البت المنطلقة ؛؛؛؛؛؛

06:50 PM January, 26 2017

سودانيز اون لاين
علي دفع الله-سنار
مكتبتى
رابط مختصر

زهجنا من السياسة و تلحة السلفتوت وسك الكيزان ..
قلنا نخستق شوية ..
(أسد ساكي غزالة سكة من امها ؛ تعبت وقفت وعاينت ليه مغتاظة وقالت لي للاسد جنك اكل كتل يا اخي جرب الحب دا يا اخي)
خستقوا ان الجدية ملحوقة...او كما قال ..
----------------------------
نخش في الموضوع بتاع البت المنطلقة ..
وخميسكم مبارك 😂😂

السلام عليكم
ود دفع الله ...
أيوة كده ... افتحها شوية ... أعتقنا من السياسة .. الله يرضى عليك ...
زمان في الخلوة بنقول ... الخميس ...شنو كده ما عارف ... للمطاميس...!

حاشاك انت ياخ...

تحياتي

حذف لاني عايز ابلع السيف متني

زماااان كنت مدرس في مدرسة ثانوية بنات ومعانا في المدرسة مدرس اسمو الفاتح ..استاذ الفاتح دا من اولاد ام درمان كان مدرس قديم وانا يا دوب اول تعيين اها استاذ الفاتح زول غريب خلاص وعندو حاجات لو اخضعتها للعقل ممكن تطلق عليه ما عادي زينا كدة مثلا كل يوم بحلق دقنو وشنبو وكان عندو شفرة حلاقة جيليت اول مرة اشوفها .وكان بنوم وشاكي بنطلون وقميصو ..صلاتو عندها طقوس وصيامو واكلو وشرابو وونستو ..
يا اخي الفاتح دا كان عمرو فوق الخمسين وما متزوج وكان عندو راي في الزواج التقليدي وكان مؤمن ايمان عميق انو مفروض الزواج يكون لا مركزي يعني ما شرط يكونوا في بيت واحد يعني ممكن يتلاقوا في الاسبوع مرة واحدة ..وقد طبق هذا الزواج والان يعيش بصورة اكتر من رايعة ..
لسع مع استاذ الفاتح لانو هو الbasic بتاع الونسة دي ...
نواصل ..

مرة قاعدين في ميز المدرسين طبعا انا ما ساكن معاهم لان المدرسة في حتتنا لكن لاصق فيهم 24 ساعة مرات ارجع البيت نص الليل شيء كشتينة والعصر كورة طايرة ومرات سنن😃 في الجو الجميل دا احيانا تتخللو نقاشات جادة ومرات نقاشات تاافهة المهم استاذ الفاتح قام حكى لينا موضوع عن سيرة البنات ...
نواصل ..

يا جماعة الخير ... رسونا على بر .. عشان نعارف نتاوق ... هي منطلقة ؟

واللا كما قال الاخ ياسر مطلقة ..؟!

ما توهدبونا ساكت نقوم نجيب لينا كلام خارم بارم ...

ود دفع الله ما تكون الحكومة زانقاك ؤ بقيت حاريلك انطلاقة ؟

مولانا محمد علي المك ازيك يا صديقي
ضاع معاك زمن الوسامة وزمن الانطلاقة ههههه ننطلق وين تاني في الزمن المراحو نشف ...
مودتي يا محترم

Quote: ومرات سنن😃 في الجو الجميل

السنن شي و السنسنة شي ...

بالله وضح لينا عشان نعرف نتابع يا أستاذ علي .. :)

سؤالك منطقي يا ود قباني
هناك فرق كبير ما بين هذه وهذه
بلا جاوب ,,,,,,,

سيف الدين محجوب حبابك اظن وضحت الفرق
تحياتي

استاذ الفاتح في ونسة ولمة حلوة في الميز قعد يحكي عن انو عندو اخوات اتنين واحدة منطلقة والتانية منغلقة على حسب وصفو ..اها المتطلقة دي من الجامعة تديها حومة مع صاحباتها واصحابها شيء رحل وحوامة في الاسواق ومرات سينما و حدايق وكدة ودايما محل انتقاد من والدتها واختها التانية ..ولكنها دايما لها حجتها ..المهم الوضع على ما عليه اخت الفاتح المنطلقة الحوامة اتخرجت واشتغلت واتزوجت على طووول وبقى عندها بيت وزوج مروق وفيلا حدادي مدادي فيها كل اسباب الراحة واطفال واخر الستة..اما اخته المنغلقة بعد سل روح لقت ليها وظيفة في احدى الدواير الحكومية ولم تتزوج و كبرت واصبحت عصبية جدا في البيت وفي الشغل ..
قلنا لاستاذ الفاتح انت يعني مع انطلاق ولا الانغلاق ..قال هو طبعا مع انطلاق البنت وليس انغلاقها لانها بي حرية حركتها وتلمس تجاربها بتقدر تعرف المجتمع وبتصير ذات خبرة ودراية ولمن تختار بتكون اختارت من خيارات متعددة ...
انتهت وجهة نظر الاستاذ الفاتح ...
حا اكتب وجهة نظري الخاصة بالموضوع بعد الرد على الاصدقاء المتداخلين
نواصل

اوووو المايسترو قباني هههههه ما تدؤش يا مان بي راندوكنا بتاع الضهاري سنة وبي راندوك اولاد قلبا سنسنة ...
مودتي

بيناوي يا صديق مالك بالعو متني يا اخي عندنا مقدرة عالية من تقبل وجهة النظر ايا كان وقعها ..
تحياتي

حمد ابراهيم ود دفع الله تحياتي يا اخوي
انت عارف مرات الواحد بكون وصل مرحلة يجتر الذكريات عسى ولعل تخارجوا من القرف العايشنو في الزمن الصعب دا ...
مودتي

كدي سي

كدي سى حبا حبا
الحبوب حبا .
. قولن يا سلام
أهلا ومرحبا
حق الريدة ليهو
وحق التبتبا
فرهد بيتنا ولع
واخضر النبا
ما بكبر مدلع نادوه وأبا
يقعد بكره .. بهمه
جنب الكمبيوتر
ويمشى المكتبة
كدي سى
حبا حبا حبا

يا علي غايتو عندك أمور وكان هناك حبوبتن لينا في الحلة رحمها الله لو سألتها قلت ليها كيف أمورك يا حبوبة تقول ليك شوف ده الأمور عند أمك انا ما بتاعة أمور

e: ومرات سنن😃 في الجو الجميل

--------------------------------------

ومن جملة قواميس خزان سن نار فالسنسنة : هي الشفتنة ....
آخذين في الاعتبار مزاج الفرقة الانتحارية
وحركة توربيانات الخزان
ومواعيد وصول القطار ...
اكان خيرا فخيرا ....!
في حب اكتر من كده ...
مع الاعتذار لصاحب القصيدة والراحل المقيم ابو داوود

تحياتي

Muntasir هههههههه حبوبتك اخطر من حبوبة غريبة لأنها اطرت معنى إمور
تحياتي

صديق ميرغني ازيك يا اخي وعلي الطلاق ما فاهم الحبة في قصيدتك ههههه
مودتي

حبيبنا ود دفع الله

عنوان البوست البت المنطلقة
وانا يعميني النون ما شفتها وقريتها البت المطلقة هههههه
فااااااااشنو ؟ طوالي ركبت مكنة السغافة خقتي وادنحت

ولما قريت العنوان مرة تانية بلعت السيف متيني هههههههههه



خالص الود

ويحك

كمان بقيت تدعو الناس للانطلاقة

ما باقي ليك الا السلسيون بعد دا



جيب باقي النقة عليك الله ياخ

منطلقة ولا مطلوقة
يا عمك اسمها سنة بكسر السين
قال ليهو
بي الله هي سنة ما فرض
تعرف يا ودفع
حسب ملاحظتي هنا في كوستي البنات المنطلقات والمطلوقات بعرسن بدري
الواحدة لامن تعرس تآمن انو العرس دي قسمة ونصيب وفلاحة

ابسن يا عزيزي هههه كلامك صاح وبتوافق مع كلام استاذ الفاتح ..
اذن فالننطلق

هيثم ياغالي الانطلاق هو المرحلة الاولى للحرية بدل تابوهات وضعت قيدت الحركة وأخرت الدنيا ..
فالننطلق جميعا ..
بالجمبة حا اكون بطرفكم بعد اسبوعين وسوف ننطلق هههههه

(جدية زمان كانت ملحوقة)
هسي الكبر حصل

كيفك يا أبا الحسين

يا حليل زمن السنة والإنطلاقة والهملة

بتي كنت بعلم فيها الحساب (وهي بتشوف التلفزيون طبعا)

أقول ليها واحد اتنين ثلاثة أربعة لما احصل خمسة
تقول لي إنطلقووووووووووووووووووووووووا
قلت ليها دي ما معانا في الحساب قالت لي معانا انا شفتها في التلفزيون

أستاذ الفاتح دا بكون قاصد إنطلاقة بمعناها القاموسي، أي أن تنطلق بإقبال إلى الحياة
وليس بمعناها القبائلي من أنها منطلقة على حل شعرها ولا رادع لها، والتي تعني سفيهة بالدرب العديل
وبالطبع فأنا مع الأولى، فالحياة لا تحتمل الإنغلاق (بمعناه القاموسي أيضاً هههههه)
ويا سيدي، الإنسان خلق حراً والأنثى إنسان


في انتظار وجهة نظرك، ما تزوغ ههههههه


التحايا والمحبات

بلة .م.ف يا اديب ازيك يا اخي ..
عندي كم يوم مفكر افترع بوست بي اسمك والله ولا زالت الفكرة موجودة لكن ما حا اقول ليك عن شنو ..
شرحك لي فهم استاذ الفاتح لي منطلقة صحيح جدا ..
اما وجهة نظري حا اكتبها وما حا ازوغ ثق ..
مودتي يا صديقي

جنك تفكير يا أخ هههههههههه
والزوغان ما فالك

حمد عبغفار يا صديقي ههههههه كلنا عندنا جنس دا ..
الكارتون قلب مفاهيم الشفع يا اخي
تحياتي

ود دفع الله
السلام عليكم
اخوي ود دفع الله ..

انا بفرز بين اكلنا – حالنا واياكم - العصيدة بالموية معاها طماطماية وبصلة وحبة ملح فوق ضهر خزان سنار، وبين مناهج فكر تكبر البطن وتهتك القلب،
بخليها بعيدا، حتى لمن اتداخل مع مخالفي من الاهل، بقول راي، وبنساهو عند الترجل من التمترس المترنح.
فاكثر لنا من بوستات انطلقي محجبة، وابعدي من شعرا مبشتن.

مودتي

حسب ملاحظتي هنا في كوستي البنات المنطلقات والمطلوقات بعرسن بدري الواحدة لامن تعرس تآمن انو العرس دي قسمة ونصيب وفلاحة
.........................................................................................................................................................................................................................
عبدالحفيظ أب سن جبتها من الآخر يا أخي..
فل استوب..
بالضبط ده الحاصل العرس قسمه ونصيب وفلاحه..
زميلتنا في الجامعة أكثر بنات دفعتنا إنطلاقاً وإنطلاقة على الإطلاق إتزوجت (من ضو) وسافرت الخليج مع زوجها وتمتلك الآن سلسلة استثمارات في محلات التجميل علاوة على دراساتها العليا حيث تتأهب للدكتوراة..
بالمقابل زميلتنا -دفعتها-التي كانت لا تصافح قنعت واقتنعت بالتدريس حيث تعمل الآن في إحدى القرى معلمة أساس ومثلها الكثيرات.
فيا أستاذ على دفع الله أحييك على ابتدار الموضوع الذي يحتاج للنقاش والتساؤل لماذا يفضل الرجل المرأة المنطلقة أو قل المطلوقة على تلك المنغلقة الماشة (جمب الحيطة).؟؟.
الرجال لهم سهمهم في الموضوع حيث يتهافتون و(يتكسرون) في ذات الضفاير التي يسبق ثوبها المهفهف خصلات شعرها المتناثرة..

تحياتي صديقي محمد قسم السيد
وجهة نظرك داعمة لوجهة نظر استاذ الفاتح ... والرزق يحب الخفية او كما قال المصريين ..
تحياتي

ابو ادم
تحياتي

لو الانطلاقة بتجيب العرس للبنات
الف مرحب بلاانطلاقة
انطلقووووووووووووووووا

الأخ علي دفع الله
تحياتي
الموضوع دسم ويشمل البت والولد ولو نظرنا له بطريقة موضوعية فهو = شق الديار علم.
وهو محمود ومطلوب ومرغوب للجنسين، بس لا منطلقة ولا مطلوقة ، ربما وصف آخر.

Quote: البت المنطلقة

تسلم محمد قسم الله
ماهو الامر بسيط
عشان يعرسوها لازم يشوفوها
الذكية بتخوف الراجل قدر ما تناقشو وتقول ليهو
انا اعتقد انو فهمك في الموضوع دة سطحي كما قال وررر
اها زولنا بخاف منها وبلاوز
لكن البتقول ليهو
يا سلام والله دة فهم متقدم وراقي واتا زاتك راقي
يقول ليك
البت دي حساسة ومثقفة
برضو ماتنسي انو نفس الكلام دة بتقال لي بي سحر انثوي وبلاغة وجهية يعني بالوجه .. الوش الوش
بعدينك
اول ما يجذب الرجل امور ما عندها علاقة بالثقافة والاخلاق وكدة
ديل بعدين
بعد القرار
اللهم اكفني هجوم نون النسوة
قادر يا كريم

تعجبني يا أبو الدفاع لمن تقلع ثوب ساس يسوس
حلو موضوع صاحبك دا
تظل المصطلحات في هذا الزمن هي هي .. بين المنطلقة والمنغلقة
مع وضع اعتبار للنسبية بعد تطورات المجتمع والتكنلوجيا
منطلقة هذا الزمن ياداب يكون عندها واتساب وفيسبوك وسناب شات وداخلة في كم قروب وعندها أصدقاء من الجنسين .. والمنغلقة عكسها ..
أما انطلاق خارج عتبة الباب سيحولها لمطلوقة بدون تردد والشارع مليان ذئاب وثعالب وكل المفترسات وكل القوارض تتربص وتنتظر..كان ما خايف من تسييس البوست كان قلت جابت لها ذئاب أجنبية كمان .
****
يحكي صديق قال كانوا ثلاثة خالطين لهم بنات من الجامعات في الكازينو . الونسة والضحك جرت لمن جات الساعة تسعة مساء لاحظ للبنات بقن يتهامسن واحدة فيهن رفعت رأسها وقالت لهم يا شباب نحن عندنا في الداخلية زمن محدد لازم نرجع الساعة عشرة .. عندكم مكان تبيتونا فيه ولا تخلونا نمشي ؟؟
قال نحن اختلعنا عاينا لبعض واحد فينا بكل خجل وانكسار يدعك في يديه وقال لهم والله نحن كمان ما نقدر نبيت بر بيتنا .ههههههههه .احسن تمشوا ..

حكمة
بين المنطلقة والمطلوقة ما بين المشرق والمغرب

الموضوع متأخر
البنات الآن منتشرات في كل المواقع . وما خلن دريب ما سلكنوا
بقت الواحدة بتجيب عريسها براها بمجهودها .

أهم حاجة الواحدة تحر سوقها
الناس بعجبها العجب الناس

أو كما صرخ الزين في عرس الزين

امين الطالب يا صاحب
فعلا البنات انشرن وملن المساحات بي قوة ..
لهن ترفع القبعات وليس تلبس البرقعات 😂
مودتي

درديري يا صديقي ههههههه التلاتة الخالطين طلعوا كدايس ساي ههههه
فعلا في فرق بين المنطلقة والمطلوق وهذا اساس الموضوع ..
تحياتي

الاخ حماد الطاهر تحياتي
في عرفنا الولد المنطلق سلوك شبه عادي ولكن انطلاق البنت هو المحاط بالريبة مجتمعيا ...ولكن البنت ان اتملت ثقة في نفسها ربما انتشارها يكون ايجابي اكتر من انغلاقها..
مودتي يا صديقي

عمدة يا صديقي
سيبك من الانطلاق وام فتفت عرفت انك متوهط في الحصاحيصا يلا ادينا النجيضة بكرة متوجه على البندر عشان اغشاك في طريقي ..
تحياتي

سلام لسيد البوست والمتداخلين

ما كل الرجال بقتنعوا بالمرأة المنطلقة فى من يريدها زوجة محافظة متعلمة ومثقفة .. ليست بلفيفة ووخفيفة لانه بفهموا وما فهمه هو بس الام مدرسة إذا اعددتها اعددت شعبا طيب الاعراق

على يا اخوى
الانطلاقة خشم بيوت
و السنة حمالة اوجه
ف دحين ارسا بينا على بر

علي دفع الله يا حبيب
انفتاح ما انطلاقة يا اخ
والله يا ناس الضهاري يوم بتكتلوا ليكم امير
وين اميرنا توفيق يشوف درابكم دا
اخلص الشغل القدامي دا وبجيك راجع ان شاء الله

جلالدونا يا صديقي
شفت قصة حمالة الاوجه دي اصل الحكاية هههه حا اوضحها لاحقا
مودتي

اووووو خالتي فدوى الشبح هلت الانوار ..
ومنو القال ليك البت المنطلقة لفيفة وخفيفة ...يا ستي البت المنطلقة بتدي الحياة معنى ..
زي ما قال درديري في فرق بين المنطلقة والمطلوقة ...طوالي مشيتي شمال ..
شاكر تواجدك

العرس دا حب و تفاهم
والحب والتفاهم محتاج تواصل وتعارف
والتواصل والتعارف محتاج انفتاح على الاخر
ودا مطلوب من الولد والبنت
والتواصل والتعارف الانا قاصدو مش معرفة الاسم والاسرة والحاجات الظاهرة
ولكن معرفة جوهر الجانب الاخر وروحو واهتماماتو وميولو وحاجاتو الصغيره
بدرجة انو كلو الحاجات الظاهرية تكون ما مهمة بالنسبة ليك
زي شكلك شغلك لونك جنسك
والارواح المتعارفة بتاتلف وتتوحد
ولما تاتلف الارواح يبقى كل الماديات تتلاشى وتصغر امام الجوهر والروح
يعني تخيل شخص يعرف حالتك المزاجيه بدون ما تتكلم
شخص حتى ولو اختلفتو في وجهة نظر ما تزعل منو
من الاخر كده شخص تحس انو بكملك
وطبعا لو ما اتواصلت معاهو وعرفتو ما ح تقدر تصل للحالات دي

علي ود الفكي يا صديقي
كلامك عن الانفتاح وفهم الآخر مطلوب لكن نسوي شنو مع الموجة الوهابية الاجتاحت ثقافتنا دي ...وجماعة النظرة الشرعية 😃😃😃
هي دعوة للتحرر من تابوهات المرة كان فاس ما بتكسر الراس..
دعوا الناس يقررن مستقبلهن ..
شكرا مساهمتك الواضحة ومليانة
كن كما اود يا صديقي..

ود دفع الله
كيفك
ما مزعلاني الا نكتة الاسد والغزالة الحصل ليها سنسنرة دي ياخ انت ماتكبها بدون سنسنرة ومونتاج وقطيع هههههههههه

تحياتي ياصاحب من زمن الراكوبة

الحبيب علي دفع الله

زمان كانت المجتمعات صغيرة والناس بتعرف بعض
والبيئة والمرئيات والاهتمامات واحده وبسيطة ببساطة المجتمع
عشان كده كانت الزيجات في الغالب ناجحة وما كان في مشكلة في التعارف
والبنت السودانية في السابق قبل داء المشروع الحضاري كانت اكثر انفتاح
والان مع تحول المجتمعات وتعقيداتها وانغلاقه ( شفت احنا ماشين للخلف كيف ) وزيادة عدد الناس بقى لازم ان ينفتح الشباب
عشان يلقوا الشريك المناسب ويحسنوا الاختيار
كان عندي بوست عاجبني كتبتو بحب
وكانت فيهو مداخلات جميلة في واحد من المنتديات الاختفت من الشبكة الان
كنت مسميهو المتمرده
يا ريت القى نسخة في كمبيوتري من افتراع البوست ومن مداخلاتي عشان اجيبه في البوست دا
تحياتي وحبي وامتناني ومودتي للمتمردة وين وكيف ما كانت في اي زمان واي مكان

يا على البت المنطلقة دي باقي لي بتقرب للبت الحديقة :)
و زي ما قال متحدث أنصار السنة في احدى جامعات السودان الشقيق
في معرض نقده الفني لأغنية البت الحديقة انو الشيوعيين دايرين البت تنطلق
و تجي الحديقة فتبا لهم هههههه

ههههههه دوك سيف يا صديقي البت المنطلقة هي بت عم البت المنطلقة او كما قال السلفي ههه

يا اخي السلفوت ديل عالم جميل هههه
مودتي

محمد ود الفكي يا صديقي واصل يا اخي
انقل كل ما كتبته عن المتمردة
شاكر مرورك ودعمك

هههههه يوسف طه يا صديقي النكتة كان اتكبت زي ماهي ربما كتار يغمن عليهم يغمن عليهم هههه عشان كدة الفلترة فرض وليس فرض كفاية ..
مودتي

خميسكم مبارك 😂😂😂😂