فجور السوريين في السودان - بقلم: السر جميل

00:33 AM February, 01 2017

سودانيز اون لاين
السر جميل-
مكتبتى
رابط مختصر

فجور السوريين في السودان
بقلم: السر جميل

السوريين في السودان ضيوف وليسوا لاجئين أو هكذا إستقبل الشعب السوداني عشرات الآلاف من الاسر السورية التي اختارت السودان ملاذا من ويلات الحرب وجحيم بشار، وكما هو معلن لا يفرض على السوريين أي شروط للإقامة أو العمل، ولاتفرض عليهم رسوم دراسية كما معمول به من قبل للفلسطينيين والمصريين بنص إتفاقية الحريات الاربعة.

ربما وصل إيثار الشعب السوداني إلى حد العبط، عذرا شاعرنا الفذ إسماعيل حسن نعم بلادي بتكرام الضيف وحتي الطيران يجيها جعان، ولكن هولاء ليسوا بالضيوف تطاولوا شرف السودانيات، وكتبوا في مواقع التواصل الإجتماعي عن حواء السودانية، ما لم يكتبه مالك في الخمر، كلمات جارحة لكل أسرة سودانية، وأي سوداني غيور على اهله.

يتبخترون في شوارع وازقة مدن وقري السودان دون حسيب أو رقيب، وكنا نحسب المصريين وحدهم الذين يقل إحسانهم ويطول لسانهم، بما يوجهون من سباب دائم ومستمر للشعب السوداني في إعلاهم الرخيص وتعاملهم المتغطرس، وهم يغتصبون أراضي سودانية حتي اللحظة، وينهبون مياه النيل بإتفاقية عفي عليها الزمن، وحتي الآن مصر تتحكم من تعطي مياه النيل ومن تحرم وهى دولة مصب.

وجاء السوريين وتعرفنا عليهم عن قرب ومدي دناءتهم وإهانتهم للعرض السوداني، وقابلوا الاحسان بالجحود والإنكار، والترحيب بالغدر والخيانة، وإمتلأت صفحات الفيسبوك بأفظع العبارات البذئية التي يندي لها الجبين عن حواء السودانية وكيف تلهث وراء الشباب السوري ذات الوسامة والشعر المموج والبياض الذى يسر الناظرين ؟!!

الحكومة التي زجت بالشعب السوداني في هذا الكابوس، توزع الجنسية السودانية لكل "من هب ودب" وياليت كانت لمن يستحقها، لأعضاء الحركات المتطرفه في مصر وفلسطين والسوريين من غير أستثناء، حتي أصبحت الجنسية السودانية الأرخص عالميا والاسهل لكل أجنبي، وحتي قرار الداخلية بالأمس الأول تشديد إجراءات الجنسية هو ردة فعل للقرار الامريكي للأسف.

وليس نابع من غيره وطنية ولا مبني على قناعة بأن منح الجنسية مسألة أمن وطن، ولكن كان قرار الداخلية خوفا من الادارة الامريكية الجديدة وقرار حظر السودانيين. لان معروف ان السودانيين بعيدين كل البعد عن التطرف والارهاب، ولكن الحكومة هى من تدعم بطريقة غير مباشرة التطرف بمنحها الجنسية لكل العناصر المشبوهة في العالم العربي، وهي التي تقوم بهجمات وتفجيرات إرهابية في أوربا وامريكا بجنسيات سودانية.

إننا نقول لكل السوريين داخل السودان، راهنت الحكومة على دخولكم بلادنا على الشعب وكرمه وإغاثة لكل مكلوم، ولكن إساءتم لليد التي مدت لكم رغم ضيق الحال، ولكن انتم تدنسون سمعة وشرف السودانيين، بل تنشرون ذلك في كل مواقع الانترنت وتتفاخرون بذلك، أذهبوا الى بشار وحجيم بلادكم ، قد خاب ظننا فيكم - أنتم والمصريين سواء.

هل كل السوريين الموجودين في السودان مارسوا ما تقول يا السر جميل؟
هل تمانين في المية منهم؟ ستين في المية؟
ياخ العالم كله غاضب من قرار ترامب بمنع دخول اللاجئين السوريين مطلقا
و نحن الذين برطعنا في بلادهم دراسة و سياحة و تجارة و شهور عسل و استشفاء
ما قادرين نستحملهم و نأخذ الكل بجريرة البعض او حتى بدون أن نتأكد من مصدر
الكلام المنشور على الفيسبوك و غيره.
ياخ في ناس يقول ليك لو شفنا واحد سوري ماشي مع بت سودانية حنسوي و حنفعل..الخ
منو الاداهم الحق ده؟ هل هم اوصياء على البنات السودانيات؟ ماذا لو أن سودانية تزوجت
سوريا هل تمتنع عن المشي معاهو في الشارع ارضاء لغرور بعض الاغبياء؟
ياخ الكيزان طلعوا زيتهم عديل و ما شفناهم اتهددوهم و اتوعدوهم لكن لما تجي على
شوية سوريين مقطوعين يعملوا فيها اسود..تبا لهم. على قولة انصار السنة.

دا كلام شنو دا هسع يا السر جميل
إساءات من طرف للسوريين والمصريين
في شنو وعشان شنو زاتو؟
وبالمقابل يمتلئ المنبر بالكوراك احتجاجا على قرارات ترامب
مع إنو نفس المعنى في نهاية التحليل
هذا البوست لا يستحق أن يكون على صدر المنبر يا صاحب الحوش!

تحية دكتور سيف والعزيز معاوية
في البداية أي سوري أو هندي أو إمريكي يسيء للسودان يفترض يقابل بالرد المناسب
أما قضية تعميم أفعال أفراد وإستخدام الإعلام لنشر الكراهية دي حالة ما إيجابية
لا سيما وأن السودانيين دعتهم ظروف من القبل للهجرة الشرعية أو غير الشرعية لبلاد أخرى منها ليبيا والخليج والعراق وسوريا
قريت لسودانيين قبل كدا بيسيئوا لبلاد إحتضنتهم وأكرمتهم
وهنالك حالات من إرتكبوا جنايات عديدة بما فيها السرقة والقتل
علو صوت من يحاولوا تضخيم تجاوزات السوريين أوغيرهم حالة مؤسفة ولله

بالله البوست في صدر المنبر يا معاوية؟
يا شماتة أبلة ظاظا فينا ..
بكري بقيت حريف لكن في جمع الclicks

و الله انه لامر مؤسف ان ينجر حتى مثقفينا وراء خزعبلات الفيس بوك والواتس اب

تقنين وجود اي اجنبي واجب تمليه القوانين والاعراف الدولية سوريا كان ام روسي
وكل من يحيد عن هذه القوانين تاخذ معه العدالة مجراها وبالطرق المشروعة
ردود الفعل الهتافية والجماعية لخزعبلات لا اصل لها هو الحايودي السودان في 60 داهية

إن كانت الإساءة عبر الوسائط الإجتماعية للسودانيين من قلة من السوريين هل يعني أن نسكت عنهم؟
الإساءة للشرف فيها كثيرا من الذل والمهانة.
نعم كل مجيمع فيه الصالح والطالح ، ولكن هكذا تشهير مرفوض من السوريين ويجب البحث عن هؤلاء المشهرين بسمعة السودان ومحاسبتهم

تصرف مرفوض كان من 80% ولا 1% . .

السلووووووك
والتربيــــة إن كانا سليمين فلن يتعدي عليك اي انسان
لا من سوريا
ولا من بوركينا فاسو
ولو تلاحظوا لم أأتي { بالدين }
فالدين ليس رادعا للتصرفات
بقدر ما هو السلوك
تجد احدهم لديه { فلقة صلاة } أكبر من يوم القيامة ويتحرش بالنساء
وآخر لحيته تجر بالواطاة ويغتصب الأطفال
وتجد قس راسه اصلع وصليبه يتدلى يمينا وشمالا ويمارس الدعارة في الكنيسة
علينا كآباء ان نراجع سلوكنا في التربية
وان نسد ما بها من ثغرات

لا لمعاقبة الكل بجريرة البعض. ولكن حتي هنا في السودان
نحتقر الشاب الذي يقيم علاقة مع فتاة ويقوم بالتشهير بها وسط اصحابه
من يملك هذه الفتاة السودانية ومن يملك قرارها؟ لا احد،،،، لم يغضب الناس
علي اقامة السوري علاقة مع تلك الفتاة،، لكن الغضب تملكهم حين رأوا حجم احتقاره
وامتهانه لهذا الانسان الذي بادله انبل الشاعر،، نظر اليها بدونية تعيش عميقا في عقله الباطني
نظرة الشوام عامة للانسان الاسود، وكلنا يستحضرنا ما تعرضت له الخادمات الاثيوبيات والسيريلنكيات
في لبنان،، بل وما تعرض له بعض من بني جلدتنا هناك في لبنان،، الذي حدث هو نتاج قلة وعي وجهل بطبيعة المجتمع
الذي تعيش فيه،، نصيحتي للعقلاء من ابناء الاخوة السوريون،، وعوا ابنائكم وتحدثوا معهم،، فهذا الشعب الذي اتيتموه
زائرين،، تعرض ما تعرض من قمع وقهر من جانب حكومته،، لا تهدروا تلك الحفنة المتبقية من كرامته

السلام عليكم صاحب البوست وضيوفه الكرام

بعيدا عن مجئ السوريين للسودان بسبب اوضاع بلادهم المحتربة ولكن في ظل السلام والامن فاذا خيروا السوريين بالعيش في السودان فأن يرفضون لاسباب تتعلق بفهم العرب واصحاب البشرة البيضاء .. العرب بصورة عامة لهم نظرة دونية للسودان ومعظمهم لا يتكلمون عن السوداني الا بسخرية واستصغار ولكن المصيبة نحن نتلصق بهم بالعكس اقرب الشعوب الينا ثقافة وعرقا هو الاثيوبيين والارتريين والصومال ويحترموننا ويحبوننا ولكن نحن نراهم كما يرانا العرب لماذا ؟؟؟
فيما يختص بامر السوريين غلطة الحكومة منحتهم الجنسية ويفترض ان يكونوا في معسكرات لجوء وتحت اشراف الامم المتحدة ويمكن لهم السفر بوثيقة من الامم المتحدة نفسها وهذا الامر لا يستطيع احد تحميله للسوريين في حملهم للجواز السوداني بل للحكومة السوداني وللمسؤلين الذين تاجروا بسمعة الجنسية السودانية مقابل حفنة من الدولارات والا كيف يستخرج جواز بهذه الصورة إذا كان المواطن اتعذب في الحصول على الرقم الوطني والجواز
عكســــة :- المصيبة فينا نحن السودانيين هنالك فساد اداري وعدم امانة لمتطلبات الوظيفة في البلد ويجب محاسبة المسؤوليين في ذلك

مودتي


رحـــال

هذا البوست ساقط فعلا
ولن يخدم الديمقراطية والفدرالية والاشتراكية في السودان
كدي شوف لينا الجنجويد واالاجانب الشالين سلاح في السودان اولا

نحن السودانيين من اكثر الناس تحليلا لشعوب الارض ، وفي احيان كثيرة نسيء في مجالسنا الخاصة لبعض الجنسيات ، اذا كان السوريين قاموا بهذا العمل كما يذعم الكثيرين على الاقل اشجع منا لانهم انتقدونا في العلن ونحن ننتقد الآخرين خلف الحيطان وبعنصرية .

سذاجة بنات ادمنو المسلسلات التركية والسورية
بلد مافيها قانون يلزم الاجنبي باحترام العرف والعادات
نظرة العرب الدونية للسودان والسودانيين
مصلحة النظام السوري وبعض مخابرات لزرع الفتنة عبر فبركة بعض الاخبار وتضخيمها ( انظر الصورة التحت وقد وردت على انها تاديب لاحد السوريين في الخرطوم بينما الصورة من احد السجون المصرية )
http://www.up-00.com/

اقرب الشعوب الينا ثقافة وعرقا هو الاثيوبيين والارتريين والصومال ويحترموننا ويحبوننا ولكن نحن نراهم كما يرانا العرب لماذا ؟؟؟
الأخ الأستاذ / أشرف الرحال
لافض فوك( جئت بالمفيد) هل سألنا أنفسنا السؤال دا ونحن بالفعل أقرب الشعوب لنا فى العادات والتقاليد والأعراف ووووومن هنا لحدى مدينة واو هم أهلنا وأحبتنا فى إريتريا ثم من بعدهم إخواننا فى أثيوبيا وتشاد والصومال وركز على إريتريا وتشاد وطبيعة التداخل بيننا وبينهم أكبر القبائل فى شرق السودان قبيلة البنى عامر توجد نفس القبيلة فى إريتريا وكثيرون من أهلنا وإخواننا فى شمال السودان إستنكروجود البنى عامر فى السودان وأصبحنا بين عشية وضحاها أجانب ويجب طردنا من شرق السودان بالمناسبة أخى أشرف أنا بنى عامراوى وما (بزعل وبتحمق ) لوجانى واحد متعصب ووصفنى بالأريترى ولى الشرف فى كونى أريترى وسودانى فى نفس الوقت ومعليش يمكن أكون خرجت عن موضوع النقاش شوية لكن كلامك الفوق دا صاح 100% بالنسبة للإخوة الأعزاء فى تشاد نفس الحكاية والتداخل التشادى السودانى وأخواننا فى قبيلة الزغاوة العريقة أكبر القبائل فى غرب البلاد أشرف أخوى مصيبتنا فى السودان أننا شاربين مقلب (فاكينها فى أنفسنا ) شوية وطالعين فى العالى على الفاضى ونسخر أو بعضنا يسخر من بعضنا حتى داخل السودان سيبك من الأريتريين والأثيوبيين البحبونا أمراضنا الإجتماعية للأسف كثيرة وبلاوينا أكتر ونشتم فى أنفسنا ليل ونهار ونلعن أبو سنسفيل الحكومة صباح مساء الحكومة سوت الحكومة قالت الحكومة باعت ياخى أنا ماعندى كبير غرض بالحكومة فالحكومة بإمكانها تفعل أى حاجة لكنها لا تستطيع ولن تسطيع شراء أخلاق لبعض السودانيين والسودانيات الفاسدين والمفسدين حتى فى الحكومة نفسها = الشعب السودانى كانت سمعته ولا زالت بخير لكن فى السنوات الأخيرة أصابتنا أمراض ماكنا نعرفها بل وفدت إلينا وصرنا معلمين بل علمنا غيرنا ولو إنت قاعد هنا فى منطقة الخليج أكيد سمعت أو شفت بلاوى ومنطقة الخليج دى بالذات تعرفنا جيداً بحسن سلوكنا وإحترامنا لأنفسنا ولغيرنا لدرجة أثارت غيرة وحسد بعض الجنسيات العربية ياأخوة ياأخوات لست فى مقام الناصح ولا أحب التعميم أقول فقط أيها السادة حاسبوا أنفسكم قبل أن تحاسبوا غيركم - (ودحنكم وسلامتكم ) بمعنى سلمتم

سلامات
الاخ الفاضل
السر جميل
شكرا لهذا المقال الملئ بالحقائق لقد اسمعت إذ ناديت حياً ولكن لاحياة لمن تنادى.
اعتقد المقال او البوست ده لو كان عنوانه فجور الجنوب سودانيين او التشاديين او الكنغوليين او النيجريين او الاثيوبيين واريتريين في السودان كان رد الفعل اختلف تماما من الردود ال في البوست.
غايتو كان الله في عون السودان
وشكرآ باشمهندس بكري لرفع البوست

Quote: هل كل السوريين الموجودين في السودان مارسوا ما تقول يا السر جميل؟ هل تمانين في المية منهم؟ ستين في المية؟ ياخ العالم كله غاضب من قرار ترامب بمنع دخول اللاجئين السوريين مطلقا و نحن الذين برطعنا في بلادهم دراسة و سياحة و تجارة و شهور عسل و استشفاء ما قادرين نستحملهم و نأخذ الكل بجريرة البعض او حتى بدون أن نتأكد من مصدر الكلام المنشور على الفيسبوك و غيره. ياخ في ناس يقول ليك لو شفنا واحد سوري ماشي مع بت سودانية حنسوي و حنفعل..الخ منو الاداهم الحق ده؟ هل هم اوصياء على البنات السودانيات؟ ماذا لو أن سودانية تزوجت سوريا هل تمتنع عن المشي معاهو في الشارع ارضاء لغرور بعض الاغبياء؟

كلام جميل وموضوعي يا انداندي
بوست مكانه الطبيعي الخور .
تحياتي

انا كنت متخيل المعيار الذي على اساسه يتم رفع البوستات في الاعلى هي ان تكون مميزة او مفيدة ..

سواء كان هذا الكلام ظاهرة أو تفلتات للبعض هنا وهناك لا يجب أن نلوم السوريين بل يجب أن نلوم أنفسنا ممثلة في النظام الحاكم والذي منحهم جوازات سفر ولم يقم بوضعهم في معسكرات لإجثين شأن كل لاجئ حتى أولئك الذين يقصدون دولاً تكون فيها قوانين حقوق الإنسان نافذة وبمعاونة منظمات دولية بالضرورة

ده تعميم مخل







...............
غايتو يا السودانييين الله لا وقع زول تحت يدكم
عايشين فى دول العالم وبتطالبو بمعاملة كريمه - من حقكم
وفى نفس الوقت عاوزين تحرموا منها الناس الفى بلدكم ..

الفجور مرفوض .. لكن الفجور ده بجي من طرف واحد ؟

Quote: غايتو يا السودانييين الله لا وقع زول تحت يدكم عايشين فى دول العالم وبتطالبو بمعاملة كريمه - من حقكم وفى نفس الوقت عاوزين تحرموا منها الناس الفى بلدكم .. الفجور مرفوض .. لكن الفجور ده بجي من طرف واحد ؟

يعني هسع السودانيين العايشين في الغرب ديل اصلهم ما طلعوا مع خواجيات ؟؟؟
الفساد ممنوع هنا وهناك ويجب ان يحارب فساد السودانيات مع السوريين وفساد الخواجيات مع السودانيين .
تحياتي