Post: #1
Title: قصة مشهورة بمدني.. عن الدقارات والصاجات بحكي ليكم
Author: عباس الدسيس
Date: 01-12-2017, 12:50 PM
11:50 AM January, 12 2017 سودانيز اون لاين
عباس الدسيس-Saudia
مكتبتى
رابط مختصر قصة مشهورة لناس مدني في شارع اتجاه واحد بالسوق الكبير قبل تحويل الجزارات وسوق الخضار كان في كشك مكتبة دينيه صاحبها عندو لحية كبيرة وبفرش سباتات للصلاة امام الكش ،
عشان الوقت داك ما عندنا اهتمامات شراء الكتب الدينيه كنا بتاعين الغاز تختخ ونوسه ولوزة والشاويش فرقع ... والشياطين الطلاطاشر كنا بنجي فيهو عبور الكرام لحديقة وقيع الله الناس البفرشو الكتب
مرة واحد صاحبنا حكي لينا وقف جمب الكشك شايل الغاز بعاين للارفف عمك اب دقن قال ليهو يا ابني عندنا قصص دينيه احسن من الالغاز وقعد انزل ليهو من الرف
صاحبنا ما عجبتو عايز امشي ابدقن قال ليهو خش بجوة فتش انت صاحبنا عايز اخش ربك رب الخير جاب زول بسأل عن كتاب ابدقن انشغل معاهو اها صاحبنا عشان ما اضيع الزمن مشي للفراشة في حديقة وقيع الله ونسي الموضوع.
بعد فترة زمنية ابدقن مسكوهو في الكشك بزعط ليهو في ولد ((يزعط ..يفعل قوم لوط)) وكان زمان لو مسكو نشال في السوق الناس كلها بتزفو والعسكري ماسكو ياهو ياهو ياهو ياهو
لما مسكو ابدقن السوق كلو اتلم وراهو وقعد اكورك زعطو زعطو زعطو زعطو وابدقن سايقو العسكري بالعراقي والسروال الكبير ورافع يدو اليمين فوق واكورك ياهو ياهو ياهو ياهو اتمني لو كان مسكوهو بنشل.
بعد فترة طلعت في مدني تسديره اقول ليك لاقاك ؟؟؟؟ تقول منو !!! تجيك الاجابة ابدقن
التسديرة مصطلحة مشاغله كانت زمان لما تقول لزول يا فلان ؟؟ اقول ليك أيي !! تجيك كلمة... زوط ....ولا كلمة اتقل منها في الوزن من مترادفات زوط.
صاحبنا الكان عايز اخش الكشك ومرقو الله قلنا ليهو لو خشيت كان عمك ابدقن خلاك ريحتك طيرطير.
من الحادثه بتاعت ابدقن كانت في بصات الدباغة وبتكون زحمة شديده لو كنت واقف ممكن تزوغ من المكساري لو قاعد بطقطقك لازم تدفع
كل زول بكون عليهو الدور إشمع عشان نوفر كنا بنحرس الزحمة الما فيها زول عندو دقن خوفا من الصاجات والدقارات.
لانو الحكاية ارتبطت بزول تاني عندو دقن كبيرة ونظرات غريبه حتي اطلقنا عليهو لقب الجاسوس كان استاذنا بتاع العربي في الابتدائية فقر جدا بضرب بالسوط في الضهر
لو رسلك تجيب ليهو موية بتكون مبسوط جدا احتمال احن عليك وما اتقل يدو لو ضربك او تعمل ليك علاقة ود معاهو.
لما نمشي ليهو للتصحيح نهاية الحصص بنلقاهو نايم في التربيزة بالمكتب وبصحح وطوالي كان بقول لي طالب اثناء التصحيح ويعمل مشغول ((شوف يا ولد الحقه بتاعت السعوط وين لابته في جيبي طلعا لي))
والزول اقعد ابحت في الجيب.
بعد كم يوم الجماعه نقشو عمك قادي الجيب واليد بتوديك طوالي لجحر الضب المدرسه كلها خلت التصحيح.
ابدقن حسي ما عارفو وين لكن الاستاذ بقي كوز
|
Post: #2
Title: Re: قصة مشهورة بمدني.. عن الدقارات والصاجات بح
Author: احمد الشيخ
Date: 01-12-2017, 12:58 PM
Parent: #1
دا هسي شنو يعني
؟؟!!!
|
Post: #3
Title: Re: قصة مشهورة بمدني.. عن الدقارات والصاجات بح
Author: عباس الدسيس
Date: 01-12-2017, 01:07 PM
Parent: #2
Quote:
دا هسي شنو يعني
؟؟!!!
|
احمد الشيخ سلام
يعني ان حادثة الدبلوماسي ما غريبه علي مجتمع الكيزان
تاريخ مرتبط بهم منذ الازل
|
Post: #4
Title: Re: قصة مشهورة بمدني.. عن الدقارات والصاجات بح
Author: Arif Nashed
Date: 01-12-2017, 01:28 PM
Parent: #3
| Quote: ابدقن حسي ما عارفو وين لكن الاستاذ بقي كوز |
ببيع كتب دينية !!
الكوز واحد من اتنين يا كده يا كده ..
الاستاذ بقي كوز ..
خخخخخخخخخخخ
|
Post: #5
Title: Re: قصة مشهورة بمدني.. عن الدقارات والصاجات بح
Author: عباس الدسيس
Date: 01-12-2017, 02:20 PM
Parent: #4
Quote:
ببيع كتب دينية !!
الكوز واحد من اتنين يا كده يا كده ..
الاستاذ بقي كوز ..
خخخخخخخخخخخ
|
حبينا عارف اخبارك
المشروع الحضاري لتترابي وجماعته وما شايعهم من الموجودين حاليا من تلاميذه الذين تنكرو له
ماشي علي هدي حنتوب الترابي وحركات الدبلوماسي
دا غير ظهر في عهد المشروع زواج الاصحاب
والشوارع ملانة دعارة
ما قبل قوانيين سبتمبر والزقاقات احسن مليون مرة من الحاصل حسي
تحياتي وتقديري
|
|