بخصوص شيوعية المدعو جعفر ابراهيم

03:48 PM December, 30 2016

سودانيز اون لاين
الشفيع وراق عبد الرحمن-الرياض السعودية
مكتبتى
رابط مختصر

بحثت ولم اجد ما يؤكد انتماء اليساري المدعو جعفر ابراهيم للحزب الشيوعي السوداني

هذا البوست بمثابة اعتذار للحزب الشيوعي السوداني وعضويته المحترمة

البوست المعني مشى الخور.
تم تعديل الفيديو المذكور

اشكر كل من نبهني هنا، او شتمني
واشكر الاخوة في لندن، لمساعدتهم في تبين الحقائق

والله ولي التوفيق

سلام يا الشفيع
خطوة فى الطريق الصحيح. ان شاء الله تتبعها خطوات اخرى تصحيح مسار مشاركتك فى العمل العام.

و انا اسف لحدتي معك. لكن انت تعرف اسبابها. انا بمجرد قراءة البوست اتصلت بزملاء لندن و اكدوا لي اني هذا الشخص ليس له اي علاقة بالحزب و ان الامر مجرد فبركة.

و انا اسف لحدتي معك
----------------------------------------
لا بأس يا حبيب
اتفهم ردة فعلك، وربنا يصلح الحال

بحثت ولم اجد ما يؤكد انتماء اليساري المدعو جعفر ابراهيم للحزب الشيوعي السوداني
............................................................................................................


شكرا ي مواطن اعتذار واضح ولا دغمسة فيهو ..ولكن
عرفت انو يسارى كيف طال عمرك

عرفت انو يسارى كيف طال عمرك
-------------------------------------------------
لانه ما يميني :)

Quote: عرفت انو يسارى كيف طال عمرك ------------------------------------------------- لانه ما يميني :)

هو لاهو يساري ولا شئ. انا برضو من تحرياتي عنه عرفت انه شخص جايط ساكت و ما عنده اي علاقة جادة باي عمل عام. مافي يساري عنصري. اليسارية فى تعريفها زاتها هى تيار سياسي ثائر على القديم، متجاوز للقديم و داير يغيره. و بالتالي بالضرورة هى متجاوزه لرواسب العنصرية و الاشياء المتخلفة هذى. ولا يصح عليه وصف يسارى ولا شئ ولا استبعد ان يكون مدفور من الامن الانقاذي لانو تخريب النسيج الاجتماعي فى السودان هو احد استراتجياتهم للبقاء فى السطلة.

ولك الشكر يا الشفيع
احترم جهرك بالاعتذار
يجب ان تسود ثقافة الاعتذار

"سودانيز أونلاين" و"الراكوبة" لا تسمح للكتَّاب من الحكومة بالمشاركة فيها والكتابة كما يفعل مرتادوها من المعارضة

*

من الأساس يا الشفيع الخلاك تقول عليه شيوعي شنو؟

شكرا يا شفيع اعتذار واضح وصريح
كتر خيرك

رغم ان اعتذارك واجب اخلاقي
لكنك تشكر عليه برضو
وتاني ماتعمل كده

ولا استبعد ان يكون مدفور من الامن الانقاذي لانو تخريب النسيج الاجتماعي فى السودان هو احد استراتجياتهم للبقاء فى السطلة.
-------------------------------------------------------------------


ولا استبعد ان يكون مدفور من الحزب الشيوعي لانو تخريب النسيج الاجتماعي فى السودان هو احد استراتجياتهم لاسقاط السلطة.

وما ذا عن الخلط بين صاحب التسجيل وإبراهيم جعفر

وهل هذا الـ جعفر إبراهيم شخص حقيقي..

أم من شخصية من نسج خيال جهاز الأمن؟

شكرا يا حبيب و عليك الله كمل جميلك و قول لزولكم ده الكلام دا ما صاح
------------------------------------------------------------------
يا ريس
نقر ان الانضمام لسودانيز والكتابة فيها مكفولة للجميع ولا توجد حواجز
ولكن انت وانا والكل يعلم انو الكتابة مقيدة.

لو تذكر ابان هبة سبتمبر، خاطبتنا بالواضح ان لا صوت يعلو علي صوت الانتفاضة
واخرست السنتنا واوقفت كل عضويتنا.

ومع بداية العصيان الاخير قمت باغلاق كل البوستات المعارضة للعصيان

عليه:
ما قاله نائب رئيس الحزب جزئياً صحيح
"سودانيز أونلاين" و"الراكوبة" لا تسمح للكتَّاب من الحكومة بالمشاركة فيها والكتابة كما يفعل مرتادوها من المعارضة

نعم، نحن نكتب ولكن ليس كما يفعل مرتادوها من المعارضة

من الأساس يا الشفيع الخلاك تقول عليه شيوعي شنو؟
-------------------------------------------
هلا ود البشرى

الحقيقة بلغني من بعض الاخوان
وكان واضح انو يساري
وما كان عندي ما يدعو للشك في شيوعيته
والان لا اجد ما يؤكد شيوعيته
لذا جاء التنويه

وهل هذا الـ جعفر إبراهيم شخص حقيقي..
----------------------------------

نعم يا الباقر
شخص حقيقي، لحم ودم

الشفيع تاكتيك عااالي ... التعليمات نفذتها زي ما المعلم قال.. وعارفين لصيقة هذا العنصري بالحزب الشيوعي حا تكون معركتكم خسراااانة وعندنا كل ادوات دخض مزاعمكم ...
خسرتوا الجولة وقلتوا احسن نظهر في شكل ناس متحضرين هههه العب غيرها يا شفيع ..العنصرية وفكركم في توافق وهارموني متصل ..من كبيركم بتاع حديث الغرباوية الى اصغر منتمي لفكركم تتنفسوا عنصرية ..
نحن نعلم انو هذا المعتوه ليس عضو في الحزب الشيوعي ..
بس بيني وبينك يا شيفا عجبني لللبوة تراجي هههههه انت الوصفتها ما انا ..وعجبني لي كبر بتاع ام سودان ...
اها تعالوا اتشجاروا مع الشفيع .. وطلعوا زيتو زي ما قال محمد حاتم

الاخ بكري ابو بكر مداخلتك للشفيع لم تعجبني ابدا !!!!

وعندنا كل ادوات دخض مزاعمكم
يا علي
انت عارف وانا عارف والكل يعلم انكم ما عندكم اي ادوات لدحض الزعم ده.


ولمعلوميتك، لا توجد اي قوة الان امامي تلزمني بتعديل افادتي السابقة
فقط الضمير والامانة.

اما بخصوص الاخوان والزملاء الذين ذكرتهم، اقول:
انا الشفيع وراق، بحثت ولم اجد ما يؤكد انتماء اليساري المدعو جعفر ابراهيم للحزب الشيوعي السوداني
وهذا، بالضرورة لا ينفي او يؤكد انتماء المذكور للحزب الشيوعي

إذا كان هذا الـ جعفر إبراهيم شخص حقيقي

ويساري

فأين يقيم؟

وما هي يساريته؟

هل عبر عنها كتابة .. في موقع يمكن الرجوع إليه

أم في فعاليات عمليه .. وأين و متى ..

وكلها في نصف القرن الماضي معروفة وموثقة

الباقر موسى

..
............ ..!انا الشفيع وراق، بحثت ولم اجد ما يؤكد انتماء اليساري المدعو جعفر ابراهيم للحزب الشيوعي السوداني وهذا، بالضرورة لا ينفي او يؤكد انتماء المذكور للحزب الشيوعي مافيش حزب وطني يحرق نفسو بهذه الطريقة ولاينفي أن يكون أمنجي ينفذ بوعي جهاز في شغل الناس والمحاولة اليائسة لتشويه المعارضة فقد عشنا وشفنا كوادر ـ كانت تدعي الثورية وتحتكر معارضة النظام وقضايا الهامش وإظهار العداء للجلابة والزعم بأن النظام هو الإبن للجلابة وقبائل الشمال ثم دارت الأيام دورتها لنجدهم في حضن النظام ! ولاينفي هذا أن يكون هذا الشخص فرد له حسابات شخصية أو زول أشتر وأرعن ماعارف إنو بكلامو بنفع تراجي وماب يضرها ! يعني إنو بحارب معركة خسرانة مافيش حزب وطني يحرق نفسو بهذه الطريقة!!

ضمير وامانة !!!!!!!

ههههههههههه قربت اصدقك

امركم غريب يا الكيزان

تمنعو المعارضين من اعلامكم صحفكم وتلفزيون البلد الما حقكم
ومستولين عليهو حرمنة سااااي
وعايزين الاخرين المعارضين يسمحو ليكم تستولو على شوية
النوافذ الاعلامية الاسفيرية الادوكم فيها عضوية
لاحظ يا الشفيع انو عندكم عضوية وقاعد تكتبو ما بدالكم
لكن برضو ما راضين وعايزين تكونو انتو المتحكمين في البورد دا بالذات
الارتري الاسمو ابراهيم محمود دا بعد ما نبذ الصحفي بهرام ايام هبة سبتمبر
على الهواء مباشرة وقال (دا كلب) وهددو تهديد واضح
وضّح لكل العالم العقلية الانقاذية المتخلفة التافهة البتحكم بلد عريق زي السودان
عليه ان مثل هذا الارتري الساذج من المستحيل يقول كلمتين على بعضهم
ويكون فيهم حرف واحد صحيح او صادق
ونسبة ارتري هنا ليس مقصود بها اي نقصان او اساءة للجنسية الارترية
فهم موضع احترامنا وتقديرنا ولكن قلتها لأبين كيفية اختيار الانقاذ لقادتها
في كسلا جبتو جمهور عديل ناهيك عن الابله دا

واقولا ليك بكل صراحة حركتك مقصودة وجبانة كونك تنسب تسجيل زي دا
للحزب الشيوعي وتجي تعتذر بكل عنجهية والادهي والامر انو الناس تقبل الاعتذار وتشكرك كمان
غايتو السودانيين ديل طيبين جنس طيبة
لكن انتو حقيقةً ما معروف جيتو من وين اعوذ بالله منكم
اخبس من ابليس المسكين

جعفر ابراهيم شخصية حقيقية كانت تقيم في لندن ، ليست لديه اي ايدولوجيا او فكر يساري او يميني او وسطي مسبق ، أقول هذا الكلام علي يقين كامل واطلاع للامر
اشكر الأخ الشفيع لبوسته التراجعي الاعتذاري . فضيلة حميدة يشكر عليها كثيرا. المشكلة. بان هنالك جهات أمنية ومتعاونون مع الأمن استغلوا الرسالة الصوتية الفضيحة لجعفر ، لتصفية حسابات بعيدة
عن جعفر نفسه والشخصيات محل الشريط . مما اريد إيصاله بوضوح. لأولئك العرود الامنيين . اذا لديكم متابعات قانونية او عدلية لجعفر تعرفون أين تجدونه ، اما زج ابرياء وأحزاب ومنظمات بالموضوع وان جعفر يتبع للشيوعي
او كان صديقا لشرفاء أنشئوا منظمات وهيئات مدنية ، وتنصبون انفسكم قضاة لمحاكمة الضمائر والعلاقات الانسانية بين الناس ، نقول إليكم هيهات ثم هيهات فقد انكشفت ورقة التوت واتضحت للناس الحقيقة كاملة

من الأساس يا الشفيع الخلاك تقول عليه شيوعي شنو؟
--------------------------
كانت محاولة ياسة وبائسة من الشفيع ليصبح مثل المعتوهه سعاد الفاتح ..
لكن هيهات هيات .. لاجن لا سحرة قادرين ان يقتفو اثره !
راحت عليك .. اعد المحاولة مرة اخرى ومعك آخرين .
وين شهاب يا الشفيع ؟ وين ؟

شكرا الفاضل

لإثباتكم أن هذا الجعفر لا شيوعي

ولا يساري

ولا انتماء له..

بعد هذا .. هل من مزيد من المعلومات عنه..

تثبت أنه شخصية حقيقية؟


الباقر

كتب (عمم) د. أبو بكر

Quote: اليسارية فى تعريفها زاتها هى تيار سياسي ثائر على القديم، متجاوز للقديم و داير يغيره. و بالتالي بالضرورة هى متجاوزه لرواسب العنصرية و الاشياء المتخلفة هذى

يا اخي العنصرية لا دين لها ولا قومية ولاحزب
اديك امثلة عن صعوبة تجاوز رواسبها
بعد الحرب المكسيكية الأميركية وضم كاليفورنيا لاميريكا كتب كارل ماركس

Quote: Without violence, nothing is ever accomplished in history.” ...... “Is it a misfortune that magnificent California was seized from the lazy Mexicans who did not know what to do with it؟

و في رسالة الي فريدريك أنجلس - يوليو 1862 في اشارة الي (فرديناند لاسال) كتب كارل ماركس

Quote: … it is now completely clear to me that he, as is proved by his cranial formation and his hair, descends from the Negroes from Egypt, assuming that his mother or grandmother had not interbred with a nigger. Now this union of Judaism and Germanism with a basic Negro substance must produce a peculiar product. The obtrusiveness of the fellow is also nigger-like.

اما فريدريك أنجلس فقد كتب في 1887عن بول لافارج هو زوج لورا ابنة ماركس
وكان لافارج مرشحا لمقعد بلدية تحتوي حديقة الحيوانات في باريس . فريدريك أنجلس كان يزعم ان لافارج غير نقي عرقيا. كتب للورا الاتي

Quote: Being in his quality as a nigger, a degree nearer to the rest of the animal kingdom than the rest of us, he is undoubtedly the most appropriate representative of that district.

شكراً يا الشفيع
الشهادة من أركان الدين
و قول الحق من حسن الخلق
بالمرة كمّل جميلك و كلّم تراجي مصطفي بنتكم دي
و زولكم كبر القاعد في كالقري أنو أنا طه جعفر
علاقتي بالواتساب ضعيفة جداً
و لا أعرف الطرق لرفع الفيديوهات
ممكن أشتم اي زول أي شتيمة إلا الكلام العنصري
و لا علاقة لي بالتسجيل المعني


فبالله زي ما اصدرت فرمان ببراءة أخونا و نسيبنا ابراهيم جعفر
كما كمّل جميلك
يالشفيع و الحقنا بتبرئة ربنا يجعل في ميزان حسناتك
اسمك سمح لكن لخبطتك كتيرة خلاس

بعدين ابراهيم جعفر ما تقول عليهو المدعو
فهو راجل محترم و استاذ جامعي و أديب
و سوداني ود بلد
و معروف بين الناس بالخير و المروءة و النبل

جعفر ابراهيم المنسوب إليه التسحيل

غير ابراهيم جعفر الكاتب المعروف


نريد أن نتأكد أنه شخصية حقيقية

تعرف يا طه تراجي مرضانة شمارات تلقاها قاعدة في التلفون 24 ساعة داك عمل وديك سوت فبتكون إشتغلت تلفونات بعد التسجيل نزل ويعجبوك عطالة الشمارات دفسوها ليك أخبار 80 في المية منها قوالات منجورة و20 في الماية منها الصحيح وهي المعروفة بإستعجالها ما صدقت وجات طرشت كلامها في البورد
بس بصراحة استخدمت كلمات قوية وبصيغة تأكيدية خلت كتير من القروا كلامها يصعب عليهم عدم تصديق ما قالته عن طه جعفر وإستضاقته لجعفر إبراهيم وتسجيله للكلام وفي نفس الوقت بصراحة يا طه تعاملك مع كلام تراجي ومن بعدها كبر بنوع من اللغة المسالمة ما ساعد على تعضيد موقفك. يعني الكتيرين كانوا بتوقعوا منك تعامل أقوى من كدا

انا الشفيع وراق، بحثت ولم اجد ما يؤكد انتماء اليساري المدعو جعفر ابراهيم للحزب الشيوعي السوداني
وهذا، بالضرورة لا ينفي او يؤكد انتماء المذكور للحزب الشيوعي

الشفيع قال ليكم إنو لم يجد ما يؤكد انتماء جعفر للحزب الشيوعي
ثم أضاف: لكن هذا لا ينفي انتماء جعفر للحزب الشيوعي

أي أن الشفيع أخذ باليمين ما قدمه باليسار
ولا شك أنه قضى نهاره يفرك يديه فرحا بكمية الثناء الذي تلقاه نظير تلاعبه بالكلمات

وكل ذلك بعدما حقق البوست الأصلي الغرض المرجو منه
فيا له من اعتذار (شُبّه لنا) من شخص متذاكي

عرف يا طه تراجي مرضانة شمارات تلقاها قاعدة في التلفون 24 ساعة داك عمل وديك سوت فبتكون إشتغلت تلفونات
بعد التسجيل نزل ويعجبوك عطالة الشمارات دفسوها ليك أخبار 80 في المية منها قوالات منجورة و20 في الماية منها الصحيح
وهي المعروفة بإستعجالها ما صدقت وجات طرشت كلامها في البورد بس بصراحة استخدمت كلمات قوية وبصيغة تأكيدية خلت كتير
من القروا كلامها يصعب عليهم عدم تصديق ما قالته عن طه جعفر وإستضاقته لجعفر إبراهيم وتسجيله للكلام وفي نفس الوقت بصراحة
يا طه تعاملك مع كلام تراجي ومن بعدها كبر بنوع من اللغة المسالمة ما ساعد على تعضيد موقفك. يعني الكتيرين كانوا بتوقعوا منك تعامل أقوى من كدا

>>>>>>>>>>>>

شكراً يا عبد الغني
لم اتعامل بلغة مسالمة
لكن أطراف النزاع بلا أخلاق
و التعامل معهم في حد ذاته منقصة
للسمعة و إهدار للغة و الوقت
ألم تقابل في حياتك أنس تافهون
مجرد الرد علي ترهاتهم
خسارة.

طلب مني الكثيرون الذهاب بالأمر للقضاء و استشرت محامياً
لكن السؤال المهم هل يستحقان العناء

ما أفعله هذه الأيام هو التركيز علي أمور ذات صلة بإسقاط النظام
اتصالات كتابات و متابعات و غيره
فلا وقت لي لأضيعه مع هؤلاء
حتي مطالبتي للشفيع هنا هي من باب تأكيد أن الموضوع كله من الأمن
وصناعة بائسة من الجداد الإلكتروني
ليس أكثر
و الأيام القادمة حبلي بالترهات البائسة حول المعارضة و المعارضين حتي
ينهب الجداد الإلكتروني مزيداً من المال

الشفيع وراق عبد الرحمن،

لم تعتذر بعد وان تظاهرت بتقديم الاعتذار. ويبدو هذا ظاهرا من العنوان الخالي من كلمة اعتذار ومن اسم الجهة التي توجب عليك الاعتذار لها وهذا من أصول الاعتذار امام الملأ عنوان لالبس فيه يفهم منه المار ان المراد به الاعتذار وليس التنويه كما ذكرت في أحد ردودك، لكنك مضيت في طريق التضليل القديم تشدك إليه العادة لخدمة سادتك في السلطة من اول سطر كتبته عرفت فيه المدعو جعفر إبراهيم باليساري. كأنك تخرج للقراء لسان السخرية : حتى لو طار الرجل فهو يساري.

وهذا، بالضرورة لا ينفي او يؤكد انتماء المذكور للحزب الشيوعي
فعلا يامعاوية كلامه ده ينسف اعتذاره من امه
ليه ماوضعت كلامك ده في مقدمة البوست يالشفيع
الواحد كان وفر لنفسه عناء شكر لاطائل منه
الكوز كوز و عمره ماينعدل

واهم و ( داقس عديل ) من يعتقد ان الكوز ممكن يطلع غلطان ويعتذر .

بعدين ابراهيم جعفر ما تقول عليهو المدعو فهو راجل محترم و استاذ جامعي و أديب و سوداني ود بلد و معروف بين الناس بالخير و المروءة و النبل
-------------------------------------------------------------------

يا طه
البوست عن المدعو جعفر ابراهيم، ولا علاقة له بالاستاذ/ابراهيم جعفر

أي أن الشفيع أخذ باليمين ما قدمه باليسار ولا شك أنه قضى نهاره يفرك يديه فرحا بكمية الثناء الذي تلقاه نظير تلاعبه بالكلمات
----------------------------------------------

يا معاوية
لو متابع كتاباتي في البورد، ح تتيقن اني ما شغال بي تشكرات زيد او ثناء عبيد
وبالعكس تماماً، اي تشكرات من جهة تخالفني، تدعوني لتحسس نفسي

افادتي ابتداءاً كانت واضحة وجلية
ولو تأملتها لوجدتها نفس التوضيح الموجه لاخونا علي دفع الله بخصوص كلامه عن ان بعض زملاء البورد ما زالوا مقتنعين بشيوعية المدعو جعفر ابراهيم


باختصار:
انا قلت في بوست سابق انو جعفر ابراهيم شيوعي
الزملاء شككوا في افادتي مما دفعني للبحث والتقصي
بحثت ولم اجد ما يؤكد انتماء اليساري المدعو جعفر ابراهيم للحزب الشيوعي السوداني
عليه:
ممكن المدعو جعفر ابراهيم يكون شيوعي او كوز او لافي ساي، انا لا اعلم، هل تعلم انت يا معاوية؟
ما يهمني اني لم اجد ما يؤكد انو شيوعي، لذا جاء الاعتذار للاخوة بالحزب الشيوعي

مافيش حزب وطني يحرق نفسو بهذه الطريقة!!
-----------------------------------------------

يا كمال
اساساً الكلام كان موجه لشخص متهم بالانتماء للحزب الشيوعي
حتى ولو ثبت انو فعلا ينتمي للشيوعي، فهذا لا يعني ان الحزب الشيوعي تبنى مقولته او راضي عنها
بالكتير كنا ح نقول انو الحزب الشيوعي ما مربي اولاده كويس
وده ممكن يقودنا لفلسفة انو الاحزاب الالحادية (مثلاً) لا توصل لحسن الخلق
لانو حسن الخلق مرتبط بالتدين ارتباط وثيق

حبيبنا الشفيع وراق
لايوجد معنى للقول ان المدعو ينتمى للحزب الشيوعى طالما ان ماقاله كان تصرفا فرديا
وحتى لو كان شيوعيا فليس هذا بيت القصيد ... المهم ماقيل وليس انتماء القائل .
مودتى

وده ممكن يقودنا لفلسفة انو الاحزاب الالحادية (مثلاً) لا توصل لحسن الخلق
لانو حسن الخلق مرتبط بالتدين ارتباط وثيق
------------------
القال ليك منو؟؟
الاخلاق موجودة في الانسان قبل الاديان

واقرب مثال يثبت فشل كلامك انتو زاااتكم (الكيزان)
لا اخلاق لكم البتة وكل ما في جعبتكم هو الغش والخداع
والسرقة والقتل ومصادرة حقوق الاخرين

فعن اي اخلاق تتحدث

يضيق خناق هذه القضية, حتى أراه يلامس عتبات قضاء {إفتراضي}

وهنا حيث ينبغي وأن يجفف الحدث من أي لزوجه أو سيوله
أو غباشة

إذن ... فأضعف الإيمان هو التخلي عن أي صفة إستباقية,
مثل شيوعي أو يساري ... بل أن حتى كلمة {المدعو} في
حد ذاتها تحمل طابعا تحامليا هجوميا

كل هذه الدوشة رهينة ... توضيح, إعتراف, إعتذار ممن
يهمه الأمر ... فشان نمشي لي حاجة تانية

شكرا أخي الشفيع ... وضيوفك الكرام ... وعام جديد سعيد

تعجبت عندما قرأت حديث هذا الدعي الافاك المسمى الشفيع وراق عبد الرحمن عن الارتباط الوثيق بين التدين وحسن الاخلاق. واني لاسأل الشفيع مباشرة: عن اي اخلاق تتحدث، وعن اي تدين تجعجع دون حياء انت الذي لم يعصمك الوازع الديني عن الكذب في قضية المدعو جعفر ابراهيم خدمة لاسيادك في سلطة الانقاذ؟!.

لم اجد اعتذار واضح فى ماكتبه احد كوادر امن النظام , والذى وشى هو وغيره بالنشطاء القاسم, الفيصل واخرين فى السعوديه , ويوجد اسمه فى قائمة العار للجداد الامنى الالكترونى فى السعوديه
اخى طه جعفر
انت تعبش فى دوله ديمقراطيه, ومهما كانت كتاباتك ونشاطك, فنصيحتى لك ان تلجآ للقانون لاى اشانة سمعه تمت لك فى الخيوط المكتوبه فى سودانيزاون لاين او غيرها.
مع ودى

لايوجد معنى للقول ان المدعو ينتمى للحزب الشيوعى طالما ان ماقاله كان تصرفا فرديا
-----------------------------------------------------------

اتفق معاك يا عبد الله، الموضوع بالتأكيد لا يخلو من توظيف سياسي
وتحياتي يا حبيب

الاخلاق موجودة في الانسان قبل الاديان
-------------------------------------
والاديان موجودة قبل الانسان يا الغالي
الدين لا يعني الرسالات السماوية
الدين ما نزل من السماء
الدين نبع من الارض

عن اي اخلاق تتحدث
----------------------------------

يا عثمان يا اخوي برد نفسك شوية
انا لم ادعي التدين وحسن الخلق نهائياً
واصلا الكوماج البنخوض فيهو ده يتعارض كلياً مع حسن الخلق

لكن
والله العظيم لامن افترعت الخيط كنت متيقن من انتماء المذكور للحزب الشيوعي، والله على ما اقول شهيد

وعام جديد سعيد
-------------------------------
وانت بألف خير اخوي حيدر
ونتمنى للجميع عام سعيد تسوده المحبة والمودة

سلام
بإمكان اي شخص ان يزعم بانه متدين و على خلق .
لكن عند المحكات قد ينتصر للتنظيم مثلا على حساب الدين .
جعفر ابراهيم هو الفاسق الذي جاء بالنبا
الشفيع وراق لم يتبين و يبحث قبل النشر
النتيجة انه أصاب الشيوعين بجهالة مضافا اليها مراهقة سياسية
لا ادري ان كان الشفيع نادم حقاً ام لا و لكن الملاحظ انه فعلا
العيار اللي ما صاب ، دوش قراء البوست و شغلهم عن متابعة
قضية الفاسد محمد حاتم و غيرها من المكائد التي يتم تدبيرها
للمواطنين داخل و خارج السودان .

اها قال ليكم ما شيوعي لكن مدفور من الحزب الشيوعي
وشرح ليكم اسباب الدفرة
إنو الحزب الشيوعي يعمل تمزيق النسيج الاجتماعي عشان يسقط النظام
يعني مشى وجا تاني رماها في الشيوعيين .

إنتوا يا ناس رجل الامن دا بيشوفوهو بالعين ولاّ بالعقل ؟
بعدما الفيديو ادى قرضو جاكم جاري يعتذر ليكم
وانتوا ما شاء الله عليكم
جايين الاعمى شايل المكسر عشان تكلمونا عن دماثة خلق الامنجى
التى ظهرت فجأتن ..................... يا سلالالالام
الاخلاق كدا ولاّ بلاش ...... ومن شابه رئيسه فما ظلم ..

الفاسد محمد حاتم
--------------------------------------
محمد حاتم برأه القضاء يا نعمات
كلامك ده برضو ممكن يتصنف تحت بند "ان تصيبوا قوماً بجهالة....."

لكن مدفور من الحزب الشيوعي
---------------------------

لم أقل ذلك يا عمر

إنو الحزب الشيوعي يعمل تمزيق النسيج الاجتماعي عشان يسقط النظام
----------------------------------
؟؟؟؟؟؟؟؟؟؟؟؟؟؟؟؟؟؟؟؟

خلاصة الأمر ..

أن هنالك تسجيل .. عنصري بغيض

وأن هذا التسجيل لا علاقة له بالحزب الشيوعي

ولا اليسار عموما

وإنما شخص مجهول إسمه جعفر إبراهيم

..

لا أحد يعرف هذا الجعفر

من المرجح أن جعفر هذا شخصية وهمية

وأن الشخص الذي سجل الصوت .. هو أحد عناصر الأمن

ومعروف أن هذه العنصرية هي فكر ولغة جهاز الأمن

التي تواترت عن أفراده في كل حالات اعتقال وتعذيب ضحاياهم من أبناء وبنات الهامش

كما أن البذاءة ارتبطت منهجيا بخطاب الأخوان المسلمين

منذ كتابات حمدي في صحيفة الميثاق الإسلامي في الستينات

وألوان حسين خوجلي في زمن الديمقراطية


الباقر موسى

براءة ؟
مبروك عليه و على القضاء .

نفس قضاء الانقاذ ( الاسلامي ) حكم قبل ربع قرن بقتل كل من مجدى وجرجس
هل بتقدر تقول انو مجدى وجرجس حق عليهم قطع الرقاب لانه ثبت للقضاء جرمهما ؟

هل بتقدر تقول انو مجدى وجرجس حق عليهم قطع الرقاب لانه ثبت للقضاء جرمهما ؟
----------------------------------------------------
نعم

لا أحد يعرف هذا الجعفر

من المرجح أن جعفر هذا شخصية وهمية

وأن الشخص الذي سجل الصوت .. هو أحد عناصر الأمن
---------------------------------------------



اخونا الفاضل يسن عثمان كتب:
جعفر ابراهيم شخصية حقيقية كانت تقيم في لندن ، ليست لديه اي ايدولوجيا او فكر يساري او يميني او وسطي مسبق ، أقول هذا الكلام علي يقين كامل واطلاع للامر