Post: #1
Title: الأفران اليوم زحمة شديدة في أمبدة..الله لاعاد تلكم الأيام
Author: محمد بشير عبادى
Date: 01-21-2017, 06:21 PM
05:21 PM January, 21 2017 سودانيز اون لاين
محمد بشير عبادى-السودان/ولاية الخرطوم/أمبدة
مكتبتى
رابط مختصر اليوم يبدو انه توجد ازمة في دقيق الخبز.. لاحظت ذلك في عدة افران اثناء مروري بشوارع أمبدة.. ارجو الا يكون ذلك في كل الأماكن.. حتى هذه اللحظة الزحام هو سيد الموقف على الأفران
ذكرني ذلك بأزمات الثمانينيات عندما كان الواحد منا يصحو مع الفجر لحجز موقعه في صف الرغيف لينال رغيفات كأذناب الكلاب في نحافتها ، هذا ان وجد ..
نسأل الله العلي القدير أن يرأف بنا ولا تعود تلكم الأيام الغابرة.
خلاس امريكا فكت الحظر وبدوا (الجماعة) خلق الأزمات؟!!!
|
Post: #2
Title: Re: الأفران اليوم زحمة شديدة في أمبدة..الله لا
Author: tasneem
Date: 01-21-2017, 06:28 PM
Parent: #1
ليت فترة الثمانينات تعود فترة الداخليات
والمستشفيات الحكومية الما خمج
والتعليم كان تعليم والجنيه السوداني كان كم دولار
ليت التمانينات تعود يوما
حسرتي علي وطني
تحياتي
|
Post: #3
Title: Re: الأفران اليوم زحمة شديدة في أمبدة..الله لا
Author: محمد بشير عبادى
Date: 01-21-2017, 06:36 PM
Parent: #2
ليت فترة الثمانينات تعود فترة الداخليات
والمستشفيات الحكومية الما خمج
والتعليم كان تعليم والجنيه السوداني كان كم دولار
ليت التمانينات تعود يوما
حسرتي علي وطني
تحياتي
------------------------
وصفوف البنزين والخبز والاغاثة السعودية ولحوم استرايا وقطوعات الكهربا والموية والخمس جامعات وكمية الفاقد التربوي
يا تسنيم امبدة كلها ماكان فيها مدرسة ثانوية واحدة .. لن ننسى ايام قومة الدغش في البرد للحاق بالبص الوحيد للحاق بالحصة الاولى في مدرسة وادي سيدنا جوار سينما ام درمان حيث الصفوف اياها
اييييييييه ايام سودا الله لا عادا
تسنيم تحياتي وعليك الله ما تثيري علينا المواجع
|
Post: #4
Title: Re: الأفران اليوم زحمة شديدة في أمبدة..الله لا
Author: محمد بشير عبادى
Date: 01-23-2017, 07:10 PM
Parent: #1
عادت الأفران في أمبدة لحالتها الطبيعية منذ البارحة ولا توجد زحمة الآن ... الحمد لله .. الواحد خاف من عودة الايام الحالكة اياها ولكن يبدو انه سوء توزيع للدقيق من الشركات لا انعدامه
الآن كل المخابز التي مررت بها حركة الزبائن بها عادية وخلت اخرى من الزبائن والخبز متوفر بكثرة ولله الحمد والشكر
|
Post: #5
Title: Re: الأفران اليوم زحمة شديدة في أمبدة..الله لا
Author: عبدالله محمد أحمد
Date: 01-23-2017, 07:24 PM
Parent: #1
محمد بشير عبادي رجعونا الى الى الثمانيات من القرن الماضي. كنت اشتري بالجنيه الواحد سبعة رغيفات بطول 40 سم من مخبر تركي في المنطقة الصناعية ببحري. السودان و قسمتوه. سودان ايرويز انتهيتوا منها. البحرية و اصبحت في خبر كان. رجاء اتركونا في حالنا
|
Post: #7
Title: Re: الأفران اليوم زحمة شديدة في أمبدة..الله لا
Author: محمد بشير عبادى
Date: 01-23-2017, 07:36 PM
Parent: #5
شكرا عبد الله محمد احمد على المداخلة
طبعا انا لا يد لي في ارجاعك الى ذاك الزمن او الابقاء عليك ولكني شاهد على العصر .. كنا نعيش معناة حقيقية لا ادري من اين لك بمعلومات الخبز التركي وغيره.. ياخي نحن كنا مرات بنشرب الشاي بالبلح لانعدام السكر
تقول لي خبز تركي؟؟!! قراصة مرات ما بنلقاها لانعدام الدقيق .. انت غايتو ذكرتني بماري انطوانيت القالت لو مالقين رغيف اكلوا باسطة.. هههههههههه تركي؟!!! .. ده هسي يا الاخو ، تركي وفطاير شامية ومصرية وبيتزا
وووو... ياخ اقول ليك نقوم اربعة صباحا عشان عشرة وللا سبعة عيشات ولو عندك عربية تبيت يومين عشان جالونين بنزين وبالتذكرة تقول لي دولار وعيش تركي؟!!!
غايتو الله يسامحك يا عبدالله هيجت علينا المواجع.. انا انزلت البوست ده لانه الضاق عضة الدبيب بخاف من جرة الحبل.. انا قبل يومين لمن شفت الصفوف طوالى مخي عمل فلاش باك وجاتني خوفة من تلكم الايام
لكن الحمد لله طلعت حاجة عرضية ساكت ما ازمة
|
Post: #8
Title: Re: الأفران اليوم زحمة شديدة في أمبدة..الله لا
Author: د.محمد حسن
Date: 01-23-2017, 07:58 PM
Parent: #7
شايفك جليتني
ما مشكلة
سبق وقلت ليك الاسم سالم
|
Post: #9
Title: Re: الأفران اليوم زحمة شديدة في أمبدة..الله لا
Author: محمد بشير عبادى
Date: 01-23-2017, 08:12 PM
Parent: #8
شايفك جليتني
ما مشكلة
سبق وقلت ليك الاسم سالم
================
عفوا د. محمد حسن لم الحظ مداخلتك
بعدين ياخ قصة الاسم سالم دي ذكرتني كلام الخليفة عبد الله مع الجماعة ديلك .. ما عيب عليك يا دكتور ههههههههههههه بس بامانة ما عرفت قصدك
بخصوص الاغاثة اتفق معك فيما جاء في البوست الذي كتبته عن امكانات السودان الحيوانية
ولكن الاغاثة في الثمانينيات كانت بصورة راتبة وليست حالة استثنائية
بعدين ماتكابر يادكتور في حالة السودان الاقتصادية وانخفاض المستوى المعيشي للمواطن.. ياخ في بعض المعلبات والعصائر كنا ما بنشوفها الا لمن يحضروا المغتربين من الخليج
الوضع الآن تغير تماما .. هذا لا يعني اننا نعيش في رفاعية ورغد عيش ولكن احسن من الثمانينيات دون شك على الاقل الاقتصاد بقى اقتصاد وفرة لا ندرة
مع تحياتي
|
Post: #10
Title: Re: الأفران اليوم زحمة شديدة في أمبدة..الله لا
Author: د.محمد حسن
Date: 01-23-2017, 08:27 PM
Parent: #9
يا محمد بشير عبادي
والدي عليه رحمة الله في منتصف السبعينات كان بفكر يصدر معلبات من السودان لدول الخليج وسافر
وعمل جولةخليجية
والله والله الفواكة والمعلبات النحن اكلناها في السودان ده انت ما بتحلم بيها
هل تصدق انو اجمل تفاح مخلوط كان في حديقة القرشي وبريال
واجمل ملك شيك من محلات زكي في الخرطوم وجورج مشرقي في امدرمان حتى الثمانينات
واجمل باسطة الطيب سيد مكي امدرمان
الاختناقات حصت بعد المصالحة الوطنية ودخول الجبهة الاسلامية للاتحاد الاشتراكي
وما كارثة تخزين العيش عنك ببعيد
الجنبهة دخلت الاتحاد الاشتراكي بمدخل تخريب الاقتصاد وقد كان لها ما ارادت ومازلت حتى كتابة هذه الكلمات تمترس ابشع انواع التدمير للاقتصاد السوداني
|
Post: #14
Title: Re: الأفران اليوم زحمة شديدة في أمبدة..الله لا
Author: محمد بشير عبادى
Date: 01-24-2017, 06:37 PM
Parent: #10
يا دكتور محمد كلنا عاصرنا فترة السبعينيات والثمانينيات ونحن اطفال ثم صبية.. وبمثلما شربت العصائر واكلت الفاكهة مع والدك عليه الرحمة فعلت انا كذلك برفقة والدى رحمه الله لمحلات جورج مشرقي وباسطتهم البلدية
والميلك شيك والشوكة والسكين وصحون الكوكتيل والنظافة والاناقة ومحلات المسرة ورشوان وشارع الجمهورية وفطاير الاغريقي داك نسيت اسمو.. والتاكسي الهلمان والهنتر وو.. كل هذه المشاهد الجميلة اتذكرها ولكن
اين هذا في منتصف الثمانينيات حنى منتصف التسعينيات.. البلد التقول ادوها قنبلة ذرية وقتها .. جفاف شديد .. الان الحمد لله رجعنا احسن مما كان وعلى مستوى ارفع.. بعيدا عن المكابرة السياسية.. ده واقع
|
Post: #11
Title: Re: الأفران اليوم زحمة شديدة في أمبدة..الله لا
Author: Hassan Farah
Date: 01-23-2017, 09:27 PM
Parent: #7
((ولكني شاهد على العصر ..))
-------------------------------------------
محمد بشير عبادى إنت شاهد زور
|
Post: #12
Title: Re: الأفران اليوم زحمة شديدة في أمبدة..الله لا
Author: كمال عباس
Date: 01-23-2017, 09:44 PM
Parent: #11
** صفوف الخبز في الثمانينات سببها أن الحكومة كانت تدعم ـ الخبز والسكر لو قامت الحكومة وقتهابرفع الدعم ـ وفتحت إستيراد الدقيق وبيعه بسعر السوق ـ لما وقف شخص واحد في صف- العندو يشتري والماعندو يموت !
* الحكومة وقتها توفر العلاج المجاني والتعليم المجاني !
* والحكومة وقتها كانت قادرة علي صيانة السيادة والتراب الوطني ضد الأجنبي بينما فرط نظامك في التراب والسيادة وجعل الأجواء مستباحة!* السودان في الثمانينات ـ كانت دولة محترمة لم ترتبط بالتطرف والإرهاب ـ بينما ربط نظام كالوطن ببالتطرف والإرهاب ـ ورفع شعار أمريكا روسيا دنا عذابها والأمريكان ليكم تسلحنا وأوي الإرهابيين مما أدي للعقوبات التي تذلل نظامك لرفعها وركع تحت أقدام الغرب ومع هذا ـأمروه بتحسين سجله في حقوق الإنسان ووقف العدائيات ـ وتركوه تحت رحمة المنظمات الدولية غير الحكومية تحدد رفع الحظر من عدمه!
* والآن وحينما تتحدث عن الإقتصاد لا تنسي إنهيار العملة والزراعة والصناعة وإهدارموارد الوطن والفساد الذي ينخر في عضم الوطن
^^
!....... البشير:-(إذا أمريكا رضيت عنا فهذا معناه أننا فارقنا الشريعة والدين)!!
|
Post: #13
Title: Re: الأفران اليوم زحمة شديدة في أمبدة..الله لا
Author: محمد بشير عبادى
Date: 01-24-2017, 06:26 PM
Parent: #11
محمد بشير عبادى إنت شاهد زور
----------------------
وانت شاهد ما شفش حاجة ..هاك الصورة دي عشان ما تكابر يا حسن فرح
|
|