Post: #9 Title: Re: اسمها اتبرا وللا عطبرة Author: معاوية عبيد الصائم Date: 01-15-2017, 12:17 PM Parent: #5
اصلا قبل تكون مدينة كانت عباره عن قرية ,,وهي قرية الداخلة ..حي الداخلة الحالي ....................................................................................................................... شكرا ابازر للاضافات الرائعة ..
اوع تقول لى انت درست فى الخدمات وللا العمال ؟ وسكنت السكة حديد
تحياتى ي مواطن
Post: #8 Title: Re: اسمها اتبرا وللا عطبرة Author: معاوية عبيد الصائم Date: 01-15-2017, 12:06 PM Parent: #2
ضهاري اتبرا خشم بيوت. من وين كنور و لا خليوة و لا قوز الحلق.....إلخ؟ ......................................................................................................... انا من ام الطيور غرب اتبرا يعنى وات جاى من الخرطوم وراكب القطر المخصوص وقبال ما تدخل كبرى اتبرا اها ام الطيور تقع غرب مباشرة وياااااااهو داك البنطون .
لى عودة
Post: #10 Title: Re: اسمها اتبرا وللا عطبرة Author: اباذر عبد العال Date: 01-15-2017, 12:33 PM Parent: #8
Quote: شكرا ابازر للاضافات الرائعة ..
اوع تقول لى انت درست فى الخدمات وللا العمال ؟ وسكنت السكة حديد
تحياتى ي مواطن
تسلم يا مواطن يا ابن العم
فعلا درسة في الخدمات...بس ما سكنت السكة حديد ....لكن الصفاره طوالي نسمعها ههههه
أخونا الفاضل اباذر سلامي الاستاذ ازهري مهدي اللغة الانجليزية بتاع الشرقي ولا واحد تاني ؟؟؟
والاخ معاوية كاتب البوست سلام ورحمة الله و مرحب بام الطيور شمال ووسط وجنوب والحسبلاب وما جاورها هم اصدقاء دراسة في المدارس والجامعة واصدقاء غربة رد الله غربتنا لعطبرة الجميلة
Post: #11 Title: Re: اسمها اتبرا وللا عطبرة Author: Ahmed Elsadig Date: 01-15-2017, 12:37 PM Parent: #8
Quote: خليوه من عطبره تكله كداري ممكن تمشي ..تاخذها موزه بالمطاحن و ود فلاتي
هههههه تراك خابر الدرب التحتاني....بالمناسبة دربك ده قريب جدا خاصة كداري بس ما تنزل تحت على السيالة ةلا معمل الالبان.. ما بالسمنه عثمان أنس ههههه عبد الكريم عبد الفراج الان لواء ...النقيب .. بتاع النظام العام الذي منع هذه العباره في المحطة
Quote: درسنا اللغه الانجليزية في الشماليه المتوسطة
انا كان استاذي في الخدمات المتوسطة... حليل الزمن الجميل
بالمناسبة مسمى أتبرا وعطبرة فيها أقوال كثيرة وحكاوي عن سبب التسمية ومبذولة في الإنترنت ... لكن المعلومة العاوز أملكك ليها أنو الانجليز أخذوا مسمى عطبرة / أتبرا وسموه لشارع عندهم . والكلام ده أكيد وممكن ناس المنبر الموجودين في بريطانيا يؤكدون لنا هذه المعلومة .
الأستاذ أزهري صديق شخصي من أنبل وأكرم وأشجع من عاصرت معلم جهبذ وشقيق للأستاذ طلحة وخالد بالسعودية والتيمان بعطبرة ... يسكن حي الامتداد الشرقي .
Post: #17 Title: Re: اسمها اتبرا وللا عطبرة Author: حيدر حسن ميرغني Date: 01-15-2017, 01:10 PM Parent: #16
ياسلام يا اباذر ازهري ود حلتنا شقيق استاذ طلحة الذي درسنا بالخدمات لغة انجليزية وهو من نصحني بالتخصص في اللغة الانجليزية لما بلغت مرحلة الجامعة ( جامعة الزقازيق) عانوا كثيرا من هذا النظام اعتقالات ومساءلات لهم التحية
Post: #18 Title: Re: اسمها اتبرا وللا عطبرة Author: حيدر حسن ميرغني Date: 01-15-2017, 01:16 PM Parent: #17
Post: #19 Title: Re: اسمها اتبرا وللا عطبرة Author: Ahmed Elsadig Date: 01-15-2017, 01:21 PM Parent: #18
فاتني ان أحي صاحب البوست وضيوفه
أخي الهادي استاذ ازهري مهدي علمنا الانجليزية كما ينبغي تتدرج معنا من الصف الاول الى الصف الثالث متوسط وكان أخوه طلحة وزوجته البريطانية على ما أظن بيتريشيا ضيوف دائمين عندنا
في الصورة أعلاه استاذ أزهري يشبهه شيخ الامين ههههههه
Post: #20 Title: Re: اسمها اتبرا وللا عطبرة Author: محمد عبد الله الحسين Date: 01-15-2017, 01:26 PM Parent: #18
كان في فنان أسمه دفع الله شقيق تيمان عطبرة كنا نحضر حفلاته و نحن طلاب في الثانوي مرة في الفريع في الدامر و مرة في المقرن و العكد . وحتى اليوم اتمنى ان اجد تسجيل ليه خاصة حين كان يدندن باغنية( فريع البانة المن نسمة يتمايل...) و للآن لم أجد من يغنيها مثله. دخلت النت عدة مرات علّي اجد تسجيل له فلم اجد. و لا أنسى فنان اسمه الزكار أيضا ليالي الدامر و عطبرة سنوات طويلة.
كدي أحكي لينا عن أستاذ أمين أوتو الحلبي ( Auto) صاحب أزهري اللي مات تحت التعذيب في المعتقل .. من أولاد الشرقي وكان يشتغل في التدريس برضو .. تعرفو يا حيدر ؟؟؟
Post: #22 Title: Re: اسمها اتبرا وللا عطبرة Author: Ahmed Elsadig Date: 01-15-2017, 01:47 PM Parent: #20
Quote: فنان أسمه دفع الله شقيق تيمان عطبرة
هو الفنان دفع الله عبد القادر والد عضو المنبر فتح العليم دفع الله المخرج والمصورالتلفزيوني
Post: #23 Title: Re: اسمها اتبرا وللا عطبرة Author: اباذر عبد العال Date: 01-15-2017, 02:31 PM Parent: #22
Quote: أخونا الفاضل اباذر سلامي الاستاذ ازهري مهدي اللغة الانجليزية بتاع الشرقي ولا واحد تاني ؟؟؟
عليكم السلام يا برنس
ياهو زااااتو...بتاع الشرقي ...الاساتذة هم كتار ..لكن ازهري له بصمات واضحه وموافق رجوليه تحسب له
Post: #24 Title: Re: اسمها اتبرا وللا عطبرة Author: معاوية عبيد الصائم Date: 01-15-2017, 02:39 PM Parent: #23
تحياتى ي شبابانا ونسبة لنقل الوالد ل محطة اويل فى بحر الغزال سكة حديد ي رسول الله..جينا درسنا فى عطبرة ...وضابط الداخلية كان اسمو السر كابوى ...فى زول بعرف السر كابوى ؟فى مدرسة الخدمات التابعة لسكة حديد....حليل السكة ؟؟لى عودة ...
Post: #25 Title: Re: اسمها اتبرا وللا عطبرة Author: اباذر عبد العال Date: 01-15-2017, 02:56 PM Parent: #24
Quote: أبو ذر أحمد الصادق
الأستاذ أزهري صديق شخصي من أنبل وأكرم وأشجع من عاصرت معلم جهبذ وشقيق للأستاذ طلحة وخالد بالسعودية والتيمان بعطبرة ... يسكن حي الامتداد الشرقي
تحياتي الشغيل
والتحية الخالصة الى استاذي ازهري مهدي..الرجل بمعني الكملة ...طلحة مهدي درس اخي الكبير..نحن كان بجينا مشرف توجيه من ادارة التربية
الصورة شكلها زمن الخنفس ...والزمن الجميل
Post: #26 Title: Re: اسمها اتبرا وللا عطبرة Author: اباذر عبد العال Date: 01-15-2017, 03:02 PM Parent: #25
Quote: ياسلام يا اباذر ازهري ود حلتنا شقيق استاذ طلحة الذي درسنا بالخدمات لغة انجليزية وهو من نصحني بالتخصص في اللغة الانجليزية لما بلغت مرحلة الجامعة ( جامعة الزقازيق) عانوا كثيرا من هذا النظام اعتقالات ومساءلات لهم التحية
ايوااااااا يا حيدر اليوم سكننا في البوست ده لانه عاد لنا ايام الصبا الماضي ..
فعلا هم ميلوهم السياسي شيوعي ..وشجعان.. واعتقد ايضا اصلهم من غرب عطبره ام الطيور .يعنى ما ود الصايم براهو شيوعي من الضهاري
Post: #27 Title: Re: اسمها اتبرا وللا عطبرة Author: حيدر حسن ميرغني Date: 01-15-2017, 03:20 PM Parent: #24
الهادي ياعزيز امين اوتو ود السيد شقيق محمود وقاسم كان رجل شهم بمعنى الكلمة عمل بالتدريس في المراحل الابتدائية والمتوسطة .. كان مولع باللغة الانجليزية ودائما كان يستضيف سياح اجانب في منزلهم ويقرأ رويات انجليزية حقيفة حبب لينا اللغة كان يدرس مادة التربية الاسلامية رغم اتهام من يبادلونه العداء بالشيوعية .. امين قتلته شجاعته بلاشك لانه يرضى الذل .. لذلك الامنجية القتلة في محاولة الاتتصار لنفسهم هشموا صدره واكيد بعد صراع طويل لا اشك مطلقا انه صرعهم جميعا امين كان لو لقى نفرين بتشاكلوا مع شخص واحد كان يوزن كفة الشكلة وبعد داك يتعرف على الزول الدافع عنه فقد كبير للرجالة والشهامة والاخلاق العالية التي يفتقدها كيزان الشوم من مؤسس تنظيمهم لاصغر كوز تافه الكتابة عن امين تحتاج زمن ورواقة بال ياحبيب اعجبني الراحل نقد حين سجل زيارة لدار امين عند زيارته لعطبرة .. واعجبت اكثر حين كرموا والدته في المؤتمر قبل الاخير للحزب الشيوعي الف رحمة نور تتنزل على روحه السمحة والخزي والعار لقاتليه السفلة ..
Post: #28 Title: Re: اسمها اتبرا وللا عطبرة Author: حيدر حسن ميرغني Date: 01-15-2017, 03:34 PM Parent: #27
فعلا من ام الطيور تعرف حلتنا كان تسعين في المئة منهم من الزيداب والعالياب والباوقة وام الطيور والعكد والسلمة ايام الاعياد الحلة كانت بتفضى عديل نكاد نعرف قرايبهم كلهم من شدة الترابط الشديد في الحلة اسرة استاذ طلحة كان ارتباطهم كبير بأهلهم هناك وكذلك جارهم علي سيد احمد لاعب الامير السابق " علي جن" يالها من ذكريات ياخ رفعتوا من معنوياتنا والله الله يمتع كل من طريناهم بكمالات الصحة والعافية ويحفظ كل اهل مناطقنا دي من كل شر
Post: #29 Title: Re: اسمها اتبرا وللا عطبرة Author: الامين موسى البشاري Date: 01-15-2017, 05:33 PM Parent: #28
تواصلت مع الحبيب ازهري مهدي ودعوته واطلع على البوست وعرف طلابه فردا فردا وطبعا حيدر ده ود حلتهم مايحتاج وقد كتب لكم هذه الرسالة ممهورة باسمه : ..................... الشكر الجزيل للأبناء الأعزاء علي جهدهم الكبير . الحديث في هذا الموضوع كان جاذب وشيق . لهم كل التقدير والاحترام . ترجع أصول الأسره الكريمه التي أنتمي لها إلي قبيلة الجعليين العمراب الصالحاب نحن من قرية المكنيه المنطقه التي حوت سوق الثلاثاء الشهير والذي يرتادها التجار من الدامر كل أسبوع وكذلك من شندي والدتنا عليها ووالدنا رحمة الله من قرية مجاور شديد لقرية المكنيه تسمي الحليله. اخوكم ازهري مهدي
دايرين نعرف يا بربار فرج ابو روضة وعلي ود دفع الله درسوا وين؟؟؟
مع التحية للجميع
ودالباوقة التي تبعد عن عطيرة 66 ك شمالا
Post: #33 Title: Re: اسمها اتبرا وللا عطبرة Author: حيدر حسن ميرغني Date: 01-15-2017, 07:51 PM Parent: #31
ياسلام يالهادي عجبني انك استكتبت ازهرينا العزيز خالد والتيمان اصحابي جدا .. باعدت بينا ظروف الرحول والمعيشة لكن لازالوا في البال والخاطر لهم التحية والرحمة والمغفرة لوالديهم _ مرة قابلت استاذ طلحة في سوق الشرقي في واحدة من اجازاتي اثتاء الدراسة في مصر حزنت لما علمت منه ان الامنجية داهموا منزلهم وعبثوا بدولاب الملابس الخاص به وبزوجته بحثا عن بيان كنا قبلها بيوم فاجأنا نس الامن بمظاهرة بعد صلاة العشاء حضروا في الساعات الاولى من صباح نفس اليوم واعتقلوا استاذ طلحة وازهري ودكتور الخطيب وشقيق مبارك بترول واقتادوهم لمطار عطبرة وربطوهم في اعمدة التلفونات يا إلهي من تلك الايام التي كان يرأس فيها زميل الدراسة في مصر الامنجي القذر محمد تبيدي جهاز الامن في عطبرة لكننا اتعبناهم تعب السنين .. كنا لاتثق في اقرب اصدقاءنا الذين تماهوا مع الانقاذ .. رغم مصادقتنا واحتكاكنا اليومي بهم .. نأخذ التعليمات من لمات القهاوي في السوق الكبير والاندية الرياضية .. ونربك الامنجية بحركاتنا في الساعات الاولى من الصباح .. نكتب في الحيط باللون الاحمر ونشتت بيانات في مواقف الباصات .. يالها من ايام عرفتنا بمعادن الرجال الشرفاء لا الخونة المتلونين كالحرباء. لهم التحية اينما كانوا
Post: #34 Title: Re: اسمها اتبرا وللا عطبرة Author: معاوية عبيد الصائم Date: 01-15-2017, 09:36 PM Parent: #33
كان يرأس فيها زميل الدراسة في مصر الامنجي القذر محمد تبيدي جهاز الامن في عطبرة ..................................................................................................................................
القذر تبيدى
معليش بس القذر دا ..مارس التعذيب البدنى والنفسى مع الكثير من شريفات وشرفاء اتبرا ..اذكر منهم ..عبد القطى ...عادل الجعلى . بثينة امام ...واخرون ..وي حيدر التبيدى دا كان لقبو اب تكة ...
ياخ انا سعيد حتى الدهشة بحضور قبيلة العطبراب ..حقيقة سعيد ولى عودة ..
Post: #36 Title: Re: اسمها اتبرا وللا عطبرة Author: adil amin Date: 01-16-2017, 04:45 AM Parent: #34
ود الباوقة تاخذ اوسكار في مداخلتك
هل مشكلتنا يا ود الصايم...انك تكون من عطبرة او من ضهاريها....بمهمنا شي واحد االبخليك شنو شيوعي لحدي هسة بعد ماتت السكة الحديد وانتهت اكذوبة القوى الرجعية المرتبطة بي الاستعمار وجاء جون قرنق السمح الفات الكبار والقدرو الخرطوم2005 وخرجت ليه الملاييين في المركز المازوم وكمان سجل 18 مليون في الاقاليم المهمشة وتتطاول على الختمية وتقول المقعدهم في القصر الجمهوري شنو ..وتنسى البروز المالينو هسة ديل ..لا اصل ولا فصل ... انت شيوعي ليه ؟؟؟يا بتاع ام الطيور القاعد في السعودية هسة ولو كنت انصار سنة كان افيد ليك ولي ام الطيور تشوف ليك سعودي من النوع الشايل مسواك ومكحل وخريج ام القري..تقول ليه التنصير انتشر في ام الطيور...ويديك 10 مليون ريال تبني مسجد...وتصلح العيادة والمدرسة بالباقي..وبعد داك نتقسم الباقي انا وانت بقانون جستا= الحجر على مال السفيه...قبل يجو الامريكيين يلهفوها .. الليلة بس نضقل بيك انا وود الباوقة ونكرهك اليوم الفتحت فيه البوست ده ...قال ضهاري عطبرة قال مفروض ناس ام الطيور ديل يا يكونو ختمية او حركة شعبية بس اي حاجة غير كده ما بتنفع ياخ الشيوعية حتى اولاد ام درمان المترفين خلوها ناس كمال الجزولي والشفيع خضر..وانت دابا وصلتك في ام اطيور لاريكس(1)
عاش ابو هاشم...حوض العاشم
Post: #37 Title: Re: اسمها اتبرا وللا عطبرة Author: عبد العزيز محمد عمر Date: 01-16-2017, 08:44 AM Parent: #36
Quote: خالد والتيمان اصحابي جدا
تحياتي حيدر ..
لا عرفت أوديك لجيل التيمان ... لاعرفت أوديك جيل ناس خالد ...
انت ( انكشحت ولا شنو ؟)...
.
Post: #38 Title: Re: اسمها اتبرا وللا عطبرة Author: حيدر حسن ميرغني Date: 01-16-2017, 08:48 AM Parent: #37
ههههه ياعبد العزيز خلاص خُتني بين الإتنين
Post: #39 Title: Re: اسمها اتبرا وللا عطبرة Author: الهادي الشغيل Date: 01-16-2017, 08:51 AM Parent: #38
Quote: خلاص خُتني بين الإتنين
تقصد يختك بين حسن وحسين التيمان هههههههههه
Post: #40 Title: Re: اسمها اتبرا وللا عطبرة Author: Abdullah Idrees Date: 01-16-2017, 09:36 AM Parent: #39
يا سلام على عطبرة .. مراتع الطفولة بالله تحياتي لحي المعلمين ومدرسة الشمالية الابتدائية - الداخلة - حيث درست حتى السنة الرابعة - سوق الداخلة ، نادي الوادي - نادي الوطن - الرست هاوس - حي العمال - السكة حديد - عمال الدريسة كانت مدينة تضج بالحيوية والعطاء ، وناس حلوين ، الحاجة اللسة راسخة في ذهني واعتبرها غريبة بعض الشيء ، بشكل ايجابي بالطبع ، انني لم اتشاجر مع طالب في المدرسة طوال اربع سنوات ولم يتم عقابي بالجلد سوى مرة واحده ! ولا انسى ابدا الناظر الخواض والاساتذة هاشم ربيع - عزالدين - السراحمد عيسي ، يرحمهم الله احياءً او امواتا ..
الاستاذ هاشم ربيع ده حصل لي معاهو موقف جميل لا انساه ، حسب ما اتذكره كان شاب نحيف ، اصفراني ، بيلبس نظارة وتعلو وجهه ابتسامة دائمة .. المهم ، كنت في سنة اولى ابتدائي ، 1978م الزمن داك ناس سنة اولى كانوا بيدرسوهم ويصححو ليهم جوه الفصل وما بحتاجو يمشو اي مكتب تاني ، كما يتذكر الجميع شخصية المعلم كانت مهيبة ، احيانا زيادة عن اللزوم ، محمد اخوي كان في سنة خامسة وحدث ان تعرض لوعكة فطلب مني ان اخبر مرشد فصلهم بانو ما ح يقدر يجي ، مشيت مكتب الاساتذة ، وقفت قدام المرشد وانا ارتجف : استاذ محمد أخوي عيان .. رد الاستاذ بعد ان تفحصني بنظره بلهجة صارمة : مين محمد اخوك ده ، محمد وردي ؟ انعقد لساني ولم استطيع الكلام ، لاحظ الاستاذ هاشم ربيع الموقف ، فجاء وانحنى حتى قارب رأسه راسي ثم سألني بلطف شديد : انت اسمك منو ، فأجبته ، فتوجه للاستاذ الآخر منبها بأني اقصد محمد ادريس .. كانت مدرسة رائعة جدا رغم انو فصلنا في سنة اولى كان مبنى من البروش والحطب .. تحياتي للعطبراوية كلهم
Post: #41 Title: Re: اسمها اتبرا وللا عطبرة Author: الهادي الشغيل Date: 01-17-2017, 11:46 AM Parent: #40
ده أستاذ طلحة شقيق أستاذ أزهري مهدي
Post: #42 Title: Re: اسمها اتبرا وللا عطبرة Author: حيدر حسن ميرغني Date: 01-17-2017, 12:52 PM Parent: #41
طبعا يالهادي استاذ طلحة حفظه الله من خريجي بخت الرضا ان لم تخني الذاكرة وتخصص في اللغة العربية لكنه عشق اللغة الانجليزية وابدع فيها تدريسا يكاد يكون اكثر استاذ حلل راتبه ( ماكان بغيب ابدا) :)) تصدق كان عندو كورسات تدريبية في بريطانيا وعلى وشك المغادرة لاحد هذه الكورسات .. جو الجبهجية العواليق اعداء النجاح الغوا سفره .. طلحة كان بارع في اشياء كثيرة .. كان يحل محل مدرس التربية الاسلامية اذا غاب .. والعربي كذلك يحفز الشاطرين ماديا داخل الفصل اثناء الحصة له التحية
كتب أستاذ أزهري كلمات في حق أخيه أستاذ طلحة ما يلي :
أخي الحبيب والذي غرس فينا من القيم ما نحيا عليها . هو أستاذي درست علي يديه وأنا طالب بمدرسة الخدمات المتوسطه بنين . وظل مرجعيتي حتي تم تعييني معلما وكنت محظوظأ بأنه من قام بتدريبي بمعهد التأهيل التربوي .فهو والدنا الآن بعد وفاة الوالد رحمه الله . هو من مواليد مدينة عطبره . درس الابتدائي بمدرسة الجنوبيه .والمتوسطه بالاميريه المتوسطه بنين وعطبره القديمه الثانويه .ظل طموحا شغوفا بالعلم وبخاصة اللغه الانجليزيه حتي ذهب لانجلترا ونال درجة الماجستير بجامعة لانكاستر وعمل بجامعة وادي النيل كلية إعداد المعلمين والمعلمات وجامعة السودان المفتوحه وله إرث من مؤلفاته في تدريس اللغة الانجليزية تدرس الآن بالجامعات . كماذكر أخونا الهادي بأنه آثر البقاء بمدينة عطبره عن الاغتراب خارجها داخل وخارج السودان . فهو رياضي وإداري مطبوع بنادي النسر عطبره ومن مؤسسي نادي الرابطه عطبره وأول من وضع دستور النادي . وهو من قيادات الحركة السياسيه بمدينة عطبره ورقم ﻻ يمكن تجاوزه بالحزب الوطني الاتحادي .الكتابة عن أخي الحبيب تطول أسأل الله أن يديم عليه نعمة الصحه والعافيه ويحفظه بأبنائه وأسرته الكبيره والصغير ويجعله نبراسا ينير الطريق للحق .
Post: #44 Title: Re: اسمها اتبرا وللا عطبرة Author: حيدر حسن ميرغني Date: 01-17-2017, 01:06 PM Parent: #43
المعذرة ان احتوت مداخلتي على معلومات خاطئة فيما يتعلق بمراحل تعليمه وسفره الى لندن
Quote: المعذرة ان احتوت مداخلتي على معلومات خاطئة فيما يتعلق بمراحل تعليمه وسفره الى لندن
لا يا حيدر انت صحيح فأستاذ طلحة أتته كورسات تدريبية عديدة ولكنه حورب ومنع من السفر لكنه سبق وأن درس ببريطانيا وحاز على درجة الماجستير .. يعني مافي تناقض بين ماكتب أزهري وبين ما كتبت تحياتي ،،،
ياسسلام عليك يامواطن .. اتبرا .. الحبيبة .. عطبرة الجميلة بلد الحبايب
أدي قعده في هذه الدوحة الجميلة .. التحية ليكم .. ولي الأستاذ النبيل العم طلحة والأستاذ أزهري .. وللأخ الصديق خالد مهدي ، فهم اهل وقرايب .. جمعتنا المكنية ارض الأجداد .. وعطبرة أرض النضال .. فهم صامدون في وجه الطغيان كما الجبال لاتهزهم ريح.. لهم المجد ولكل الشرفاء
أما أم الطيور فهي أحبابنا وأهلنا .. دعوني اترحم على الراحل خالد ( شلن ) من أم الطيور .. كان مع الوالد في الجزارة .. فتحنا عيونا لنجده أمامنا .. نسعد عندما نزروهم وهم كذلك . لكم مني الف تحية وتقدير ، أخوكم / خالد الأرباب
Post: #47 Title: Re: اسمها اتبرا وللا عطبرة Author: اباذر عبد العال Date: 01-17-2017, 03:16 PM Parent: #46
البشاري وود الباوقة
المواطن ده
ام الطيور قريبه من عطبره بس بينهم النيل بنطون ومراكب مدوره في اى وقلت توصلك وسط المدينه في زمن بسيط.. والان بالكبري ..طول عرض ام الطيور متنفس لمدينة عطبره...بها جنايين للرِحل في المواسم.والاعياد ..منها اللبن و الفواكهة برتقال ام الطيور في سوق عطبره مميز..جنب الى جنب مع برتقال الزيداب
الا يكون المواطن ما سكن ام الطيور كثير لانهم طالبهم مدارسهم في عطبره ما عدا الاساس..وعلاجهم في مستشفيات عطبره..وتسوقهم في عطبره.. الكلام ده زممان هسه احتمال بها كل الخدمات..خاصة خام الاسمنت من عندهم ..والان مصنع اسمنت في منطقتهم وكهربتهم لا تقطع لانو جزء منهم منورين مع ماسبيو المصنع
Post: #48 Title: Re: اسمها اتبرا وللا عطبرة Author: اباذر عبد العال Date: 01-17-2017, 03:30 PM Parent: #47
الهادي الشغيل
بلغ تحياتنا الخالصة الي استاذنا ازهري مهدي ...وطلحة مهدي.. من طالبهم في مدرسة الخدمات
درس العصر كان مجاني دون مقابل يقومون به الاستاذه...وتعاقب إن لم تحضر درس العصر الان الدورس صباح ومساء بقت بالقروش
Post: #49 Title: Re: اسمها اتبرا وللا عطبرة Author: اباذر عبد العال Date: 01-18-2017, 11:21 AM Parent: #48
Quote: (عدل بواسطة Basamat Alsheikh on 01-16-2017, 10:12 AM)
اختنا بمسات لماذا سحبت مشاركتها في هذا البوست
خير خير !!!
Post: #50 Title: Re: اسمها اتبرا وللا عطبرة Author: معاوية عبيد الصائم Date: 01-18-2017, 12:07 PM Parent: #49
اختنا بمسات لماذا سحبت مشاركتها في هذا البوست
خير خير !!! ..................................................
اعتقد ي مواطن بسبب البوست حقى المفتوح للصديق عثمان محمد صالح والله اعلم
Quote: اختنا بمسات لماذا سحبت مشاركتها في هذا البوست
خير خير !!! ..................................................
اعتقد ي مواطن بسبب البوست حقى المفتوح للصديق عثمان محمد صالح والله اعلم
تحياتى ي مواطن وعبرك للمواطنة بسمات
تخيل يا مواطن أنا كتبت وبينت السبب وهو ما ذكرت أنت أعلاه وأرسلته في الخاص لأبي ذر وطالما أنت كتبت فاليك ما كتبته في الخاص :
Quote: سبب سحب بسمات لما كتبته في بوست أتبرا واضح . وهوعدم رضاها عن ود الصايم بعد أن رأت منه ميلاً لتمجيد شاتم الرسول عثمان محمد صالح حيث بالغ معاوبة الصايم في فتح بوستات له ورفعه في هام السحب وتصويره أنه مظلوم .. وطبعا أساسا المداخلة المسحوبة سألت فيها معاوية وبينت أنها أول مرة تعرف أنه من عطبرة وكده .. وعندما جنح ندمت على التداخل معه وسحبت المداخلة . أنا فهمت كده وربما أكون مخطيء
لا يوجد إنسان سوي ذو عقل يرضى أن يمس الرسول الكريم بكلمة فهو أحب إلينا من أىبائنا وأمهاتنا والناس اجمعين
Post: #53 Title: Re: اسمها اتبرا وللا عطبرة Author: معاوية عبيد الصائم Date: 01-18-2017, 01:06 PM Parent: #52
الله لا جاب الندم ي الشغيل
حصل خير ي الشغيل ودرب المواطنة بسمات اخدر ودامت ذخرا للاسلام فى العالم الاول
تحياتى
Post: #54 Title: Re: اسمها اتبرا وللا عطبرة Author: اباذر عبد العال Date: 01-18-2017, 01:36 PM Parent: #53
Quote: تخيل يا مواطن أنا كتبت وبينت السبب وهو ما ذكرت أنت أعلاه وأرسلته في الخاص لأبي ذر وطالما أنت كتبت فاليك ما كتبته في الخاص :
الشغيل قول بسم الله
ارسل ايه في الخاص...انا سألت هنا في العام عشان لقيت المشاركة ممسوحة.... ود الصيام رد في العام الجاب الخاص هنا
انا في المنبر ده ما عندي خاص مع زول..بجي مره مره اشخبط وامشي....خلينا متابعة المنتديات من فترة طويلة... بما انك جديد فيها..لا تتسرع....الا يكون كتب في الخاص لي زول تاني
أبو ذر : انت ما فهمتني :: الحاصل كالتالي متسلسلاً : 1. انت كتبت مستفسراً لماذا قامت بسمات بمسح مداخلتها . 2. أنا رديت لك في الخاص وبينت أن السبب هو عدم رضاها عن معاوية فمسحت مداخلتها التي ذكرت فيها لمعاوية أنها أول مرة تعرف أنه من عطبرة .. يعني ما عاوز أحرج معاوية . 3. معاوية لماح تداخل وكتب في البوست وبين ربما يكون السبب هو ذات نفسه لأنه فتح بوست شكر فيه عثمان محمد صالح ( يعني تطابق كلامه مع كلامي الذي ذكرته لك في الخاص) . 4. عليه لم أتحرج حيث أن معاوية نفسه نزل نفس الكلام في العام فنزلت رسالتي لك المتطابقة مع ما ذكره معاوية . هذا كل ما في الأمر .. أعتقد وضح ليك الأمر . أرسل لي رقمك في الخاص .. ولا برضو ما حترسل عشان أوضح ليك أكثر .
Post: #56 Title: Re: اسمها اتبرا وللا عطبرة Author: اباذر عبد العال Date: 01-18-2017, 02:18 PM Parent: #55
ايوااااااا فعلا ما فهمتك لانو ما شفت الخاص..
وما عارف انت ارسلت لي توضيح في الخاص ...
الموضوع بسيط..انا فاكر في زول زعلها هنا في البوست ده ...
تحياتي أخي معاوية والتحية لكل المتداخلين هنا من الأتبراويين
كتبتُ ذات بوست هنا، بأن معظم أهلنا بورش السكة حديد من عمال وملاحظين وصناع وسائقي قطارات البخار والديزل ، وموظفي السكة حديد بالقيقر والسودنة وأم بكول وزقلونا والحصايا والفكي مدني والداخلة ، كلهم كانوا ينطقون الإسم ( أتبرا ).
أحدقدامى الأتبراويين قال : أن الإسم أصلا : أتى براه ( يعني أتى لوحده ) ولكن تفسيره ضعيف : بحيث لا يمكن أن تكون الكلمة مكونة من جزئين : الأولى بالفصحى والثانية بالدارجة السودانية. يعني كان ممكن تكون : أتى وحده ، أو جا براه
وقال آخرون : عطا برة ( بمعنى كرم شامل ) وهذا أقرب للإسم . والذين يقولون ( أتبرا إنطلاقا من هذا التفسير ، ينطقونها بطريقة تبداوية ...
