Post: #2
Title: Re: عشان نتأكد من رفع الحظر
Author: عبدالحفيظ ابوسن
Date: 01-17-2017, 08:11 AM
Parent: #1
نحنو !
نحنو تعني نحن الشعب السوداني المامرتبط بمراكز القرار السياسي ولا ينتمي لأي جهة سياسية سوي سياسة قفة الملاح وتعليم وعلاج الوليدات
نحن
صبرنا علي معاناة الحظر .. الحظر وفقا للتصريحات الرسمية كان سببا في
ارتفاع الاسعار
ارتفاع اسعار الوقود
تعطل كثير من المصانع للعجز في استيراد الاسبيرات
تدهور العلاج وغلاء اسعار العلاج
ووو
وووو
اها نحن صبرنا وفوتنا الفرصة علي الخوارج والعملاء اعداء الوطن والامبريالية الامريكية والصهوينية العالمية والماسونية
فوتنا الفرصة عليهم بصبرنا علي الحصار
|
Post: #3
Title: Re: عشان نتأكد من رفع الحظر
Author: عبدالحفيظ ابوسن
Date: 01-17-2017, 08:18 AM
Parent: #2
اها عشان نفرح عايزين نتأكد من انو الحصار اتفك
يعني كل الحاجات والازمات الكان الحظر سبب فيها تنتهي
كونو مثلن
تنخفض اسعار الوقود والسكر والذي منو
غاز الطبخ الزاد قبل يومين يرجع
اسعار العلاج الفي السماء تنزل . لأنو الدكاترة قالوا عشان الحظر بشتروا الاجهزة بسعر اعلي من خلال وسيط
يعني انا كمواطن احس انو في انفراجة بعد الصبر
|
Post: #4
Title: Re: عشان نتأكد من رفع الحظر
Author: الشيخ سيد أحمد
Date: 01-17-2017, 08:20 AM
Parent: #3
سلام ابوسن
كلامك كلام عقل....فعلآ منتظرين "ابو الرخاء".
|
Post: #5
Title: Re: عشان نتأكد من رفع الحظر
Author: محمد الأمين موسى
Date: 01-17-2017, 08:27 AM
Parent: #3
"يعني انا كمواطن احس انو في انفراجة بعد الصب"
إذا لم تحس بإمكانك أن تتخيل الانفراجة. ثم استعد لسماع المقولة التالية: "حصار 20 سنة لا يزول بالساهل ويحتاج 20 سنة على الأقل حتى تكتمل الانفراجة!"
|
Post: #6
Title: Re: عشان نتأكد من رفع الحظر
Author: اسامه العريفي
Date: 01-17-2017, 08:30 AM
Parent: #5
غاز الطبخ الزاد قبل يومين يرجع
والله مجرد ما قرأت البوست خفت تنسي هذه الفقرة
اسعد الله ايامك
|
Post: #7
Title: Re: عشان نتأكد من رفع الحظر
Author: عبدالله ود البوش
Date: 01-17-2017, 08:33 AM
Parent: #5
ود اب سن سلام عليك وكثيرا من الشوق
.
.
.
عاين لي جاي
عاين لي جاي
مافي شئ بعدل الحال الا الانتاج ثم التصدير لبلاد بره
مافي شئ مجان
تنتج تصدر تجيب قروش ترش تروق
ان تذاكر تنجح
لا تنتج
لا تصدر
ومنتظر العالم يصلح ليك اقتصادك ؟
سجم خشمك
.
.
ما زلت طالبك تلاتة ضربات ونص
اها غالتني
|
Post: #8
Title: Re: عشان نتأكد من رفع الحظر
Author: عبدالله ود البوش
Date: 01-17-2017, 08:39 AM
Parent: #7
اسع تية دي السعودية القاعدين فيها ودي
لا فيها حظر
ولافيها ملاح لوبا
شهر سبعة الجاي قرروا يرفعوا الدعم عن السلع والخدمات
لشنو ؟
عشان البترول سعره العالمي نزل
.
.
سف وقارن
وتاني سجم خشمك كان راجي ليك اسعار تنخفض عشان فك الحظر
.
.
شئ مفرح فك الحظر وقرار في صالح الشعب السودان
لكن وين الانتاج والتصدير البجيب ليك الخموس بدون حظر ؟
عاين لي جاي
شهر سبعة معاكم طااااااااااااااااب عودة نهائية
شوف لي في كوستي طاحونة ومرة مجنونة
عشان كونو انا ذاتي بجي مجنون جن
|
Post: #9
Title: Re: عشان نتأكد من رفع الحظر
Author: عبدالحفيظ ابوسن
Date: 01-17-2017, 08:56 AM
Parent: #8
مرحب الشيخ
وحبابك
نحنو أعمي ومسكوهو عكاز
قالوا كلو من الحظر
اها الحظر اتفكا
راجين نتفكا نحن
|
Post: #10
Title: Re: عشان نتأكد من رفع الحظر
Author: عبدالحفيظ ابوسن
Date: 01-17-2017, 09:01 AM
Parent: #9
مرحبا محمد الامين
وحبابك
يا اخوي المعاملة بالمثل
الحكومة تقول حنزيد ال من تقول ح قبل تتم تكون ال زادت
سرعة في الانجاز
زي ما بطبقوا فينا القرارات ومرات بأثر رجعي نطالبهم بالاسراع
|
Post: #11
Title: Re: عشان نتأكد من رفع الحظر
Author: عبدالحفيظ ابوسن
Date: 01-17-2017, 09:04 AM
Parent: #10
حبابك اسامة
ومرحب بيك
هو دة بتنسي
احكي ليك
عندي انبوبتين تفضي واحدة واملاها واركب القاعدة
قبل كم يوم فضت كلموني والحسابات ملخبتة جليتا يومين عشرة
وحات الخوة هسة ندمان ندمان
التقول نشلوني يوم التيسوعة
|
Post: #12
Title: Re: عشان نتأكد من رفع الحظر
Author: عبدالحفيظ ابوسن
Date: 01-17-2017, 09:11 AM
Parent: #11
هازول حبابك مية غير المنسية
اقلاها يا المسنوح اتفك من حسابك والضرب كلو محلي
هو نحن لاقينك وين ياخ
تعال ساي لومك علي تشبع نوم ساي في الحيشان
ولا واقع البندر نعمنك اتعودت علي الترطيبة
|
Post: #13
Title: Re: عشان نتأكد من رفع الحظر
Author: محمد البشرى الخضر
Date: 01-17-2017, 09:12 AM
Parent: #11
| Quote: شوف لي في كوستي طاحونة ومرة مجنونة |
شوفن اتنين يا ود اب سن أنا بس عندي سلفية راجيها تخلص و بجي داقش
______________
أسمع: بي اتنين قصدي الطواحين بس !
|
Post: #14
Title: Re: عشان نتأكد من رفع الحظر
Author: عبدالحفيظ ابوسن
Date: 01-17-2017, 09:27 AM
Parent: #13
ههههه
يا ودالبشري
تعال ساي
بحكي ليكم قصة الطاحونة
اخوينا لينا عندو طاحونتين ومرتين
طاحونة ومرة مجنونة
في السوق تدقق
وبالليل تنقنق
اها
عندو كم طاحونة في طاحنتو
الطواحين نوعين قايمة ونايمة
واحدة ساهل يفك حجرها وينقرو
والتانية حجرها صعب وفكو صعب وطوالي خسرانة
سائل الله ما يجي زول يقرا ويكلمو
|
Post: #15
Title: Re: عشان نتأكد من رفع الحظر
Author: الطيب عباس
Date: 01-17-2017, 09:29 AM
Parent: #14
سلام ود ابو سن وضيوفة .. |
لقيت نفسي بنسخ في الكلام دا من بروفايل لا خر وحلصقو ليك هنا .. كلام وااضح
ويدعم مقولتك تماما ً
✨إذا ذهب الحمار بأم عمرو😏
فلا رجعت ولا رجع الحمار..
رفع العقوبات الامريكيه .. هل سيخفض الاسعار في السودان ؟؟؟ وترجع كما كانت ..
ارجو الافاده
اهو مصر بدون اي عقوبات ودولارها دق ال٢٠ ج
المشكله في الفساد الداخلي
|
Post: #16
Title: Re: عشان نتأكد من رفع الحظر
Author: عبدالحفيظ ابوسن
Date: 01-17-2017, 10:57 AM
Parent: #15
مرحب الطيب
وحبابك
نحن
صبنت الكأس عنا ام عمرو 😕😕
هم قالوا مرارا وتكرارا
انو الحاصل دة عشان الحظر
وانو مريكا لو رضت علينا شنو كدة ما بعرف
هو نحن حنغالط الحكومة
|
Post: #17
Title: Re: عشان نتأكد من رفع الحظر
Author: عبدالله ود البوش
Date: 01-17-2017, 11:03 AM
Parent: #13
أسمع: بي اتنين قصدي الطواحين بس
--------------------------------------
ههههههههههههههههه
واحد بتونس مع رفيقو قاليهو البارح حلمان ركبت جمل وكربت مرقت من الحلة
فقال له رفيقه مفسرا حلمه انه الموت
حك رقبتو وقاليهو ما تصبر اكمل ليك الحلمة
في طرف الحلة طيظ املصت بضنبو
.
.
قال خروفة قال
اولاد المدن ديل لذيذين خلاس
وبسمعوا الكلام ويقعدوا مؤدبييييين مع عبدالواحد
.
.
ود البشرى شوق وتحية
وود اب سن دا برضو كدا
|
Post: #18
Title: Re: عشان نتأكد من رفع الحظر
Author: عبدالحفيظ ابوسن
Date: 01-17-2017, 11:11 AM
Parent: #17
هوي
ودالبشري
وود البوش
عليك امان الله نحن في الصلاة في البيت ما بنقرا وانكحوا ما طاب لكم
شايفه الآية دي عاجباك في صلاتك تقرا فيها
مش تقول قرآن تفطها بس
انا موحد
|
Post: #19
Title: Re: عشان نتأكد من رفع الحظر
Author: عبدالحفيظ ابوسن
Date: 01-17-2017, 11:14 AM
Parent: #18
هههه
غايتو الشعب دة لذيذ خلاص عاينو النكتة اللافة دي
ﺗﺮﺍﺟﻲ ﺗﺰﻋﻢ ﻫﻲ ﺍﻟﺴﺒﺐ ﻓﻲ ﺭﻓﻊ ﺍﻟﻌﻘﻮﺑﺎﺕ .
ﺍﻟﺼﺎﺩﻕ ﺍﻟﻤﻬﺪﻱ ﻳﺰﻋﻢ ﻫﻮ ﺍﻟﺴﺒﺐ ﻓﻲ ﺭﻓﻊ ﺍﻟﻌﻘﻮﺑﺎﺕ .
ﻃﻪ عثمان الحسين ﻳﺰﻋﻢ ﻫﻮ ﺍﻟﺴﺒﺐ ﻓﻲ ﺭﻓﻊ ﺍﻟﻌﻘﻮﺑﺎﺕ .
ﻏﻨﺪﻭﺭ ﻳﺰﻋﻢ ﻫﻮ ﺍﻟﺴﺒﺐ ﻓﻲ ﺭﻓﻊ ﺍﻟﻌﻘﻮﺑﺎﺕ .
*************************
ﻧﺤﻦ ﻓﻲ ﺍﻧﺘﻈﺎﺭ ﺗﺼﺮﻳﺢ ﻣﻦ ﻧﺪى ﺍﻟﻘﻠﻌﻪ .
ﻭﻣﺤﺎﺳﻦ ﻟﻘﻴﻤﺎﺕ وشريف الفحيل ﻭﻃﺎﺭﻕ ﺟﻴﺐ ﺍﻟﻠﻪ
ﺗﺤﺖ ﺗﺤﺖ ﺣﻤﺎﺩﻩ ﺑﺖ ذﺍﺗﻮ ﻗﺎﻝ ﻫﻮ ﺍﻟﺴﺒﺐ ﻓﻲ ﺭﻓﻊ ﺍﻟﻌﻘﻮﺑﺎﺕ .
|
Post: #20
Title: Re: عشان نتأكد من رفع الحظر
Author: الطيب عباس
Date: 01-17-2017, 12:04 PM
Parent: #17
ههههههههههههههههههههههههه
ذكرتني نكته المسطول قاليهم (د ق ا ر ا ت) سااي امريكا فكت الحظر هههههههههههه عالم ما تجي الا بالصاجات
ههههههههههههههههههههههه
|
Post: #21
Title: Re: عشان نتأكد من رفع الحظر
Author: عبدالحفيظ ابوسن
Date: 01-17-2017, 12:39 PM
Parent: #20
بعد دة يا الطيب لو غنيت امريكا قد دني عذابها امكن تحاكم بالتحريض والفتنة
|
Post: #22
Title: Re: عشان نتأكد من رفع الحظر
Author: عبدالحفيظ ابوسن
Date: 01-17-2017, 01:24 PM
Parent: #21
برضو شركة رفعت اسعارها
شريحة البيانات 5 قيقا من 42 ج لي 92 ج
زيادة 119%
مبالغة مش
الكلام دة اول الاسبوع دة
ليه؟
ما تعرف
والشعب يتيم
ف شنو
برضو دايرين اسعار زين دي ترجع اقلاها ما زي زمان ممكن يحولو قروشهم عادي 😎😎
|
Post: #23
Title: Re: عشان نتأكد من رفع الحظر
Author: عبدالحفيظ ابوسن
Date: 01-17-2017, 05:57 PM
Parent: #9
رفع امريكا للحظر عن السودان مثل رفع عراقي (ود الطهور)🙊 الكلام مو رفع العراقي...
الكلام هل الشافع بيقدر يبول وألا لا 🙈🙀
هههه
شعب جنو نكت
|
Post: #24
Title: Re: عشان نتأكد من رفع الحظر
Author: محمد البشرى الخضر
Date: 01-17-2017, 07:36 PM
Parent: #23
يا ود البوش ما قصّة اولاد مدن وكدا لكن زي ما قالك ود أب سن موحدّين موحّدين :)
|
Post: #25
Title: Re: عشان نتأكد من رفع الحظر
Author: جمال ود القوز
Date: 01-17-2017, 08:24 PM
Parent: #24
Quote:
اخوينا لينا عندو طاحونتين ومرتين
طاحونة ومرة مجنونة
في السوق تدقق
وبالليل تنقنق
اها
عندو كم طاحونة في طاحنتو
الطواحين نوعين قايمة ونايمة
واحدة ساهل يفك حجرها وينقرو
والتانية حجرها صعب وفكو صعب وطوالي خسرانة
سائل الله ما يجي زول يقرا ويكلمو
|
جننتو جن .. هههههههه ..
خلاص شوفوا لينا معاكم طاحونة ..
عارف فك الحظر ده فايدته بعيدة وغير مباشرة ..
لانه أصلاً تاثيره الايجابي على الواردات في المدى القريب ..
وده حيزيد العبء على المواطن ..
بزيادة عجز ميزان المدفوعات ..
لي قدام ومع دخول مدخلات الانتاج ..
ممكن الحال ينصلح ..
لكن برضو لازم يكون في مواكبة في النهوض بالانتاج ..
والزراعي على وجه الخصوص ..
وده حكومتنا اكثر مجال أثبتت إنها فاشلة فيهو ..
فعشان كده أخير الناس تشيل الصبر ..
بعدين ما تنسى غول الفساد الحيبلع اي خير ممكن يجي ..
وحتتلقفه أفواه المفسدين قبل أن يصل للمساكين ..
دمت يا حفيظ ..
|
Post: #26
Title: Re: عشان نتأكد من رفع الحظر
Author: عمر عبد الكريم علي
Date: 01-18-2017, 00:13 AM
Parent: #25
جماعتنا هنا غايتو إفترو تب بعد قرار رفع الحظر ده
فيهم الشاكل كفيلو وفيهم القل أدبو مع مديرو وفيهم وفيهم
الجماعه كلهم حاسين إنو خلاص السودان حيبقى زي سويسرا
وأنا بصراحه مابعفي نفسي لأنو بشرتهم بشارات تقيله جداً وأديتهم إحساس إنها حتنبهل
غايتو الله يكضب الشينه بس
القنعان مابزعل
لكن العشمان بنقهر عديل كده
|
Post: #27
Title: Re: عشان نتأكد من رفع الحظر
Author: يحي قباني
Date: 01-18-2017, 00:48 AM
Parent: #26
تتذكر يا حفيظ قصة الراجلها شغال مراسلة بيمشي كل يوم الشغل بي عجلته
من اخر الدنيا و يرجع اخر اليوم مروة ما عنده ...
قامت اشتكته للقاضي ...
القاضي قال ليهو مالك مقصر في واجباتك ؟
قال ليو والله يا سيادة القاضي الحكومة بتصرف لي رطل سكر واااحد في الشهر
و الرطيل الواحد ده يا الله يديني مروة اركب عجلتي دي و اأكلها هي و وليداتها..
اوع بس الزمن ده تكون الحجة الحظر بدل السكر
يقوموا يفكوا ليكم الحظر ما تعرفوا تقبلوا وين :)
|
Post: #28
Title: Re: عشان نتأكد من رفع الحظر
Author: عبدالحفيظ ابوسن
Date: 01-18-2017, 07:01 AM
مرحبا حباب ود القوز
ههههه
داير طاحونة نايمة ولا قايمة
تعرف هؤلاء لو فتحت لهم الارض كنوزها ما بشبعو
ملهوفين وشرفانين
لا الله
لا الوطن نصب اعينهم
ودي مشكلة
|
Post: #29
Title: Re: عشان نتأكد من رفع الحظر
Author: عبدالحفيظ ابوسن
Date: 01-18-2017, 07:12 AM
Parent: #28
قباني يا صاحب
وين يا عمك
فرد جالون في الشهر والعربية ماكلة شمبر
بقينا
لو دفرت تقع
لو دفروك تقع
|
Post: #30
Title: Re: عشان نتأكد من رفع الحظر
Author: بدرالدين بابكر مصطفى
Date: 01-18-2017, 07:25 AM
Parent: #29
هههههههههههه
الله يسعدك دنيا وآخرة يا أب سن
الموضوع دا يتخيل لي أملنا فيهو أكتر من اللازم
زمان طلعوا البترول قالوا خلاس انبهلت
عملوا سد مروي .. قالوا خلاس وداعاً للفقر
فكوا الحظر قالوا خلاس نحن انطلقنا
يا ود اب سن الناس ديل ما قاصديننا نحنو .. قاصدين نفسهم (همو)
نحن ورطتنا دي ما أظن بفكها سد ولا بترول
|
Post: #31
Title: Re: عشان نتأكد من رفع الحظر
Author: عبدالحفيظ ابوسن
Date: 01-18-2017, 09:03 AM
Parent: #30
مرحبا بدر
وحبابك
وحياة خوتك سعرو لي الليلة ما عرفتو كم
سامع طراطيش كلام ساي توكيد مافي
لكن الخبر الاكيد لسة السوق مولع
|
Post: #32
Title: Re: عشان نتأكد من رفع الحظر
Author: عبدالحفيظ ابوسن
Date: 01-18-2017, 10:16 AM
Parent: #31
يجب علي الحكومة ان تعلن
السعر الجديد للدولار الجمركي
|
Post: #33
Title: Re: عشان نتأكد من رفع الحظر
Author: Haytham Ghaly
Date: 01-18-2017, 10:35 AM
Parent: #32
ههههههههههه
والله يا ود ابسن قولتك الت
ان دفرت تقع
وان دفروك تقع
قطعت مصاريني بالضحك
الله يجازي محنك
وزي ما قالك ود البوش صاحب الطواحين
ان بقيت راجي رفع الحظر ينزل الاسعار
الترابة في خشمك
|
Post: #34
Title: Re: عشان نتأكد من رفع الحظر
Author: عماد الدين الطيب عمر
Date: 01-18-2017, 11:01 AM
Parent: #1
حبيبنا ود اب سن
المشكلة انت عارفها شنو يا ود اب سن
انو امركا تقول ما بترفع الحظر الا بـ دوقار تاني
غايتو شوف لي طاحونة جنب طاحونة ود البوش
|
Post: #35
Title: Re: عشان نتأكد من رفع الحظر
Author: عبدالله ود البوش
Date: 01-18-2017, 11:53 AM
Parent: #34
هههههههههههههههه
الوجع ال
شايف الناس خلت موضوع الحظر ومسكت في حجر الطاحونة
حقو تغير العنوان وتخليهو
طاحونة ومرة مجنونة
عشان اي زول رايحة ليهو طاحونة يجي يدقق دقيقو دقااااق
|
Post: #36
Title: Re: عشان نتأكد من رفع الحظر
Author: عبدالله ود البوش
Date: 01-18-2017, 11:58 AM
Parent: #35
عنوانك صار مضلل
وعملا بالشفافية غيرو
ومعذرة لتحريف البوست عن مساره بدون قصد
.
.
عالم تموت في الطواحين
|
Post: #37
Title: Re: عشان نتأكد من رفع الحظر
Author: أحمد الشايقي
Date: 01-18-2017, 02:32 PM
Parent: #36
كلامك صحيح يا ود اب سن
وبعيداً عن الطواحين قريباً من الدقيق كما قال أخونا ود البوش
يلف العيش ويرجع الطاحونة كما يقول المثـل
الجماعة في بهجة يومهم وسكرة الفرحة وما يهمهم بكرة الدولار بكم والاسعار أيضاً ما بتهمهم أبداً
القروش وفي ليها مطبعة (مطبعة عديل كدا ...)
وال زارعنا غير الله اليجي يقلعنا
أحمد الشايقي
|
Post: #38
Title: Re: عشان نتأكد من رفع الحظر
Author: د.محمد حسن
Date: 01-18-2017, 02:45 PM
Parent: #37
ود اب سن النجيض
سلاما جاك
انا قاعد افكر واقارن بين الدقار وفك الحصار
هسة عايز اعرف البقى ام فكو منو
امريكا والا نحن؟
الله يلعنك يا ابليس لخبطت سلوك افكارنا
|
Post: #39
Title: Re: عشان نتأكد من رفع الحظر
Author: عبدالحفيظ ابوسن
Date: 01-18-2017, 03:43 PM
Parent: #38
مرحب هيثم
وحبابك
سعدنا بسماع صوتك والله
تعرف
في ظل مؤسسة الحكم دي الامور جايطة
كدي عاين لي رفع الدعم دة
منو الما قال انا السبب وصرح ونضم
الرفع تم بصورة متعجلة ومريبة
لكن برضو كويس معانا
|
Post: #40
Title: Re: عشان نتأكد من رفع الحظر
Author: عبدالحفيظ ابوسن
Date: 01-18-2017, 07:37 PM
Parent: #39
مرحبا عماد
اقرأ دي
واحد سألوه أها فرحان بي قرار رفع الحظر الأمريكي وإرجاع الأموال المجمده. .قال ليهم في زول بي يفرح بي تحويل رصيد في تلفونو الاتسرق
😂😭😂😂
|
Post: #41
Title: Re: عشان نتأكد من رفع الحظر
Author: محمد حيدر المشرف
Date: 01-18-2017, 07:54 PM
Parent: #1
خلي جلالدونا او ود المدير يحولو ليك متين دولار تسته ..
كان وصلت الحظر اتفك ..
وكان ما وصلت غالبا يكونوا الجماعة زاغوا من التست :)
|
Post: #42
Title: Re: عشان نتأكد من رفع الحظر
Author: عبدالحفيظ ابوسن
Date: 01-18-2017, 07:59 PM
Parent: #41
خلوني من رد راتب وبتاع
ود المشرف دة بقول كلام عملي ومنطقي وعلمي
ولو زاد المبلغ صفر بكون اكثر منطقية
|
Post: #43
Title: Re: عشان نتأكد من رفع الحظر
Author: عبدالحفيظ ابوسن
Date: 01-19-2017, 06:17 AM
Parent: #42
مرحبا الشايقي
وحبابك
الاستدانة من البنك المركزي دون انتاج ساهمت في تدهور الجنية والتضخم الغير مسبوق
|
Post: #44
Title: Re: عشان نتأكد من رفع الحظر
Author: عبدالحفيظ ابوسن
Date: 01-19-2017, 06:19 AM
Parent: #43
مرحب محمد حسن
وحبابك
الغريق قدام
|
Post: #45
Title: Re: عشان نتأكد من رفع الحظر
Author: عبدالحفيظ ابوسن
Date: 01-19-2017, 07:02 AM
Parent: #44
لا انفراجة دون انتاج ود البوش
المصانع الواقفة من الاسبيرات تكون ليها الاولوية
الاليات الزراعية برضو
يقللو من العربات الفخمة البتاكل في العملة الصعبة دي
جذب مدخرات المغتربين بشفافية
الاستيراد من المصدر بواسطة توكيلات
محاربة تجارة الشنطة
|
Post: #46
Title: Re: عشان نتأكد من رفع الحظر
Author: عبدالحفيظ ابوسن
Date: 01-19-2017, 07:07 AM
Parent: #45
الحكومة رفعت سعر الدولار الجمركي
طوالي الاسعار معاهو
يجب ان تنخفض الاسعار وهذا واجب الحكومة
|
Post: #47
Title: Re: عشان نتأكد من رفع الحظر
Author: عبدالله ود البوش
Date: 01-19-2017, 12:20 PM
Parent: #46
عاين لي جاي
الليلة كان الف ليك راسك دا بالحكاية دي
اصلو راسك لافي بفلو ليك زيادة
قاليك يحكى انو مدينة صغيرة اصاب اهلها كساد شديد خلاص وصاروا
يعانون من الفقر وكثرة الديون
يوم جاء زائر لفندق المدينة ووضع مائة دولار فوق كاونتر الصراف ومشى يشوف الغرفة المناسبة
الصراف ما صدق شال المائة دولار وسلمها لصاحب الجزارة في نفس المبنى وخلص بيها الدين العليهو
ورجع سريع على الكاونتر
صاحب الجزارة سلمها لصاحب البهائم القاعد جنبو وسدد دينو
صاحب البهائم سلمها بتاع البرسيم وسدد دينو
صاحب البرسيم سلمها صاحب الترلة وسدد دينو ونامت عينو
صاحب الترلة قال الليلة ح امشي ارتاح في الفندق ودخل دفع المية دولار
الزائر القبييييييييييل جاء راجع الفندق وقاليهو اديني مية دولاري فندقكم ما عجبني
شال وقطع الجمار وفااااااااااات
والعالم دي كلها حلت دينا ونامت عينا
فكر في ذلك اقتصاديا يا بتاع انبوبة الغاز
.
.
لقيت لي البابور ؟
|
Post: #48
Title: Re: عشان نتأكد من رفع الحظر
Author: عبدالله ود البوش
Date: 01-19-2017, 12:23 PM
Parent: #47
اقتصاد الكيزان يسير بنفس الحكاية المذكورة اعلاه
.
.
بتعرف ملاح ام شعيفة الكتل المرة الضيفة ؟
|
Post: #49
Title: Re: عشان نتأكد من رفع الحظر
Author: عبدالحفيظ ابوسن
Date: 01-19-2017, 03:09 PM
Parent: #48
زولك يا دة ود البوش مزنوق ساي
لقا قطع الجمار بقروش الا للناس الساكنين
دقس بتاع اللوكندة
عارف
شغالين طواقي
طالما السوق مدور شغالين
الترس يعضي وتكتم فيك
الديانة يخلوك يوت قافل موبايلك وشايل ابريقك
|
|