حول تحرش الدبلوماسي

06:37 AM January, 11 2017

سودانيز اون لاين
عبدالحفيظ ابوسن-no where
مكتبتى
رابط مختصر

الاشكالية في تقديري مش في إلتصاق الدبلوماسي بشكل حميم خلف إمرأة

ممكن أورد كثير من القصص حول قضايا اخلاقية المتهمين فيها
مسؤولين علي مستوي رئاسة الدول في اوربا
وعلي مستوي نجوم عالمين
لم يخف الاعلام هجومه عليهم . ولم يستطيعو الافلات من التهمة . بل تم تقديمهم للمحاكمة وتم عقابهم
فلم تمنع نجومية مايكل جاكسون وامواله التي توازي ميزانية بعض الدول . لم يمنع ذلك من تقديمه للمحاكمة
الالتزام بالقانون وضوابطه
عدم الافلات من العقاب
لا محسوبية ولا حصانة
ذلك ما يميز تقدم اوربا وتأخرنا

الخطأ بشري
الافراد يخطئون وذلك طبيعي .. ويتفاوت الخطأ وفقا للظروف وللشخص المحدد في لحظة محددة
لكن أن تخطئ دولة كاملة .. مؤسسة فذلك ما يدعو للتوقف
الفرد يخطئ في لحظة يسئ تقديرها . يحكمه الزمن سرعة الاستجابة الغريزة قوة التحكم
ولكن دولة
يتخذ القرار فيها اكثر من فرد
لهم من الزمن ما يجعلهم يتريثون ويرجحون
ويتبادلون النقاط الخلافية والاتفاقية
فهذا ما يدعو للوقوف عنده

الخطأ الأعظم وقع من وزارة الخارجية

بيان وزارة الخارجية
جا يكحلها عماها

Quote: التصاق الدبلوماسي بشكل حميم خلف إمراءة

ههههههه غايتو يا صديقي ثقفت الدقار ثقافة عجيبة خلاص ...
صباحاتك جوابر

يا ود دفع الله دي لغة دبلوماسية تليق بالدبلوماسية هههه

طهرانية الخارجية
او
ملائكيتها
ليست هي المقصودة رغما عن سذاجتها
الأمر يقتصر علي واقعة واحدة محددة ويجب ان يكون الحديث عنها هي فقط

في مؤسسة ضخمة كوزارة الخارجية .. ستجد فيها جميع انماط البشر
يفترض ان تكون مؤسسة احترافية .. يتم تعين المؤهلين فيها لخبرتهم وعلمهم وللسيرة الحميدة التي توفرها الامكانيات المتوفرة كالسمعة وحسن السير والسلوك
ثم هامشا كبيرا انك لا تضمن سلوك كل حين
فهم بشر !
والبشر يسلكون سلوكا متباينا في ظروف مختلفة
هل
السلوك الجنسي بالمعايير العالمية يعد سؤ ادب ؟!
ام ان الامر يخضع للمجتمعات حسب اختلافها !

((الخطأ بشري
الافراد يخطئون وذلك طبيعي .. ويتفاوت الخطأ وفقا للظروف وللشخص المحدد في لحظة محددة
لكن أن تخطئ دولة كاملة .. مؤسسة فذلك ما يدعو للتوقف
الفرد يخطئ في لحظة يسئ تقديرها . يحكمه الزمن سرعة الاستجابة الغريزة قوة التحكم
ولكن دولة
يتخذ القرار فيها اكثر من فرد
لهم من الزمن ما يجعلهم يتريثون ويرجحون
ويتبادلون النقاط الخلافية والاتفاقية
فهذا ما يدعو للوقوف عنده ))

المشار إليها هنا ليست بالمؤسسة على الإطلاق ولن تكون بيوم مؤسسة
لأنها تفتقد لأي مقوم يجعلها مؤسسة
وهي كذلك أقل من تصرفات فرد راشد يزن بميزان العقل تصرفاته
أنها مجموعة أفراد يحكمها الهوى والطيش فلن تفرق بين مجموعة منها في تصرفها أو فرد طائش على حل شعره أبداً
أبداً
أبداً

لذلك يا صديقي لا تعول على ما لا يعول عليه أبداً
والتجارب مراراً وتكرارا تثبت ذلك
أليس كذلك؟


التحايا والمحبة لك

تحياتي بله
ايها الشاعر
يا صديقي انها مؤسسة رغما عنا .. يمكن ان نتحدث عن فسادها مفارقتها للضوابط العالمية والانسانية والاخلاقية
ولكنها مؤسسة تمثل السودان

تحياتي بله
ايها الشاعر
يا صديقي انها مؤسسة رغما عنا .. يمكن ان نتحدث عن فسادها مفارقتها للضوابط العالمية والانسانية والاخلاقية
ولكنها مؤسسة تمثل السودان

كان لها ان تتريث
ان تستقصي الامر
ان تطلب العون القانوني
العون الدبلوماسي
قبل
تكذيب الخبر
ان تدرس ماهي مآلات تكذيب خبر نشرته صحفا رصينة وفقا لمعلومات حكومية

السلوك وارد حدوثه .. لكنها كمؤسسة غير وارد حدوث ذلك منها
الأمر لن يكلفها شيئا
ان تستفسر عن الخبر بشكل رسمي . وتتخذ الاجراءات المعروفة دبلوماسيا
فقط هكذا
لا يمكن إنكار خبر بحجج اخلاقية فطيرة .. خبر تم تداوله بشكل واسع من قبل مؤسسات صحفية لها وزنها يضع مصداقيتها في موضع الاتهام . لن تسكت علي ذلك بل ستزيد الطين بله للوزارة لإثبات خبرها
بمعني
ان وجد الخبر كاذب تقوم وزارة الخارجية بالتظلم لامريكا ورفع قضايا تعويض لإشانة سمعة مزدوجة لوزارة الخارجية ومن قبل الشخص المتهم
الاعتراف صراحة بالحادثة والاعتذار عنها كتصرف فرد معزول لايمس كامل الوزارة وعقاب المتهم

موسم الهجرة / الطيب صالح

نعم ، في الصيف . قالوا أن صيفاً مثله لم يأتهم منذ مائة عام. خرجت من داري يوم سبت أشمشم الهواء، وأحس بأنني مقبل على صيد عظيم. وصلت ركن الخطباء في حديقة هايد بارك.كان غاصاً بالخلق. وقفت عن بعد أستمع إلى خطيب من جزر الهند الغربية يتحدث عن مشكلة الملونين. استقرت عيني فجأة على امرأة تشرئب بعنقها لرؤية الخطيب فيرتفع ثوبها إلى ما فوق الركبتين مظهراً ساقين ملتفتين من البرونز. نعم هذه فريستي . وسرت إليها، كالقارب يسير إلى الشلال . ووقفت وراءها ، والتصقت حتى أحسست بحرارتها تسري إلي . وشممت رائحة جسدها ، تلك الرائحة التي استقبلتني بها مسز روبنسون على رصيف محطة القاهرة واقتربت منها حتى أحست بي ، فالتفتت إلي فجأة ، فابتسمت في وجهها ابتسامة لم أكن أعلم مصيرها ، لكنني عزمت على ألا تضيع هباء . وضحكت أيضاً ، حتى لا تنقلب الدهشة في وجهها إلى عداء فابتسمت . ووقفت إلى جانبها نحواً من ربع الساعة ، أضحك حين يضحكها الخطيب ، وأضحك بصوت مرتفع لكي تسري فيها عدوى الضحك ، حتى جاءت لحظة، أحسست فيها أنني وهي صرنا كفرس ومهرة ، يركضان في تناسق ، جنباً إلى جنب.

شكراً عبد الحفيظ ال خليتنا نعاين
للموضوع بي زاويه تانية

لك التحيه

العزيز عبد الحفيظ
صباحاتك نواضر

في بداية منتصف التسعينات كان في ديسكو في امستردام وزمن الطيش
كنا بنمشي الديسكو دا للاستماع للاغاني والواحد يرتاح من عناء الاسبوع
كل زول بيمشي الديسكو د بفهمو والبنات علي قفا من يشيل قام جاء شاب جديد لنج
من السودان كرت كرتونة والحاجة المتعارف عليها لو عجبتك فتاة تدخل ليها
بمدخل مناسب وتطلب لها مشروب وانت وحنكك تاني . أها زولنا دا شاف ليهو
واحدة من اللاواتي من الله عليها بمؤخرة تسر الناظرين وبقي كل اسبوع يجيء
يقيف خلفها وهاك يا جلال يوسف الدقير ، البت مشتا ليهو اسبوع واسبوعين وصاحبنا
الحال في حالو وفي الاسبوع الثالث البت دي لمن اتلفتت عليهو وشخطت الديسكو طابقين
المزيكا وقفت والدنيا كلها بقت تتفرج قالت ليهو ااااي انا عاوزا الموضوع دا وجايا من
بيتنا ليهو لكن اتكلم معاي ،عرفني بي نفسك . أنت مفتكرني حيطة ولا ما بحس شنو كل
اسبوع جاي متنكل تقضي غرضك وتتخارج ونبزتو نبز

من السخف والغباء الواحد يتعامل مع المراءة كأنها حيطة ولا تحس
الدبلوماسي دا بيكون من النوعية الكان بيركب المواصلات ساعات
الزروة في الخرطوم من آخر محطة لاخر محطة .

اسف لو عرجت بعيد عن مضمون البوست

و ألف شكر عادل الباهي
خليتنا نشوف الموضوع
بي زاويه عاشرة

ـــــــــــــــــــــــــــ
اسمك ما غريب علي يا عادل
خليها في الخاص

حباب الصاوي
تشكر وكتر خيرك
السلوك قطعا مرفوض .. في أي مكان كما قال دينق هناك ردا علي بكري
امكن الضوابط الاجتماعية حقتنا زمااان ! خلت السلوك دة منتشر .. وبالمناسبة كان منتشر من الجانين امكن من المرأة اقل كتير زمااان برضو . شوف نحن عندنا ليهو كم اسم رندوك او زي ما بقولو الخواجات slang..taboo words
ف شنو
يعني ممكن جدا السلوك دة يظهر من الدبلوماسي ابو49 سنة دة
لا يعني هذا الموافقة عليه بل انه ممكن الحدوث
لكن الما ممكن صدور بيان هتافي من مؤسسة كان بها امثال المحجوب وصلاح والحردلو ومنصور ووو
اقلاها كان في ارث محترم ومقدر

المسنوح ود ابو سن
اقرا ردي في بوست صلاح جادات عشان ما نظلم
الراجل ساكت..والله اعلم...
والله يديك الصحة والعافية

عفوا للرد الراتب
اللميرة بت اللمير
نقطة مهمة جدا في نظري
عضم البوست قايم علي نقد سلوك وزارة الخارجية
لم اثبت التهمة علي الدبلوماسي ولم انفيها
يعني ممكن يكون عملها او ما عملها
ودي ما فارقه معاي ممكن تحصل ويظل سلوك فردي
بحصل أكثر من الإلتصاق الحميم رغم انف علي دفع الله
بحصل كتير وما مستغرب كان هنا ولا هناك عندكم غض النظر عن وظيفة الشخص او مكانته الاجتماعية او المالية او الاكاديمية حتي
الانسان كائن معقد جدا يا اميرة
لكن صعب انو يحصل من مؤسسة راسخة هنا ولا هناك ولا في اي دولة

إلتصاق الدبلوماسي بشكل حميم خلف إمرأة

احكي ليك حكوتين يا الباهي
عندنا في كوستي منتصف الثمانينات . زمن المدارس مدارس .. وفي طلاب ثانوي بقروا بالمساء وطالبات .
في واحد كان مشهور . وهو شاب وخريج جامعي . برجي البصات لامن تزدحم وبركب .. مابفرز وصار معروف في الموقف للناس .. وتعرض لمواقف سخيفة جدا وكفوف وتف في الوش وو ولكنه مواصل في سكتو
التانية
بحكي لينا واحد من حلتنا كان شغال في ام درمان .. قال ركب شماعة وشعر انو إلتصق وراهو بشكل مريب وفاحش
قال
إتلفت عليهو داير اضاربو . لقيتو زول مانع وما بتضارب زاتو
قال قعدت في الارضية بس
سألناهو ليه
قال كرعينو ما شالنو
ومواصلات مافي ما بقدر يتدلي

ههههه
شنو يا قرضية داير تبقا لي زي ود دفع الله ياخ
دة بوست دبلوماسي ياخ
وبي حديث دبلوماسي
قال لي نوري ماسي
واحذر إلتماسي
ما سمعت الغناي دة يعني ولا انتو دايرين
با بهية آيااا
الشحم دة
واللحم دة
آيااااا

لافراد يخطئون وذلك طبيعي
نعم يا أخي عبدالحفيظ الاشخاص يخطئون ولكن هذا
غباء. هذا الرجل موجود في بلد كل هذه
الاشياء متوفر فيه بكل الطرق وبكل الانواع،
فلماذا إذلال المرأة؟
هو المرض يا أخي وليس الحطأ.
اما الاعلان الهزيل الذي اصدرته الوزارة
الهزيلة فصدقني هو لم يصدر من رجال
دبلوماسية بل من رجال أمن.

مرحبا فاطنة
وحبابك يا خية
بلاشك أي ممارسة لاتتم وفقا لماهو متعارف عليه ومقبول يعد مرضا
الأمر مهين للمرأة
أي سلوك تجاه المرأة دون استئذان هو إهانة لها
لذا يعجبني تشريع الخواجات في ان لا تعني لا ونحن نعدها تدللا
البيان الدبلوماسي يخلو من الدبلوماسية

ود أبو سن

شكراً جميلاً على هذا التحليل العميق والمنطقي والهادي ...

سلمت ....

تسلم عبدالباقي
وكتر خيرك
تعرف
لامن المؤسسة تتعامل بمهنية عالية وفقا لتخصصها . وتمارس الانضباط المهني وتطبيق المعايير المهنية في التعيين والترقيات والمكافآت .. بتكون ناجحة جدا
وتكاد تنعدم فيها التصرفات الشخصية العلنية الفالتة
شوف مثلا
الانفلات كان موجود وبشكل يكاد يكون عام في كل ميزات المهنيين ..
لكن بعد دة كلو علي مستوي الاداء كان ممتاز
في الميز بعملو كل شئ لكن لا برتشو لا بسرقو وفي نفس الوقت منضبطين في عملهم
ف شنو
التعويل علي الكلام الاخلاقي المرسل دة ماهو اس المشكلة
الرك علي المهنية
ماهو المطلوب من تلك المهنة اكان سلوك ولا واجبات
حاسب الزول عشان ادائه مش عشان هو تبعك

وداب سن
سؤال برىء
هل ممكن يكون في تحرش بدبلوماسية ؟

تسلم عبدالباقي
وكتر خيرك
تعرف
لامن المؤسسة تتعامل بمهنية عالية وفقا لتخصصها . وتمارس الانضباط المهني وتطبيق المعايير المهنية في التعيين والترقيات والمكافآت .. بتكون ناجحة جدا
وتكاد تنعدم فيها التصرفات الشخصية العلنية الفالتة
شوف مثلا
الانفلات كان موجود وبشكل يكاد يكون عام في كل ميزات المهنيين ..
لكن بعد دة كلو علي مستوي الاداء كان ممتاز
في الميز بعملو كل شئ لكن لا برتشو لا بسرقو وفي نفس الوقت منضبطين في عملهم
ف شنو
التعويل علي الكلام الاخلاقي المرسل دة ماهو اس المشكلة
الرك علي المهنية
ماهو المطلوب من تلك المهنة اكان سلوك ولا واجبات
حاسب الزول عشان ادائه مش عشان هو تبعك

أبوسن سلامات

تصدق أي موضوع يشغل الساحة بكون منتظر قراءاتك
ودايما" بتكون مختلفة وصائبة لأنها موضوعية وبعيدة
عن ثنائية المناصرين والمعارضين.

أوافقك تماما" في كل كلمة كتبتها

كن بخير

هسة يا بدر البراءة وين في سؤالك دة مع التاريخ الحديث
اتا القصيد والخطوبة ما تعدها تحرش ..
بالجمبة
سألت منك علا عبدالرحمن عبدالمجيد بلاقيهو كتير بقا مدير اداري لمستوصف ضخم وسط المدينة

الأخ ابو سن وضيوفه الكرام
ود ابو سن ياخ إنت أظرف زول منطقي وعقلاني اهفو دائما الإطلاع على موضوعاتك الثرة

تحية طيبة وبعد ،
أميل جدا لتحليل الأستاذة أميرة السيد في بوست جادات الذي مؤداه احتمال براءة ذلك الموظف .
ليس لدى معرفة شخصية بصاحب موضوع الالتصاق ولكن سألت عنه زميله بوزارة المالية فقال أنه رجل خلوق ومسكين للحد
البعيد ومتزوج وليس لديه انتماء سياسي ويستبعد جدا أن يقوم بمثل هذا العمل .
هنا في اليابان حيث لا مثيل لها في زحمة القطارات خاصة في ساعات الذروة قد حدث عدة مرات أن بعض الفتيات يلتصقن
برجال مع سبق الاصرار والترصد ثم تستنجدن بشرطة محطات القطار ويتم عادة أن تطلب البنت تعويضا ماديا تنتهي به القضية
ولا تصل إلى المحكمة . وقد حدث فعلا هنا مع ثلاثة من العرب مشهود لهم حسن السيرة والخلق ومع غيرهم من اليابانيين الذين
يقبلون بالحل الوسط ودفع المطلوب عوضاعن الفضيحة كما أن البعض يصر على براءته ويتم الاعتذار دون وصول الموضوع إلى المحكمة .

مع تحياتي ووافر احترامي

ارجوا شاكرا التعليق في ذات موضوع البوست لمن يشاء

ود أب سن .. حبابك

أتوقع انك جبت التائهة وحسمت الموضوع من بدري 3 صفر

((يفترض ان تكون مؤسسة احترافية .. يتم تعين المؤهلين فيها لخبرتهم وعلمهم وللسيرة الحميدة التي ... ألخ))

الببان كما قلت لا يشبه المؤسسية .. وإنما صدر على عجل وبدون اهتمام دبلوماسي عن مآلاته (خاصة فيما يتعلق بالصحف التي ورد فيها الخبر)

غايتو بشبه كتابات حبوبة غريبة (إن ما أخاف الكضب)

مودتي التي تعلم

تسلم عثمان
وكتر خيرك لطيب كلمك
اتمني ان اكون عند حسن ظن وطني
كدي عاين اللافي الواتس دة
spook man
spook يعني شبح
خطأ من وزارة الخارجية المفروض يكونوا بعرفوا لغات اجنبية
ومعرفة الانجليزية من شروط التقديم
الفعل speak من الافعال التي يعرفها الطالب اول دراسته للانجليزي

يا حفيظ ...

واحدة ( تعبانة ) شديد راكبة بص الوالي وقفت قدام شاب قيافة
ما اشتغل بيها الشغلة
كل شويه ترجع وراء و تتلصق فيهو وزولك يرجع لى وراء ..

اتلفتت عليهو وقالت ليهو خليك دبلوماسي

سلامات يا عبد الحفيظ
ناس نيويورك عندهم حساسية عالية ضد الدبلوماسيين و حصانتهم القانونية. دايما ما ترى
و تسمع و شكاويهم من الوقوف الخاطئ للسيارات الدبلوماسية و من مشاكل الهيئات الدبلوماسية
مع اصحاب العقارات و المطاعم و الفنادق..الخ.
في هذا الجو يصبح حدث عادي جدا يحدث مئات المرات يوميا موضوعا تتناقله الصحف و وكالات
الاخبار و يعلق عليه المعلقون و المنظمات النسوية و جمعيات حماية ضحايا التحرش و الدافع الرئيسي
وراء الهوجة دي كلها هي فكرة أن احدهم يمكنه الافلات من المحاسبة امام القانون و هي فكرة
تزعج الشخص الامريكي جدا باعتبار أن المساواة امام القانون هي ايقونة الحضارة الامريكية
التي يزهون بها بين الامم. لاحظ الامريكيون يحبون أن يخضع الجميع دبلوماسيون و رؤوساء
دول و مسؤولين رسميين يزورون الولايات المتحدة للقانون الامريكي، و في نفس الوقت
لا يرغبون أن يخضع الامريكي لقوانين البلاد الاخرى.

يلزمني أن اصحح عبارة "حدث عادي جدا يحدث مئات المرات يوميا" الى "بضع المرات يوميا"
لأني نظرت للاحصائيات فوجدت أن حالات التحرش المسجلة لدى الشرطة التي حدثت في
القطار النفقي في نيويورك في 2016 هي حوالي 900 حالة. يعني اقل من ثلاث حالات يوميا
و اذا افترضنا أن ثلاث حالات اخرى لا يبلغ عنها يكون العدد في المتوسط بين خمس و ست حالات
يوميا و هو عدد ضيئل بالنظر للاعداد الهائلة التي تستخدم القطار خلال اليوم.
بس برضه يظل الحدث عاديا و لا يستحق كل هذه الضجة لولا أن المتهم دبلوماسي و لديه حصانة
و كما ذكرت لا يحب الناس هنا أن يروا احدا فوق القانون ايا كان منصبه,

جعفر اسماعيل
مع التحية والاحترام
والله يديك الصحة والعافية
والسلام لصاحب البوست الروعة المسنوح ود ابو سن
ودائما بوستاته شحمانة ...وكاننا بناكل قراصة سخنة بسمنة
ومرشوش عليها سكر
والله يديه الصحة والعافية

إبننا الحبيب دكتور سيف النصر
لعلكم والأسرة الكريمة والباشمهندس خالد واسرته بخير.

أوافقك تماما على تعليقك الواقعي الموضوعي .
تسلم يا حبيب
تحياتي ووافر احترامي

الزولة دي يا سيف، بلغت انو الزول احتّك بيها
المرحلة الأولى بوقفوك وبحققوا معاك
طبعا لو في كاميرات رصدت صحّة كلام الزولة دي
حتى لو دبلوماسي ما بخلوك
فقط بتكون الطريقة مختلفة
حاليا كل الموجود ضد الزول دا:
واحدة بتعتقد انو الدبلوماسي دا احتك بها عن قصد
أنا شايف انو الشرطة ما عندها غير كلام الزولة دي وبالتالي ليس هناك قضية والرجل بريء

واوافقك الراي يا ابا بكر عباس في كل ما قلت
وان كل الدلائل والوقائع تدل على براءة هذا الرجل
والله يديك الصحة والعافية

مرحبا جعفر
وحبابك
كل الاحتمالات مفتوحة يا جعفر
لكن كما ذكرت للمسنوحة اميرة
انا ماجاري ورا تبرئة المتهم او ادانته
لكن جاري ورا تصرف وزارة الخارجية وبيناها

مرحبا ابوعاقلة
وكتر خيرك
تعرف لاحظت في أي اتهام يطال مسؤول حكومي .. مصلحتو بتعصر علي تبرئته حتي درجة اقامة ليلة ذكر و ذاكرين وشكر وحمد
كأنهم يمدون لسانهم سخرية من الشعب
ثم لا يطرف لهم جفن في كيل السباب لنا
جيعانين
شحادين
ما مسؤولين
متتاكلين
شنو كدة ما بعرف

هههههه
بالغت يا قباني
كان يتبدلس ليها
واحد راكب مواصلات ابوشريف بكوستي .. بصات ابورجلية لامن فترت جابوها كوستي . الدنيا صباح والبص زحمة
واقف شماعة . جات مرة ركبت قدامو
بعد شوية إتلفت عليهو وفتحت
يا حقير .. يا منحط يا شنو يا شنو
قام قال للركاب
يا جماعة الجيت اول انا ولا هي
قالوا ليهو انت
قال ليهم هي واتلصقت فيني .. وغصبا عني (.....)
اها تاني لو ركبت البص اخليهو في البيت

مرحب سيف النصر
وينك ياخ لابد
آي فعلا الحدث عادي ومحتمل الحدوث من المتهم او من الشاكية لكسب المال
اعتقد اننا اولي منهم بسيادة القانون بإفتراض اننا نتحدث كدولة عن تطبيق شرع الله .. والناس سواسية كأسنان المشط لافضل لبعضهم علي بعض
بتذكر قبل سنوات يا سيف طلعوا احصائية عن مخالفات السفارة السودانية في حركة المرور وكانت الاكبر عالميا
من الواضح في خلل حديث !!

سقطت انجلترا من المداخله السابقة فتقرأ
احصائية المخالفات المرورية بأنجلترا
تشكري اميرة للتداخل الثر
شكرا بكري
اظن يا بكري ما قالت تعتقد بل ايقنت من ذلك

سلام يا ع الحفيظ و ضيوفك الكرام

بوست ينزل بردا و سلاما على القراء .

لغاية الان هي كلمته ضد كلمتها......هي تدعي و هو يقول ربما تم دفعه

الله وحده يعلم ان كان حسن النية و سيء الحظ ام لا .

المهم هل ستعود الصورة المشرفة التي تركها الدبلوماسيون السودانيون منذ الاستقلال و حتى ما قبل الإنقاذ ؟
تحياتي .

بغض النظر عن برآءته من عدمها
وجد العالم فرصة كبيرة للتشنيع بالسودانيين

ههههه. وقت جات منك يا شيخ عبدالله
هاك دي
والاهداء ل
عباس الدسيس
قصه قصيره
دخل علي زوجته بالمطبخ التصق بها ( ديبلوماسيا) وهي تقلي البطاطس وهمس في اذنها خففي الزيت شويه القزازه عملت (200) جنيه

حبابك نعومة
حمدلا بالسلامة
سعيد بي طلتك والله
تشكري وكتر خيرك يا خية

الله يخزي شيطان عقلك يا ود ابو سن..(شرقنا لمن الموية طلعت بنخرينا)..
لكن جينا للحق فهذا الكاريكاتير سبة في وجه جميع
السودانيين بدون فرز على مستوى العالم....لان صحف العالم سكتت عن
هذه القضية الفشنك وما زلنا نحن في هذا المنبر نواصل التشهير بسمعة
السودانيين جميعا وليس بسمعة شخص واحد فقط...والعالم يقرا ...ولا يعلق..
والله يديك الصحة والعافية

سلامات يا ود أبسن
غايتو الدبلوماسي دا جاب ضقلا يكركب

في قصة قديمة
قاليك في واحد دبلوماسي راكب باصات أبو رجيلة , قام سوا عملية صاحبك دا
المرا إتلفتت عليه ونهرته ( ما تزح نصيبتك دي بعيد مني .. قاليها دي ركبتي
المرأ قاتليه قايلني عويرة ولا شنو .. في ركبه بتنتح

حبابك اميرة
بركة الضحكتي
القضية ما فشنك يا اميرة
دي مؤسسة يفترض ان تكون وسليتنا الوحيدة للتعامل السياسي مع الخارج
شوفي حتي في العهود السحيقة كانت الخارجية ممثلة في ابسط اشكالها لها ضوابطها واحترامها .. زمن بقولو رسول بس بدل موفود ولا سفير ولا دبلوماسي

مرحبا عبدالعظيم
وحبابك
هذه وقصص أخري شعبية تؤكد احتمالية صدور هذا السلوك . وان الامر في ذهنيتنا ولنا له عدة اسماء شعبية كما ذكرت عاليه

البوست كما أحب أن أكرر
ليس عن الحدث ذات نفسه . فلم اذكر المتهم فيه ولم افض في تفاصيله
ف المتهم عندي كشخص يمتلك معلومات قانونية مناسبة تجعلني اردد
ان المتهم برئ حتي تثبت ادانته
تثبت بالادلة المادية المعقولة وليس النفي فقط
ولي من الحس الانساني الذي يجعلني اربأ عن رمي الآخرين بالاتهامات دون تيقن او تمحص وفقا للروايات فقط
بل
كتبت البوست بعد بيان وزارة الخارجية
البوست عن وزارة الخارجية وبياناها الذي لم يجل مبهما . بل كان عبارة عن مغالطات وقول فضفاض لايشبه هذه المؤسسة الصارمة التي لا تخاطب شعبها فقط . بل تخاطب دولا أخري . دولا أخري لها وزارات خارجية تتعامل بشكل مختلف
شكل مختلف لدرجة السخرية منا كما ورد في البطاقة
الامر يتجاوز محليتنا

اها دة المأزق النبهت ليهو
البيان ممكن يخليهم يمشو ابعد لأنك شككت في مصداقيتهم دون ان تتريث

بوست حيدر شاهد علي ذلك

http://sudaneseonline.com/board/490/msg/-الدبلوماسي-السوداني-كان-يسترق-النظر-الى-فريسات--أخريا�...�ه.-1484246507.html