتى اتوب عنها و اصلحها فانا لا أكابر وأتحرّى الحق أينما كان و اسأل الله ان يعينني على ذلك.
ولم افرض فهمي على احد بالقوة ولا استطيع, ياها نفس الأدوات المتاحة للكل من كيبورد وماوس ما عارف القوة من وين, اللهم إلا كان قوة الحق و المنطق وبعد دا العايز يعمل رايح عن الحقيقة الواضحة كالشمس أو يغطيها بغربال الصداقة و الإصطفاف أو زي منطق الخبير على كيفه لا أحد يجبر احد على أن يستخدم عقله أو يحيي ضميره.

ثم دا كلّه برّة موضوع البوست, وهو محاولة الإبتزاز الواطية اعلاه,ولا حتى من باب انصر صديقك ظالما نرى تعليقك عليها

ما قلت ليك مجبور تتابع يا خبير, متوقع من شخص كل همّه كيف تبدو صورته راقية ومهذبه والأخلاق عنده سقفها عدم التلفظ بالفاظ قاسية او بذيئة وما عنده مشكلة مع الكذب و التدليس بل و شهادة الزور الواحدة دي!!
بس ما اتوقعت تفك جواكرك بالسرعة دي؟ ح تكتب شنو تاني
ثم تقول أنّك مستوسخ مداخلاتي ههههه ياخي انت مكبشرها و محتفظ بيها هاك الإستوساخ دا :)
المداخلات المكبشرة دي افتخر بيها ايّما فخر ومستني يكبر الأولاد و اشرحها لهم, عشان يعرفوا ابوهم كيف لم يرضخ للإبتزاز وكيف رد العدوان كما هو دون زيادة أو نقصان لمن اساء لأبيهم وأمهم
المداخلات الفرحان بيها وجبتها منزوعة من سياقها كلها و غيرها موجهة لشخص واحد هو الواطي الحقير خضر الطيب وفي محلها ويستحقها تماما ولو تاني جا وقل أدبه سأكيل له مثلها بل واقذع
خضر الواطي أحقر و أسفل من كتب حرفا في هذا البورد سواء بإسمه الحقيقي أو بالطرحة الكان بليسها ويتبلّم بيها بكل جبن من الفيس بووك
ياخي دا من شدّة ما أحتقره تخيّل شايفكم انت و الكذّاب انبياء عديل كدا مقارنة به! تخيّل أنت بي حالك دا تكون نبي مقارنة به يعني دا حاله بكون شنو!!

تقول يا خبير

Quote: كل اجتهادك وبمساعدة شلة الانس كان لاثبات ان معاوية كذاب وطالما انت تسعى لاثبات كذب معاوية .. ما الذي يجعل الناس تصدق اعتذاره المبذول لك والذي تحتفي به في السنة زي 5 مرات ...

ههههههه صدق السمّاك لمبي! ياخي شوّقتنا لأيّام الدرويشة الله يطراها بالخير, أيّامها الواحد بضحك من تصبح لامن تمسي في بوستك
قلت لي أصدّق اعتذاره خخخخخخ
يعني أنا ما عارف روحي ومستنيه يورّيني, ياخ انت بالجد مصيبتك يعزّو فيها, زول أنا عايز اثبت كذبه يقوم يقول أنا كذّاب دا مش يكفي, كون الواحد يقول أنّا كذبت تاني شنو, دا طبعا للبني آدم الطبيعي البتعني ليه مصداقيته حاجة
ثم انا لم أحتفي بالرابطولا بإعتذاره خمس مرات سنويا فقط, بل كل ما ينسى أنفه الاتمرّغ في التراب و مصداقيته التي ذبحها بيده و تشيله الهاشمية و تطبيل الأخوان و يقوم يجيب سيرة الكذبة تاني بطلّعوا ليه واهو زي ما قلت فوق النتيجة بانت بي سرعة في جقبلتكم وتغيير البوست !
فهمت يا خبير!! ما أظن لكن ما مشكلة طالما ح تتابع أكيد ح تفهم بالتكرار :)

تقول علي عامل فيها نبي اخلاق خخخخ طبعا بمقاييسك و معيارك الأخلاقي و سقفك المتدني دا فهمك
لكن ما مشكلة يا زول طالما حتى بمعيارك وسقفك المتدني اظل افوقك بسنين ضوئية وعشان تعاين لي محتاج تصنقع وترفع راسك فما مشكلة انا ما بعاين لتحت عشان اشوفك :)

ح ارجع لباقي تدليسك الفوق لا تشيل هم

الأمين والجميعابي سلام
بصراحة ما شايف أي سبب يخليكم تقوموا وتقعدوا في البوست
دا .
جرجير اتا لسة شايل سكينك تقطع بيها في الموية ؟؟

المستجير انت زول كويس خالص ومضحك شديد، حاول
أتعايش مع واقعك وربك كريم ياخ .

نواصل مع الليمبي - اوووبس ! أقصد الخبير

Quote: المواجهة دوما تحسم مثل هذه الأمور هروب بكور عن الرد على ما يقوله معاوية عبيد يجعله أقرب للتصديق والصحة وهي نفس مسلسل ود الباوقة مع معاوية ... طبعا حكاية حسن شحاته ماكلة جانب مع ود البشرى () وعشان كدا كل مرة بحتفي ببوست اعتذار معاوية .. زي حكاية ابيات الزير سالم :) عيب معاوية بقول أي حاجة حتى لو لم يكن له دليل على صحة كلامه :) على بكور انو يركز وينفي أو يؤكد كلام معاوية وعلى معاوية تقديم دليل على قوله ... والا التوقف عن ملاحقة ابو بكر عباس

يقول الخبير المواجهة تحسم الأمور! وهروب بكّور عن الرد يجعلها اقرب للتصديق
لاحظ عزيز بشاشا القارئ ان الأمور المقصود حسمها هي كما وردت في الأقتباس أعلاه

Quote: انى برجع بيك لوراء ي بابكر بانت انت لامن تمشى امريكا بتنزل وين وليــــــــــه؟ انا لو فى محلك ما بكتب فى الاسافير ولا بظهر ..وانت عارف كدا والشهود احياء ...

ليست شأنا عاما أو سياسيا او تاريخيا ولا حتى تشبه قصة مقتل الأقرع و بلل على سبيل المثال!!
ماذا يهم القارئ في معرفة اين ينزل فلان وليه؟ ومن الأساس منو العندو الحق يسأل عن أمر شديد الخصوصية زي دا في منبر عام
المسألة إبتزاز راسه عديل و الغرض كما ورد في الجملة الثانية : لومحلك ما بكتب في الأسافير !!
و يجي الخبير يقول ليك المواجهة و ما عارف الهروب يجعل ما يقوله الكذّاب اقرب للتصديق ومش التصديق بس لا كمان و اقرب للصحة!!
طيب يا لمبي آمّنا بالنظرية, عدم الرد يجعل الأمور اقرب للصحة, ممكن سؤال؟ شنو هي الأمور المقصودة و القالها الكذّاب هنا؟ قال شنو بالضبط؟ أو فهمت شنو إنت
مشكلة الكذّاب دا غير كذبه و افتراؤه أنه جبان كمان, يوم واحد ما جاب كلام مقعّد مفهوم بأسماء وتواريخ عشان يتمسك بيه, ياها كدا يرمي كلام ما مفهوم و إيحائي و يجوك ناس اللمبي و باقي الشلة يتموه
ثم ياتي المطيباتية ناس باركوها وعيب الكذّاب بخلط الخاص مع العام وكدا وثم يأتي من يرمي طوق النجاة و يحلف عليه ما يزيد و ما تقول حاجة وداك ما يصدّق ويشبكه حاضر يا مواطن وما يصدق ويجري
فا شنو يا خبير ورينا الكلام شنو العايز بكري يرد عليه؟
ثم يزلق الخبير المراقة براحة كدا وسط الكلام قال عيبه بقول كلام بدون أدلة, وتجاوز عن العقدة الحقيقية في الابتزاز وفي التعدي على خصوصية الآخرين وفي محاولة اسكاتهم
لكن مع سقفك الأخلاقي المنخفض لا أظن مسالة التهديد و ابتزاز الآخرين في سبيل اسكاتهم أمر مستنكر او غريب عليك يا خبير!

نواصل مع الليمبيهات :)

تعترض يا خبير، على شتيمة ود البشرى، وتقول ليهو: عامل لينا فيها نبي

شتيمة ود البشرى ليك ولأمثالك هي شتيمة نبوة وتحسب في ميزان حسناتو، ولو ما خائف أوصف بالتطرف؛ كنت قلت هي باب من أبواب الجهاد في سبيل الله.

عليك الله، في أنبل مم موقف الرجل دا؟
هو أصلو النبوة دي شنو؟
مبدئية وشجاعة

قارن بينه وبين سكوت الناس أو موقف خالد العبيد حين اتهمني ود الطيور اتهامه الأول بأنني زمان كنت كادر سري للكيزان واسمي الحركي مامون
جا خالد العبيد يحمل غبينة أدري سببها قال ليهو: يا معاوية، الكوز ما بخلي كوزنتو لحدي ما يموت

في سري شلت الفاتحة على مدرسة الكادر

أو موقف كمال علي الزين، ما عارف الزين علي شنو؟
قال ليهو: الإفك الأولى خلاص اعتذر عنها، خلينا نشوف الإفك الثانية
مبسوط جايب التسالي والتبش واتفن داير يشوف المتعة وبعدين ود الطيور بعتذر
دينق الأمريكي زنقتو في حاجة، قال لي أمشي أمشي رد على اتهام ود الطيور ليك بهناك
وحات رب المجرات، لو قعدت في المنتدي مبة سنة لقدام وسكران وشايل قزازتي؛ اصنف مستنير وفايت الناس مسافة متين سنة

الصحيح
المنتدى ومئة سنة

الخاص خاص
والعام عام
ولايجوز الخلط بينهما
اما الضرب تحت الحزام
فتلك عادة قليل الحيلة
وعديم الحجة
والحق حق
وزي مابقول المجنون بتاع صينية ازهري في امدرمان
(وبالطريقة انتو بتضيعونا وانتوا اصلكم ضايعين )

دا شنو يا مستنير! انتهيت منّي لكن ههه
ثم الخبير النماذج الجابها دي ليست شتائم له, كلّها لشخص واحد و يستحقّها واقذع منها في رأيي

نواصل مع الليمبي - قبل المواصلة وبمناسبة بوست الدرويشة tip للما عنده حيل للصفحات الطاطاشر كلّهن عليك بالصفحة التامنة فيها المنقة بس اعمل حسابك وانت بتضحك لا تزعج الجيران ولا أنصح بقرائتها في المكتب :)
يقول الخبير

Quote: يا جمال الصراعات هنا نوعان سياسية فكرية والتانية شخصية ومع الاسف لا يوجد سقف في استخدام الادوات في هذه الصراعات والمؤسف أكتر هو عدم وجود ضوابط وقوانين صارمة لضبط مثل هذه السلوكيات وبعدين شنو حكاية كسر العين :) من يعتد بنفسه ويحترم نفسه لا يمكنك كسر عينه مصطلح كسر العين دا ما محلو ابدا ... وبعدين ياخ السياسة دي لعبة قذرة .. واظنك تابعته حملة هيلاري وترامب شكلها كان كيف يا جمال الحوار هنا زي حوار الاخوين برشم ... قدم الكورة والحقها ولو الخصم شالها منك شلتو :) هذا الاسلوب على فكرة ما مقصور على المناضلين فقط الكيزان .. والردماديين والمحزبين وناس قريعتي راحت كلهم يستخدمونه

للخبير نظرية شهيرة قال بها من قبل - في ما معناه: أنه الناس البشتموهم الطوربيش و هبّاني يستاهلوا, وليه الاتنين ديل ما بشتموا ناس تانين
واستخدم المثل أمش عدل يحتار عدوّك فيك
يعني إنت يا المشتوم غلطان ثم غلطان!! تخيّل
هل لاقاك تدليس زي دا من قبل؟ ياه نفس المنطق الليمبي البحاول يقوله فوق
أولا تمييع الموضوع وجعله في نطاق الصراعات الشخصية و يتأسّف لعدم وجود سقف وضوابط
في حالة البوست دا و التي تتناول بوضوح لجوء الطوربيد لإسلوبه المعتاد في محاولة لإبتزاز المستنير, يقوم خبيرنا الهمام بتمييع الموضوع ويتحدّث عن صراعات شخصية بدون سقف ولا ضوابط تمنع التجاور فيها
هل يوجد أمر شخصي بين المستنير والطوربيش؟ أم هل كان هناك أمر شخصي بين ابوحسين, بيان, معتصم سيد احمد, مزمل خيري, محمد جبريل, ياسر Elawad وغيرهم وغيرهم و بين الطوربيش عندما حاول ابتزازهم جميعا بأمور شخصية مختلقة, هل في واحد منهم قابله من قبل!!
بطّل التدليس يا خبير و اطعن في عين الفيل, المشكلة في ط,ربيشكم فاقد الثقة في نفسه وعجزه عن المواجهة و النقاش بالحجة و المنطق و المهووس بصورته في المنبر كمناضل و طوربيش لذا يلجأ لسلوب فاتيات الأزقة الذي يعتمد على التخويف باللسان ولا يتورّع عن اختلاق الأكاذيب و الإبتزاز بها على طريقة اطفال الإبتدائي
فا محاولات التعميم و مساواة الأطراف دا لايعدو أن يكون تدليس خبرناه منك من قبل يا خبير.
و الغريبة لا شيئ يجبرك عليه, وقت غالبك تقول النصيحة التي تتبجح و تدّعي قولها دائما عليك بالصمت وتعمل رايح بدل تريق القليل جدا المتبّقي من ماء وجهك بعد كارثة الدرويشة حفظها الله ورعاها
يقول الخبير هذا الأسلوب يستخدمه الجميع وليس حكرا على المناضلين, مرّة تانية تدليس كأن البوست ونقد هذا الأسلوب مقصود به فئة معيّنة, ودي للأسف كثيرين بلقوا فيها مبرّر للصمت و الروحان عند اي نقد يوّجه للطوربيش أو غيره يقوليك مقصود الشيوعيين أو خدمة للامن او غيره يعني تلقائيّا اعتبار أن هؤلاء المسيئين هم المعارضة واي نقد ليها يعتبر نقد للمعارضة ودا تفسير خاطئ بالطبع.
مسألة كسر العين نعم اتفق مع الخبير في أنه لا يوجد كسر عين حقيقي لنه الناس و الحمد لله واعية وكبيرة وعارفة- الله يكبّر عقول و وعي البستخدموا أساليب كسر العين ويعرفوا انّها ما ح تجيب نتيجة او تودّيهم لقدّام
و المسالة أساسا في رفض الاساليب دي مش خوفا من كسر العين ولكن حفظ حق الأنسان ان لا يتعرّض لها من الأساس
منو العنده حق يسال او يجيب لفلان سيرة تاريخه و افعاله خارج البورد ووين بنزل ووين بطلع, لم لا يتقيّد الجميع بأعراف الحوار في المنابر الإسفيرية و حصر الخلافات في المكتوب ووجهات النظر, لماذا يعطي بعضهم الحق في التعدّي و الخروج عن نطاق المكتوب و اليوزر نيم لشخص وحياة بل وأسرة الكاتب!!
دا الفهم من الوقوف ضد اسلوب كسر العين اتمنى أن يعي الخبير هذا الأمر

فاصل ونواصل - ما تنسى عزيز بشاشا القارئ الـ Tip و الريكومنديشن :)

up
ساي بس كدا بس كدا بس :)

ههههههههههه

شكلك لقيت الاكشن البهناك دا ما ظابط وايقاعو تعبان


بيني وبينك انا جني وجن الهمز واللمز

الشغل يا يكون دغرييي وواضح يا مافي داعي ليهو


تحياتي

المداخلة ناقصة

ههههههه لا يا هيثمنا اخ القصّة ما كدا
لكن لمحت لي بوست فيه ريحة ابتزاز برضك فا اتذكّرت البوست دا
وقلنا فذكّر إن الذكرى تنفع

بالنسبة لليوست بتاع جلّي اتفّق معك انه ايقاعه تعبان و مافيه آكشنن كدي لا من يحلّلوه - كنت عايز اعمل ستديو تحليلي لكن ما في نقلات مشجّعة
وما في استراتيجية أساسا و الشغل كلّه معتمد على رد الفعل وشايف أبّكر مستغل الحاجة دي وبوجّه في المسار لكن المشكلة انّه هو زاته كيشة لي رقبته :)
لكن بحاول القى لي فرقة واحلّل لي نقلة نقلتين

يا زول الموضوع وصل لحدي نادية وانت تقول لي ريحة ولمحت ! :)

ههههههههههههههههههه طيب ما دي الريحة زاتها يا قريبك
بعدين تعال هنا انا لي كم يوم عايز اعلّق
انت ههههههه اتنين كل واحد بقول للتاني انه عديم شغلة, تقوم الساعة اربعة ولاّ خمسة صباحا بدل تمش الصلاة ولاّ تقوم تجيب العيش تعمل ليهم كابشرات و قيامة رابطة
ورّيتهم بيان بالعمل لعدم الشغلة الجد جد :)

بيني وبينك اللعبة الحلوة بتكيف وديلك محترفين
لكن جماعة نادية ديل دة يلتخو بي دة

البليد قال لعلي الحسن: نادية سكتك في كلية التربية، انت كوز فزاز خليت سفنجتك.
قال أنا سكاني عمار الكوز وكتببتو وخليت ملايتي، ويصفني أيضا بالكوز الجراي.
كيف الكلام دا يا بليد؟
أي نعم أنا جريت من الكيزان، لكن كيف أبقى كوز هنا؟!
أها نسيت
بكون كوز ساكنو الكيزان نظام غوصنة ساكت

يا بليد، اتعلَّم الاقتباس، ليك اتناشر سنة مصاقر المنبر دا، غالبك تتعلم الاقتباس؟!

في بوست مقفول أيضا بتاع ودالبوش اسمو "طلب مساعدة من الباشمهندي بكري"،
وصف ود البوش مداخلة لي حذفها من بوست آخر، وصفها بالمداخلة الفاحشة؟!!
صاحبنا البليد زي الشافع جرى جاب ليهو سوط عنج عشان يجلدوني بيهو؟!!
عليك الله، يا بليد، في بوست اسمو "بمناسبة الطلح والشاف"
كدي قارن فيهر بين مداخلتي ومداخلات ود البوش
وشوف وفكر مرّة في الدنيا دي، هل مداخلتي تستحق الجلد؟
شغل رأسك وخلي عندك روية حقتك

وكتيبتو

يا مستنير ... يا حبة!
خلاص يو برووف يور بوينت وآمنّا إنّك بتقدر تحق كلمتك و تغادر البورد وأي شي!
تعال راجع خلاص بعد دا وتاني مافي زول يقدر يهابشك بقصّة تهديدك بالمشي دا

ياخ ما معقول, بورد لا فيه المستنير لا جادات لا الإستيكة!!
نقع بيه وين دا؟
ياخ معقول! نبقى في جبنة الدويم و كونفرنس كول و ليه الشين ما يعرّس !!

مخيّر الله !

حتى عمر دفع الله بطل يرسم الكراكتيرات البتعمل جوطة وتفتح جغلمية بوست

حالة أخير منها عرس الشين

يا أحمد انت زاااتك ياخي ما مساعدنا!!
الواحد لامن تطلّع ديس بسكّو, خاصة إذا فيه دامة كمان؟
عايزها تقع براها ولاّ شنو :)

هههههههههه

حالتكم صعبة والله

خلاص تعالوا اجلدوا زاتكم معانا بهناك

ياهو الكوماج الوحيد الموجود

يا ود البشرى المستنير ده قعدت تنق فيهو ما بمشي ما بمشي
لما فات وخلى البورد مسيييخ أها استحمل الرتابة بعد ده :)

يا هيثمنا القصة ما جست آكشن و السلام, المسألة فيها فرز وعزّيل
وبصراحة ثيمة العنصرية و عقد الدونية دي أنا ما من ناسها

يا عثمان الإمام هههه قلت لي نقيت فيه
لا ياخ ما كان القصد انو يمش و يخلّينا في الحالة دي
لكن برجع إن شاء الله, الإستنارة عبارة عن طاقة داخلية تتولّد وتتزايد يوميا, الزول لو ما فرّغها بتعمل تورّم ووجع في الصموير :)

Quote: يا أحمد انت زاااتك ياخي ما مساعدنا!! الواحد لامن تطلّع ديس بسكّو, خاصة إذا فيه دامة كمان؟ عايزها تقع براها ولاّ شنو :)

ههههه من يومه راسه قوي .. التحنيس ما بجيبو
إلا يدور آكشن جاضم كدة فيه إلحاد وتشكيك في المسلمات حتى يجيك داخل بب كدة لا إحم لا دستور

لكن برجع إن شاء الله, الإستنارة عبارة عن طاقة داخلية تتولّد وتتزايد يوميا, الزول لو ما فرّغها بتعمل تورّم ووجع في الصموير :)
ـــــــــــــــــــــــــــــــــــــــــــــــــــــــــــ
ح يرجع ويقعد شوية ويفوت،وتاني يجي راجع ويقعد شوية أقل،وتاني يفوت الفوتة الياها..

فال الله ولا فالك يا عليش ياخ
ليه الفوتة الياها, ما تحبطنا كدا
براك شايف المنبر بلا المستنير مسيخ وممل كيف :)

ما تذكِّرنا يا ود البشرى ياخ..

مع الاحترام والتقدير للبوستات الجميلة المفتوحة
إلا أن غياب المستنير واااضح
زي تكون بتقرأ في كتابة مهمة و في نص القراية تلقى كلمة مفتاحية ممسوحة

ليه الفوتة الياها, ما تحبطنا كدا
ـــــــــــــــــــــــــــــــــــــــــــ
طبقتا فيهو نظرية السجاير..



زي تكون بتقرأ في كتابة مهمة و في نص القراية تلقى كلمة مفتاحية ممسوحة
ـــــــــــــــــــــــــــــــــــــــــــــــــــــــــــــــــــــــ
تشبيهك دا ياعمك،زي كنت بتكتب فيهو،وفجأة جا الشافع ناطيليك في راسك

كيف ما أذكّرك يا ود الزبير!!
النسيان آفة المنبر دا! ياخي ديل دينا خالد هارسلف نسوها إلّا المستنير كان بذكّر بيها بين فينة وأخرى
أكان تركنا التذكير بيه صاحبك دا يومين كان تمّاهن وما اتنسى يكون ما قصّر :)

ركوب العجلة ما بتنسي

إنت يا أبو يمن بقيت بتاع مشاكل ولاّ شنو!!
في داعي ترفع البوست الزعّأط دا

الشبح سرو باتع...
بعدين يا هندسة حقو تغَير اسم البوست

المستنير جاء راجع وليقاتو تعبانة خالص ...
و ما ادى أي تبريرات لرجعو ...
حاول يقلد استايل م.خالد في السردبة من الرد على المتداخلين ...
بكور ما حريف في فتح البوستات وقاعد يغلبو يكملها ...
عموما نتمنى له إقامة سعيدة وإن شاء الله ما آخر شردة ...

البوست دا المفروض دائما يكون في الصفحة الأولي ...

Quote: هو أيّامه اللسة كان بكابر ويجي يتدبّى زي الحرامي يكتب مداخلة ويجري رافض يعترف بكذبه ما كان الموضوع في حد ذاته بعني لي شي, يعني أنا مستني شهادة براءة من ملجة سودانيز دي!! كم أون ياخ إنت أظنّك اوعى من كدا القصّة وما فيها تنفيس هنابيك و هدم أصنام عجوة صنعها المناتلين ليأكلوها حين جوعة, بالنسبة لواحد مريض بالعلاقات الإجتماعية و المظهر في البورد و كيف يبدو مناضلا صادقا وطوربيدا صاحب مصادر و بتاع كان لابد من كسر أنفه وتمريغها في التراب و إجباره على الإعتراف بكذبه بيده أمام الملأ عشان تنتهي الوهمة دي مرّة وللأبد وهذا ما تم بحمد الله توفيقه و أيضا كان - ولا زال - من المهم مواجهة هذا الأسلوب الوضيع الذي لا يشبه العصر ولا المرحلة العمرية ولا الوعي المفترض الفيه الناس اسلوب بعرفك وتاريخك واكسر عينك على طريقة تالتة ورابعة ابتدائي, وزي ما قلت فوق قد ينجح الاسلوب دا مع ناس اولاد ناس ما عايزين مشاكل و يفضّلوا يعملوا رايحين أو مهرّجين - زيّك كدا :) لكن وين؟ في ناس واثقة من روحها وما بهمّها الكذب عليها في لا الأسافير التخيّلية ولا في الواقع نفسه و العبد لله ولا فخر واحد من هؤلاء لذا ما بعمل رايح و بحب أنفّس الهنبوكة بالطعن في ود عينها ولا أتضارى وراء فلان أو شغل العلاقات العامة اتمنّى تكون وقعت ليك الصورة وزي ما قلت لجلّي أعلاه ما تتحسّس لا احد يجبرك على اخذ الموقف السليم سوى ضميرك :)

والله يا باش دي مداخلة العام 2017 ...

ههههههههههههههههههههه
من شفت بوست بتاع الأمن الشعبي اتخيّلتك ح ترفع البوست دا
صعب يا سعادتك طلعت :)

وداوهم بالتي كانت هي الداء ...
طبعا" يا محمد دا من اميز البوستات في ملاحقة
مدعي إمتلاك الحقيقة كذبا" وزورا" وبهتانا ...
حا ارفع الكتير من البوستات التي تكشفهم ....

زي اللمحت حاجة كدا الصباح بدري عن الأمن الشعبي !
هههه المشكلة طبعا مع خاصية تعديل العنوان دي الواحد بقى يشك في رقبته

حاجه شنو ... هههه .... بوست عديييل موجود في
الصفحة الأولي.
ال...... المطرطش دا عرف معلومة جديدة
عن مسكن اهلي في الشعبية . طوالي حين اول
سكرة يقوم يفتح بوست ويكتب الفي عقلو
الباطن ، الزول دا يمين الله اكتر ال.......
حوجة" للمراعاة .
ملحوظة :- ال...... لا تعني الشيوعي باي حال من الاحوال .ههههههه

Quote: بيت الشعبية بحرى هنا تم تاسيس الامن الشعبى وقرار تصفية د الجعلى زمان البيت ممكن ب الكرعين من (الموسسة ) كسلا اديس ابابا مداخله من صديق مهدى على اسع دى شنو يا ود الصايم كل سنة وانت طيب

زمان البيت ممكن ب الكرعين هسع
ب الطيارة ....؟ ؟ ؟ !!!! يا وهم ...

يعني فعلا كان في بوست يا ود الزبير؟ أنا افتكرت القصة نعاس ساي
المهم...
هل توجد علاقة بين سكن الشعبية و بين الأمن الشعبي ولا اسم على اسم!

هههه يا محمد الزول ده ماسكاهو ام هلاهلا من ناس
الأمن بصفه عامه وناس الأمن الشعبي بي صفه
خاصه .... أنا شخصيا" حكاية الأمن الشعبي دي
ما خاشى لي في راسي ... لكن بتمني يلمو فيهو
ناس الأمن ايا" كان ويفصدو ليهو جع...تو بس
ويفكوهو مع الهوا عشان يتوحوح الليل والنهار.
زول بيحب الملطشه زي الزول دا ما لاقاني ...
اوع تفتكر الهبل البتعمل فيهو دا نضال ...

كل سنة وانت طيب يا ود الزبير و الاسرة الكريمة القابلة في منى إن شاء الله
نضال مين يا عمّك, هرجي الأسافير دا حدو الأسافير قبله هنا
و الباقس شغلة قوالات و كذب و نظام محاولات ابتزاز ما أكتر

طريقة تفكير غالبية السودانيين طريقة ساذجة بسيطة،
أن يطلق حقير عاطل إشاعة للابتزاز والاسكاد،
يتلقاها هؤلاء الغالبية بمنطق:
لماذا اختارك انت بالذات دون الآخرين؟
ما في دخان بدون نار؟
والله العظيم، تجد نفسك عاجزاً محبطاً في الدفاع عن نفسك ضد هذا المنطق الغبي!
اذا حاولت الدفاع، تورط نفسك أكثر
بعد البوست هذا، كتبت مقال باسم:
أغبياء الأسافير
كنت أنوي نشره في سودانايل
ثم تركت النشر آملاً في دخول الجنّة
قد أبدو ظاهرياً غير متأثر بهذه الكلام الحقير، لكنه حقيقة هزمني وأزهدني في التواجد هنا،
ووجدت أنني مهما كلت للصائم والبشاري من الشتم، لن يشفي غيظي ولن أفعل شيء.
تجد نفسك حاقداً عليهم وإذا رأيت من الآخرين في بوستات أخرى ود تجاههم؛ يصيبك غيظ
فتعلم أن المنتدى اصابك في مقتل وانت تطلب من الآخرين ما ليس ممكناً

العزاء انك وجدت هنا قليلا من الناس الرائعين يساوي أحدهم في تفكيره آلاف من الغثُّ
لأول مرّة من شدّة غيظي أكتب حرف بتشكيلتين كما في ثاء الغَثُّ
بدل أن أقول لكم كل عام وأنتم بخير،
أقول:
كل عام ترذلون

بتشكيلتين احداهما ضم بالرغم من حرف الجر

يا مستنير .. يا منقة
الني تنزّل لينا المقال هنا, الجنة بتدخلها برحمة الله و فضله بإذنه تعالى

كل عام وانت وانتم بخير راعى البوست وضيوفه
يابوبكر عباس انت عارف انا اول حيرانك
ونهائئ مابقبل فيك شى اى والله
ولم ارى هذا البوست الا هذه الايام
لغيابى عن المنبر من ينايرالى مايو
ولم افهم الكثير ولكنى ادين بشده
هذه الاساءه التى وجهت لك
واى احد يوجه لك اساءه مازولى
وحتى لغيرك كمان
بس انا زول عكاكيز
اذا احتجت لى
قول عوك

ود البشرى و دكتور ابوبكر ...
ياخي العيد مبارك عليكم والله يديكم
الصحه والعافيه ويخلي ليكم عيالكم
واهلكم ويحقق ليكم امنياتكم ...

Quote: أغبياء الأسافير

اكتر حاجه محيراني في سودانيز دي
كمية الكلكات في البوست الذي يفتحه
هذا الكاذب الضليل ... أنا غايتو أول
ما اقرأ العنوان بكون قدرتا وزن الكضبه.
افهم كويس إنو الناس ما دخلت هنا
إلا عشان القرايه والإطلاع والتفاعل
مع الآراء المختلفه وابدا الرأي بكل
وضوح ... الزول دا الحاجات دي
ما عندو ... دا زول استغل وجود الإنقاذ
وتفنن في النجارة والخراطه وتليس
الزباله مما اكسبه التصفيق الحاد من
أغبياء الأسافير وغالبيتهم من جمهور
(الكادر) ونال الكثير الكثير من التعاطف
من اعداء الإنقاذ الحقيقين والذين يأملون
بحدوث التغيير حتي ولو بي كضبه من
كضبات هذا المتعوس.
اخر بوست فتحو المهبوش دا عن حادث
داخلية جامعة امدرمان الاسلامية قال
في تلاته (3) كتلوهم الكيزان وقس
علي ذلك ...

بتشكيلتين احداهما ضم بالرغم من حرف الجر

Quote: بتشكيلتين احداهما ضم بالرغم من حرف الجر

فهمناها و الله فهمناها... جيب المقال ياخ

يا ود الزبير تعرف الناس بتحب تسمع البريحها دا يما
بعدين ما تنسى شغل العلاقات العامة كمان, كل يومين تلاتة بوست شكر في فلانة وبت ابوي فلان و الملكة علانة و الحبوبة فرتكانة فلازم الجمايل تترد
بالإضافة لمنظر فتوة الحزب الشيوعي و قمسنجي اليسار المحروق و المارق للربا و التلاف و جاهز للسقوط و الإنحطاط لأدنى مستوى ممكن - فلا شي يخاف عليه - دفاعا عن الأبطال و النجوم الما بتحب توسّخ ايديها فهو جاهز لخوض معاركها نيابة عنها وخوض الوحل
يلا طبيعي ان ينتظر شكر و كدا نظير المجهود والتضحيات المزعومة.

لكن الغريب في الأمر ان اليساريين و التقدميين مفروض يعني ليبراليين باي ديفولت في حته حريات الناس الشخصية و خياراتها و علاقاتها وكدا
يعني ما ممكن يكونوا اكثر من الاسلاميين و اليمينيين و الرجعيين انحطاطا في مسائل الجنس و السلوك الشخصي و أكثر تنقيبا وبحثا عن السراويل وما بداخلها !

غايتو يا بكور لو زعلت من الكلام الفارغ دا للدرجة دي

تكون بالغت عديل كدا واديتم اكبر من حجمهم الطبيعي كتير

ود البشرى لمن رفع البوست حقو القديم داك حسم الموضوع كلو

وخلاهم واقفين في سهلة الله دي ميطي قدام الخلق دي كلها وكل الناس فهمت الاسلوب دا مقصود منو شنو

عشان كدا مافي اي داعي انك تزعل او تؤاخذهم اساساً

ومن خلّا عادتو قلت سعادتو

تحياتي للجميع هنا وكل عام وانتم بخير

متعجّب جداً من مطالبة البشاري لأبوبكر ،
إنو يركز و يدافع عن التهمة الإتوجّهت ليهو ،
و ينفيها و ما يهرب من المواجهة !!
أوّل أيام دخولنا للمنبر ، ألبشاري إتعرّض لكلام من
أبشع ما يكون ، و الكلام كان مُدان من غالبية العضوية ،
و ماف عضو طالب البشاري بالركوز و نفي التهمة المسيئة
الإتوجّهت ليهو ؟ ولا هو بالطبع ألزم نفسو بما نصح بيهو
أبوبكر لاحقاً !!
هل الإنتصار للنفس يستحق كل هذا السؤ ، و الخوض في أعراض الناس ؟ ثم يمشي الواحد بكل هدؤ يمارس حياتو مع اهلو و أصحابو ، دون ما يشعر بمدى الأذى السببو لشخص كل معرفتو بيهو ياها الأسافير دي ؟

بكري ردك كان بليغا وصادقا جدا
ذلك الصدق الذي يجعلني احتقر نفسي كونني صمت احيانا كثيرة . صمت من يعلم ان لا دفاع يجدي بل ستتحول لمتهم
لا اقصدك بل اقصد مرات حين تكون ادلة الاتهام محض انطباع او استنتاج .. وتقديري ان الهجوم الشخصي الموغل في البحث عن منقصة سلوكية لن تقلل من حجة المدموغ بل هي محاولة تهديدية وارهابية لردعة
توقفت امام ردك ورأيتك . رأيتك رغم قشرة الصلابة والسخرية
عيب ياخ والله بعد العمر دة كلو ونحن بنتكلم عن التغيير والتنوير وبعضنا يبحث عما نخبئه تحت ملابسنا او اما ندفنه من ماض

ود البشري. وضيوفه. سلام. وعيد مبارك. عليكم


-----
لولا اعرف المستنير واستنارته. الحقيقية كنت نزلت ليه. رجم الشيطان حق. اليوم
بتصوير. زميل الحج. الشقيق السيد. المسلمي .. لكن. ود البشري هنا. اظنه عمل
الواجب ورجم الجماعة بالسفنجة. زي. المصريين. معانا اليوم. في. الجمرات 😂😂😂😂

.
..
...
اخونا المستنير بالله الفاطمي ...
اول مرة احس بيك تكتب بألم ومما لا شك فيه ان اقحام الخصوصيات في الشأن العام عادة جبل عليها الكثير منا وأي انسان ناجح يحاول البعض البحث عن أي حاجة تقلل لينا من شأنه فعندك مثلا سياسان اسلاميان شهيران  تلقى الشيوعيين دائما ما يرددوا بأنهم مثليين على الرغم سياسة الحزب التي تدعو للحرية في أي شيء ...
ودا كلو من باب الاسكات ومحاولة الانتصار على الخصم بأقل جهد ممكن وبأقصر الطرق ...
واعتقد انه الموضوع دا ما محصور عندنا بس ولكن موجود حتى مستوى امريكا "ووتر قيت كمثال" يفتش الاخر في أدق خصوصيات الخصم لابعاده من ساحة المنافسة ليخلو له الجو واعتقد دي ضريبة الشهرة والنجاح فالعمل العام عبارة عن جمرة فما ممكن في اول محك داير تفكها لينا وتقوم جاري !!!
كما انه وجودك هنا بحفظ تربيزة المنبر من "التكويعة" ياخ وشغلك معانا هنا بقى شغل حامد بريمة مع المريخ زمان يكون باقي لهلال مريخ يومين يقوم يتدلع ويقول عيان وتعال شوف التحانيس والجرسة من ادارة المريخ ...
ما دايرين نحنسك ونكلفك فوق لي طاقتك ولو شايف انه وجودك هنا ضار بالنسبة لحياتك الخاصة وما بتقدر تدفع ضريبة العمل العام فممكن تتوقف فترة وتجرد حساباتك وفي الاخير الخيار لك ...
...
..
.
بعدين انت قلت في بداية مداخلتك (مشكلة "اغلبية" السودانيين) وقبل كدة دينق زرزرك وقال ليك ما اتقول أغلبية و 90 في المية بدون ما يكون عندك احصائية ...
ما بتتوب انت

في الحقيقة مداخلتي دي مبنية على مداخلة أبوسن هنا ومداخلة مولانا الملك في بوست باسم أبوبكر عباس في الصفحة الأولى...
في حاجة دار اشير ليها ومامتذكرا كويس،اللهي د.أبوبكر أبدى من قبل رغبته ـــ في مناسبات مختلفة ــــ في ترك المنبر...
البذكرو إنو ماكان بطرح نفس السبب الطارحو الآن...
السؤال :هل كانت رغباته السابقة في ترك المنبر نابعة من نفس هذا السبب المطروح الآن وأخفى عنا وقتها ذلك؟
أم كانت فعلا للأسباب التي دفع بها في حينها؟...

بمناسبة النسبة والإحصاءات...
تقريبا مابين 10% لي 10 بوين 2 % ،من مداخلات الزميل د. ابوبكر هي عبارة عن إبداء رغبته في المغادرة...
أسباب المغادرة المتعددة ماخشا في النسبة دي..

غلبني اكتب بصورة تقنية رياضية الفاصل بتاع كسر ال2 من 10

بمناسبة النسبة والإحصاءات...
تقريبا مابين 10% لي 10 بوين 2 % ،من مداخلات الزميل د. ابوبكر هي عبارة عن إبداء رغبته في المغادرة...
أسباب المغادرة المتعددة ماخشا في النسبة دي..

غلبني اكتب بصورة تقنية رياضية الفاصل بتاع كسر ال2 من 10

هذه المداخله ايضا" تنتمي لهذا البوست يا ملك بعد
إذنك فهي من اصدق ما قرأت هنا ... تحياتي وكل سنه
وانت طيب.

Quote: جلالدونا كل سنة أنت وزوارك على أطيب حال .. قرأت مداخلة د. أبوبكر وقرأت تعليق أبوسن عليها .. وعلى الرغم من أنها من أصعب ما يمكن أن يكتبه الإنسان عن نفسه .. غير انها ـ ويا للمفارقة ـ من أروع ما يمكن أن يكتبه المرء عن نفسه .. كلام يشبه تماما تفاصيل أبو بكر إن أند آوت .. فهو من القليلين الذين نجحوا في غسيل دواخلهم من النفاق بكل أشكاله .

تحياتي يا ملك
تعرف ان بكري اشجعنا ولا اهضم حق ودو
فهما من اشجع الذين قابلتهم هنا
كثيرا ما يشف احدهما غليلي في الرد
يمتاز بكري علي ودو بدقة الاشارة العابرة الذكية
التعليق الذي يحسبه البعض سطحيا
ودو من الذين لا يواربون القول
ف شنو
هما استطاعا مواجهة سخف التنميط والتأطير
قادا معارك حين اضع نفسي قصادها لن يمر الامر داخلي كما مر عندهم
انا آخذ امر البورد جدا
وحين قرأت كلام بكري احسست به بشكل قوي وقلت
الحمدلله القال آه
احسست ببشريته وانسانيته
فهو بشر ويتألم وله طاقة محددة رغم اتساعها

مع احترامي الشديد للملك وحفيظ
وكتابتهم الفاخره جدا" في ابوبكر الإنسان ..
لكني أري أنهم لم يتطرقو للدافع الذي
أجبر المستنير للبوح بي ما في دواخله
بكل صدق ... لابد أن نسمي الأشياء
باسماءها ...
يا سادتي ...المستنير عجز عن الدفاع
عن نفسه في ظل سيطرة منطق الاغلبية
هنا يا إما بالصمت او بالتبريرات غير المنطقيه.
المستنير مغيوظ ومنهزم ومصاب في
مقتل من السلوك الجمعي للغالبيه هنا
وهو يعلم تماما" بان الغالبيه تعلم مدي
كذب ونفاق وحقارة وغباوة ما اشاعه
هولاء الصعاليق عنه ولا يري فعل
حقيقي منهم لوقف ذلك ... في الوقت
الذي يري فيه تواصل الود للغالبيه هنا
في بوستات هؤلاء الصعاليق ...
تحياتي

نعم نعم صلاح وأبوسن العيد مبارك عليكما..
شدتها إلى هناك وقوف جلالدونا بصمته المهيب فكان الأبلغ فعلا..
وحين تفحصت معه مكتوب أبوسن الغارق في الإنسانية ..
دست بين جوانحي صورة لشخصين بني آدمين ..
الجمتهما الدهشة مثلما الجمتني ..
حين أماطت جملة مفتاحية غلالة كانت تحجبنا عن نفس اغتسلت وتطهرت تماما من أدران وقبح القالة ..

مرحب بالملك

Quote: حين أماطت جملة مفتاحية غلالة كانت تحجبنا عن نفس اغتسلت وتطهرت تماما من أدران وقبح القالة ..

تعرف يا ملك لو كنت مكانه
لكانت تلك المداخلة بدايتى الحقيقية بهذا المنبر
لن ألح عليه فى العودة .. و ان كنت اتمنى ذلك ..
و لكن اسأله ان يعفو عنّا فقد هزمناه فعلا بسكوتنا

إلا تكورك ... شنكل ، ، ، شنكل ، ، ، شنكل
البوست دا مكانو الطبيعي الصفحه الاولي

Quote: طريقة تفكير غالبية السودانيين طريقة ساذجة بسيطة،

ما هو عشان قلاصتك القاطعا من رأسك دي الواحد
يحتار يقيف معاك واللا يديك على رأسك بجنس فهمك الفوق دا ..
قلتا ليك مليون مرة هنا انت زول كويس لو بطلت الفلهمة
والقلاصة البتعمل فيها دي .. قضيتك الواضحة ترميها البحر
بسطر قلاصة واحد بس .
غالبية دي دي جبتها من وين يا هيتشكوك ؟؟
كدا أحصرا لي في المنبر دا بس وطلع لي غالبية السودانيين الفيهو
بفهمك دا .. خليك من السودان الكبير .
أوع تجيء تقول لي ما انت قبل كدا قلتا ما بتدخل بوستاتي ؟؟ خخخخخخ

بن علي هرب ...
بن علي هرب ...
بن علي هرب ...