Post: #1
Title: هل رفع الحظر ده معناه عودة سودانير ونرتاح من ذلة شركات الطيران؟
Author: محمد جلال عبدالله
Date: 01-15-2017, 08:49 AM
07:49 AM January, 15 2017 سودانيز اون لاين
محمد جلال عبدالله-فوق الأرض وتحت السماء
مكتبتى
رابط مختصر وجود الناقل الوطني مهم للمسافرين من وإلى السودان
الناقل الوطني حتى لو كان كسيحا أو ضعيف الإمكانيات، لكن مجرد وجوده في سوق الطيران يحدث نوعا من الموازنة مع شركات الطيران الأخرى.
غياب الناقل الوطني يضع المسافرين السودانيين تحت رحمة خطوط الطيران الأجنبية، ويتيح لها المجال لتستفرد بالمسافر السوداني وتفرض عليه أغلى الأسعار بينما تقدم له أسوأ الخدمات. يخبرني أحد المقيمين بقطر أنه حتى بداية الألفينات كانت هنالك رحلتان للخطوط السودانية في مقابل رحلة واحدة للقطرية، ثم أخذت القطرية تزيد رحلاتها شيئا فشيئا في ظل تضاؤل وغياب السودانية، فأصبحت رحلتين في الأسبوع ثم زادت لتصل إلى رحلة يوميا ثم رحلتين في اليوم حتى وصلت حاليا إلى ثلاث رحلات في اليوم.
وتعتبر محطة الخرطوم من أكثر المحطات ربحا للقطرية، بينما طائراتها للخرطوم هي أسوأ ما عندها من الطائرات.
السؤال لمن له علم: هل رفع الحظر هذا يعني تمكن الخطوط السودانية من شراء طائرات وقطع غيار من السوق الأمريكي ثم العودة لسوق الطيران؟
|
Post: #2
Title: Re: هل رفع الحظر ده معناه عودة سودانير ونرتاح
Author: MOHAMMED ELSHEIKH
Date: 01-15-2017, 09:31 AM
Parent: #1
حبيبنا ابو جلال
سلام مربع
نزل سقف التفاؤل شوية
|
Post: #3
Title: Re: هل رفع الحظر ده معناه عودة سودانير ونرتاح
Author: محمد البشرى الخضر
Date: 01-15-2017, 09:45 AM
Parent: #2
سلام عليكم يا محمد جلال
سودانير ما كان مشكلتها الحظر الأمريكي فقط - نعم هو احد المشاكل لكن كان يمكن التغلب عليها
المشكلة الرئيسة في سود الإدارة و الفساد و عدم الإخلاص و تقديم المصلحة الشخصية على العامة ودي مشكلة الحكومة السةدانية عامة في كل المجالات و التي قادت - وتقود - للتدهور الكبير الذي نعيشه
الأمريكان عندهم البوينج فقط كان يمكن لسودانير بيع الطائرات أو تأجيرها لشركات أخرى مع تبديل اسطولها للإيرباص الأوروبية مثلا
اي نعم ستعوقها مشاكل الدفع و تحويل الأموال لكن هذا ليس نهاية الدنيا عشرات الوسطاء و شركات المنتاطق الحرة حول العالم كان يمكنهم حل مشكلة الشراء و تحويل الأموال
هذه المقاطعة كان تشمل ليبيا و ايران وكوبا و كوريا الشمالية, لا ادري حال شركات طيرانهم لكن اعتقد السورية حتى قريب كانت شغالة وربما اثرت عليها الحرب أما الإيرانية و الكوبية وكوريا الشالية فشغالين عادي
الليبية تأثرت بالحظر الجوي ثم بما آل اليه الحال بعد سقوط القذّافي
المهم .. لم يكن الحظر الأمريكي السبب الوحيد و الرئيس في تدهور سودانير لنامل خيرا في رفعه لو لم تتغير الإدارة و العقلية
|
Post: #4
Title: Re: هل رفع الحظر ده معناه عودة سودانير ونرتاح
Author: أحمد محمد عمر
Date: 01-15-2017, 09:53 AM
Parent: #3
| Quote: لكن كان يمكن التغلب عليها |
ما أظن
حتى الايرباص مشاركة فيها أمريكا كما قرأت ذات مرة
لكن بالتأكيد مصيبة سودانير في إدارتها أكبر من طائراتها .. بيع خط هيثرو كمثال لا علاقة له بالحصار
|
Post: #5
Title: Re: هل رفع الحظر ده معناه عودة سودانير ونرتاح
Author: jini
Date: 01-15-2017, 10:04 AM
Parent: #4
اشتروا مية طيارة اير باص زي ايران
جني
|
Post: #6
Title: Re: هل رفع الحظر ده معناه عودة سودانير ونرتاح
Author: محمد البشرى الخضر
Date: 01-15-2017, 10:44 AM
Parent: #4
| Quote: حتى الايرباص مشاركة فيها أمريكا كما قرأت ذات مرة |
المشاركة المعنية ربما هي مصانع تجميع أو تصنيع بعض اجزاء الطائرة في امريكا
لكن هذا لا يعني ملكية امريكا للشركة, وبالفعل سودانيز اشترت أو أجرت في سنوات ما بعد الحظر طائرات ايرباص لكن كالعادة الفشل الإداري تسبب في ضياعها
|
Post: #7
Title: Re: هل رفع الحظر ده معناه عودة سودانير ونرتاح
Author: محمد جلال عبدالله
Date: 01-18-2017, 09:34 AM
Parent: #6
شكرا لجميع المتداخلين
نتمنى ونأمل ونسأل الله أن يفرجها على بلادنا وأهلنا فقد تعبوا تعبوا تعبوا
|
Post: #8
Title: Re: هل رفع الحظر ده معناه عودة سودانير ونرتاح
Author: Saifelyazal Elmaki
Date: 01-18-2017, 09:46 AM
Parent: #7
محمد جلال وضيوفه سلام
الوجع ما في سودانير ممكن ترجع شوية شوية
الوجع في خط هيثرو
هل برجعوا خط هيثرو ؟؟؟
|
Post: #9
Title: Re: هل رفع الحظر ده معناه عودة سودانير ونرتاح
Author: sadig mirghani
Date: 01-18-2017, 10:26 AM
Parent: #1
لو تعرف الشوق
انت يالمريود
تاني مابتفوت وتنساني
ات ماك عارف التركيبة الماسكة البلد دي
الفساد تغلغل الي انخاع الدولة
الكل يأكل
البلد في ستين الف داهية المهم انا ومصلحتي انا
وعلي اليمين لو رفعو مش العقوبات
ياخ نحن محتاجين مشروع اعادة صياغة الانسان السوداني
ياخ جيل الاستقلال الزرعوا
ديل خربوا وكسروا ودمروا
القصة بقت ماقصة موتمر وطني وبس
الناس فسدت
المادة طغت
الناس بقت تعبد اله جديد
اسمو المال
|
Post: #10
Title: Re: هل رفع الحظر ده معناه عودة سودانير ونرتاح
Author: محمد جلال عبدالله
Date: 01-29-2017, 08:28 AM
Parent: #9
سيف اليزل
Quote: الوجع في خط هيثرو
هل برجعوا خط هيثرو ؟؟؟ |
أظن حتى يلج الجمل في سم الخياط
أو حتى يعود اللبن في الضرع
|
|