جريمة : تزويج طفلة عمرها 11 سنة بمدينة الابيض

09:22 AM January, 20 2017

سودانيز اون لاين
Hatim Alhwary-
مكتبتى
رابط مختصر

الخبر منشور بعدد من المواقع وبالصور ايضا
تم بالامس تزويج طفلة عمرها 11 سنة بالصف الخامس الابتدائي
جريمة مكتملة الاركان وبموافقة اهل الضحية

الا توجد بالسودان جمعيات او منظمات انسانية تحمي هؤلاء الاطفال؟

مساء الخير
نامل من يعرف كيفية تفعيل نافذة الفيسبوك بالخيط فليقم بذلك مشكورا

لا اله الا الله سيدنا محمد رسول الله (ص)..
الى أين يقودنا هذا البلد العجيب ؟

من المناظر الما غادرت ذاكرتي كلو كلو مرة في العيادة الخارجية بتاعة المستشفى العام واحد من ناس القرى البعيدة ديك جاب بيتو بتشبه البت الفوق دي وعمرها 11 سنة برضو بس بطنها كبيرة
حامل وعندها صعوبات في الحمل جارينها بالواطة جر مشي ما قادرة تمشي
معاها أبوها وأخوها
كان المداوم نائب أخصائي شاب نادوهو للبت في العناية المكثفة
بعد فحص عليها جاء طالع منهاااار تماماً ودموعه جارية
قبل ما أبو البت يسألو الطبيب ثار فيه ثورة خلت الناس دي كلها اتجمعت وبقت تتفرج .. كان بصرخ فيه (بعتها بي كم ؟ أدوك فيها كم عليك الله ؟ قول لي قدام الناس ديل .. إن شاء الله القروش تعوضها ليك)
الراجل بقى مدنقر في الواطة والدكتور ببكي وأصلو ما رحمه (ما حتسألني عن حالها موش ؟ ما انت قبضت تمنها خلاص .. عاوز تكتل البت يا مجرم .. القدرها بلعبن بي بت ام لعاب .. اقسم بالله لولا اني ما عارف ظروفكم شنو أشتكيكم اسجنكم كلكم)
برغم كلام الدكتور الحار دة والمنافي لكل قواعد الذوق ويمكن اخلاقيات المهنة ذاتو ، إلا إنه لا الأبو ولا الأخو ربنا ما فتح عليهم بنص كلمة بس مدنقرين في الواطة ويتنهدو والدكتور دموعه ما وقفن لحدي ما زملاؤه بقوا يهدو فيه ويقولوا ليه إن شاء الله تتجاوز المرحلة دي واصلو الليلة ما حنفوتها

البتذكرو تماماً رغم حب السودانيين للشمارات والونسة الجانبية إلا إنه انفعال نائب الأخصائي دة خلى الناس دي كلها صابة فيها مطرة .. زول واحد فتح خشمو مافي
لحدي ما الدكاترة دخلو الغرفة للبت تاني والولد تكل ابوهو ساقوا بعيد حتى الناس رجعت تتكلم

فقط..ما هو رد القاضي والمجتمع!
اذا اعلنها لكم-ولي امر هذه الطفلة-صراحة
انه زوجها اقتداء بالرسول(ص) وزواجه من السيدة عائشة؟

لا حول ولا قوة إلا بالله العلي العظيم .....

طابت أوقاتكم جميعآ
وكل الخير لك سيد البوست وأرجو أن تسمح لي - وكذلك السيد سيف الدين فضل الله - أن أتداخل فيما يختص بالإقتباس أدناه .
" فقط..ما هو رد القاضي والمجتمع!
اذا اعلنها لكم-ولي امر هذه الطفلة-صراحة انه زوجها اقتداء بالرسول(ص)
وزواجه من السيدة عائشة؟ "....
سيد سيف الدين . الرسول عليه أفضل الصلوات وأتم التسليم لنا فيه أسوة حسنه .
برأيي أرجو أن لا نقحم سيرته في مواضيع حياتنا - العبثيه - وما يحدث فيها ( فأنك تضع السيف علي الرقاب بردود مثل هذه ، وربما تدفع البعص الي الرد بما لا يليف ( لأنه ربما يعتبر إستفزازي ومثير بالنسبة له ).. ..فلا إعتقد إنك ستقبل بالزواج من فتاة في الحادي عشر من عمرها ، وبالطبع لن تقبل تزويج بنتك في هذا العمر ... !!
ما أريد أن أقوله بالضبط هنا يجب أن نأخذ في الإعتبار الآتي :-
* إختلاف الأزمان .
* إختلاف البنية الجسمانيه ... بل حتي بين الدول فالفتاة في عمر العاشره من أروبا تختلف عن الفتاة في عمر العاشره في الخليج أو أفغانستان وأميركا الجنوبيه وكذا
* كما يختلفن أيضآ في سن البلوغ .
* وربما تجد بعض الفتيات - حتي في السودان - تكون في سن الرابعة عشر ويتم تزويجها ولا يثير ذلك إنتباه أحد لأن بنيتها الجسمانيه تسمح بالزواج والحمل والولاده وربما لا تصدق أقاربها إن قاموا بإبلاغك بعمرها الحقيقي !.
كل الخير لكم ، مع وافر الإحترام
# قبل أن أغادر ملعوم أن هنالك إدارة للمرأة والطفل وقانون خاص كذلك ولا إعتقد أنه يغفل زواج القاصرات ( وإلا فلا داعي له ) ...
وفي حالة البوست . ماذا عن المأذون الذي قام بعقد القران ؟؟! ( لأنه من خلال الرقم الوطني عمرها بيكون واضح بالنسبة له ،،، أما اذا مافي قانون بيحدد له سن يكمل بها عقد القران فعلينا السلام ) .. وتبقى ثقره تٌقعد عن حماية القاصرات .

والعريس التافخ فين

معاها أبوها وأخوها

بكون زايغ .. خايفها تموت

من الحاجات الاستغرباها إنه ما معاها امرأة .. في الاوضاع الزي دي مفروض تجي والدتها اختها خالتها ولا أي حرمة عشان تقدر تعتني بيها
لكن ما جاء معاها أي زول غير الجوز ديل
للأسف ما رجعت المستشفى تاني عشان اعرف الحاصل عليها لكن منظر الطبيب وانفعاله بقول إنها على شفا حفرة من القبر

سلام لصاحب البوست.
سؤال اود طرحه وعلي أجد من يجيب.
لأنه جات سيرة القاضي .
هل يحكم القانون السوداني سن الزواج .

في رأي الشخصي ان ماتم عمل لا علاقة له بالأنسانية .

الاخ ايمن الصادق
ظاهرة الزواج بالطفلات ليست ظاهرة تختص بها المجتمعات الاسلامية فقط
هي ظاهرة منتشرة في كل البقاع كالهند واجزاء من افريقيا,,لكن الفرق بينها وبين مجتمعاتنا الاسلامية
ان تلك المجتمعات تعاملت مع هذه الظاهرة بأسس انسانية بعد ان رأت اثرها الفظيع علي صغار الاناث
بدون لجوء للاستدلال من كتاب مقدس,اما هنا-خاصة اليمن-فكثير من المبررين ارتكزوا علي مسألة
زواج النبي ووضعوا علي المسألة حجابا من القدسية,,لو استنكرت المسألة,فأنت في نظرهم كافر,,وان لم
تستنكرها عليك القبول بالوفيات وحجم معاناة الصغيرات اثناء الحمل,,,
للاسف نحن امة تربت علي الرعب,لذا نرتجف عند طرح الاسئلة,لان الطفل يتم تخويفه بالنار وغضب الله
منذ سن الرابعة

ألف مبروك --- بيت مال وعيال....

الأخ الكريم سيف الدين .
ممتن لردك الضافي .
كل الخير ... وآمل أن تكلل جهود الناشطين بإعلان عالمي يجرم الزواج بالقاصرات ويحث الدول علي التصدي لذلك ويصدر تقرير سنوي بالموقف .
.

.

موقف المأذون العقد على الزواج كان شنو؟
أيرضى ان يزوج ابنته في هذا العمر حتى لو لصبي في سنها ؟