Post: #1
Title: حسين ترمس
Author: أبوبكر عباس
Date: 01-30-2017, 09:11 PM
08:11 PM January, 30 2017 سودانيز اون لاين
أبوبكر عباس-الإمارات
مكتبتى
رابط مختصر في الحساب عمنا، ساكن كمير العوضية، خمطاشر كيلو من المتمة، جدو كان شيخ خلوة اسمو الفكي ترمس.
الفكي ترمس كان بحب البكيات حب شديد، بوقت يجي المقابر بعد ناس الواسوق ديك يكونو واسوا القبر وختوا ليك الشاهد،
جنو وجن غبار المقابر وغلاط الحفارين في مواسات ود اللحد
بكلفت ليك الفاتحة مع أهل الميت، وبمشي يحرس ليك الفراش
لو في موت في الكمير، اجازة للخلوة سبعطاشر يوم
موت في الحلال المجاورة؛ اجازة عشرين يوم، بحسب حق المشوار بالحمار تلاتة يوم لكل الحلال لحدي المتمة،
الحلة الوحيدة القال مقاطعها وما بحرس فرشاتا، هي الكردة
ليش؟
قال ديل أصلهم دناقلة وعودم في العباس عود مرة!
بحب اللهط حب شديد، خاصة دمعة العشا
موصي النسوان، باقي الحلل كلو يجهزوا ليهو لطلبة الخلوة
الطلبة يسمهم في اللحم
بشد ليهم اللوبا عفن
بالليل لو جيت ماري جنب مسيد الخلوة؛ لازم تحسب اتجاه الريح، عشان تحدد تتجاوز باليمين ولّ الشمال
|
Post: #2
Title: Re: حسين ترمس
Author: معاوية المدير
Date: 01-30-2017, 09:59 PM
Parent: #1
UP...
|
Post: #3
Title: Re: حسين ترمس
Author: محمد على طه الملك
Date: 01-30-2017, 10:42 PM
Parent: #2
انتو لسه بتكضبو ..
بالعكس العم وود أخو عودم فينا عود مره.
|
Post: #4
Title: Re: حسين ترمس
Author: جلالدونا
Date: 01-30-2017, 11:11 PM
Parent: #3
ايواتا ليك يا ملك
وريهو الحقيقة البتغابى فيها العرفة
لولا حبوبتنا هاجر لما كان العباس
هسى الواحد يقول ليكم نحنا خيلان ناس قريش بما فيهم رسول الله صلى الله عليه و سلم
تقومو تلحقوهو امات عثمان
___
up ود المدير دى فيها شى
اللهم اجعلو خير
|
Post: #5
Title: Re: حسين ترمس
Author: جلالدونا
Date: 01-30-2017, 11:17 PM
Parent: #4
نداء للعزيز معاوية الزبير
خليك بعيد من الحتة دى حتى تتضح الامور
المستنير اليومين ديل شغال ريسايكلنق
و احتمال كبير ما تسلم الجرة
|
Post: #6
Title: Re: حسين ترمس
Author: محمد على طه الملك
Date: 01-30-2017, 11:57 PM
Parent: #5
نسو شنو يا جلال ما ياها الخؤولة دي الخالانا تملي نجري نداريلم ..
ألا البروفايل بتاعك دا حقو تسلفو ناس السفارة تدريب ؤ كده.
|
Post: #7
Title: Re: حسين ترمس
Author: معاوية الزبير
Date: 01-31-2017, 00:12 AM
Parent: #5
إطمئن يا جلال، أنا تاني حاجة فيها سِيِرة ترمس ما بجي جمبها
أكياس الترمس الكنت بَرُم بيها عضمي المكسور، عِفتها 
|
Post: #8
Title: Re: حسين ترمس
Author: أبوبكر عباس
Date: 01-31-2017, 02:36 AM
Parent: #7
عم حسين أسرّ لي وأنا طفل دون أخواني وأقراني بسر علاقته بجده ترمس، قال لي في اضاني:
فيك سر نبوة خليني أحكي ليك سر.
قال عم حسين:
مرّة كنت مع الشفع بنصلي معاهو في صلاة العصر، الوكت برد شديد، زمن البرد كان بشقق كرعين الشفع، بعد سلّم كورك لي: قشير امشي استناني جوّة في الخلوة
قعدني قدامو وشايل سوطو بهز فوقو، قال لي: الصلاة دي اتوضيت ليها؟
جاني يا بكّة، يا ولدي، ثبات ورحمنة ما عرفتها قبل كدا، وقلت ليهو: ما قاعد اتوضأ للصلاة في الشتا
جدع السوط وطلع من جيبو مفتاح اداني ليهو وقال لي:
عفيناك من الصلاة نهائيا، عيناك أمين بيت مال الخلوة، المرافق الشخصي للشيخ في البكيات، وكاتم اسرار الخلوة.
قلت ليهو: كيف عرفتني يا جدي ما متوضي؟
قال لي: عضم الشيطان بتاعك لمع مع انعكاس ضوء الشمس من انكاس ضوءها من لوري التلب، المرّ قدامنا وأنا بسوي في الصفوف.
باختصار، كرعينك بختلفن من كرعين الشفع اللونم زي فول المراروو الرمادي.
رفعت يدي وخلاني أودي قسم قبول الوظيفة الجديدة
|
Post: #9
Title: Re: حسين ترمس
Author: حيدر حسن ميرغني
Date: 01-31-2017, 04:40 AM
Parent: #8
أمين بيت مال الخلوة
جدك ده ذكرني الكوز القال حقو نعيَن شيوعيين في الحكومة لأنهم أمينين
|
Post: #10
Title: Re: حسين ترمس
Author: محمد البشرى الخضر
Date: 01-31-2017, 05:44 AM
Parent: #9
يا سلام ياخ! بوستات الـ aftermath دي بتكّيف ليها كيف جد :)
|
Post: #11
Title: Re: حسين ترمس
Author: حيدر حسن ميرغني
Date: 01-31-2017, 06:08 AM
Parent: #10
هههه يا ود البشرى
انت قايل المستنير شغال بالحاجات دي
حرررم تلقاهو يقدل هناك "متكئا على نسبه"
-
قال ليك نيجيري مهاجر استلم الجواز الامريكي يادوووب
وهو راجع بيتو في الطريق هوَش ليهو لوترابي بالسيارة
قال " ياله من أجنبي غبي"
|
Post: #12
Title: Re: حسين ترمس
Author: عبدالحفيظ ابوسن
Date: 01-31-2017, 06:17 AM
Parent: #11
تحياتي بكري
وضيوفه
لقيتك مابتنسي ولو حذفت
اللهم أجعل سوء ظنوني كاذبة
{quote}
حسين ترمس
|
Post: #13
Title: Re: حسين ترمس
Author: أبوبكر عباس
Date: 01-31-2017, 07:08 AM
Parent: #12
انتهى زمن الخلاوي وجاء زمن ما بعد الانجليز، ونحن كبار نمشي لعمك حسين ترمس، أول ما يسلم عليك بسألك: صليتوا المغرب؟
تقولوا ليهو : لسع
يالا بسراع اتوضو المغرب وكتو ضيق، بسرعة يفرش ليك في السباتات ويجيب الاباريق بنفسو
يقيموا الصلاة تلقاهو جرا كرسيهو وقعد يدخن
ما بخلي ليهو زول حائم بدون ما يصلي
جانا مرّة في مدني لعرس أخوي، عذب ليك الناس بالصلاة
وهم بصلوا بدخل الصالون يرقد في السرير ويخلف كرعينو
جيت داخل الصالون، قال لي: صلوا؟
قلت ليهو: بتنفلوا
قال لي: الحمد لله نحن ربنا فكانا منها
أبوي سمعو، جاهو داخل قال ليهو: إتّا يا الخائب، الله كيفن فكاك منها؟ فكيت روحك منها براك
عم حسين في رقدتو ديك عاين لي وقال: أبوك دا علاقتو بالدين زي تجارة بصلو، مسكين ما نال من العلم اللدني بصلة قاورمة ساكت،
واصل موجها حديثه إليّ: أوعة تكون أذعت سري
قلت ليهو: في بئر، بذيعو بعد تموت
صنقر علي حيلو وقال: منو القال ليك أنا بموت قبلك؟
قلت ليهو: نسيت انو أنا فيني سر نبوة؟
|
Post: #14
Title: Re: حسين ترمس
Author: muntasir
Date: 01-31-2017, 07:17 AM
Parent: #13
خلاص خليت المؤمنين والمسلمين والكفار وقبلت علي الجمهوريين😀
|
Post: #15
Title: Re: حسين ترمس
Author: محمد المسلمي
Date: 01-31-2017, 08:06 AM
Parent: #14
خلاص خليت المؤمنين والمسلمين والكفار وقبلت علي الجمهوريين😀
-------------------------
يامنتصر خربة الرصة وبوظة الكيف حق ودالبشري 🏃🏃🏃🏃🏃🏃
|
Post: #16
Title: Re: حسين ترمس
Author: معاوية المدير
Date: 01-31-2017, 08:43 AM
Parent: #15
والله أنا لو في محلّك منتصر والمسلمي ديّل
أأستِكُن في حنانُن زاتو ...
|
Post: #17
Title: Re: حسين ترمس
Author: محمد محمد قاضي
Date: 01-31-2017, 08:58 AM
Parent: #1
قال ديل أصلهم دناقلة وعودم في العباس عود مرة!
بحب اللهط حب شديد، خاصة دمعة العشا
____________________________
والله لو ضاق أكلهم هو ذاااااتو كان غزا عوده
|
Post: #18
Title: Re: حسين ترمس
Author: محمد المسلمي
Date: 01-31-2017, 10:00 AM
Parent: #17
أنا لو في محلّك منتصر والمسلمي ديّل أأستِكُن في حنانُن زاتو ...
-----------
معاوية المدير سلام لعلك. طيب
ياخ أأسكتنا عديل 😂😭😂😭
|
Post: #19
Title: Re: حسين ترمس
Author: سيف الدين محجوب
Date: 01-31-2017, 11:14 AM
Parent: #18
قادينتود
قالوا الما بعرفك بجهلك
يا أصلي
|
|