اختراع عجيب غريب ... و الله قوقــل ما بقى ليها الا شراب السجار بعد ده ...
أو كما قال صديقي جلي ... الخواجات ديل ما خلو لينا حاجة نفكر فوقها ...
Post: #2 Title: Re: Google Translate App ... إبداع جديد من قوقل ... ( فيديو Author: Hamid Elsawi Date: 01-22-2017, 12:52 PM Parent: #1
يحي ..... براحه و شويه شويه في ناس هنا اول مرة يقابلوا جمهوري في المنبر من 30 سنه ............ أنا القدامك دة مشيت لأخصائي قبل كم شهر كان بستخدم البرنامج ده و هو بتكلم و الكمبيوتر بكتب قلت ده دكتور ولا شيطان لمن جيت البيت المدام قالت لي الدكتور قال ليك شنو؟ قلت ليها ود اللزينه قال لازم عمليه و حولني للجراح و لمن عرفت انو بتكلم و الكمبيوتر بكتب قالت لي أعوذ بالله من الشيطان الرجيم من ما قلت ود اللزينة انا عرفت انو في شيء ما راكب عدله .... كدي شوف ليك دكتور تاني
Post: #3 Title: Re: Google Translate App ... إبداع جديد من قوقل ... ( فيديو Author: محمد الأمين موسى Date: 01-22-2017, 05:42 PM Parent: #2
كل هذا نتاج لتقنية في متناول يد الجميع، لكن زي ما قالوا أهلنا: مرمي الله (اللي هو نحنا) ما بترفع.هذا الإبداع والجمال الذي يغير حياة الملايين نتاج: معرفة بلغات البرمجة + خيال واسع.تعرف يا يحيى الجماعة ديل لو قبلوا على الغناء حيجيبوا ليك أبوداؤود بي كبيرته وحيخلوه يضيف ألحان ونكات جديدة!