باريس وانخفاض الدولار

07:06 AM January, 16 2017 سودانيز اون لاين
عبدالحفيظ ابوسن-no where
مكتبتى
رابط مختصرباريس جزار فكه لطيف سريع البديهةود اختو قال ليهويا خال اسعار العربات نزلت قال ليهويعني بقت بي مية جنيه؟ود اختو اندهش قام باريس قال ليهومالي ومالها نزلت من مية مليون لي تسعين لا عندي المية ولا التسعين

اهلنا بقولو
شهرن ما عندك فيهو نفقة ما تعد ايام
اول نسيبا لينا جاي من السعودية
قال خسران عشرة مليون في تحويل قروشو ولافي يومين في العاصمة المثلثة عشان يلقا سعر كويس
قربت اسألو
خسران كيف يعني
اشريت بي كم و بعت بي كم

عطفا علي قصة نسيبي قلت
احسب الشهر
صاحبي زول امورو كويسة جدا
سألتو الدولار بي كم
قال لي بعت امس بي 19.3
قلت ليهو طيب والليلة
قال لي ما عارف لكن دقيقة
ضرب اتصل
مافي سعر
قدر ما حاول يمرق من الزول بي سعر تقريبي ما قدر

قالوا
نزل
لو داير تبيع الدولار نازل
داير تشتري
مافي دولار

الحكاية واضحة يا ود اب سن
ديل تايكونات العملة عايز يلمو الموجود كلو ويخزنو " قلت لك اشتري وخزن" على قول المسلسل الاذاعي القديم
ديل ناس مفتحين كضب الحكومة ده ما بقسم معاهم وعارفين تماما انو الدولار حيزيد اكتر
وانا وانت و عمك باريس خلينا نتفرج

نحن نعاين ساي يا عبدالله يا اخوي
قالوا
امريكا مطالبة حداشر ترليون دولار . لافه في العالم دة وهي ماعندها غطاء ليها بالحنك بتاع الغطاء الذهبي الزماااان داك . الصين براها ماسكة اتنين ونص مليار دولار قاعدة ساي ضاغطة بيها امريكا
شوف المبالغ دي مهولة كيف
ونحن هنا الرغيفة تنعدم
يقولو ليك الدولار
الحصار
اهنا الحصار واتفكا نشوف الحنك الجديد شنو

اجتهدت اليوم اعرف السعر
وفشلت

ودابوسن اخبارك
فك الحصار ماسورة كبيرة
الناس مفتكرة في طيارات بشتت دولارات من السما
الدولار حا اطير فوق اكثر من زمان
الحكومة شغاله مع الناس بالمسكنات بعد تفوت سكرت فك الحصار الجقلبه بتقوم
المسألة كلها حدها يوم الثلاثاء العشمو بيهو الناس سوف تبداء الاجراءات
يوم الاحد بتسمع السكلي

كلامك صاح عباس
في ابسط معلومة لايمكن ان تحدد سعر سلعة مالم تكن عندك
والمشكلة كلها في كيف تكون عندنا

سلام يا شباب
للحصار دور في تدهور العملة ولكنه ليس الوحيد !!
زيادة الانتاج والطلب على السلع والخدمات هي التي ترفع سعر عملتنا مقابل العملات الأخرى .
فك الحصار سيساعد في التحويلات المباشرة وبالتالي تشجيع الصادر ، فك الارصدة سيضخ كمية من العملات ، التعامل المباشر مع العالم سيزيل هامش ارباح التعامل الملتوي وعمولات الوسطاء ولكن كل ذلك ربما يزيد من قوة العملة فقط بنسبة تتراوح ما بين 20-25 % .
وسيظل الدولار في هامش ال 15 جنيه ويستحيل ان ينزل اكثر من ذلك دون زيادة في الانتاج او الاستثمار الاجنبي .
الأهم في الفترة الحالية ان تضع الحكومة قوانين وقنوات ميسرة لجذب الاستثمار الخارجي خاصة في المجال الزراعي والثروة الحيوانية .
وان تضع قوانين ونظم وتطبق عمليا محاربة الفساد والتجنيب والمحسوبية وان تحول معظم التعاملات الى تعاملات الكترونية آمنة وميسرة ، وإلا فسنظل مثلنا مثل مئات الدول الفقيرة التي حولنا ولم تفكر امريكا يوما ان تحاصرها .
تحياتي

مرحبا محمد الزبير
وحبابك
اس مشاكلنا الفساد والمحسوبية وسؤ التخطيط
شوف كوبا
محاصرة كم سنة ومن قبل امريكا