محاسن دي قصتا شنو وهي منو ؟

10:05 AM January, 30 2017 سودانيز اون لاين
الطيب عباس-ناوي للبلد الامين
مكتبتى

رابط مختصر


وردتني اكتر من 10 نكات محاسن كبي محاسن اديني محاسن شنو ما بعرف ؟؟؟سؤال واحد يراودني عن محاسن التي يقال لها كبي حرجل ؟ واحد من المثقفاتية يورينا

الطيب عباس تحياتي
محاسن دي ما معروف منو
لكن

مشيت اغترب كايس رضاها
رجعت لقيت شفعها معاها

كبي عرقي يا محاسن
ههههههههههههههههههههههههههههه

دحين يا الطيب يا اخوي
يردو ليك كيف وانت بتقول
واحد مثقفاتي
صعبتها
ليك التحية ولكوستي

Quote: محاسن دي منو وقصتها شنو؟

نفس السؤال والله
الغريبة أمبارح سألت السؤال ده في قروب
فكانت الإجابة مزيدا من عبارات:
محاسن كبي حرجل ومحاسن سوي شنو ما عارف!!
بالله الفاهم احجة يورينا 🤗🤗

تحياتي أخ الطيب

إلا يمسح مثقفاتية دي
ههههه
بتوجعني ياخ

Quote: إلا يمسح مثقفاتية دي ههههه بتوجعني ياخ

ههههه التحايا ليك ود ابو سن وكل المتداخلين ..
المثقفاتية انواع في ناس ثقافتهم في الراندوك عالية فلازم نفهم قصه محاسن منهم شان كده قت مثقفاتية .. وفي ناس ثقافتهم ضحلة زي كده .. فلازم نفرق بيناتهم .. ولك العتبي

Quote: نفس السؤال والله

اهلا محمد جلال

واحد قالي دي مقتبسة من مسرجية المرحوم الفاضل سعيد بس ما متاكد

منتظرين محاسن تجي .,,

وبرضو غنية
شوف قباني ينزلها

Quote: الطيب عباس تحياتي محاسن دي ما معروف منو لكن مشيت اغترب كايس رضاها رجعت لقيت شفعها معاها كبي عرقي يا محاسن ههههههههههههههههههههههههههههه

كبي حرجل من المغصة امكن هههههههه
ابو السيوف شكلو بيعرف محاسن

دة ط ج
في اليوتيوب بحكي عن اولاد عطالة وماعندهم شغلة غير
محاسن كبي حرجل
محاسن كبي شاي
باعتبار محاسن ست شاي
يقال انو في واحدة اسمها محاسن ست شاي رفعت قضية علي كل من يعلق تعليق سخيف

هههههههههه والله يستاهلو .. غاييتو انحنا شعب عووير خلاص بنمسك في الحاجة كلنا لمن نمسك وبعد شوية نشوف البعديا ههههه
مثلا طلعت كلمت شتات في التسعينات مقتبسة من مسرحية بقول فيا محمد المهدي الفادني الباقي كلو شتاااات يلا تعال شوف الدفارات والركشات شتات كل البلد مشتته بقت وتاني ظهرت عبارات كتيرة منها السياسي ك ( زنقه زنقه - لحس الكوع - الخ .. ) وفي كلمات م ا متذكرة ههههه بس هي عبارات كوميدية مقتبسه من دعايات او اعلاناات كما الاسكتشات بتاعت عادل امام البيدرجوها في الافلام في الواتس ..

Quote: دة ط ج في اليوتيوب بحكي عن اولاد عطالة وماعندهم شغلة غير محاسن كبي حرجل محاسن كبي شاي باعتبار محاسن ست شاي يقال انو في واحدة اسمها محاسن ست شاي رفعت قضية علي كل من يعلق تعليق سخيف

ماعارف قصتا شنو ... وكانت مثار نقاش في احد قروبات الفيس عجبني التعليق التحت دا (Abdelazeem Bashir )

ﺻﻌﺪ ﺍﻟﻔﻨﺎﻥ ﺯﻣﺮﺍﻭﻱ ﺍﻟﻰ ﺍﻟﻤﺴﺮﺡ ﺣﻴﺚ ﻛﺎﻥ ﻳﺘﻐﻨﻰ ﺑﺮﺍﺋﻌﻪ ﺍﻟﻔﻨﺎﻥ ﺍﻟﺮﺍﺣﻞ ﺍﻟﺠﺎﺑﺮﻱ ﺍﻧﺖ ﻳﺎ
ﻗﻠﺒﻲ ﺍﻟﻤﺘﻴﻢ ﻭﺻﺪﺡ ﺍﻟﻔﻨﺎﻥ ﺯﻣﺮﺍﻭﻱ ﻗﺎﺋﻼ :
ﺍﻟﻤﺤﺎﺍﺍﺍﺍﺍﺳﻦ
ﻭﻭﺟﻪ ﺍﻟﻤﺎﻳﻜﺮﻭﻓﻮﻥ
ﺍﻟﻰ ﺍﻟﺠﻤﻬﻮﺭ ﻓﺮﺩﺩ ﺍﻟﺠﻤﻬﻮﺭ ﻗﺎﺋﻼ
.
.
.
.
ﻛُﺒﻲ ﺣﺮﺟﻞ

Quote: ماعارف قصتا شنو ... وكانت مثار نقاش في احد قروبات الفيس عجبني التعليق التحت دا (Abdelazeem Bashir ) ﺻﻌﺪ ﺍﻟﻔﻨﺎﻥ ﺯﻣﺮﺍﻭﻱ ﺍﻟﻰ ﺍﻟﻤﺴﺮﺡ ﺣﻴﺚ ﻛﺎﻥ ﻳﺘﻐﻨﻰ ﺑﺮﺍﺋﻌﻪ ﺍﻟﻔﻨﺎﻥ ﺍﻟﺮﺍﺣﻞ ﺍﻟﺠﺎﺑﺮﻱ ﺍﻧﺖ ﻳﺎ ﻗﻠﺒﻲ ﺍﻟﻤﺘﻴﻢ ﻭﺻﺪﺡ ﺍﻟﻔﻨﺎﻥ ﺯﻣﺮﺍﻭﻱ ﻗﺎﺋﻼ : ﺍﻟﻤﺤﺎﺍﺍﺍﺍﺍﺳﻦ ﻭﻭﺟﻪ ﺍﻟﻤﺎﻳﻜﺮﻭﻓﻮﻥ ﺍﻟﻰ ﺍﻟﺠﻤﻬﻮﺭ ﻓﺮﺩﺩ ﺍﻟﺠﻤﻬﻮﺭ ﻗﺎﺋﻼ . . . . ﻛُﺒﻲ ﺣﺮﺟﻞ

هههههههههههههههههههههههههههههههههههههههههههههه مبتهجين دا جمهور طاشم بكون

صاحب البوست سلام
اول مرة اسمع العبارة دي في مسرحية الحاج متذكر
في مشهد فيو ست الشاي قاعدة وحواليها ود المهدي (منوفلي) وجمال عبدالرحمن(الحاج متذكر) ومعاهم تالتهم داك بالاضافة لممثل تالت نسيت اسمه هسي كان ممثل دور زول بتاع سياسة ومثقف وكدة وبتأفف من الوضع لما الطارة كبست
قام قال ليها سجن السياسة دا حار بقوم بطلع ليو ليو باقة كريستال بقطعها ويقعد يكورك محاسن كبي شيرية محاسن شيرية


تحياتي

يقال والعهدة على عمو واتساب إنها ست شاي بتخت كبابي الشاي بي فوق لتربيزتها وكبابي العرقي جوة صندوق التربيزة
وأضاف آخرون إنها انتشرت واصبحوا بمشوا ليها بتاعين الركشات وكل طالبي الانصاص لحدي ما الشرطة شمت الريحة وعكشتها

محاسن كبي ...وقصة محاسنكل مافي الامر...طلع شخص شبه مجنون يدعي طارق الدامر..او هو مدينة الدامر يعمل كمسنجي في المواقفذو لسان فالت والفاظ سوقية لا تقال امام العامه وانتشرت له كثير من الفديوهات منها الطريف... واكثرها بها الفاظ سوقية وشينه قليلة ادبواذا جاز الوصف يعتبر زول منتهى ساي... يجلس وسط مجموعه من الشباب في الاسواق ويطلبون منه الكلام في السياسه والناس والمواضيع ويتم الباقي االفاظ سوقيه وهم يضحكون المره التي قال فيها محاسن كبي حرجل محاسن كبي شيريا محاسن كبي شاي...ادخل معها محاسن كبي نص ومحاسن كبي انقارا وكان في احد الفديوهات صاحب عبارة محاسن ..يجلس عند ست الشاي..ويذم في الشباب بجلوسهم الدائم عند ستات الشاي ..قالهم بطريقه كموديه ومضحكهانتو جاسلين عند ستات الشاي.طول الوقت يوجد في الصندوق اشياء اخري غير الشايوعدد الاشياء التي ممكن توجد وتشرب عند ست الشاي ..مع كل مره يذكر اسم محاسن..اعتقد ست الشاي الكان جالس عندها اسمها محاسن.او بالاشارة الي محاسن اخريمن هنا انطلقت الجملة ..محاسن كبي نص ....والخ
كلام سوقي .كلو

سلام عليكم
قصة محاسن زي قصة عم عبدو ابرمها ابرمها , تسجيل لمضحكاتي انتشر ثم تم تقليده من العشرات واخيرا اعنية و بعض محلات السعوط تسمت باسمه و اهو الامور ماشة و الناس متونسة

امشي اليوتيوب واكتب (محاسن كبي حرجل - طارق جيبو) بتعرف القصة شنو
لانو بصراحة الفيديو +18 وما بقدر اجيبو هنا
لكن نهديك بالمناسبة دي اغنية (محاسن كبي حرجل) للكنترول شهاب الدناقلة :) :)

Quote: امشي اليوتيوب واكتب (محاسن كبي حرجل - طارق جيبو) بتعرف القصة شنو لانو بصراحة الفيديو +18 وما بقدر اجيبو هنا

محمد ابراهيم شكرا يا انيق . طارق دا مكشكش حسب راي انا

اهلا ود البشري نحنا المغتربين مرات لمن نرجع في الاجازات بنكون فاتحين خشمنا لانو في عبارات ما بتكون مفهومه هههههه زي اكتمها وكتما ... وقديما عباره ببقي لي بمبي هههههههه

Quote: سلام عليكم قصة محاسن زي قصة عم عبدو ابرمها ابرمها , تسجيل لمضحكاتي انتشر ثم تم تقليده من العشرات واخيرا اعنية و بعض محلات السعوط تسمت باسمه و اهو الامور ماشة و الناس متونسة

مرحب اباذر ..
اي طارق جيب الله مشهور كده عندو فلجه ومثقف شوية ههههههه وبديا ضحكه في اخر اي فيديو وجد شهرة واسعه عن طريق الاسكتشات وبقت ليو رزق شكلا

Quote: محاسن كبي ...وقصة محاسنكل مافي الامر...طلع شخص شبه مجنون يدعي طارق الدامر..او هو مدينة الدامر يعمل كمسنجي في المواقفذو لسان فالت والفاظ سوقية لا تقال امام العامه وانتشرت له كثير من الفديوهات منها الطريف... واكثرها بها الفاظ سوقية وشينه قليلة ادبواذا جاز الوصف يعتبر زول منتهى ساي... يجلس وسط مجموعه من الشباب في الاسواق ويطلبون منه الكلام في السياسه والناس والمواضيع ويتم الباقي االفاظ سوقيه وهم يضحكون المره التي قال فيها محاسن كبي حرجل محاسن كبي شيريا محاسن كبي شاي...ادخل معها محاسن كبي نص ومحاسن كبي انقارا وكان في احد الفديوهات صاحب عبارة محاسن ..يجلس عند ست الشاي..ويذم في الشباب بجلوسهم الدائم عند ستات الشاي ..قالهم بطريقه كموديه ومضحكهانتو جاسلين عند ستات الشاي.طول الوقت يوجد في الصندوق اشياء اخري غير الشايوعدد الاشياء التي ممكن توجد وتشرب عند ست الشاي ..مع كل مره يذكر اسم محاسن..اعتقد ست الشاي الكان جالس عندها اسمها محاسن.او بالاشارة الي محاسن اخريمن هنا انطلقت الجملة ..محاسن كبي نص ....والخ كلام سوقي .كلو

ههههههههههههه احمد محمد عمر
مرة ايام الجامعه والسخانة والبلد كاتمه مشينا لي فردتنا في اب روف .. ومنها البحر نجلبغ .. اها الطارة جات مع انو ماف اي سنة ولا كبنقه ههههه اها اتاري البحر ممنوع وفيو الترويج بتاع الكبنقة ...
رفعونا ليك مع المروجين وودونا الكبجاب هههههههه
وهاك يا بطاقات ويا زول انتو طلبة والاد ناس الجابكم هنا شنو .. وتعهدات ومابعرف شنو .. اها في مجند خدمه وطنية من كوستي رحلو البقعه بدري طلع بعرفنا بي جاي جاي مرقونا
صحبك كل ما يلقاني اها ابروف كيف ..
وكوستي الرديف ههههههه
وقعت وقعه شينه من كوستي وفي اب روف هههههههههههه

ومحاسن كبي شيريا هههههه

Quote: يقال والعهدة على عمو واتساب إنها ست شاي بتخت كبابي الشاي بي فوق لتربيزتها وكبابي العرقي جوة صندوق التربيزة وأضاف آخرون إنها انتشرت واصبحوا بمشوا ليها بتاعين الركشات وكل طالبي الانصاص لحدي ما الشرطة شمت الريحة وعكشتها

مرحب يوسف طه
العباره اكيد كوميديه بحت من مسرحيه او ما شابه ذلك
تحياتي

محاسن هي بائعة شاي والان هي بصدد رفع دعوى ضد الذين اسأوا اليها.

تحياتى اخى الطيب عباس .. و لضوفك الف تحية ..

منذ زمن بعيد ..من وقت لآخر تظهر عبارات و مصطلحات لها مدلولات و يتم تناولها بين فئات الشباب و الطلاب و كانت محصورة بينهم .. و لكن بانتشار الاجهزة الزكية و الواتساب و غيره من التطبيقات التى اتحات سهولة التواصل و الانتشار ..

اصبحت هذه العبارات و تلك المصطلحات عامة بين كل الفئات العمرية .. رجال و نساء .. قصة محاسن و و ما ادراك ما محاسن .. مرت على البارحة و لم استسيغ العبارات التى وردت فيها ..


الطيب رحمه قريمان

قصة محاسن من فطاحلة الاغانى الدكاكينية ...... وملهمهم خليل عازة الذى يستخدم اسم الانثى كرمز اخر ..... ومحاسن مجارة فى الضواحى وطرف المدائن فى القعدات الخاصة جدا ..... ويطلق عليها ناس الكريستال او خرطوم بليل الجو ..... اما ناس جكسا وضهر الفيل ديل مجموعة تانية براها...... اما ناس اموت ركن ديل خليهم ما محسوبين مع الجماعة .

فى بوست للاخ زهير ذى علاقة بالموضوع سألته فتفضل بالإجابة التالية:

Quote: أخي العزيزعبدالعزيز الفاضلابى تحياتي يقال يا أستاذ أن محاسن هذه قد نالت الشهرة وبلغ صدها مدي البلاد والجوار ليس لانها بائعة شاي عادية ولكنها أين تبيع المشروبات الروحية العرقي ويقول لها زبائنها الكرام دوما محاسن كبي حرجل والحرجل يشبه العرق وصارت محاسن في مواقع التواصل الاجتماعي رمزا للفوضي وأنكسار المحبط حتي في النكته السودانية أخيرا أرجو أن اكون وضحت أمر وقد يكون هايف ولكنه أصبح جزء من الادبيات الشعبية السائدة وسط الشباب اليوم لك كل الود

رغم ركاكة الصياغة انتشرت الصورة مع الخبر في الواتس اب و لكن ظاهر انها ليست قصاصة من جريدة لركاكة الصياغة.

شخصية وهمية للهروب من الاحباطات الحاصلة للشعب السوداني

راكب في المواصلات
راكبه جمبي بت وبتتكلم بالتلفون مع ولد
المهم ما كنت شغال بيها ... بس فجاة شدتني جملة ....
عاين # انا هسه سايقه برجع ليك بعدين
عليك دينك انتي جاده ..يعني انا هسي راكب في عربتك
....
..
.

محااااااااااسن شغلي المكيف بالله هههه

ههههههههههه اموت ركن دي قديمة بس ما انتشرت

تحياتي نواي

Quote: قصة محاسن من فطاحلة الاغانى الدكاكينية ...... وملهمهم خليل عازة الذى يستخدم اسم الانثى كرمز اخر ..... ومحاسن مجارة فى الضواحى وطرف المدائن فى القعدات الخاصة جدا ..... ويطلق عليها ناس الكريستال او خرطوم بليل الجو ..... اما ناس جكسا وضهر الفيل ديل مجموعة تانية براها...... اما ناس اموت ركن ديل خليهم ما محسوبين مع الجماعة .

مرحب قريمان .. كلامك صاح

زمان كان في رطانه واندثرت انا عاوز اطلعا بالواتس تاني .. بتاعت سنت ابوني تتذكروها ههههه

ياخ زي ما قال هي هروب من الواقع بخلق نكات وتصديقها قد يكون الموقف حقيقي في وكتو وتاني يمسكو فيو .. بكون مسيخ مالم يكون في لحظتو ..

تحياتي

Quote: تحياتى اخى الطيب عباس .. و لضوفك الف تحية .. منذ زمن بعيد ..من وقت لآخر تظهر عبارات و مصطلحات لها مدلولات و يتم تناولها بين فئات الشباب و الطلاب و كانت محصورة بينهم .. و لكن بانتشار الاجهزة الزكية و الواتساب و غيره من التطبيقات التى اتحات سهولة التواصل و الانتشار .. اصبحت هذه العبارات و تلك المصطلحات عامة بين كل الفئات العمرية .. رجال و نساء .. قصة محاسن و و ما ادراك ما محاسن .. مرت على البارحة و لم استسيغ العبارات التى وردت فيها .. الطيب رحمه قريمان

اهلا بدر المعارف

ربما تشابة اسامي

Quote: محاسن هي بائعة شاي والان هي بصدد رفع دعوى ضد الذين اسأوا اليها.

محاسن كبي حرجل دي
رمزية للوضع المأزوم والذي تعيشه البلاد
والرجل وصف الوضع المأساوي حسب فهمه
واعتقد ان الرجل صادق في ما ذهب
من حيث الشباب العاطل
والبلد المدقرة زي دقار منبرنا دا

الاخ الطيب وضيوفه
تحية طيبة
في بداية التسعيينات كان في أزمة دقيق وصادف عيد فطر
ظهرت عبارة ( خبزتو ) وردها (راجين صوانيكم )
وبرضو ظهرت (ام برمة )
ام برمة شي غنا وشي حركات بالارجل والايادي
بشتنه شديدة
انا الى الآن ما عارف حكاية ام برمة دي شنو ومعناها شنو ؟
وتاني ظهرت قصة سوق المواسير
والناس الركبو ماسورة
غايتو محن شديدة
هههههههههههههههههههه

التحايا للجميع بدون فرز ولي محاسن كمان

محاسن مشت تتطلع جنسيه العسكري طلع ورقتو قاليا محاسن جيبي قلم ههاهاهاها طوالي خلتو ومرقت ..

ظاهره محاسن تستحق الدراسه ..

الأدب والفن والغناء والرياضة تتاثر بالأوضاع التي تعيش فيها
وموضوع محاسن نتاج لإفرازات عهد الانحطاط الذي نعيشه..
أدخل الفيس لترى إلى أي درك سحيق وصلنا..
كل المدااخلات محاسن كبي محاسن كبي وكأن محاسن وحدها
هي من تعيش في الوطن المأزوم..
أصبحت شغل الناس هو تبادل النكات اليومية بطريقة سمجة وسخيفة
وتدل على |أننا شعب عاطل وكل همه أن ينتهي يوم الإنسان فيه بخير..
أمر مؤسف ما وصل إليه حال شعب وشباب السودان..

في بوست سابق ذكر حبيبنا ابو سن هل تنفع النكته في حل الازمة ؟؟

القصة فيها الترابي والصادق والميرغني حسب ماوردني ، لكن دا برضو ما الاصل ....


انا غايتو بعرف محاسن كبي تبلدي

محاسن الصدف
ثم
محاسن كبي زوغة

..

اللغة السوقية دى اختلطت السودانية منها بالأجنبية والواحد بقى ما يفهم..

ايضا ينتشر فى الخرطوم تعبير (ما خطير) فى الوسط التجارى وبين السماسرة وربما يعنى حاضر، بسيطة، سهل أو نحوه ..

محاسن دى شكلها بتبيع (كريمات) بالمعلقة كمان ..

محاسن أدينا نتمسح..

..

Quote: الاخ الطيب وضيوفه تحية طيبة في بداية التسعيينات كان في أزمة دقيق وصادف عيد فطر ظهرت عبارة ( خبزتو ) وردها (راجين صوانيكم ) وبرضو ظهرت (ام برمة ) ام برمة شي غنا وشي حركات بالارجل والايادي بشتنه شديدة انا الى الآن ما عارف حكاية ام برمة دي شنو ومعناها شنو ؟ وتاني ظهرت قصة سوق المواسير والناس الركبو ماسورة غايتو محن شديدة هههههههههههههههههههه

محاسن دي مثل عم عبد الرحيم بتاعة مصطفى سيد احمد - حاجة كده مفتوحة على الغياب كما يقول المثقفاتية
قالوا واحد سألوا ..
يامصطفى ...عم عبد الرحيم ده منو ؟

*( محاسن )*

*شعر / صديق الرضي*
*الصداقة*
عليك المولى ما بتخجل
بتتهكم عليها تقول
محاسن كبي لي حرجل
اكبك الله داخل بير
واقع في البير
كمان كم فيل
وتتكسر
وتتبرجل
محاسن امي
وأختي كمان
وخالة وعمه
بت جيران
نعم ست شاي
نعم بتحنن النسوان
نعم بتبيع تسالي وفول
لكن هي من الرجال أنبل
محاسن هي ست البيت
وست الناس
وسامية وغالية زي الماس
محاسن ساس
محاسن هامة ما بتنداس
ممكن ما بتفك الخط
وما كتبت على الكراس
محاسن ايوه ياخي مره
بتزعل لو نفد صبرا
وتكسر للرجال الراس
وبرضو بتفضل الاجمل
محاسن شالتك تسعة
محاسن رضعت حولين
محاسن ذايبة زي شمعة
محال توفيها ياخي الدين
محاسن اخفت الدمعة
وصابرة عليك سنين و سنين
محاسن طيبة السمعة
وخاتا الخمسة في الاتنين
محاسن ربتك يا خوي
محاسن خلتك ترجل
معلمة قرت اولادك
طبيبة تداوي شفعنا
محامي
مهندسه وقاضي
اذا أخطانا تردعنا
وحبوبة تحجينا
تطبطبنا
فرحنا ولا دمعنا
وبالأمثال تعلمنا
ومن عاداتا كم ننهل
محاسن واردة في الدونكي
وراعيه لي غنيماتا
محاسن ماسكة للسونكي
بتحفظ طين وليداتا
محاسن في الفجر بتشيل
ملودا وطوريتا ومنجل
بسيطة تلقط الويقود
حكيمة تطبب الميرود
حفيدة ل (نعيم) الجود
كريمة تجود هي بالموجود
ولو مافيش
برضو تقولك إتفضل
محاسن حرة بت حرة
تبيع الدكوة والكسرة
عشان اتعلموا الاولاد
وشان تتزوج السرة
نقية وفية ناصعة صفاتا
وكاسيها العفاف والسترة
شامخة
أبية حاشاها
لا مزلولة لا منكسرة
مميزة بين نديداتا
وفي أفكارا دايما حل
محاسن ياها كنداكة
في محنك تملي معاك
وفي كل خطوة سانداكا
سخية و ما بخيلة عليك
ولو حيلتها مسواكا
ومرات ما بربي أبو
لبن ضرعاتا رباكا
ولما اجيبو سيرتا بس
خلاص الكلام بكمل
وبرضو تقول…
محاسن كبي لي حرجل!!!
قول لي بس بتسخر ليه
وفرقك من محاسن إيه
فاقد بس إجيك الحيض
وناقص بس كمان تحبل.
محاسن يا حقيبة الفن
محاسن يا العسل والدن
وأقيس محاسنك بمن
ويا الدر الماليك تمن
ولا نور عيني ونور الزمن
ويا البدر الدوبو اكتمل
وفيك صور المحاسن
والمحاسن اغرتك
ريقا يشفي المعلول واهن
بي سمح طبعها سرتك
عيونك الواسع مقاسن
الحشا المبروم والديس والكفل
وإن عشقنا بنعشق محاسن
شان تفوز بيها اتحرتك
ومن محاسن حسن المحاسن
كون ابوها البرتك
والمكارم غرقن ساسن
كون اخوها السرتك
وابقى فارس لي محاسن
وابقى ليها كمان البطل.

و للآخرين محاسن " هم" اليومين ديل العالم شغال تقليد في حركة الجزار/ الطباخ التركي Nusret Gokceمشاهير من برامج التلفزيون الترفيهية و إلي البرامج الرياضية ... يذروا الملح (الحركة) على طريقته " الكوبرا"شغل الناس لدرجة إنه كتبوا عنه في ال wall street journal... إتفتحت ليه أبواب رزق كتيرة!التحية لك الأخ الطيب و لزوار البوست

المسطول قال الشعب السوداني شعب ميت شان كده ماس ك في محاسن

واذكرو محاااسن موتاكم

واحده خشت علي حبيبها بالوتساب
قالت ليهو : محمد كيفك شنو ما بتسال ليه ؟؟
قال ليها : اوو نون اخبارك معليش الفلس بخلي الناس ما بتسال
قالت ليهو : انت ما تشوف ليك شغل
بدل قاعد عاطل كدا ،،،

قال ليها : هوا في البلد دي في شغل .

قالت ليهو : وين انت هسه ؟

قال ليها : قاعد جنب ست الشاي بشرب في جبنة...
فجاة خشي عليها واحد تاني

قالت ليهو : يا محمد دقيقة بس صاحبتي خاشة علي

قالت للمتصل : يا مرحب منوو معاي .؟

قال ليها : انا عوض ود عمك معقول نسيتي الرقم يا نون

قالت ليهو : عوض كيفك معقول وين مختفي شنوو وين فترة ما سمعنا منك ...

قال ليها : انا في قطر كيف عمي
قالت ليهو : تمام اها الشغل كيف ؟؟

قال ليها : تمام الحمدالله مية ميه اشتريت لي بيت في الصافية عمارة وجاي جاهز اها رايك شنو اضرب اكلم عمي ؟؟
قالت ليهو : واااااااو اضرب طوالي
قال ليها : مبروك اسع بضرب ليهو يلا باي
رجعت لي محمد
قالت ليهو : يا محمد انت لسه جنب ست الشاي ؟؟
قال ليها : ايو يعني امشي وين

قالت ليهو : خلاص خليها تكب ليك حرجل .......



😂😂😂😂😂😂😂

Quote: معلمة بتسأل طالبة دلوووووعة : شنوالفرق بين الغيمة والسحابة ؟؟ الدلوعة قالت : الغيمة واااااو رووووعة و بتنزل علينا المتر، وبتخبي عنا الشمس الحاااارة ديك. أما السحابة (رضي الله عنهم) ماااا بقدرأقول عنهم غير إنهم حلووووين شديد 😱😱😱😂😂😂😂 محاسن انطقي الشهاده...😂😂

بمناسبة ذكر المفردات العجيبة دى ياريت تورونا ماذا تعنى عبارة (فلان ركبوهو التونسية ) وليه التونسية ؟