Post: #1
Title: فترة نقاهة. تُوجد صورة اللّت مُستند. والله صحي...
Author: معاوية المدير
Date: 01-05-2017, 10:41 PM
Parent: #0
09:41 PM January, 05 2017 سودانيز اون لاين
معاوية المدير-بكندا محافظة البرتا
مكتبتى
رابط مختصر قلنا فترة نقاهة،
بُناءً عليه أرجو من أصحاب المُعلقات التخفيف. مسموّح ليهُم أقصر مدآخلة
عدد سطورها يكوُّنن طلطاشر سطُر، أكتر من طلطاشر بتسوي لي خمّة
النفس. رِفقاً يا رِفاق حوش بكري...
|
Post: #2
Title: Re: فترة نقاهة. تُوجد صورة اللّت مُستند. والله
Author: معاوية المدير
Date: 01-05-2017, 10:44 PM
Parent: #1
الظاهر الوآحد حـ يِجدّع،
لكن الجماعة ديّل ما مضمونين. قبل الليلة رجعوني
من مونتريال. والله صحي.
دعواتكُم عِشان أنا بخاF...
|
Post: #3
Title: Re: فترة نقاهة. تُوجد صورة اللّت مُستند. والله
Author: معاوية المدير
Date: 01-05-2017, 10:48 PM
Parent: #2
من يوم الصقط جا وأنا نفسياتي زي الطين. غايتو بس أرجيت الله
في الكِريّبة وبحمده فُرِجت.
يأخي شكراً ليك كتيّر ولكل الذين واسوني في طِريمتي
من الجليد، قاع يتوّر علي العصبي. كِدا تمام والله، نخُش
فِيا قبل ترامب يفسِيا...
|
Post: #4
Title: Re: فترة نقاهة. تُوجد صورة اللّت مُستند. والله
Author: معاوية المدير
Date: 01-05-2017, 10:56 PM
Parent: #3
|
Post: #5
Title: Re: فترة نقاهة. تُوجد صورة اللّت مُستند. والله
Author: معاوية المدير
Date: 01-05-2017, 10:59 PM
Parent: #4
يا جلالدونا يأخ إنت إن شاء الله تِتتبارك ما تِتشارك
ؤ تِتعلى ما تِدلآ، يحفظك رب العالمين ؤ يضاريك
جِناح جِبرين.
لك ألف شكر ؤ نشوفك اللِسبوع الجاي إن شاء الله...
|
Post: #6
Title: Re: فترة نقاهة. تُوجد صورة اللّت مُستند. والله
Author: nour tawir
Date: 01-05-2017, 11:35 PM
Parent: #5
يا معاوية....
انا دخلت أقول ليك كل سنة وانت والاهل والسودان بألف خير..
و أعاين للبروفايل بتاع الستات البيودعن ليهن عزيز شايلو القطر..
و أقول ليك كمان..
حكاية البرد السنة دى مبالغة..
و نساندكم ونشد من ازركم ونتمنى لكم شتاءا دافئا بأذن الله..
|
Post: #7
Title: Re: فترة نقاهة. تُوجد صورة اللّت مُستند. والله
Author: عبدالرحمن الخليفة
Date: 01-06-2017, 02:29 AM
Parent: #6
اووو حبيبنا
ود المدير حبابك الف فى وديان اريزونا....
ونما الى علمنا جلال عيسى ربط العجل فى مضارب مطار هربر
فى انتظار قدومكم الميمون....
والوصايا بمهل بمجرد اتجاوزت فانكوفر يازول ادرع السفنجه تب
سقط ناس جلال وبكرى اخير منو سقط العبيديه كان زرعو قمح ما
نجحو....وبالنسبه ليكم ناس صقيع البرتا ياهو همبريب السياله
يا زول ابقى مارق والف الف مرحب
|
Post: #8
Title: Re: فترة نقاهة. تُوجد صورة اللّت مُستند. والله
Author: جلالدونا
Date: 01-06-2017, 04:02 AM
Parent: #7
ههها
شنو يا ود الخليفة
بعد نكمّل عجلك العاوز تضبحو فى بطن الطيارة بعد داك نشوف بتاع الهاربر
غايتو الزول ده محظوظ جنس حظ
مع جيتو .. فينكس ح تتشّرف بالقدوم الميمون لى استاذنا الكابلى
و بالتالى ح يدخل دنيا الاستنارة من اوسع ابوابا
ود المدير يا الف مرحب بيك ياخ
انت رب البيت و نحن الضيوف
و اهم حاجة تجيب سفنجة اتاربكس معاك
|
Post: #9
Title: Re: فترة نقاهة. تُوجد صورة اللّت مُستند. والله
Author: معاوية المدير
Date: 01-06-2017, 09:01 AM
Parent: #8
كان يُفترض يرافقني في هذه الرِحلة الأخوين،
إبراهيم ناصر و محمد النور كبر، إبراهيم إعتذر
بسبب بعض المشغوليات وكبر انا وهو ما بنركب
في طيارة وآحدة...
|
Post: #10
Title: Re: فترة نقاهة. تُوجد صورة اللّت مُستند. والله
Author: محمد على طه الملك
Date: 01-06-2017, 02:27 PM
Parent: #9
ههه التسطيحة بت الكلب ..
والجلوس ملزوق مع ماسورة السلم تصل الخرتوم بنطلونك مسهوك ؤ مايفرزو وشك من نعليك ..
بقيت تركب طاير ؤ كمان تختار المقعد !!
الله قادر..
يا جلال عجل شنو ياخي ؟
شوفلك كورة مديدي حاااارة تنفض السقط من عضمو.
|
Post: #11
Title: Re: فترة نقاهة. تُوجد صورة اللّت مُستند. والله
Author: sadig mirghani
Date: 01-06-2017, 02:49 PM
Parent: #1
انت عارف
في عينة سقطكم دا
ام فتفت وشطة دكوة بي ألتي
ومعاها حلة كوارع تجقجق
وعيش بلدي حااار من الفرن
وتدور بادي محمد الطيب
كمين يوم بتقلب مستنير
|
Post: #12
Title: Re: فترة نقاهة. تُوجد صورة اللّت مُستند. والله
Author: معاوية المدير
Date: 01-06-2017, 10:26 PM
Parent: #11
Quote: يا معاوية....
انا دخلت أقول ليك كل سنة وانت والاهل والسودان بألف خير..
و أعاين للبروفايل بتاع الستات البيودعن ليهن عزيز شايلو القطر..
و أقول ليك كمان..
حكاية البرد السنة دى مبالغة..
و نساندكم ونشد من ازركم ونتمنى لكم شتاءا دافئا بأذن الله.. |
حباب نور ؤ غمرنا نور،
كل عام وأنت وأسرتك الكريمة بألف خير.
الصقط السنة دي عصر علينا شديد يا نور، لكن بارك الله في جلال
إذ منحنا فترة راحة ننعم فيها بشئ من الدفء.
صورة البروفايل كتب عنها أخونا الحردان معاوية ود الزبير في الرآبط أدناه،
في صورة بروفايل معاوية المدير.. الجديدةفي صورة بروفايل معاوية المدير.. الجديدة
|
Post: #13
Title: Re: فترة نقاهة. تُوجد صورة اللّت مُستند. والله
Author: Fatima Alhaj
Date: 01-06-2017, 10:59 PM
Parent: #1
ههه ود المدير كيفنك
والله ياخوي بدُور أدخل على بوستك دا
حشريا ساكت ، عِلا ما عرفت أدخل بياتو باب.
المهم؛ بريد كلامك بذكرني أهلي الجرافة.
|
Post: #14
Title: Re: فترة نقاهة. تُوجد صورة اللّت مُستند. والله
Author: معاوية الزبير
Date: 01-07-2017, 01:42 AM
Parent: #13
(عِلا ما عرفت أدخل بياتو باب.)
من باب السلام يا فاطمة الحاج
نيابة عن ود المدير إليك ما غنته أم كلثوم من كلمات بيرم التونسي، في حُب رسول الله (ص)
وَ التجي تجي:
القلب يعـشق كـل جميل *** وياما شفتي جمال يا عين
واللي صدق في الحب قليل *** وإن دام يدوم يوم .. ولّ يومين
والـلـي هـويته اليوم *** دايـم وصـــالــه دوم
لا يعاتـب اللي يتـوب *** ولا في طـبـعـه الـلـوم
واحــد مفيـش غيره *** مــلأ الوجــود نـوره
دعـــانـي لبّيتـه *** لحـد بـاب بــيـتـه
و أمـّا تـجـلالــي *** بالــدمـع نـاجـيـتـه
كـنـت ابـتـعد عـنـه *** وكــان يـنـادينـــي
ويـقـول مـسـيرك يـوم *** تخـضـع لـي وتـجـينـي
طاوعــني يا عـبـدي *** طـاوعـنـي أنا وحــدي
مالك حبيب غيري*** قبلي ولا بعدي
أنـا الـلـي أعـطـيـتك *** مـن غـير مـا تـتـكـلـم
وأنـا الـلـي عـلـمـتك *** مـن غـير مـا تـتـعـلـم
واللـي هـديـتـه إلـيـك *** لـو تـحـسبـه بـإديــك
تـشـوف جـمـايـلـي عـلـيـك
من كـل شـيء أعـظـم *** ســلـم لـنـا تـسـلـم
دعــانـي لــبـّيـتـه *** لـحـد بــاب بـيـتـــه
وأمـّا …. تـجـلالـي *** بـالـدمـع نـاجــيــتـه
مـكـة وفيها جبال النـور *** طلة على البـيـت الـمعمور
دخـلـنا بـاب الـسـلام *** غـمـر قـلـوبـنـا الـسـلام
بـعـفـو رب غـفـور
فـوقـنا حـمـام الحـمى *** عــدد نــجـوم الـسـمـا
طـايـر علينـا يـطـوف *** ألـوف تتـابـع ألـــوف
طاير يهني الـضـيـوف *** بالـعـفـو والـمرحـمـة
والـلـي نـظـم سـيـره *** واحــد مـافـيـش غـيره
دعــانـي لـبـّـيـتـه *** لـحـد باب بـيـتـه
وأمـّا تـجـلالــي *** بالــدمـع نـاجـيـته
جـيـنـا عـلـى روضـة *** هــلـّه من الـجـنـة
فـيهـا الأحـبـة تـنـول *** كـل الـلـي تـتـمـنى
فـيـهـا طرب وسرور *** وفيها نـور عـلـى نور
وكـاس مـحـبـة يدور *** والـلـي شِـرب …. غـنـى
ومـلايـكـة الـرحـمـن *** كـانـت لـنـا … نـُدمـان
بالـصـفـح والـغـفـران *** جايه تبشــرنا
يـاريـت حــبـايـبنـا *** يـنـولـوا مــــا نـُلـنا
يــا رب تــوعــدهـم *** يــا رب واقــبــلـنـا
دعـــانـي لـبّـيـتـه *** لـحـد بــاب بـيـتــه
وأمـّـا تـجـلالـي *** بالــدمـع نــاجـيـتــه
قال حردان قال، إنما افتقد الجمال يا ابن عمي
|
Post: #15
Title: Re: فترة نقاهة. تُوجد صورة اللّت مُستند. والله
Author: Fatima Alhaj
Date: 01-07-2017, 02:20 AM
Parent: #1
اللهم لا تفجع المنبر بغياب أحد المعاويتين ( ما بعرفها كان صح ولا لا)
السلام أخي ود الزبير ( شان ما نتلخبط )
والله صحبك دا قدر ما تجري ورا قطرو دا ما تعرف
تركبو من ياتو محطة.
وبعدين الحرد دا فك سيرتو وباري ود المدير دا، مافي أجمل من كدا.
وشكرا على القلب يعشق كل جميل، وصوت الست.
|
Post: #16
Title: Re: فترة نقاهة. تُوجد صورة اللّت مُستند. والله
Author: Haytham Ghaly
Date: 01-09-2017, 07:47 PM
اها وصلت وين؟
|
Post: #17
Title: Re: فترة نقاهة. تُوجد صورة اللّت مُستند. والله
Author: معاوية المدير
Date: 01-09-2017, 10:58 PM
Parent: #16
باكِر فجُر لآحق اللواري كان الله رآد...
|
Post: #18
Title: Re: فترة نقاهة. تُوجد صورة اللّت مُستند. والله
Author: معاوية المدير
Date: 01-10-2017, 06:43 AM
Parent: #17
Quote: اووو حبيبنا
ود المدير حبابك الف فى وديان اريزونا....
ونما الى علمنا جلال عيسى ربط العجل فى مضارب مطار هربر
فى انتظار قدومكم الميمون....
والوصايا بمهل بمجرد اتجاوزت فانكوفر يازول ادرع السفنجه تب
سقط ناس جلال وبكرى اخير منو سقط العبيديه كان زرعو قمح ما
نجحو....وبالنسبه ليكم ناس صقيع البرتا ياهو همبريب السياله
يا زول ابقى مارق والف الف مرحب |
يا حبيب،
أوّل حاجة البركة فيكم.
يا عبد الرحمن يأخي عبد الماجد عيدروس دا فوق إنوا قريبي أنا وهو أصحاب
من زمن مجلات الوطواط وطرزان، ثم ضيف لهن سوبرمان وسمير وميكي.
السفنجة ناس سودانيز ديّل مرقوها لي من نفسي يأخ، واليومين ديّل وحات الله
عندنا أكتر من 30 تِحت الصفر، العجول خلوّهِن في رعيتِن بس كتروا لي
القراريص...
|
Post: #19
Title: Re: فترة نقاهة. تُوجد صورة اللّت مُستند. والله
Author: kamal omer
Date: 01-10-2017, 06:58 AM
Parent: #18
يا خ مالك بقيت زي الجماعة ( توجد صورة ) الناس تدخل في شان تشوف الصورة ما تلقاها
أها يا وزل مستندك ده وينا الصورة ألتو
بس ما يكون تصريح ركوب القطر درجة تالتة
و توصل بالسلامة
|
|