و ضاجع في سريرو و متوسد وثيرو بين طيات حريرو حييتو و جلسته من حسنه اختلسته في سحره انغمسته
و بي حديث ( دبلوماسي )
قال لي نوري ماسي و أحذر التماسي _______________________
الدبلوماسي السوداني أضاف ابعاد جديدة لمعاني القصيدة العجيبة !!!
لنا كلام في كلام ... و عودة ..
Post: #2 Title: Re: و بي حديث دبلوماسي .. عتيق ( في غفلة رقيبي ) � Author: يحي قباني Date: 01-14-2017, 04:52 PM Parent: #1
اكثر قصيدة تداول شرح معانيها الناس ...
اختلف البشر في مرامي محمد البشير عتيق ...
و تركها لهم عتيق كل يفسر على هواه ...
و لكن ... ما لم يختلف عليه الناس على الاطلاق ... هو معنى الحديث الدبلوماسي ... !!!
فالدبلوماسية عند اهل السودان هي الهيبة ...
هي الحضور في المحافل العالمية و نيل احترام الجميع ...
هي محمد احمد محجوب ...
و جمال محمد احمد ...
ومنصور خالد ..
و صلاح عثمان هاشم
و سيد احمد خير
و عابدين إسماعيل
و علي سحلول
و فاروق أبو عيسى ...
و غيرهم و غيرهم ...
كان العالم يتودد ( للالتصاق ) بالسودان سلة الغذاء العالمي ...
وانتهى بنا الأمر ( بالالتصاق ) في متروهات نيويورك ...
رحم الله هيبة السودان ...
Post: #3 Title: Re: و بي حديث دبلوماسي .. عتيق ( في غفلة رقيبي ) � Author: عبدالحفيظ ابوسن Date: 01-14-2017, 06:22 PM Parent: #2
سبقتني يا عمك وحات شيخي سبقتني تصدق داير أكتب بوست بعنوان بحديث دبلوماسي ابتدرته في الفيس بوك والشباب طفشو لي هناك جليتو وقلت أكتبو هنا وارجأته لكن اسمحي لي اطقع معاك مرة مرة حين مزاج الغنية زاتا متناهية الجمال ودبلوماسية للطيش
Post: #4 Title: Re: و بي حديث دبلوماسي .. عتيق ( في غفلة رقيبي ) � Author: يحي قباني Date: 01-14-2017, 08:11 PM Parent: #3
Great minds think alike
شفت شكّير الرقبة ده كيف هههه
ود ال سن يا صديقي ما تستغرب ... انا وانت راضعين من ثدي الوطن الندي ...
نفكر سوا .. و نتألم سوا ...
حلفتك بي جمال كوستي و اَهلها السمحين ... تواصل افكارك بي جاي ...
البوست بوستك يا صديقي ...
Post: #5 Title: Re: و بي حديث دبلوماسي .. عتيق ( في غفلة رقيبي ) � Author: Hamid Elsawi Date: 01-15-2017, 00:36 AM Parent: #4
سمعت يا يحي انو زوجة عتيق غضبت امن سمعت القصيدة دى خاصة و هي تعلم من تلك المريضة التي صاغ فيها عتيق هذه الكلمات .
و بدبلوماسية شديدة كتب عتيق قصيدة اخري لزوجته ..... لا أذكرها و لكن اعتقد انها كيف يجهلوك
Post: #6 Title: Re: و بي حديث دبلوماسي .. عتيق ( في غفلة رقيبي ) � Author: يحي قباني Date: 01-15-2017, 08:10 AM Parent: #5
الحبيب حامد الصاوي،،
ماني متآكد من قصة زوجته دي
لكن متآكد تماما إنّو الآوصفوك كانت من القصائد المنسية عند عتيق
بدليل انه خضر بشير قراها عنده في دفتر قديم .. و عتيق ما اعارها اهتمام
بل تصور ان تلحينها محال يتم ...
و النتيجة انه الفنان (ذو اللحية ) طلع منها ابداع ...
Post: #7 Title: Re: و بي حديث دبلوماسي .. عتيق ( في غفلة رقيبي ) � Author: muntasir Date: 10-11-2017, 07:14 PM Parent: #6
وكدة
Post: #8 Title: Re: و بي حديث دبلوماسي .. عتيق ( في غفلة رقيبي ) � Author: عبدالحفيظ ابوسن Date: 10-11-2017, 07:17 PM Parent: #7
بالغت يا منص خليتنا دفقنا مويتنا ساي الموية الواحدة دي التي لا لون ولا طعم ولا ريحة زاتو دبلوماسية جد تشكر
Post: #9 Title: Re: و بي حديث دبلوماسي .. عتيق ( في غفلة رقيبي ) � Author: عمر دفع الله Date: 10-11-2017, 08:30 PM Parent: #8
Quote: كان العالم يتودد ( للالتصاق ) بالسودان سلة الغذاء العالمي ...
وانتهى بنا الأمر ( بالالتصاق ) في متروهات نيويورك ...
يا ود قبانى انت فهمت غلط والامريكان زاتن فهمو غلط فالقضية وما فيها انو المشروع الحضارى إلتصق بالحضارة الغربية وصاحبت عملية الالتصاق خطأ بسبب فروق الوقت بين الحضارتين وهنا جاء الالتباس وسوء الفهم .. ياخى ما تكبر الموضوع ساكت واعتبر الولد الصايع دا زي كلنتون مش برضو هبّش المتدربة في البيت الابيض! بس الاهبل دا بعد فعل فعلته قام جارى زي حرامى السوق والسيد كلنتون ركز وواجه المحققين بشجاعة وهنا تكمن المفارقة بين الحضارتين ..... سلام
Post: #10 Title: Re: و بي حديث دبلوماسي .. عتيق ( في غفلة رقيبي ) � Author: يحي قباني Date: 10-11-2017, 09:07 PM Parent: #9
تطورنا يا فنان ...
طلعنا من مرحلة الالتصاق ...
الى مرحلة المقابضة ....
الدبلوماسية السودانية تتفوق على نفسها ...
حقو الواحد ينقل البوست ده مع الارشفة ...
لأنه جماعتنا ديل ما حيقيفوا على كده ...
Post: #11 Title: Re: و بي حديث دبلوماسي .. عتيق ( في غفلة رقيبي ) � Author: يحي قباني Date: 10-11-2017, 10:30 PM Parent: #10
اجمل تعليق وصلني من صديق عن موضوع الدبلوماسي في البار :
" زول ما قادر يقنع بت سكرانه فى بار الساعه 2 صباحا كيف يكون دبلوماسى "
Post: #12 Title: Re: و بي حديث دبلوماسي .. عتيق ( في غفلة رقيبي ) � Author: elhilayla Date: 10-11-2017, 11:58 PM Parent: #11
Quote: زول ما قادر يقنع بت سكرانة في بار الساعة 2 صباحا كيف يكون دبلوماسي
السلام عليكم أستاذنا قباني واحد من جماعتنا – ال عيارن فالت – قال لي كل البنات البجن البار مقنعات نفسهن تب بس كيف الزول إكون دبلوماسي أكيد الزول دا كان حضر زمن جدنا حاج الحسن - الله أرحمه – كان أداو تعليمات واضحة: الجابك هنا شنو -أمش العِدْ* دحين زولنا دا محلو العِدْ إن شاء الله برجع أحكي ليك قصة ودلالة العِدْ في دبلوماسية جدنا حاج الحسن ____ الحليلة * بلغة أهل العوض تعني البئر
Post: #13 Title: Re: و بي حديث دبلوماسي .. عتيق ( في غفلة رقيبي ) � Author: يحي قباني Date: 10-12-2017, 00:24 AM Parent: #12
Quote: * بلغة أهل العوض تعني البئر
شوف داك السُباغ ...( العـِـــدو ) زاكي شرابو ما بنغشاهو ... يا اب سرجاً نبح كرّابو