فرح الطاهر ابو روضة

10:59 PM January, 21 2017

سودانيز اون لاين
Elsanosi Badr- عدة اماكن ونطمح في الفردوس
مكتبتى
رابط مختصر

غايتو يالشيوعيين كان بتعملوا ليكم (حيران) و(مريدين) بتكونوا بتبالغوا والله

ولو الزول ده طلع شيوعي معناتو الشغلانية زادوها موية كتيرة (خلاس)!!!




غايتو الشيوعيين الانا بعرفهم They do the homework very well واقل واحد بيكون عميييق ... وعميق شديد

لكين خفة زي خفة اولاد خلف الله الدحلوب البيسجدو قدام الامام اصلا ما لاقتني




______________________________________
يا فرح عليك الله ما تزعل مش قلتو حرية تعبير ... اها دي قدرتي في حرية التعبير

يا دكتور سنوسي، حديثك أثار فضولنا، كدي أدينا مثال لشيوعي من أصحابك يكون عميق و"جميل"

تعرف يا ابوبكر عباس ياخي اتا من الناس البخلو المكان ده جميل بمداخلاتك المميزة ونظرتك للاشياء بزوايا مختلفة

طبعا مرات ممكن مداخلاتك ما بتعجب بعض الناس ودي الاستنارة ذاتها

كتيرين بيشوفو محل ما يقع الضوء وما بيكون عندهم فكرة عن ما هو خلف بقعة الضوء


انا غايتو يا دكتورنا بعتبرك نبي الحته دي


نجي لكلامك الفوق : طبعا انا ما بتعجبني مساككة ود الصايم ليك صراحة وبعنبرها نقطة سالبة في حق عزيزنا ود الصايم

واقول ليك بجد انا اصلو ما قاعد اقرا محتوي المسكاكة دي ويمكن لانو من عاداتي اصلو ما بدخل في حياة الناس الخاصة

واديك مثال انا واختنا تراجي حتيناهو قرض هنا ووصفتها (بالمطرطشة) واول ما الناس دخلت حياتها الخاصة وقفت ليهم الف احمر !

في جانب تاني جميل عن اخونا ود الصايم وهو الزول ده ضكران جدا وجميل برضو ده انا الشايفو في الجانب الانتا ما شايفو وياريت يبطل مساككتو ليك عشان يخليك تشوف الحته دي



نجي لزولنا ابو روضة

والله وماك طالبني حليفة الزول ده اصلو ما اداني احساس انو شيوعي ومرات مرات بتذكرالمثل بتاع حمارة الحمدابية العايمة مع البقر !

يا ابو ابكر احنا ناس خلا والفراسة هيلنا وولدنا فرح ده ما قدر الشيوعيين ووصيتنا ليهو الليشوف ليهو حاجة تانية (يندرع) فيها ويعارضبها الانقاذ!!

لكييين لو اخوانا الشيوعيين بيدوروا يكبروا كومهم ويعملولم (حيران) ومريدين الليشوفلهم زول يتوضا ويمين موية وضوهو ما بتصل الارض تب!

: طبعا انا ما بتعجبني مساككة ود الصايم ليك صراحة وبعنبرها نقطة سالبة في حق عزيزنا ود الصايم
................................................................................................................................................

تحياتى ي البدر

كدى اسعلو هو ذاتو وقول ليهو منو الكان ساكى التانى ..

تحياتى ي مواطن

ودالصايم ياخي والله كل ما اشوف صورة قرفة بحس انو الدنيا دي ما بتساوي اي حاجة وبرضو بتذكركم انتو وعقابو الاصلو ما نسيتوهم فرت يوم يا معاوية ياخ

والبت الدخلت الجامعة ياااااااه يا معاوية ياخ


يا معاوية والله ابوبكر ده نبي الحتة دي

فشنو ختو الكورة واتا


ركز لينا في عزيزما فرح ده

اصلو عندي يوميين فاضي ومدبرس عشان التلج الطولو اكتر من مترين (زارب) البيت ! وليلنا نهار الناس

في صقع الجمل دي

فشنو عليكم الله ما تطيرو لنا الصيد بتاعنا

يا معاوية والله ابوبكر ده نبي الحتة دي
>>>>>>>>>>>>>>>>>>>>>>>>>>>>>>>>>>>

يا ارباب
يا ارباب
يا ارباب

والله حمارة المحمدية البفتحو ليها نفاجات
ومعابر دي
أن شاء الله حمارة مزرعتنا

كسرة
اها قرايات البوست داك وصلت كم
البوست ده برضه أعتقد حيكسح بدون شك
عشان كده ما حنطلب من إدارة المنبر تغيير عنوان البوست
لأنك فعلا محتاج ليه
استرزق يا زول

المك ود المك

يا جمبعابي والله وماك طالبني حليفه قبا انجع من الفجة ديك فيبالي ادقلك تلفون والقي منك اخبار اللهل

عساك طيب ااازول

اخوك والله بعيد بعده تكتل


هسي عليك الله اخوك مو صياد

يمين غبت واندفنت في التلج ده وجيت مارق بابي روضة

يميين لي يومين بتكرف في الصيدة دي

هسي اتو يا اولاد العباس اتلميتو فيني بتدورو تنجهوني عشان الصيده دي تمرق مني !!

تحياتي ود بدر
وضيوفه
بعيدا عن الشيوعية او اي حزبا اخر
داير اقول كلام ارجو ان ينظر له بحياد
فرح دة ود كوستي .. ومتزوج من كوستي من ناس معرفة شديدة لي
والمعلومة دي عرفتها انو من كوستي قبل سنة تقريبا
فوجئت بيهو جاني في الدكان
المهم قعدت معاهو كم مرة
كتابات فرح هنا لا تشبه فكره
قلت ليهو الكلام دة
رجل مثقف ويمتلك ذخيرة محترمة من المعارف
فرح يستطيع ان يكتب افضل من ذلك
له الامكانيات
اظنه يكتب منفعلا يتضح ذلك من التعديلات المتكررة في كتابته

المستنير نبي المكان ده !!!
اخخخخ ...

السنوسي يا عمك تلجتك كبيررره للمستنير
بعد كده حا يقول لينا من انتم ؟
ويا بكري ابوبكر لو مادفعت لي عداد
ما حا اكتب ليك في البورد ده مع الرجرجة ديل ههه
فشنو ما تكتر ليهو التلج في البرد ده ....
ثم للان ما اديتو أمثلة عن شيوعي عميق ؟
مره جابوا لينا دكتور في مستشفى شندي أسمو سعيد الأقرع
اشغل عدة سنوات وكان مثال للطبيب الإنسان
لن ينساه أهل شندي لما قدمه لهم من خدمات وإنسانية فاقت الحد
الكيزان ديل لمن جو حاربواواعتقلوا لمن نجع من البلد ....
نسال الله له التوفيق والسداد شقيش قبل ...
الدكتور ده كان شيوعي ... ده مثال يا مستنير

العزيز السنوسي بدر
حياك الله يابن عمي واسعد الله اوقاتك بكل خير

أنا مثلك في البداية أول ما فرح دا جاء المنبر هنا وكتاباتو نوع يا وهيييط
ومع التحية أخذت عنه نفس فكرتك دي بقيت لمن اكون بقراء في بوست
أول ما أعاين فوق اشوف اسم ابوروضة طوالي بنزل بالماوس اشوف اللبعدو
وطبعا نظرتي ليهو كانت خاطئة الي أن جمعني الله به في احد قروبات الواتساب
وبرضو تناقشنا كثير وتناقرنا لفترة ليست بالبسيطة فتغيرت نظرتي له ، الزول دا
مثقف وزي ماقال ليك الاخ عبد الحفيظ ابوسن يمتلك ذخيرة واسعة من المعرفة
وعلي الصعيد الشخصي زول حبوب وصاحب صاحبو وود بلد بحق . لو بتتزكر
يا السنوسي مناقرة فرح مع المرحوم الصادق الخالدي الف رحمة ونور علي قبره
وأول ما سمع بمرض الصادق الخالدي سافر والتقي به وتصافيا ونزل الصور في
البورد دا وتأثر جدا لوفاتة بس عيبو الوحيد بيكتب تحت تأثير الانفعال وممكن تدورو
وتخليهو يغلي ويزبد لابسط الاشياء ودي بتتعالج بنوديهو أم ضوبان
أنت بس يابن عمي لو عاشرتو عن قرب حتعرف أنو الخاذوق دا إنسان بجد وقلبو نظيف .

محن!

بكوووور دكتور الغنم نبي :)

وابو روضه شنو كدا ما عارف :)

غايتو دا بوست متزمزغ


ول ابا السنوسي والله عصرتا علينا شديد خلاص :)

ابو بكر بركب حمير الضيفان ساااهي ومدعي للاستنارة

وابو روضه زول ما عندو موضوع ياخ

كل الود

الزول ده دخله الشيخ ابو سن في ضريحه
ولكن
بما انه زار هذا البوست عدد من الذيت يهمني أمرهم
لابد من توضيح
أولا
والله على ما أقول وكيل
هذا البوست لم يزيدني إلا تأكيد بأنني أصبت الهدف تماما
وأنا مرتاح لكل ما كتبته بحق هذا السنوسي
القصة وما فيها
قصة ردم http://sudaneseonline.com/board/490/msg/%d9%84%d9%85%d8%a7%d8%b0%d8%a7-%d9%8a%d8%b3%d8%aa%d8%b9%d8%af%d9%8a-%d8%a8%d8%b9%d8%b6-%d8%a7%d9%84%...1%21-1484634798.html
اها العايز اقولو
لو عضو كتب ليه بوست ما موفق يجي يتلح أبو روضة
وللعلم أبو روضة لايوق اكتر من الويكة
وفي أعضاء هنا وصلناهم خمسة وعشرين صفحة لياقة فقط
والمنبر ده يشهد على ذلك
بس أبو روضة السنوسني بدر يشهد الله ما بعرفو
وما تعرفت عليه إلا لما كتب مجافاة
وجدان الشعب السوداني والدلاقين
وأنه الرسول يجب ان يدافع عنه بثورة الدلاقين
والكلاب المسعورة والا يكون الرافضين لهذا المنهج
تحت رحمة عناوين السنوسني الانتهازية
ذات الغرض السياسي والتوظيف الاستغلالي القبيح
هذا سلوك كيزاني طبعا وقذر
فكان واجبنا التصدي له كما آخرين
وفعلا قلنا في احد البوستات بان السنوسني احد اهم المسترزقين على حساب الحزب الشيوعي
وأعضاء الحزب وواحد من من
حاولوا أن يتفننوا في عناوين البوستات
( بطريقة الحق السوق )
الكلام ده قلناهو ليه هنا
http://sudaneseonline.com/board/490/msg/%d9%85%d9%82%d9%88%d9%85%d8%a7%d8%aa-%d9%86%d8%ac%d8%a7%d8%ad-%d8%a3%d9%8a-%d8%a8%d9%88%d8%b3%d8%aa-...%8a--1484812399.html
وفعلا ده الحاصل
وخلوه هسي السنوسي رزق ده
يجي يكتب هنا ويوضح ليكم أو انتوا
افحصوا البوست المعني ويجيب أو أجيبوا على الأسئلة التالية
غير عدد المشاهدات الكاسح
كم عدد المؤيدين للبوست هه
كم عدد المستنكنرين للعنوان
وهل استطاع الدفاع عن عنوان البوست الفضيحة
وهل أثبت بأن هناك من وقف مع عثمان في اساءته للحبيب المصطفى
ولا اصلا كان ما فاهم انه الاعضاء ديل معارضين المنهج
ولا فاهم الحاصل لكن عايز يتاجر كما أشرنا في بوست مقومات نجاح أي بوست بالمنبر
وبرضه للتوضيح
الزول ده انا كتبت ليه بوست كنت عايز اقول ليه كلمتين لا ثالث لهما
لكن حذفت البوست بطلب من عزيز
ولو كنت شايف انه يستحق كان حتكون النية خمسة وعشرين صفحة وما فوق
لياقة من أمها
لكن والله زي ما قلت حتى البوست المحذوف ما كان حتكون فيه
أكثر من كلمتين ووجه ضاحك
أرسلنا الوجه الضاحك الكلمتين
ظلن معلقات اجلال واحترام
المهم فتكم يعافية
ويا السنوسني رزق
نتقابل في بوست( الحق سوقك )آخر

بالمناسبة
سؤال الشيوعيين العميقين ما أظن يقدر يجاوب عليه
ورط فيه نفسه
كما ورطة مجافاة وجدان الشعب السوداني
معقول عضو عايز يجي يتكلم عن مجافاة وجدان
وعداوة المصطفى
الشغلانة تقلب عمق
المهم لو أفصح انا حاكون اول السعيدين بذلك
لكن اتوقع ان يموت هذا السؤال
ويا ريت كلامي يفك عقدة لسانوووووووو
الشي التاني المهم الفات على السنوسني رزق
انه العميقين
لمن هم أكثر عمقا
اما جماعة الحق سوقك ديل
والله ناس أبو روضة ديل كتار عليهم

اوووووو المك زاتو هنا

والله يا ود الباهي شهادتك في اب روضة مقيول طاااب

بس العك الشايفو ده يمين بقفل النفس

الزول ما بيقرا اصلو بيدرش ساااي

ومرا مرات بجليها واقفة

وان طلع الزول شيوعي يميين ناااس كتار بيحردو الشغلة دي

ولو الشيوعيين جايبنو دخر تبفي الشغلانة زي تيس ام عزين الجابوه يعشر غنماية خادم اللهقعد يرضع فيها

العزيزي محمد عبد الله الامين جبابك ااامك احنا ااو عبد الله اللمين زولنا ابوبكر ما بنكترو له التلج زولنا ده بنجيبلو مصنع التلج لحد عندو وديرينك تتوسط معانا في المصالحة الشاملة بين المكوك الفوق ديل
لكين كده عليك الله شوفنلنا طريقة نفرمل بيها اب روضة
الزول ده انبهالتو دي اصلها مي عاجباني

عزيزنا ود اب سن

والله اتا زولا عزيز علينا بالحيل
وشهادتك في اب روضة مقبولة طااااب

لكين خلني النقول شي يا ود اب سن سوات اب روضة البسوي فوفا دي يمين تحيير الما بتحير

الزول ده يمين اديك احساس زولا بفك الخط!


الزول ده الشغلانية قايل مسابقة بوستات وعدد كلكات

واظنها ما واقعالو نهائي


دمت طيب يالحبيب

الخبير ولد ابوي البشاري حبابك اا اللصم


الزمزغة ما فايتنا شبر

يمين مع اب روضة ده الشغلانة عجوة معطونة بلبن حمار

ههههههههه

يمين اسي ايدو بتاكلو لفتحان بوست !!!

حسب المصدر
السنوسى
دا بتكلم بره راسو
وذلك لكمية التلج المقدرة ب حوالى 66 طن حول المنزل
ومعلومات عن كمينة فحم من اجل السخانة...
البدر بردان ..

الموكد.البدر لابس عراقى دمورية وسروال دبلان وشايل كوريك وسفنجة كل فردة من بلد ..حسب المصدر

نتابع....
نناشد الجهات المختصة الديمقراطية بنجدة البدر

اوووو اب روضة زاتو هنا

يمين زارتنا البركة

يمين الواحد ان ما بعيد منك كان عقر لك قعود

حبابك الف

انبهل ساااي اصلو البوست حقك ااازول

اصقع ساااي حرم اصلي ما بزعل

لكين وقفتك مع الدلقان شاتم النبي اصلا ما اتحملنا

ااازول ما تقولينا حرية تعبير وجن كلكي

الزول اللمي داك رصالو شتايم للنبي


وبعدين تعال هنا النسعلك

اتا ااازول شيوعي بصحك ولا مريد ساااي؟

والسعال ده من حقك ما تجاوب عليهو and I take it as you are not a member وتاني مابسعلك نهائي

وشهادات الناس الفوق ديل قبلانا تب


ااا فرح مساهماتنا الهنا دي بنباصر الوكت مباصرة قيها ولو ملاحظ انا لي سبعة سنة هني في البكان ده ععد مداخلاتي اقل من مداخلاتك واظها تلت مداخلاتك

فشنو شغلانية عدد كلكات او عدد قراء او استرزاق قراية بوست والله اصلها ما قاعد افكر فيها

وبخصوص الحزب الشيوعي بنعارضو وفق العمل السياسي لا اعضاءه بنقول ليهم احسنتوا وكت يحسنوا وينقول ليهم اخطاأتم وكت يكونا علي خطأ


وبعدين يا فرح خليني اقول ليك حاجة انا عارف الاحزاب العقائدية والشمولية دي اصلها ما بتقبل النقد
لكين انتو كحيران او مريدين او قول اعضاء جدد بطريقتكم دي ياكم المودين الحزب وسايقنو من اضانو لزريبة الكيزان

هههههههههه
والله يا يا مك البرد كتير كترة جد

والله يا مك لينا كم يوم كده التلج اظنو زي مترين وقافل الشباك حق البيت وقراش العربية بطلع ببره بنكت زي نص ساعة كده

عندي اصحايي هنود حمر كنت بغشاهم عشان اضبح لي خروف يمين دم الضبيحة بجمد بعد الدبحة طوالي تتخيل


كيفكم والعقاب

Quote: الزول ما بيقرا اصلو

اها ده عيب فرح

انا اتفق تماما مع الاخ عادل الباهي
فرح مثقف (عميق) وسلس في الكتابة

لكن النصيحة في بعض الاحيان يكتفي فقط بالعناوين ويهرع للرد بشفقة عجيبة


لو خت الكورة واطة وقال يا لطيف
قلم لايشق له غبار

انت يا ناصر حسين
فاكر حمارة المحمدية دي
هينة
ولا يتعوم على جنها وغباها
يعني عشان غطست حجرة مع البقر
لكن هل كان ممكن
تغطس حجرة مع قطيع كلاب مثلا
وكمية دلاقين
الكلام ده انا جبته ليك عشان اقول ليك ما أي شي بقروا
وحمارة المحمدية نفسها وغطسانة مع البقر دي فيها
إشارات إجابية عصية على أصحاب بوستات
الحق سوقك
اها نرجع لحكاية خيار حمار المحمدية

في حاجات بقروها وبعجبوا بيها وبراجعوها كم مرة
وفي دلاقين بتجاوزوها
وفي أكوام ذبالة بردموها بس
لأنه اصلا ما ممكن تضيف ليك وانت ما ممكن تضيف ليك حاجة ذات
قيمة في حاجة لا قيمة لها
يعني هسي عليك الله بوستات الحق سوقك دي
يضيفوا ليها شنو غير انك تكتفي بالعنوان وتستعين بمداخلات
بعض من يعتقدون بأنهم قادرين على إحياء العظام وهي رميم

من هنا
التحية لأهلنا المحمدية فهم دخلوا هذا البوست غصب ولهم العتبى حتى
شارات الرضى ولكافة القبائل المنضوية داخل النسيج الاجتماعي السوداني
كسرة
سنوسني رزق ده بالله
كلموه قولوا ليه البلد ما ناقصة استحضار أمثال قبيحة تنال من القبائل وتسهم
في هتك النسيج الاجتماعي
قولو ليه ساعدنا بالامثال الإيجابية
ولا كيف
تسجيل خروج
سؤال العمق الحصل عليه
شنو

المحمدية ياتم يا فرح؟؟!!

فرح اقرأ ياخ

اقرأ .... القر اللينفخك

يميين يافرح بشفقتك دي يوم بتجيب ضقلها يكركب


هههههههه

يا ناصر حبابك الف اها شفت فرح ده بقي زي بخيت شكروهو قال داك شهر تاني

Quote: المحمدية ياتم يا فرح؟؟!! فرح اقرأ ياخ اقرأ .... القر اللينفخك يميين يافرح بشفقتك دي يوم بتجيب ضقلها يكركب هههههههه يا ناصر حبابك الف اها شفت فرح ده بقي زي بخيت شكروهو قال داك شهر تاني

مفترع ظريف ركز مع دكتور بدرالدين والنفس اكون هادي عشان ما اطلع بيك فوق ونزلك تحت ونقدر نشع اللعبة الحلوة يا فرح
اقراء دواخل الكلام ما تستعجل انت زول نبيه

حمارة المحمدية الغرقت مع البقر

مثل فى غرب الجزيرة يقال ان حمارة لقبيلة تسمى المحمدية وهى قبيلة معروفة تنسب لجدهم المحمدى ولهم خليط مع الكواهلة.
يسكون على ضفاف النيل الابيض شرقا.
عادة اللابقار فى موسم الدميرة تدخل داخل النيل لترعى العشب القادم من الجنوب يسمي (ام صوفة)
يوما راتهم تلك الحمارة ففعلت فعلتهم ووقعت فى شيمة فماتت.
فاصبح مثل يضرب للرجل الامعه (فيقال له انت مع شنو ياحمارة المحمدية الغرقت مع البقر).

يااااااسلام ياخ


ود ابوي الدسيس كيفكم والعيال

والله يا لشريف اختك وعيالها لليله يشاكلو فيني يقول لي لحد ما مرقنا من البلد ما وديتنا تاني لو دعمك تاني

عمران واخواتو حبو الرياض

طبعا ظروف العمل ودتني ابعد حته في الكرة الارضية ممكن تتخيلها حته الزول لو مرق من البيت ما لابس كويس ممكن دقيقتين يموت


الاشراف بتاعين قطر اخبارهم شنو
وعصمت واولادو هتاك اخبارو شنو انشاء الله بخير


هههههه فرح ده قبضتو بالكجامة البكجوها جنب التبن ديك

زمان اخوي الطيب قبضلو طير جرول فرحان بيهو سنه كاملة

هسي انا يا الشريف بتكرف في اب روضة لي زي تلاته ايام

مريم يا عباس بحكي ليها قلت ليها انا زمان ابوي اشتري لي بنطلون كاكي ولا دبلان ما عارفو يمين بتفرج في الزرارة شهرين

يا الشريف اب روضة ده زول ما ساهل لكين شفقان شفقة خادم الله الجابولها العريس مشت تتدخن حرقت وركها


ابقي طيب زتحياتي للاهل كلهم

Quote: يااااااسلام ياخ ود ابوي الدسيس كيفكم والعيال والله يا لشريف اختك وعيالها لليله يشاكلو فيني يقول لي لحد ما مرقنا من البلد ما وديتنا تاني لو دعمك تاني عمران واخواتو حبو الرياض طبعا ظروف العمل ودتني ابعد حته في الكرة الارضية ممكن تتخيلها حته الزول لو مرق من البيت ما لابس كويس ممكن دقيقتين يموت الاشراف بتاعين قطر اخبارهم شنو وعصمت واولادو هتاك اخبارو شنو انشاء الله بخير هههههه فرح ده قبضتو بالكجامة البكجوها جنب التبن ديك زمان اخوي الطيب قبضلو طير جرول فرحان بيهو سنه كاملة هسي انا يا الشريف بتكرف في اب روضة لي زي تلاته ايام مريم يا عباس بحكي ليها قلت ليها انا زمان ابوي اشتري لي بنطلون كاكي ولا دبلان ما عارفو يمين بتفرج في الزرارة شهرين يا الشريف اب روضة ده زول ما ساهل لكين شفقان شفقة خادم الله الجابولها العريس مشت تتدخن حرقت وركها ابقي طيب زتحياتي للاهل كلهم

سلام يا دكتور والعيال والاسرة الكريمة
شوقنا ليكم كميات يالشريف
تقبل تحيات الاسرة وناس السودان وقطر واستراليا والجميع
من شوفتك اليومين منداح في سودانيز عرفتك في بلد طيرها عجمي وزاريك الثلج
زمن بتاسس في الجامعه هنا ما كان عندك فرقه جياتك لينا ختفت رجل
ابوروضة صديق عزيز وقلبو ابيض
اها فيها رجعه تاني و ل فارقت بلد العرب
تحياتي للاسرة الكريمة
مع خالص الود والتقدير

بلدكم يا الشريف ما بتنفات الا للشديد القوي

اهلك الاشراف ما بدورو الحبسا

اجي من الشغل مهلوك القاهم متكومين لي جنب الباب ولابسين

الشغل في بلدكم متعب لكين بتصبرو زي جياتنا ليكم ديك

هنا العمل منظم لامن يشعرك بالملل

كل زول عارف نفسو بيسوي في شنو!

هناك طبعا العمل فيهو تحدي جميل وصعب

لانو مرات في زول بيغلط ليك في حته
ما بتعرفو غلط فيها ليييه وكيف وعشان تصلحها معاهو
ده تحدي زاتو
لكين الواحد بيعلم وبيتعلم منهم

الناس هناك لا ينقصهم الذكاء والعبقرية بقدرما شفقانين

شفقة جد

اها زي شفقة فرح ده البيخرتها نيه


تحياتناليك ولفرح اب روضة الزول الكلس

والله لامن سمعت قصتو مع الخالدي كبر في عيوني

لكين برضو ح (اخرتو) نئ


هههههههه

Quote: يا ناصر حبابك الف اها شفت فرح ده بقي زي بخيت شكروهو قال داك شهر تاني

ههههههههههههههه

فرح ده باقي لي متل:أشتر ومسكوه العكاز

يافرح طالما حترد الافضل تقراء

شنو يا جماعة البوست قلبتوه ليه لينا مكوك واشراف ههههه ونحن ديل ناس قريعتي راحت ديل ادونا لقب معاكم ..
البوست بداء بداية حااارة لكن اكيد حا ينتهي نهاية باااردة ..
غايتو يا دوك بدر لقيتك سواق سواقة ..
ربنا يديم الود والمحبة والنقد الهادف البعدل العوج ..
لي قدام ..
وفرح ابو روضة لاقيتو على ارض الواقع والله يا دكتور قابلني بالدموع زول رقيق جدا .واخو اخوان وعندو غيرة على الحزب الشيوعي لم تتوافر في اي شخص قابلتو في حياتي مؤمن ايمان منقطع النظير ومستعد لاي تكليف لو على رقبتو ..وما حصل طلبنا منو طلب اتأخر..
وعشرات حبابكم ..
اتمنى البوست يتواصل

هسع يا ود دفع الله في زول مك اكثر منك في البكان ده

يمين قعدتك جوه مع الكيزان دي زاتها مي مكوكية

حبابك يا الزول الكلس

فرح يا علي ود فع الله مافي شك زول كلس ومعارضتو للكيزان هني وخطو لا خلاف عليهو ابدا

واهو زي البوستات دي بتكشف للزول الصورة الماشايفها

والناس هنا اثنت علي فرح ووضحت جانب ما كنا شايفنو
واهلنا قالو لو نفرين لو قالو لك راسك مافي اتبنو

لكيين فرح شفقان
والشفقة مع عدم القراية في المنابر بتوصل صورة غير صحيحة للزول زي الوصلتني في الاول عن فرح

الكلام في المنبر اصلو ما بفوت والزول ممكن يجبدو في اي وكت ويرد عليهو بصورة كويسه


دمت يا لحبيب ودام معاك عزيزنا فرح

يا السنوسي بدر ....كيفك يااااااخ

فرح ده رقم لايمكن تجاوزه ..انا خاتيهو جمب الرقم الوطني بتاعى
شفت كيف ياحبيب ...!!!

اطيب التحايا ليك ولى فرح ولى كل زوارك الوجهاء

التحية والاحترام والتقدير لكل الاحباب المروا من هنا
واحتراما لهذه النخبة من الأصدقاء وأعضاء سودانيز أون لاين
يا حبيبنا السنوسني
انا ما عندي أي اختلاف شخصي معاك
وتاكد من شي وأحد
معظم المروا على بوستك ده
أبو روضة ما قاعد يتفق معاهم
في الكثير من القضايا ومع بعضهم خلافات موثقة هنا
لكن هم أحباب وأصدقاء مقربين جدا للنفس
وفي حالة تواصل معاهم مستمر
وياهم مسمين فرح مرة أبو ظرطة ومرة أبو ورطة
وانا بيهم فخور جدا
شفت كيف
وياهو قادرين نتفق على الحد الأدنى
فساد قبيلة بني كوز والوطن الديمقراطي الذي يسع الجميع
ومع ده معرفة الرجال كنز يا حبيب
انحنا في النهاية أولاد الشعب السوداني البسيط ده وما غيروا
خلينا نتفق بعلاقنية ونختلف بعلاقنية
حكاية أنك تقوم تكتب ليك بوست تستهدف من خلاله أفراد أو تنظيم في ظرف
حرج مشحون بالتوتر ودغدغة المشاعر الدينية ومحاولات الإقصاء لمجموعة بعينها
مع أنه هناك غيرهم وكثيرون وقفوا نفس الموقف
وبدرجات متفاوتة بحسب فهم كل عضو للحريات وليس بدوافع تنظيم
أو حزب معين
دي لو لو ما كان اختلف معاك فبها أبو روضة ومن توافدوا للبوست كان برضه
حتلقى آخرين
فخت الكورة واطة وانا والله بالتحديد محدد مع من اختلف بهذا المنبر وغيرهم لا
أسعى لخلاف مع أي عضو مهما وصلت درجة خلافتنا
شايفك زول مغرم بالامثال السودانية
فما تبقى عليك حكاية الغلفاء وشايلة موسا تطهر

وتعال ياخ حاول مع ابو روضة اذا لم نستطيع أن نكون أصدقاء
على الأقل نختلف وتنفق في احترام وده ما أستطيع تقديمه لشخصك وللحضور بهذا البوست
وللمتابعين
ختاما
لك التحية وللجميع
كسرة
يا عباس الدسيس
قريبكم ده المره الجاية
بجيه ليكم بي كوم
عجور ضهاري

انت يا ناصر حتموت عشان ارد ليك طبعاً

لكن لا ولا لا
ولو اجبرتني على الرد ممكن أستعين بالذي تعرفه جيدا

وبالمناسبة الذي تعرفه جيدا
دي منجورة من قصة حكيتها أمس
بقتبسه ليك مع بعض تعديلات
شيوعي عتيق حدثني عن ندوة لطلاب جامعة الخرطوم
بعد قرار المحكمة بتجميد نشاط الحزب الشيوعي والتزام الحزب بقرار المحكمة
وقدم الحزب استينافه الشهير
وفي الظروف دي تمت دعوة الشهيد عبدالخالق محجوب كمتحدث في الندوة
وكان الشهيد عبدالخالق دوما يبدأ
حديثه بسم الحزب الشيوعي السوداني
اها يا ناصر في الظروف دي كانت الندوة
والمتحدث فيها الشهيد عبدالخالق
الجميع كان يترقب وينتظر
ويتساىل بماذا يبدأ عبدالخالق افتتاح حديثه
والحزب صادر بحقه قرار محكمة
لم يدوم انتظارهم طويلا
قال الصديق العتيق المعتق
سرعان ما أتى الزميل ماليا المكان قيمة وقامة
بالمناسبة
قيمة وقامة
دي بسطتني كيف
والله صحي يا ناصر
يعني عينة الزملاء العميقين البتحدث عنهم السنوسني
عشان كده وقفنا حولها كثيرا
ثم واصل حديثه
بداء عبدالخالق الندوة قائلا
في هذه الظروف التي نمر بها ساحدثكم عن طرفة
أيام دراستي بمصر حضرت آخر أيام الملك فاروق
وانتفاضة الشعب المصرى على حكمه
خرج المجتمع المصري بكل فياته
قوى سياسية عمال صناع زراع طلاب
عدى طلاب الأزهر الشريف حيث كانت رويتهم في الخروج على السلطان أمر جلل
كما ان الملك فاروق له اياد بيضاء عليهم
وفي آخر يوم لسقوط نظام الملك فاروق خرج طلاب الأزهر
في مظاهرة خجولة حتى لا تطاردهم لعنة التاريخ
خرجوا يحملون لافتات مكتوب عليها بحياء
يسقط يسقط الرجل الذي تعرفونه
😂😂😂
خوفا من ذكر اسم الملك
اليوم اخاطبكم بسم الذي تعرفونه جميعا
👍👍👍👍
وبدأ الحديث في موضوع ألندوى
فكان الهتاف والتصفيق الذي كسر حاجز
الخوف والتوجس والقلق من ما سيبدأ به الشهيد عبدالخالق افتتاحيته
كسرة
الحكاية كدي برؤاية أبو روضة
وليس ما قاله الشهيد عبدالخالق بالضبط
يعني ممكن نضيف ليها
أو كما قال اها عرفت الذي تعرفه جيدا
ولا نفصح
ولا احسن نخليها مستورة
والأجر على الله

Quote: "يا عباس الدسيس قريبكم ده المره الجاية بجيه ليكم بي كوم عجور ضهاري

ابوروضة يا صديق اخبارك
مالك عايز تهيج علينا الامير توفيق
الله استرنا من انسان الغابة

Quote: انا غايتو يا دكتورنا بعتبرك نبي الحته دي

ههههههه .. غايتو يا السنوسي الفيك اتعرفت .. خوتك خوة جنجويد ما اكتر!!

اندهتشاتي

بالمناسبة الزول ده وين
ما تكون
صابتو لعنة الضهاري
من أيام القضروف أخبارو مقطوعة
مدد يا ضهاري مدد

كسرة
امتياتنا له بالصحة والعافية

لو لا الحصل لعثمان صالح، كنت داير أقول ليك:
النبوة شويّة عليّ
لكن يا زول، في الظروف دي، قبلناها منك

د. السنوسي .. وضيوفك .. سلام

ابو ورطة دا زول كويس , وقلبو ابيض زي ما قالو الجماعة,
بس مرات غياااظ .. وكلامو زي الدورااب ….
واكيد البوست دا.. كشف عن ابو ورطة الانسان ... بشهادة اصحابو
كاف حسن كاف ..... دي شفرة بعرفها ابو ورطة والشلة ....

عااالم بطااالــــــــــــــــــــــــــة

يا مجيدو
ايه الدنيا عير لمة ناس في خير أو ساعة حزن
المهم يا حبيب
الدراب نفسه الواحد لو عمل ساتر
ما بتجيه عوجة
اها عساك صلحت الموبايل
آب حالن مائل

كسرة
انت زعلت ولا شنو يا دكتور
لوووووووووووول
يا السنوسني بالجد اتمناك بخير