قـــوش ينضـــم للطريقــة الختميــة-دا أنسلاخ من الوطني ولا أتكأة صوفية

11:24 PM January, 09 2017

سودانيز اون لاين
زهير عثمان حمد-السودان الخرطوم
مكتبتى
رابط مختصر

علمت (آخر لحظة) من مصدر موثوق أن مدير جهاز الأمن والمخابرات الوطني السابق الفريق أول صلاح عبد الله (قوش) بايع الخليفة تاج السر ود إبراهيم - إنابة عن مولانا محمد عثمان الميرغني - بايعه على دخول الطريقة الختمية وأداء كافة الطقوس المرتبطة بسلوك طريق السيد الختم، وقال المصدر إن قوش أصبح شبه ملازم للشيخ ود إبراهيم، حيث اصطحبه في عدة رحلات قام بها إلى منطقة مروي بالولاية الشمالية.

آخر لحظة
# بنحاول نفهم حاجة !؟#

نرحب بالمهندس صلاح قوش في سفينة الختم الميرغني .
الطريق لمن صدق و ليس لمن سبق .
الله اعلم بالسراير

رجع الى اصله السوداني الكوشي..واالختمية تجب من قبلها
باقي نشوف=اعجاز النخل الخاوية"الاخوان المسلمين" واعجاز النخل المنقعر "الشيوعيين" ناس بضاعة مصر وخان الخليلي ديل بتين يتحررو من شنو ويرجعو ختمية وانصار

إن صح الخبر...
نسال الله له التوفيق والصلاح...

ونسأله تعالى أن يثبتنا وإياه على قدمِ الطريقة الطاهرة المحمدية...
وأن يرزقنا وإياه والجميع جواره في أعلى الجنان...

اللهم آمين...

الانضمام ده يكون من باب فقه التحلل فالصوفية براءة من افعال هولاء المتأ سلمينقوش وغيره يبحثون عن اطواق نجاة

ومالو باب التوبة مفتوح حتى تطلع الشمس من المغرب وكيف هي مخازي الشيوعيين والقوميين العرب من 1969-1972؟ والسودان القديم ده ما فيه ناس نظاف غير الجموريين والختمية والانصار اما اهل الايدولجيات والانقلابات الرخيصة عليهم تحمل نتائج اعمالهم قبل ادانة الاخرين والحساب ولد لحدي 1 يناير 1956
نحن عندنا العودة لكل السودانيين لي يقينهم الطبيعي والصوفية هي افضل حل فردي لهم لان الخلاص في الدنيا في فردي ما بتنفع فيه التنظيمات ...
ونرج للاقاليم والديمقراطية والفدرالية ان شاء الله ترجع جنوب السودان كمان

الحبيب عادل امين باب التوبه مفتوح مافي ذلك شك بس الحساب ولد
صدقني مقولة عف الله عما سلف اعقدت السودان كثيرا
مرحبا بعودة الجميع للطريق السوي الباب مفتوح
ونعم لمحاسبة كل من اغترف جرم في حق البلاد والعباد
وحتي المولي عز وجل وضع للتوبة للشروط
وعلي راسها رد المظالم لاهلها فنحن نطالب قوش برد المظالم تلك هي بوابة العودة لله
بعدها فليغتسل من بحر الصوفية

نعم يا حسن حق التقاضي والضرر الشخصي من ضمن برنامجي المعلن في البورد من 2005 ومرجعية نيفاشا وخليت دكتور فاروق يكون رئيس لجنة رد المظالم
يتم عبر المحاكم والقضاء المستقل وليس تصفية الحسابات بين القوى المتصارعة في السودان رجاع رسالة فاروق ابراهم الى عمر البشير من 1990
رسالة عبارة عن مشروع مصالحة وطينة حقيقية تصلح مرجعية عالمية
نحن ليس هناك عفا الله عن ما سلف ولكن لا يدين احد من له نفس الجرائم ولا تسقط الجرائم السياسية بالتقادم
ومفروض اول حاجة في السودان
يضعو تسعة قضاة محترمين في المحكمة الدستورية العليا من الليلة وده اوا مطلب مفروض يكون من المعارضة
وطبعا لو جو قضاة محترمين سودانيين تمام
مهمة المحكمة الدستورية العليا معروفة ومغرفة في الدستور بتنتهي 90% من معاناة السودان والسودانيين
في المعارضة او في النظام المتصدع نفسه

نسأل الله إن يهديه ...

يا احمدونا اكثر من كده ، امشي وين .

معظم اللذين هجروا المؤتمر الوطني والحركة الاسلامية علي وجه الخصوص ان لم يكن كلهم كانت اسبابهم شخضية سببها الحرمان من التوظيف
والتجاهل ولم يكن بينهم شخض طعن في المنهج والعقلية التي اوردتنا موارد الهلاك لذا هم علي استعداد للعودة لحضن الجماعة متي ما تيسرت الاسباب
وما يقومون بها من افعال وتصريحات لاتعدو لرفع الاسهم في اتجاة العودة للمؤتمر الوطني والحركة والاسلامية

انتوا قوش ده بروز ولا منبت كما لا يفوتني أن أهنئ الرفيق المسلمي

مرحب بقوش وغير قوش في سفينة الإمام السيد محمد عثمان الميرغني الختم قدس الله سره

والرجل أساسا من أسرة ختمية والمنطقة التي ينحدر منها منطقة ختمية وهو لم يتخل عن الطريقة الختمية في يوم من الأيام
فقط ابتعد عنها فترة من الزمن والآن رجع إلي رشده ومن تاب تاب الله عليه فللطريقة الميرغنية الختمية أوراد وأذكار نابعة من صميم
الشريعة الإسلامية والسنة النبوية المطهرة ، فقد اجتهد شيخ الطريقة مولانا السيد الختم في تجميع كل ماينفع المسلم من أذكار اليوم والليلة
ووضعها بطريقة سلسة في الأوراد اليومية فيما يعرف بكتاب مجموع الأوراد الكبير التي من أشهرها الراتب اليومي والأساس الذي يقرأ عقب
كل صلاة مكتوبة ، ثم صاغ مولانا السيد الختم السيرة النبوية العطرة بصياغة بسيطة يفهما حتي الذين لم يتلقوا الكثير من التعليم والتي اتصفت باسلوب
السهل الممتنع ، فمن منا لم يسمع ب يارب بهم وبآلهم عجل بالنصر وبالفرج ، واللهم صل وسلم علي الذات المحمدية واغفر لنا مايكون وماقد كان
أو ب مرحبا بالمصطفي يامسهلا ومن منا لم يسمع بالنور البراق في مدح النبي المصداق.
مرحب بالسيد صلاح قوش في سفينة الإمام الختم وربنا يهدي الجميع

شيخنا ود المتعارض سلام عندنا صاحبنا أهله شغالين في تجارة الجلود قال عنده أعمامه اتنين ادوهم بضاعة يودوها القاهرة باعوها وإستلموا القروش وهيصوا في مصر وحولوا تذاكر العودة لبيروت وتموا الناقصة وقرضوا القروش جت بعد طارت السكرة وظهرت الفكرة رسلوا برقية لي أهلهم بي قدر قروشهم الفاضلة ( عدنا الي رشدنا أعيدوا لنا الثقة) هسى الخليفة الذي عاد الي متاهته ده بُقجه الجمعها في الفترة '' القصيرة '' من قبل الجامعة دبارتها كيف

استهبال وضحك علي ( الداقسين ) ليس الا .


ممكن ينضم للطريقة الـ عايزا في الزنزانة .. بعد محاكمته .
قال انضم قال

ههههههههههههههههههههههه
والله يامنتصر ياخوي دا سؤال صعب ، لكن ......
كل شاتا معلقة من عصبتا

أها و أهلنا الختمية ديل حا يحموهو بعدين ؟
و شايفو في الصحف الفوق دي، قال بيعتو في رقبتو ، كيف يبابع مرة تانية ؟
و لا المسألة كلها هايصة بيع يبيع يبايع

كلام الجريده ده صح وله كلام جرايد

البيعه ليست لعبه بل انها مسئوليه كبيره

غايتو شوفي انو صلاح قوش راجل بيحب الاضواء، لازم كل شهر شهرين يقول ليهو كلام يلفت الانظار. كم من قادة الجهاز غادروا المنصب و غابوا عن الاعلام؟؟؟انضمامه الى الطريقة الختمية او الشيوعية مسألة شخصية لا تهمنا كمواطنين. فهو قد ارتكب الموبقات في حق المعارضين ونهب مال المساكين من اجل سلطة لن تفيده في شيء يوم يدخل القبر. ( ها انتم تدافعون عنه وعن توبته المزعومة فمن سيدافع عنه يوم القيامة. الشفاعة عن مجرم في الدنيا تصيب الشافعين ايضا يوم القيامة).لماذا يهلل الختمية؟ هل فقدوا الرجال اصحاب المال و المركز و العقل حتى صار انضمام قوش يعتبر فتحا مبينا؟ هو لم يعلن خروجه من عباءة الكيزان.... لعله يلعب لعبة الصادق و الميرغني و اولادهما. العمل وسط المعارضة و العمل وسط الكيزان..