Post: #2
Title: Re: إفتتاح خط سكة حديد جيبوتى أديس أبابا (صور)
Author: سيف اليزل سعد عمر
Date: 01-10-2017, 03:49 PM
Parent: #1
الصور من محطة القطارات الرئيسية في جيبوتى (ناقاد)
|
Post: #3
Title: Re: إفتتاح خط سكة حديد جيبوتى أديس أبابا (صور)
Author: سيف اليزل سعد عمر
Date: 01-10-2017, 03:56 PM
Parent: #2
الرئيس الإثيوبي هيلاماريام دسلاينج والرئيس الجيبوتى إسماعيل عمر جيلي أثناء الإفتتاح الرسمي اليوم.
|
Post: #5
Title: Re: إفتتاح خط سكة حديد جيبوتى أديس أبابا (صور)
Author: علي عبدالوهاب عثمان
Date: 01-10-2017, 04:57 PM
Parent: #3
حبيبنا سيف .. مودتي ..
الحبيب .. أفريقيا ذاهبة إلى الرقي والنمو ومثال ذلك ( غانا ، ساحل العاج ، روندا ، أثيوبيا ... ألخ )
هذا الرقي والازدهار لاحظته أيضاً في الغابون مستضيفي كأس أفريقيا .. صدقني يا سيف الاستاد أجمل من أستادات الخليج
والعرب في عصر الانحطاط والدمار في كل أنحاء الوطن العربي .. 70% من القتلى في العالم من العرب والمسلمين .
ليتنا رجعنا إلى قواعدنا الافريقية لأن الجامعة لم تعد تجني شيئاً غير الارهاب والتخلف ..
شوف حولنا الجنوب ، يوغندا ، أثيوبيا ، تشاد ، النيجر ، افريقيا الوسطى كلها دول مغلقة
ونحن فقط نرقص ونعرض ونفتتح المدرسة الابتدائية والخلوة والمركز الصحي في
إحتفالات تكلفتها تبني عشرة مدارس .. وعشرين ومستوصف
مودتي .. سيف .. وشكراً على النقل ..
|
Post: #4
Title: Re: إفتتاح خط سكة حديد جيبوتى أديس أبابا (صور)
Author: sadig mirghani
Date: 01-10-2017, 04:20 PM
Parent: #1
بالله شوف ديل
وشوف ناسنا بت...... كيف
|
Post: #6
Title: Re: إفتتاح خط سكة حديد جيبوتى أديس أبابا (صور)
Author: سيف اليزل سعد عمر
Date: 01-10-2017, 05:57 PM
Parent: #4
ناسنا ما فاضين من القتل وسجن المواطنيين والإجرام والفساد ونهب موارد الدولة...
وزير دفاع الانقاذ قال جبل عامر يحتله 3000 اجنبي مسلح..
الجنجويدي حميدتى قال ليهو كضاب مافي..
|
Post: #7
Title: Re: إفتتاح خط سكة حديد جيبوتى أديس أبابا (صور)
Author: سيف اليزل سعد عمر
Date: 01-10-2017, 06:53 PM
Parent: #6
مرحب بالأستاذ علي عبد الوهاب
غيبة طويلة. فاقدنك والله...
العالم ده كله ماشي لقدام ماعدا السودان شماله وجنوبه..قد يكون كلامي ده مبالغة لكن بفتكر فيهو شيئ من الحقيقة.
الدول الإفريقية معظمها في اوضاع افضل من السودان. والناس بتبنى وبتعمر ونحنا يا كافي البلا العندنا دمرناه.
أما الدول العربية فده موضوع تانى فقد إبتلاهم الله بالطائفية والعنصرية والإنتهازية وجعل قلوبهم شتي..
بشة شايف ما قصر شال أموال الشعب السودانى بنى بيها مستشفي في جيبوتي وردم أهل الجنينة ونرتتي رصاص..
بالله هي طيبة الذكر الجامعة العربية دي موجودة؟ لي زمن ما سمعت صوتها..
تحياتى
|
Post: #8
Title: Re: إفتتاح خط سكة حديد جيبوتى أديس أبابا (صور)
Author: جمال ود القوز
Date: 01-10-2017, 08:27 PM
Parent: #7
هي خطوة ممتازة لكن أثيوبيا كبلد عملاق ذو كثافة سكانية عالية .. ( عايزة تاكل بيدها ) ..
فقد تم حجبها عن البحر الأحمر عنوة من المستعمر في تقسيم الحدود ..
فاصبحت دولة قارية تعاني الفقر والعوز جراء عدم تمتعها بميناء على البحر الاحمر ..
حارب الاحباش سنين عددا لتثبيت حقهم في ميناء عصب بلا جدوى ..
لو كان قالوا للاحباش بنديكم شريط ولو بعرض كيلومتر واحد ..
تعملوا فيهو ميناء على البحر الاحمر لتوقف الاحباش عن ابتزاز السودان ومصر ..
بي حكاية سد النهضة دي ولتغيرت وقتها حتى ديمغرافية السكان ..
ولكانت كل هذه الكثافة القريبة من حدودنا انتقلت شرقا ولظهرت مدن جديدة بي غادي ..
لكن لصارات حينها اثيوبيا بلد عملاق اقتصاديا ولصار ثقل دولة الاحباش ضعف الآن ..
لكن حرمان الاحباش من الميناء على البحر الاحمر مغازيه نراها امامنا رأي العين ..
أنا غايتو لو كان عندي سلطة كان زماااان أديت الأحباش ميناء معتبر على البحر الأحمر ..
فحرام تتمتع اريتريا بكل هذا الشاطيء الطويل على البحر الاحمر ولا ينال الأحباش منه ..
مجرد واحد كيلو متر فقط لا غير ..
سيف ازيك ..
|
Post: #9
Title: Re: إفتتاح خط سكة حديد جيبوتى أديس أبابا (صور)
Author: سيف اليزل سعد عمر
Date: 01-10-2017, 10:13 PM
Parent: #8
وجهة نظر مهمة تحتاج وقفة ودراسة متعمقة يا ود القوز...
بس ليه اديت الإثيوبيين حق كيلومتر علي ساحل البحر الأحمر ومنعتهم حق إقامة سد واحد علي الأباي (النيل الأزرق)؟
مشروع ربط مدن إفريقيا بالسكة الحديد مشروع بان أفريكانيست وحلم قديم...
مرحب بيك كثيرة يا جمال. مداخلة مفروض تكون مشروع بحث.
|
Post: #10
Title: Re: إفتتاح خط سكة حديد جيبوتى أديس أبابا (صور)
Author: Dr. Ahmed Amin
Date: 01-10-2017, 10:18 PM
Parent: #9
سلام وتحية أخي سيف وكل عام وانت بخير ..
شغل جميل فعلاً واستراتيجية ممتازة .. وسبحان الله .. نحن لقينا كل البنية التحتية للسكك حديد موجودة
وتغطي كل السودان تقريباً فعملنا فيها هدما وتدميراً ..
وأثيوبيا بدات من الصفر .. فحق لهم ان يفتخروا بهكذا حكومة تعمل من أجل رخاء شعبها ..
ويا قلبي لا تحزن
|
Post: #11
Title: Re: إفتتاح خط سكة حديد جيبوتى أديس أبابا (صور)
Author: سيف اليزل سعد عمر
Date: 01-11-2017, 09:11 AM
Parent: #10
Quote: نحن لقينا كل البنية التحتية للسكك حديد موجودة
وتغطي كل السودان تقريباً فعملنا فيها هدما وتدميراً .. |
صباح الخير يا دكتور احمد
عندي صورة من دمار خط سكة حديد سنار - الدمازين لو لقيتها اليوم برفعها ليك هنا. ياخي حاجة محزنة خلاص..
الخط ده سياحة ساي كان جاب ملايين الدولارات غير الفوائد المعروفة. لكن اهو ابتلينا بالفساد والحروب والنتيجة واضحة....
مزيدا من التخلف والتراجع....
|
Post: #12
Title: Re: إفتتاح خط سكة حديد جيبوتى أديس أبابا (صور)
Author: أبوبكر عباس
Date: 01-11-2017, 11:31 AM
Parent: #11
مبروك للجارة الجميلة اثيوبيا على هذا المشروع الحقيقي العملاق.
أجمل ما في هذا المشروع الكبير انو بشتغل بالكهرباء
شفت الجزء الذي يمر بأقليم أواش
بنية اساسية بمعايير غربية
عقبال السد
|
|