لشقة الإستقبال التى سيتم تجديدها وتأثيثها بمايتناسب وراحة القادمين من السودان للعلاج وحتى القادمين للزياره وحتى الحالات الخاصه التى تم اقصاءها من شققها لسبب ما ... شقة الإستقبال هى محطه مرحليه ينتقل بعدها القادمين الى شقة تتوافق مع مكانهم الذى يختارونه ومدى قربه من الدكتور المعالج او المكان المفضل لهم ... تم توفير سياره لنقل المرضى والقادمين وذلك لوجه الله اما المقتدرين فسيتم تحصيل نصف مايتقاضاه التاكسى المصرى سيتم تحصيل فقط ثمن البنزين واجرة السائق دون ارهاق او اهراق لمدخرات المرضى ومرافقيهم ... إبعاد الحالات المرضيه من حالات النصب والإحتيال المنتشره بصورة مؤسفه وذلك على قدر المستطاع مع ضخ برنامج توعوى بمايحدث فى القاهره ... هذا تعهد مني وبالله التوفيق الفاتح أحمد حسن الشهير ب ملهم كردفان موبايل 00201281289899 ... من يرغب فى تفاصيل اوفى يمكنه ان يتواصل معى مباشرة والجمره بتحرق الواطيها
جهد الإنطلاقة الأولى من سناير الزمن الجميل الخيرين
في ميزان حسناتك اخوي ملهم عمل جميل اسأل الله لك التوفيق
Post: #6 Title: Re: شقة الإستقبال كرسى متحرك ..وشوية عفش وبوما Author: الشيخ سيد أحمد Date: 01-24-2017, 10:43 AM Parent: #5
ياخي انت زول جميل... اسال الله تعالى ان يجزيك بهذا العمل خير الجزاء. فتح الله عليك في الدارين واسكنك مساكن القرب منه. يسر الله امرك وازال همك وفرج كربك واضاء طريقك.
مستشفيات وعيادات القاهرة أصبحت امتدادا لخطوات العلاج في السودان للقادرين ومتوسطي القدرة من أهلنا طالبي العلاج مساهمتكم هذه -أخي ملهم- تصب لصالح غير القادرين جزاكم الله كل خير وسدد خطاكم ---- أمانة توصل سلامي للدكتور أسامة الإمام لعل ما يمنع ظهوره خير!
الحبيب الشيخ سيد أحمد ... كانت ومازالت المشاغل تكبلنى والمسئوليات تثقل كاهلى ووصايا الاخوان تحتاج الى مشاوير خصوصا الإسكندريه لكنها فى النهايه تشرح القلب وتسعد الفؤاد
ثم كانت هذه النافذه المطيبه بسببهم ولهم متى ما اتو الى مصر زائرين ... سيجدوننى فى انتظارهم بإذن الله مادمت حيا .... أليس هذا فتح من الله فيه زول الهموم تفريج الكروب
ياخ الحمد لله والله على كل حال والله يبارك فيك وفى وليداتك واهلك
اخونا ملهم حقا انت ومن يقفون وراء هذا العمل الجميل والكبير هم من حبب الله فيهم فعل الخير وحبب الخير فيهم
وهذا العمل جزاؤه عند الله تعالي ول تفي كلماتنا فيه حقكم نسال الله ان يثبت الاجر ويوفقكم لخدمة عباد الله ولا نملك غلا ان ندعوا الله لكم بالتوفيق والسداد.
حبابك عشره يا صادق ميرغني تعرف كم عضو وعضوه فى سودانيز اون لاين يجو مصر وما اقدر اشوفهم لسبب من الاسباب الخارجه عن الإراده
... طيب لمن اكون جاهز ليهم أكيد وبإذن الله حأكون فى انتظارهم فى المطار والشقه مفتوحه لاستقبالهم ..واهلهم وأكيد قلبى قبلهم مستنى لحظات التلاقى الجميل
واحده واحده ونغنى مع بعض الدنيا تحلى وصعابها ساهله بس روق بس روق وأحلى
احترامى
Post: #25 Title: Re: شقة الإستقبال كرسى متحرك ..وشوية عفش وبوما Author: عمر عبد الكريم علي Date: 01-25-2017, 08:59 PM Parent: #24
ربنا يكتر من أمثالكم ياملهم كردفان ياها المحريه والله ياخ ما تتخيل كمية الحزن الإعتصرت قلبي لمن قريت مقال للفاتح جبره يحكي فيه قصة السيده التي تم النصب عليها ونهب أموالها عندما جاءت لتتعالج من السرطان في القاهره حاجه تدمي القلب والله ربنا يقويكم إن شاءالله
حبيبنا الفاتح احمد حسن ملهم كردفان التحايا النواضر يسخر الله سبحانه وتعالى اناس من عباده لمساعدة الناس ويفرج كرب الغير...ومن فرج لشخص كربة من كرب الدنيا.يفرج الله له كربة من كرب يوم القيامة....وانت منهم.... شكرا لهذا العمل الكبير ....ونسال الله ان يظلك بظله يوم لا ظل الا ظله ونتمنى ان يتوسع هذا العمل الخير ويهب اصحاب الايادي البيضاء بالمساهمة الطوعية وان تعم هذه الفكرة في الدول الاخرى التي يتوجه اليها المرضى السودانيين للعلاج... والله يديك الصحة والعافية
صديقي العزيز وملهمنا الجميل لك الود والتحايا الطيبات ولك كل التقدير .... المشروع مبتكر ورائع ويستحق الدعم بكل الوسائل وليكن فاتحة لدور أخرى كما أشار بعض الزملاء .... لك ودي وتقديري ....
حيجى حيجى بإذن الله دعم الايجار حيجى حيجى واحد يتبرع بي شوية بوماستك أكيد حيظهر واحد حيتبرع بي مشمع ارضيه حيظهر حيظهر اربعه كنبة سرير أربعه كراسي عدة مطبخ أهو كلو حيهون مادامت الوايا ماشه لى مكانها الصاح ومثل هذا التعاون سيتم توثيقه كعهدى وثقتى فيما افعل
وردنى بالامس اتصال هاتفى ..من مصريه تتكلم بلهجه سودانيه صرفه .... ألحت فى الاستفسار ثم ختمت قولها بأنها مستعده وبكامل اريحيتها فى المساهمه فى إنجاح مشروع سنايرالزمن الجميل الخيرى .. وقد طلبت منها ان تعطى اسما لكنها طلبت مناداتها بمصريه عاشقه للسودان لها التحيه والتقدير
مستشفيات وعيادات القاهرة أصبحت امتدادا لخطوات العلاج في السودان للقادرين ومتوسطي القدرة من أهلنا طالبي العلاج مساهمتكم هذه -أخي ملهم- تصب لصالح غير القادرين جزاكم الله كل خير وسدد خطاكم ---- أمانة توصل سلامي للدكتور أسامة الإمام لعل ما يمنع ظهوره خير! ........................................ الصديق النبيل ...معاويه الزبير .حبابك والرضا فى رحابك... بعض الاصدقاء أدوني ثقتهم وأتمنونى على افراد اسرهم وقروشهم وفيهم الماشافنى ولا لاقانى او حتى اختبر مصداقيتي شفت الحبايب ديل ختونى في حته صعبه كيف خلونى ماشى على حد السيف قلت مادام ما الحكايه كدى يبقي لازم امهد لى استقبالهم واستقبال اهلهم وحتى الجايين للعلاج ... لانى قبل كده قصرت في حق بعض الاعضاء وماقابلتهم وفى حق بعض المرضي كمان يبقي لازم اعمل كده ,,,يلا وفرت الشقه وحأجددها وأفرشها وكمان بديت تأهيل العربيه عشان تكون مقبوله ونضيفه ومريحة نفسيا ... أها كنت شايل هم إيجار شهر اتنين لأنى كنت دافع 12 وشهر واحد قام زول جميل رسلو لى قبل شويه وكمان رسل هامش مساهمه لى سمكرة العربيه ... ياريت الناس تتحرك معاى يا معاويه ويشوفو بي عيونهم هنا صوره وصوت ويشوفوا انجازهم وصل وين
شكرا ياملهم وربنا يديك العافية ؤا انسان. يا رقيق .................. الحبيب محمد الشيخ مرحبابك ياخى وماقادر اقول شنو لكن توصل معي واحد من زملاء المنبر من السودان عشان يشرف شقة الاستقبال حسب التشريف المعلن ووضحت له عدم جاهزية الشقه وبهدلتها البشعه ..أصر على النزول فيها لكن بإذن الله اخت فيها حاجه قريب ده إن شاء الله سرير وكرسيين \ حتى قبل ما اجددها ... إنا لله ياخ ...
مرفق احترامى وتقديرى
Post: #45 Title: Re: شقة الإستقبال كرسى متحرك ..وشوية عفش وبوما Author: علي دفع الله Date: 01-28-2017, 02:41 PM Parent: #44
ملهم يا انسان بالجد البتقوم بيه دا شيء عظيم .. ربنا يحفظك ويوفقك في كل مساعيك الخيرة .. المرة دي لازما الاقيك لمن اجي هناك الواحد يتشرف برؤية امثالك يا انسان . مودتي
Post: #46 Title: Re: شقة الإستقبال كرسى متحرك ..وشوية عفش وبوما Author: حسن ادم محمد العالم Date: 01-28-2017, 03:46 PM Parent: #45
ماتقوم به ياجميل يجسد ان الدنيا بخير فعلا وفقك الله وتصحبك الدعوات
Post: #47 Title: Re: شقة الإستقبال كرسى متحرك ..وشوية عفش وبوما Author: سيف اليزل سعد عمر Date: 01-28-2017, 10:14 PM Parent: #46
عمال كبير وجبار يا ملهم... دائما مهموم بعمل الخير يا ملهم....
Post: #48 Title: Re: شقة الإستقبال كرسى متحرك ..وشوية عفش وبوما Author: عبد المنعم سيد احمد Date: 01-29-2017, 01:33 AM Parent: #46
في ميزان حسناتك اخوي ملهم عمل جميل اسأل الله لك التوفيق
العزيز ملهم كردفان التحية والإحترام هذا عمل مبارك ولفتة بارعة منك تعبِّر عن إحساسك بالمريض السوداني ومرافقيه الذين يذهبون إلي مصر طلباً للعلاج ومنهم من هو في أمسّ الخدمة التي عرضتها أتمني لك التوفيق والسداد ودعوات هؤلاء وغيرهم ستكون لك خير معين وزاد في الدارين لك الشكر والتقدير والمودة الباقية
شكرا ملهم كردفان ... اقترح ايجار الشقة يكون موزع علي البورداب حول العالم يعني شهر لبوداب كالقري و شهر لبورداب جدة و هكذا ... سوف اقترح الموضوع لبوداب كالقري و افيدكم... ياريت نعرف موقع الشقة و قيمة الايجار الشهري تحياتي
تألمت كثيراً عندما علمت ببعض قصص النهب ال حصلت لسودنيين مرضي في القاهرة يبحثون عن علاج لم تتمكن حكومتهم الفتية من توفيره لهم. شكراً لبورداب القاهرة و مصر... هنااك مرضي عندهم قروشهم لكن محتاجين مساعدة في اختيار الطبيب او المستشفي المناسب عاوزين مساعدة في ايجاد شقة مناسبة ليهم عشان ما يقعوا فريسة لسماسرة الشقق المفروشة ... ربنا يوفقكم في دعم أهلنا الذين يبحثون عن العلاج في مصر
سأعاود الردود المنفصله لكل اخوتي واصدقائي الافاضل ،،، بالنسبه لمن وعدوا بالمشاركه. لحد الآن هم ثلاثه الحالات اتنين الداعمين الحقيقيين الي الآن فقط اتنين من دفع ايجار شهر اتنين وقارسيا الهمه مطلوبه يمكن بكره نتبرك بي. انجازنا ونسعد قلوب ناس بيستاهلوا نكون جمبهم احترامي
هدا عمل كبير و يحتاج الي دعم ... ........................................................... مرحب ياباشمهندس قباني حبابك عشره ياريتهم يهبوا ...ياقبانى ياريتهم وأتمنى انو مايصيبنى احباط أو وهن ... شاكر ومقدر طلتك ودعمك النفسى الجميل ياصديقى
جهد مقدر لك الشكر اجزله .................. يا ألف مرحب ياخالد السيد ...الجهد المقدر الحقيقي هو الذى سيأتى من قبل الذين سيدعمون هذه الإنطلاقه حتى تكتسب كامل اركان النجاح والمصداقيه المبرأه من كل سوء
اخونا ملهم حقا انت ومن يقفون وراء هذا العمل الجميل والكبير هم من حبب الله فيهم فعل الخير وحبب الخير فيهم
وهذا العمل جزاؤه عند الله تعالي ول تفي كلماتنا فيه حقكم نسال الله ان يثبت الاجر ويوفقكم لخدمة عباد الله ولا نملك غلا ان ندعوا الله لكم بالتوفيق والسداد.
،،،،أبوقصي، ........... ياخى يديك الصحه والعافيه ونحن لسه في البدايات يا ابوقصي ...من المنبر وصلنى دعم من اتنين فقط فى اصدقاء وعدوا والعمل يحتاج وقفه من كل الخيرين وربنا يوفقنا ويسدد خطانا ... بصالح دعواتكم ووقفات الخيرين
مرحب عمر عبد الكريم .... ربنا يكتر من أمثالكم ياملهم كردفان ... ياها المحريه والله ياخ ما تتخيل كمية الحزن الإعتصرت قلبي لمن قريت مقال للفاتح جبره يحكي فيه قصة السيده التي تم النصب عليها ونهب أموالها عندما جاءت لتتعالج من السرطان في القاهره حاجه تدمي القلب والله ...ربنا يقويكم إن شاءالله .... فعلا قصص متكرره ومؤلمه وعشان اكون صادق معاك حيتجدد النصب والاحتيال من بعض ضعاف النفوس من المصريين والسودانيين وفكرتنا عايزه الدعم الصريح عشان تتم وربنا بقوينا بالناس ووقوفهم معانا .. ولو الناس ماوقفت ياهو الضحك شرطنا وفشلنا لانو مواردنا محدوده شديد ولسه بنطلب العون من الناس لحدى مانقيف على رجلينا بى اعضاء ملتزمين ومساهمين خيرين
صديقي وأخى الإنسان والنبيل جدا جدا عماد الدين الطيب ... لو ان بعض ممن هم اعضاء فى المنبر وبعض القراء ..يملكون مثل قلبك وروحك لتبدل الحال خلال اسبوع وبدأنا فى تفعيل هذه الخدمه فورا ... الا أن الامل مازال ينبض بداخلى ومستنى البتمو الناقصه
قبل سنتين كنت في مصر مرافقا لأختي أجرت عملية معقدة استمرت لثماني ساعات متواصلة في مستشفى القصر العيني الفرنساوي. أجراها طبيب نطاسي بارع يشار اليه بالبنان قمة في الأخلاق والرقي في التعامل. ولله الحمد تكللت العملية بالنجاح التام..
ما احزنني هو ما حدث لزوج أختي. سائق التاكسي خدعه ونشل المبلغ الذي كان في جيبه. سائق التاكسي يعلم أن الرجل مرافق لزوجته المريضة ووجهته هي المستشفى ورغم ذلك لم يتواني في سرقته. يا جماعة في زول شاف سواق تاكسي ينشل راكب؟؟؟ هذا ما شهدناه..
لذا الحذر واجب.. وفكرة ملهم كردفان تستحق الدعم وفيها من الأجر والثواب ما فيها..
10 دولار أو 50 دولار قد تعني الكثير .. وهذا المبلغ يتم صرفه في مكالمات هاتفيه أو استهلاك انترنت..
لكي يتم تسهيل عملية التحويل من كافة ارجاء العالم وحتى للمبالغ الصغيرة اقترح لملهم كردفان أن يقوم بفتح حساب في موقع skrill.com ,=وأي عضو يود دعم الفكرة يقوم بفتح حساب في موقع سكريل ويقوم بتغذيته عن طريق بطاقة الفيزا ولو ب 5 دولارات ويقوم بالتحويل اللحظي لحساب ملهم كرفان.. من ثم يسحب ملهم كردفان المبلغ المتجمع في حسابه الى حسابه البنكي في مصر.
موقع سكريل هو موقع بنكي يخضع لقوانين المصارف المملكة المتحدة وهي قوانين صارمة Skrill Ltd. FCA e-money register: 900001
فتح الحساب يحتاج فقط لايميل واثبات الهوية واثبات السكن- رخصة قيادة مثلا. وعن تجربة امتدت قرابة العام اثق تماما في هذا الموقع.
وبمجرد فتح حساب لك أخي ملهم ساقوم بتحويل 25 دولار امريكي. وباذن الله بين الحين والاخر اقوم بالدعم
>>>> الاخ ملهم . التحيات الزاكيات... ..شكر الله سعيكم وفى ميزان حسناتكم
.. برسل لك على الواتس,,, ................................. الحبيب عمر عبد الرحمن لك التحيه والتقدير رسلت لى بالواتساب ومتسنى الورق عشان عرضو على الدكتور وليك أكتر من اسبوع ماظاهر ثق تماما أننى سأهتم لحظة وصول الورق او صوره منه
حبيبنا الفاتح احمد حسن ملهم كردفان التحايا النواضر يسخر الله سبحانه وتعالى اناس من عباده لمساعدة الناس ويفرج كرب الغير...ومن فرج لشخص كربة من كرب الدنيا.يفرج الله له كربة من كرب يوم القيامة....وانت منهم.... شكرا لهذا العمل الكبير ....ونسال الله ان يظلك بظله يوم لا ظل الا ظله ونتمنى ان يتوسع هذا العمل الخير ويهب اصحاب الايادي البيضاء بالمساهمة الطوعية وان تعم هذه الفكرة في الدول الاخرى التي يتوجه اليها المرضى السودانيين للعلاج... والله يديك الصحة والعافية .................... اميرة الاميرات بت السيد العطبراويه الاصيله حبابك عشره بلاكشره .... وربنا يسمع دعواتك يارب ويلهمنا سبل الرشاد والعمل يارب يتوسع لكم شقة استقبال وفى كم دوله ..واصحاب الايادي البيضا جايين جايين وحنظل في انتظارهم ...والدنيا لسه بخير أنا واثق أيوه الدنيا لسه بخير
صديقي العزيز وملهمنا الجميل لك الود والتحايا الطيبات ولك كل التقدير .... المشروع مبتكر ورائع ويستحق الدعم بكل الوسائل وليكن فاتحة لدور أخرى كما أشار بعض الزملاء .... لك ودي وتقديري .... ................ القامه الإنسان والصديق الراقى سعادة المستشار بابكر قدور انت زى ما إنت نيل محبه ووش خير ودفء اخاء لك ودي وتقديري
عمل كبير ومقدر .....وعمل الخير زيه ما في.. وارجو ان تتوفق في هذا العمل الكبير والخير.. وجبنا سيرتك بالخير في بوست طارق عبد الله عن خلاصة تجاربنا في الحياة... ودمت بالف خير
الاخ الكريم الشهم ملهم سلام من الله و رحمة ، لست فى حاجة ان اشكرك فشهادنى فيك مجروحة و لكنه جرح ينذف حبا و تقدير ، فقد كنت من اول الاصدقاء الذصن تواصلوا مع ابان تواجدى فى للقاهرة لعلاج ابن اختى ، لك التقدير و بيننا إتصال باذن الله
الوجيه الاستاذ ابو جهينه لك التحيه وانت تطل في مكانك الطبيعي والبينحاز لي اهلو وناسو بنحاول نشحذ الههم وننجح الموضوع بكل شفافيه. ذ رغم سلحفائية الوضع الله في ياحبيب
تحيه طيبه لكل الاصدقاء الدافعينوالذين وعدوا بالدعم والمشروع ضخم وستتضح ضخامته بعد حين والحمد لله بدأت حالات بالاتصال واستقبلت اربعه حالات تم تسكينهم بمايتناسب مع مقدراتهم الماديه واستقبلت عدد من الرسائل والاتصالات الهاتفيه كما اني اتوقع المزيد من الدعم في الايام القادمات ،،، هناك من يطتحق وقفتنا سواء بالادويه او بالتسكين المناسب او بمتابعة حالاتهم العلاجيه وتوفير وسيلة التنقل البديله لغاية مايتم صيانة ما اقدر علي. صيانته في طريقي للسمكري الذي باشر عمله وموقعه جوار مدرسة الاورمان بجوعر. المتحف الزراع
قابلت شاب في المواصلات واستفسر عن مستشفي محمود في ميدان لبنان ،،، ذهبت معه للمستشفي لانه بصدد احضار والده من السودان وهو مريض بالقلب وصلنا للمستشفي وتحدثنا مع الاستقبال وغدا سوف نعرف اسلوب الحجز حتي يتم ترتيب احضار الرجل من السودان حاضر ان شاء الله معهم منذ بدايات الترتيب كل ماوعدتهم به انني سأكون بجانبهم الي الشفاء بإذن الله اعطيته رقم تلفوني وسأتابع معكم المستجدات اول بأول
والله يا هو دا السودان البنعرفو وياهم ديل السودانيين البنعرفهم بنخوتهم ومروءتهم واياديهم البيضاء..سباقون لعمل الخير... محمد مجيدو...ازيك يا زول يا سمح.. ..ملهم كردفان...عندك رسالة في الخاص.. ودمتم جميعا بالف خير
انت يابسمات اول واحده من صاحبات السمو تبادر بالتواصل وتقرر المساهمه وده اكيد مصدر فخر واعزاز لينا والله كلنا قريت رسالتك واشكرك جدا جدع علي كل حرف فيها ولمن تصل مشاركتك اكيد حتتخت في جدول الشفافيه وده فيهو الناس الاتبرعو وكمية المبلغ والمنصرفات لانو الموضوع كبير فيهو تجديد شقه وفرشها فرش كامل والعربيه بتتأهل وفي حالات بتتصل في الداير علاجات وفي الداير مساهمه عشان حيعمل عمليه وفي البيعمل عمليه وبيحتاج مصاريف وفي حالات متعففه وفي حالات موجعه والله المهم اشكرك واحييك علي هذه الروح المطيبه التي تسكن جوانحك
يا سلااااام يا ملهم مررت بالبوست عدة مرات ولم يلهمني الله بالاطلاع عليه حتي في العنوان نوع من التهذيب الخيري كنت مفتكر البوست عن الزواج ربنا اوفقك واقويك
مزمل خيري حبابك الف ،،وحيكتمل المشروع بدعم الخيرين وحدهم هناك من دعم وهناك من وعد بالدعم وهناك من امتنع وهناك من نكص علي عقبيه لكن زي ماقلت فوق الجمره بتجرق الواطيها وجمرة الخير لمن تحرق بتنجض القلوب وريحة الانسانيه بتفوح وتملا الكون تراحم مرفق احترامي وتبجيلي
اننا ماعندي اسرار ياعباس يادسيس والله واديك سر والرهيفه التنقد اقسم بالله انا بديت المشروع ده بي قروش زواجي وبعت لاب توبي يمين بالله الوقوف مع الناس مافي زيو وانا راسي قوي وماشي في طريقي ده والداير يتبرع بيتبرع والناس حاكماهها ظروف مرفق تقديري واحترامي
مني ياابت عمسيب. حبابك عشره بلا كشروالموضوع كبير فيهو ايجار الفين بالكهربا والمويه والخدمات والاسانسير الشقه عايزه تجديد وعفش العربيه البتنقل المرضي وتستقبلهم في المطار بتجدد الحالات البتتصل عشان ندعمها بدت تتصل في حالة مصريه كان متزوجها سوداني ولمن جاها سرطان في صدرها تم استئصال ه ومع الاسف هرب زوجها السوداةي فلجأت الينا بوثائقها عشان ندعمها عشان تكمل وتشي الصدر التاني وتواصل علاواغده منو ججني يامني في حالة ورم. في المخ وحالة عجر في اليد اليمين وحالات ماقالو لسفي الماعندهم التكتح ث وفي البخلو الدموع تنزل مطر عمل الخير يامني. مفتوح ومابيتحدد بي ميزانيه في بدايتو لكن ممكن تتخت المنصرفات والمتبرعين والبيرفض اننا نخت اسمو بنقول فاعل خير والداييرو الله بتم مرفق. ااحترامي وحبي وتقديري لك
اننا ماعندي اسرار ياعباس يادسيس والله واديك سر والرهيفه التنقد اقسم بالله انا بديت المشروع ده بي قروش زواجي وبعت لاب توبي يمين بالله الوقوف مع الناس مافي زيو وانا راسي قوي وماشي في طريقي ده والداير يتبرع بيتبرع والناس حاكماهها ظروف مرفق تقديري واحترامي
يا سلاااام ربنا يخلف عليك بخير الدنيا والاخره يااا رب وفي ميزان حسناتك ان شاء الله
Post: #96 Title: Re: شقة الإستقبال كرسى متحرك ..وشوية عفش وبوما Author: محمد مجيدو Date: 02-28-2017, 06:26 AM Parent: #1
Quote: محمد مجيدو...ازيك يا زول يا سمح..
الله يسلملك يا بسمات الطيبه الرقيقه .. وربنا يسهل امورك .. ونسمع عنك كل خير ,, سلامي لاميرة .. وامتثال ,,,
ملهم كردفان وشركاه عمل جبار فعلا واجره على الله سبحانه وتعالى عمل زي دا ... يزيد من قيمة دور الانسان في الحياة ----- انا جيت اسكندرية قبل سنة وشوية وقعدت تقريبا شهر وشوية في فندق (آيفو) مواجه للمنتزه وما قابلتك ولغاية هسي زعلان
احمد ياسين ،،،كيف حالك يا ابوحميد ياخي كتر خيرك وبارك الله فذك ،،،وعظمة العمل ده الحقيقيه في وقوف الخيرين وهم البنجحوهو وياخي لو طليت علي مصر تاني عليك الله ماتنساني اكيد حأجيك لحدي المطار وحأكون فخور بي ملاقاتك
مسألة تصوير الحالات المرضيه او تسجيل اصواتهممسأل هماحلوه ما اقدر عشان اشجع الناس انها تتبرع اني المس خصوصية المرضي او اتاجر بمعاناتهم او حوجتهم للمسادعه ،،،زار مقر فايزين قريب البوردابي محمد مجيدوواتمني ان يزورنا آخرين تجديد العربيه بالنسبه لميزانية فايزين يعتبر مكلف، بالنسبه لواردنا المحدوده هناك بالونات اختبار بائطه من بعض المشككين لن تثنيني عن تقديم خدمة فايزين الخيريه
كلما كان شعار الداعمين ،،،،خير البر عاجله كلما ساهموا فذ انجاح الخدمه الخيريه عمل الخير لاييعرف الجبن او الترددكلي ثقه بأن الغد سيحمل بشريات مشرقه
الاستاذ الاعلامي واامحامي والفنانالفاتح ميرغني ياسلام ياملك الحوارات البديعه التحيه لقاعل الخير الانسان النبيل ده ،،، كده حنقدر نمشي لي قدام بي جد ونخت اول قروش في حصاله توفير ونكمل جمع تبرعات عشان يكون لينا مقر دائم زي جمعية صاي ودار السودان وبيت السودان وجمعية عين شمس ،،، صاي مقرها قرب يكمل مية سنه ،،،يارب نقدر نعمل لينا مقر يكون صدقه جاريه بعد موتنا وفيه صور واسماء كل المساهمين في العمل العظيم ده حقيقي والله احسن من الايجار ولم الايجار وان كان علي اللم بتاع القروش نلموا عشان المقر يكون حقنا ومفتوح للكل ناقشت الموضوع مع انسان جميل اتصبل علي من السعوديه وهو الاقترح الكلام ده في الحقيقه وقال لي في اعضاء ممكن عادي يجمعوا مبلغ مقر دايم بس مصداقيتك ياملهم لازم تكون عاليه وبي وثائق ومجلس اداره محلي وعالمي قلت ليهو ده الكلام الدايرنو التحيه والتجله لكل من وضع ثقته في شخصي حتي من لم يعرفونني وكل المعلوكات والبيانات حتكون متاحه لاعضاء المنبر ولاعضاء قروب فايزين
ارسل فاعل خير وصديق مقرب من الاستاذ الاعلامي الوجيه الفاتح ميرغني مساهمتة الماليه التي وعد بها وقيمتها 500 دولار بالتمام والكمال شكرا لاتكفي هذا الرجل فقد تقدم الصفوف لثقته الغاليه في فايزين وادارتها ،،، شكرا لكل من دعمنا لكي ننهض اكثر قوة واكثر مصداقيه تابعونا علي قروب فايزين 00201281289899
Post: #110 Title: Re: شقة الإستقبال كرسى متحرك ..وشوية عفش وبوما Author: محمد نور عودو Date: 04-21-2017, 11:30 AM Parent: #109
سلامات ملهم وضيوفك الكرام الاخوة والأخوات زملاء البورد وزوار البورد كنت في مصر في رحلة قصيرة في شهر مارس وهي كانت أول زيارة لي لمصر في حياتي لقد لاحظت كمية السودانيين الذين يأتون للعلاج لقد أصبح مصر منفذ الوحيد للعلاج لكل بسطاء السودان قد يجد الإنسان البسيط العلاج علي قدر إمكانياته لذلك معظم السودانيين يتوجهون الي مصر امل ان يساهم الاخوة والأخوة مشروع الأخ ملهم لمساعدة أهلنا البسطاء في توفير سكن ولو غرفة واحدة . تحياتي
تحيه طيبه للمتابعين من ساحة العطاء الإنساني المبرأ من كل شيء مخيب الآمال فايزين أتدعوكم لدعمها ورفدها بالمساهمات حتي نستمر البدايات عصيبه وموجعه لكنها مبشره
يمكن للداعمين المحتملين أن ينضموا لفايزين عبر الواتساب
اول مره أتأخر عن ميعاد مع مريض اوصانيبه زميل من المنبر لمدة يوم المعذره لزميل المنبر والمريض الشاب وبإذن الله سأقابله اليوم ارجو ان يسامحني الزميل والشاب القادم للعالج
Quote: فايزين أتدعوكم لدعمها ورفدها بالمساهمات حتى نستمر البدايات عصيبة وموجعة لكنها مبشرة
إبن العم ملهم أرجو أن تسمح لي بنقل الخاص في العام قناعاتي كما هي: لتستمر فايزين لا بد من وضع برنامج واضح المعالم أنا قناعاتي الشخصية أننا نحن ناس السودان: وسط، جنوب، شرق، شمال، غرب زي: أحمد وحاج أحمد يعني الفرق الطاقية بس بين حاج أحمد وأحمد. يعني البكرهو أنا غالباً بتكرهو إنت وهكذا قس ملخص الكلام: عشان تستمر فايزين نحتاج برنامج واضح في تقديري يتم تكوين لجنة تدرس إمكانية الإستمرار والطريقة "الواضحة" للدخل نعم نحتاج برنامج واضح المعالم يتم تخطيطه بواسطة لجنة تنجز معاك المهمة أنت إنسان عادي ولست رجلاً خارقاً عندما كنت طالباً في كلية الهندسة طُلب منا مشاريع بسيطة لكل واحد على حدة، واحد صاحبنا جاب مشروع، البروف عاين ليو قال ليو: يا ابني دا مشروع عاوز ليو خمسين مهندس محترف وانت طالب لسع ما اتخرجت، أنا طالب منك مشروع يساوي واحد في المئة –على الأكثر -من مشروعك دا. الدنيا رمضان وإن شاء الله أبواب الخير مفتوحة فاغتنم الفرصة يا ملهم ورمضان كريم _ الحليلة
الحبيب ابن العم باشمهندس الخليفه يمكن العادي أن يقوم بالخارق من الأعمال بتوفيق الله ويمكن الخارق أن لا يوفقه الله فلايققدم شي فايزين عباره عن لجنه من اروع البشر وهم اقدر علي قيادة العمل ده ارض الواقع العمل فيها زي مامكتوب في البوست ده شقة استقبال عربيه وقوف مع القادمين من المرضى وتقديم العون لحظيا دعم وارسال ادويه
Post: #121 Title: Re: شقة الإستقبال كرسى متحرك ..وشوية عفش وبوما Author: الطيب عباس Date: 06-05-2017, 10:50 AM Parent: #1
ماشاء الله تبارك الله ماشاء الله تبارك الله والله يا اب صلعه ماك هين تقبل الله تصدق اول مرة اخش البوست دا مع اني شايفو من زمان بس العنوان بديك معني غير للمضمون ياخ الله يخدر ضراعك مافيا حجامه يا عمك ههههه
