مع السلامة يا إخوة الوطن الإسفيرى

11:06 PM December, 28 2016

سودانيز اون لاين
عبدالعزيز الفاضلابى-Brooklyn, NY
مكتبتى
رابط مختصر

مع السلامة !
قبل العام الفين وثمانية كنت ابحث عن معلومات توصلنى بصديقى ورفيق دربى وزميلى فى القضاء الواقف الطيب شيقوق فهدانى البحث الى سودانيزاونلاين حيث وجدت صاحبى هو قلبها النابض وملحها الموزن
الذى لاطعم لها بدونه ,, وفى العام الفين وثمانية صرت عضواً وتعرفت على إخوة واخوات لا أجد لهم وصفاً غير انهم بدوراً تنير ليالى غربتنا التى تعاقبت وشموساً تضيئ ايامها وتلفنا بدفء الأهل والصحاب حين تعصف بنا ذكراهم ,, إنهم إخوة وأخوات نثروا الفرح واشركونا معهم تجاربهم ,, واضحكونا بتعليقاتهم واسقاطاتهم الظريفة والذكية فى آن.
كانوا مرآة الوطن ,, ومرصد العالم ,, تناكفنا فى الكورة فتجلَّت روحهم روحهم الرياضية فامتزجت المعانى ,, وانعدل المزاج.
حقهم علينا كثير حتى اؤلئك الذين آلمونا وحاولوا أن يلحقوا بنا الأذى من حقهم علينا ان نشكرهم على منحهم الفرصة لنا لنراجع ايماننا بصبرنا ونعرف مقداره فنعمل على زيادة جرعاته ,, فإما أن نصل به الى درجة العزم وإما نفارق بمعروف قبل أن نقع فى المحظور وللأسف فقد سبق السيف العزل ولامنجا منه سوى ترك كلمة طيبة واعتذار عما اوقعنا فيه الغضب أحياناً وما وقع منا غفلة فلكم جميعاً دون فرز العتبى حتى ترضون ولما كان إرضاء كل الناس غاية لاتُدرك فلا أقل من إرضاء البعض ورأيت إرضائهم لن يكون الا بترك المنبر كما يشتهون.
شكراً لكم جميعاً على كل ما تعلمناه منكم ومعكم.
عبدالعزيز الفاضلابى ,,, الرضعان فوق الخُلال.

يا ريت يا فاضلابي لو قدرت أكتب كلامك دا في خطاب استقالتي لأودّع به الناس العزاز ديل
(تاخد شنو -ما كم- يا شاب وتشركني فيهو؟)

مكالمتك الطويييلة أيام العزاء، لو استثنينا منها جانب التعاطف الإنساني الكبير الذي عزّاني وأعزّني كثيرا
يبقى أجمل ما فيها الصديق الذي كسبته
قد لا نلتقي أبداً على أرض الواقع، لكن هذا لن ينقص من كسبي شيئا
سيما وأن العالم الحقيقي في طريقه للتحوّل إلى عالم افتراضي .. والعكس يجري أيضا
وهذه (لو قُدّر للأمر أن يُصوَّر سينمائيا) ستكون أسلس طريقة تخطر على بال مُخرج
للانتقال من الدنيا إلى الآخرة دون وجل أو إلحاد (got me!)

و.. إن ثبَتُّم ثبتنا

سلامات يا فاضلابي ومعاوية الزبير

فكرت أكتب كلمتين حلوات كدا لعبد العزيز الفاضلابي، لكن أجَّلتهم.. شجعني الآن كلام معاوية على الكتابة..

الكلمتان هما أن لك مكان في قلبي يا فاضلابي حتى لو اختلفنا.
ما في محبتها ضد أضيق به * هي المُدام وكل الخلق ندمان

ويا معاوية أنا لم أعرف رقم تلفونك لأجل العزاء في الوالدة العزيزة أو حمدلة السلام لك بعد الحادث.. طبعا كتبت في المنبر في الحالتين..

المهم

نسعد بوجودكم في المنبر..

ياسر

ما في داعي و الله
معروف الكلام البتقال في الموقف ده هنا على المنبر العام لكن يا فاضلابي الان
اصبح ممكنا أن تحذف بوستك بيدك. احذفه و لما تهدا ابقى ارجع كأنو ما حصل شي.

واحد من أولاد ام سويقو في مدني عمل شكلّة مع أهلو، قام جاري قال ماشي البحر ينتحر
أمو واخواتو من غير توب الصلاة وبسفنجاتن جرن لاحقاتنو
لقنو جنب القيفة بفك في رباط الكبك
قبضوهو وحنيوهو ورجعوهو
قال ليهن:
المرّة الجايّة بنتحر ليكن بالكبك

عليك الله، يا فاضلابي، حنسناك
وخصمناك

سلام يا ياسر الشريف
تعزيتك وصلت والله، ثم إنو العزاء في الأم يظل مفتوحا إلى الأبد
أبد الأبناء أقصد

تحياتي يا سيف النصر و.. نلتقي لحظة النصر

عزيزنا الفاضل/الاب والعم والخال والاخ وابن العم عبد العزيز الفاضلابي ..
.والبنناديه دوما ودحلتنا ود الفاضلاب....
وكدي نقولها ليك بصراحة شديدة وبدون مواربة....المنبر العام بدون وجودك حيكون امسخ من مسيخ...
وتاكد اذا كان سبب وداعك زي سببنا انا واميرة لمن تركنا المنبر العام فترانا نحن وراك وكفاية لحدكده....
.فانت كنت لنا دائما مثل الاب والعم والخال والاخ والصديق الصدوق نستفيد من نصائحك
وكل تعليقاتك الظريفة والمليئة بالحكمة والموعظة كانت دائما تقع في انفسنا موقعا طيبا
حتى سمتك الاميرة حكيم المنبر...
.لقد اتخذنا من قبل قرارا مثل قرارك هذا بالضبط ولكن بعد مداخلات اخوة واخوات اعزاء
وعزيزات اقتنعنا ان تركنا للمنبر العام انما هو اتاحة الفرصة واتاحة المجال لمن سبونا
وشتمونا كي يواصلوا في اسلوبهم السئ والقمئ...
ورجعنا اكثر قوة وعزيمة...واتبعنا القول القائل::"كل مالا يقتلني يقويني"".

عزيزنا الفاضل ود الفاضلاب
نناشدك ونقول لك كما قال ود ابو سن لصديقه الكوستاوي معاوية الزبير ؛:بلاش تفارق..خليك هنا""
ودمت دائما وابدا بالف خير وصحة وعافية
بناتك وبنات اخوانك واخواتك
بسمات
اميرة
امتثال
ابتهال

وين انت يا مسنوح يا ود ابو سن ...ما تجي تتكلم باسلوبك السمح وتقول كلامك المنطقي لود الفاضلاب...

يا جماعة انا ذاتى اقول ليكم مع السلامة ...... ماقادر اقول ليكم كلام سمح ذى حق الفضلابى و ود الزبير ...... لكن شيلوا كلامهم واضربوهو فى إثنين ...... فتكم بالعافية...... والله لا جاب يوم شكركم .

لو كل زول عاوز يشتت عشان زعلة عارضة حانلقى المنبر كله نايم في الشارع :))
ياولدنا اربط الكبك واخد ليك جكة ناحية البحر وتعال راجع
ابقى متل شيقوق العزيز .. خلي حبال الوصل مشدودة وتاوق وقتين ماتحب ...

شنو الحكاية يا فضلابي

الدنيا بره فيها نفس السخف
الناس تحاول تزيد الطيب أما الابتعاد لن يحل المشكلة

موت الجماعة عرس..... لكن الفيك اتعرفت ..... سميته يحى ليحى فى الدواخل لكن مات .....حزمونى ولاتحرمونى سنة التحنيس والسلام ....... كنت مفتكر الناس تبحث عن فايروس الإحباط الحايم فى المنبر بدلا من علاج الوخز بالإبر الصينية المصدية........ واه اسفاى انا من ناس ديل انا واه آسفاى.

يا ايمن نواي ياخي أنا لما عرفتك تالتهم ...

فتحت بوست تاني خصوصي اسمه نادو لينا البناي يبني لينا الجنة

امشي عليهو و كان لقيتني ما أنا .. حقك علينا ...

المتواجدين في المنبر قبل 10 سنوات
التحيه لهم اينما كانو


ABDALLAH ABDALLAH
»ABDELMAGID ABDELMAGID
»Abdulgadir Dongos
»Abomihyar
»Abu Eltayeb
»ahmed abdalla
»Ali Yassin
»atif anees
»baha eassa
»Dr Salah Al Bander
»Dr. Faisal Mohamed
»Farahat Sayed
»Hassan Omer
»Husam Bashir
»Imad Khalifa
»Kamal Karrar
»Khalid Saeed
»KOSTA
»Mahadi
»Mahjob Abdalla
»Mohamed Doudi
»mohamed osman bakry
»Mohamed Suleiman
»Rakoba
»saif massad ali
»SAMIR IBRAHIM
»Tariq Villamosh
»Wasil Ali
»أسامة خلف الله مصطفى
»الملك
»بكرى ابوبكر
»عمر ادريس محمد
»غباشي
»ماجدة عوض خوجلى
»متوكل بحر
»محمد حسن العمدة
»محمد عبدالغنى سابل
»منتصر الامين
»نصار
»هشام هباني

وقبل 5 سنوات



الحضور الان بالمنتدى العام لسودانيز أون لاين دوت كوم 1232 شخص » (50 )عضو و (1182) زائرا
»Abdalla aidros
»Ahmed Abushouk
»AMNA MUKHTAR
»azhary taha
»Deng
»Elmoiz Abunura
»GAAFER ALI
»Hassan Omer
»MAHJOOP ALI
»mohamed osman bakry
»Nagi Ahmed
»Nasr
»Osman Musa
»Sabri Elshareef
»أسامة الفضل
»أمين محمد سليمان
»أيزابيلا
»ابراهيم عدلان
»ادم عيسى
»اسماء الجنيد
»الصادق الزين
»بكرى ابوبكر
»حبيب نورة
»حسين نوباتيا
»رؤوف جميل
»زهير الزناتي
»سناء عبد السيد
»صلاح أبو زيد
»ضحيه ابراهيم
»طارق الجبلابى
»طارق عمر مكاوي
»عادل الباهي عبدالرازق
»عادل شلبي
»عارف الركابي
»عبد المنعم سيد احمد
»عبدالعزيز حسن على
»عبدالكريم الامين احمد
»عبدالله ابوشوارب
»عبدالله عثمان
»عماد حسين
»عمار عبدالله عبدالرحمن
»عمر عثمان
»عياد موسي السني
»فاروق أبوحوه
»قيقراوي
»لطفي علي لطفي
»ماضي ابو العزائم
»محمد خالد ابونورة
»محمد مكى محمد
»ياسر إدريس حسن
هذه الصفحة يعاد تحديثها كل 120 ثانية.

وقبل 3 سنوات





الحضور الان بالمنتدى العام لسودانيز أون لاين دوت كوم 1216 شخص » (25 )عضو و (1191) زائرا
»Bedawi Tago
»Dr. Moiz Bakhiet
»elhilayla
»Nagat Sid Ahmed Elshiekh
»usama Babiker
»أحمد قلوب
»أسامة البلال
»أمين محمد سليمان
»الهادي محمد ابراهيم
»بدرالدين الطائف
»تبارك شيخ الدين جبريل
»حذيفة محي الدين
»د.أحمد الحسين
»صديق الموج
»عبدالعزيز حسين عبدالرحيم
»عمر الفاروق عبد الله الشيخ
»فقيرى جاويش طه
»فيصل محمد خليل
»محمد حمزة الحسين
»محمد علي عثمان
»مكي ابراهيم مكي
»منير عثمان
»ناجي ميرغني
»هشام هباني
»وضاحة
هذه الصفحة يعاد تحديثها كل 120 ثانية.

التحية لك اخونا عبدالعزيز الفاضلابي ولجميع الاخوه الذين غادرو المنبر باختيارهم
واتمني ان تعيد النظر وتواصل مع اخوتك واخواتك

يديك العافية

خوتكم مره تقطع الخميرة من الملاح ..... ما فى زول عبرنى أن شاءالله بى اغنية .....ليه يا جميل يا احلى زول كيفن تسافر مننا ...... باي باي خلاص سايبننا شايلين قليب مليان حنان والدمعة سايلة فى خدنا ..... الواحد لو كان عارف خوتكم كدة كان ضبح ليكم شنو كدا ماعارف واتخارج ....... ندمان انا ابدا وحاتكم عمرى ماشلت الندم ما اصلو حال الدنيا تسرق منيه فى لحظة عشم....... كلمة وداع كتيرة ..... أن شاءالله لما ترجع بالسلامه وترجع ايامنا الندية ......غايتو حيرتونا معاكم ......اودعكم افارقكم أودع اودع أودع كيف !!!!!!!

Quote: اودعكم افارقكم أودع اودع أودع كيف

عادي.. جر الباب وراك وانت طالع

ما ننوم يعني
شنو العوارة دي
اياها الدنيا دي مرة تقفل معاك للطيش
ومرات تكون منبسط زي دوار جمل نسيبو
قال سند
لاتحدث القساة بالهوان حين يعتريك
فالذي يحس ضعفك
الذي تحس
يزرع المدي موانعاً
قطيعةً
كي يتقيك
ف شنو يا حبيب
أكرزْ
وزي ما قلت لي ود المدير
شوف المُطفح
وكرشني كرشة لكن انا عبيط كملتها معاهو لي النهاية
نحكي لي دي وبتكون فايته اضانك
لكن النقول عشان بسمات وبقية المسنوحات
المداحين مدورين في نص السوق .. والقريشات واقعه فيهم هبطرش . الزول يجي يتنقز وياخد ليهو عرضة ويرمي الريال والريالين
لامن الدارة تحما تب والقروش يكترن في قطعة القماش حقت الدمورية الخاتنها في الواطة
يجيهم زول يعرض ويتنقز وبعد شوية يترجم ويتهيج .. يشوت القروش يشتتها كلها ويمرقوا خشمهم ملح ملح
يوماتي زي دة
مرة واحد مانع من المداحين الموضوع زعلو
ونوي عليهو
من ما الدارة عِمرت وزولنا جا خاشي .. خلا المديح وخت عينو عليهو
ومباريهو بي الطِوالة
من ما داير يتهيج تلب فوق رقبتو وهجرو تحتو
ومسك في زُمارة رقبتو لامن الزول زبد
الحجازين كترو
وبدوا يقولوا للمداح الخانق الزول
فكو ياخ .. الزول غرقان
المداح قال ليهم
فتشو المُطفح
اها يا الفاضلابي
إن كان حلاوة كل الناس البتريدهم ما قادرة تطعم ليك مساخة ما يضايقونك
غادر
غادر طوالي
وبحسبها كدة
ان من تحاول ارضاءهم افضل من تحاول اسعادهم
ثم
تحسبهم اصدقاء
تطير الصداقة الجنس دي
حرم حرام من بيتي
لولا وجود بعض من احبهم هنا لغادرت
ولو وجد واحد فقط من الذين احبهم
واحد فقط
لن اغادر
فمن احبهم واحد فيهم بس قادر علي تحلية كل سخف الاخرين
بسمات يا مسنوحة سلمي علي البنيات

Quote: مع السلامة !

قولوا بسم الله يا جماعة الخير.
الحقيقة الأولى: ديوان بكري دا موجود وإتوجد عشانكم.
الحقيقة الثانية: كل واحد جاء ودخل للديوان بطلب وتزكية إلا ما ندر.
الحقيقة الثالثة: الزاير في يد المزور وبكري لم يأذن لكم بالمغادرة.
الحقيقة الرابعة : الزول البدخل وبمرق ( ساكت) بزعل أو بدون زعل زول (ساكت) ما عندو ( اوتوكيت).
الحقيقة الخامسة : أنا ذاتي ما عندي ( أوتوكيت) بسبب النصيحة ( الدشر).
أجل: ممنوع المغادرة، والعايز ( ينجم) يمشي ( يركلس ) شوية و( يجي صادي)...... زين؟!

ود البشرى
غفير الجامعة الكسلان ....ما قادر تدفر الباب بى كراعك .... تجر النم مع الحردلو فى الدوباى .

كسل شنو ياخ القصة بس انّك اهون من أقوم ليك
حتى لو ربطت حمارك مع حمير الكتبة الحردانين و يستاهلو التحانيس ما ح يضيف ليك او يغير من حالك شي
امش كان مشيت ولا كان قعدت ماك فارق ولاك زايد أو منقص شي

بس ما تنسى تقفل الباب وراك, ما تخلّيه متاكى وتعمل الكبك حجّة :)

الفاضلابي..
من قصر حديث يا عمك..لا تذهب..!
لا اؤمن بالطلاق ، لكن لوعصرت علي شوية ح ارميهو فيك..ولأول مرة في حياتي..!!
لي شنو؟..لحاجات انتا ما عارفها وما ح تعرفها..!!
كفاية شيقوق ويحي عبد الكريم وقاسم ، زاغوا بالدو..يعني انتا برضك داير تزوغ؟..
بالعافية ، حبيبنا واستاذنا وصديقنا محمد على طه الملك ، يتاوق بين الفينة والأخرى في هذا المنبر.. باقي ليك من باب حب الظهور؟ بالعكس ، من باب حفظ جذوة تقابة ينبغي ان تستمر وتبقى في هذا المنبر..!!
وحدي يا صديقي افتقد حضور اللوردات يحي ، قاسم ، شيقوق..!!
وصدقني ، ممكن ترجعهم ببساطة..حينما تتحدث عن اهل القانون ككائن وانساني بسيط وتسألهم عن تجاربهم اليومية ، وقتها سيعودون يا صاحب..!!
خيط يا الفاضلابي..انده فيهو محمد علي طه الملك ، محمد المرتضى حامد ، الطيب شيقوق ، يحي عبد الكريم ، قاسم ابوبكر .. وعينك ما تشوف الإ النور..!!
معرفة ، حنين ، يقين ، وسدادة لأمسودان الفضل..والله صحي يا الفاضلابي..!!
لا تذهب يا عمك..!!
لا يغرنك سيادة الإسفاف الذي لا يصنع معرفة في هذا المنبر ، ولكن بي لمحة بسيطة سوف تصنع الفرق..!!..والله صحي..!!
كبر

ول ابا ايمن..
تعرف المخالاة؟..حديث الهمس من الأذن للأذن..!!
هل تصدق يا ايمن ، اخر عضو من ناس المنبر اتكلمت معاهو بالتلفون هو منو؟..
يحي قباني القدامك ده يا ايمن ، واول عبارة قالها لي وانا مارق من ذات شكلة منبرية: هوي يا الغرابي الحاقد الغشيم ، انتا داير تسوي شنو بالضبط..!!!!!!
بالطبع ضحكت وفرحت للغاية ، لأنو ناس عم يحي ديل ، عالم تاني ياااااااااااااااااخ..!!
يعني يحي لو اهداك اشغال ابوداوود بتاعة (نادوا لينا البنا)..فالرجل يرمي لمعاني بعيدة ونضيفة شديدة ، وما احوجنا ليها في ظل احاديث جعفر ابراهيم..!
يعني يا ايمن ، الفاضلابي ممكن نهددوا بالطلاق ، لكن انت يا قريبي..خنق رقبة عديل...!!
ماشين وين يا خلق هوي..!!
كبر

ويا بت ابا بسمات الشيخ..سلامات يا ملكة..
غايتو من القايمة بتاعتك ، انا واقف في محطة صديقتنا وابنتنا الفنانة امثتال..ياخي امكن ذات جكسوية عمك كان في محطة اسمها امتثال ، والغريبة من سنار..!!..يعني نظام ناس بحر ازرق بتاع استاذنا اللورد الطيب شيقوق ، القام الفاضلابي قال لينا ده واحد من اسباب حضورو لهذا المنبر العجيب..!!

هدية لإمتثال التانية (قريبة بسمات اياها) ، غنية من النيل الأزرق ، واول من لفت الإنتباه ليها هو صديقنا واستاذنا اللورد الطيب شيقوق..!!.. أي والله الطيب الكان سبب في حضور الفاضلابي لهذا المنبر..!!



عارفة يا امتثال ، واحد من الأساتذة الدرسوا الطيب شيقوق في كلية القانون ،و نحن جينا درسنا اثارو وكتابو ، الذي يحكي عن تجربته في المجتمعات السودانية (الرجل اتوفى قبل سنوات قليلة ، وكان من ضمن الحضور في تعزيته اخونا الطيب شيقوق..!!)
وقتها يا صديقة ، قرونا القانون ، بانو مش نصوص جامدة ومتعالية ، وانما روح تستوعب الإجتماعي والثقافي والجمالي..!!
اللورد الطيب شيقوق ، تماهي مع تلك الحقيقة ، ونشر غنية (التلاتة بنات ، او بص الرصيرص قام)..ولم يكن يدعو للجهوية ، وانما كان يبصر الناس عما غاب عنهم..!!
بالطبع لمن نفعل نحن ذلك نطلع ولاد حرام وجهويين وعنصرين كمان.. ومش مهم..!!
ذاك هو انسان القانون يا الفاضلابي ، الإنسان الذي يحدثك دون ان تكون متهجس وتبحث عن قبيلتو شنو في امسودان.. بكل صراحة يا حبيب انا لا اعرف قبائل محمد على طه الملك ، محمد المرتضى حامد ، الطيب شيقوق ، يحي عبد الكريم ، قاسم ابوبكر ..وهم لا يعرفون قبيلتي ، ولكن بيننا الأرضيات المشتركة ، الأرضيات الحنين ، الأرضيات التي تشكل روح امسودان الجميلة..!!..شفت بكري ابوبكر ظالمنا كيف وما عمل لينا منبر خاص اسمو منبر (ناس قانون)..!!!
عارفة يا امتثال ، لمن صديقنا اللورد الطيب شيقوق جاب غنية الجمري حامد (التلات بنات) لأول مرة في هذا المنبر ، لم يكن الطيب متهجس بانو الجمري ده منو وقبيلتو شنو ، وانما كان متهجس بالمعاني الكبيرة التي تتخبأ خلف المظهر..!!
وللعلم ، للفنان الجمرى حامد اغنية اسمها (المنجل) والمنجل ألة بسيطة تتعلق بالزراعة والطبقة الكادحة ، واقترحنا من قبل على الحزب الشيوعي السوداني ان تكون تلك الأغنية شعاره ليكسب رصيد جماهيري كبير ، ولكن الحزب الشيوعي عمل نايم عشان يمرق لينا باحاديث جعفر ابراهيم.. فسقط الحزب ، وبقيت القيم الجميلة تتجلي بطريقتها الخاصة..!!
لا تذهب يا الفاضلابي..
ويا امتثال تفرجي في امسودان الجميلة ، فهي ليست مجرد ثقافة صوالين باردة وغامتة..!!
كبر

سلام يا حبيبنا الفاضلابي ...

ياخ أسهل مكان ممكن تكسب فيهو صداقات وفي نفس الوقت عداوات

هو سودانيزاونلاين دا ..

ممكن تلاقي زول يودك بدون ما يعرفك ولا يكون شافك

وبرضو ممكن تلاقي زول يكرهك ساي لله في لله

وبعدين سودانيز دا ياهو السودان الأصلي بكل تناقضاته ومشاكله

يعني لو طلعته من هنا بتلاقيهو قدامك في الشغل وفي الحي وفي السوق ... الخ

فشنو باللاي حكاية

عفوا اذا شوقاً دخلت اليكم من باب الخروج دي ما بتقسم معانا ...

يشهد الله انك زول مهذب ومحترم وما شفنا منك الا كل خير فخليك هنا وبلاش تفارق ياخ!

وبعدين

دينق شنو البتخلي المنبر عشانو ياخ!

دينق يطير والعايزو يلحقو ..

أنت يا تيس يا عنصري حقو تحترم نفسك

Quote: أنت يا تيس يا عنصري حقو تحترم نفسك

يعني أنت شايف كدا يا كدروك؟!


طيب ولا تزعل نفسك ... على العديلة تب

تحياتى الفاضلابى

اكثر الادوات فعالية فى مواجهة الراى الاخر فى النقاش هو : الاقناع بالحجة والادلة .. وليس من الحكمة ترك الساحة لمن يخالفوننا الراى ..
وادعوك مع الداعين على العدول عن قرار الابتعاد عن البورد ..

Quote: المتواجدين في المنبر قبل 10 سنوات التحيه لهم اينما كانو

أشرف
يعني ما شايفني؟ ولا شايل إسمي من قائمة شرف ال 10 سنوات ظلما؟ ولا قايلني ( حماد) بتاع بيوت الأشباح حسب رواية أستاذنا فاروق؟

يا تيس يا عنصري انت

طبعا ما بتقدر تستحمل بعد ان فضحتك وعريتك للجميع وكشفت عنصريتك ووقاحتك.

Quote: يا تيس يا عنصري انت طبعا ما بتقدر تستحمل بعد ان فضحتك وعريتك للجميع وكشفت عنصريتك ووقاحتك.

تعرية السرور يا يابا ( )

محمد حمزة الحسين، بئس التدين الذي تدعيه أيها العنصري.محمد حمزة الحسين، بئس التدين الذي تدعيه أيها العنصري.

أدخل هنا يا رمة ح تلقى كل عفنك ووسخك موجود.

يا كدروك

اكتفي بهذا القدر في هذا البوست كي يبقى تقديرا لأخونا الفاضلابي

افتح ليك بوست وبجيك فيهو اوريك المكشن بلا بصل ... والله صحي :)

يعني قديمة العب غيرها :)

ولو عايز تسمح صورتك المستعر منها دي امسحها ياخ!


تحايا لصاحب البوست وضيوفه

واحد عنصري حقير زيك كمان عاوز يقل أدبو.

تاني تجيب سيرتي بديك على راسك طوالي

وكت السيل يكسر وما يفضل شئ ...... وتبقى الدنيا نقعة مافيها غير الكلام النئ ........ تقعد براك تشوئ فوق جمر الحئ ....... تكشح فى الرماد ما بحلك الروب واحئ ......وكت سديت الباب ما عارف نجم الضئ ..... اقعد فى الضلام لا نور ولا موية من الرئ.

ال ابا كبر
ان شاء الله عافية طيبين ....حمي الفايروس المنبرية ..... حايمة فى المنبر اليومين ديل انا غايتو متهم ود البشرى بيكون دخل المنبر من غير وضوء تحليلكم شنو .....قول لى ود قبانى ادوانا فندكم ندق ونديكم ابيتو تدونا كاروشة تمسك كم .

تحياتي أخ عبد العزيز الفاضلابي
ـ الإنسحاب ليس حلاـ نعم هناك أزمة في المنبر إستمرت سنوات ـ أدت لعزوف كثيرين وخسارة
المنبر لكثيرا من أعمدته ـ وبهتان طابعه التثاقفي والفكري والموضوعي ـ وطفح السباب والشخصنة
والعنصرية ـ وفي رأي أن المعافرة فيه أفضل من تركه ـ مع الإقلال والشغل فيه بربع مكنة
ـ والتنبيه لمكامن الأزمة ـ الأفضل المساهمات المتقطعة والقليلة فيما يفيد
فهي حلا بين الإنقطاع الكامل والوجود المستمر الذي يفرز الأسي وعدم الجدوي والعبثية....

أحبائى الذين عصرت لهم قلبى أهازيجاً فى أغنياتى.
ربما خاننى التعبير وانا اودعكم ,, لم يكن وداعى لكم زهداَ فى محبتكم التى القيتموها علىّ ولم يكن بسبب
غضبى ممن آذونى. إنما بسبب عدم رضائى عن نفسى وانا استجيب للإستفزاز بمثله.
ولما كنت أعلم يقيناً أن نسبى لايتصل بأيقونة الصبر سيدنا ايوب عليه السلام ,, واعلم رواية أن نسبى ربما يكون
متصلاً بالعباس فلن أعدكم بأن أكون أيوباً لأن عرقى ينزعنى الى قبيلة اعتادت على الكُماج كما تقول الرواية.
اودعكم لانى انزلقت منزلقاً اعلم انكم لاترضونه لى ,, ولو اعمل احدكم البصر ربما يرى البرهان بين طيات هذا البوست.
إذن أنا بين خيارات ثلاث :
إما أن أبقى معكم متدفياً بمحبتكم ,, وأضرب صفحاً عن الأذى ولاأرد إساءة بمثلها ,, وإما أن أجهر بالسؤ عندما أظلَم وعندها أكون
مخالفاً لفضيلة الصبر الذى يتفاوت فيه الناس. وإما آخدها من آخرها واترك هذا المكان حتى لا أضطر الى الخيار الثانى.
أنا لم أهرب من المجالدة ولكن عشان خاطر عين تُكرم الف عين ولا احب أن يرانى أحبابى منغمساً فى مستنقع السؤ ,,
لذلك آثرت أن أضع حداً لإقامتى بينكم بالوجه الذى عرفتمونى به واغتنم هذا البوست لانظف وجهى مما الحقته به جراء الغضب
فقد ساببت أحد االذين حضروا لهذا البوست وهو الأخ دينق فرغم أنه بدأنى بالظلم واعتقد لى الأذى فما كان لى أن أخاطبه
بما خاطبته به ,,, لذلك أقول له حقك على فأنا بشر وليس نبياً ولا ملكاً , ورسولنا الكريم محمد صلوة الله وسلامه عليه قال:
{كلكم خطاؤن وخير الخطاؤن التوابون}
ولما كنت لا أضمن نفسى أن أعود لمثلها أسمحوا لى أن أبقى بينكم قارئاً وأذكرونى بالجميل أما القبيح فها أنا قد اعتذرت عنه ,,
واستدرك ان اعتذر لكل من نلته بما لايرضى
واخص الاخ ابوروضة رغم انه حمّل كلامى غير الذى أقصد وسبق أن ارسلت له رسالة داخلية اعتذرت له فيها اعتذاراً جميلاَ
ولكنه لم يقبلها على مايبدو لأنه عاد بعد رسالة التصافى تلك ووصفنى بالهبل ,, ومن هنا اكرر له اعتذار ,,
كما لايفوتنى أن أشكر الأخ او الابن هيثم غالى لأنه قال كلمة حق حين ظُلمت.
ودمتم جميعاً بخير.

ما عندنا خاطر عندك !!!
ونتمنى مرة ثانية تختار الخيار الاول
وهو ان تبقى معنا متدفيا بمحبتنا وتصفح عن الاذى...
..والقوي دائما هو من يعفو عند المقدرة...
ودخلنا واسطة المسنوح ود ابو سن..لاننا بنعرف عنده معزة
عندك وبرضه عنده منطق قوي لا يرد...
ودمت بالف خير وصحة وعافية...

لا حولااااااااا متين يا المسنوح بقيت مثقف للدرجة دي من ورانا وكلامك رحيتو ثقافة ثقافة
اتقول بتنضم في رادي
خلينا من الكلام الكتير دا ورروووك ورروووك ورووووك
اخد ليك انجمامة وتعال صاد ارضع فوق الخلال
الكتاحابل اصلو شنو هو ؟
عرس ول عيد ؟
اديناك تلاتة شهور ونص راحة رضعان ساكت برا خلال
عديهن وتعال سمح ؟
س س : ود الزبير و ود نواي

الاخ الفاضلابي سلام :
- الشرع اداك حق الرد : اشتغل بسياسة البشتمك اشتمو
- الانبياء والرسل تم شتمهم وضربهم من السفهاء ولكنهم لم يهربو
- وانت راضع من الخلال وعاوز تهرب .. افو .. افو