Post: #2 Title: Re: هــون مـــرّه .. أحمد الجابري .. Author: احمد الامين احمد Date: 02-06-2017, 04:23 PM Parent: #1
تحية قبانى (لوحده) رفعت البوست من الصفحة الثانية بنحو 154 مشاهدة و لم يمر أحد رغم إكتناز المنبر العام ب (سميعة ) من طراز رفيع أذكر باشمهندس خليل و مولانا محمد عوض السيد ( بتاع الحصاحصيا ) وعثمان موسى وثلة نادرة . مثل هذا الدفق النغمى للجابرى ( على العود ) يعيد بعض التوازن نبشت فى الصفحة الثانية بعد فشلى فى دخول اى بوست بالصفحة الأولى ( فتأمل ) تحية للجابرى و حسه النادر.
Post: #3 Title: Re: هــون مـــرّه .. أحمد الجابري .. Author: يحي قباني Date: 02-07-2017, 03:56 AM Parent: #2
Quote: تحية قبانى (لوحده) رفعت البوست من الصفحة الثانية بنحو 154 مشاهدة و لم يمر أحد رغم إكتناز المنبر العام ب (سميعة ) من طراز رفيع أذكر باشمهندس خليل و مولانا محمد عوض السيد ( بتاع الحصاحصيا ) وعثمان موسى وثلة نادرة . مثل هذا الدفق النغمى للجابرى ( على العود ) يعيد بعض التوازن نبشت فى الصفحة الثانية بعد فشلى فى دخول اى بوست بالصفحة الأولى ( فتأمل ) تحية للجابرى و حسه النادر.
و الله قباني ( لوحده ) فعلا ...
الناس لم تعيرها أي اهتمام ... فاستفردت بها و بنفسي و قتلتها سمعاً ... :)
الناس يا احمد زي البقى يطربها الشتم و الاساءات ...
القومة ليك ياخي و انت تبحث عن الجمال دوما يا فنان ...
اسعدتني يا احمد ...
Post: #4 Title: Re: هــون مـــرّه .. أحمد الجابري .. Author: Gaafar Ismail Date: 02-09-2017, 04:23 AM
اخي الحبيب الحبوب الباشمهندس يحي قباني يا ســـلام عليك تقبل عميق شكري على إهــدائنا هذا الطرب الجيمل . يا ريت لو تتحفنا بـ: يا رشا يا كحيل بصوت الجابري . تســلم يا حبيب تحياتي ووافر احترامي
Post: #5 Title: Re: هــون مـــرّه .. أحمد الجابري .. Author: عبدالمحمود محمد عبدالرحمن Date: 02-09-2017, 10:19 AM Parent: #4
أشكرك على هذه الروعة وبالمقابل نهديكم روعة أخرى للرائع الجابري:
Post: #6 Title: Re: هــون مـــرّه .. أحمد الجابري .. Author: احمد الامين احمد Date: 02-10-2017, 05:05 PM Parent: #5
شكرا عبدالمحمود ( هديه من إيدك مقبولة ) كما صدح سيد خليفة و صاوي عبدالكافى صحاب (أمير الحسن ) بتاعة وردى لهم جميعا الرحمة و لعصرهم . إقتران إثنين من ( عناصر الخير ) ب ( الحى العرب القديمة ) هما أحمد الجابرى و سيف دسوقى إقتران نادر جدا فى سديم الفن السودانى القديم رغم إجتماع الإثنين فى فضاء جغرافى ضيق وملهم لأبعد درجة أنتج درر من لدن سيد وعبدالرحمن و ود الريح و التاج و مهران و الفاتح حاج سعد و إبراهيم عوض و قميحة و هلمجرا . شكرا ( تانى ) لعبدالمحمود . تحية كذلك للباشمهندس الأكبر أستاذنا جعفر إسماعيل هاهى (يارشا يا كحيل ) درة الحقيبة التى خطفها ( الجابرى على العود ) مثلما أصطفى كذلك ( حليف الصون ) وما أجمل حقيبة الفن حين يصطفيها ناس الجابرى و كابلى و اللحو ومحمد ميرغنى و عثمان مصطفى و عثمان حسين و التاج مصطفى و هاشم ميرغنى و عبدالرحمن عبدالله و كحلاوى وبادى محمد الطيب و أحمد المصطفى أو براهيم خوجلى على ( المندلين ) او يضربها حافظ عبدالرحمن على تلك ( الصُفارة ) السحرية و المسحورة و الساحرة هاهو طلبك يا أستاذ جعفر على العود .
معليش قبانى ( الحالة واحدة ) عشان كده برد إنابه عنك صاحب البوست فتأمل .
ياقبانى ياخ جهجتنا أنا كل ما اجى مارى بعنوان البوست ده افوتو حوفا ,, لإنى قريتو هُونْ (بتاع الفُندك) مَره (إمرأة) قلت ابعد من الشبك ده بوست على وزن عودى عود مره وماشابه اقوم ادخل يجونى ناس امنة مختار وأميرة يورونى شبهى ويتفونى فى الهون ده ,, ياخ انت ما قريت تشكيل؟ مش انت الكتبت لى مكch نو ؟ وتيب ياخ الجابرى ده سهل ممتنع.
Quote: اخي الحبيب الحبوب الباشمهندس يحي قباني يا ســـلام عليك تقبل عميق شكري على إهــدائنا هذا الطرب الجيمل . يا ريت لو تتحفنا بـ: يا رشا يا كحيل بصوت الجابري . تســلم يا حبيب تحياتي ووافر احترامي
التحيات النواضر استاذي الجميل جعفر إسماعيل ...
الحبيب احمد الأمين جاك بالتسجيل عود ...
و انا بهديك التسجيل ده و هو بأوركسترا خفيفة ...و من اجمل تسجيلات رشا يا كحيل ... و هي من اعجازات ابوصلاح و كرومة ...
Post: #9 Title: Re: هــون مـــرّه .. أحمد الجابري .. Author: Kabar Date: 02-11-2017, 08:53 AM Parent: #8
وهي النوادر في امسودان هينة ولا هينة يا قريبي؟.. عارف يا يحي ، عندي احساس غريب انو خوجلي هو الفيرشن الوايلد من صوت الجابري..!! So wild يعني لو الجابري فتح شوية ح يكون خوجلي ، ولو خوجلي همد شوية ح يكون قريب من الجابري..!!..فكرة غريبة مش؟..
اخترت (قلبي المتيم) في جلسة جمعت الجابري وخوجلي ، طبعا ما بتفوت عليك حكاية جاكات محاسن المشغولة بيها ناس امسودان في اليومين ديل.. !! شفت نحن ناس محن كيف؟..