محمد مصطفى عبد القادر و العمالة لجهاز الأمن!

06:13 PM December, 21 2016 سودانيز اون لاين
سيف النصر محي الدين-
مكتبتى
رابط مختصرشنو شابكنا لا يجوز الخروج على الحاكم و قال الاصوليون و نحن كلامنا كلو بالدليل و ما عارف شنو؟ دليل بتاع شنو بالله قوم على حيلك طيب في سؤال بطرح نفسو هنا..و الله صحي..اذا في دليل على عدم جوازالخروج على الحاكم ..هل في دليل على قبول دعوة عشا و فطور من مدير الجهازو في مقر الجهاز؟ هل في دليل على االفطور و شراب البارد مع المسؤولين الأمنيين؟البارد ده عفيناك منو..و الله صحي..لكن العشا و البطاقات دي نعفيك منها كيفن.كدي اسمع نفسك في الفيديو التحت ده بين الدقيقة 48 و ساعة و عشرة دقايق تقريبا مش ده انت القلت انو بعد الاطاحة بالترابي مدير الأمن جابك و قال ليك دايرنكم تتعاونوا معاناعلى خدمة الاسلام؟من متين جهاز الأمن بيخدم الاسلام؟ انت قايلنا جايين من وين؟ يعني اي عاطل يجي يقول لينا جهاز الأمن طلب مني اتعاون معاهم لنشر الاسلام نقوم طوالي نصدقو؟ثم مش ده انت القلت انو عندكم بطاقات مكتوب فيها ما يتعرضوا ليكم و ما يقبضوكم؟اوعى تقول لي دي بتاعت هيئة تزكية المجتمع..تزكية مجتمع بتاع شنو؟ قوم اقيف على حيلك تزكية المجتمع دي تبع ناس الأمن؟ تزكية المجتمع دي بعملوها اثناء تناول طعام العشاء مع مديرالأمن و في مقر جهاز الأمن هههاههها يا زول نحن في نهاية المطاف اي عاطل يجي يقول لينا ما تعارضو الحكومة طوالي بنعرف انو عنده مصلحة و انو لاعب صالح ورقو..و الله صحي.

الغريبة في اللقاء ده ما قال عاطل و لا تف في المكرفون و لا قال لي زول اطلع برة
عمك شديييد ههههههههههه

سلامات يا سيف.

بالله محمد مصطفى عبد القادر بقى "شيخ" !

ده زول كان معروف في منطقة المقرن والخرطوم غرب بأنه كان ربطاي وزعيم عصابة، وكان كمساري في بصات أبو رجيلة.

يجي هسع يدعي بأنه شيخ!

يا لها من مشيخة مسخرة

وأكيد أنه زمن الكيزان الرديئ

Quote: شنو شابكنا لا يجوز الخروج على الحاكم

تحياتى يا سيف

بعد ان قال محمد مصطفى عبدالقادر فى الاخوان المسلمين مالم يقوله مالك فى الخمر وقوله فيهم ان عقيدتهم فاسدة فى المقطع ادناه
فاننا فى غاية الدهشة والاستغراب فى قوله عدم جواز الخروج عليهم .. ( هذا تناقض )

سلامات يا دينق
الزول ده من ناحية انو شفت فهو شفت و ظاهر من طريقة كلامه الخلفية الثقافية الجايي منها ههههه
اما من ناحية المشيخة فهو شيخ كبير الآن و عنده معهد عديل لاعداد الدعاة اسمه معهد الرشاد.
تخيل انو في مرة بتكلم عن بعض تلاميذه و عن انهم كانو متعجلين للنزول لساحة العمل الدعوي
whatever that might be اها قام قال انهم كانوا بطلبوا منو انو ينزلهم السوق!
الشغلانة سوق عديل و مصدر للتكسب .

سلامات يا علاء
عشان كده المراقة بتاعتو في البرنامج بتاع المصريين الفي الفيديو انو النظام اخرج
الاخوان من صفوفه و انفصل عنهم. مع أنو اي شافع في السودان عارف انو الحركة الاسلامية
ظلت ضمن المؤتمر الوطني و أن جميع قادة الانقاذ هم في الاساس من كوادر الجبهة الاسلامية
و الاخوان المسلمين بما فيهم و على رأسهم عمر البشير الذي تفاخر قبل ذلك أن والده بايع
حسن البنا شخصيا، رغم تشكيك بعض المطلعين في هذه الرواية.

والله من الأول كان عندي يقين بأنو هذا المهرج المدعو محمد مصطفى عبد القادر
وصبيانو الشفاته بلعبوا لعبة كبيرة لصالح جهاز الأمن

لعناية امير بوب

سلام سيف النصر

ياخ الراجل دا رغم انو زول ظلامي و جهلول جداً ، لكنه راجل لذيذ
عمّك مكمِّل الشفتنة و الصعلكة علي اصولها و قدر يوجد لنفسه شعبية كبيرة من مافي حتي صار يمثل عقدة لمعظم السلفيين
و كلو بقي متأثر باسلوبه و يحاول تقليده ، الغريبة حتي الذين اختلفوا معه من السلفيين و يناصبونه العداء ، يحاولون تقلييده في الاسلوب و إدعاء الشفتنة للخروج
من الإطار التقليدي للكائن السلفي !! ياخ أي واحد فيهم داير يركِّب مكنة الزول دا عن طريق إجترار عباراته و الفاظه و أسلوبه في الكلام.
هو غايتو لسانه سليط ، و حاضر البديهة و يعتبر أفضل كوميديان موجود في الساحة حالياً.
والله صحي !

سلامات يا امير يا زميلي في رابطة معجبي محمد مصطفى عبد القادر :)
طبعا معانا ود المدير و امين البشاري ههههه
شفت المقطع البحكي فيهو قصة البت الاخوانها خلوها مع راهب في صومعة جنبهم؟
ياخ ده بحرفنة عالية جدا حول قصة حصلت قبل الاف السنوات لقصة معاصرة و حول
الراهب المزعوم لابوك الشيخ بتاع الزمن ده.
انا ضحكت في المقطع ده لما دموعي جرت..خصوصا منظر الراهب و هو بجر السبحة.

ههههههه
والله لاكين لقيتك متابع ..
ياخ والله عمك تقول كان قاعد معاهم جوه الصومعة !
الزول دا حريف شديد و عنده قدرة عجيبة الحكي و شد الانتباه !
حتي التلاعب بدرجات الصوت و توظيف ذلك مما يعطي دلالات معينة
غايتو لو كان مشي في درب الدراما البداهو داك كان متّعنا أكتر ..
...
غايتو عمّك دا ضقّل بالعصبجي صاح و ندّموا ليك علي اليوم الحاول يتظارف فيه
و خلّاه هو ذاتو يكتل ملف !
...
من اجمل المقاطع هي كلامه عن أولياء الله ،، هههه
قال ليه يا خ زولك دا ما بنعرفو ، دا ولي ساي بالاستفتاء الشعبي ، وليتوه انت و بتاع الصعوط و بتاعين البطاطس هههههه

تحياتي دكتور سيف

سلام دكتور سيف وباقي الضيوف

محمد مصطفى وغيره ممن يطلقون على أنفسهم الدعاة والعلماء وغيره مجرد دمى في أيدي جهاز الأمن يوجههم كيفما يشاء سواء بعلمهم أو بدون. لكن مافي شك الزول كوميديان درجة أولى وخسارة البلد ما استفادت من موهبته دي زي ماذكر الأخوان المعلقين قبلي.

سلامات يا سيف وضيوف البوست

في الحلقة مع الرضواني يبدو ان جهاز الامن المصري دخل في اللعبة

من اجمل حلقات المهرج كلامو عن دكتور محمد عبد الله الريح وحكاية الضب

دي مش تف في المايك وبس، لأ كمان خبط المايك

سيف سلام
يعني الزول دا ما طلع بتاع دراما ومسرح
انا قايلو بتاع مسرح ودراما لانو بالجد الصوت بتاعه دا بتاع ممثلين وحركاته زاتا حركات دراميين مخضرمين

كيف ما بتاع دراما ؟!
ول يتقصد ما بتاع دراما وبس
كان كدا معليش
https://youtu.be/6F2zFeZBS6khttps://youtu.be/6F2zFeZBS6k

منتصر بقيت شايل نوبتك وتطبل للشيوعيين
سيف النصر اختشي

هههههههه الصوفية وجه قبيح للإسلام

هههههه يا منتصر انت قايل القبة تحتها فكي

Quote: هههههههه الصوفية وجه قبيح للإسلام

قل في الصوفية كما تشاء
هناك غيرك في هذا الموقع من سب سيد الصوفية
ونبي الإسلام عليه الصلاة والسلام
وكل إناء بما فيه ينضح
بالله لو في واحد قال ليك الوهابية بداعشيها وطالبانها
وبوكو حرامها وقتلها وسحلها وتكفيرها هم أجمل الناس بتصدق؟؟؟؟؟؟؟؟؟؟؟
لو صدقت هذا تكون أنت رجلاً مريضاً مرضاً نفسياً

Quote: بالله لو في واحد قال ليك الوهابية بداعشيها وطالبانها وبوكو حرامها وقتلها وسحلها وتكفيرها هم أجمل الناس بتصدق؟؟؟؟؟؟؟؟؟؟؟

مشكلتك شايل بيضك كله في سلة واحدة وماعارف تفرق بين داعش وأنصار السنة والوهابية وبوكو حرام
يعملوا ليك شنو .
حاول اتعلم أوجه الاختلاف بين الملل والنحل ما تبقى زي العلمانيين شايلك الهواء

Quote: لو صدقت هذا تكون أنت رجلاً مريضاً مرضاً نفسياً

لو لبست أخضر مرقع وأخدت لي شهرين ما استحميت وقملي مشى في ملابسي زي حواركم ديل وبقيت ألف زيكم زي مروحة التربيزة وانطط فعلاً أبقى مريض نفسي ..

Quote: وبقيت ألف زيكم زي مروحة التربيزة وانطط فعلاً ..أبقى مريض نفسي

هل تعني الجنون الذي نسبه ابن بطوطه لشيخ اسلامكم ابن تيمية؟
قال في كتابه العبر وديوان المبتدأ والخبر وهو يتحدث عن ابن تيمية قال:

Quote: وكان بدمشق من كبار الفقهاء الحنابلة تقى الدين ابن تيمية كبير الشأن, يتكلم فى الفنون, إلا أنّ فى عقله شيئاً

Quote: لو لبست أخضر مرقع وأخدت لي شهرين ما استحميت وقملي مشى في ملابسي ..

زي قمل شيخ اسلامكم الذي ذكره تلميذه ابن كثير؟
قال ابن كثير في تاريخه وهو يتحدث عن وفاة ابن تيمية وتشيع جنازته قال :
(((ودفع في الخيط الذي كان فيه الزئبق الذي كان في عنقه بسبب القمل مائة وخمسون درهما)))

Quote: مشكلتك شايل بيضك كله في سلة واحدة وماعارف تفرق بين داعش وأنصار السنة والوهابية وبوكو حرام يعملوا ليك شنو .

يا الشغيل النكار
ها هو الكلباني يكذب كلامك بكل صراحة ووضوح
هل أنت وهابي أكثر من الكلباني؟!
وها هو يقول صراحة أن داعش نبتة سلفية

وهاك دا كمان
https://youtu.be/KFnrRkW9mEIhttps://youtu.be/KFnrRkW9mEI

ديل شيوخك الهايج وغاضب عشانهم
ديل بعد ما كفروا خلق الله كلهم وأهل السودان كلهم إلا أنفسهم
قاموا في الأخير ألتفتوا يمنة ويسرى فلم يبقى لهم أحد لم يكفروه إلا أنفسهم
فقاموا كفروا أنفسهم...
الله يستر بعد كدا حايكفروا منو بعد نفسهم؟!

أولا : الشيخ الاستاذ المربي الجليل الشيخ محمد المصطفي عبد القادر حفظه الله تعالى ؛ رجل دين حق لا يخاف في الله لومة لائم ؛ حاد كالسيف لكل مبتدع من شيعي على شيوعي على صوفي على جمهوري على نصراني على وعلى وعلى ؛ رجل عهدناه عن قرب منذ عام 89 بمساجد انصار السنة المحمديه ؛ عمل في اغلب مساجد انصار السنة على نطاق السودان ابتداء من درامالي وكنور وعطبرة والي رفاعة ومدني والي غرب السودان ؛ استقر بالفتيحاب وله مسجد ان لم تذهب مبكرا لن تجد ما تصلي عليه ولن تجد مكانا للصلاة من كثرة المحبين والطلاب الذين يدرسون في مركز الرشاد الديني بالفتيحاب ؛ رجل مواقف اخرس كثير من الالسن واسهم مع بقية اكابر الجماعة السلفية في تاسيس العقيدة والمنهج بعدما كان السودان يغوص في مستنقعات الجهل العقدى التي زرعوها متعمدين (الاسياد) ؛ فجهلوا الشعب واستباحوا نساءهم واموالهم واوالادهم وبيوتهم ؛ واستعبدوا الشعب فصاروا اسيدا على اكتاف الشعب مستقلين صعف العقيده والمنهج ؛ حتى ظهرت الجماعة السلفية في السودان باسمن انصار السنة المحمدية وتفرعت منها بقية الفروع ؛ رغم الخلاف الذي بين الجماعات الا ان المنهج واحد وهو كتاب وسنة بفهم السلف الصالح اكثرا الناس فهما للدين ومن يليهم من التابعين ؛ فالشيخ محمد المصطفى عبد القادر له الشكر والثناء ونسأل الله ان يجعلها في ميزان حسناته واجر وعافية ؛ فلا يضير نبح الكلب سير الأبل ؛ وكم من قطط تطاولت على اسود في اقفاصها

ثانيا : الخروج على الحكام في الشريعة الاسلامية لا يجوز باي حال من الاحوال (ولا ياتني عاطل ويقول انت كوز وانت مؤتمر فأنا مغرب وفصلت بصورة تعسفيه عن عملي في السودان وضاق بي الحال ؛ الى ان فتح الله على بنعمة الاغتراب والركض خلف لقمة العيش والحمد لله رب العالمين اولا واخرا) وذلك بالدليل والحجة واقامة الحجة على الناس وقل هاتوا برهانكم ان كنتم صادقين والاساب هي :

1/ في الحديث الشريف عن حذيفة بن اليمان قال : قال رسول الله صلى الله عليه وسلم : ستكون أئمة لا يهتدون بهديي ولا يستنون بسنتي وسيكون رجال قلوبهم قلوب الشياطين في أجساد الإنس قلت كيف أصنع إن أدركني ذلك قال تسمع وتطيع للامير الأعظم وإن ضرب ظهرك وأخذ مالك) انتهى ؛ هذا الحديث واضح وصريح بعدم الخروج على الحكام حتى وان كانوا ظلمه فاخذوا المال وضربوا الظهر.

2/ لان في الاسلام القاعدة الشرعية تقديم درء المفاسد على جلب المنافع ؛ والدليل قول الله تعالى (يَسْأَلُونَكَ عَنِ الْخَمْرِ وَالْمَيْسِرِ قُلْ فِيهِمَا إِثْمٌ كَبِيرٌ وَمَنَافِعُ لِلنَّاسِ وَإِثْمُهُمَا أَكْبَرُ مِنْ نَفْعِهِمَا) ؛ في الخمر منافع ولكن اثمها وضررها اكبر وتم تقديم (الاثم) على (ومنافع) من هذه القاعد تقديم درء المفاسد على المنفعة فتغير النظام او الخروج على الحكام ستترب عليه اضرار ومفاسد منها :

1/ قتل ابراء في المظاهرات (وهي وقتل النفس التى حرم الله الا بالحق) ومن الكبائر قتل النفس والنظام لن يقابلك بالورد بل بالرصاص
2/ عدم توفر الامن وحالة الارتباك في الشرطة والجيش ودخول المخربين وانفلات الامن في الدولة كما نشاهد في كل من ليبيا وتونس ومصر وسوريا واليمن والعراق وغيرها
3/ انهيار البرنامج الاقتصادي في البلد وتوقف عجلة التنمية حتى وان لا تذكر بجانب السوء الاداري بالدولة
4/ اقتتال الاحزاب والناس في السلطة وتفرق شمل البلد بالعصبية والحزبية
5/ تنفيذ اجندة دولة كبرى مؤثره لا تخاف الله فينا ولا رسوله صلى الله عليه وسلم وتسليم الامر لها
والاسباب كثيره وهذا ما يحدث في الدول التي ذكرت ؛ فكل هذه المفاسد والقتل والهرج والمرج ل يتم تغير النظام ؟؟

الدين امر بالشوري والنصح للرئيس وحكومته وتقديم المناصحة والمشوره
وأنا شخصيا التزم المنهج والسكوت

ممتاز كونوا يتلموا مع بعض صوفي وشيعي وشيوعي ونصراني وجمهوري كما يقول الشيخ الجليل محمد المصطفى الشبكة واحدة فقط تختلف الارقام
صدقت والله مجموعة عطالة وشفتة من النصارى والصوفية والجمهوريين والشيعة والشيوعين وووووألخ من العطالة في بوست واحد

لك التحية يادوك .. ولضيوفك الكرام ..

انت عارف يا دكتور سيف لما اسمع هذا المهرج الاشر
وحوليه المهوسين والمجانيين من قومه بتأكد انه الابتلاء
ليست فقط بالامراض فامثال هولاء افتك من الامراض !!!
المستعصية ! لانه امثال هولاء منبع التسمم الفكري والاخلاقي
!لكن في النهاية بمثلوا اقلية منبوذة في السودان زيهم وزي
المنبرامثال احمدونا ومحمود الزبير المهوسين وغيرهم من
المهلوسين .

ولك الشكر يا دكتور علي التنوير والمساهمة في الاستنارة للجميع .