Post: #2
Title: Re: دكتور اسامة الامام...اين انت يا صديقي؟؟؟
Author: اسامة الامام
Date: 12-22-2016, 09:52 PM
Parent: #1
Quote: الدكتور الجميل اسامة الامام
مسجل غياب
لعل المانع خير |
اخونا الحبيب الغالي بوعمار
ان شاء الله بخير وعافية ..والأسرة الكريمة وكل الأحبة
كتر خيرك كتييييييير علي السؤال يا راقي
موجود يا سيدي بس مداقشة الدنيا ومكابدة الزمان وغلبة الحياة
باقي جيت عنديكم لي مدة..بقينا من غربة لغربة ومن بلد لبلد..بلا بلد
رميت عصاتي بس لسه ما استقريت الحمد لله والمنة له
بس وحاتك في بالي اتصل عليك..لو رقمك ما بدلتو تال الأيام
اتوقع مني كول في القريب ان شاء الكريم
اكرر عميق امتناني وفخري واعتزازي بكريم سؤالكم وتفقدكم الطيب لشخصي الضعيف
والتحايا عبركم وكل الود لكل الزملاء والاصدقاء
اصلا باقيلي اني مقصر في حق الكل
|
Post: #3
Title: Re: دكتور اسامة الامام...اين انت يا صديقي؟؟؟
Author: معاوية المدير
Date: 12-22-2016, 10:03 PM
Parent: #2
.غايتو يا ياسر أحرجتني جِنِس إحراج !، لكن برضو كتّر خيّرك
ؤ بارك الله فيك طلعت أخيّر مِننا وتفقدت هذا الرجل الجميل.
يا دكتور زي ما بيقولا، لوّم السواد والرماد، دخلنا في حِتة ضيقة بالحيّل،
لكن ساحة عفوك ورضاك أرحب.
عليك الله أمسحا لي في صلعتي.عاطر التحايا لكُما...
|
Post: #4
Title: Re: دكتور اسامة الامام...اين انت يا صديقي؟؟؟
Author: اسامة الامام
Date: 12-22-2016, 10:23 PM
Parent: #3
Quote: غايتو يا ياسر أحرجتني جِنِس إحراج !، لكن برضو كتّر خيّرك
ؤ بارك الله فيك طلعت أخيّر مِننا وتفقدت هذا الرجل الجميل.
يا دكتور زي ما بيقولا، لوّم السواد والرماد، دخلنا في حِتة
ضيقة بالحيّل، لكن ساحة عفوك ورضاك أرحب. عليك الله
أمسحا لي في صلعتي.
عاطر التحايا لكُما... |
اووووووو ود المدير يا حبيب
خبرك وحالك ومحتالك وعيالك والديرة
ان شاء الله عافية درت
لا وحاتك ات ما بتقصر ولا قاعد تقصر
ودائما سباق للخير والسعال عني
محل ما اقبل قاعد تلحقني وتتفقدني
وكان في لوم..بيكون فوق رقبتي دي
بس زي ما قلت لياسر
بقينا من صقيعة لصقيعة..بس الحمد لله
وتسلم صلعتك ياخ وكل ما تالاها
عارف اكتر زول اتلوم معاهو منو....حبيبنا ود الزبير
من بعد العملية تاني ما اتواصلتا معاهو.كل يوم اقول اتصل عليهو بكره..القي بكرة فات
والله بالجد داخل في ضفوري منو خجلا واتلوم معاهو لوم الشدر البتقولو دا واكتر
نتمني منو السماح والعفو ونتمني ليهو كامل الصحة والعافية
|
Post: #6
Title: Re: دكتور اسامة الامام...اين انت يا صديقي؟؟؟
Author: ياسر منصور عثمان
Date: 12-24-2016, 09:15 AM
Parent: #3
اصيل يا معاوية اخوي
وود الامام يستحق كل خير
مع ودي
|
Post: #5
Title: Re: دكتور اسامة الامام...اين انت يا صديقي؟؟؟
Author: ياسر منصور عثمان
Date: 12-24-2016, 09:13 AM
Parent: #2
الحمد لله على طلتك حبينا ود الامام
التلفون ياهو زااااتو
انت وين ؟؟؟
مع ودي
|
|