الفنان ترباس والفنانة الأثيوبية سلام يشعلان صفحات مواقع التواصل بصورة تثير جدلاً واسعاً ..!!

05:32 AM January, 03 2017

سودانيز اون لاين
awad okasha-
مكتبتى
رابط مختصر

اشتعلت صفحات مواقع التواصل الاجتماعي خلال اليومين الماضيين بصورة تجمع الفنان السوداني الكبير كمال ترباس بالمطربة الأثيوبية سلام. الصورة التي رصدها محرر موقع النيلين من صفحات مواقع التواصل الاجتماعي التي قامت بنشرها أظهرت المطربة الأثيوبية وهي تنحني برأسها نحو فخذ الفنان الملقب بالهرم. محرر موقع النيلين تابع ردود أفعال رواد المواقع الاسفيرية, حيث شن الكثير من الرواد هجوماً قاسياً على الهرم وذكروا أن هذه الصورة خصمت الكثير من رصيد ترباس عند جمهوره الفنان كمال ترباس مع العلم أن ترباس يعتبر من الفنانين أصحاب الجماهيرية العريضة بالسودان.فيما دافعت فئة قليلة عن الفنان صاحب العمامة الشهيرة, وذكروا في بعض تعليقاتهم التي رصدها محرر موقع النيلين أن الفنان معرض للكثير من مثل هذه المواقف ويجب أن لا يتوقف عندها الناس.

عاوزين دليل ملموس
صور

لم يكن الأول ... ولن يكون الآخير ...

عاوزين دليل ملموس
صور
______________
في الابلود.. دقايق بس ..

لم يكن الأول ... ولن يكون الآخير ..
_______________________
اذ ربما يجوز ..

عمك ما عندو قشة مره
من زمن هبت ثورة الانقاذ بلعب ضاغط
زول بعيش مباهجو
بس خلاس راحت عليهو الكبر والزمن جري بقي بتاع تتبتب ضهر

عمك ما عندو قشة مره
من زمن هبت ثورة الانقاذ بلعب ضاغط
زول بعيش مباهجو
بس خلاس راحت عليهو الكبر والزمن جري بقي بتاع تتبتب ضهر
_________________________________________________
ايوة لما العضمة تكبر .. اللعب ببقى لصالح الورق ..

(عمك ما عندو قشة مره)
------------------------------------------------
عباس الدسيس لك التحية
لكن يا خوى زولنا دا من عروقوا الدم شرد يا قول المرحوم عيسى بروى

بقي بتاع تتبتب ضهر

اوسكار يا صاحبي

الصورة عادية ..
مافوكا حاجة ..

بعدين سلام دي ذااتها ما سمحة ..
ترباس ده عميان من البوابير البتقطع النفس ديك ..
جاري للمشطبة دي ..
وعامل بيها لي نفسه غاغة ..
وحاتك ما بتستاهل ذاتووو ياعوض يا أخوي ..
وأحرف (ترباس) ما بيمرق منها بي ربع كيلو صافي ..


قوموا الى ثورتكم هداكم الله ......

ـــــــــــــــــــــــــــــــــــــ

هي مدتقرة فوقو كده بتعمل في شنووو ........

هي مدتقرة فوقو كده بتعمل في شنووو ........
---------------------------------
عشان يربت على ضهرها باقي هو الدهن صلب ضهرو بقى ما بيقدر ينحني هه

الصورة يا صديق ما فيها شئ مطلقا و نرجو أن لا يحملها الناس إيحاءات سالبة! ماذا جرى لشعب السودان؟ صار جائعا لكل شئ؟
صورة عادية جدا جدا..
سلام لصاحب البوست و ضيوفه الاكارم.

القصة وما فيها قالت ليها انت مطقم الطاقية مع السديري قام قاليها ومع المركوب كمان .... قامت قالت ليهو صحي كدي وينو ....وهنا كانت لحظة الكاميرا تككك ....فاااااااا القصة مركوب وصفوا نيتكم

تحية طيبة لصاحب البوست وضيوفو الكرام

فلنأخذ الأمر بحسن نية ياجماعة

ده أكيد نوع من التحية على الطريقة الإثيوبية القصسم النسائي
فئة المغنواتية .

شفت الصورة في موقع آخر
واعتقد ان الفنانة الاثيوبية كانت بتضحك وانحنت للامام بحركة لا شعورية كما يفعل اي شخص

ما فيها حاجة

هي قالت ليو .. حك لي ضهري ...

جنكم اشاعات ..

عااالم بطااالـــــــــــــــــــــــــــة

المرحوم عيسى بروى

عيسى بروي مات متين ؟؟؟؟



ترباس طاير في السماء

((عيسى بروي مات متين ؟؟؟؟ ))
-----------------------------------------------
في ذمة الله فنان الطمبور عيسي بروي
الله يرحمه ويغفر له ويجعل الجنة مثواه
البركة فيكم يابدرالدين
2016/06/15
Share
يحتسب وزير الثقافة الطيب حسن بدوي عند الله تعالى الفنان القومي فنان الطنبور عيسي بروي الذي انتقل إلى جوار ربه صباح الأربعاء ويقام العزاء بالمكابرب القرية 5 سائلين المولى أن يتغمده بواسع رحمته وأن يتقبله قبولا حسنا.
ويعتبر عيسي بروي أحد عمالقة فن الطنبور ومن قامات ورموز المناصير المعروفين علي مستوي السودان كان مولده بالمناصير الجزيره شيري.
ياسين الشيخ _ الخرطوم
النيلين
http://www.alnilin.com/12786551.htmhttp://www.alnilin.com/12786551.htm

صوره مركبة
ترباس قاعد في كرسي منفصل والبنت قاعده في كنبة بس واضح حسب الخلفية لكل واحد والجلسة انو ده تركيب

بالجدالناس بتبالغ ولو كانت حقيقيه فهي لا تحتمل تفاسيركم يا ساده
وغالبا خدعه فوتو شوب .
الاسبوع المنصرم ارسلت الي عن طريق الواتسب صوره من هذا النوع تقول زواج توماس سانكارا من دكتوره منى نعمه عبد الجليل ذات الاصول السودانيه المقيمه بكندا. والراجل الفي الصوره عجوز مقارنه بتوماس سانكار الذي تم اغتياله في اكتوبر 1987 وهو شاب وسيم .

السادة والسيدات المتداخلون والمتداخلات
مش اسمها سلام ولا ماكدا ؟

الفنان كمال ترباس ليس واعظا دينيا بل مطرب
ولا اجد فى هذه الصورة شيئا خارج عن المالوف فى الوسط الفنى

كفوا عن اعراض الناس

Quote: واعتقد ان الفنانة الاثيوبية كانت بتضحك وانحنت للامام بحركة لا شعورية كما يفعل اي شخص ما فيها حاجة

أُثني بشدة على رأي أخونا طاهر بدر بأعلاه

صفو النية يا شباب

وسلامتكم

الصورة عادية جدا؛
رغم ان الرجل دعم الطغيان في بداياته؛
الا انه؛
تراجع لاحقا؛
شعبيته جارفة...
وترباس سوداني اصيل؛

بعد صورتها الأخيرة مع “ترباس”.. المطربة الأثيوبية “سلام” تواصل إشعالها لمواقع التواصل السودانية والضحية هذه المرة الشاعر “كوباني”
تعد المطربة الأثيوبية “سلام” واحدة من المطربات الأثيوبيات القلائل اللواتي يحفظن ويرددن الأغنيات السودانية في الحفلات العامة والخاصة بأديس أبابا.
اهتمام “سلام” بالأغنيات السودانية صنع لها علاقات جيدة مع المطربين والشعراء السودانيين, ولذلك دائماً ما يعثر محرر موقع النيلين على صورة لنجمة أديس مع مشاهير الخرطوم.
فبعد صورتها الأخيرة مع الهرم السوداني “ترباس” والتي أثارت جدلاً واسعاً داخل مواقع التواصل الاجتماعي, عادت “سلام” لنشر صورة أخرى على صفحتها الرسمية عبر موقع التواصل الاجتماعي فيسبوك تظهرها وهي تتوسط الشاعر الدكتور علي الكوباني والفنان كمال ترباس.
رواد مواقع التواصل الاجتماعي الذين قاموا بنشر الصورة أطلقوا على دكتور كوباني الضحية الجديدة معتبرين أن ترباس كان ضحية لانتقادات جمهور المعلقين.
ولم يستبعدوا أن ينال الكوباني حظه من النقد هو الآخر.

امك بعد يومين بنسمع كوباني عندو قصيدة سلام العنبر
البت اخير ليها تتشعلق في ترباس زول ونسة ساكت
كوباني اخلي ريحتها طير طير
عمك كوباني بعد كدا اصبح دولي

الأثيوبية البنشرب عندها القهوة جوار بوابة جامعة ام درمان الاسلامية اجمل منها مليون مرة
اتمنى ان لا اكون قد عملت ليها دعاية
ترا الجماعة ناس { الله اكبر الجديدة } بشربوا عندها
ولمن تاتي مابتعرف انك قاعد في جامع وللا محل قهوة
أنا أأتي حينما اتناول افطاري مع امراة تعمل اكل سوداني جميل بجوار بوابة جامعة ام درمان

بعدين صوتها عادي جدا
وحينما تغني اغاني سودانية فهي لاتجيدها كما ينبغي
وليس هناك اي وجه شبه من جميع النواحي بينها والمطربة العملاقة الجميلة الأريترية هيلينا ملس


بعيدا عن السياسة
شايف عمك ترباس مبسوط شديد .. ان لم تكن الصورة ملعوب فيها
لو عاوزين تطفشوها من السودان
وتاني ماتتصور مع ناسنا
جيبوا ليها عمكم بتاع { الناها بنت مكناس } عشان يعمل فيها قصيدة
والله تطفش طفشة واحدة وتاني لاكوباني ولا ترباس
كفاية السواهو في الوزيرة الموريتانية
من يوم عمل ليها القصيدة بتاعت الغزل في العيون الزولة تاني ماضاقت عافية

هههههههههههههههه




ابو حراز .. لك التحايا ولصاحب البوست وضيوفه احلي ..... سلام .






سلام الواحد دة .. مش ديك

كلها صور عاديه وتعبر عن علاقات انسانيه طيبه.
ما الذي حدث للعقليه السودانيه كل شئ يفسر بالسوء ويتم التعليق عليه بعبارات جارحه ؟؟؟؟!!!!

كلها صور عاديه وتعبر عن علاقات انسانيه طيبه.
ما الذي حدث للعقليه السودانيه كل شئ يفسر بالسوء ويتم التعليق عليه بعبارات جارحه ؟؟؟؟!!!!

ذمان في لعبة بتكون عامل نفس حركة الزولة دي ويقولو ليك
بنبقا ولا عصا
عصا الله عفا بنبقا شيلو واردعو بي الواطة
ويقومو ينهزوك ام دلدوم في ضهرك

او يكون ينكشحت بدرة ونزلت تشمها

والاتنين لا اعتقد عندهم علاقة بالواقع بس قلنا نشارك وخاصة انو القعدة فيها كوباني


تحية للفنان القامة ترباس ماينس العمة