افخم مبني حكومي في السودان : مدير جهاز الامن يتفقد اكاديمية الامن العليا(صور)

02:48 PM January, 22 2017

سودانيز اون لاين
صلاح جادات-كينيا
مكتبتى
رابط مختصر

- تكلفة هذا المبني تغطي ميزانية معتبرة للصحة والتعليم
- مافائدة اكاديمية سوف يكون علي رأسها رتل من الفاقد التربوي
- مافائدة اكاديمية لبلد مستشفياتها عجب ومدارسها عجب ومياه شربها تختلط بالصرف الصحي
- هاجس الامن ... الامن ... الامن . معشعش فيهم لانهم قذرين وتافهين وحرامية ... الخ

بكرة تسمع بحميدتي بدي محاضرة فيها :

حيكون لقدام جامعة او مستشفى غصبا عنهم

بالتوفيق

انجاز ولا اروع

شكرا ابو الجوك

الطوربيد
المصيبة يكونو لهفو القروش والبناية فشنك زي جامعة الرباط ... سنة سنتين وتنهار

ود الباوقة المطبلاتي
- انجاز يا جاهل
- والمستشفيات والمدارس زرائب البهائم افضل منها

انت يا كافي البلا ما بترد بدون شتبمة

بعدين الصور دي من الظهر في الواتس

ههههه

يا لفحنجي

صدقني الواتس دا لو قفل تاني الا تلفح من

سوق واقف

هههه

Quote: بكرة تسمع بحميدتي بدي محاضرة فيها :

هههاهههاههههاي


والله دي قلبتا فيها هوبة

طبعا الضحك كتلني وانا بتخيل المنظر وهو بقول (حارا نجودا)

مديرها خريج مصر زراعة و اصبح برتبة فريق و يقال انو متزوج اربعة

المبنى دا على مرمى حجر من مزرعة باوقيشن ...
وعلى مرمى حجر من بيت الاسرة _ سوبا_
يعني الطلاب بختهم لقوا ليهم مزرعة قريبة منهم يقيلوا فيها :)

قادر الله

مودتي صلاح

لا أنكر ضرورة التأهيل الأكاديمي المتخصص للعاملين في الأجهزة الأمنية ..
غير أنني كنت سوف أسعد أكثر لو كان هذا الأنجاز الفخم مركزا للبحوث العلمية .

حيكون لقدام جامعة او مستشفى غصبا عنهم

بل هو صرح مشرف ويشرف كل سوداني غيور
في دواخله ذرة من وطنية

والله زي ما قلتو فيهو حلات جامعة ومركز بحوث
ما يخلصن

Quote: مفروض لقدام يتحول جامعة او مستشفى

كويس الاتفقتو علي انو المبني عصري و جميل وينفع يبقي جامعه ويبقي مستشفي

بس في النهاية سيرتاد هذا المبني طلاب سودانيون وماتفرق ان كانت دراستهم علوم امنيه
او طبية او خلافه

المهم ان هذه التحفة المعماريه قد اشاد بها زوار البلاد الاجانب الذين حضرو الافتتاح لفخامتها
بينما اغاظت شريحة ولو قليله من البنسميهم اولاد البلد

عليكم الله مبني الخارجيه والقصر الجديد والمولات لما تجو
اقلبوها ديسكوهات وتعالو بالليل العبو فيها بلي

أكد الرئيس السوداني المشير عمر البشير حرص بلاده علي تحسين العلاقات السودانية الأمريكية ، مشيداً بجهود الدبلوماسية السودانية ونجاحها في رفع الحظر الاقتصادي عن السودان ، داعياً للمزيد من الجهود الدبلوماسية والسياسية لتحسين وتطوير العلاقات بين البلدين.وأشاد الرئيس السوداني خلال مخاطبته حفل افتتاح الاكايمية العليا للدرسات الاستراتيجية والأمنية بضاحية سوبا جنوب مركز العاصمة السودانية الخرطوم مساء الاحد ٢٠١٧/١/٢٢م ، أشاد بجهود جهاز الامن السوداني ودوره الرسالي في تأهيل القيادات العسكرية والمدنية في المجالات الاستراتيجية والأمنية ، ومنح درجات الاجازة العليا (الماجستير والدكتوراة) ، مشيراً الي ان هذه الجهود ستسهم في إدارة شؤون المجتمع ومساعدة الدولة في اتخاذ القرارات السلمية.وأكد البشير دعم الدولة المستمر لتأهيل الاجهزة الامنية والشرطية تحقيقاً للامن والسلام والاستقرار ، واضاف “تزامن إفتتاح هذه الاكاديمية مع ذكري الإستقلال يؤكد قدرتنا علي التطور”.وجدد الرئيس السوداني الدعوة لحاملي السلاح والمعارضيين داخل وخارج السودان للانضمام لركب الحوار الوطني السوداني ، وقال ان وثيقة الحوار الوطني التي تم التوقيع عليها مشاركة كبيرة من القوي الوطنية السودانية ستحقق النهضة الشاملة وتدعم الامن والاستقرار ، والاصلاح السياسي والمجتمعي.ودعا الرئيس البشير جهاز الامن السوداني لمضاعفة الجهود في الاكاديمية دعماً للامن والاستقرار ورفع الوعي الوطني ، بالاضافة للتواصل مع المؤسسات الرصيفة علي المستوي الاقليمي والدولي تبادلاً للخبرات والمساهمة في محاربة التهديدات الامنية العابرة للقارات.من جانبها أشادت وزيرة التعليم العالي البروفسير سمية ابو كشوة بالبيئة التعليمية الممتازة التي توفرها الاكاديمية العليا للدراسين ، ويزيد من قدرتهم علي الابداع والابتكار ، وقالت ان ذلك من شأنه ان يسهم في تحقيق متطلبات التعليم العالي في المجالات الاستراتيجية والامنية.وتوقعت الوزيرة أن تحتل الأكاديمية مكانة مرموقة محلياً وإقليمياً ودولياً ، وتسهم في تخريج القيادات ، وصقلها بخبرات عالية ، علي المستوي المحلي والإقليمي والدولي.

الكل على ثقة هذا المبنى ليس للسودانيين بل للكيزان وابناؤهم واحفادهم فقط ومن سار في ركبهم ..

- مافائدة اكاديمية امنية بهذا البذخ ..

لبلد مستشفياتها عجب

ومدارسها عجب ومياه شربها تختلط بالصرف الصحي ..

..وشوارعها مصيدة يومية للموت المجانى

..والاوساخ والقاذورات واكياس النايلون تغطى شوارع مدنها الرئيسية ...

ايهما اولى .....؟؟؟؟

حيكون اول مكان يقصفه التتار بعد الفصل السابع وقانون جستا

((
بل هو صرح مشرف ويشرف كل سوداني غيور
في دواخله ذرة من وطنية))
---------------------------------------------------------------
قلة عقل وعدم حكمة وجهل مركب فى اسبقيات التنمية من الحكام والذين يدعمونهم
توجد priorities اهم من هذه القصور الفارهة التى صرفوا عليها الملايين....
لو وجهوا هذه الملايين لتنظيف واصلاح ترع وقنوات مشروع الجزيرة لكانت الفائدة اكبر للبلد
بوباريذكر بحال من يسكن فى قطية وموقف قداما عربية

ماشاء الله تبارك الرحمنالحمد لله الذي هيأ لبلادنا أبناء مخلصين يبنون لها مثل هكذا صروح شامخة وجميلة وتحف معمارية بأيدي سودانية وعقول سودانية والشنار للحاقدين الحاسدين الذين لايحبون الا الهدم والخراب والتدمير
مدخل يبهج نفس الداخلين الى العاصمة من بوابتها الجنوبية

((والشنار للحاقدين الحاسدين الذين لايحبون الا الهدم والخراب والتدمير ))
------------------------------------------------------------------------------
عاد ان شاء الله ربنا يستجيب لدعائك يا السيدح ويخسف باؤليك الذين خربوا كل شئ فى البلد :دمروا السكة حديد... دمروا مشروع الجزيرة وحتى القضبان باعوها .... دمروا سودان اير... دمروا الاسطول التجارى البحرى وباعوا سفنه.... دمروا التعليم... ودمروا نظام الخدمات الصحية... دمروا الخدمة المدنية... وحتى الجيش دمروه واستبدلوه بعصابات حميدتى.... نشروا الفساد ودمروا اخلاق العباد ....ربى يخسف بهم وبكل من يؤيدهم الارض ويخرب بيوتهم وبيوت اتباعهم المنافقين

Quote: مديرها خريج مصر زراعة و اصبح برتبة فريق و يقال انو متزوج اربعة

ههههههه .. شكرا يا باشمهندس يعني فات الكبار والقدرو 😊

اندهاشاتي

الاخوة المتداخلين سلام
ولكم التحية

فوق