Post: #2
Title: Re: أنْتَ كَافِر يا ......
Author: Hamid Elsawi
Date: 01-25-2017, 00:03 AM
Parent: #1
بالضرورة من يملك هذا الحق يملك حق ان
يصرف شهادات الايمان ايضاً.
|
Post: #3
Title: Re: أنْتَ كَافِر يا ......
Author: Hamid Elsawi
Date: 01-25-2017, 00:04 AM
Parent: #2
انت مؤمن بشهادة هيئة الامر بالمعروف و ليس
شهادة أن لا إله الا الله وأن محمداً رسول الله
|
Post: #4
Title: Re: أنْتَ كَافِر يا ......
Author: Hamid Elsawi
Date: 01-25-2017, 00:06 AM
Parent: #3
التكفير ما حاجة سهلة
و من دواعي الاسف ان يكون حق
مشاع يستخدمه كل من هب و دب
حتي المحكمة لا تملك حق اصداره
قبل ان تعطي المتهم به فرصة ثلاث ايام
أما ما طالعتنا به بيانات هيئة علماء السودان
من فتاوي بإصدار فتاوي بتكفير عدد من الادباء
و المفكرين السودانيين من بينهم الاستاذ كمال الجزولي
نواصل
|
Post: #5
Title: Re: أنْتَ كَافِر يا ......
Author: Hamid Elsawi
Date: 01-25-2017, 00:07 AM
Parent: #4
لا يمكن الا ان يكون جهل من هيئة كاملة بامور الدين والشريعة
او دعوة لنشر الفتنة بين الناس لانه تشجيع لاي متطرف بان
يحمل سلاحه و يذهب ليقتل كمال الجزولي او غيرة مِن مَنْ
اصدرت الهيئة قرار ب كفرهم و هو
تحريض بالقتل
ليس الا
|
Post: #6
Title: Re: أنْتَ كَافِر يا ......
Author: Hamid Elsawi
Date: 01-25-2017, 00:12 AM
Parent: #5
دي مداخلات كنت عاوز اشارك بيها
في بوست جلال الذي تمت فرملته
بعد أن هدأت النفوس
و يا جلال الاستعجال ليك شنو
النفوس لسع ما هدأت
------------------
|
Post: #7
Title: Re: أنْتَ كَافِر يا ......
Author: محمد جلال عبدالله
Date: 01-25-2017, 01:50 AM
Parent: #6
جلال منو يا حبوب
بس ما أكون أنا :)
ياتو بوست ده؟
|
Post: #8
Title: Re: أنْتَ كَافِر يا ......
Author: جلالدونا
Date: 01-25-2017, 02:15 AM
Parent: #7
شكرا للتضامن يا ابن الصاوى
و يا حليل حرية التعبير
غايتو سيد الحوش زى الدنيا اصلك ما ترقد ليها على امان
بعدين يا شيخنا محمد جلال .. جلال ده محسوبك كاتب هذه السطور و ما دام جيت يا الف مرحب بيك
و يا حامد الصاوى ده اعتقادنا فى مسألة التكفير دى
______
انا زول عنقالى و فهمى ليها بسيط خال من اى عقد
الكافر الوحيد هو الذى لم يقر بوحدانية الله
اها زول اقر بالوحدانية لله الواحد الاحد
لو بقى يهودى او مسيحى او مسلم مهما عصى و اذنب فحكمه يقع تحت قوله تعالى
إِنَّ اللَّهَ لَا يَغْفِرُ أَن يُشْرَكَ بِهِ وَيَغْفِرُ مَا دُونَ ذَٰلِكَ لِمَن يَشَاءُ ۚ وَمَن يُشْرِكْ بِاللَّهِ فَقَدِ افْتَرَىٰ إِثْمًا عَظِيمًا
لاحظ قوله __ لمن يشاء___ فهى اطلاق عام و ليست خاضة بدين دون دين
عدا ذلك فهى آثام خاضعة لغفران الله و للتوبة و الاستغفار
ثم هل التكفير حق إلهى ام حق بشرى؟
______
مداخلة من البوست الشهيد
|
Post: #9
Title: Re: أنْتَ كَافِر يا ......
Author: sadig mirghani
Date: 01-25-2017, 05:27 AM
Parent: #1
لا احد يملك هذا الحق
دا جهل ليس الا
وهيئة علماء السلطان لا يؤبه بكلامها
فهي كالمجنون
الدين دين الله وانا بعبد الله
مافي زول يدخل بيني وبين الله
لانوا البيناتنا مايعرفا الا انا والله سبحانه وتعالي وبس
|
Post: #10
Title: Re: أنْتَ كَافِر يا ......
Author: Hamid Elsawi
Date: 01-25-2017, 07:39 AM
Parent: #9
يا جلال الجاتك في
(بوستك)
سامحتك
شفت البلاغة دي كيف
شكراً محمد جلال و سعيد بمرورك
بس بتقابض مالك
و يا صادق ميرغني فعلاً قمة الجهل
المصيبة يطلع من ناس عليهم الرَك
أإمة جوامع و هيئات علماء
عن أبي هريرة رضي الله عنه، عن رسول الله صلى الله عليه وسلم
قال: «من كان يؤمن بالله واليوم الآخر، فليقل خيرًا أو ليصمت،
ومن كان يؤمن بالله واليوم الآخر، فليكرم جاره، ومن كان يؤمن
بالله واليوم الآخر، فليكرم ضيفه»
(رواه البخاري، ومسلم).
ياريت لو سمعوا كلام الرسول صلي الله عليه وسلم
و سكتوا بدل يقولوا كلام يُوقِظ الفتنة
منقول
والله سبحانه وتعالى يقول في سورة البقرة: ﴿ وَالفِتنَةُ أَشَدُّ مِنَ القَتلِ ﴾ [البقرة: 191]،
ويقول عزَّ وجلَّ في السورة نفسها: ﴿ وَالفِتنَةُ أَكبَرُ مِنَ القَتلِ ﴾ [البقرة: 217]،
ويقول عليه الصَّلاة والسَّلام في حديثٍ مطوَّل: ((لا ترجعوا بعدي كفَّارًا يضرب بعضكم رقابَ بعضٍ)).
رابط الموضوع: http://www.alukah.net/sharia/0/1915/#ixzz4WkgQ06pMhttp://www.alukah.net/sharia/0/1915/#ixzz4WkgQ06pM
ربنا ادانا العقل عشان نفكر بيه
مش عشان نرهنه لناس تفكر بالنيابة عننا
و نشيل سيخة و أسلحة أخري نقتل بيها
زملاءنا في المؤسسات الاكاديمية كما يفعل
بعض الطلاب مسلوبِي الإرادة
بالمناسبة
الطلاب مسلوبِي الإرادة
تنفع عنوان بوست
أنا متنازل من الاسم لمن يرغب في فتح بوست بنفس الاسم
مسلوبِي الإرادة مش وسط الطلاب و بس
بل في كل المرافق و الجنسيات و الدول
مسلمين و غير مسلمين
و نواصل
|
|