فرانكلى .. فن فتح البوست و قفلو

07:11 AM February, 04 2017

سودانيز اون لاين
جلالدونا-
مكتبتى
رابط مختصر

يفك الكذبة
و يطبل البوست
و لا تقدر تقول ليهو كلامك اعوج وللا عذيل

بعد غيبة طويلة
عاد و كتب
أيها المسلمون انصروا دينكم و نبيكم ... اسمعوا ماذا تقول هذه اليهودية الملحدة الكافرة!!!!أيها المسلمون انصروا دينكم و نبيكم ... اسمعوا ماذا تقول هذه اليهودية الملحدة الكافرة!!!!
مداخلة واحدة و البوست انطبل

جلالدونا.

سلامات.

هو فرانكلي ده لسه حايم في المنبر ده؟
زول بيحرض على قتل المتظاهرين سلميا، يجب بتره من هذا المنبر.

أنا طبعا لا أستغرب على سلوك فرانكلي في المنبر.
ولكني مستغرب من الناس العايشين في أمريكا وبيصدقوا في ما ينشره فرانكلي وما تنشره بعض وسائل الإعلام التي تعادي أمريكا.

أميرة السيد وسيف اليزل البرعي أكبر مثال على ذلك.

Quote: أنا طبعا لا أستغرب على سلوك فرانكلي في المنبر. ولكني مستغرب من الناس العايشين في أمريكا وبيصدقوا في ما ينشره فرانكلي وما تنشره بعض وسائل الإعلام التي تعادي أمريكا. أميرة السيد وسيف اليزل البرعي أكبر مثال على ذلك.

غايتو يا Deng قنطرة الجماعة ديل...
ودا تهديد مبطن....

مرحب دينق
مسألة نقد الاسلام من اصحاب الديانات الاخرى حاجة قديمةو متجددة
بالنسبة لى انو الاسلام يكون موضوع نقاش أى كان نوعه .. سلباً ام ايجاباً
يحفًز الاخرين للقراءة عن هذا الاسلام و هو امر مطلوب و طيّب ساعد كثيرا فى نشر الاسلام
واسلم الكثير و عن اقتناع و ليس بحد السيف
المؤسف هو التحريض و بذور الكراهية التى ب1رها فى عنوانه المثير للحمية الدينية
عى الاخت اميرة سأجلب احدى مداخلاتها هنا
و ارجو ان نستأنس المحبة و المودة فى الرد عليها

الاخ احمدونا
لا يتوجد اى قنطرة هنا انما هو نقاش حول موضوع
الفيصل فيهو الاقناع و الاقتناع
فما تحمّل الحتة دى مقصد غير مقصدا

راس الفتنة هو فرانكلي
لو ما كان قفل البوست بتاعو عن منع روايات حمور في أميركا
كانت أميرة السيد كتبت مداخلتها هناك ولما اضطرت لفتح بوست بي اسمها
مما جرّ كل هذه المتاعب

أجدد مطالبتي لمدير الموقع بأن يراجع سياسته في منح صلاحيات
الإغلاق الاختياري والتعسفي للبوستات والحذف التعسفي والاختياري للمداخلات

شكرا يا جلال

لا اخفيكم امراً اذا قلت لكم انى متابع و حريص جدّاً على قراءة ما يكتب فرانكلى
استغربت شديد لما قريا البوسا المشار اليه اعلاه لمّا لقيتو مطبول
رغم الخساسة الفيهو قلت فى نفسى ..بكرى ما ليهو حق يطبل البوست ده
ثم عاد و فتح هذا البوست الذى ينضح كذباً
http://sudaneseonline.com/board/490/msg/1485903114.html
أمريكا: السودانيون مسالمون، ونتطلع لإزالة السودان من قائمة الدول الراعية للارهاب
و برضو مطبول كما رقيقه فى الاعلى ... برضو قلت طيّب همسلف تقدّس سره مديهو عدّة لى شنو ما دام مباريهو بالطبلة
لكن بفتحه لكذبة حظر دخول كتب الاستاذ زيادة حمّور فى بوست جديد مطبول ادركت مقاصد الخبث و السم الزعاف الذى ينفثه الرجل
و ان سوء المقصد و الطوية كرصاص فى الراس قد تصيب شيئا
و للاسف كان له ما اراد و إن همسلف برئ من طبل بوستاتة
و أنها وسيلة ناجعة فى نفث سمومه على دريقة اللدغة
قاتله الله
ده رابط البوست الفتنة
حظر كتب حمور زيادة في الولايات المتحدة الأمريكيةحظر كتب حمور زيادة في الولايات المتحدة الأمريكية

مرحب معاوية

Quote: راس الفتنة هو فرانكلي لو ما كان قفل البوست بتاعو عن منع روايات حمور في أميركا كانت أميرة السيد كتبت مداخلتها هناك ولما اضطرت لفتح بوست بي اسمها مما جرّ كل هذه المتاعب أجدد مطالبتي لمدير الموقع بأن يراجع سياسته في منح صلاحيات الإغلاق الاختياري والتعسفي للبوستات والحذف التعسفي والاختياري للمداخلات

دايماً تملك من الحكمة و الاتزان التى نفتقده كثيرا و كثيراً جدّاً و نحن نتناول امور حوشنا هذا
المنبر عنوانه منبر حر
قفل البوستات بيد كاتبيها تنتقص من حرية التعبير
الاستيكة تنتقص من حرية التعبير
منع القراء من المشاركة تنتقص من حرية التعبير
فى الحتّة دى محسوبك من القطيع و لا نامت اعين المثقفين و المستقفين
اختنا اميرة قفلت البوست لكن للاسف بعد القفل البوست مشى الخور
فى مداخلة فوق يا ود الزبير قلت: ساجلب مداخلتها هنا
و روجوت ان نتناولها بروح الحب و المودة
فالفتنة اسمها فرانكلى

فرانكلي

قرأت البوست المعنوان: "حظر كتب حمور زيادة في الولايات المتحدة " وكنت عاوزة اعلق
على هذا الخبر ( لكن البوست مقفول بالضبة والمفتاح) كي أدلل على هبالة هذا الترامب الذي اتى بادارة تتخبط خبط عشواء في قراراتها
وتصدر القرار وفي اليوم التالي تكتسف ان القرار ينافي الدستور وتقوم بالتعديل ... ( والله يكون في عون
الأمريكان وفي عون المقيمين في امريكا)، حيث ان هذا الترامب يريد ان يحول بلده إلى جحيم لكل الأجانب
وحتى للأمريكان الأصولهم من المسلمين...

اما حظر كتب الكاتب حمور زيادة .. فعجيب ان تقوم الادارة الامريكية بحظر كتب كاتب يقول في احدى كتبه
وهو كتاب " شوق الدورويش" :: الحب هو كل ما نملك ، من طلب الله وجده في الحب، ومن طلب السعادة وجدها في الحب،
ومن طلب الثراء وجده في الحب، ويضيف على مضض، ومن طلب الشقاء وجده في الحب" ويقول ايضا: " من يريد الدم
، ومن يريد الثأر ومن يريد الراحة، فالإجابة موحده، فعليه بالحب."

وقوقلت اسم حمور زيادة ووجدت صحفية سودانية وهي أمل هباني كتبت عنه ما يلي::

" تسببت كتابات حمور زيادة في جدل كبير وهو قد فجر قنبلة اعلامية اثر المعركة القائمة بين الحزب الشيوعي
ومجموعة عنف أصولية دخلت دار الحزب الشيوعي بالجريف عشية افتتاحه ووزعت بيانا تكفر فيه الحزب الشيوعي،
ففجر حمور زيادة مفجأته التي كشف فيها على الملأ ان شيخ الجماعة الذي يكفر ويهدر الدماء انما هو حرامي ملكية فكرية
لأن فتواه منقول بالنص من كتاب عبد الله عزام احد منظري تنظيم القاعدة.""

وكنت متخيلة ان امريكا حظرت كتب حمور زيادة لأنه متطرف اسلامي او عضو في داعش....
والله يديك الصحة والعافية
____
دى المداخلة الافترعت بيها اختنا العزيزة اميرة بوسايها .. خلونى اختها ليكم و نناقش ما جاء فيها حرف حرف

و دى مداخلة عزيزتنا فردوس جامع
________
سلام يا أميرة الطيوبة و أميرة
بستغرب في الناس ال بيخلقوا أخبار كاذبة و أستغرب أكثر في الناس ال بيروجوها!!!
مافي شيء بعيد على ترمب لكن الخبر كاذب...

كتبت أمس في بوست ترمبي كاذب و أحسبه يصلح للخبر في بوست فرانكلي المطبول الآتي:

لو أخدت ليك تلاتة دقايق من زمنك و قوقلت بس العنوان كان ظهرت ليك الحقيقة
أقول الكلام ده من باب عدم الترويج لل fake news
و من باب عدم التجهيل....
ما عشان الخطاب ده فقط, في اليوم بقرأ لي معلومات كتيرة غلط و مفبركة كان علمية كان أخبار
الأخبار تأجج المشاعر السالبة و العلمية تجهجه الناس و تشككهم في آي شيء و مرات تهوسهم في صحتهم.
عليكم الله حاربوا الفبركة ما استطعتوا إلى ذلك سبيلا!

تحياتي و تقديري

و دى مداخلة عزيزنا ود البشرى (ي)
نختهم لبهو الاتنين عشان ما ينضرس
_________________
تحياتي أميرة
أظنك اكتفيتي بقراءة العنوان دون متن الموضوع, العنوان جنح للإثارة على طريقة عاجل و توجد صور ولا علاقة له بالمكتوب في الموضوع

و ايضا كذلك شاؤك اخونا ود الجعلى
_____
يا اميره بت السيد ترامب ابدا مااهبل لكن بنفذ فى حاجات اكتر من تلت الامريكان بيومنوا بما ينفذه هذا الرجل
لكن اهبل دى والله كتيره عليهو حاجاتو دى كلها انا شايفا على المدى البعيد فى صالحنا نحن كمسلمين فى البلد دى

و شارك اخونا دينق بى مداخلتين متتاليات
دى الاولى
______

أميرة السيد.

يعني أنت هسع مصدقة قصة أنو أمريكا قامت بمنع كتاب حمور زيادة؟؟

أميرة أنت جادة؟

للمرة التريليون يا أميرة

لا تكتبي معلومات مغلوطة وغير صحيحة عن أمريكا.

الغريبة أن هنالك من يقوم بتصديق مثل هذه الخزعبلات والأخبار الكاذبة.
_______
ودى التانية
_____
حسن الترابي في زيارته الشهيرة لأمريكا عام 1992 أو 1993 على ما أعتقد.

وفي جلسة أستماع بالكونجرس الأمريكي صرح وقال، أنا أعلم أن أكثر من نصف الشعب الأمريكي يكرهني، رد عليه عضو بالكونجرس
وقال له يا دكتور، أكثر من نصف الشعب الأمريكي لا يدري أين هي دولة السودان.

فكم أمريكي يا ترى يعرف من هو حمور زيادة وماذا كتب ؟؟؟

ألاها رد من الاخت اميرة
_____
يا دينق اقرا كلامي مره تانيه وتالته ورابعه عشان تفهمه..انا مستغربه من كلام فرانكليوبعدين للمره التانيه انا بعرف ما اي حاجه عن امريكا دي..
واقول ليك حاجه..كرهنا امريكا ترامب...لان ترامب الجاهل كرهنا الدنيا ذاتها..
والله يديك الصحه والعافيه

اتوقف هنا عن النقل من البوست المطبول اولاً و المحذوف ثانيا
فرانكلى و بسوء نية قصد ان من اراد ان يرد على ما يكتب ,,عليه ان يفتح بوست بالرد
... دى واحدة وشرك اول
التانية .. هذا الكاذب اراد بعنوانه المضلل و المكذوب خبراً.. ناس الخطأ فى الترجمة عليهم ان يتبينو
الخبث المنفوث و المقصود لايقاع من يصدق كلامه او يفهمه فى ظل احداث تعيشها مريكا ....
ان يجر الناس الى فتنة مستغلاً و فى ابشع صورة روح الاختلاف بين الاعضاء التى دائما ما تميل الى العنف اللفظى
هل صادتنا شراكه ... نعم
و قد كان