Post: #1
Title: التحيه لكل من شارك في تحقيق هذا الإنجاز .. مبروك يا سودان .. شكراً غندور ولكل من معك
Author: عمر عبد الكريم علي
Date: 01-14-2017, 11:22 PM
Parent: #0
10:22 PM January, 15 2017 سودانيز اون لاين
عمر عبد الكريم علي-أمدرمان - بيت المال
مكتبتى
رابط مختصر 
بدون أي شك فإن الجهد الذي قد بذل في هذا العمل هو ضخم وكبير وشاق للغاية .. وهو جهد يستحق مني ومن عموم شعبنا الصابر كل الشكر والتقدير والإمتنان
دهر طويل ونحن نرزخ تحت أغلال هذه العقوبات القاسية التي ندري أنها لم تضر سوى المواطن البسيط البقى مزنوق مابين عدة مطارق .. منها الحرب والفساد وهذه العقوبات التي أقعدت إقتصادنا عن النهوض
هذا القرار الساري تنفيذه فوراً سيفتح علينا أبواب خير كثير بإذن الله ... وهنا لست أعني العوائد الماديه فقط فالحكومه الآن ليس بيدها شيء سوى تنفيذ محاور الإتفاق الخمسه بشكل دقيق وبدون أي (لولوه) وهذه أيضاً سيسهم إسهام ضخم جداً في تحقيق السلام و الحريات والتنميه المستدامه
صراحه كان نفسي يكون في حصر واضح لحجم الأرصده والممتلكات المجمده بأمريكا لأنو ده كاش سريع حيدخل مباشرةً لخزينة الدولة ومن المفترض إنو الجميع يكون عارف حجمو كم
في ظل التغيير (الجذري) الحصل في مشهد السودان حالياً يتخيل لي لابد إنو كل المعارضه المدنية والمسلحه تراجعع حساباتها لأنو حقيقي الوضع حالياً إختلف (تماااااماً)
عقود ياخي ماحصل سمعنا أخبار تسر القلب زي الخبر ده
وزي ماقال الأخ وزير الماليه حالياً سمعة السودان التجاريه والإقتصادية ستتحسن بشكل كبير جداً وستدمج إقتصادنا ومصارفنا بسرعه ويسر مع الإقتصادات العالميه وسيريحنا بشده في مسألة الدولار
دعونا نتفائل بمستقبل زاهي وأنضر وربنا يبعد عن بلادنا كل سوء وشر إن شاءالله
والحمد لله الذي بنعمته تتم الصالحات
|
Post: #2
Title: Re: التحيه لكل من شارك في تحقيق هذا الإنجاز .. �
Author: معاوية عبيد الصائم
Date: 01-14-2017, 11:32 PM
ده كاش سريع حيدخل مباشرةً لخزينة الدولة ومن المفترض إنو الجميع يكون عارف حجمو كم
...............................................................................................................................
جيوب قادة النظام الفاسد
تحياتى ي مواطن
|
Post: #3
Title: Re: التحيه لكل من شارك في تحقيق هذا الإنجاز .. �
Author: الامين موسى البشاري
Date: 01-14-2017, 11:37 PM
Parent: #2
|
Post: #5
Title: Re: التحيه لكل من شارك في تحقيق هذا الإنجاز .. �
Author: عمر عبد الكريم علي
Date: 01-14-2017, 11:50 PM
Parent: #3
https://postimg.org/image/hvmw51x0z/ https://postimage.org/image upload no compression
ههههههههههههه
الورقه أول حاجه فيها خطأ إملائي وحقيقي ماعارف السبب الخلى الأخت دي تنفعل الإنفعال العجيب ده شنو
لكن صراحة الزنقه الزنقوها الأمريكان للجماعه ديل خلتهم يجقلبو والحمد لله إنو إتفكينا من الغباء ده وأيضاً من القرارات النشفت حلقنا دي
|
Post: #4
Title: Re: التحيه لكل من شارك في تحقيق هذا الإنجاز .. �
Author: عمر عبد الكريم علي
Date: 01-14-2017, 11:40 PM
Parent: #2
جيوب قادة النظام الفاسد
تحياتى ي مواطن
تحياتي أخ معاوية
حقيقي أي إنفتاح ومهما حصل بدون محاربة الفساد ماحيخلي المواطن البسيط يلاحظ أي تغيير في مستوى معيشتو اليوميه
عشان كده بتمنى إنو يحصل قش شديد وقطع لرؤوس الفاسدين عشان عجلة التنميه تدور بالسرعه المطلوبه
لأنو ده دولار تقيل حيخش البلد وخير جم أسأل الله أن يجعله عونا لأهلنا البسطاء الذين عانو بما فيه الكفايه
|
|